الاستاذ الشاعر محمد حسن فضل

الجعلى الرشيد ياشيخنا قلبى اتحشا
ويا كاشف الحقائق وانت ما بتتغشى
من فتن الزمن من بلدى داير اتكشا
جيت واقعكم النار العلى تترشا
ببركتكم الفى اليوم تتمغى وتتمشى (1)

الدار دار جعل ورمز الطهر كدباسا
من زمن بعيد ل دينا دقت ساسا
والسوايه زى ما قالو ما حداسا
والبتسو لا بد يوم تعوسو عواسا
من البره تتلبد متنقرى راسا
وحقيرى حقيرى فى بلدى الاشاوس ناسا (2)
وكان ما خلت النضم البجيب وسواسا
سلاحكم انتو يس والبروج والناسا
ادها فاتحة يا شيخنا التقلع ساسا (3)
محروسة البلد رجالا كتار ودواسا

انا اكتب من الذاكرة وقد تكون بعض الكلمات او الابيات (زاغت منى)
1_ تتمغى وتتمشى: بمعنى تتمدد سريعا والمقصود بركة الشيخ
2_ يقصد الشاعر هنا ان الحكومة المواجهة بتحديات خارجية وتهديدات لا تنظر لها ولكن حقارتها فى المساكين .
3_ يناشد الشاعر هنا الشيخ ليدعوا بالفاتحة على هذه الحكومة لكى تنهدم من الاساس

أخواني الأفاضل
الرشيد وسلمان
سلام كتير
الشاعر محمد حسن فضل شاعر لا يشق له غبار
وأعتقد يارشيد برضو البيت
التسو لابد يوم تعوس عواسه
أنا ماعارفو كتب شنو لكن الظاهر بكون كتب
والبتعوس لابد يوم تضوق عواسا
والله أعلم
والأرجح نقلت إليك بالخطأ

ياود المناصير الله يديك العافية شغل نضيف،وياريت تكتبا كتابة لانو مرات الروابط دى تكون بطيئة-بعدين ياخى انا عرفت انو قال قصيدة قوية جدا فى الطوينى فى لقاء نافع والبرجوب انا حاولت اجيبا معاى لكن وجدت الكاست فقط اجو ان تبحث عنها لان كل الناس هناك تتحدث عنها وقالو احسن من الكلمات التى القيت

شكرا جزيلا يا ود النعوفاب على هذا العمل الجميل القوي .. وعليك الله شوف لو في زول سجل القصيدة الرهيبة واللا لا عشان ترفعا بصوت الأستاذ محمد حسن وتكون توثيق لهذا العملاق ...

شكرا الاخ سلمان علي المجهود والشاعر فضل هو انسان غيور علي المنطقه وشجاع جدا في مواجه الجبابره لا يخشي اي شي 0
وكما ذكر الاخوه المتداخلين هو يتفاعل مع الحدث وفي راي هذا شان اي منصوري لانستطيع التحكم في انفسنا خاصه ان كان هناك ثمه استفزاز عشناه او شعرنا به

اخي سلمان لقد اعجت بالبيت في قصيدة الشاعر الفحل محمد حسن فضل
مبسوط حمد احمد من صباحو مكوع
من حوت البحيرة فطورو يومى مضنكل
فاتذكر عند نزولي الي البلد قابلت احد اصدقائي ودفعتي في البلد وهو كان مزارع ويصلح البوابير وسألته عن حالته الان وكيف المعايش بعد الغراق فقال لي عندي شبكة (ربع) لم افهم معني ربع لكن عرفت ان شباكه بسيطه جدا . فقال لدي ولدين في الصف الرابع والخامس وعدنا مركب معادي ارفع الشبكة من الساعة الرابعة عصرا حتي الساعة السادسة ثم ارميها يعني يشتغل ساعتان والسمك الذي اجده اوديه الي الثلاجة واسجلة عند المشتري واجيب الي البيت ملاح العشاء والفطور وفي نهاية الاسبوع احاسب بثمانين الف جنية وهي تكفي مصاريف المنزل وقال لي زمان كنت تعبان ومديون اما الان الحمد لله والمستقبل امامنا
فاللهم زد وبارك واحفظ البلد

يا ود المناصير مشكووووووووووور على مطلع القصيدة لكن رجاء خاص انو تكتب كتابة زى ما قال سلمان عقيد لانو الروابط اغلبها فيها مشكلة وبطيئة جدا

القصيدة حضرها شاعرنا وكان يتوقع على حسب الانباء زيارة صلاح قوش وعوض الجاز مع نافع ولكن كما هو معروف لم يحضر الاثنان فى الوفد لذلك لم يلقيها فى الاحتفال ولكن تحصلنا عليها من مصادرنا الخاصة ورأينا نشرها لانها تستحق وقد اخترت لها العنوان




الف مرحب بالجاز وقوش
ويوم نشوف الضيف صح نهوش
نحن جيران عارفين بعض والمغطى على الله مكشوف
نحن من قمنا نضمنا دوت اصلو ما اتعودنا الرتوش
مالو كهربتو تصل تشاد وميتو بيها وطنا مطروش
والطريق قرب لى مصر ونحن من تالانا محيوش
مروى عامرى وزادت عمار ودار قمر لا حوش لا بروش
والهبيل فيها خرب خراب باقى فى جوانا منبوش
فيها ليوم الله قاعدين يستحيل يمرقنا منبوش
الرئيس قال مانى عارفين انت جارنا وبرضو مغشوش
فوقنا يا ما اتبادلو ادوار ورنا الحاجزين القروش
نحن للخالقنا شاكين الظلم خرب كم عروش

تعليق لله يا محسنين

تحفيزا للمناصيربالبقاء فى مناطقهم يقول شاعرنا
خمسة مئات مناصير فى ادرعمة زرعوا
اصبح ضو رجعوا الناس مضوى جيوبة
لوكان الرزق يجى من ترع منسابة
مشروع الجزيرة وصل مشارف سوبا
هل ربح المزارع وريح البيعولوا
ماتخلونا يا ناس من نضم حبوبه
الزول اليبيع وطنو يحضر كفنو
زى ناس حلفا باكريبقى فى المعقوبة
سكان حلفا نصحونا وسمعنا كلامهم
قالو رحلنا للقربة وعرفنا عيوبة
اتشتتنا فى ارض الله مااتلمينا
والوقعت علينا انشاءالله ما تقعوبا

مشكور اخونا الرشيد
والقصيده دي ممكن نشوف طريقه نوصلها للجماعه ديل

شكرا يالرشيد يا راقي والله الزول دا رهيييب وشجاع لامن غلط
وكل مقطع من القصيدة حقيقة وحقيقة مجلجلة لكن الجماعة سادين دي بي طينا ودي بي عجينا
والله غالب

شكرا محمود --
والشاعر يعتبر من فحول شعراء القبيلة --ونرجو ان تزيد لمزيدا من التوثيق والجمع للاشعار --
ولكن ارجو ان تكتب فى البوست الخاص بشاعرنا فضل ضمن شعراء القبيلة فى هذا المنتدى (منتدى شعراء المنطقة)
لك شكرى وتقديرى وفى نتظار المزيد فنحن لم نوفى الشاعر الكبير حقه والذى اوصل كلماته لاكبر المسؤولين فقد جاهد بكلماته --

الاخ الرشيد هذة رساله تصحيحية للمقطع من القصيدة (نحن جيران عارفين بعض والمغطى على الله مكشوف) والصحيح المغطى على الله منبوش كما اوضحها لى الشاعر نفسه فى جزيرة شرى(شرم الشيخ)0

الف شكر....

وهذا جزء اومقاطع من بعض قصائده فى الخزان
عله يحرك البوست قليلا

ربنا الخلاق العليم مابنوم الحارسنا حاس
المناصير ناس مظاليم منولابد ياخدوا القصاص

شوقى ليكم يا مناصير عم للوجدان والحواس
والله رايعه الغراء بالليل بس سمانا انعكس انعكاس
البعاين لك من بعيد يقطع الشك فيك اراك
شالك النيل بين الكهوف قبلك وبين عينيك باس
كلموه وليد السدود اصلواخلص لينا اخلاص
بحرك السويتو طوفان فيه فد منصورى ما غاص
لملم الذبناب القديم مر بى مساوى وجلاس
والقارب والثعابين الحشر ناموس وقراص
------- بيعجبوالخراب كلهم لملام لحم راس
قالوا عشرة والمكابراب ترحلولن ما فى مناص
فى وجوهم وقفوا الرجال وقفوا متحدنوا الرصاص
للعتامير قاموا جارين الرزق ما بجى بالكباس
اكلوا حق غيرن نص نهار واصلو حق خلق الله كناس
السلام لى لجنة العز الوليد ما لعبتلوا باص
---
ابقوا من الرحلوا عافين السماح ينفعنا يا ناس

مع المعذرة فالقصيده طويلة جدا وهذا ما وجد فقط بالذاكرة