مالو يتزوج أولادنا من غير المنصوريات ؟؟؟

محمد حبيب بشير هبرم كتب:أختي تماضر أحمد السيد أنتي البحتيهو بي ضليفاتك ديل ....البوديك تحفري شنو .....نحن دسيناهو في مرقون جووووه وجادعين فوقو شوالاتن فاضات وقداااام ....المهم الطرفين يكونو سعيدين يا تماضر.. السعد الدوام ضاريكي... والعكش اليهز أضنيكي
لكي تحياتي وودي

صديق عبدالله علي أبوحنة كتب:أنا غايتو الما بتزوج منصورية ماهو رفيقاً لى..
وكان لاقي فرقة أنا كنت تميتن أربعة منصوريات.. لكن الحكومة بتاعتي تضبح عديييل في الكلام ده! عشان كدة رافعين البيرق.. ونحمد الله على الواحدي ماني زايدنها تب..
كلام واضح موش!!!!

م بروي كتب:
والإجابة من وجهة نظري أن بنات الصعيد
والذكيات منهن وبحكم زمالتهن لأولادنا
يدركن بأن هذا الرجل مختلف بحيائه وأدبه
الجم وعلمه ووسامته كمان.. مما يصلح
ليكون عريس لقطه
وتبدأ في نصب شباكها من حوله ومما يسهم
في نجاحها في مهمتها نجد أولادنا من هذا
النوع جلهم مساكين وما ناس شدايد وفاقدين حنان
ومن الساهل تجيب خبرو والولد يلقى الكلام
الرقيق والإهتمام الزايد ويرقد سلطه
وبالتأكيد هذا لا ينطبق على كل من تزوج من الخارج
وهنا نقول هذا قسم خالق البرية عز وتعالى وأمره النافذ وأن حرصتم .

صديق عبدالله علي أبوحنة كتب:أنا غايتو الما بتزوج منصورية ماهو رفيقاً لى..
وكان لاقي فرقة أنا كنت تميتن أربعة منصوريات.. لكن الحكومة بتاعتي تضبح عديييل في الكلام ده! عشان كدة رافعين البيرق.. ونحمد الله على الواحدي ماني زايدنها تب..
كلام واضح موش!!!!

خال ابرار كتب:

م بروي كتب:
والإجابة من وجهة نظري أن بنات الصعيد
والذكيات منهن وبحكم زمالتهن لأولادنا
يدركن بأن هذا الرجل مختلف بحيائه وأدبه
الجم وعلمه ووسامته كمان.. مما يصلح
ليكون عريس لقطه
وتبدأ في نصب شباكها من حوله ومما يسهم
في نجاحها في مهمتها نجد أولادنا من هذا
النوع جلهم مساكين وما ناس شدايد وفاقدين حنان
ومن الساهل تجيب خبرو والولد يلقى الكلام
الرقيق والإهتمام الزايد ويرقد سلطه(ههههههههههههههه نفهم انو اولادنا بقم ولاشنو ياكلوا راسن بى شوية نضم خخخخخخخخخ)
وبالتأكيد هذا لا ينطبق على كل من تزوج من الخارج
وهنا نقول هذا قسم خالق البرية عز وتعالى وأمره النافذ وأن حرصتم .

دكتور النافعابى سلامات وكيف صحتك

اعتقد ان ما قاله شاعرنا بالاضافة لما قاله جبريل بحكم زمالة الدراسة والعمل تمثل الاجابة على السؤال

بس كمان اجابة شاعرنا جابت سؤال؟؟؟؟؟

هل المنصورية لا تجيد الكلام الرقيق والاهتمام ام لا تجيد نصب الشباك؟؟؟؟

مع انو طرف السوط قرب يصلنا ولا وصلنا بس ربنا ما يجعلنا من الراقدين سلطة...

وفى النهاية كل شئ قسمة وجدنا زمان كان بيقول:

الحريم منازل ليل ينفعك البخت ما بينفع العزيل

وحدات كروتاب وحدات دراوة سيل....

سامى احمد محمد كتب:دكتور محمد سلام

كدى انت أقع لك فى شبكى ناسجاها منصوريى ولا غيرها

هههههههه

تحياتى والعيد مبارك

خال ابرار كتب:سامى ازيك هههههههههههههههه

الواحد بعد ما يقرب يقع فى الشبكى يحردو ليها بى البوست دا هسى الكلام دا اتنسى ليهو زمن الجابو شنو تانى؟؟؟



ههههههههههههههههه سلامى النكت ليك البوست دا على الاقل تلقى ليك شماعه^^ وبعدين يازول البوست دا مفروض انو واقف معاك ولا انت مارفيق للجماعه ديل؟غايتو حيرتنا

صديق عبدالله علي أبوحنة كتب: هل المنصورية لا تجيد الكلام الرقيق والاهتمام ام لا تجيد نصب الشباك؟؟؟؟
فعلا هذه هي الحكاية يا خال أبرار
المنصورية تعتبر الكلام الرومانسي قلة أدب... وعدم حياء يقول ليك ( البت دي ما عندها حيااا ) أو ( عينا قويي ) ( قليلة حياا )
وتعتبر نصب الشراك.. كذب وخيانة.. والداير عديييييل كدة يجي بالباب
أتربن على كدة.. عادة صعب تغييرا.. بدأت تتغير .بس بصعوبة
لأنها موروثة في الجينات..
مافي منصوري من الأجيال السابقة ولى غاية الليلة شاف جدو والله أبوه شاغل أمو قدامو والله قالها كلام من النوع دا!
ولا كنا ذاتو عارفنهم بي يتلاقو وين.. والله هم أصلا بي يتلاقو!ويلاقو لى شنو؟
لامن بقينا رجال كبااار 14 سنة ما عارفين أي حاجة في أي حاجة
إلا عرفنا في صف ثالث ورابع ابتدائي في حصة العلوم أننا نجي كيف؟ لهذه الحياة!
...........

علي الحمود كتب:؟
لكن برضو بمناسبة الكلام الرقيق ده.!!!!أنا بعرف مناصير متضجرين من زوجاتهم المنصوريات ويصفون ذلك بأنهم متزوجون ولاد عمهم..
المنصوريات عندهن القسوة يا خال هل توافقنى الرأى؟
تقرع معاهو المويه وشق كرعيها يدخل السحلية والإيد قوية والحنه والمشاط من السنه لى السنه !!!!!!!!!!!!!!!!!!

انتصار حجازي كتب:

عموما اذا ح تتكلم عن محاسن المنصوريات اتكلم
(ههههههههه سلامات عزيزتى انتصار واذا احتجتى لاى مساعده بس اشرى ونحن ومفاريكنا تحت الخدمه ))اما لو ح تتكلم عن مساؤهن فالمفراك بيجيك لعندك [ندعوك للتسجيل في المنتدى أو التعريف بنفسك لمعاينة هذه الصورة]


لا لا عاااادي اتكلم سواء خير او شر
بنتقبل الموضوع بصدر رحب

((طبعا ماهو براهو كلهم نسوا النقطه دى بس لو نسوها نذكرها ليهم نحن طوالى يااختى))بس لما تذكر مساوئ المنصوريات ضيف معها مباشرةً مساوئ المناصير ... بالله ما تنسى

محمد حبيب بشير هبرم كتب:كتبت تماضر
هههههههههههه انتو داسنو لي شنو.
يا تماضر داسنو من الزي دا
(النوع جلهم مساكين وما ناس شدايد وفاقدين حنان
ومن الساهل تجيب خبرو والولد يلقى الكلام
الرقيق والإهتمام الزايد ويرقد سلطه)
المسأله ترجع للفكره المركزيه للزواج نفسه ولاعلاقة لها بما كتب اعلاه وأظنها انطباعات شخصيه من تجربة (زينوبا) ...فكل الذين أعرفهم من أبناء المناصير وتزوجوا من خارج المناصير شباب متدينون ويقودون مشاريع تنويريه في مجتمعاتهم... ويرون حتي الجلوس مع البنات في البينشات من خوارم المروءة!!! ولكن رؤيتهم لرفيقة الحياة أن تشاركهم الهم العام بغض النظر من تكون(ياخ تسلم ايدك وليتهم يدرون))!!! ومن أين.. والكلام في هذا يطول....
..(طبعا المنصوريات مافيهن نضمه والزول لو قال الواحد يتزوج خارج المنصوريات مامعنى كده انو ماعاجباتنه المنصوريات بالعكس نحن نجدع جدع بس المناصير محتاجه لاختلاط القبايل عشان على الاقل بعض المفاهيم تتغير حبه)
يا سلااام يا تماضر عليكي الرسول اما اديتينا خريشة من سماحتك وذوقك وأدبك العالي دا ....دايرين نمسح بيها ود عمي ود حاج... أكان يبقي يشبه الناس هههههه
السعد اليجيك بي سمحو وأبوك يمرق شواويل قمحو

اقبال كتب:التحية لصاحب البوست

والتحية التانية لي تماضر التى احيت هذا البوست الحيوى وهو يستحق ان نمر بة

والتحية لكل المرور الكرام

انابعتبر مسألة الزواج حاجة شخصية فى المقام الاول

اذا كان من منصورية او غيرها ،وان تكن منصورية خير وبركة