صلاحيه اللجنه التنفيذيه

تذكير بمساهمة فاتح الموضوع :

نحن لانشك مطلقا فيما انجزته اللجنه التنفيذيه

ويكفيها فخرا بانها جاهدت واستبسلت حتى كان انتصارها بتثبيت الخيار المحلى ويكفى ان لم تفعل غير ذلك

ولكن......

اين هى الان

هل مازالت موجوده بنفس الهيكله والترتيب التنظيمى لها

مامدى صلاحياتها

هل مازال من حقها التحدث نيابه عنا

وان كان كذلك اليس من حقنا ان نسمع صوتها وان نعرف مايدور داخل اجتماعاتها

وان كنا نجد بين سطور الباشمهندس هاشم كلمات تدل على وجود اجتماعات

وهواحد الاعضاء الموجودين داخل دائره الضو الان ف
ى
هذا المنتدى مع عضو اللجنه الاخ الرشيد الافندى والذى فاقت عضويته السبعون فردا و يخلو تماما من وجود متحدث رسمى

خلاصه

ان كانت اللجنه التنفيذيه ترى انها لا تملك حق التحدث وان مهمتها انتهت بتعين معتمد وان كنا لانراه حتى الان بالعين المجرده

فعليها ان تفعل ذلك بكامل عضويتها فليس من المعقول ان تمارس مايحلو لها وتترك ما لا تستسيقه

وليس من حقها ان يمارس بعض اعضاؤها وبعض منسوبيها وتابعيها امور العباد ويستريح الاخرون بمحض ارادتهم


وان من ارتضى ان يقبل بالتكليف فليس من حقه ان يترك ذلك فى قاعه الطريق كالحمل الحرام تنهشه الكلاب فبعض اعضاء

التنفيذيه اطلقت يدها دون ان تقول وداعا ودون ان تسلم الامانه لاهلها

وبعضهم التزم الصمت كأن الامر لا يعنيه فى شى وبعضهم لايعرف ولا يريد ان يعرف

واخرون زهدو فى الامر ما دام الامر خرج من دائره الضو اللامع

نحن لانريد اكتر من ان تكون اللجنه برلمانا منظما وان تكون هى الراعيه والمتحدثه والناطقه والعين الساهره ولكن بكامل

المسؤليه

وبكامل تنظيماتها المختلفه حتى لا تترك فراغا يجد فيه النفعيون ضالته وان تمارس حق حمايه المكتسبات [ندعوك للتسجيل في المنتدى أو التعريف بنفسك لمعاينة هذه الصورة] دون المساس بصلاحيات المعتمد ودون التغول داخل دائره السيد النائب

الاعزاء حازم وود القبائل.سلام من الله عليكم.لكي لايكون حديثنا فض مجالس اتمنا ان نعضض اقوالنا بالادله. هنالك طائفتان طائفه اختاره اللجنه ممثل لها وهي راضيه عن آدائها وفي النهايه الكمال لله.وطائفه انساقت لسياسات اداره السد ونفزت كل ماطلب منها ولكن لم ينالو كل مطالبهم .النقد جميل ومفيد ولكن اتمنا ان يكون بناء والعالم تطور بالنقد والاستفاده من الاخطاء. ودمتم

ياريت ياريت---- تفهموا كلام الاخ --حازم-- كلامو للاسف كلو صاح وكفاية تكون اللجنة الجلاد وعلى منو------- اوتكون

صباح الخير لكل المتداخلين
اذا كانت الاشكالية في اللجنة دي قضية بسيطة حلوها بس وجيبوا لجنة غيرا دا كلام داير درس عصر ؟؟
اما لماذا كانت النتائج صفرا كبير فدا واضح لانو الحكومة مادايرة زول يقعد في البلد عشان كدة اللجنة ماقدرت تعمل حاجة في الخيار المحلي لانها لجنة وليست حكومة
القضية بصورة عامة عندها حلين فقط :-
1/ ان تكون لدينا قوة عسكرية تهزم الحكومة ونجيب حقنا قلع
2/ لو ما قادرين علي الحل الاول نرجي الحكومة تسوي الدايرة تسويهو
انا شخصيا لست عضو لجنة وراي ان تحميل المسؤولية للجنة هو هروب من الواقع ودفن للرؤوس في رمال الوهم بينما كثيرون هنا يتحدثون عن تصفية حسابات ويقومون في نفس الوقت بتصفية حساباتهم في هذا المنتدي
لكم كل الود

الاخوة المتدخلين تحياتي
حتي الان لم يقدم احد المتداخلين مقترحات او رؤية لحل القضية وان كنت متوقع الناس تقدم مقترحات واحد اتنين ثلاثة .. الخ
يعني الان لو اتفق الناس ان اللجنة هي سبب المشكلة وجبنا ناس اللجنة ديل وحاكمناهم في البلد محكمة اهلية حكمت قالت يعدموهم واعدمناهم
اها بعد داك شنو ؟؟؟
هل الحكومة حا تنفذ الخيار المحلي ؟؟؟
خلي دا افرض جبنا الكرزايات الخونة ديل وصالحناهم وعملنا ليهم تكريم في البلد وكونا منهن لجنة ومشو للحكومة وقالوا ليها نحن كرزاياتك الزمان الجبنا ليك الناس في الخلاء ودايرنك الليلة تريحي ناس الخيار المحلي هل الحكومة حا تنفذ ليهم الخيار المحلي ؟؟؟
القضية ليست اشخاص القضية سياسة دولة عندك قوة تغير سياسة الدولة دي تجاهك ولا ما عندك ؟؟؟
كامل الود

حازم تحية منى لك وسلام مطبوق من ابو مصطفى بس انا عندى طلب بسيط انت دحين مسعول من الخير وين المستندات ؟؟؟ اصلو اخوك ابو مصطفى محاسب وما بعرف غير المستندات ومعززة بالتوقيعات
لان عناصر المستند التوقيع والقيم المالية والتاريخ ؟؟؟ معليش نديك حبة من الجانب المهنى يا خال
والله انا متكيف من كتاباتك شديد وفى فهمى انت عسكرى ياحازم من خلال كتاباتك انا عرفت ذلك ان لم اكن اخطات التقدير ؟؟ ويا حازم انا ما بدافع عن اللجنة ولا غيرها بس طالب حقيقة وما داير نكسر الزير او نذبح البقرة حتى نجد الحقيقة دايرنها بى درب فيه نوع من الحكمة والكياسة وترانى مقرن مويتى واقولك والله واطتى فى دماج زرعتها بى سلوكتى وغنمى اكلت منها فى نزلت البحر الاولانية مها دى الدميرة رايك شنو ؟؟؟


اخوك ابو مصطفى
لك ود واحترامى واسف ان خاننى التعبير ؟؟؟؟

اسئلت الاخ الخبير صعب الاجابه عليها اخونا حازم
ياريت تحاول تجاوب عليها فربما نصل الى ماوصلت اليه
اما قناعاتنا نحن حتى الان لكل من ساهم برايه وفكره وماله ونفسه وغبر اقدامه فى سبيل ان نصل الى مانريد فهو عندنا ابن بار ببلده الى حين اثبات العكس
واكثر مايؤلم الانسان عندما يكتشف ان من تولى الامر وتقدم الصفوف كان ذلك لدنيا يصيبها وسار مع موجه مصالحه اينما ذهبت به ذهب لا يهمه فى ذلك غير الانا والنفس
اخى حازم انا شخصيا لا الوم من رحل اوتكرزن او راى مسار اللجنه لا يودى الى مصلحه المناصير فهذه رؤيه واختيار شخصى لا يحق لاحد التدخل فيه
ولكن الويل لمن تولى وتقدم الصفوف وتحدث باسمنا وخان
نسال الله ان يولى من يصلح وان يكشف عاجلا او اجلا كل من اضمر فى نفسه ان يرتزق من كفاحنا وجهادنا ووقوفنا خلفه وهتافنا ومالنا ان يظهره لنا وليعلم الجميع ان الخائن هو
من تقدم الصفوف بالانتخاب او التعين او من اراده نفسه ليكتسب لنفسه مالا او شهره
من جلس مع الطرف الاخر مفاوضا اومسؤلا ليقوم بمقابل او بدون مقابل نيابه عنا ليتحدث او يوقع او يوافق على اى امر يتعارض مع مصالح المنطقه
من سمع او راى او حضر او وصل الى علمه ان امرا يحاطب بالقضيه ليس فى مصلحه المنطقه ولم يبلغ الناس او يحزرهم وهو فى موقع العارف ببواطن الامر
من نقل او سجل او صور او ارسل اى معلومات لاداره السد عن المنطقه او انسان المنطقه ومدها بما طلبت منه
واخيييييرا
كل من ابتسم فى وجه خائن وهو يعلم انه خاين
والسلااااااااااااااااااااااااااااااااااااااااااااام

الاخ الحاج تحية طيبة
انا اكرر لك ما قلته للاخ حازم في بوست الكرزايات وهو ان العمل الجماهيري المفتوح لا يمكن ان تمر عبره الاجندة الخفية !!!!! في النهاية الثوابت والمبادئ واضحة يعني افرض انت عضو لجنة او رئيسها وخنت البلد وبعتها ومثلا جيت تقول للناس الخيار المحلي مافي وعليكم ان تهاجروا تفتكر رد الناس حا يكون شنو ؟؟
المقياس في هذه القضية هو اهلنا الصابرين بين الماء والحجر وهم الان بيقولوا انهم قاعدين سواء جات حقوق او ما جات والناس هناك واعين تماما للشئ الحاصل انا لا اقول انهم راضين عن اللجنة لكن عارفين نوايا الحكومة وبيعرفوا الخاين من وشو ولو دايرين يجيبو لجنة غيرا بيجيبوها
والقضية كان لجان واشخاص كان الخيار المحلي والحقوق دي ادونا ليها من زمن لجنة جودابي

اشكرك اخي جبريل واشكرك ود القبائل اسم علي مسمي واشكرك جدا يوسف واشكرك الاخ الغالي الحاج شرف الاخ الخبير ايامك الاوائل حفرت لنفسك تاريخا يحفظه لك العارفين ببواطن القضيه واذكر همتك أن لم تعرفني وأدري مجاهداتك ان لم تراني اما الآن أختلف معك تماما فيما ذهبت أليه , ان كنت تدافع بكلماتك عن جزئيه من ابناء بلدي وتسهم بكتاباتك في زرع التشرزم والخلاف بين القبيله فأنا وأنت لانتفق ؟؟ فنحن يااخي يجمعنا هم واحد , هم كل من له نسب في نعمان ودقمر فهم منا ونحن منهم فرحنا فرحهم وعزاؤنا عزاؤهم , سنظل نتشارك في الهموم نامن القيامه تفوم , ذلك ما وصنا به حبيبنا محمد صلي الله عليه وسلم علي لسان ربه حيث قال " الرحم من الرحن من وصلها وصلته ومن قطعها قطعته ولا ابالي .). خسرناها دنيا فلا تدفعنا اخي الخبير لخسران الآخرة رأيتك صابب جام غضبك علي أولائك المبطوحين في صحراء ابو حمد والمخبتين بين الجعليين بالمكابراب هم رحلوا لا حبا في الرحيل . رحلوا لأن الحياة ضاقت كلما رحلت انت وانا الي الخرطوم وغيرنا رحل الي عواصم الدنيا عسي ان يتبدل الحال والمآل , رغم المرارات التي يعيشونها والمصائب التي هم فيها فيكفيهم ماهم فيه من ألم وحرمان .
بصراحه هم أفتقدوا للهدايه والدرايه وكانت آمالهم وعيونه للمتعلمين من ابناء بلدهم سمعوا كلام صغيرهم ولم يأخذوا بكلام كبيرهم عندما قال لهم ( ان المياه لاتصل خط الكنتور 300 وان الجزيره شري لن تغرق وان أي منصوري سيأخذ حقه تحت تمرته؟ وانت اخي الخبير مازلت تدافع عن ماقاله وتعلم تماما اخي الخبير انه نفاق وشقاق وانه في مصلحه السد و لنوفرلاداره السد مبالغ التعويض وانت مازلت تدافع رأيته ذلك من خلال مداخلاتك .
فنحن يااخي كبار بقدر قوة وتماسك القبيله وصغار بقدر صغرهم وتشرزمهم أهذا ايضا انشاء اخي الخبير؟؟
اخي الخبير لاتكون مع ادارة السد واللجنه في خندق واحد يريدون ان يزرعوا الفتنه في القبيله ؟ حتي عندما نسأل الحكومه حقنا وين ؟ تقول أنتو اتفقوا اول شي؟ وبعدين تعالوا طالبو ؟ أظنك تدري جيدا ما قاله اسامه عبد الله في حلقة التلفزيون الشهيره حيث قال " أن الخلافات بين المناصير موجوده وقال نحن نعرف الخلاف بين شري والكاب ؟؟؟ عجبا والله من الذي يخبر اسامه عبد الله عن ذلك التاريخ الذي ركلناه بعيدا من الذي يخبره يا اخي الغالي الحاج شرف لولا انصاف المتعلمين الذين ارادوا ان يطأوا علي اجسادنا النحيله التي ادماها المعول وعربات الطين . هل برايك يكون الذي اخبر اسامه هو ذلك المزارع الذي ترتعش اوصاله اذا دخل قاعة الصداقه دعك من مكتب اسامه الفخم الذي بني من اموال الغلابه ؟؟؟ أكيد يا الحاج سيخبره الذي يبادل اسامه التعازي يوم وفاه والدته والكاروري التهاني يوم نال درجه الدكتوراه ؟ وبرضوا تقول لي اداره السد مكاجرانا ...... والله الكجار عندكم

مافي مشكله يا ود دماج ومادام همك هم بلد نحن متفقين .. مافي خلاف بينا ؟؟ والدايور بيتلقاهو ؟ وكان اصلك حريص شدييد علي الدايرو بلمك فيه لكن في سياقتك الكتيري دي ما شفت ناس حايمين في الخلا سألتهم وقلت ليهم انتو ياناس نفركم شنو ؟
و الجابكم هني شنو ؟ كان بيسعلوك انت وبيقولوا ليك ؟ انت من وين يازول حاتقول لهم دي بلدي وبلد اجدادي ؟ انا متأكد حايضحكوا فيك وبصوت واحد حايقولو ليك ؟ بلدي قال ؟ انت كنت وين ؟ وواحد فيهم حايقول ؟ يا بشوات خلوه دا مسكين ماعارف حاجه وماسامع حاجه ؟؟؟ لأجل ذلك أنا بكتب يا صديقي ابو مصطفي والسلام ........ حازم

الاخ حازم تحياتي
انا عندما اقول الكرزايات فانا اعني القيادات التي خدعتهم وهجرتهم الي الصحراء اما هولاء المخدوعين فانا اتمني ان ينصلح حالهم او يرجعوا الي البلد ويجدوا افضل مما كانت
اما عن قولك من الذي ينقل المعلومات الي ادارة السد الا تعلم ان هناك كرزايات لديهم مكاتب في ادارة السد وان ادارة السد نفسها كانت لديها مكاتب استخاراتية في البلد وهي المكاتب التي حرقتها جماهير الثوار في في ثورتها ضد الانكسار الا تعلم اننا وجدنا الدفاتر في مكتب شري وبها قوائم العملاء ومرتباتهم واخبار فلان زرع تمرة وفلان زرع برسيم جديد وفلان زرع جوافة جديدة ثم اخيرا اذا كنت تعلم عن بينة ان هناك علاقة بين اللجنة وبين ادارة السد وان اللجنة متواطئة مع ادارة السد ضد البلد فلماذا لا تكشف ذلك حتي تعرف الجماهير الصابرة الحقيقة واذا كنت تعلم ذلك وتكتمه فانت مشارك في الجريمة
اخيرا يا ياحازم انا ادافع عن اللجنة لانها لجنة المناصير كلهم واختارها اهلنا من برتي الي ام سفاية وانا لا اعد ذلك نفاقا او شقاقا
اخيرا انا لدي اهلي واخواني واقاربي في هذه المشاريع الصحراوية واتضامن معهم واخشي عليهم مصير مشروع الملتقي الذي تشرد اهله
لك ودي الذي تعلم

بما ان الاخ هاشم على الجزولى والاخت زوبا ذكرا بان دور اللجنة التنفيذية قد انتهى وتم تحويل ملف قضية المناصير الى نائب دائرة بالمجلس الوطنى والى معتمد محلية البحيرة هذا يؤكد عمالة اللجنة التنفيذية بمنعها للحصر وتغيير الكنتور ومنع دراسة اثار وتاريخ المناصير
اعلام اتحاد المتضررين
سلمان الحومرى

يا الخبير كن صادقا كما عهدناك وكفايه بااخي دفن الرؤوس في الرمال ؟ والرزق علي الرزاق ؟؟؟؟ وكفايه استهتار واستخفاف بعقول الناس ؟؟ سأسألك سؤال وجاوبني بصراحه ؟ هل تدري ماهو البرنامج الانتخابي للمؤتمر الوطني ؟ الذي وقف معه بقوه افراد اللجنه وبشروا به . حتي جاءت النتيجه المزهله . كأفضل نتيجه يحققها مرشح المؤتمر في ولايه نهر النيل والشماليه ؟
رجاء اذكره لي ؟ واذا لاتدري ؟ واظنك تدري اخبرني ؟ ليعلمه كل ابناء بلدي ..... وبرضو تقولي الحكومه واداره السد مكاجرانا ... والله ياعراب الكجار الكجار عندكم والسلام ..... حازم

بعد التحيه المناصير من النزاهه إن أوكلك الناس بعمل نيابة عنهم فمن باب أولي أن تخبرهم بمايستجد إن كانت إنجازات أو معوقات لكي يكون الناس علي درايه بما تقوم به ويعطونك مشورتهم وإن غلبك الأمر ترده إليهم ولكن ألا تقدم شيئا ملموسا وتوهم الناس أنك الملهم فلعمري هنا الخيانه بعينها والله خير الشاهدين ********************************************************** إعلام الخيار المحلي

الاخ حازم تحياتي
انا والله جني وجن المؤتمر الوطني ورايي ان الموتمر الوطني ليس له برنامج حتي وان ادعي ذلك وانا شخصيا كنت اري ان نقاطع الانتخابات جملة وتفصيلا وان نقطعها مع المؤتمر الوطني وادارة السد والحكومة الاتحادية والولائية واري اننا لو اكلنا السمك وشربنا من البحر حانعيش
لكن اذا كنت مفوض لجنة عشان تجيب لك حقك فدا معناهو انك تسمع كلام اللجنة
واذا كنت تري ان اللجنة قد انحرفت عن مسارها فما عليك الا ان تحلها وتعمل لجنة جديدة
دا كلام واضح زي الشمس ومبسط
لك ودي الذي تعلم والذي لا تعلم

بعدين يا حازم انا مكاجر منو لغاية ما تقولي انت عراب الكجار
رجاء ما تفقد المنطق وترمي كلام كبار كبار ما عندو معني

الاخوة المتداخلين سلام عام
انا داير اضرب ليكم مثل
افرض انت موكل محامي عشان يجيب ليك حق من زول قالع حقك بالقوة ووانت عرفت انو المحامي اتحالف مع عدوك ودار ياكل حقك حا تعمل شنو ؟؟
يتخيل لي ابسط حاجة انك تغير المحامي هسي الكلام دا صعب

للاسف الموضوع اللجنة من زمان حفل السيرك القلابة التعابة -مناصير البلد- وليس مناصير الخرطوم وولاياتها- كل مهرج بي قدم عرض مدهش يسحر العيون وكل واحد ممهمة ادقن فن اللعبة صبحة حصته اكبر واكبر حتي صدقوا انفسهم -----نواصل

الاخوان سلامات والله اللجنه دي المفروض يسولن حكايه الامريكان في العراق ضبح بس 000 بالله كلامك صاح طيب من زمان ماكلين راسنا وتاريكم متفقين مع اداره السد يافالحين 000 تعالوا تاني قولوا الحكومه ظلمتنا يا ظالمين 0000 قول يا حازم ونحن وراك

شايف عمنا حازم مسخن موضوع اللجنه والضياع وحتى يسير ......لا يخشى اللجنه عمنا حازم الكلام عن اللجنه يطول ولكل نجربة اخفاقتها واشراقتها وارجو ان لان تنظر الى النصف الفارغ من الكوب فالكلام بالعبرة بالتائج كلام فى محلو فنحنا كان مطابنا زى ماقلته خقنا كاش خيلرنا محلى والحمد لله الان فى خيارنا المحلى وكونو نكون فيهو الان ده انتصار كبير والوثائق موجوده واظن انها بحوثتك التى توضح استهداف المنطقه فالمهم لنا هو تثبيت الارض والبلد يعمروها اهلله .اما حديثك عن اللجنه لاتريد الحل .فكان خيوط اللعبه كلها فى يدها وانها بأمكانها الحل فى ساعتين كحل دارفور ..فالكل بعرف بأن الدوله هى اسامه عبدالله وهو لايريد حل لقضية المناصير وهو كالاخطبوط له فى كل شئ زراع .اللجنه اخطات فى اشياء كثيرة ولكن لها دورها التاريخى والمفصلى قضيه المناصيرو يجب على الكل ان يناقش بموضعية ليس بالخطب الرنانه ....
الناس داير تسوى شنو فى الحاصل كالكل شركاء.
اما المستندات مافى شئ الزمن ده مدسوس يااحمد الخبير اى حاجه بقت ضهره فى السهلى
بالمناسبه مويلحه خبره شنو ياباش مهندس

سار وسار ود القبايل سار

ياحازم الكلام ده قلناه في البلد لكن تتفاجا جماعة اللجنة واعلامها اول كلمة يقولوها ليك (انت كرزاية (
وده الح يلاقيك هسع في نهاية الموضوع 0
وشكرا

ود القيايل كتب: الاخوان سلامات والله اللجنه دي المفروض يسولن حكايه الامريكان في العراق ضبح بس 000 بالله كلامك صاح طيب من زمان ماكلين راسنا وتاريكم متفقين مع اداره السد يافالحين 000 تعالوا تاني قولوا الحكومه ظلمتنا يا ظالمين 0000 قول يا حازم ونحن وراك

ود القبايل يا زول انت جادي
طيب راجين شنو
والله ليكم حق يدقوكم ويطردوكم طيب ما دا الجبن الطفشكم من البلد وتجو تكوركو دقونا وطردونا

ود القبايل يدعو الي ذبح اعضاء اللجنة

انا ود القبايل البعدل المايل ... ومنو البطردنا يامطبلاتي ... نحن فوق عزنا فوق حقنا ....

نتمنا ان تكون الروح رياضيه والنقد بناء وهادف وموضوعي حتي تعم المنفعه والإحترام بين اعضاء المنتد. .

[quote="منوفلى"]ياحازم الكلام ده قلناه في البلد لكن تتفاجا جماعة اللجنة واعلامها اول كلمة يقولوها ليك (انت كرزاية (
وده الح يلاقيك هسع في نهاية الموضوع 0
وشكرا[/
[color=red]اشكرك يا منوفلي وانا لايهمني من يقدح في شخصي اذاكان القادح منصوري فأنا أعتز بلأنتماء الي المناصير جميعهم وحتي افراد اللجنه أعرفهم فردا فردا ويعرفونني كذلك وفال الشاعر
اذا اتتك مزلة من ناقص ............. فهي شهادة لي بأني كامل ؟ فكلمه كرزاي يااخي اطلقت علي نفر من ابناء جلدتنا وهم أحق بالمساعدة من غيرهم ؟ والله ان قلبي علي اهلي بالخيار المحلي يأن الما وان أوصالي علي المبطوحين في صحراء ابوحمد والمكابراب يتقطع حزنا. وان دعواتي علي الذين خارج الوطن ان يعودوا لأهلهم وهم اكثر فرحا . فحالنا هذا يااخي منوفلي لايعجب ألا الاعداء . فاليقولوا ماشاءوا ؟؟ فأنا منصوري اما وابا ؟ واياهم واياهم ان ينسبوني الي قبيلة اخري حتي لو كانت قريش لا أرضي بها ؟ ولك ودي والسلام حازم

انا ياود القبايل لم اقول ما قلته وشايفك متسرع بعض الشيء وشايف حماسك زايد وانا اشكرك علي الحماس دا لكن ياريت يكون موزون شوي ؟ والله الذبح مابندوروا لأهلنا نحن دايرين ينعدل الحال ويتسع المدار وناس اللجنه يساعدوا في رتق النسيج الاجتماعي . وان يعترفوا بالاخطاء امام الناس ؟ يقدموا الاعتزار وضح النهار ؟ يكشفوا الحسابات والاموال التي جمعت بأسم المنطقه ؟ يتساموا ؟ يدعوا لأجتماع يعلنوا فيه صراحة وبالفم المليان ويقولوا ( الحكومه رفضت تعوض اهلنا عن ممتلكاتهم وبس ؟؟؟ ما يقولوا الحكومه مكاجرانا تحت تحت وهم معها سمن علي عسل ؟؟ والله يا اخي الخبير لو دعت اللجنه لأجتماع جامع ووضحت فيه ما قلت والله والله انا سأكون أول من يقف معها كما كان وانت تعلم ذلك جيدا ....... والسلام ولا لدعوة التشرزم ذي ما قالت اختنا zooba...... حازم

والله يا حازم كلامك هنا عين العقل
تسلم

اهه ياحازم ما شايف الدسوقي ختاها لي ود القبايل كيف
وانا عارف ود القبايل وحازم زي الطائرات دقار لوري ما بوقفم !!!

- تمنع منعاً قاطعاً كل المساهمات التعسفية و الهادفة فقط إلى إثارة الشغب أو المهينة لشخص أو جماعة أو ثقافة أو ديانة...إلخ. نفسها نفس المساهمات التي تحتوي على سب أو شتم أو تهجم أو الفاظ جارحة او غير محترمة او اباحية...إلخ هي مساهمات غير مقبولة بتاتاً في هذا المنتدى و تعرض صاحبها الى إلغاء اشتراكه و المتابعة القضائية في حين الشكاية ضده.
- تمنع منعاً قاطعاً كل المساهمات الداعية أو المشيرة من قريب أو بعيد إلى أفعال غير قانونية.

- تحل بالصبر و أدب الحوار و النقاش و بعد المساهمة انتظر دورك الى ان يساهم احد الأعضاء بعدك قبل أن ترد عليه من جديد. فلا داعي لأن ترسل عدة مساهمات متتالية تحتكر بها النقاش لوحدك فاعضاؤنا لا يستحبون ذلك.

كل المساهمات المخالفة للقوانين أعلاه سيتم تعديلها أو حذفها دون تردد أو سابق إنذار. ولا تنس أبداً عزيزي العضو أن عالم الانترنيت ليست أدغالاً أو غابات لا قانون يحكمها و لا تعتقد أن جلوسك وراء حاسوبك (أو حتى مشاركاتك عبر الموبايل ) يضمن لك سرية هويتك...!

نأمل أن نقدم مايفيد ويخدم بلدنا

يامنوفلي والله كلامك اضحكني فيه من الدعابه ما يفرج الاسارير .. انت يازول دمك خفيف ورايع ؟ وانا احي فيك الروح السمحه دي ( ودا المخلينا نحب اي زول منصوري حتي ناس اللجنه الموكرين) . واطمأن يا منوفلي هيثم مابقدر يقول لي كرزاي لانو يعرفني زي جوع بطنه ؟ وانا الجنني وزعلني من اللجنه هو دعوة التشرزم ؟ فقدنا حقوقنا وغرفت اراضينا 0 وتفرقت نوايانا وحتي مقابر اجدادنا التي ندعو لها بالفاتحه عندما نأتي للبلد لحقت امات طه ( زي ما قال الخبير الممتليء عزه وحب للبلد زمان .. اما هسع جد جد بدأ الشك يراودني ) واللجنه تسوي في داك كرزاي .... وناس آخرين يقولوا زواج عرفي ( مقصود بها علاقه السد مع اللجنه سرا ) سمعته من مجموعه من شباب البلد عشان ياابني هيثم ما تقول دي من احتراعات حازم).. حرب بس الله يصلح الحال . . ولك شكري منوفلي يارايع واذا في زول قالك كرزاي فأعلم ان حازم اولهم ...... والسلام حازم

الشكر للاخوان .... اولا ياهيثم ما تسولنا قصة ضربني وبكاء وسبقني واشتكا ..... انا ود القبايل البقوم تلوت الليل أكابس الخلوه بالبراد ... دحين ياجني أعدل الكلام وخلنا النستفيد من المعلومات البيكتبوها الاخوان ... اما الأخ حازم رغم قسوة كلامك علي انا بحترم كتاباتك لأنها قويه وصادقه وخاليه من التطبيل ... ومن جيت المنتدي الجميل دا قلت ألقي ولاد بلدي ونسوي العديل مع بعضنا .. لكن الله اكبر علي من خان عشيرته والله اكبر علي الذين يهتفوا للخاين أو المتعاون معه ... يقولك داير الحقيقه وتلقاهو عارف الحقيقه وفايته قعر اضانو بيغادي .. وشايل درقتوا ويدارق ... عجيب والله عجيب ؟؟

بنفس الطريقه الاخيره دى اخونا ود القبائل واصل حواراتك وياريت
نشوف اعتزار منك عن المشاركه الاولى فى هذا البوست
فما تراه انت غير صحيح يراهو غيرك عين الحقيقه قل ماتشاء بكامل الحريه فقط دع ماؤدى بك الى ان تكون ذباحا

[quote="(الحاج شرف)"] بنفس الطريقه الاخيره دى اخونا ود القبائل واصل حواراتك وياريت
نشوف اعتزار منك عن المشاركه الاولى فى هذا البوست
فما تراه انت غير صحيح يراهو غيرك عين الحقيقه قل ماتشاء بكامل الحريه فقط دع ماؤدى بك الى ان تكون ذباحا ) ياجماعه زي ماقال صديق ابوحنه لازم تحدث هزه تزلزل الورا والقدام كفانا طبيل فلان نبي وفلان رسول نامن حتلنا رحنا الطين وحقوقنا ودرت؟ والكلام الحار سمح عشان حقوقنا دي تمرق ... والحكمه تقول الام الولادتها متعسره جناها يجي نجيض ..

العشاء ياناس معقول تقعدوا من العصر ماتتعشوا ؟ دا كلام؟؟؟
حقيقه الاخ سلمان عقيد النعوفابي عضو مميز ؟ ؟ لك التحيه ولكل المتداخلين
طبعي موروثي تربيتي لاتجعلني اسب وان السب ليس من شيمتي كل ما قصدته ان اللجنه خط سيرها جانب الحقيقه ولي من الدلائل مايؤكد ذلك ؟ ودي فرصه بعلنها للاخ الرشيد وامام كل الاخوان ( انا ذهبت للسيد وزير الدفاع وقلت له بالحرف الواحد ( معي شهود في ذلك ) اذا كان عاوزننا نقلبه ليكم دارفور اخري بنقلبها؟ مرمطونا وسلبتكم حقوقنا حتي مسؤل الولايه جبتوه من الجعليين هل نحن قصُر ؟( كان زمن المعتمد السابق الحويج ) ولدينا اولاد خريجين ودكاتره يسدوا العين؟ قلت له نحن الذين دافعنا عن الانقاذ لما كانت محتاجه للناس نحن الذين ارسلوا ارتالا من الشهداء الي مناطق العمليات ؟ نحن الذين صوتوا للجبهه الاسلاميه حيث لم يفوز مرشح واحد من الخرطوم شمالا الي دنفلا الا الدائره62 ابو حمد مرشحنا ؟ فيا السيد الوزير ما لكم كيف تحكمون؟ والله وافسم بالله اتصل امامي بوالي ولاية نهر النيل وقال له يا اخي ارفع ملف المناصير الي الحكومه الاتحاديه ؟ وقال له والجاب الملف دا عندكم شنو ما انتو قلتو ميزانيتكم معجزه ؟ انا لم اسمع كلام الوالي لكن الرد كان مسبطا للهمه حيث قال أنتو يالمناصير مادايرين قضيتكم تتحل ؟؟ واولادكم دايرين المماطله ( وعرفت من حينها ان قضية المناصير زج بها في صراع المصالح () وكفي )) وعشان تتأكد يا اخي الرشيد اسأل احمد عبد الفتاح وقل له ألم يرسل لك وزير الدفاع في مكتبه ؟ والوزير اقسم امامنا يأن سوف يقوم ببناء الخيار المحلي و الايفاء بكامل الاستحقاقات في فترة ثلاثه شهور فقط ( اكرر بناء بناء بناء بناء الخيار المحلي والاستحقاق في فترة ثلاثه شهورفقط ؟؟؟؟؟؟ هذا الالتزام اخي الرشيد من الوزير لم يأتي عبطا ولا حبا ولا أكراما من الوزير هذا نتاج للسمعه السمحه والذكري الجيده التي ارساها ابناء المناصير ليس في القوات المسلحة فقط ولكنه في كل الوحدات النظاميه والغير نظاميه الاخري والدليل واااااضح من هو مسؤل الامن قي ولايه الجزيرة؟ من هو مسؤل الامن في ولايه القضارف من هو مسؤل الامن في ولايه كسلا وبورسودان ؟ انتم كلجنه لم تستغلوا النجاح و استقليتو النجاحات ؟ انتم كلجنه لم تستوعبوا مكانه ابناء المناصير الاخرين ومجاهداتهم ؟ قدمناها لكم علي طبق من ذهب ولكن نتائجها زرعتمونها فتنه بين الاهل ؟ انتم كلجنه ؟ أنتم كلجنه ؟انتم ؟ انتم؟ ستلاحقكم دعوات اليتامي من ابناء بلدي ؟؟؟؟؟؟؟؟ وداير اقوليك يا الاخ الرشيد نحن لسع زمام المبادره ماسكنه لكن الطريق امامنا مهبرك ( زي ما فال القامه بروي ) بس دايرنكم تعلنوا وتقولوا حقوقنا ما ادونا ليها في اجتماع عام فقط ؟؟؟؟ والباقي علينا ؟؟؟؟؟ ودا وعد قدام الناس دي ؟؟؟ والسلام حسن

الأخ حازم والله الذي لا إله الاء هو . نحنا لدينا من الشجاعة مايجعل كل السودان ده يعمل لينا الف حساب والكلام ده قالو اللواء معاش صحن لي صلاح قوش في احد الإجتماعات مع الحكومة ويأخي الموت ده كم مش واحد والله الموت حبابو عشرة فوق حقنا ونحنا جاهزين .
مثال بسيط في اخر معارك الحكومة في دارفور إستشهدو تسعة من الجيش منهم اربعة مناصير ترملت نسائهم وتيتم اطفالهم واهلهم يسكنون العراء مع العقارب والثعابين بالله عليكم مش كتيرة علي حكومة لاتعترف بنا ولا بحقوقنا
الزمن العلينا ده حقك تجيبو بي ضراعك وأنا واثق تماما بأن هذه اللغة الوحيدة التي يفهم بها القائمون علي الإمر

اشكرك الاخ فارس
ذي ماذكرت والحكومه تدري تماما بمكانه المناصير ؟ وتعلم تماما ماقدموه
وتعلم جيدا مجاهداتهم السابقه والحاليه ؟؟؟ سأذكر لك موقف حدث قبل ثلاثه اسابيع فقط ؟ ( اعزرني من التفاصيل واذا التقينا سأخبرك بها ) في دارفور ؟ واحد من ابناء المناصير كان قائد لقوه تزيد عن الالف فرد تحرك بها الي احدي مناطق العمليات النشطه وذلك وفق التعليمات والتوجيهات الصادره له يااخي الانتصار الذي الذي حققه فاق توقعات القياده والخسائر التي احدثها في العدو شلت حركه العدل والمساواه تماما والغنائم التي استولي عليها والله والله تعوض المناصير عن كامل استحقاقاتهم , حتي الخيار تبنيهوا كامل ؟ رغم أنه اصيب كان محنكا كان شهما كان عظيما كان كان كان هذه الكان داخلها كثير جدا من المفخره والاعتزاز لهذه القبيله التي ولد وترعرع فيها الآلاف من ابناء بلدي أمثال هذا الشهم ؟ زرته ودمه مازال ساكبا وشكرته علي المجهود الجبار الذي زاد من سمعتنا كمناصير بأختصار يااخي هذا الانتصار دون من ضمن انضي واجمل واروع بطولات القوات المسلحه في مسارح العمليات وسيدرس في احدي كلياتها العامره ليحكي شجاعي وحنكه المفاتل السوداني ( وانا بقول ليحكي شجاعه المنصوري ) وللتاريخ يااخي فارس تجاذبنا الحديث و وتجادعنا بالكلمات وجاء ذكر اهلنا وقال لي .................) فيا اخي فارس للدوله مؤسسات وجهات ترصد وتتابع وتقيم وهنالك في اضابير مكتباتها الكثير الذي يحكي عن القيمه الناصعه لهذة القبيله ؟ لكن لكن لكن العيب فينا ؟ العيب في الذين لم يستغلوا هذا النجاح واستقلوا هذا النجاح ؟ فنغمه انتو ياالمناصير صرفتوا حقوقكم دائما تقف امامنا ؟ وفعلا اخواننا في اللجنه الموقره قالوا تمام وحقوقنا تمام وكل شيء تمام ؟ الا علي صفحات المنتديات وفي البلد يقولوا الحكومه ظلمتنا ؟؟؟ وعاهدناهم فقط يقولوا ان الحكومه ظلمتنا ؟ عندها سيتدخل تاريخ هذه البلد وانسانها الذي يدافع بكل شراسه عن السودان الكبير ؟ ونحن مازلنا نكرر للاخوان في اللجنه اذا كان فعلا الحكومه لم توفي حقكم ادعوا لمؤتمر جامع واذكروا فيه هذا ؟؟؟ و السلام 0000000 حازم

اشكرك اخي ابو سفيان خلف الله واشكرك كتير قامة بلادي الرائعه محمد بروي ( اللزق لسع ماخليتو)
انا أتفق تماما مع الذي كتبتموه
وعشان نبقي جادين فالنبداء من الآن
الاخوه في اللجنه الموقره رجاء رجاء ادعوا لأجتماع جامع
ووضحوا فيه ملابسات عدم ألتزام الدوله بصرف استحقاق المناصير وبناء الخيار المحلي ؟ واعاهدتكم ومن هذه اللحظه سأكون اول المدافعين عن اللجنه ؟
والله علي ما اقول شهيد...................... والسلام حازم

دا الكلام الدايرو ود القبايل ودا الكلام البعدل المايل ... راينا كان فيك واضح يا غطا الكاشفات ..... ود القبايل يدعوا الاخوان والكيمان البقت كيمان يشوفوا النضم الدقري الذي بول الجمل .. اه الكلام جااااكم ياناس اللجنه والمدافعين وحازم ختاه واااااضح ..... ونحن منتظرين ناس اللجنه....... ومنتظرين الدعوه للاجتماع ... والله اكبر علي البيفز

الاخوان الكرام
محمد البروى
ابوسفيان
المشاركه الاعلى مشتركه بينكما
نرجو التوضيح لحفظ الحق الادبى للمشاركه

الاشراف

اريد
ان اعرف ماذا حصل في اجتماع عبد الرحيم محمد حسين ------
وما اذا كان رد فعل اللجنة --------

الاخ عسكور قال بي الفم المليان احمد عبد الفتاح باع المناصير في اكثر من مناسبة عامة-هنا في سوال لاماذا لم يتخذ الاخ احمد عبد الفتاح الاجراااات القانونية مالم يكون كلام الاخ عسكور صاح ومسنود بي اوراق قانونية --