العيد فى البلد ( لحم طاعم مية المية ) ؟؟؟؟؟

من طرف **ابو مصطفى** الثلاثاء 18 أكتوبر 2011, 5:13 pm

تذكير بمساهمة فاتح الموضوع :

لا احد يستطيع ان يغالطنى ؟؟؟ان اللحمة الضان فى جميع العالم حلوة الا فى منطقة واحدة وهى المناصير اقولك ان لحم غنم المناصير حلاتو خلاقى وما عندها مثيل ؟؟؟

بالطبع العيد فى المناصير عندو طبع خاص جدا جدا والشية ذاتها عجيبة ورهيبة وسوف يخف ابو مصطفى وعياله انشاء الله الى البلد لقضاء عطلة العيد مع الحجاج والغريب فى الامر هذه المرة بعد

وبعد ان قضى الخزان على كامل القطيع من النعاج بى فحلهم الذى بيع فى سوق نورى بابخس الاثمان استطاعت الحاجة ان تعود مرة اخرى الى تربية ذلك القطيع وسوف تشبع سكين ابو مصطفى فى ذبح ذلك الهدى انشاء الله

على العموم تحياتى الى كل زول يشتاق للعيد فى البلد وماهو لاقى طريقة تب ؟؟

وبعدين معاك هذا العيد عندنا جنس بواشى وكتيرة خلاص ويا محمد اخوى انبقيت نازل تقل جبيبك لان العانة سوف تكون كتيرة ومرات فى دفع فوق راس العريس اسع انا عندى صاحبى من ناس شرى اسمو ابو عبيدة عمل مرطبات فى امدرمان وانا ما لقيت احضر معناه لازم امشى ادفع فوق راس العريس ؟؟؟؟

تحياتى

ابو مصطفى

من طرف **ابو مصطفى** الثلاثاء 22 نوفمبر 2011, 8:05 pm

شكرا الاخوة المرور والشكر موصول لكل السادة وسوف اعود عليكم مرة اخرى حتى احكى لكم قصة الرحلة ذهاب واياب من والى المناصير انشاء الله ؟؟؟؟؟؟؟؟؟؟؟؟

تحياتى

ابو مصطفى

من طرف **ابو مصطفى** الأحد 16 سبتمبر 2012, 2:53 pm

ياربى ترجو تامين ولامين ؟؟؟؟؟؟؟؟؟؟؟ هكذا قالتها وتقولها حبوبة ؟؟؟؟؟؟؟؟؟؟؟

هذه المرة ما عاوز اى مغترب يقعد يقول لى انا ما قادر اجى السودان وماعندى طريقة ؟؟؟؟؟؟؟؟؟؟ والاولاد فى المدارس وظروف الشغل ؟؟؟؟؟؟؟؟؟؟ مابقبل اى ظرف ؟؟؟؟؟؟؟؟؟؟ خلاص الكلام انتهى ؟؟؟؟؟؟؟؟ العيد فى البلد ؟؟؟؟؟؟؟

السيد صديق ابحنة انذار نهائى

السيد النفر انذار ثانى ؟؟؟؟؟؟؟؟ السيد الفكى بليبيا انذار نهائى مع سبق الاصرار والترصد ؟؟؟؟؟؟؟؟

السيد دكتور مصباح انذار اولى

السيد عبد الغنى نصر الدين انذار نهائى

السيد فارس الزين على محجوب انذار نهائى ؟؟؟؟؟؟؟؟؟؟؟؟؟؟

السيد عز الدين دقولى انذار اولى ؟؟؟؟؟؟؟؟؟؟؟؟

السيد خالى محمد ودبروى ؟؟؟؟؟؟؟؟؟؟ انذار نهائى مع دفع غرامة 100000 ريال سعودى ؟؟؟؟؟؟؟؟؟

السيد عبد الواحد جبريل انذار اولى ؟؟؟؟؟؟؟؟؟؟

والقائمة طويلة ؟؟؟؟؟؟؟؟؟؟؟؟؟

المهم العيد لسه عليهو مسافة وما بقبل اى عذر ؟؟؟؟؟؟؟؟؟ على الاقل تعيدوا معانا فى السودان ان لم تكن المناصير ؟؟؟؟؟؟؟؟؟؟؟؟؟؟

والحياة فى السودان وسيلة المواصلات بقت سهلة ؟؟؟؟؟؟؟؟؟؟

يعنى السنة الفاتت ان الساعة ثمانية فى ام درمان واتغديت الساعة ثلاثة وعمت فى البحر وطلعت على اهلى بى عيالى ؟؟؟؟؟؟؟؟؟؟؟؟؟

واسال سؤال بسيط اسع الباقى كم للعيد ؟؟؟؟؟؟؟؟؟؟؟؟

تحياتى

ابو مصطفى

من طرف **نجلاء زمراوي** الأحد 16 سبتمبر 2012, 3:01 pm

كل سنه والجميع بخير
ينعاد علينا بالصحه والعافيه
شكرا ابو مصطفي

والله ده مُنانا أن نلتقى ونجتمع فى ديار منصور كلنا ونلحمت لحم خرفانا
الطاعم ميه فى الميه ... تسلم ياحنين يا أبو مصطفى ، أدعو لينا وقولوا آمين ...

من طرف **ابو مصطفى** الإثنين 17 سبتمبر 2012, 2:06 pm

كنت مناى اقضى هناك فى بلدا اعز بلد

ياناس العيد ؟؟؟؟ ياناس العيد .,,,,,,

بحرى شمال الوادى بلدا هادى شوية صيف كرد

ياناس العيد ؟؟؟؟ ياناس العيد ,,,,,,,

لكن الزمن غدار مصايبو كتارمال ليهن حد............
طريت امى البتبكى تقول فى الغربة عندى ولد
طريت بنوتناالصيد دهوب و قلوب ماليهن عد
طريت ام زين حلات ام زين وقت لسبيبها تتوسد
ياناس العيد ؟؟؟؟ ياناس العيد ,,,,,
طريتو خضارنا فى الحيضان يادوب فرهد
طريتو شتيلنا فى القوز يا دوب جبد
ياناس العيد ؟؟؟؟ ياناس العيد ,,,,,
طريتو قعادنا فى القيزان نجمات الليل علينا تشهد
طريت لعب الكعوك والشد ؟؟؟؟؟؟
متين يالله ارجع واليد تسالم اليد
بقول للناس وكل الناس ياناس انا هب لى سعد
بعيش فى نعيم بعدو جحيم طاقت العذاب تنسد
انا المشتاق للبلد وشوقى فات الحد

ياناس العيد ؟؟؟؟ ياناس العيد ,,,,,
ياناس العيد ؟؟؟؟ ياناس العيد ,,,,,ياناس العيد ؟؟؟؟ ياناس العيد ,,,,,

ياناس العيد ؟؟؟؟ ياناس العيد ,,,,,

تحياتى
ابو مصطفى

العيد فى البلد ( لحم طاعم مية المية ) ؟؟؟؟؟

العيد فى البلد ( لحم طاعم مية المية ) ؟؟؟؟؟

رد: العيد فى البلد ( لحم طاعم مية المية ) ؟؟؟؟؟

رد: العيد فى البلد ( لحم طاعم مية المية ) ؟؟؟؟؟

رد: العيد فى البلد ( لحم طاعم مية المية ) ؟؟؟؟؟

رد: العيد فى البلد ( لحم طاعم مية المية ) ؟؟؟؟؟

رد: العيد فى البلد ( لحم طاعم مية المية ) ؟؟؟؟؟