على الخلا... والريح تشيل؟؟؟!!!

برضو لما تتهجم واحدي من حدث مفاجئ

لا يقولوها الرجال... وإنما يقولنها الحريم.. النساء.. ولا يقولنها البنات الفتوات ولا الأولاد

علي ما اعتقد بتتقال كده
على الخلا... والريح تشيل من لي ورا

ممكن يا فاطمة..
أو ممكن ناس أوس بيقولوها زي قولتك دي..
لكن الكلمة المسموعة عند المناصير عامة هي( على الخلا... والريح تشيل!!!؟؟؟) بدون أضافات من ورا دي الذكرتيها..
كدي نسأل أبومصطفى من التمامة الذكرتيها دي!
ابومصطفى من ( دماج) عضو المنبر

والله يا صديق لما قريت الغنوان قايلاهو عنوان قصيده جديد ه...؟

ها ها ها
منصوريات عاصمة يا نجلاء
لكن يكفينا انك منصورية يهمك أمر المناصير حتى النخاع
ناس فاطمة ديل ناس جزاير أماً وأباً.. لكن عاشوا في العاصمة وهاجروا السعودية ومنها رجعوا.. بس هي عارفاها، عشان ناس الجزاير يصرون على لهجتهم وسليمان أبوها الله يرحمو أكتر واحد كنت بحبو في أولاد عمتى ضقولية وسليمان زي دكتور ابو القاسم كروم وزي دكتور مصباح يصر على اللهجة المنصورية حتى في أرقى المجتمعات. الله يرحمو مات صغيير، لسه جرحو حي في نفسي. كان زول سمح خلقة وسمح أخلاق ودين ونقولك( على الخلا والرح تشيل)

جزاك الله خيرا علي هذا الاطراء في حق الوالد. وكلامك صاح نحنا فعلا نصر علي الاحتفاظ بلهجتنا عشان احساس الحنين للبلد وكدي. وكتر خيركم علي هذا المنتدي اهي فرصه عشان نراجع الدارجي قبال يضيع مننا في نص الانجليزي

غايتو ياصديق انا سمعت هذا المثل من حبوبتي بنت العطا الله يرحمها اما فاطمه ماشأ الله ما كنت متوقع منها ان تعرف مثل هذه الامثال ولكن كما ذكرت ناس الجزائر كما بزياده اما ماذكرته فاطمه قبل ان تضيع من الذاكره مثل هذه الذخيره في زحمه اللغه الانجليزيه اقول انتي مافي خوف عليك لكن المشكله في الاولاد وكنت قابلت زوجك قبل فتره (وفاه المرحومه ابنه عمك )

وتحدثت معه في هذا الموضوع وهي مشكله متجدده اعني موجوده في المغتربين في الدول الغربيه وفي وضع السودان الحالي الامور بالغه التعقيد وغايتو يافاطمه ربنا يقدركم لكن النصيحه وهي قطعا ما فايته عليكي ابقي عشره علي الاولاد ولقد زاد قلقي عندما تحدثت مع زوجك في هذا الموضوع وذكر لي ان نسبه الفشل في اولاد المنحدرين من اصول اجنبيه عاليه جدا

لازلت أذكر نصيحه غاليه جدا وانا في بواكر الصبا من شخص مجرب ان افكر اكثر من مره في حاله الزواج من غربيه وفي حاله الزواج من اصلو في بلاد الغرب حتي من سودانيه وكما تعرفين الباقي ولكن ايضا علي الجانب الاخر مستوي التعليم في السودان متدني والفكره الان عندي معكوسه وهي الطريقه القديمه الكانت متبعه والمتمثله في سفر الاولاد بعد ان ينهوا فتره الثانوي او بعد الجامعه لكن في الختام انا متفائل ان الوضع في السودان سوف يكون للافضل بعد ان نما الشعور عند الجميع في المطالبه بحقوقوهم وسوف يتحقق هذا المطلب وعندها سوف تتحقق دوله المواطنه وسياده القانون ويكون المعيار للكفأه وينهض السودان بلادا تنعي الجهويه والعصبيه ونعود الي عهد ماكان منذ فجر التاريخ عندما كان السودان موجودا في الحضاره القديمه وكما ورد في الكتب السماويه التوراه والانجيل حضاره كوش ومملكه نبته ومروي وبهذه المناسبه في اجازتك القادمه ادعوك لتعرفي اولادك علي هذا التاريخ وابدأي من منحف السودان القومي ثم الي المصورات والنقعه والي جبل البركل في طريقك لزياره اوس التحيه للجميع كما هي دعوه لكل المغتربين