سفر الضل... من روائع الكنيبلى

سفر الضـــــُل


يتبخر ضل ....
والنهر وقف ماشى ومحتار
والسقف رهيف...
والغيم اطرش..
وحبات السبحة الخيط باهت ساهى ومقطوع..
والسبحة تلف.
إعتاد الوادى يصر فى الصيف
والنملة تخف...
الشوكى تقد سعن الكلمات
تتساقط ضد...
والحرف يقع ضالع معتاد
الشوقى تسد حلق الاوزان
تتحول قِد...
والقِد من نفس الجلد المات
صابر ميت شان غيرو يشد
الضل اتكون غيم عطشان
والارض سراب لكنها فى
تنشافلو رهاب...
فى ضباب احلام شافع يكبر
فى وجع يابس بين الاتنين..
فى انين ... فى سفر ... ترحال ناعس
...... فى كلام ......
تحتك ياغيم فى قلب مشلوع
فى شروع فى شى
فى ضفاف لا نيل
والفاضى من البينك وبين ديل..
ملياااااااااان بالضوء
والضوء مكسور فى قزاز احساس
فى نفر من ديل
هداهو الشوق ملتوق باين فوق ظن...
فى قمر من ديل
أعييتو غياب ساكت فى كفن محتار فى ممات ارعن
فى عدد من ديل
قايلين الليل هو غياب الضوء...
وانت السواح بلاء اى جناح حايم فى الجو...
فى الجو فى فتن؟؟؟؟
فى زمن للخوف
فى وكت للرجعة تعال ارجع فى زمن فى زمن...
فى طفل مكسوف؟؟
وساعت سافرت نسيت ياضل تنسالو لبن...
ناسيلو اصبع..
فى حبر مكتوف
رامنو حروف قدامو مشن..
وساعة سافر بالليل ياضل
ناسيلك فى اوصالو رسن
فى حبر.....
فى زمن فاضى وفى زمن مطلوق
وفى سحابات جن
بس اطمئنان .... بس اطمئنان

تشكرى هويد ا ابو شعر هنا ظهر جانب الابداع والاجتهاد
تقبلى المرور