الهم اني اعوذ بك من الدبايب وناس الضرائب ولدغة العقارب

سهام علي محجوب كتب:الله يكون فى العون اذكر قصه لولد جارتنا هنا فى العاصمه الخرطوم يوم ضربو الكوراك الولد لدغتو عقرب وديك يا العربيه جرى على المستشفى الخاص وديك يالعنايه وداك يالجرى وداك ياالبكى من الام والحبوبه والخالات والعقرب شنو ياسفيان نوويرى صغيورى اتحسترتا وكنت دايما عندما اسمع ان طفلا قتلته العقرب فى بلدنا اقارن هذا المشهد

م بروي كتب:[img][ندعوك للتسجيل في المنتدى أو التعريف بنفسك لمعاينة هذه الصورة][/img]
أعوذ بك من الدبايب وناس الضرئب ولدغة العقارب.... وتغى المدراء امان شنايب
(هي جمع شنب شنو؟ شُنُبه واللا أشناب واللا شنبات واللا شنانيب واللا شناب) ياخوي نجمع على كيفنا ما قبل كده جمعنا كبك كُبٌكه وكُشك كشكه وسرج سُُرجه ولا حدي كان بكلمنا

الباش مهندس ود جيب الله كتب:انت يا سفيان داير تصل لي شنو ؟
الموضوع انت تناولته في الفيس وشرحنا ليك شرح وافي
الموضوع كان مقترح من ود المناصير تحت عنوان ديونك يا بلد
قام الاخوة سلمان وخالد بتبنيه مع كل الاعضاء
كل زول ساهم اسمو مسجل وقرشو الدفعا مسجلة وموجودة الاسماء في المنتدى وفي الفيس بوك
وسعر الامصال معروف وباقي المبلغ معروف
وطريقة التوزيع كانت معروفة للجميع ونزلناها والصور موجودة والتعليقات موجودة وفيها شرح لطريقة التوزيع ولماذا تم بهذه الطريقة
فأين كنت يوم جمعت المساهمات ؟
وأين كنت يوم تم التوزيع ؟
يوم تركنا اسرنا وأولادنا وتحركنا طايفين على كل القطاعات بمراكب المكنة من حر مالنا مع الموج والحجار والليل والنهار من مكان لمكان ؟
بدل ما تقول شكرا جاي تحملنا اقدار الله ومشيئته في موت احد بلدغة عفقرب ؟
نحن ما في زول مؤجرنا عشان نشتغل الشغل دا لكن كان خدمة لاهلنا في البلد
وانت بدل ما تكورك في الفيس بوك والمنتديات تعال بفكرة واقتراح وسدد مساهمتك مع اخوانك والمنطقة الما فيها طاقة شمسية وفروها
يعني فيها ايه لو قلت كلام زي دا ووفرت طاقة شمسية بدل العوة دي
الناس عانت وشحدت شحدة عشان تجمع المساهمات دي وتم اللازم من ما جميعه بمشاركة معظم الاعضاء
واي منطقة مشينا مركزا الرئيسي ووزعنا ليه حصتو من الامصال
جاي انت الليلي تشيلنا اللوم ؟
يعلم الله كم اتأذينا وعانينا ، وسكتنا عشان اهلنا
لكن ما دام دا كلامكم عوجة تب ما في
اصلو الامصال دي فضحت الكتير
بلاش تهبشو وتشككو في الناس كل زول يشوف نفسو