عندما يشيل السحاب المزن، ويصبح هـَرَع ويوشك على الصبيب، ويتخابط البرق والرعد، فجأة يـفَـشـِّل، وينطلق الهوااا، ويصبح الحضور لمشاهدة الأحباب شئ مستحيل

<P>  تصبح الجية مستحيلة.. ونصبر على قضاء الله... حتى قبل ساعة من الآن كان عندي أمل.. كل العقبات تذللت... ما عدا عقبة الشغل..... جاء زمن تسليم المشروع مع هذا الوقت.. وقت الإجازة والحضور لكم... بقربكم... عشان تشاهدونا وجهاً لوجه... وتنتهي المشاهدة من خلف الكي بورد.. ولكن أبت المقادير... ورفضوا خلافي في أن يقوم بتسليم المشروع.. أنا شايف نفسي زول عادي... لكن هم ثقتهم كبيرة فيا لأبعد حدود.. .. زي ما أنتو قاعدين تقولوا.. أنى قاعد أبدع ليكم هنا وأكتب واكتب.. هم كمان شايفني في شغلي قاعد ابدع.. رفضوا رفضاً... باتاً.. ووعدوني وعد رجالة أنني آخذ الشهور العايزا... في عيد الأضحي... كان في العمر باقي..</P>
<P> رفضوا ودخلوا الأجاويد.. هم في الحقيقة يعشقون تنفيذي للأداء الهندسي.. فصاروا يعشقون شخصي لدرجة الجنون.. بدون مبالغة.. وأنتم كذلك.. تفتكروني أكتب وأكتب وابدع... وفي الحقيقة ما أنا بمبدع.... وإنما قادة المناصير وأهل المناصير وتراب المناصير الذين أكتب عنهم... هم المبدعون الحقيقيون... فعندما تكتب عن أناس مبدعين... حتى الما كاتب يصير كاتب.. وذلك بحسن سيرتهم وتفانيهم في محبة تراب المناصير..</P>
<P>أما نحن فناس عاديين.. نعمل ما يرضى ضميرنا.. بس</P>
<P>لكن جات كدة</P>
<P>أقبلوها يا أحباب</P>
<P> وأدعوا لى</P>
<P> بأن يصرف عني ربي كل شر..عني وعنكم..</P>
<P> وعيد الضحية ما بعيد للحي كان في العمر باقي بجيكم بي مزااااااج شهرين كاملين..</P>
<P>لغاية داك الحين</P>
<P>أوصيكم على تراب المناصير وعلى محبة أهلكم وعلى محبة بعضكم البعض وتجاوز الهنات والصغاير.. ومسامحة المخطئ ولم الشمل</P>
<P> تمام كدة</P>
<P>تمام يا شباب</P>
<P> وتمام يا شابات المناصير</P>
<P> سأحاول أتواصل معكم مرة مرة أدخل المنبر</P>
<P> لكن الحسرة تملأ جوفي</P>
<P> وحكاية كونو فاتني احتفال الباسقات هردت مرارتي</P>
<P> ولا أبدلكم بأحد</P>
<P> وسطت شخصيات كبيرة سودانية وغير سودانية</P>
<P> رفضوا بالمرة</P>
<P>ناس مكسرين في شغلي</P>
<P>وناس مكسرين في أدائي..</P>
<P> وما عايزين غيري يستلم مشروعهم في لحظاته الدقيقة</P>
<P> المهم جات كدة</P>
<P> اقبلوها يا شباب وشابات</P>
<P>الله يسهل</P>
<P> ويسعدنا جميعا</P>
<P> مافي مفر إلا نقبل القدر المكتوب في عدم الجية</P>
<P> تمام</P>
<P> نرجوا المسامحة يا أهل</P>
<P> وتأكدوا أن خيالكم وخيال منبركم ومنتداكم لن يغيب عني</P>
<P>سوف أكون مشغول للطيش</P>
<P>لكن مرة مرة بتصفح هنا</P>
<P> وأتنسم أخباركم</P>
<P> علها تشفيني</P>

شايفين حتى الكتابة اتلخبطت عليا في رصها وصارت فيها أقواس ما قصدتها.. ولكن هذا حزني تترجم لديكم

وما نقول الامايرضى الله

و

كل شئ مكتوب ومسطر والقدم والله العظيم عندو رافع

زى الواحد طالع النخله وقبل ما يصل الجمار يقع

تقبل تحياتى ومرورى

استاذنا ابحنه سلام

البركه فى ظهورك

وكل تاخيرا لخيره

وعسىى ان كرهوا شئا وهو خير لكم

والبركه فى عافيتك

وان طال الزمن او قصر بمشئه الله تشوف اهلك

الله يسلمك انت ووليداتك

والشهريين احسن ليك من العشره يوم

وتقبل مواساتى

الله الله عليك يا الحنين ود ابو حنة ... ابكيتنا بهذه العبارات ...

من حقهم التمسك بك

ومن حقنا ان نتمسك بك

من حقهم أن يتكسروا في عملك وأدائك

ومن حقنا ان نجابد فأنت لنا وحدنا

من حقهم تأجيل الإجازة

ومن حقنا ان نقبل ... بغير رضى نقبل ... برضانا نقبل

نقبل أن تكون مبذولا للجميع هنا وهناك ... نقبل أن تكون انموذجا وقدوة للشباب وللعقول المنصورية الواعية الفذة قيادة وريادة عملا وأداءا

نقبل لأنك هبة من هبات الله للناس على الأرض ... فهم يتنازعون فيك ... ولو لم تكن كذلك لما جاءت سيرتك ابدا

فبقدر ما أزعجني عدم حضورك ... فقد سرني تمسكهم بك .... وفيها خير إن شاء الله

نسأل الله لك التوفيق ... ونسأل الله لك الصحة والعافية

ونسأل الله لك العون والصبر وأن يجعل لك في كل خطوة سلامة

مواساتك ما بقبلا يا أميرة
إلا نتواعد نحضر في العيد الكبير
وناس المنتدي ديل يعملوا لينا باسقات زي دي واحسن منها
..........
خال أبرار...محمد... ود صاحبي ودفعتي أعذرني في عدم الجية
سلمان عقيد أعذرني في عدم الجية
خالد
حازم
الحاج شرف الدين غلام
يس مصطفى
ود الخبير
نادر نور الهادي
الرشيد وكل آل الرشيد..
هاشم
ود المناصير
كل آل هبرم
كل عضوات المنتدى
كل أعضاء المنتدي
كل الناس البي يحبوني
كل الناس البي يكرهوني
كل الناس المحايدين
ارجو المعذرة
ما بي أيدي والله
والله لو تصدقوا جريت جنس جري عشان أحصل الاحتفال ده؟
لكن وااااي
خلاص
سوف يتأكد حضورنا في عيد الضحية
صديق
أميرة الحومري وأسرتها
انتصار حجازي وأسرتها
معتز ود أخت الرشيد
ولسه حا نحاول نكبر الكوم كان في العمر باقي

اديب المناصير...
اكيد شهرين احسن من اسبوع

ود المناصيييير
ما تبكيني ياخي
أصلي ما راجي الهبشة..

هويدا.. لكن الأسبوع ده كنت حا أشاهد فيهو كل الناس في هذا الجمع الكبير
يا الله عاد بي بركتك تسهل لى وتسخر لى جمع أكبر من هذا
أقول دعوة أمي طيبة بت حبيب الشهيرة
( جبالو.. عـِـلـِـيْ,,, ومخازنو مـِــلـِـيْ,,,, من خيرو ما شبعنا... ومن فضلو ما قنعنا)

ربنا يسهل امرك وخليك في الوظيفه .. يعني اذا كده بي نتقابل في الضحيه ان شاء الله
ياسبحان الله ... بس انت اهم شئ ابدع ليهم وظبتم عشان تاني ما يعصروك
..... لاخير انت ماعارفو .........

أخى صديق أبوحنة .... القدم ليهو رافع _ أنت تريد وأنا أريد والله يفعل مايريد والخير فيما إختاره الله وغدا ً لناظره قريب وإن شاء الله يحتفى بك فى إحدى اللقاءات والإحتفالات القادمة _
تقبل تحياتى وودى ،،،

ياهندسه انت تقول ونحن نقول والله يقول وكلام الله هو القول



عسى ان تكرهو شيئا وهو خير لكم



والحى لابد يلاقى



وانما الاعمال بالنيات