عندما فتح لنا الرباطاب مدرسة ابي حمد الوسطى

تذكير بمساهمة فاتح الموضوع :

أخوة زملاء أعزاء معرفتهم لازالت محدودة في الكمبيوتر.قالوا عندنا رسالة جامعية، الرجاء إظهار هذا الموضوع لنا، حتى نتمكن من فتحه كل مرة بسهولة. خاصة أنه منقول من موقع آخر كنت قد كتبته فيه، ثم حمله ود الفكي لموقع الرباطاب، وقروهو ناس أعزاء برضو بي هناك..
إستجابة لطلبهم فعلت ذلك.. كما طالبوا بموضوع آخر.. سوف نظهره بصورة ساهلة عليهم.. متى ما أسعفنا الوقت.زهذا وبالله التوفيق، وعليه التكلان..
الحقيقة هذا صوت شكر.. ورد جميل.. وواجب.. كتبت عنه مرات شذراً وشتاتا..قبل الآن في مواضيع ذات صلة..
...
لاحظ ان التعليم وقتها كان صعباً وشاقاً وقاسياً والمنافسة قوية لأبعد الحدود.. فشاركونا مدرستهم في الحقيقة.. وهي قد كانت خالصة لهم.. المدرسة ليست في منطقتنا.. وليست اقرب الينا.. وأولى لنا منها كريمة الوسطي ومروي الوسطي.. ولكن موجهين التعليم ومعظمهم مناصير وضعوا في الحسبان أشياء أخرى.. فذهبنا خارج المنطقة لنتعلم ثم رجعنا بعد حدة المنافسة الي كريمة الثانوية ومروي الثانوية بعد أن انقضت حدة المنافسة في المرحلة المتوسطة.. ولكن هل غاب بعضنا خلال تلك الفترة التي كان فيها جلنا يذهب الى مدرسة أبوحمد الوسطي لا.. تنقلات.. عدد محدود كان يتغلغل في مدارس المنطقة..
..........
الذي يرى صرح المدرسة في ذلك الوقت ببنائها العجيب الدقيق الذي يختلف عن كل المدارس المتوسطة في المنطقة يحسب أنها قلعة من القلاع في بلاد الهند البعيدة... كانت كأنها جامعة وليست مدرسة متوسطة أو وسطي او ثانوية عامة..
كانت مدينة ابو حمد ومنازلها تحتل مساحة.. والمدرسة الوسطي لوحدها تحتل مساحة بداخلياتها وفصولها..
ثمانية مدارس إبتدائية كل فصل فيهو خمسين طالب وخمسة عايدين وخمسة مطفحين.. مطفح يعني عايد مرتين..كل هذا الجيش.. عايزين منو 40 طالب فقط لمدرسة ابوحمد الوسطي والباقي يروح الشارع..
لاحظ.. الإبتدائي نفسها كانت هنالك إبتدائي صغري وإبتدائي كبري.. الصغري ثلاث سنوات والكبري تسمي ( راس) وابتدائي راس لاتوجد في كل القرى لأنها تعتبر مدرسة كبيرة.. يعني من ثالثة إبتدائي تحتاج تمتحن إمتحان خارجي عشان تنتقل الي السنة الرابعة في مدرسة أخرى.. المرحلة الإبتدائية كانت أربع سنوات كما هو معروف.. ومن شدة الناس شاطرين كان مدرس الصغري قد يتخرج من رابعة راس اي رابعة إبتدائي.. ومدرس الإبتدائي راس يعين من إتمام المرحلة المتوسطة.. معاهد التربية.. شندي والدلنج وبخت الرضا.. كانت كأنها جامعات وخريجيها في ندرة وكانت التربية والتعليم تعض عليهم بالنواجز ولاتبعثرهم كثيراً هنا أو هناك.. لأنهم كانوا في ندرة نادرة وجودة في الأداء لايشق لها غبار..
..............
المهم فتحوا لنا مدرستهم الوسطي فاكتسحناها كلها.. أحياناً الأربعين طالب المقبولين يكونوا من المناصير.. لم يحسدوا لم يكيدوا.. بالرغم من ذكائهم ايضاً.. كنت أنا في آخر دفعة مقبولة من أولاد المناصير في مدرسة ابوحمد الوسطي.. يعني آخر دفعة من اولاد المناصير تقبل في مدرسة ابوحمد الوسطي.. وتحولت في عهدنا الي ثانوية عامة.. بعدها صارت لنا مدارس ثانوية عامة في منطقتنا شيري الثانوية العامة.ز الكاب الثانوية العامة.. ثم إنبهل التعليم عندنا.. بما إنه دي آخر دفعة من أولاد المناصير في مدرسة ابوحمد الوسطي اكرمونا وكرمونا.. ونحروا لنا الذبائح ودعونا في صوالينهم الفارهة خارج المدرسة.. كانوا في غاية الأدب معنا..
في دفعتنا اول اللجنة كلها كان منا.. وثانيها .. ثم توالت المنظومة..
اللجنة كانت تذيع الناجحين.. واحد رباطابي وسط الجموع قام على حيلو يعاين قال كدي النشوف ابو أول اللجنة المنصوري.. هاي.. هو دا.. واحد قام بفصاحة الرباطاب قال.. تعاينو لى شنو؟ ما تجيبوهو فحولة لى حريمكم؟ خلى القاعة كلها تضحك لى تاني يوم...
...........
خففوا علينا الغربة خارج منطقتنا وقتها بنكاتهم الهادفة وظلهم الخفيف.. وشاركونا أغلى ماعندهم..مدرستهم الوحيدة.. لهم الشكر والتجلة..

if we are going to talk about schools and education in abuhamad
our talk should begin with the name of the greatest teacher i ever saw or known in my like
Sheik Bakheet Abudella
this man is the father of teachers in my view
he was the head master of abu Hammad elementary school
one of the most strict and excellent teacher you will ever meet
when he retired he became my zameel when play hareeg at al nadi al ahleee Fe abuhamad
before he retired i used to run away when i see him riding his donkey going towards his house
ustaz bakheet abdulla lived in one of the most elegant housed in abu Hammad
the main door was from steel and decorated in different colours
next to him lived al tagir hassan osman sir al tugar in abu Hammad
ustaz bakheet
had a son called hussam was a class matte of mine
also he had Mohamed , Ahmed and mun em
his wife was one of the most generous and warm friendly woman i ever met
her name was safia
when i was in the medical school and i used to come on the holiday we used to play kushteena on daily basis with sheik bakheet
and ustaz abdulla abu baker
and one of my teacher at abu Hammad intermediate school called ustaz Mohamed al amin
he is a true halfawee
when sheik bakeet died in early 1970s
i came especially for his azza in abuhamad
sheik bakeet is a man who we should be proud of having the pleasure to meet
great men never die
i will continue
dr mustafa mahmoud

أهو كدة تساوقت المراحل... دكتور مصطفى يحكي عن مرحلة سابقة عن تاريخ هذه المدرسة العريقة.. وانا أحكي عن مرحلة تلي ذلك.. وفي النهاية القارئ النهم عن هذا التاريخ هو الكسبان.. تتساوق للقارئ العلوم والفهوم من عدة جوانب.. والمحصلة النهائية تصب.. في ذهن المتلقي وحصيلة الحصيلة تكون هي الوفاء لهذا الصرح العظيم، الذى أرضعنا أساتذته من لبانهم.. وباكورة علمهم..
طبعا يا دكتور مصطفى.. ولا سمعنا سمع بي استاذ بخيت دا... الكان ناظر المدرسة.. مع أنك قلت توفى سنة سبعين... وسنة سبعين قطعاً ليس هو ناظر مدرسة ابوحمد الوسطي.. لأنو كان ناظرها عوض الكريم الفادني.. وقبله محمد بابكر.. رحم الله يا دكتور استاذ بخيت..
...
هذه الذكريات العطرة.. فيها بعض وفاء وبعض حقوق وذكرى وجوى ونوى ولواعج هوى..وأجرها محسوب ان شاء الله.. وما الصمت إلا جريمة في حقل المعرفة..

الرباطاب كانت عندهم يد طولى في المؤسسات.. وهم أهل حكمة ودراية ونظرة طويلة الأمد والأمل.. ولذلك عندما وجدوا الفرصة سانحة.. قاموا بتأسيس أجمل حقلين في السودان على الإطلاق.. مدرسة ابوحمد الوسطى... ومستشفى ابوحمد.. مستشفى ابوحمد مبانيه أجمل من مستشفى الشعب.. والمباني البيضاء والخضراء والنمليات ومخازن الأدوية.. والدكاترة والتخصصات النادرة التي كانت فيه وقتها وقبلنا,,كان الناس لايحتاجون أن يذهبوا الى عطبرة أو العاصمة.. العلاج مجاني والرقاد مجاني والعمليات مجانية.. والدواء والمضادات الحيوية مجانية.. كان عندنا دفتر العيادة.. أمام وكيل المدرسة استاذ التيجاني.. يحمله الطلبة غذا كانت حوجة للمستشفى.. مسافة كيلو من المدرسة نمشيها.. كان في مستوى مدرستنا من الجمال والنظافة الفائقة..ومن أسعدها الحظ أو أسعده الحظ يكون شغال في مستشفى ابوحمد.. كان المجتمع ينظر اليه بقدسية ووجاهه

الشباب المتداخلين
عايز واحد يمدني بكلمات الحبيب الشغل العقول.. لأحمد عمر الرباطابي.. عشان أوقعها وأديها ليكم بالعود وفاءاً وتقديرا لهذا الفنان العظيم ووفاءاً لمنطقة الرباطاب التي أسهمت في تعليمنا.. تركت حقل الغناء تقريباً من أولى ثانوي.. ولكن جوفي كله فن..ما كان بياثر على تفوقي في التعليم.. يستهويني المتميز فأردده.. وفاءاً.. ليس إلا..
عندي طبعا أغاني اخرى حافظها لأحمد عمر.. بس تستهويني زيادة دي
.......
بالرغم من أن مدينة ابوحمد هي معقل الرباطاب واكبر مدينة عندهم وواجهتهم وحاضرتهم.. ولكن جيات أحمد عمر لأبي حمد ومقرات كانت قليلة جداً..

فتحت جنبنا مدرسة ابوحمد الوسطى بنات.. وفي عام69 أصبحت عندنا لواري.. تأخذ الناس من شبه مدينتنا شري الي أبوحمد مباشرة.. لانسافر بالحمير ولانتعب في إنتظار القطار في محطات السكة حديد في خط المناصير..الكاسنجر وأم رهو.. وابوغربان وابوحراز والدغفيلي والكاب وكحيلة ومحيسة وبعض من نمرة عشرة تقابلها قرية ابوطين التي هي حدود الرباطاب مع المناصير من الجهة الشرقية.التي جل سكانها من المناصير وهي قرية كبيرة شبه مدينة.. وقد انطلقت منها أغنية( الله ليل ليلنا ياجنا) لفنان الرباطاب الأول أحمد عمر الرباطابي.. وفي لقاء تلفزيوني معه قديم تديره الصحفية المقتدرة نفيسة أحمد على سألته نفيسة يا عم أحمد عمر..هذه الأغنية بإيقاع الدليب وانت سجلتها في برنامج الربوع زمان ؟ قال لها: نعم هي بإيقاع الدليب ونحن متداخلين مع المناصير في منطقة ابوطين والمناصير شايقية إيقاعهم إيقاع الدليب..
قلت تركنا السكة حديد وبدانا نحضر بلوارينا.. لوري أحمد الحسن عثمان من اثرياء جزيرة شيري بالمناصير.. ورجل ذكي ذكاء خارق عليه رحمة الله حتى صار يلقب( بالقانون).. وظهر شعر الهيام في السفر وكما قبل من قبل أولاد المناصير في مدرسة ابوحمد الوسطى بنين.. كمان الآن صرن يقبلن بنات المناصير في مدرسة ابوحمد الوسطى بنات .. وظهرت بواكير أغاني الفنان عيسى بروي في عام70.أو بعدها بقليل
أجمل الطالبات يا الحنين
لامتين دراستك جات
.........
اللوري شالا جرى
وانا دمعي بعدو جرى
ماح الصدير دفرا
أنا ريدي نفرو برا
.........
ولكنها بنوها مدرسة جديدة بالعون الذاتي..لم تكن كمدرستنا وكانت كلها من الجالوص.. ليس هنالك اي شبه مقارنة بينها وبين مدرستنا..
ولكنها أدت غرضها.. وهذه المرة اضافوا اليها الرباطاب بكرمهم قبول بنات الحلفاوين الموجودين في مناطق لم يشملها التهجير..
وهوؤلاء البنات جونا بادب الحلفاوين وفنهم الراقي.. أشتركنا معهم كمجموعات في عيد العلم وكنا نمارس البروفة والإستعداد معاً.. قدمنا فن المناصير.. وهم قدموا أغاني حلفا.. وحنين الهجرة.. فقدموا لنا رقصة حلفا الشهيرة..( اسمري شيلي التوب أيوالله)ونحن كمان ردينا الجميل لأهلنا الطيبين من اهالي حلفا ممثلاً في بنات حلفا.. قمنا غشتركنا مع بعض مجموعة من الرباطاب والمناصير بنات وأولاد وقدمنا نشيد آخر من حلفا بالطار.. فكان ذلك مصدر دهشة من الحضور استقبلوه بالتصفيق الحار.. واثلج صدور زميلاتنا من بنات الحلفاوين .. وكانت التعليقات الإيجابية تأتينا تتري منهن بعد ذلك ونحن في المدرسة.. إندهشن من ذلك.. وقد كن في بداية الأمر مستوحشات..
ومن يومها أضيفت بنات حلفا الي مدرسة ابوحمد الوسطى.. كانوا أغراب في المدينة ليس كمثلنا.. نحن لنا خيط مشترك مع الرباطاب.. الجوار والنسب.. ونصف تجار المدينة مناصير.. .. علي الفقير.. احمد الفقير.. ختم الفقير.. حامد أحمد علي.. عثمان الشميخي.. عز الدين الشامخي.. ابراهيم الشامخي.. وغيرهم..
بنات الحلفاويين خفف عليهم وحشتهم.. مدير الإرصاد في ابوحمد.. كان يملك بيتاً حكومياً رائعاً كان حلفاوي إسمو فريد.. كان يدعوهم كل يوم جمعة للغداء بداره.. يذهبن فوجاً.. من داخلية مدرسة البنات الى دار فريد ويعدن كذلك..

أستاذ محمد الحسن الشايقي... درسنا أخيرا ونحن في السنة الأخيرة مادة الدين.. التربية الإسلامية.. خريج معهد أم درمان العلمي.. شايقي من مناطق الشايقية..يبدو أنه من مناطق نوري مروي تنقاسي الكرو القرير أو بعدها بقليل لا أدري ولم نسأله.. مشلخ تلاتة.. كان أستاذاً طيب القلب دائم البسمة.. جاءنا وقد فقد يده اليمني.. لم نسأله ولا أحد يعرف السبب.. وما يهمنا أنه لاتؤثر عليه في اي شي في تصرفاته أو حزنه.. كان أحسن من واحد عندو ايدين اثنين. لأنه كان ودود ولوف.. هادي.. يحب لبس الجلاليب السمنية..درسنا لمدة عام واحد..
أساتذتنا ومعلمينا، وجميع من له حق علينا.. الأحياء منهم والأموات، اللهم أجزيهم خير الجزاء.. وأغدق لهم العطاء.. بقدر ما قدموا لنا من عصارة فكرهم.. لقد كانوا بحق أساتذة قدر الأمانة.. لم نرى منهم إلا الخير والبذل والعطاء والتضحية والأمانة والخلق العالي الرفيع.. ولم يروا منا إلا الأدب.. والإحترام.. وشهوة تحصيل العلم.. وقوة التحمل والإرادة.. اللهم بفيضك وكرمك يا حنان يا منان.. أجزل لهم .. وأكرمهم بفيضك وكرمك.. يا أكرم من كل كريم.. وارحم من كل رحيم.. وآخر دعواهم.. أن الحمد لله رب العالمين..

كان عندنا اسر منصورية في ابوحمد نتردد عليهم في الجمع ينسونا كتاحة أبوحمد وبردها القارص.. ونتذوق طعام اسري دسم..
..........
أولهم قريبنا بي عمتنا..أمو منصورية من الحنايني
.. التاجر الكبير الفادني عبد الله فضل المولي..
والد زملاءنا..حسن وأحمد.. وبابكر قبلنا كتير كتير..
.......
شقيقتي الكبرى.. متزوجة ملاحظ في السكة حديد ابوهو رباطابي وامو منصورية.ساكن مقرات.. المقل النباري..
.........
الكاكلوت... ساكن القوز ابوحمد.. منصوري
........
خلف.. قريبنا جدته منصورية حنونية منا.. وابوهو ريافي شيخ جزارين ابوحمد..
.........
جمال بت المفتن..
منصورية صاحبة كرم.. ودارها مفتوحة للمناصير بابوحمد
........
النسيم..
........
منصورية أصيلة ودارها مفتوحة للمسافرين المناصير وناس القضايا بأبوحمد
............
بت سعيدي:
منصورية ساكنة ابوحمد.. وصاحبة كرم وهميمة
........
الحنونيات:
قريباتنا.. بأسرهم.. وساكنين ابوحمد حي القلعة.. ناس في منتهى الرقي
أحمد الفقير:
ما قاعد يقصر في عزومتنا من تجار ابوحمد.. منصوري.. كان قاعدين ينزلوا عندو أولاد حاج الماحي.. وكان يعزمنا لى ليليتهم..
زمن العصر الذهبي لمديح اولاد حاج الماحي ... الشيخ المجذوب والشيخ ود الشيخ.. وكان المجذوب عليه رحمة الله لما يجي.. السواق يجيبوا بي لاندروفر أحمد الفقير عشان يجي يسلم علي في داخلية مدرسة ابوحمد وياخد معانا اللي عايز يستمع للليلية..
وكان المجذوب يكرم احمد الفقير بإضافة اسمه في قصيدتة أنا أحبو من صغير بطراك مناي يطير
ويقول في الليلية
الفين هدايا للناظم الحقير
الفين هدايا لى ود كنان الخير
الفين هدايا للزملا والعشير
الفين هدايا لى أحمد الفقير
.............
كان من اكبر تجار ابوحمد
ولكن سرهم كما ذكر الأخ دكتور مصطفي محمود هو حسن عثمان سر تجار ابوحمد

hello every one
who drank the Nile water from al mushraa carried by donkeys and on pretty girls #########
the water from al sagia flew through al jadawel
later from al bawabeer

dear mansoree
by the way i said sheik bakheet abdulla was the head master of abuhamad elementary school and not intermediate school
let us talk today about
al jazzeerrren at abuhamad
sheik al jazeerreen was hassan bedein in my days
khalaf was there too
hussain saleh was there too
souk al khadar
umack shalaby
Ahmed al seemaid
some Saidee from algaba
and others

in abuhamad there is some areas where the secondary students meet at their holiday
in the souk
we used to meet mainly at
dukan sheik al Dene osman
in his late brother hassan osman
the big meeting are was mahel salman al tarzzze
if you do not go and sit there you miss too much
we also used to meet in Omar al tarzi shop
before that we used to sit in mustafa sh reek shop

there are important folks in abuhamad
wad al Medanee from barbat i think he was the first communist from abu Hammad
also Mohamed Keir Omar one of the first people who had a Karroo
Mohamed Keir is a very clever man
there was takroon Wald haj al badawi
kurashaa
umack burraeee who lives in al gooz
jubbara the tall African dark skin man who lives no where and always looking at the soil looking for money
the most important person was
allamana um sorwal
she wears a lady dress but a man seerwal
she is a unique character
a lady called hajarabia used to throw al wadee and tells fortune
Fatima al shaygea sells zalabia
kaltoo haseena al mushatta
haja zahara sit al fool
nas al dareesa who used to go on the trolley and maintain the railway line
alsagagow who brings water from the Nile on their donkeys back they used to be very manipulative and sometimes very lazy
and so many
i will continue

شكراً الدكتور مصطفى رفع البوست بتاعك في الحقيقة..وبوست كل الأهل بالرباطاب.. الناس العزاز..
.........
أول حفلة غنائية حضرناها في ابوحمد.. كانت في شتاء 1968
جاءت فجأة..
هؤلاء الفنانين حضروا من حلفا بمعداتهم وعازفيهم واستقام بهم المقام في ابوحمد لمدة يوم..
فما كان من الحادبين إلا الدعوة بسرعة لإقامة حفله
........
أعد المكان بالكراسي.. كان في حوش كبير جداً في القوز معمول في شكل جنينة.. ولكنه بين البيوت العادية..ربعه مزروع بالشتل.. لا ادري كيف يروى..
كانت هنالك لجان تنظم الحفلة... الطلبة تذكرتهم خمسة قروش.. وعامة الشعب التذكرة ريال.. إمتلأ الحوش عن بكرة ابيه..
......
الفنانون القادمون من حلفا كانوا
عملاق الفن محمد وردي وصلاح محمد عيسي.. واضافوا لهم سيد الجعلي الذي اصلاً كان متواجد بالمدينة..( سيد الجعلي غنى( القلوب الشوق حرقا.. سيده فوقا الله الخالقا) وغنى( دايرك لى خطيبة واهلك قالوا لالا.. إنت على غريبة يا أجمل حبيبة)... وغنى صلاح محمد عيسى..إنت حبيبي.. أنا أهواك.. صلاح محمد عيسي كان لابس بدلة فل سووت سوداء..وغنى( كل البينا بقي حكاية حكاية طويلة والله حكاية)..والعازف الجنبو كان طويل لدرجة المبالغة.. واحد رباطابي واقف جنبي.. قال ليهو ( الحكاية بتاعتك.. اطول من الجنبك دا؟)
.......
وتركوا المجال لعملاق الفن وردي.. الذي أطرب الجماهير.. أنا ماكنت متخيل الحوش يمتلي عن بكرة ابيه بهذه الصورة السريعة..
الرباطاب تفاعلوا مع وردي بصورة منقطعة النظير.. ورقصوا وبشروا..
ثلاثة نساء قاعدات قدام في موقع كراسي النساء.ز تيابهم كانت راقية وقفوا فجأة قالوا لى وردي..القمر بوبا.. القمر بوبا..القمر بوبا.. وسمع صوتهم واستجاب لهم فجأة فرحوا شديد لإستجابة وردي لهم..تفاعلوا معها الثلاثة لدرجة ملفته..
يومو داك العميان كان شايل المكسر..ابتهجت المدينة كلها..
صفحة

الأخ المنصوري

أرجو ان تواصل سردك الجميل

الحاج حمد

ده تداخل من الرباطابي صديق رحمة النور

منصورى سلام لك ولجميع المتداخلين هنا
أستوربيا ، حاج حمد ، ودكتور مصطفي ، وخالدة البدوي
للحكي هنا طعمٌ أخر
وطالما أستهوتني البوستات والقصص التي تتناول أهلي الرباطاب وأنا بعيٌد عنهم لم أعش الحياة معهم بطولها مثلك يا منصوري ، ولكن كانت تلك الزيارات القصيرة في صبانا كافية لتوليد هذا الحنين الدائم اليهم ونحوهم ... لك التحية بهذا الوفاء الجميل المنمق بأحلى العبارات وهذه الذاكرة القوية التي تنهش أحشاء الماضي وتفتت تماسكه وتستجمع خيوطه الشاردة وكأنها على شاشة الديجتال
كتبت بوست سابق عن هذه الأرض الروؤم في هذا الرابط

allamaana um serwal
allmanna is one of the most clever people i saw in my life
and believe me i saw so many so far
she is a unique character who lives in abu Hammad Sudan
she is a wonderful lady who as any genius in this world was called mad
she got her name from the fact that she only wears aman serwal under her fustan
never saw her wearing a toub
she is always wondering around the Nile banks
most of the times full to the rim with the local alcohol called Maressa
mainly from our local grown durra
she does not attack any one but she has got a very sharp tongue
allamaanna tongue is more sharper than any other rubbattabee
she can be very sweet
i used to meet her on my way from home from the school
she usually lie down on the bear sand under the railway bridge near al gouz village
when she is in a good mood she can tell you wonderful stories but when she is a bad mood she can say the most offensive language used by aman let alone she is a woman
on of the most intellectual individual from abu Hammad called ustaz obied mo hammed suleiman a very close friend of mine wrote an article about allamana and it was read in the BBC radio
so i was told by a friend of mine
i did not verify this from ustaz obied as i lost contact with him due to his departure to USA
by the way i will be very grateful if any one knows where ustaz obied lives in America and please inform me about his where abouts
ustaz obied has got a very clever son called abbas
may be he is on the net i hope to get in touch with obied as he is one of the most intellectual generous sudanese i ever met

will continue
dr mustafa mahmoud

does any one of the redaes here knows wher are these wonderful
people i met during my education in abu hamad intern=medite school
if you do please tell me here
1-abdel majeed omer al semaid from kji
2-shanab mohamed ahmed from shreek
3-altaj mohamed al ameen from shreek
4-mohamed al hassan al hardloo from abu hasheem
5-al fateh mohamed al ameen from al shreek
6-ahmed al malik from magal mugrat
7-mohamed al malik from magal mugratt
8- ismail abdul raheem al balal from abu hamad
9-ahmed abdul raheem al balal
10- tyfoor abdel daim from manseer
11-husseen al dugaeer from manseer
12-hashim naser al deen from manseer
13-sim sa gassm al seed simsaa from kurgess
14-ibramim al fageer from al shamkhia
15- abdul monem mohamed ahmed from mansser
16-mohamed altyeb al fadnee from abuhamad
17-haj rahma fathal rahman from abu hasheem
18 al jumialee from from mugrat
19- al dabba from mugrat
20-mohamed ahmed ali shantoor from al sihan abuhamad
21- karam al ghanee gasumall from al greeb
22-shazalee hassan from abuhamad
23 -from abuhamd fathee ibrahim al adid
24-mohamed ali hamza from kijee
25-al hassan ahmed mohemed salih from al gouz
26-ibrahim al kashif from mugrat

this half of my class mates 159
to 1963
abuhamad intermediate school
thanks
dr mustafa mahmoud

ده تداخل من رباطابي إسمو مهاجر

منصورى سلام لك ولجميع المتداخلين هنا
أستوربيا ، حاج حمد ، ودكتور مصطفي ، وخالدة البدوي، والعزيز صديق رحمه

حقيقه لم نحظي بزيارة ابو حمد لاننا عشنا في وسط السودان

وذلك لهجرة جدي خليفه وبعدوا غادر اخوه شبيكه للعمل في التجاره في مدينه رفاعه ومنها ضرب المثل بساقيه شبيكه..نسبه لتوقفها...

حقيقه اخ منصوري
وضعتنا في صوره جميله لاهلنا...واشكرك كتير الشكر

ومن الحته دي اتمني اتواصل مع اهلنا عبر النت او عن طريق جمعية جده يا حاج حمد
وصفوها لي وقالوا في الشرفيه وما قدرت اصل ليها.

اهلنا منهم في مقرات وابطين ...

لي عوده مرة اخري لهذه اللوحة الجميله

you are very welcomed indeed
ya مهاجر

nas shebeeka is a well known family in this area
and is a very well respected family too
well educated but unfortunately their sagia has been neglected for ever
ragadet rugad sagiat sheebeeka
lol

i hope all the rubataab and their friends joined mansoree wonderful post
dr mustafa mahmoud

مهاجر وصديق رحمة
نورتو البورد..
تشكروا والله
........

كنا زمان في المراحل دي مؤدبين غاية الأدب...
الأستاذ يملا عينك
قدوة
معلم
مربي
في حدود بين الأستاذ والطالب
كل واحد ماشي زي السراط المستقيم
حافظين اللينا والعلينا
المدارس منضبطة أكثر من الجيش
تمام

طابور
صفا
إنتباه
مذاكرة
هرجلة ممنوعة
مئات الطلبة لكن عندما يضرب جرس الحصة وكل معلم يدخل فصلو كان رميت ورقة تسمع صوتا
..........
هسع الأولاد هرجلة بهدلة
عدم مسؤولية
الولد ما بيسمع الكلام
لايسمع كلام أستاذو
لايسمع كلام أمو
لايسمع كلام أبوهو
.......
البنات راسن قوي زي الحجر
لاتسمع كلام أستاذا
لاتسمع كلام أبوها
تتكلم وكأنك تأذن في مالطا
يسمعو بي هنا يفوتوا بي هنا
........
ماعايزين يستفيدوا من تجاربنا عشان تغنيهم
حصاد العمر عشان يغنيهم التجربة ومرارة الفشل ما عايزين يسمعوهو
.......
تسال الناس
يقولوا ليك
زمنكم ما زي زمنهم
.......
طيب لو زمنا مازي زمنهم
الأدب دا موش خيط مشترك بين الأجيال
أدب مافي
.......
ياخ زمان نحنا ابوك كان مشى في الشارع
إنت مابتمشي قدامو
ولابتمشي محازي ليهو
تمشي وراهو
......
كان أبوك أداك أوامر
أبوك عينو في وشك
لكن إنت عينك في الأرض.. وتجرجر كدة بي رجلك على الأرض
.......
هسه تدي أوامر تبص تلقا عينو في عينك مولعة يتحداك؟
........
زمن
...
الناس دي جنت
الحصل شنو في الناس دي
.......
الرحمة قلت
الشفقة قلت

من طرف **انتصار حجازي** الإثنين 23 مايو 2011, 2:37 am

بوست رهيييييييب

الله يديك العافية

ذكريات حلوة يا صديق

شوقتنا نشوف مدرستكم دي

متاااااااابعين

صديق عبدالله علي أبوحنة كتب:
كنا زمان في المراحل دي مؤدبين غاية الأدب...
الأستاذ يملا عينك
قدوة
معلم
مربي
في حدود بين الأستاذ والطالب
كل واحد ماشي زي السراط المستقيم
حافظين اللينا والعلينا
المدارس منضبطة أكثر من الجيش
تمام

طابور
صفا
إنتباه
مذاكرة
هرجلة ممنوعة
مئات الطلبة لكن عندما يضرب جرس الحصة وكل معلم يدخل فصلو كان رميت ورقة تسمع صوتا
..........
هسع الأولاد هرجلة بهدلة
عدم مسؤولية
الولد ما بيسمع الكلام
لايسمع كلام أستاذو
لايسمع كلام أمو
لايسمع كلام أبوهو
.......
البنات راسن قوي زي الحجر
لاتسمع كلام أستاذا
لاتسمع كلام أبوها
تتكلم وكأنك تأذن في مالطا
يسمعو بي هنا يفوتوا بي هنا
........
ماعايزين يستفيدوا من تجاربنا عشان تغنيهم
حصاد العمر عشان يغنيهم التجربة ومرارة الفشل ما عايزين يسمعوهو
.......
تسال الناس
يقولوا ليك
زمنكم ما زي زمنهم
.......
طيب لو زمنا مازي زمنهم
الأدب دا موش خيط مشترك بين الأجيال
أدب مافي
.......
ياخ زمان نحنا ابوك كان مشى في الشارع
إنت مابتمشي قدامو
ولابتمشي محازي ليهو
تمشي وراهو
......
كان أبوك أداك أوامر
أبوك عينو في وشك
لكن إنت عينك في الأرض.. وتجرجر كدة بي رجلك على الأرض
.......
هسه تدي أوامر تبص تلقا عينو في عينك مولعة يتحداك؟
........
زمن
...
الناس دي جنت
الحصل شنو في الناس دي
.......
الرحمة قلت
الشفقة قلت

صدقت فرق فى التربية هسة والتربية زمان

واللى يفقع المرارة يقولوا لك دى نظم التربية الحديثة

مصطلحات رنانه للتربية

طرق واساليب وسلوك وووووو

والمحصلة

ادب صفر

اخلاق صفر

اجيال منحلة اخلاقيا

مافى اروع ولا احسن من التربية زمااان

صحيح جدودنا لم يكونوا متعلمين ولكن يكفى انهم خرجوا اجيال قمة

طبعا ما ح اقول لك اسفين خرجنا من البوست

بعرفك من المؤيدين للمداخلات الحرررررة

يللا يا صديق وااااصل

متااااااااااااااااااااااااااااااااااااااااااااااااااااابعين

ما إنت يا إنتصار سواحة على المنتديات.. وتحبي الثقافة المشرعة الواسعة.. في ارض الدنيا الواسعة.. عارفك قريتيهو بي هناك.. ولعل إنطباعك هو الخلاني أجيبوا بي جاي.. مع طلب مجموعة طالبات يرغبن لمطالعته

من طرف **انتصار حجازي** الإثنين 23 مايو 2011, 3:00 am

طيب ما تنسي تجيب موضوع
والدتك
صراحه كتبت عنها دررررر
اصلا انا لما قريته قلت
الله يرحمها عرفت تربي
( ولد صالح يدعو لها )

ده دكتور بشري رباطابي برضو إسمو صديق.. عجبتو الحكاية.. إستأذن مني في البوست عشان عندو كتابة كان كاتبا عن قريتو.. إنو يجيبا هنا.. وأذنت له..
منصوري وبقية العقد الجميل
أسمح لي بتنزيل بعض القصاصات التي أكتبها عن أهلي الرباطاب ، هؤلاء القوم المنسيون في تلك البقاع القفراء القابضون على جمر الحياة بأيادي الصبر والأيمان

Quote:

وليمة لأعشاب النيل

الجزء الاول :-

قرية والدتي قرية صغيرة (قرية أمن قرب منطقة دقش بالرباطاب) ترقد بين كثبان رملية زاحفة وصخورٍ ناطحة وسهل ضيق ممتد على ضفة النيل الغربية ، تحفها من ناحية النيل أشجارٌ نخيل باسقة تضآلت أعدادها بفعل الزمان وهجرة الإنسان وإنقطع هم إستبدالها وغرس غيرها بسبب غلاء الجازولين وإنخفاض أنتاجها وضآلة عائداتها المادية فأصاب الفقر موضعاً من مواضع الدخل في مقتل مميت بعد أن لم تسلم من هجماته حقول القمح وفراسخ الذرة وقطيع الحيوان ....
وتحيطها من ناحية الصحراء أشجار سلمٍ متناثرة هنا وهناك قوية الأشواك ، ضامرة الأوراق والصفقات .... لاتسمح بقطع أحطابها ولا تنتج ثماراً يسد بها الجائع المضطر رمقه في تلك الأصقاع التي تختزن الجوع والعوز والحاجة في كل مفاصلها ...
في الضفة الأخرى من النيل تنتشر وتتبعثر قرى بين تلك الكثبان التي تجلب وتزحف بسفاية الموت البطي الى ضفاف النيل وتآكل أطراف القرى كما يأكل الجزام اطراف المريض ...
يعبر أهالي تلك المنطقة النيل كل يوم عدة مرات في تبادلهم الإجتماعي والتجاري معتمدين على مراكب خشبية كبيرة مصنوعة بأيديهم وأخرى صغيرة صنعت من البراميل والصاج لاتتسع لأكثر من خمس أو ستة أشخاص يسمونها ( سُريِتِق) أو برينسة حسب الوصف الشبابي لها ...
يعيش سكان تلك المنطقة في هذه الظروف بأنفس راضية ، وتسامح إنساني بليغ ، وبساطةٍ موغلة في الزهد ... لايعتليهم الهم ... ولا تزورهم الكأبة .... يفرحون بقدومك ويحزنون لفراقك ... ويتسارعون لخدمتك وإكرامك ... لم تفسدهم الحياة ولا يعرفون السياسة ولا العنصرية ولا يشغلون بالهم بمصلحطات أصابت بكثرة التكرار مسامعنا بصمم مقيم ، وبتنا نصدقها كما هي منزلةٌ من السماء ( العولمة والأرهاب والعنصرية والكراهية ، والفضائيات ، والإنتخابات .... الخ )
يتبع

واحد رباطابي تداخل

الأخ العزيز صديق النور

وعدتك سابقا برفع البوست و قمت بذلك طمعابأن يشاركك قلمك المبدع الخ نصوري فيزداد البوست حلاوة على حلاوته.

متابعين معاك القصة

الحاج حمد

صديق رحمة.... والله والحق يقال..قصاصاتك هي إبداع عديل كدة.. شكرا لك على هذا الإثراء
..........
حاج رحمة جيداً جيت للمداخلة
........
وين الأستاذة الفاهمة خالدة بدوي طارت
~...........
مالا ما أضافت تاني للبوست دا؟

دكتور مصطفى يسأل هما عن غيابي عن البوست وقتها ولم أضف اليه الجديد

where is our dear friend ustaz mansoree
wain ya ragil
mushtageen
up
dr mustafa

أيوة موضوع أمي هو أحد المواضيع.. سوف اصيغه بصورة كويسة في القسم الاجتماعي كماهو يا إنتصار

مأساه
.......
في سنة 1965
إمتحنت من مدرسة شري الأوليةالمناصير هذه الدفعة
وحققت نسبة نجاح مرتفع كالعادة
كان هناك اتنين من الطلبة النوابغ جداً
واحد فيهم
إسمو
خليفة عمر علي محمد.. طالب بمدرسة شري من قرية ( برتي)..هذا الطالب كان أول الصف من أولى لغاية رابعة..
الطالب الثاني
اسمو
عبدالواحد محمدأحمد
دا ثالث الصف من أولى لغاية رابعة
........
ديل الإثنين فصلتهم لجنة القبول للدخول لمدرسة أبوحمد الوسطي..بحجة أنهم كبار في عمرهم..
وقد أحرز خليفة عمر علي في إمتحان الدخول المركز رقم سبعة اي الطالب السابع من جملة 450طالب..
........
قلناثمانية مدارس ابتدائية
كل فصل فيهو خمسين...عايزين بس اربعين لمدرسة ابوحمد الوسطي
........
كان زمان لما تحرز نسبة وتدخل بنجاحك
موش دا نهاية المطاف
كان هناك لجنة
حتي لو جيت أول القبول ممكن تفصلك هذه اللجنة
لجنة القبول فيها
مشرف.. موجه تعليم من بربر
وناطر المدرسة
ومجموعة من أعيان المنطقة
كان فيهم اثنين من فادنية ابوحمد
واثنين رباطاب..
وعضو واحد من المناصير
هو عمدة المناصير.. نعمان عثمان سليمان قمر..
وكان القرار يصوت عليهو..
وهو قد اعترض على القرار لكن القرار فاز بالأغلبية
.........
السن المسموح بها للقبول كانت 14 سنة
خليفة كان عمرو16
وعبدالواحد 15سنة
......
لما اعترض عمدة المناصير
واحد من الفادنية قال له: يا أرباب نعمان.. ما معقول أولادكم تمشوا ترعوهم الغنم.. وبعد داك تجيبوهم تدخلوهم المدرسة..؟
كان يمكن أن تعالج هذه المشكلة قبل الإمتحان..لكن بعض الجهل.. عدم إهتمام من الأهل.. عدم الشعور الكبير بأهمية التعليم وقتها... بس الزول بيلقى نفسو شاطر وكل مرة بيمشي لى قدام تلقائيا..
فصل هؤلاء الطلبة.. ومنعوا من الجلوس لإمتحان شهادة مرة أخري.. شهادة متوسطة.. كانت تسمى شهادة لأنو كان بيتخرجوا منها مدرسين أولية
..........
الزملاء الأصغر وأقل ذكاءاً من خليفة وعبد الواحد تخرجوا من جامعة الخرطوم..
وذهب خليفة مزارعاً في قريته..
وذهب عبد الواحد وعمل عسكري
.........
ولكن الله لايظلم
وفق الله عبد الواحد.. ان يجد فرصة إغتراب وهو في الجيش الى الخليج.. فصار ثرياً.. بعد فترة إغتراب طويلة رجع بعدها ثريا للسودان..
وخليفة.. صار مزارعا ناجحا في قريته وراس جماعة.. وفقه الله بذرية كثيرة صالحة ..ملك الأراضي والمزارع.. فصار ثرياً أيضاً..

الدكتور هنا شارك بكتابة عن نسب الرباطاب

شكرا ليك دكتور مصطفي
ولو لقينا طريقة نوثق لكل القبيلة لان الناس ماخدين عننا فكرة بس في سرعة البديهة

واليك بعض المعلومات عن قبيلة الرباطاب...ولا اتاكد من صحتها كلها لانها من مصادر مختلفة
الرباطاب

قبيلة جعلية الأصل تسكن بين ابي حمد والقدواب حدهم الشمالي الشامخية وحدهم الجنوبي السنقير ومركزهم أبو حمد ومقرات .
منسوبون الى رباط بن بشارة بن ضياب بن غانم بن حميدان بن صبح ابو مرخة بن مسمار بن سرار بن حسن كردم .
انجب رباط سبعة أبناء ينقسمون الى سبعة عشر فرعا على الوجه التالي .1. صالح جد الصالحاب .2. كرتون او كرتن جد الكراتنة .3. علقم جد العلقماب .4. شراب جد الشراب او الشراباب ز5. عبدالرسول جد الأقروساب .6. سنجر جد السنجراب .7. صلاح الذي انجب الملك ضياب والد عوض الكريم فرنيب جد الفرانيب الذين يشكلون فيما بينهم أكثر فروع الرباطاب ويتكونون من أحد عشر فرعاً على النحو التالي :
أنجب فرنيب .1. بدير جد البديراب وكان لهم مك ايام الفونج يمتد سلطانه شمال الرباطاب من الشامخية الى خور ابو غره . وانجب بدير ولدين .1 علي والد رحمة والد بطران والد محمد والد رحمة والد بشير والد عمر عمدة مقرات .2. كما انجب بدير أيضا رحمة والد ضياب والد محمد والد سعد وال الحاج اشول ( جد الأشاولة ) والد محمد والد محمد والد مصطفى عمدة زويرة .2. وأنجب فرنيب أيضا رباط عجيب جد العجيباب وانجب عجيب رحمة والد العقيد الذي انجب ابو حجل وقد برز ابو حجل حوالي عام 1819م قبل الغزو التركي بقليل وبرز معه العجيباب كقوة وتمكن ابو حجل من اخضاع جنوب الرباطاب واصبح عقيدا على كل الرباطاب ولما جاء الأتراك اعجبوا به . انجب ابو حجل ولدين .أ. رحمة والد محمد والد الحسين الذي انجب احمد ( عمدة ابو هشيم ) .ب . الملك محمد الذي انجب سليمان والد ( مصطفى عمدة كويك ) . وعثمان عمدة الباقير .3. وأنجب فرنيب أيضا صلاح والد فرنيب والد محمد والد بيناوي والذي انجب محمد عمدة العتمور من الصلاحاب .4. وأنجب فرنيب أيضا رحمة ضعيف جد الضعيفاب وكان لهم مك في أيام الفونج في جنوب الرباط مثل مك البديراب من خور أبو غرة الى السنقير ومن أبناء الملك ضعيف الملك عوض الله الذي كان حاكماً على خط الباقير وتوفي عام 1835م وولده ود الملك عوض الله المتوفي 1895م وكان من أمراء المهدية .5. ومن أبناء فرنيب ايضا ضياب جد الضياباب ز6. ومرقوب جد المراقيب .7. وأبو محمد جد المحمداب .8. الملك سعد جد السعداب .9. العباسي جد العبابيس 10. ابو سبيب جد السبابية .11. زمراوي جد الزمارنة وكان العجيباب هم الاسرة الحاكمة في التركية والمهدية ولكن مركزهم تزعزع في الحكم الثنائي لصالح البديراب تحت قيادة شيخ عمر البشير رحمة محمد بطران وكان من ملوكهم محمد دياب رحمة الذي عاش بمقرات وحضر اول أيام الحكم التركي عام 1831م وتوفي بعد ذلك وكان شجاعاً عادلاً . وهناك فروع كثيرة منها الشقر والاسيداب والقريداب والعبابسة والملاغيم والرماميس واللافاب والشعراب والشكاكيك ال شكاك ومنهم آل بدري وآل شبيكة والنمياب ومنهم آل عثمان علي رحمة وأبناؤهم الجنيد والنفراوي ووداعة ومبارك وخالد وحمزة رحمة بأم درمان ومن فرع الفوكناب بأم درمان آل عبدالهادي عمر الصادق وآخوانه عبدالقادر واحمد وحامد ومن الرباطاب أولا محمد خبيرابي وذرية محمد علي ومنهم آل مصطفى الهادي وآل الشاذلي وآل عوض الكريم عثمان وآل عبدالله احمد عبدالله وآل كرار وآل ابو سنينة ومن السنداب والقسملياب .
وقد قسم الأتراك ديار الرباطاب الى 3 خطوط : خط الباقير وعين له محمد عوض الله الضعيفاب , وخط مقرات وعين له بشير رحمة من البديراب وخط ابو هشيم وعين له سليمان ابو حجل من العجيباب وتذكر رواية اخرى من روايات الرباطاب أن لرباط ابو شملة ود بشارة خمسة ابناء .1. سنجر جد السنجراب ومعظمهم بمقرات .2. كرتن وأولاده حنونابي والمجد وجنادي وبكوياني .3. علقم وأولاده العلقماب ومقرهم الزومة والشريك . وأولاده حيايابي ( ابوحية ) ومحمود .4. صلاح وأولاده الصلاحاب والرباطاب الصغار واولاده .أ. شراب واولاد شراب ناصر وصلاوح وأولاد صلاح فقير وعوض الله وعمرابي وعدلان .ب. بدير بن صلاح جد البديراب واولاده محمد والملك ضياب واولاد ضياب .1. عوض الله واولاده قسم الله وكرار وسعد .. عوض الكريم واولاده حمد وابو نمي وعيسى وسلوقي وشميم فرنيب .3. حماد الزغلي بن ضياب .4. علي قريدابي . أما أبناء فرنيب عوض الكريم فهم :1. شكتابي .2. رباط وأولاده 1. محمود ( والد عبدالحميد ومقيايابي وبدير ) .2. رحمة ( أولاده العقيد ولد دقرشاي وأبو حجل والد لعسي وأحمدالصغير أما دقرشاي فأولاده دفع السيد والحاج عقداوي ونصر والتوم . وأما ابو حجل فأولاده محمد وحمد ورحمة . وأولاد محمد الدلعسي ابو نشين والحاج ضياب . أما اولاد احمد الصغير فهم باشاب وصعيل وجبارة واحمد وعنكيب والأمين . ومن اولاد رحمة ايضا ضياب وعلي ومصطفى وتفصيل ابناء ابي حجل بن رحمة كما يلي : .1. الملك محمد ابو حجل وأبناؤه : زيدان وسليمان ( والد علي ومحمد ومصطفى وأبو حجل والحاج فرح والزبير وعبدالرحمن ) وأبو حجل واحمد وكرار ودقرشاوي ومدني وعمر وعثمان ومحمد وابراهيم .2. رحمة ابو حجل اولاده علي ومحمد وحسن ونصر وعثمان وسر الختم والحسين والزبير والشريف .3. مرقوب بن فرنيب .4. ضياب .5. سندابي .6. محمد .7. زمراوي .8. صلاح .9. بدير .10 العباس العدني ز11. سعد .
ويذكرون ان الفرانيب بين الباقير ومقرات ومركزهم الرئيسي في الكدق والجريف والسدياب مركزهم ارتل وكرقس والقسملاب في أبي هشيم والصالحاب في جزيرة مرو , والجميلاب ابناء جميل في مقرات والحماميد ابناء حماد بالباقير , وأولاد مهيوب في أم حمير والوديعاب ابناء وداعة في الترعة والعوداب اولاد عود في أم مردي والحماميد أولاد حماد في العتمور . ويلخصون ابناء رباط في .1. العجيباب ابناء عجيب من العقدة والحجولة في الكدق .2. البديراب أبناء بدير في الزوارة .3. الضعيفاب أبناء ضعيف في الكدق والباقير .4. الصالحاب أبناء صلاح عتمور .5. الضياباب ابناء دياب في ابي هشيم والترعة .6. المحمداب أبناء احمد مرقب أبو محمد في الجريف .7. السعداب أبناء سعد في مرى .8. العبابيس أبناء عباس في ندا .9. الحمداب أبناء حمد في ارتل والكدق .10. العايداب أبناء عايد في عتمور .
صفحة

دي وحدة رباطابية عضوة معنا في المنتدى.. إسمها نوسة.. شافت الموضوع فرحت.. وهي قريبة أستاذة فتحية عبد الحي اللي كانت في شري ردحاً من الزمان وهي شغالة في السعودية

سلام عليكم أهلى الرباطاب

من قبيل و أنا زهجانة و حزينة قلت كدى النقعد شوية فى المنتدى أشوف الحاصل شنو، و لفت نظرى الرباطاب و أبوحمد و هى بلدى و بلد والدى بالرغم من إنى ما شفتها من أكتر من خمسة و عشرين سنة بس عندنا فيها جناين البلح، و لفت نظرى كمان زكرك للأستازة فتحية عبد الحى لأنها بت عمتى و لاقيتها الأسبوع الفات فى الخرطوم لما مشيت لى العزاء فى وفاة المغفورة لها والدتى. المهم كويس إنو فى ناس طاريانا بالخير لأنو أكثر الناس لا يعلمون عننا غير (مثل ما يقولون) المساخة و الرد السريع.

إلى اللقاء

ده واحد رباطابي إسمو المعز أبو نورة عضو في المنتدى. هو محاضر في جامعة مانشستر الآن.. كتب عن الموضوع

Thanks to Mansouri for opening this post. The post shows the strong ties between northen riverain Sudanese communities, mainly the Rubatab, and the Manasir people. I also take this opportunity to whisper in Nosa's ears that a third known stereotype about Rubatab is intelligence. Although my maternal grand parents left Mugrat, and their sagia ( Sagia Shibeika) more than 150 years, but kept their connections to their land, and their people in their strife to empower themselves, and to empower their people through teaching, and learning. The Shibeikas used to glorify teachers, and encourage their kids, males or females to join this noble profession. It is not a secret that the Rubatab represents a high percentage among the early educators, and teachers in Sudan. Thanks to Sheikh Babiker Bedri, Sheikh Mohamed Shibeika, Professor Mekki Shibeika, Ustaza Zohra Eldabi and all other teachers
Regards

نوسة تاني كتبت قالت

البوست دة لازم ما يضيع فى الزحمة.

رد منى على نوسة

نوسة.. شكرا على المداخلتين

........
والبركة فيكم في الوالدة..
......
بلغي سلامي للأستاذة العظيمة أستاذة فتحية
........
أنا في رابعة إبتدائي بالمناصير..كان عندنا لنش كبير.. الوالد كان سايقوا طلعوا معانا المدرسات رحلة في النيل..كنت لابس ساعة جوفيال أبيض.. وهي لابسة ساعة جوفيال أحمر.. قالت لى.. أنا أموت في الجوفيال الأبيض.. وأخذتها مني لمدة أسبوع واعطتني ساعتها لمدة اسبوع..
أستاذة حنونة وفرايحية وجادة في نفس الوقت..الكلام دا كان سنة1967

دكتور مصطفى محمود تاني علق هنا على الموضوع

up
where are all the rubbattab in this board
come on
up
dr mustafa mahmoud

does any one of the redaes here knows wher are these wonderful
people i met during my education in abu hamad intern=medite school
if you do please tell me here
1-abdel majeed omer al semaid from kji
2-shanab mohamed ahmed from shreek
3-altaj mohamed al ameen from shreek
4-mohamed al hassan al hardloo from abu hasheem
5-al fateh mohamed al ameen from al shreek
6-ahmed al malik from magal mugrat
7-mohamed al malik from magal mugratt
8- ismail abdul raheem al balal from abu hamad
9-ahmed abdul raheem al balal
10- tyfoor abdel daim from manseer
11-husseen al dugaeer from manseer
12-hashim naser al deen from manseer
13-sim sa gassm al seed simsaa from kurgess
14-ibramim al fageer from al shamkhia
15- abdul monem mohamed ahmed from mansser
16-mohamed altyeb al fadnee from abuhamad
17-haj rahma fathal rahman from abu hasheem
18 al jumialee from from mugrat
19- al dabba from mugrat
20-mohamed ahmed ali shantoor from al sihan abuhamad
21- karam al ghanee gasumall from al greeb
22-shazalee hassan from abuhamad
23 -from abuhamd fathee ibrahim al adid
24-mohamed ali hamza from kijee
25-al hassan ahmed mohemed salih from al gouz
26-ibrahim al kashif from mugrat

this half of my class mates 159
to 1963
abuhamad intermediate school
thanks
dr mustafa mahmoud
(عدل بواسطة Mustafa Mahmoud on 07-08-2006, 12:28

لما دخلنا مدرسة ابوحمد الوسطى
كان ناظر المدرسة محمد بابكر..كان قدامنا لفترة طويلة
أواخر سنة1968
استلمها الناظر عوض الكريم الفادني
قد عرفت مؤخراً انه قطن مدينة شندي وتوفى بها.. وله بنت دكتورة
عوض الكريم الفادني كان رجل حكيم رائع مربي من الطراز الأول دقيق ذكي وزكي
جمع من كل طالب خمسة قروش.. وجاب لكل داخلية راديو ترانسستور.. ماركة فلبس.. وقتما كانت المنطقة تعج بالراديو أبو بطارية الكبير.. وعدد كبير من المواطنين في ابوحمد والمناصير لايملكون روادي... جمع المبلغ الناظر وساهم معنا من خزينة المدرسة
.....
لقد كان ناظر المدرسة كأنه وزير مالية ورئيس حكومة بإدارته للمدرسة.. كانت خزينة المدرسة في مكتبه مليئة بالنقود التي تكفي نفقات المدرسة لمدة عام قادم
تقع تحت مهام المدير كل شؤؤن الطلبة والمدرسين والعاملين والصرف والميز والنفقات.. بدون أي لجنة ثلاثية أو رباعية ولايشك أحد في نزاهته ولاينبغي
فطور المدرسين كان من خزينة المدرسة
الفطير
الرغيف
اللحم الناشف
الكبدة والكلاوي
البيض
والمحشي
والتحلية
......
كذلك تتولى المدرسة ميز ضباط الداخليات الثلاث من الأستاذة
وكان لهم سكن منفصل وسط الداخلية كأنه استراحة ري إنجليزي في وسط مشروع الجزيرة بحماماته وملحقاته
تتحمل المدرسة اعاشتهم كامله وكذلك عدد آخر من الأساتذة الذين يسكنون معهم غير مشرفين على الداخليات
حتى جيب الله الفراش يتولى غسيل ملابسهم وكويها مجانا
......
كما تتولى إدارة المدرسة الصرف على ميز ناظر المدرسة من البغوليات واللحم والسكر والشاى بصورة رسمية من إدارة التعليم في بربر والدامر
تصدر المدرسة التصاريح بالسكة حديد درجة ثالثة لطلبة المناصير
وتعطيهم نثريات 22 قرش ما يعادل 100 ألف جنيه الآن لكل طالب
بيضة الدجاج كانت بتعريفه
حبتين زلابية لقيمات تعريفة
سجارة برنجي تعريفة
سجارة بينسون قرش
كباية شاي سادة تعريفة
كباية شاي لبن تعريفة
كباية ليمون بارد تعريفة
تذكرة قطر من أبوحمد لمحطات المناصير أربعة قروش ونص
يمكنك أن تقيم معادلة من هذه الأسعار وتعرف قيمة ال22 قرش التي كانت تعطينا لهم المدرسة
مواسم البلح في ابوحمد ومواسم الفول السوداني في مناطق أبوهشيم ومشروع ( كرز الزراعي) بالرباطاب كان المدرسة تشتري منهم الفول والبلح وتخزنه في مخازن المدرسة طوال العام لإمداد الطلبة منه خلال العام مع وجبات الطعام
لقد جعلها الرباطاب جامعة وليست مدرسة وسطى
حتى لما انتقلنا لعطبرة الثانوية
بدأ سلك التعليم ينفرط عقده ولم نجد ما وجدناه هنالك هنا؟

(لو القيامة قامت جنب بيت البنزين تاني واحد من أولاد المناصير مايمشي يشوفا) قولة ظلت ترن في آذاننا لدفعات طويلة لمدى قوتها..
قالها أستاذ( البلك) ضابط الطابور الصباحي.. ذلك الأستاذ كامل الأناقة القاسي.. المبرز في مادته.. جعلي من منطقة المحمية.. عملت معي شقيقة الأصغر شمس الدين جعفر في هلتون الخرطوم في المخازن ونحن في الهندسة.. وعملت مع خاله الباشمهندس يوسف حامد عمر الجعلي في هلتون الخرطوم وقد كان يوسف رئيس مهندسين..وانتقلنا مع بعض من هلتون الخرطوم الي هندسة هلتون العين..يالأمارات
ياله من يوم
والسبب مجموعة من أولاد المناصير( شاغلوا بنات) بالقرب من بيت البنزين والبنات إشتكوا لعمنا الفراش بخيت وبخيت وصل الموضوع لناظر المدرسة عوض الكريم الفادني.. لست منهم
المهم
فروع شجر العوير بالحزم الكبيرة اتقطعت من ( الكريل) نظام امداد كهربائي)
واربعة طلبة كبار يشيلوهم ليجلدوهم
والمدرسة كلها اجتمعت
واستهجنت
وتنكر الأساتذة لطلبتهم حتى الأذكياء منهم
بالرغم من شطارتهم في الفصل بصورة منقطعة النظير
فترة طويلة حتى إندمل الجرح
وعادت المياه الي مجاريها
كل استاذ يوبخ هذه المجموعة قبل ما يبدا حصتو ثم يدخل في الدرس
المجموعة دخلت في أضافرينا
خطابات إنذار نهائي وتلويح بالفصل بعثت لولى الأمر
واولياء الأمور حضروا
وكفتوا ولادهم وضربوهم تاني قدام الناظر في مكتب الناظر
والتوبة يا حبوبة
تاني من مشاغلة بنات الرباطاب
وكل هذا في ذاك الزمن مشاغلة فقط من بعيد لى بعيد
فما بالك اليوم

الثلاث روادي فلبس الجابها لينا الناظر عوض الكريم الفادني كانت روادي فلبس روادي ترانسستور حديثة وقتها جداً كانت الروادي الجيدة في عطبرة غير موجوده عند ناس فهمي ميخائيل فسافر في العطلة الصيفية عبد الكريم الفادني بنفسه وجابا لينا من الشركة راس شركة فلبس من الخرطوم عرض الراديو حوالي 20سم وطوله حوالي قدم لونه أحمر بلون بني على الخلفية وأمام المفاتيح لوحة فضية تقيه من الأتربة
كل داخلية كان عندها راديو
الداخليات الثلاث
المهدي
ودقنة
وأبوعنجة
أنا كنت في داخلية المهدي
منطقة الستماع للراديو مسطبة عالية مابين مدخل العنابر ومزيرة كل داخلية وفي العصريات خلف الحمامات في ضل الضهر
ذهبت لأم درمان بصحبة الوالد
وأحضرت ماكينات حلاقة ناعمة وخشنة
كنت متعدد المواهب
كنت حلاق المدرسة الأول
مع اني لم امارس مهنة الحلاقة بعد مدرسة ابوحمد
الا في اطار محدود
سعر الحلاقة كان في سوق ابوحمد خمسة قروش
انا عملتو ثلاثة قروش
لذلك الطلبة يحلقون عندي
كان هنالك حلاق آخر من الرباطاب طالب في المدرسة نسيت اسمو
كنت مقرش شديد
أدين الطلبة
من الحلاقة ومن حصد ثمار النخيل في منطقتنا
أحمد سليمان حماد العم المنصوري دفعتنا كان المسؤول عن الراديو وحفظه بعد فترة قلب مفتاح الموجه شديد كسر المفتاح
بقينا بعد داك نقلب الموجة بالريال ندخل في المشقبية ريال ونقلب الراديو؟
علم بهذه الحادثة الصغيرة المدير عبد الكريم الفادني
زعل جداسحب حفظ الراديو من احمد سليمان
وسلمه لكبير ضباط الداخلية وهو طالب معنا في نفس الداخلية هو فر رابعة ونحن في اولى اسمو جبريل حماد العم المنصوري
ولم يترك الناظر عبد الكريم الفادني هذا الأمر
بل بعث برسالة الى شركة فليبس في الخرطوم يطالبها حسب التامين بمفتاح راديو للموجة
وصلنا بالبريد خلال اسبوعين
كان راقي خلاص هذا الناظر
ودقيق في معاملته
كأنو خواجة جاي من لندن هسه
صفحة

من طرف **(الحاج شرف)** الإثنين 23 مايو 2011, 1:19 pm

شكرا باشمهندس صديق عندك نستريح من وعثاء السفر والجرى فى شوارع الخرطوم متابعنك بصمت واصل

من طرف **ahmed alkhabir** الإثنين 23 مايو 2011, 2:10 pm

الاخ صديق الاف التحايا
جميل كعادتك
والاجمل والاجمل انك دائما تذكر فضل وفضائل الاخرين حتي ولو كانت صغيرة
لاحظت انو زمنكم كان زمن صعب طبيعة الحياة بصورة عامة والسفر وغيرو ورغم ذلك كان كل هذا النجاح الباهر للمناصير
واصل ومتابعين باهتمام

نورة
الحاج شرف الدين
ود الخبير
تسلموا على المرور بي جاي

كان مدينة ابوحمد كلها يفصلها شبه سور أو جسر عالي من الحجارة يفصلها عن المدرسة الوسطى غذا وقفت على هذا الجسر رايت المدرسة بسورها الذي يزيد عن الكيلومتر ومبانيها ناصعة البياض والزنك المائل الجملون ولون الطوب الأحمر في مبانيهاكأنها قلعة التاج محل كما قلنا كذلك تقع معنا بفرسخ مدرسة بنات ابوحمد الوسطي التي ألحقت بعدنا وكانت حدثا في المنقطة قبلها كانت بنات المناصير تذهب الى كريمة ومرويز وتشارك الرباطاب في مدرسة بربر الوسطى بنات
كان هنالك بعض الهدندوة والبشارين بخيمهم ورففهم بالقرب منا لايرحلون كان منهم عيد نقال ابوحمد الأول كان ينقل النعلين لونه صافي قصير القامة يتخذ من ظل دكان سند مكاناً كان ينقل الجزمة بقرش ويعمل نخرة من الجلد والكبسونة للسفنجة المقطوعة نخرتا يعملا بي تعريفهنحضر اليه في يوم الجمعة ومعنا بعض الأحذية كان مسموح لنا فقط يوم الجمعة الخروج من الداخلية من الساعة تسعة لغاية الساعة حداشر ونص وهنالك طابور تمام يحضره استاذ ضابط الداخلية وينده أسامي الطلبة ومن وجد مفقود يا ويلو يتفقد الطلبة لأنو مسؤولية يمكن واحد ضربوا قطر يمكن واحد مشي عام في البحر وغرقز وهكذاز اما طلبة الرباطاب فكانوا يخرجون لذويهم من يوم الخميس ويعودون في مساء الجمعة ويكون هنالك تمام مسائي أمام الداخليات يحضره استاذ ضابط الداخلية

كان هنالك تاجر من جملة تجار المناصير في ابوحمد دكانه وش في السوق مقابل لصدر السوق فاتح على أماكن الشاي البي يشربوا منو الناس الجايين للقطر دكانه من اكبر الدكاكين في ابوحمد فيهو كل شي
اسمو ختم الفقير
أخ على الفقير
وأخ احمد الفقير الذي اضافوهو اولاد حاج الماحي لمدحة انا احبو من صغير كان لما يجو ابوحمد ينزلوا عند احمد الفقير وكان ثري وكان غني وكان كريم
هم من الشامخية بالمناصير
التحية لهم
والتحية لبعض ابناء الشامخية المحدثين
الذين يحاولون تسيير اسم( الشامخة) عليها بدلا من الشامخية أو الشمخية
والشامخة مدينة كبيرة راقية في ابوظبي
عملها كلها شيخ زايد الرجل الرائد عليه الرحمة
وسلمها مجانا لمواطنيين بلده الذين لايملكون سكنا

ختم الفقير رحمه الله كان كلما يتوقف القطر في ابوحمد وانا جاي من عطبرة او جاي من الخرطوم انزل اسلم عليهو تقديرا وبرا وعرفانا لما كان يقدمه لأبناء المناصير قاطبه
كان راجل راقي
وسيم
وقتها كان في أواخر الثلاثينات من العمر
دايما تلقاهو لابس عراقي رهيف نظيف مكوي ومعاهو طاقية ناصعة
جميل ومثقف وكريم وشهم ومقدام
يتصدر قضايا المناصير
ويحلها
ويكرمهم
أجمل مافيه عيونه واسنانه المتراصة ذات بياض غريب
المسواك لايفارق فمه
متدين ترى فيه صفات الصالحين
كان ختم الفقير يحب الهظار والضحك والمزاح ولكنه جاد ولا يفوت مواعيد الصلاة
كان لايصلي على مصلاية ملونه
ويحب يصلي على جوال بلح فارغ خيش
يضع سريره دايما في برندة الدكان ويرقد عليهو
عشان يبعد من ضوضاء الدكان
عشان يجوهو المحتاجين بانفراد يعطيهم
وفي الدكان شاب ممتاز مخلص
من ابناء ام سفاية بالمناصير اسمو الزاكى شقيقه من امه ميرغني سليمان عمر كان طالب نابغة دفعتنا في ابوحمد
هذا الزاكي كنا عندما نحضر يوم الجمعة للسوق لايفرز اخوهو منا ولايعزمه منفرد
كان يجيب صحن كبير ويعمل فته فاصوليا وفوقا لحم ناشف او فول ويضع الصحن بالبرندة وكل الموجودين بالدكان ياكلو ويشترك معاهو ختم الفقير فنجرة يوقل ليهو عشان ما تفرز اخوك منهم جبت الأكل في الدكان ؟ كمان انا اكرم منك عيال منصور الباقين انا ادفع حقهم وكان يزعل لما نشارك في ثمن الفته ولو واحد غريب ماعارفو اعطاهو قروش ثمن الفته يرمي بيهم على الأرض ويقول هي وصلت عند دي
هسه شوف حلات الفته دي
وكترت الأيادي فيها
والله لو براي ما كان قدرتا اكلتا
كانوا ينظرون لنا كاننا عباقره
وكأننا طلبة جامعيين
المنافسة كانت صعبة جداجداجدا
عشان كدة البي يقبلوا ديل في الوسطي ياكدوا يكونوا مكملين تماما من اي شى اتيت
قرار وزارة التربية والتعليم دخول الابتدائي ثمان سنوات
والوسطي عمرك بيكون مابين12 الى 14 سنة
كنا 16
17
18
19
سنة
ختم الفقير كان يقدم لنا خدمات
نضع مصاريفنا عنده في كراس
ونخصم منها
لم أحتاج له يوما في سلفه مال كان مامعي يفيض
وكان يعرض على كل الطلبة خدماته
نقطع منو جلاليب العيد
لما تكون نزلة البلد للعيد مضايقة
الجلابية كانت تكلف 15 قرش بوبلين ثلاثة تفاحات رمز الجودة
وكان هنالك بوبلين تفاحتين سعرها 12 قرش
يبدو انو كلما زاد عدد التفاح زادت الجودة
ظهر قماش التيترون وقتها
جلابيتو تكلف 21 قرش بي خياطتها طبعا
استاذة فتحية مرة عملت لى عمود على جلابية التيترون حقتي وماكان غيرا بيعرف عمود وهي طبعا رباطابية وكانت معنا في المناصير تدرس البنات بمدرسة شيري الابتدائية
كان العندو جلاية تيترون الناس كلها تعاين ليهو
وكمان تكون مطقوقة عمود؟
تلقا الناس تهبش فيها وانت لابسا
كانت الأقمشة التقليدية الرجالية
1 دمورية
2اذن عشرة
3 بفته
4 ساكوبيس
5 بنقالي
6دبلان
7بوبلين عادي
8 بوبلين ابو تفاحة
9 بوبلين ابو تفاحتين
10 بوبلين ابو تلاتة تفاحات
11 تيترون
ختم الفقير اترحم عليه
في الثمانينات كان قاعد على نفس عنقريبو في برندة الدكان
جاء لوري من غير فرامل ضربو كتلو كما سمعنا من الناس
وجيت من المناصير عزيت فيهو

كان دكان ختم الفقير في ابوحمد منتدى لنا يشكل بعض برنامج لنا بعد العوم وبعدو نمشي لى دكان على الفقير أخوهو
على الفقير المنصوري ملك جناين كبيرة في ابوحمد
كان مهتم بتجارة الوابورات اللستر وتوابعها من مواسير وسيور وغيرو
أما ختم الفقير كانت تجارة عامة سكر زيت قماش حلوى غيرو
أما أحمد الفقير أخوهم فكانت تجارته على مستويات كبيرة جدا
دكانو مليان كراتين لكن نادر زول يدخلو
كان منافس لسر تجار ابوحمد حسن عثمان
كان احمد الفقير المنصوري
يملك تلفون وقتما كانت التلفونات نادرة في ابوحمد وغير موجودة الا في مكاتب السكة حديد
كان عندو تلفون نوع الفيهو منافيلا داك
كررر كررر كرر تلف بيها وتتكلم
المنفلة دي عشان توفر كهرباء اتصال وتولدها في شكل مولد صغير
كان هناك مكتب التلغراف في ابوحمد رموز هو بديل الفاكس الآن
هل ياترى الناس الكانوا عارفين لغة التلغراف دي انقرضوا والله في
عبارة عن حركة طق طق طرق طرق طقق طق
تجي ماشي بي بوابة ابوحمد وانت نازل يقابلك مكتب التلغراف
تسمع الصوت العالي
كرررر طقق طققق طق بي صوت عالي
والموظف يترجمها لى رموز
يعني زي لغة التفاهم عند الطرش والبكم البي يجيبوها هسي دي مصاحبة للنشرة
////////////
أحمد الفقير كانت تجارتو كبيرة وغامضة تجارة جمال لى مصر صفقات كبيرة محاصيل نخيل تشحن قطر بضاعة كامل على حسو
كان عندو لاندروفر زمن الاندروفرات معدودة
كانت هنالك لاندروفر أخرى عند قريبنا عبدالله فضل المولى
//////////
ما كان قاعد يقصر معانا احمد الفقير ونحن طلبه
كان رفيع نحيف طويل صافي اللون
ذكي حاد الذكاء
الذكاء يشع من عيونه
قليل الكلام
كنا غير ما نجي نسلم عليهو
ما قاعدين نقعد جنبو
يخوف الزول له رهبة تشبه رهبة السلاطين
تسألو يرد ما تسألو صامت لايتكلم
يفكر في صفقات
في خطة تجارية داخل جوفو وفكرو
بس موش متكبر متواضع
كلهم كرماء ولاد الفقير ديل
يروى عن على الفقير
ان ابوه الفقير في المناصير قال ليهو ياعلى اخوانك كلهم مقرشين وقاعدين يدوني حق العفو الا انت ماشفنا منك حاجة
أنا وأمك عايزين حق العفو تعبنا في ربايتك ياعلي؟
فرد على الفقير عليهو( تعبتو في شنو انت وأمي،، مي قاعدين تسووا في البي تسووا فيهو وأنا جيت؟) تعبتوا شلتوا ليكم طورية والله عمتوا ليكم بحر في السقط مشيتو جبتوني
هذا قبل ان يكون على الفقير تاجرا كبيراوبارا بولديه جدا وحاجا لبيت الله عدة مرات
ابنه بعد الرؤوف على الفقير
كان الدفعة الورانا
أحمد الفقير كان هو أكبر اولاد الفقير هو اللي كان سبب وساعد على الفقير يجي ابوحمد ويفتح دكان وساعد ختم الفقير يجي ابوحمد ويفتح دكان
كان وقتها احمد الفقير كبيرهم وكبير المناصير بابوحمد كان عمرو حوالي ستين سنة

شوف عليك الله مدارس زمان ومدارس وجامعات الزمن ده!!
الولاد الشاغلوا البنات من بعيد لى بعيد بس!!
وزمان الولاد ذاتو ما بيعرفوا المشاغلة( وين يا سيكو)( التوب ده إنت ما قدرو)( نظرة بالله)
هس دي المشاغلة( وين ياعسل)( شـَرِط ْ)( سلك) ( في السلك)( شطة)..ويمكن حاجات تانية نحن الجيل الفات ده ما عارفنها..
برضو هسي دي الناس بقت جريئة ، وصارت موش مشاغلة بس.. زادوها حبتين.. ومشت في وسائل أصبحت فيها خطورة على البنات المسكينات.. من الطلبة ومن أصحاب الأموال، حتى من بعض أساتذة الجامعات الغير مربيين..
بالرغم من ذلك الحكاية كانت بسيطة زمان، لكن شوف العقاب الوقع على الطلبة العملوا العمل ده! الأنا ذكرت قصتهم أعلاه..

من طرف **م بروي** الثلاثاء 24 مايو 2011, 2:41 pm

رائع يا صديق كالعادة
قالوا مساجين كوبر طلعوهم
ينظفوا الشوارع في بحري
واحد فيهم شاغل واحدة
قالها
وين ياتتي؟؟
قالت ليهو
واشري إنت مسجون من زمن تتي؟؟

أيوة يا حمود!!
حتى الأغاني زمان كانت
( حني حني. عليا... أنا يا تيتي... الحاصل بي سببو إنتي)
هن شقائق الرجال..

ياخي حاجات زمان كانت طاعمة