قصائد ومجادعات شعرية

تذكير بمساهمة فاتح الموضوع :

بعد إذن مشرف منتدى شعراء المناصير .... وإستجابة لطلب بعض الإخوة والأخوات الكرام ... سأبدأ فى هذا البوست بجمع قصائدى ومجادعاتى الشعرية المتناثرة فى منتديات المنتدى :-

الجوال الصامت

أذكر لما دابا ظهرت الجوالات كان اى واحد يتمنى يكون شايلو جوال - أخوكم كان مبهور جدا بتكنولوجيا الجوال وأصريت أشترى واحد والزمن داك كان الناس العندهم جوالات بالعدد وتوكلت واشتريت واحد كان على ما أعتقد اسمه( العنيد) كان مدبلب ذى العنبلوك المدوعل كدى -وكنت أتمنى يدق قدام الشلة عشان اتفنجربو - أها عدا الاسبوع الاول والتانى لا جرس ولا إتصال ولا حس ولا خبر... الكلام ده أزعجنى خلاص ... قومت طوالى سويت قصيدة فيو وقلت :-

أسألوه يا ناس أسألوه--ده السكوت من طبع العنيد
كالصنم جاثم فى محلو--فاقدالاحساس البليد
لا صدى يرجع لينا منو--لا نغم لا ردا يفيد
الدلال اغدقناهو ليهو--وياما فيه نظمت القصيد
لا نفع طبطيبنا ليهو--ولا نفع تغذية الرصيد
البخور بخرناهو ليهو--وبالدعوات أديناه المزيد
علو يرجع من صدودو--ويبدأ يعزف لينا النشيد
وكل نغما ليهو طعمو--وكل يوم يدينا الجديد
والمسافة ثوانى عندو--وكم يقرب لينا البعيد
وعاد دوم تلقانى جنبو--وتبقى دنياي تملى عيد

***************************

ما اجمل الشعر حين يحكى  عن اشياء تصبح تاريخ حضرنا ه واقعا
تسلم القامة النفر
هذا فيض من كثير
سو الصفقة دنقير لتحفظ كل ماعندك

حيا الله إخوتى الأعزاء ... فخر شيرى الغراء ... أستاذنا وقامتنا الفكى  وسامى السامى بإبداعه وشعره وأخونا عباس المرهف الحساس ... منكم نستمد الروعة والإبداع ... مروركم أسعدنى _
تقبلوا تحياتى وودى ،،،

حياك الله د/ عازة .... أسعدنى مرورك وأضحكتنى مداخلتك   ... تقبلى تحياتى ،،،