صلاحيه اللجنه التنفيذيه

تذكير بمساهمة فاتح الموضوع :

نحن لانشك مطلقا فيما انجزته اللجنه التنفيذيه

ويكفيها فخرا بانها جاهدت واستبسلت حتى كان انتصارها بتثبيت الخيار المحلى ويكفى ان لم تفعل غير ذلك

ولكن......

اين هى الان

هل مازالت موجوده بنفس الهيكله والترتيب التنظيمى لها

مامدى صلاحياتها

هل مازال من حقها التحدث نيابه عنا

وان كان كذلك اليس من حقنا ان نسمع صوتها وان نعرف مايدور داخل اجتماعاتها

وان كنا نجد بين سطور الباشمهندس هاشم كلمات تدل على وجود اجتماعات

وهواحد الاعضاء الموجودين داخل دائره الضو الان ف
ى
هذا المنتدى مع عضو اللجنه الاخ الرشيد الافندى والذى فاقت عضويته السبعون فردا و يخلو تماما من وجود متحدث رسمى

خلاصه

ان كانت اللجنه التنفيذيه ترى انها لا تملك حق التحدث وان مهمتها انتهت بتعين معتمد وان كنا لانراه حتى الان بالعين المجرده

فعليها ان تفعل ذلك بكامل عضويتها فليس من المعقول ان تمارس مايحلو لها وتترك ما لا تستسيقه

وليس من حقها ان يمارس بعض اعضاؤها وبعض منسوبيها وتابعيها امور العباد ويستريح الاخرون بمحض ارادتهم


وان من ارتضى ان يقبل بالتكليف فليس من حقه ان يترك ذلك فى قاعه الطريق كالحمل الحرام تنهشه الكلاب فبعض اعضاء

التنفيذيه اطلقت يدها دون ان تقول وداعا ودون ان تسلم الامانه لاهلها

وبعضهم التزم الصمت كأن الامر لا يعنيه فى شى وبعضهم لايعرف ولا يريد ان يعرف

واخرون زهدو فى الامر ما دام الامر خرج من دائره الضو اللامع

نحن لانريد اكتر من ان تكون اللجنه برلمانا منظما وان تكون هى الراعيه والمتحدثه والناطقه والعين الساهره ولكن بكامل

المسؤليه

وبكامل تنظيماتها المختلفه حتى لا تترك فراغا يجد فيه النفعيون ضالته وان تمارس حق حمايه المكتسبات [ندعوك للتسجيل في المنتدى أو التعريف بنفسك لمعاينة هذه الصورة] دون المساس بصلاحيات المعتمد ودون التغول داخل دائره السيد النائب

الاخ عسكور قال بي الفم المليان احمد عبد الفتاح باع المناصير في اكثر من مناسبة عامة-هنا في سوال لاماذا لم يتخذ الاخ احمد عبد الفتاح الاجراااات القانونية مالم يكون كلام الاخ عسكور صاح ومسنود بي اوراق قانونية --

الاخ حازم اسم علي مسمي وكلامك زي الرصاص -
ان شا اللة يا ناس بلدي تفهموا واخير كلام البي يبكى مش كلام البي يصبر علي مصيبا جات وجاية ---اخير اتحزم واركز

مازال ظنى بالسؤ على اللجنة التنفيذية والكرزيات يتأكد يوما بعد يوم وخصوصا مداخلات الاخوة فى تثبيت الخيار المحلى من المعلوم قرار رئيس الجمهورية رقم70 بخصوص اراضى المناصير اللهم الا ان كانت اللجنة لاتثق بقرارات رئيس الجمهورية طبعا عدم الثقة يفرض على اللجنة التنفيذية تسأل كيف لاتثقين برئيس الجمهورية وتثقين فى برنامج المؤتمر الوطنى الذي رئيسة رئيس الجمهورية ولا دة ضمن التمكين فهمونا ايها القوم

الاخ حدوري ولكاتب المقال الحاج شرف ألف تحيه وشكر وعندك الخبر اليقين فأنت يا الحاج شرف من أثار موضوع صلاحية اللجنه وهذا حقك الادبي . من خلال مداخله الاخ حدوري الاخيره قد تكون كونت فكره عن الاآراء التي ادلت بدلوها فنحن ننتظر خطابك النهائي والمحصله النهائيه حتي نسير علي خطاه . فالذي تقوله نحن سنتمسك به . فلك الشكر ثانية ولله من قبل ومن بعد ...... حازم

كلام حازم دا يا جماعة كلام مليان انت يا الحاج شرف شوف المحصلة بتاعتك وفتش دفاترك وادراجك واجمع واطرح وشوف المحصلة كم ؟؟؟؟ وكلام عسكورى وغيره وغيره خلو ؟؟؟؟ وخلو كلام عسكورى والله قبل البلد تغرق جانا احمد عبد الفتاح فى ارج وقال يا جماعة والله كان تعرفوا الخير الجايكم ما تصدقوا ونحن قلنا استغفر الله القيامة داير تقوم ؟؟؟؟ الخير يجى من وين وهو البحر ماشى لافوق ؟؟؟؟
وتميراتنا غرقن ونزح لافوق وجروفنا وبيوتنا ؟؟؟ وخلو كمان دا عشان تعرف الحكاية كلها جايطة والمتعلم من الجاهل ما بتعرفوا ود الجزولى الهسع دا الموجود وما يغبانى جانا فى راس الجزيرة بونى ودق الحديدى وقال خلاص البحر يقيف هنا ؟؟؟ وقسما بالله عييييييييييييككككككككككككككككك فات حديديتو الغزاها بى مراحل ؟؟؟
حتى فى واحدة من عجائز بونى مع الصباح البحر شال راكوبتها وعفشها قالت عاد والله كان لميت فى زول الحديدى ما غشانا بى حديدتو ؟؟؟؟ وقال البحر حدو هنا ؟؟؟؟
على العموم نحن ما ناكرين جميل زول لكن والله الشغل الكبار كبار ما بنفهموا ومانى ناس سياسة كبيرة كبيرة ناس بساط وعاوزين المحصلة يا الحاج ؟؟؟

ياسلام ياابو مصطفي كدا كلامك عجبني مش علشان قلت كلام حازم دا مليان ؟ عجبني فيه قصه المراء العجوز الكايسه صاحب الحديدي ؟؟؟ هاك النكته دي ؟ واحد بلدياتنا قال الخرطوم دي زول يقلك مالقيت شغل فيها دا مصجج( زول بليد ومابفهم ) قال مره انا انقطعت تب لاتايه لاقدر زمان ؟ مشيت طوالي لقيت لي عضام ورماد ولخبطهن مع بعض وبقيت اكورك في ميدان ابوجنزير ": دواء الفار ياناس ..دواء الفار ... قال الخلق الجات كابساني دي ماعندها حد؟ بيع شديد .. المهم من ضمن الناس الاشتروا مراء عجوز بتذكرها لانها قال سعلتني شديد ؟ بكره الصباح بديت اكورك دواء الفار ؟ قال جاتني العجوز الماتقباني وقالت ياولد دواك دا ماسوي شي للفار؟ قالها ياخاله ( جايكم خير كتير) اول شي امسكي الفاره ودخلي ليها الدواء في خشمها شوفي كان ما جاب خبرها؟ العجوز لأنها فيها عفويه اهلنا المناصير قالت ايوااااه امبقي كدي صدقت؟؟؟؟باقي القصه تموا براك...00000...000..00.00.0حازم

هذه حقيقة يا حازم والله انا فى انتظار الخير ؟؟؟؟ وعيشنا السايقنو فى اخر صيف خلاص كمل وتمرنا الحصدناه قبل الغراق كرموشة مافيه مفضلة وخلاص بقينا نمشى على عجل الحديد والناس فى انتظار الاغاثة ؟؟؟ دا كلام يا جماعة وينو الخير الخير عند الله وباب الله كبير وخزاينه كبيرة والله كريم على المساكين ؟؟؟؟؟؟
وبعدين معاك يا حازم صاحب الحديدى عندو مشكلة ماهو زول كهندس وبتاع خطوط كنتور ؟؟؟ والله ناس بونى قالوا يجى علينا لاتحت سوف نخط فى راسه خطوط كنتور اخرى ؟؟؟ اتصور عمك هاشم الجزولى يحلقوا ليه صلعة ويرسموا خطوط الكنتور فى صلعته الحمراء الكلام دا ودختو ما برضاه والله يهون ؟؟؟


تحياتى
ابو مصطفى

عوجة مافى يا حازم خالى هاشم والله زول قلبو ابيض وزول قلبو على البلد
ومع ناس البلد لكن بس الحديدى ؟؟؟ ما ختاها فى محلها الصاح وما عندو مشكلة ؟؟؟؟ صدقنى هو زول علمى وبتاع علوم وجولو جيا ومياه وانهار وحاجات زى دى كدى ؟؟ لكن الجماعة ناس الجزائر بس يقولوا ليك زول الحديدى وينو ؟؟؟؟؟
تحياتى
ابو مصطفى

عذرا لرفع هذا البوست
ولكن لنؤكد ماقيل فى سكوتهم على لسانهم
هى مرحله تكتيكيه اردنا بها الانسحاب لنفسح المجال لتنفيذ قرارات السيد رئيس الحمهوريه وولايه نهر النيل عبر مؤسسات الدوله الوليده والمتمثله فى معتمديه البحيره ومعتمدها اللؤاء عيسى محمد عمر والسيد نائب الدائره القوميه للمجلس الوطنى ومن قبلهم للسيد الفريق الهادى والى الولايه

اخشى اخى الحاج ان يكون سحب البوست هو عبارة عن بداية الياس من لجنة باعت السراب الى الناس وهذة القضية لن تموت كما تخطط لها لجنة باعت حقوق اليتامى والاطفال.