لايا..........الحضري

mohmedmosa80 كتب:البديل النقدى لا يتعدى 10 الف جنية وتصرف بعد طلوع روح والتوقيع على مستندات وامش وتعال وهل يساوى البديل النقدى مبيت ليلة واحدة فى ميدان العدالة ؟ ثمن الوطن غالى يا حضرى وان قبلت ياحضرى ببيع ارضك وجروفك بضعف هذا الثمن فنحن جاهزون والمبلغ كاش

شكرا اخي محمد علي مرورك ولك التحيه والاحترام
فعلا هو مبلغ ضئيل وتافه ولكن حتي لوتمت مضاعفة هذا المبلغ عشر مرات فهو ايضا مرفوض لسبب بسيط هواننا نريد مدنا في البلد كاملة الخدمات مويه وكهرباء وطرق مسفلته وصرف صحي ومدارس ومستشفيات ورياض اطفال ومراكز ثقافيه وانديه وميادين عامه واسواق . غيرنا لم يتاثروا ولم يضحوا ونالوا اكثر من هذا....لماذا
واخري ان البديل النقدي خديعه كبري وقد كان الترتيب بعد استلام مبلغ الترحيل والاعاشه ان يقولوا ان هؤلاء القوم قد استلموا حق مساكنهم واستلموا حق الترحيل والاعاشه اذا ماذا بقي لهم من ناحيه قانونيه في ارضهم ..خاصه يامحمد ان معظم اراضي المناصير قد وزعت علي مستثمرين اجانب ومحليين

*****

ALIHADOWRY كتب:حقيقة البديل النقدى هو مصيدة وقد طالب المهجرون بشهادات البحث فى مدن التهجيرولم تعطى لهم حتى يبيعوا لادارة السدود 10 الف وفى سوق اللة اكبر 30 الف ان ادارة السدودتسرق حقوق المهجرين واصحاب الخيار المحلى معا فهل توحدنا حتى تقتلع حقوقنا من هذة الادارة الظالمة

شكرا اخي علي
من الذي يوحد المناصير لايوجد حتي الان شخصيه منصوريه واحده يمكن ان يجتمع حولها كل الناس .حتي كبار المناصير اما مع اوضد عندنا ازمة قياده حقيقيه عندنا صراع زعامات عنيف عندنا ناس ممكن تشتري مواقفهم بفلوسك عندنا الحقد والحسد .صحيح عندنا الشهامه والضكاره والكرم وعندنا التاريخ الناصع لكن دا يساوي شنو اذا لم نتخلص من سلبياتنا

ساري الليل كتب:لاتعقيب ....

وأن ثمت تعقيب فرسالتنا للسيد رئيس الجمهوريه ان ترفع اداره السدود يدها تماما عن ملف المناصير شاكرين

شكرا اخي ساري علي المرور ولك التحيه
مش كان احسن تكون الرساله للسيد الرئيس ان يبعد عن ادارة السدود كل الذين يعيقون حل قضيةالمناصير وكل قضايا المتاثرين
لنفترض جدلا انه اعطانا مفوضيه منفصله وتولي امرها نفس نوعية الرموز اياها ماذا سيكون مصيرنا
العله ليست في ادارة السدود او مفوضيه منفصله العله في الاشخاص ومن يسندهم من الكبار بقوه

محمدالحسن طيفور كتب:اخى على الكليس تحيه طيبة القضية كبيرة وغلمضة جدا واكبر من فلان وفرتكان والحكومة دقست يوم زار البشير المناصير وجب ما قبلة والا لما كان لنا حق المطالبة لكن تقول شنوا شغله كلها لوله فى لوله غايتو الحكومة دايشة والمناصير انا تايص واخوى هايص

شكرا اخي محمد علي المرور
حللتها كويس لكن ماانت ود ناس صالحين ماتكتروا لينا من الدعاء عشان ربنا يفرجها ويكفينا شر القادم من الايام

سليمان محجوب كتب:

علي الكليس كتب:

ALIHADOWRY كتب:حقيقة البديل النقدى هو مصيدة وقد طالب المهجرون بشهادات البحث فى مدن التهجيرولم تعطى لهم حتى يبيعوا لادارة السدود 10 الف وفى سوق اللة اكبر 30 الف ان ادارة السدودتسرق حقوق المهجرين واصحاب الخيار المحلى معا فهل توحدنا حتى تقتلع حقوقنا من هذة الادارة الظالمة

شكرا اخي علي
من الذي يوحد المناصير لايوجد حتي الان شخصيه منصوريه واحده يمكن ان يجتمع حولها كل الناس .حتي كبار المناصير اما مع اوضد عندنا ازمة قياده حقيقيه عندنا صراع زعامات عنيف عندنا ناس ممكن تشتري مواقفهم بفلوسك عندنا الحقد والحسد .صحيح عندنا الشهامه والضكاره والكرم وعندنا التاريخ الناصع لكن دا يساوي شنو اذا لم نتخلص من سلبياتنا

شكرا اخونا علي
لكن اظنك هنا لم تصب الحقيقة

تقبل الامر الواقع

شكرا اخي سليمان محجوب علي مرروك
لكن اين الحقيقه اخي سليمان دلنا عليها حتي نهتدي .. الحكمه ضالة المسلم

ود المناصير كتب:

علي الكليس كتب:

عندنا ناس ممكن تشتري مواقفهم بفلوسك

هذا صحيح ... وقد ظهر جليا حتى في كتابات البعض في هذا المنتدى ... فمن يشتري من ؟

وكذالك ياود المناصير في كثير من المواقف والاماكن تغيرت مواقف الرجال 180 درجه اين كانوا بالامس واين اصبحوا اليوم.. ابحث عنهم وستجدهم ....المال عصب الحياه
الذي يكتب واضح في مواقفه ويمكن مقارنة مايكتبه سابقا بما يكتبه هذه الايام وبسهوله يمكن فضحه .. اوليس كذالك

صديق عبدالله علي أبوحنة كتب:طيب إذا كان قال ما عندهم إعتراض في إنو الناس يسكنوا.. وليس هنالك ترحيل قسري..
طيب الناس الحا يسكنوا حول البحيرة، موش محتاجين لطرق، لكهرباء .. لمدارس. لشبكة مياه، وينا الحاجات دي!
إنت بس بي تقول لي اسكن وتخلني ساكت بلا بنية اساسية للحياة!.. حقي وين كمواطن دافع ضريبة؟
خليك من إنو انا عندي حقوق في الإغراق

شكرا ياهندسه علي المرور
وهذه هي المعضله ..وذالك حتي تصبح البلد طارده...ياصديق ابحث لينا عن السر... ماذا في بلدنا ..وماذا يريدون منها