مالو يتزوج أولادنا من غير المنصوريات ؟؟؟

أولاً أطلب الإذن من شاعرنا الفحل ملك ملوك فقاعة محمد البروي في أن أطرح هذا الموضوع فهو الذي أشار إليه ضمن موضوعه الشاعر أيها الفظ الفظيع ولكن لقيت المشاركات كلها بعدت عنه ولأهمية الموضوع وأكيد شاغل بال كتير من الناس أردت أن يناقش في بوست لوحده

نجد كتير من أولادنا وخاصة المتعلمين والناجحين والأخلاقهم عالية هم من يتزوجون من خارج المناصير

كان بمشي السجمان مانزعل عليه

كلنا يعرف الفتاة المنصورية قمة في الجمال قمة في الذوق قمة في التواضع قمة في الكرم وخدمة الضيوف حمالة قسية تقيف مع زوجها في المرة قبل الحلوة تغطي عليه برموش عينيها وتخدمه حافية القدمين لذلك تجدني أتحير من أؤلئك المناصير الذين يتزوجون من خارج المناصير

ماذا ينقص المرأة المنصورية وعن ماذا يبحثون في غير المنصورية

المرأة المنصورية تملك كل شيء وغيرها لا تملك أي شيء

كتير ممن تزوجوا من خارج المناصير تعبوا في حياتهم والأمثلة كتيرة ومعظم من تزوج منصورية حياته مستقرة وبدرجة كبيرة من الرضا

وطبعاً يا أخواني هذا الكلام في عمومه ومعظمه صحيح ولكن هناك من النساء الأخريات من تفوق المنصورية ولكنها نادرة والنادر لا حكم له وكذلك من المنصوريات من هي سجم ورماد وكذلك دي نادرة

ولذلك أنا أقف بشدة ضد كل من يتزوج من غير المنصوريات

من طرف **اميره الحومرى** السبت 28 مايو 2011, 7:10 pm

ااولا تحياتى لك يادكتور بس موضوعك حساس شويه وماديرين نظلم من تزوجوا خارج المناصير بس ذى ماقلتا هم من خيرة اولاد البلد ود المقسه هنا لكن انا بشوف انهم عندهم صدمه حضاريه وتعالو على بت البلد البسيطه وتخموا ببعض الميزات الغير موجوده فى بت البلد وهى ميزات زايفه مع مرور الوقت ولكن صدقنى اكيد بعض منهم هو ندمان شديد خاصه انو مناصيرنا ديل مابدورو اى جنس غير جنسم مهما كان

الأخ الدكتور حسين كتبت تعليق ممتاز على مقالك ولكن لسبب فني حيث تضارب تسجيل موضوعي مع موضوع أختنا بنت الحموري وطار الموضوع وضاع وقتي ولكن لي رجعة في وقت أوسع. لأني شايف الهواء مدعش وغتايتي وغتايتك.

من طرف **م بروي** السبت 28 مايو 2011, 8:02 pm

ركن المدينة العاتي
وملك الناس أجمعين
سلام
كنا ونحن نقرأ تعليقك على بوست الشاعر
نسمع أنفاسك متلاحقة وهواها يمر من خلف آذاننا
وباين إنك محموق وزعلان مع بنات بلدك
وهذا هو طبع الأصيل الغيور.
السؤال الذي يفرض نفسه بقوة
لماذا بعض الناجحون من أولادنا
هم من يختاروا غير المنصورية؟
والإجابة من وجهة نظري أن بنات الصعيد
والذكيات منهن وبحكم زمالتهن لأولادنا
يدركن بأن هذا الرجل مختلف بحيائه وأدبه
الجم وعلمه ووسامته كمان.. مما يصلح
ليكون عريس لقطه
وتبدأ في نصب شباكها من حوله ومما يسهم
في نجاحها في مهمتها نجد أولادنا من هذا
النوع جلهم مساكين وما ناس شدايد وفاقدين حنان
ومن الساهل تجيب خبرو والولد يلقى الكلام
الرقيق والإهتمام الزايد ويرقد سلطه
وبالتأكيد هذا لا ينطبق على كل من تزوج من الخارج
وهنا نقول هذا قسم خالق البرية عز وتعالى وأمره النافذ وأن حرصتم .
تجدني أتفق مع كل ماذهبت إليه فهذا السودان قارة
والقبايل تختلف عاداتها حتى مع اقربها لبعضها
فالمتوقع أن يعيش المتزوج من الغريبة صراع
ثقافات و في صورة من الصور دون أن يحس مما ينعكس على
حياته كل ذلك فضلاً عن الإستعداد النفسي لأهله لرفض هذا الجسم
الغريب والذي يحول دون معرفة الجوانب الحسنة فيها ولو عظمت ...
ولو الزوجه فكرت في كسر هذاالطوق وراهنت على قدراتها نجدها
تصطدم بما لا قبل لها به من تيارات مقاومة ولو نجحت في جعل أهل
زوجها يحبونها باقي أهله و جيرانو مابفكروا يجوهوا ويمشي يبيتو
عند البعيد في القرابة لأن مرتو منصورية ..
وهذا بالطبع لن يريح صاحبنا ويشكل له بعض منقصات الحياة.
ولو قلتوا ليه ما يمشولوا؟؟
ديل ناسناً مشحونين
بأصاله زايدة تدفعهم في إتجاه
الأصالة الزايدة.
والغريب في الأمر نجد مناصير من النوع
الذي يعيش في الخرطوم ويربي أولاده على
كره المناصير ويعلنها داوية ما حيعرس
بناتو للمناصير.
قوم لف في ستين داهية إنت وبناتك
هو الدايركم منو؟؟
وبعد داك يكوس المناصير ما يلقاهم.
وللحديث بقية

من طرف **HASSAN SULIMAN** السبت 28 مايو 2011, 9:11 pm

تحيه واحترام مع رفع القبعات للدكتور مربى الاجيال النافعابى نفع الله به العباد والبلاد
كما استاذن لاحيى الشاعر القامه ود البروى وشاقلناك بى قادى فى ديوان ابو حنه للتراث والاصاله لكن ما شفناك تانى
وللجميع السلام
هذا الموضوع ذو شقين فعندنا اولاد يتزوجون من غير المنصوريات كما توجد بنات يتزوجن من غير المناصير
وهذه سنه الله فى الارض (( وجعلناكم شعوبا وقبالئل لتعارفوا ان اكرمكم عند الله اتقاكم )) وانا شخصيا لا ارى اى مشكله طالما ان هناك زياده للقبيله من غير المنصوريات (( مثلا فى الجزيره عندما تريد البنت الزواج يبنا لها منزل بالقرب من بيت الاسره ويعتبر العريس من افراد الاسره والقبيله ولا يسمح له باخذ الزوجه خارج الديار وعليه يكون عدد القبيله فى زياده وهكذا نجد ازدياد فى الاعداد والنمو السكانى والشى الذى يودى الى المدنيه والتمدن وتكوين مركز ثقل اجتماعى كبير ليصبح فى ما بعد مركز خدمات وبعد سياسى كبير
وعليه يمكن النظر الى العريس المتزوج من الخارج الديار بنظره القبول اذا التزم بعادات وتقاليد القبيله والتزم بعدم مقادره القبيله حتى ولو فى الاجازات ليكون التواصل والتوادد الذى نربى عليه اولادنا واحفادنا يعنى (( يقوى الديوان والقدح نص الليل وما ينضارى من الضيفان ))
وللموضوع بقيه

بعد السلام والتحايا الاخوان والاباء الاجلاء فى البدايه وفى النهايه موضوع الزواج دا قسمه ونصيب من الله سبحانه وتعالى فى الاخير. وانا بشوف انو السبب الذى يجعل المتعلمين والمتمدنين من ابناء المناصير ينظر للزواج بى نظره تختلف شويه حبه عن باقى الناس. يصيبه اعتقاد انو لازم يكون فى تفاهم وونسه والحركات الدخيله على المجتمع السودانى عامه و يرفض الزواج التقليدى وهذه الاشياء لا يجدها فى بناتنا المناصير عشان كدا بيطلع بره وبشوف نفسه مثقف او مامعقد واشياء من هذا القبيل وفى الحقيقه هو قافل شديد.وهذه الصفات الاشياء المميزه لبنات المناصير والتى كنت افتخر بها امام زملائى من باقى القبايل فى الجامعه .بقولو اصابع اليد الواحده ما بتتشابه لكن جميع بنات المانصير يتشابهن فى الخلق والاحترام والما مصدق يلف السودان

نحن غايتو الموضوع ده يا سليمان.. المسمنك على سليمان ود السيد ما بيهمنا
ليه؟
لأننا من المتزوجين منصوريات أماً واباً.. وكمان من الخيار المحلي..

الموضوع يادكتور ما هين ولا ساهل لو جيت تحسب الامور تجد ان البنت الغير منصوريه اكثر جاذبيه من المنصوريه مع متطلبات الحياه فلقد اصبح الشباب خاصه المتعلمين من اولادنا يهتمون باالمستقبل مع هذه الظروف القاهره لذا الاكثر حظوه هي تلك التي ذات الوضع المادي المريح يعني اهلها مرتاحين ماديا وبناتنا المنصوريات جلهم اهلهم علي قدر حالهم وهذه هي المعضله الاولي بصراحه في هذا الزمن لن تجد احد يتحمل امرأه مع اهلها ولكن الوضع ان تجد امراه شايله حيلها علي الاقل او وضع اهلها المادي مريح
لو عملنا استبيان في اسرتنا ( اسرتي واسره اهلنا ولاد محمد الحسن العدرقاوي )
انا الوحيد الذي تزوجت منصوريه من اخواني وهناك نجد اثنين من اولاد محمد الحسن تزوجوا من منصوريات واربعه خارج المناصير اما عن اخواتنا فلقد تم الازدواج جزء من مناصير واخر من خارج المناصير وباالتالي انعكس ذلك علي الربط بين اهلهم في المناصير واصبح الرابط معدوم ايضا حديث محمد بروي فعلا انا شخصيا كنت شايل هم قبل الزواج ان
لايحدث توافق بين وبين زوجتي لعامل التباين في اختلاف المجتمع والبيئه لكن كنت مؤمل علي حاجه واحده هي ان الفتاه المنصوريه ذكيه وتستطيع ان تستعمل عقلها وتواكب كما انها سوف تكون الاكثر حرصا علي حياتها وانها جاده مما ينعكس ذلك ايجابيا في الاستقرار الاسري ومستقبل باهر للاولاد وبصراحه حتي عند المقارنه مع الاسر الاخري العاصميه الحمد الله

الحمدلله يا هاشم..

الأخ د. حسين لك التحية بدأت الحديث أمس ولكن لسبب ما لم تسجل مساهمتي وهذه فرصة الواحد كمان قرأ رأي الإخوة المتداخلين وأخص استاذنا محمد بروي ومهندس هاشم الجزولي لهم التحية والتقدير.
أولاً يادكتور اختلف معلك في الرأي القاطع بالمنصورية أولا وكما قلت أن هنالك شواذ والشاذ لا حكم له . وأنا أضع اللوم على رجالنا المتزوجين من غير المنصوريات فالواحد (يرفع الكاكايا ) من أول يوم وتكون بعد ذلك الطامه الكبرى.
أخونا حسين طبعا تناولك للموضوع من الناحية الاجتماعية . أما الناحية الدينية فقد وضح ذلك رسولنا الكريم حيث قال (تنكح المرأة لمالها ولجمالها ولدينها ولحسبها فاظفر بذات الدين تربت يداك) أما من الناحية الاجتماعية فأهلنا في المناصير متعصبين شديد لهذا الأمر حتى إذا تزوج أحد أبناؤهم من غير المنصورية يقولون في زوجته إن كانت سمراء اللون فهي خادم وإن كانت بيضاء اللون فهي حلبية وإذا لم يجدوا فيها هاتين قالوا عجوز.وأذكر هنا قول المرحوم حسن الكاب الذي دفعته غيرته وتعصبه للمناصير أن يقول: فلان ابن فلان تزوج من خارج المناصير الفاتحة لروحه يعني مات وما فيه فائده للمناصير. كما أذكر قول المرحوم سيد أحمد الكباني حين أراد أخونا دكتور عوض محمد الحسن اللمباشى أن بتزوج إحدي تلميذاته والتي تعلقت به كثيرا وكانت من الأثريا ولكنها رغم هذا اشترطت عليه شروطا قاسية مما دفع الكباني أن يقول قولة لاتسمح لي آداب المنتدى أن اذكره .... والحمد لله تزوج أخونا عوض منصورية أما وأبا. وعموما فالرجل السعيد هو الذي يزرق ببنت الحلال منصورية كانت أم غير منصورية . ولكن الشلاقة والحنين قد تقود رجالنا إلى تسليم الراية الوقوع تحت أوامر تلك الزوجة والتي وصلت إلى أن تضع الزوجة زوجها في مطبات وإحراجات بل وصل الأمر إلى أن تقول يا أنا يا أمك في البيت ده ومنهم من يختار فاطمة السمحة ويترك أمه وقليل منهم من ترك زوجته وتمسك بأمه نسأل الله العافية .

سلامي الحار للدكتور/ حسين أبن العمة وجميع الأخوة الذين قاموا بالتعليق وسلامي الخاص للشيخ / مصباح حمدا لله على السلامة لا أريد الدخول في التفاصيل ولكن لي بعض التعليق وعشان مصباح مايقول رأس السوط وصل لنا ولكن هذا الموضوع ظاهرة إجتماعية ظهرت في السنوات الأخيرة ولم يجب جميع الأخوة المتداخلين على سؤال د/ حسين النافعابي لماذا يتزوج أولادنا من خارج المناصير ؟؟؟؟

لماذا يتزوج المنصوري بغير المنصورية؟؟سؤال وجية ومنطقي يبحث عن إجابة بالرغم من كل المساهمات التي سطرت هنا والتي تحمل جزء من الحقيقة ولكن ما اعتقد صدمه حضارية يا اميره الحومري.
جانب الزمالة في الشغل او في الجامعة له دور كبير في ارطباط المنصوري اوي المنصورية بشريك اوشريكة حياة من قبيلة اخري.

من طرف **م بروي** الإثنين 30 مايو 2011, 2:03 pm

HASSAN SULIMAN كتب: تحيه واحترام مع رفع القبعات للدكتور مربى الاجيال النافعابى نفع الله به العباد والبلاد
كما استاذن لاحيى الشاعر القامه ود البروى وشاقلناك بى قادى فى ديوان ابو حنه للتراث والاصاله لكن ما شفناك تانى
وللجميع السلام
هذا الموضوع ذو شقين فعندنا اولاد يتزوجون من غير المنصوريات كما توجد بنات يتزوجن من غير المناصير
وهذه سنه الله فى الارض (( وجعلناكم شعوبا وقبالئل لتعارفوا ان اكرمكم عند الله اتقاكم )) وانا شخصيا لا ارى اى مشكله طالما ان هناك زياده للقبيله من غير المنصوريات (( مثلا فى الجزيره عندما تريد البنت الزواج يبنا لها منزل بالقرب من بيت الاسره ويعتبر العريس من افراد الاسره والقبيله ولا يسمح له باخذ الزوجه خارج الديار وعليه يكون عدد القبيله فى زياده وهكذا نجد ازدياد فى الاعداد والنمو السكانى والشى الذى يودى الى المدنيه والتمدن وتكوين مركز ثقل اجتماعى كبير ليصبح فى ما بعد مركز خدمات وبعد سياسى كبير
وعليه يمكن النظر الى العريس المتزوج من الخارج الديار بنظره القبول اذا التزم بعادات وتقاليد القبيله والتزم بعدم مقادره القبيله حتى ولو فى الاجازات ليكون التواصل والتوادد الذى نربى عليه اولادنا واحفادنا يعنى (( يقوى الديوان والقدح نص الليل وما ينضارى من الضيفان ))
وللموضوع بقيه

صديقنا حسن سلام
ما تخرف من هسع يارجل
مربي الأجيال داك سليمان النفعابي
صاحبك ده مربي الحجاج والمعتمرين وزوار المدينة أم سور
هو ذاتو يشرك جباتو ويقزلها جريدي ويعلق فيها الخيت
والجبادة تنتق وترمي الجريدي وتقطع الخيط وزولك غاتس وين
ماتعرفو... الله يستر لايبقى دخل على حوش الجماعة (ارقد ياعيش)
نجي لي كلامك ..معقول ياحسن عشان نكبر القبيلة ندعو أولادنا للزواج
من بره وينتظرن بناتنا معنسات حتى ينقضي العمر؟؟
ده كلام يارجل.؟
مودتي أيها الولد الظريف

شكرا الاخ الدكتور حسين على فتح هذا البوست-شكرى واحترامى لجميع المتداخلين –

اما الموضوع فأرى ان كل الاراء التى وردت جانبها الصواب –واتفق مع الخال مصباح فى ان الدين حدد الاولويات للاختيار-فبالتأكيد يكون سعيدا من ظفر بتلك الخصائص الواجب توفرها وتكون من المنصوريات –وذلك لقرب العادات والتقاليد والقيم وغيرها –وهذا لايمنع فى ان من اختار غير المنصورية لم يوفق –لا والف لا لان كل الامور بيد الله وكما يقول اهلنا (القسمة)-وهذا لامنع فى ان هنالك بعض الامور قد تحدث عند الزواج من غير المنصورية ورغم انها قد موفقة فى كل شى ولكن يرى اهلنا واهل الزوج ان هنالك نوع من النفور او الابتعاد فى اشياء معينة –مثل عدم الذهاب لمنزله او ينزلوا معه اذا اتوا من البلد مثلا حيث يحسون بان تلك المراة قد لاتستلطفهم وتبدى بعض الامتعاض حتى لو ظهر منها العكس كما يقال (يكشون منها) –فيبدا الاتجاه لمنزل اخر يمتلئ بالترحاب وانطراح الوجوه-فلانه انطباع فليس من السهولة محوه –

اما نجاح غير المنصوريات فهو بالتأكيد وارد والامثلة كثيرة لاداعى لذكرها –

لكن من وجد تلك الصفات فى المنصورية فهو السعيد والافضل-

لاننسى ايضا انفتاح المجتمع المنصورى كثيرا بعد الانغلاق ولظروف كثيرة ليست كالسابق كظروف العمل والقراية والهجرة وغيرها وكذلك سهولة السفر فضلا عن زيادة اعداد الناس والكثافة السكانية –هذه الظروف تجعل الفرص اوسع لحدوث الزواج من غير المنصوريات-

واشير ايضا الى ان المنصوريات ايضا اتجهن وبكل جدارة للقراية والتعليم وطرقن مختلف التخصصات ومختلف انواع العمل وزادت الثقافة والخبرات والنضج وغيرها من الصفات والسمات فكان لابد ان تواكب تلك التطورات الحادثة لكل المجتمعات ومن الطبيعى ان تحافظ على العلاقة الطردية لذلك التطور حتى تتطلع للافضل وتحافظ على وضعها الطبيعى –

جانب اخر وقد يكون سؤال اخر –طيب ماذا لو تزوجت المنصورية من غير المناصير –

لى رجعة باذن الله--

والله يا اخ جبريل انا قلتا صدمه حضاريه وعنيت بيها الكثير ولكن ولله الحمد الدكتور محمد بروى كفا وفا وفسر ما كنت اعنيه

من طرف **amira ali** الثلاثاء 31 مايو 2011, 12:34 am

التحيه لكم اخوتى
ارى ان اغلب الاراء منطقيه ان ا خى النعوفابى تحدث عن تطور المنصوريه
نعم في راى الان اى فى الوقت الراهن صار لا اختلاف بين المنصوريه تربية البلد او بت المدينه
المنصوريه الان صارت تنافس الاخريات فى التعليم والعمل والثقافه ووووووو حتى التى لم تخرج من البلد قط لان البلد انفتحت على العالم بشتى الطرق سواء اتصالات او تلفاز او سهولة الوصول والسفر او او او
فقط الاختلاف يبقى في امكانيات الاهل الماديه وما ادراك ما امكانيات الاهل
ان الذى ينظر للزواج بعين المكسب المادى قلا يجد فى المنصوريه سواء تلك التى تعيش بالبلد او التى بالمدينه ما يطمح فيه اليه اللهم الا ما ندر
وكل شئ قسمه وقدر

من طرف **يس مصطفي** الثلاثاء 31 مايو 2011, 1:18 am

ابو اواب كتب :الموضوع ظاهرة إجتماعية ظهرت في السنوات الأخيرة ولم يجب جميع الأخوة المتداخلين على سؤال د/ حسين النافعابي لماذا يتزوج أولادنا من خارج المناصير ؟؟؟؟
الاجابه عندك انت ياخوي نحن من انصار ابوحنه

من طرف **منوفلى** الثلاثاء 31 مايو 2011, 3:58 am

يس مصطفي كتب:ابو اواب كتب :الموضوع ظاهرة إجتماعية ظهرت في السنوات الأخيرة ولم يجب جميع الأخوة المتداخلين على سؤال د/ حسين النافعابي لماذا يتزوج أولادنا من خارج المناصير ؟؟؟؟
الاجابه عندك انت ياخوي نحن من انصار ابوحنه

يا يس ابو اواب اخذ بالحالتين والاجابة عنده ولكن لم يفصح لنا بعد .

لو كان هذا السؤال قبل 15 سنة او اكثر تكون الاجابه مختلفة جدا .لكن فى الفتره الحالية اعتقد كلام اخونا جبريل منطقى جدا الانفتاح الجزئى سبب فى ذلك فزمالة الجامعة او العمل او الجيره تخلق العلاقة. ونفس الشئ ينطبق على المنصوريه التى تتزوج من غير المناصير.
نرجع للسؤال قبل 15 سنة. نجد كل من خاض هذه التجربه هم من المناصير الناجحين جدا فى مجالاتهم بغض النظر عن حياتهم الزوجيه هل هى ناجحة ام فاشلة.

الشكر لكل من شارك برأيه وأرجو المعذرة فقد إنقطت مدة بسبب ظروف العمل

يا أخواني أنا قصدي من هذا الموضوع أنو بناتنا المنصوريات يكيلن العين لامن تفضل جمال وتعليم وذوق وعفة وحمالة قسية والضيوف البجوك هم أهلها زي ماهم أهلك

فما في داعي أولادنا يخلوا بناتنا ويمشوا يتزوجوا من غير المنصوريات والتجارب كثيرة تبرهن أن معظم من تزوجوا من غير المنصوريات تعبانين في حياتهم وتعبانين مع ضيوفهم من ناس البلد فالإنسان العاقل إذا وجد الراحة ( والتجربة أثبتت ذلك أنها في زواج المنصورية كما قال المهندس هاشم الجزولي ) ليه أولادنا يفتشوا على التعب في غير المنصورية وأخونا مصباح ذكر طرفاً من ذلك

أخونا محمد البروي أظنه وضع النقاط فوق الحروف وجاب خبر إنبهار أولادنا بالدلال والبهرجة الفارغة لغير المنصوريات وزي ما قالت اختنا أميرة الحومري صدمة حضارية وأنا أضيف لها كمان فراغة عين

أضحكتني حتى الثمالة ياود البروي على تعليقك على مربي الأجيال ومربي الحجاج والمعتمرين

من طرف **ahmed alkhabir** الثلاثاء 31 مايو 2011, 7:03 pm

الزواج قسمة ونصيب
دي غايتو مقولة تصدق في الزواج تماما

أخواني وأخواتي أعضاء المنتدى لكم التحايا الخالصات من كل غيث صادق البرق الرعد

يا أخواني لقد وردت جملة الزواج قسمة ونصيب من عدد من الإخوان والأخوات ولكن أنا لا أقبل هذه المقولة على إطلاقها فهي حجة العاجز ومن يريد أن يتملص من مواجهة الحقائق

لو كان الحكاية قسمة ونصيب على إطلاقها لما قال الرسول صلى الله عليه وسلم تنكح المرأة لأربع وفي نهاية الحديث قال فاظفر بذات الدين تربت يداك

وفي حيث آخر قال صلى الله عليه وسلم "إياكم وخضراء الدمن قالوا من هي يارسول الله قال المرأة الحسناء في المنبت السوء , محذراً صلى الله عليه وسلم من الإنبهار بالجمال دون معرفة حسن أخلاق وتربية البنت

أخوتي أنا لا أنكر قضاء الله وقدره حاشا لله ولكن إندفاع الشباب وراء الجمال الزائف والبهرجة الفارغة في معظم غير المنصوريات وبعدين الحجة القسمة والنصيب هذا ما يرضاه المنطق , ولكن أبحث عن الدين والخلق والعفة والراحة وكلها تتوفر في معظم المنصوريات وبعدين التي تكون من نصيبك هي القسمة والنصيب

من طرف **منوفلى** الأربعاء 01 يونيو 2011, 3:42 am

باختصار كده انه الجمال والمال .

من طرف **الرشيد طه** الأربعاء 01 يونيو 2011, 3:50 am

م بروي كتب:
بنات الصعيد
والذكيات منهن وبحكم زمالتهن لأولادنا
يدركن بأن هذا الرجل مختلف بحيائه وأدبه
الجم وعلمه ووسامته كمان.. مما يصلح
ليكون عريس لقطه
وتبدأ في نصب شباكها من حوله ومما يسهم
في نجاحها في مهمتها نجد أولادنا من هذا
النوع جلهم مساكين وما ناس شدايد وفاقدين حنان
ومن الساهل تجيب خبرو والولد يلقى الكلام
الرقيق والإهتمام الزايد ويرقد سلطه

مع احترامى لكل الاراء لكن هذه هى الحقيقة والاجابة على السؤال
تحياتى د . حسين
تحياتى استاذنا ود بروى

قال الشعاعر :لو كان حب الجمال جريمة فاليشهد التاريخ اني مجرما.
دائما حب الجلوس علي الشارع بعد المغرب ده طبعا مش في الحلة لا ده في الشغل، بحب اتأمل في الماره وكان في شحاد بيقعد قدام المحل وهو في السبعينات من عمره ودائما بيكون مطأطء الراس يعني مابيرفع راسو بعدين في يوم من الايام في راجل اجنبي معة زوجتة سمحة خلاص مرو بالقرب من الشحاد ده وانا قاعد اراغب هذا المنظر عمك رفع راسو وبد يعاين للمره لي حدي ما فاتتو من غير ما يقولهما كرامة.
نعم الانسان قد يبهره الجمال الشكلي علي حساب حاجات كتيره ولكن عندما يتعلق الامر بالزواج والمصير ،يجد انو قدم تنازلات كتيره من اجل المضمون،اعتقد مافي إنسان بيتزوج من منطلق شكلي مهما كانت سطحيتة في فهمة للاشياء،الزواج!! يعني حاجات كتيره.
وانا كشاب منصوري عازب لايهمني الارطباط بمنصورية او باجنبية بقدرما يهمني مستوا الفهم والتفاهم بيننا ،يعني لو وجده منصورية فهمتني فهمتها حا إزوجها ولو حصل تفاهم مع غيرها حا إزوجها.
في حاجة مهم زمان كان البت من عمرها 5سنوات بتوكون معروفة لي منو مثلا تلقي الحبوبة تقلك البت ده انا حاجزاه لي محمد ولد ولدي خلاص الموضوع انتهي ،بمعني انو الزواج كان زواج تقليدي،يعني الواحد كان ممكن يزوج بواحده من غير ما يكون شافها خليك من يتكلم معاها.

من طرف **عباس محمد** الخميس 02 يونيو 2011, 8:27 pm

التحية للسيد حسين النافعابى وم بروى ومصباح وابو حنة وكلهم بالسعودية لانملك ردا لهذا الموضوع فقد ذكر الزملاء بمافيه استخلاص الاجابة وانما يكفينا الرد بغطى القدح ومن الخيار المحلى كمان والحوش والديوان الواسع وبمدينة امرمان وهذا اضافة لماقالة اخونا صديق ابوحنة

من طرف **ود المناصير** الجمعة 03 يونيو 2011, 3:58 am

شكراجزيلا عمنا وكبيرنا الدكتور حسين النافعابي ومع ان الموضوع شائك من حيث فهم الناس لطرحه فانا اقول :
انا مثل عمنا ود ابو حنة .. منصورية اصيلة .. كريمة وتحب الضيفان وتحلف عليهم تب
وشايلة مشاكل الاولاد الدراسية كلها متابعة ومراجعة والحمد لله مستوياتهم عال العال
وبرضو ناجحين في مجالاتنا !! بالرغم من ان قناعتي ان النجاح في المجال لا يعني بالضرورة انك تستطيع النجاح في الاختيار او انك تحسنه
دا الجربناه كدي الناس الاغتربوا في الزواج يورونا رايهم

من طرف **(الحاج شرف)** السبت 04 يونيو 2011, 3:59 am

مشاركه

بس
انا لى راى مختلف ممكن يزعل
بس عمات احصائيه غير مكتوبه عشان ما تكون دليل ادانه
معظم الذين تزوجوا من غير المنصوريات
هم من كانت اولى علاقاتهم مع منصوريات ولكنهم زحزحوا بفعل فاعل او تم رفضهم من قبل البنت او اهلها
ثانيا زواجهم الاول من المناصير ولما تحسنت احوالهم تزوجوا من غيرها بالمراه التانيه لزوم وجاهات وكده
ذى الجماعه اياهم فى مشروع الخلافه فى الاهل
معظم المنصوريات المتزوجات من غير المنصورى لسببين
الاول مكانه المنصوريه فى المرتبه الاولى من من ما ذكره الحديث الشريف تنكح المرأه ل.........الخ الحديث
ثانيا
اختيار شخصى منها لا يشاركه فيها احد وذلك يعتبر قوه تحسب لها فى اتخاذ القرار مما يؤهلها ان تكون خير سفير داخل القبائل الاخرى
عموما كل من تزوج من غير المنصوريه ندعوه ان يكمل نصف دينه باخرى من المناصير والمنتدى بكامل ادارته سوف يشارك فى هذا العرس ولو كان فى الصين

تسلم يا الحاج أخوي (الحاج شرف الدين) وأنا أشاركك الرأي بأن كل من تزوج من غير المناصير ندعوه أن يكمل نصف دينه بواحدة منصورية

لا نرضى أن يذهب خيرة أولادنا (وأولادنا كلهم خيرين ما فيهم عزل) يتزوجوا من بره وبناتنا زينة البنات بلا عرس

من طرف **م بروي** السبت 04 يونيو 2011, 4:36 pm

وكمان المتزوج من المنصوريات
مدعو ليتزوج بغيرها
ومافيش حد أحسن من حد
يدبلوا براهم يعني؟؟؟

من طرف **اميره الحومرى** الأحد 05 يونيو 2011, 2:02 am

شنو يا الحاج نحنا كنا ماشين كويس لكن الوضوع قلب للدبيل كان كدا موضوع العرس دا خلو

من طرف **amira ali** الأحد 05 يونيو 2011, 9:27 pm

التحيه لكم اخوتى
الموضوع مهم والاراء فيه مقنعه والتحليلات جانبها الصواب
بسس نعتب على القامه الدكتور ود بروى شكلك داير تتلوم معانا يعنى يا بروى نقفل المنتدى من ازواجنا (الغرباء) من الدخول للمنتدى والله ايييييييييييييييه
ارى ان كل تجربة زواج يجب ان ننظر اليها بمنظار ذاتى اى يجب الا نحكم بالعموم قد يكون المنصورى غير سعيد مع المنصوريه او المنصوريه.......
او الذى متزوج من خارج المنطقه سواء رجل او امراة قد يكون سعيدا وهذا يكون على حسب الاختيار والتوفيق من عند الله
يعنى يا محمد بروى مافى داعى لى اصدار الاحكام بالزواج بالثانيه ده
اذا كان كل واحد او واحده مرتااااااااحة

من طرف **يس مصطفي** الأحد 05 يونيو 2011, 11:32 pm

م بروي كتب :وكمان المتزوج من المنصوريات
مدعو ليتزوج بغيرها
ومافيش حد أحسن من حد
يدبلوا براهم يعني؟؟؟

دا الكلام

أخي ود البروي ملك ملوك فقاعة لك التحايا الخالدات من كل غيث صادق البرق والرعد

أظنك داير تلخبط يا ملك بنات منصور ما برضن الكلام ده وأظنك داير تفتح علينا أبواب من الصعب قفلها وتراك شفت الهجوم بدأ عليك من ناس أميرة الحومري وأميرة على وأرجى الراجيك أنا ماني معاك في الكلام ده

من طرف **م بروي** الإثنين 06 يونيو 2011, 6:37 pm

اميره على كتب:
التحيه لكم اخوتى
الموضوع مهم والاراء فيه مقنعه والتحليلات جانبها الصواب
بسس نعتب على القامه الدكتور ود بروى شكلك داير تتلوم معانا يعنى يا بروى نقفل المنتدى من ازواجنا (الغرباء) من الدخول للمنتدى والله ايييييييييييييييه
ارى ان كل تجربة زواج يجب ان ننظر اليها بمنظار ذاتى اى يجب الا نحكم بالعموم قد يكون المنصورى غير سعيد مع المنصوريه او المنصوريه.......
او الذى متزوج من خارج المنطقه سواء رجل او امراة قد يكون سعيدا وهذا يكون على حسب الاختيار والتوفيق من عند الله
يعنى يا محمد بروى مافى داعى لى اصدار الاحكام بالزواج بالثانيه ده
اذا كان كل واحد او واحده مرتااااااااحة

سلام للملك
وسلام للأميرات
بت الحومري
وبت علي
أنا زول هظار
ولو ماهظرت
يجيني الكراش
واتكلمت كتير كلام جاد
وعندما حسيت بأعراض الكراش
بديت في التفلت والهظار
وإنتو سويتو الحكاية جد
حتى صاحبي يس
صدق القصة
والشافو يفتش في المازون ما كضب
حتى الملك الحافظني زي شناقيطو
برضو صدق
بالله زول ينعم الله عليه بمنصورية
هديي ورضيي وبرضو يفكر يدبل؟؟؟
إلا واحداً غاوي نقه وبوبار وزيف يسود أركان الحياة
مودتي لكم جميعاً مع إعجابي بما تكتب الأميرات+ما تكتب
انتصار بت زعيمنا وكذلك ابنة زمراوي وقريبتها بلسم
هذا من العنصر النسائي أما الرجال(الكشي تجيهن)

من طرف **amira ali** الإثنين 06 يونيو 2011, 9:04 pm

نشكرك شاعرنا وهرم منتدانا وعزة بلادنا
والمساله كلها اراء وترويح وما اظن انو الكلام فيه زعل خاصه لما يصدر من شخص في قامتك وفهمك ودرايتك ووزنك للامور0
ويمكن ما اتلاقينا لكن نعرف نوع شخصيتك جيدا سمعا (الحاج) ومن كتاباتك الثره الرائعه التحيه لك ولامثالك من اخوتى الرائعين والرائعات بالمنتدى0
ومن هنا اقدم لكم الدعوه انت والعيال لزيارتى اذا جئتم الرياض
ولا تخاف زوجي منصورى ونصف وبعد داك احكم ....

من طرف **م بروي** الأربعاء 08 يونيو 2011, 7:40 pm

ألا رحم الله والدنا جميعا علي
وأسكنه فسيح جناته جزاءً لما ربي
وأحسن التربية فليس بمستغرب أن
نجد كل الكلام متناغم مموسق ورائع المضامين
ومشحون بالغيرة والحب الكبير للبلد الكبير
ستظل صورة ذلك الهرم تحوم في مخيلتنا
السن المميزة والبسمة الدائمة والخلق الرفيع
والجلابية الناصعة دوماً والعمة أنيقة( اللفه)
ما أروع بسوي وأهلها الطيبين
شكراً على الدعوة الكريمة
ونحن بدورنا نقدم الدعوة صادقة لكم لزيارتنا في أبها
فدرجة الحرارة في عز الصيف لاتتجاوز العشرين
فزوجك أحق بالإكرام فقد إختارنا دون قبايل السودان ..
اختار منا وأحسن الإختيار.. بيت علم ودين
وهذا فضل الله يؤتيه من يشاء.
فكونه فضلنا شرف لنا حق علينا أن نسمن الفضل وندفع
استحقاقة عاطفة صادقة وخوة لا تُشابه.
له سلامنا وتقديرنا

ما قلتو نوبه
غايتو يادكتور النافعابي زاغ باالدو اما صاجبنا محمد بروي انطبق عليه ( المقدور ان وقع .....)
انت ناسي ان الجنس الثاني ده لابد من التعامل معه بحكمه وزي ماقال الجابري حكمه والله وحكايه تشغل افكار ود بروي وتخليه يكب الزوغه وبهذه المناسبه لابد من خلق قصيده ترضي بها الاميرات عشان تاني ماتلخبط تمشي علي العجين بدون ان يتلخبط
قال شنو يدبلو يدبلو دي الا اسم العجله الدبل او تقول اقصد دبله دبل لللاولي في كل شيء
الاولي في الزواج والاولي التي رزقت منها اطفال والاولي التي عرفت معها كيف تكون العلاقه الزوجيه والاولي التي عرفت معني الحب الحقيقي وكذلك الارتباط الاول الذي احب ان يكون مع منصوريه

وبهذه المناسبه اذكر ان العديرقاوي قال له احد الصبيه ( أنا داير لي بدله وكان رده داير بدله فوق بدلتك دي )
الي اللقاء يادو بروي لنتذكر الماضي الجميل وذكري تلك الايام التي قضيناها في جده وكما تفول الاغنيه السعوديه
تذكر ايامنا في جده
لي طلب ياود بروي ارجو ان لاتعلق وكذلك خالد عابدين اما اخوي الكاشف كان ربطو لازم يعلق

و

من طرف **amira ali** الأربعاء 08 يونيو 2011, 9:36 pm

شكرا على هذه الكلمات الرائعات فى حقى وحق ابى امد الله فى عمره
ونتاج الغربه انو الواحد عادى ما يواكب الاحداث فى البلد(لا عليك)البركه فى منتدى المناصير الذى اصبح يغذينا نحن المغتربين بالاخبار اول باول واصبح كل منا يطلع عليه كل يوم حتى لو مشغول
لنتعرف على اخبار واحداث بلادي
شكرا على الدعوة وتاكد انو في اقرب فرصه ممكن نزوركم بابها وهى طبعا معروفه رائعه جدا
التحيه لك وللاسره

من طرف **حازم** الأربعاء 08 يونيو 2011, 11:50 pm

شكرا كاتب المقال د حسين النافعابي
شكرا لكل الاخوان والاخوات
حقيقه بوست حي فقد احسن الاختيار الدكتور حسين النافعابي
وكانت المجادعات جميله ورائعه كروعه اهلنا الطيبين
لكن ضحكت ضحك شديد في القامه بروي الجاب وراري
وكمان اخونا يس داير الدفره منك تقوم تدفروا غادي ؟؟
لكن الاخوات المنصوريات مافيهم نضم تب فنجريات ونضمن موزون زي السكه حديد
وانا مبسوط شديد خلن القامه بروي يجيب وراري ؟
تخريمه
نكته
فجأة قام من النوم علي صوت كواريك الجيران ؟
الباب خبط ؟
الناس تكورك ؟
قالت له زوجته ( اظنها ماها منصوريه وزهجان منها زهج شديد وخاطي سرجها فوقو؟
ياراجل ماتقوم تفتح الباب تشوف الناس دي تكورك في شنو؟
قام فتح الباب وجد مجموعه من ناس اللجان الشعبيه قالو له : اقفل اي ماسوره داخل بيتك ؟
قال ليهم ليه ؟ في شنو؟
قالو له المويه كعبه ومضره شديد واحتمال تؤدي الي حدوث وفاة اذا تناولتوها ؟
قفل الباب وجاء لي زوجته ؟
قالت له اه شنو ؟ في شنو ؟ الناس دي يكوركوا في شنو؟
قالها يامراء مافي حاجي قومي اشربي ليك جغمه مويه من الماسوره وارقدي؟

الاخ الكريم صديق عبد الله لك التحيه والشكر لك الحق فى تحمد الله لانك متزوج منصوريه و فى نعمه.لكن هذه النعمه لا تكفى لكى تقول الموضوع ما بهمنا.. ويستوجب عليك كى منصورى التغير والمشاركه والنقاش فى جميع قضاى المناصير الثقافيه والسياسيه والاجتماعيه وابداء رايك وتقبل اراء الاخرين بكل احترام وروح رياضيه وهذا دورك كاى فرد داخل اى مجتمع(ما تقعد فراجه.وتقول ما بهمنا) . ولى عظيم الشرف ان اسمى على جدى سليمان ود السيد.وانا ما عارف الدخل موضوع الخيار المحلى فى موضوع الزواج شنو وياريت توضح. ولك خالص الشكر والتقدير.

من طرف **عازه** الثلاثاء 18 أكتوبر 2011, 7:59 pm

الموضوع جميلمع احترامي الي كل الاراء بس رأي الشخصي انو القسمه دي نازله من السماء والمسأله قدريه ماعايزه اقول ذي االموت لأنو نهاية حياه والزواج بداية حياة
أحكي ليكم حكاية الشيخ الذي له ابنه لم تتزوج بينما تزورهو النساء الاخريات ليفك عارضهن وأمها دائما تسأله وتقول له ادعي;للبنت دي خلي عارضه يتفكه لكنه يقول لها البيت لسع مانزل من السماء في يوم من الايام كان في عرس جيرانهم وساعة العقد جاء الشيخ الي زوجته وقال ليها بيت بنتك نزل من السما; قالت ليهو الظاهر انت خرفت دا بيت بنت الجيران المهم في النهايه اختلفو في المهر وجو عقدو لي بنت الشيخ.

حدثت الناس عن سباق حمير لنا يقوم في الحويلي كل عام والناس تسمع في اندهاش .
حدثهم صاحبي عن تقنية النانو هي جزء من المليون من الذرة واستخدامه في المجال الطبي والعسكري والناس تسمع بصمت.
حدثتهم انا عن ال(انا)و ال(نحن) عن انا من اعز ديار ,انا منصوري موقد نار و عن نحن المناصير رجالنا احسن الرجال ونسائنا احسن النساء والناس تسمع ويدها علي خدها !
حدثهم صاحبي عن الحكومة الالكترونية كيف انك تقضي معاملة لك في وزارة الخارجية في الخرطوم وانت جالس في شنكوكة وعن اي فون 5(phone 5G) i والكي بورد الضوئي و الناس تسمع وتسال ؟
حدثتهم انا عن لماذا اولاد المناصير يتزوجوا من خارج المناصير والناس تسمع وتبكي من الشفقة وبكيت معهم وحين سكت عني البكاء قلت لهم باختصار القصة ان رجل سوداني بكامل قواه العقلية والبشرية وجد امراة سودانية وتزوجها بالشرع اين تكمن الدشة انتهت الحكاية وان عدتم عدنا اكثر صراحة .......!

من طرف **zoooba** الخميس 20 أكتوبر 2011, 6:12 pm

التحيىة ليك الدكتور حسن النفعابي

والتحية لكل الأخوة والاخوات

رأي الولد المنصوري رجل القبيلة ما المفروض يطلع بره القبيله سوى كان ناجح أو غير ناجح

المهم المفروض يستر قدح

أما البنت المنصورية يكون لها الخيار أن تتزوج من القبيله أو من القبائل التانية، يعني تشوف الراجل الناجح من القبائل التانية وتتزوجه

بس لازم المنصورى ما يتزوج من غير المنصوريات، لأن الولد فخر القبيله

يادكتور حسن ممكن تشرع في عمل قانون وكدى

يعني الجماعة المتزوجين من غير المنصوريات تفرض عليهم إنهم يدبلو منصورية

تقبل مروري

من طرف **ابو مصطفى** الخميس 20 أكتوبر 2011, 6:35 pm

والله الموضوع دا وجع راسى ؟؟؟؟ لكن كل شى قسمى ؟؟؟؟؟ نحن نريد ان نهجن الشعب السودانى بكل قبائله ؟؟ يعنى الحرورية الزائدة تدخل لى ناس باردين شوية ؟؟؟ ورغم انى منصورى امه بت اعم ابوه لكن انشاء الله عندى النية اتزوج ؟؟ غرباوية للنظام ودنقلاوية للطعام وجعلية للضيفان ومنصورية لى شنو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟----------------------------------------

---------------------------------------------

-----------------------------------------------

-------------------------------------------

انا ما عارف كدى الناس يورنو لى شنو ؟؟؟؟؟؟ظظظ

لكن نصيحتى للناس الماعرسوا لايفوتوا القبيلة ؟؟ والفرق مرات يكون كبير ومرات يكون صغير فى عرس المراة الغريبة ؟؟؟؟ لكن والله المراة الغريبة الا ما رحم الله ربى

تحياتى

ابو مصطفى

غاشتو نحنا عندنا عمتنا زمان بتقول الغربية قدادة الزريبة

وعشان كدة اتزوجنا منصوريات

مع العلم ان المنصورية صاح امراة بيت وضيوف

ولكن ما فى اهتمام زايد زى بنات المدينة الرهاف ونضاف

من طرف **ابو مصطفى** الخميس 20 أكتوبر 2011, 7:08 pm

الشغلانية قسمى يا جماعة قسمى ؟؟؟ حتى بنات المدينة البى تلقاها نضيفة ورهيفة تقعدلك لحم فى قفه ؟؟؟؟ وبعدين المراة الغريبة تجرك على اهلها وتكابس وان بفيت راجلا كلس تجرها انت على اهلك ومرات يقع الجر والسلبة تنقطع ويقع الطلاق ؟؟؟ على العموم ابو مصطفى صاحب تجارب وماخذ امراة رباطابية ويريد الزواج

من امراة اخرى وما معروفة القسمى عاد ياربى تكون غرباوية للنظام

والله دنقلاوية للطعام

والله جعلية للضيفان

والله فوراوية للسلام

ويبقى لى احسن جعلية للضيوف ام شايقية براك تشوف ؟؟؟؟

تحياتى

ابو مصطفى

الاخ ابو مصطفى ان درت النسب جعلية

وان درت الزواج شايقية

وان درت النسب والزواج بطحانية

الهوا هابي خلي الناس تضري
ابو مصطفي الظاهر الرباطابية ما قاعدة تدخل الانترنت عشان كدة تفنجط
وZooba العايزة تعمل قانون دي لو ما متزجة دبل بها او انا كلانا متزوج من خارج المناصير

من طرف **ابو الكراري** الخميس 20 أكتوبر 2011, 8:13 pm

االعلاقة شنو بى انصار والدناقلة انا قاصد ثلاثة شخصيات يمكن زكر اسمائهم
ثلاثة شباب مناصير اتجوزوا ثلاثة دنقلاويات والثلاثة انصار سنة
ص
ي
ا