مطبخ منصورية

من طرف **انتصار حجازي** السبت 19 مارس 2011, 8:44 pm

تذكير بمساهمة فاتح الموضوع :

بسم الله الرحمن الرحيم
فى هذا الموضوع وإن شاء الله
وبمساعدتكم
سنحاول وضع اكلات منصورية
او الاكلات المشهورة بمنطقة المناصير

يعنى اللى ح يساعدونى فى هذا البوست ... سيضيفوا فقط اكلاتنا الشعبية فى منطقة المناصير
( يعنى يمنع وضع الاكلات الحديثة ) طاخ

وذلك حتى يتم التعريف بأشهر اكلاتنا
وطريقة صنعها

تسلم الاخت انتصار

والله برلمتنا ياصديق
بالاسامي العجيبة دي

سؤال خارج النص تخصص...!!
Kitchen Design
ولا الغربة حاااااااااري

إمتحان في مطبخ المنصورية
عايزين واحد أو واحدة يشرح لينا طريقة هذه الأكلة المنصورية الرائعة
ألا وهي:-
وجبة الدَنـْـفـَرِ يـِسْ:-
1 طريقة عملها
2 نوع ملاحها
3 مكوناتها
4 في اي وقت تؤكل
5 هل هي وجبة مناسبات أم وجبة عادية
6 اي قبيلة تشترك معنا في هذه الوجبة!

من طرف **بلسم** الأربعاء 06 أبريل 2011, 5:20 pm

تسلم استاذنا ابوحنه
بس البلعيبى والرغيدى دى ما سمعت بيها
عمرى كلوا فى البلد الاسم الحقيقى
ليها شنوه وديتها غرب شرق ماعرفتها
وتسلمى مع كل الودوالتقدير

من طرف **ابو مصطفى** الأربعاء 06 أبريل 2011, 6:01 pm

الخال صديق جاك ابو مصطفى يحل كل رموزك العجيبة والتاريخية :-

اول حاجة طريقة عملها
باقى ملاح الفطور من دمعة وغيرها يزيدوه مويه ويبقى فى شكل سليقة وباقى الفطور المفضل فى الصوانى كسرى فطيرى ومرة او مرة مع بعضها البعض وتوضع فى الصينية ويرشوها للناس
نوع ملاحها سليقة شكل دمعة
مكونتاتها : دمعة متبقية مخلوطة مع السليقة وسناسن وباقى رمرام الفطير مع بعض
فى اى وقت : بعد القعيدة مباشرة
هى وجبة مناسبات
بواشى
مافى قبيلة تشترك معانا فى هذه الظاهرة

تحياتى
ابو مصطفى

أبو مصطفى ود أختى الفاضلة... والله إنت زول قديم قدم مجرى البحر
...........
كلامك كلو صاح.. وقد فصلتها تفصيلا دقيقاً

بس البلعيبى والرغيدى دى ما سمعت بيها
عمرى كلوا فى البلد الاسم الحقيقى
ليها شنوه وديتها غرب شرق ماعرفتها
وتسلمى مع كل الودوالتقدير

بلسم وديها شمال جنوب حا تعرفيها

بت حجازي وينا.. انشغلت والله شنو؟
مطبخا ده نارو مدودي وهي مافي. حلالا دي بي تحسا..

من طرف **ابو مصطفى** الخميس 07 أبريل 2011, 2:38 pm

شكرا الخال المبدع صديق فى الشرح الدقيق ونحن ناس ما صغيرين39 سنة
39

وخمسة اشهر
انت ماك زولا صغير --- انت ما الزول البوصو

تحياتى
ابو مصطفى

أبو مصطفى.. ود أختي إنت أكبر من الحكومة بتاعتي بي سنة.. وكان مكضبني اسأل زينب..

صديق عبدالله علي أبوحنة كتب:بت حجازي وينا.. انشغلت والله شنو؟
مطبخا ده نارو مدودي وهي مافي. حلالا دي بي تحسا..

اهلاااا استاذ صديق
ومشكووور للسؤال

انا موجووودة بس بدخل اقرا بسرعه واطلع
لانه عندى مشغوليات شديدة
وشااايفة المطبخ مولع رسمي

اما الحلل ... الله يستر ما تحترق ... لانه مشغولياتى لسة

بس نجلاء اكيييد بتاخد بالها منهن عارفاها ما بتقصر الله يخليها
وكمان بلسم وبقية المنصوريات

على فكرة شايفاك اضفت اضافات رووووعه للبوست
ما قلت لك ... الحاجة الطاعمه اينما وجدت بتظل طاعمه

وانا ان شاء الله كلها يوم يومين وبرجع اواصل
مشكووور يا ملك

من طرف **انتصار حجازي** الأحد 10 أبريل 2011, 3:19 am

ام فتفت

وجبة شعبية ... تقريبا بيشاركنا معظم مناطق السودان باكلها

تتكون ام فتفت من قطعه معينه من معدة الخروف ( المعده فقط )
تلك القطعه التي تتميز بطبقات متعدده ورفيعة

ويتم غسلها جيدا بالماء ... بعدها يتم نشلها
ثم تقطيعها

تجهز خلطة ام فتفت التي تتكون من التوم والشطه والليمون والفلفل الاسود والملح والبهارات الاخرى والبصل والدكوة

مطبخ منصورية - صفحة 2 497173045

من طرف **بلسم** الأحد 10 أبريل 2011, 4:30 pm

تسلمى ياستى والله انت
وبنت الخالة ماقصرت كلو كلو مطبخكم عامر
بخيرات ولكن وين الصلطات
تسلمى كتير انتصار
والمزيد المزيد يارب
تقبلى مرورى مع كل الود والتقدير

من طرف **ابو مصطفى** الإثنين 11 أبريل 2011, 8:36 pm

فى يوم من الايام يا بلسم كانت عندى سماية وزوجتى غريبة ما من المناصير وكانت السماية عاكلى اى بمعنى عامرة شديد حيث تلم مجموعة من الوان الطيف البشرى شى رباطاب والبت بتهم وشى مناصير والولد ولدهم وشى شايقية وجعليين وحسانية وقبائل كتيرة خلاص وقامت حاجة فاطمة زبطت الدمعة وفى واحدة رباطابية متفلهمة المهم عملت نقة فى طباخة الشايقية على الرغم من انها تبقى لى محترفة على الاقل تلعب فى برشلونة وقامت الرباطابية طولت لسانها وقالتلها حاجة فاطمة انا والله فى علم الطباخة اوريك المكشن بلا بصل ؟؟؟ وهنا راسى لف ؟؟ عاوز اعرف المكشن بلا بصل دا كيفنو ؟؟؟؟

تحياتى
ابو مصطفى

من طرف **بلسم** الثلاثاء 12 أبريل 2011, 3:16 pm

تسلم اخى ابو مصطفي
الشايقيه محترفه في الطبخ الناس ديل ناسبتنا كان شوايقه او رباطاب
اما الرباطابيه ماشديدة فى الطبخ بطول لسانه ساى
والمكنش بلا بصل هو من يقل او ينعدم فيه البصل يكون خفبف لاطعم ولافائده
مابتسمع الحله بصل
مع كل احترامى لك اخى

من طرف **بت الحسناب** الثلاثاء 12 أبريل 2011, 7:01 pm

[sizسلام للاعضاء ولكل المنصوريات ستتات البيت I love you

في اهم اكلة ما ذكرتوها اللهي السخينة :- طريقة العمل واحدة بصلة تقطع قطع صغيرة وتوضع مع قليل من الزيت وتقلب حتي يصبح لونها احمروتضاف الماء وحبة ملح وكسبرة وفلفل مع اضافة قليل من الماء المضاف اليه قليل من دقيق القمح حتي يصبح القوام تقيل شوية تؤكل مع القراصة I love you

ده من الاكلات المفضلة عندي

ابو مصطفى
الف مرحب بيك
منووووور مطبخنا
اول مرة اعرف ان زوجتك رباطابية
كمان الرباطاب اهلنا ..

مشكووورة بلسم على الشرح
رغم انى ماعندى علم بالمكشن بلا بصل

بت الحسناب
هلا والله
منوووووووووووووورة مطبخنا
وطولتى الغيبة يا ستي

بالنسبة للسخينة ذكرناها قبل كدا
ذكرتها العضوة بلسم

نتمنى تواجدك بيننا في مطبخنا العامر بالمنصوريات
ومنتظرين اكلاتك المنصورية

من طرف **ابو مصطفى** الثلاثاء 12 أبريل 2011, 7:16 pm

شكرا على الرد بلسم حقيقة الحلة لمن بصلها يكون كتير الدمعة تكون زابطة وتقيلة تمشى فوقها الجدادى ؟؟؟؟

تحياتى
ابو مصطفى

طريقه عمل ملاح السلج
ثلاثه ربطه سلج
ربع باميه فرك
ربع لحمه ضاني
ثوم
فلفل
كسبره
ملح
بصله واحده
الطريقه
توضع اللحمه ويضاف اليها القليل من الماء وتقطع البصله ويضاف الملح ثم يترك الي ان يصير مرقا واهم شي ان المويه ماتكون كثيره لان السلج بينزل ماء
بعد ذلك يقطع السلج وله توريقه معينه وعلي ما اعتقد ان السلج هو السبانخ عند بعض الدول وهو شبيه بالجرجير
ثم تقطع الباميه ويغسل الجميع جيدا ويوضع علي السليق
يضاف قلبل من العطرون بعد ان ينقع في الماء ويصفي
وبعد ان يغلي الجميع لمده 5دقايق ويفرك جيدا بالمفراكه الي ان تموت حبات الباميه
ثم يضاف الثوم والفلفل والكسبره
السلج يؤكل مع القراصه والكسره
وبالهناء والشفاء
مع تحياتي

ياجما عه مالو مطبخنا ده وقف ماعجبكم ولا شنو نقفلو خلاص لازائر ولاطباخ
يا انتصار الحكايه شنو كل ما نعرفه عن الاكل المنصوري كتبناه نقلب خرتومي ولا ايه
وكنا معتمدين علي الموسوعه صديق وهو زاتو الظاهر كمل كل العندو

اولا مشكووورة يا نجلاء على الاهتمام والسؤال
وثانيا

ان شاء الله سنواصل في مطبخنا
عاوزينه مطبخ منصوري خاااااااااااااااااااالص
باكلات منصورية فقط

وان شاء الله سيضيف معنا
صديق ابو حنه الكثير

الاخت انتصار بعد التحيه وندخل المطبخ والدخله مهمه لاني مغروض في مطبخكم هذه الايام وذلك لاني عذابي ولمده سوف تستمر الي 21 يوم ( سافرت الحكومه لمناسبتين الاولي زواج شقيقها والثانيه موضوع القافله والتي تتولاه هنا الاخوات زوبا وثريا مع ابو مصطفي وسوف تكون في انتظارهم في البلد ) ولقد برمجت ايام العطله وهي الجمعه اذهب للوالده والسبت لاختنا زوجه عبد الله علي العطا وبقيه الايام اتغدي في السوق الا اني مليت اكل السوق وعاوز وصفه سهل غير القطر قام انا كنت في الغربه واعرف الطبيخ لكن كما ذكرت لك عاوز حاجه سهله وبدون لحمه التركيز علي الخضار معي البنت الكبيره وهي طالبه في الجامعه الا انها تذهب في الصباح الباكر وتعود المغرب والجماعه سوف يقولوا داير تطبخ للبنت كمان الام وعارفين اصلو اهلك ياانتصار مابريحوا وانتي عارفاهم اه في الانتظار

من طرف **بلسم** الإثنين 18 أبريل 2011, 2:31 pm

والله يا أنتصار الرحله
حلوه شديد بس فقداك
بى مرارتها النيه

قراصة الدخن على الـرُضـَافْ
المكونات:-
1 دخن مطحون جريش، ليس ناعم
2 ملح
3 ماء
5 فحم.. أو حطب سلم، أوحطب سـَـمـُرْ أو حطب طلح ـ يحرق حتى يصير جمر
6 رُضـَافْ..( وهو عبارة عن قحوف مكسرة من زير أو قلة.. )
أو رضاف( حجارة الوادي البيضاء، ترص مع بعض)
...............
يخلط الدقيق مع الماء والملح، في عجينة متماسكة بالماء في خلطة غير رقيقة، متماسكة.. اقرب الى التماسك أكثر من السيولة..
تحفر حفرة عمق10 سم تقريباً كحفرة فرن التنور المشهور عند الإيرانيين والباكستانيين.. تضع الرضاف مرصوصاً في الحفرة، سواء كان رضاف قحوف أو رضاف حجارة وادي، تضع عليه أعواد السلم أو الطلح أو السيال.. أو خشب السمر وتولع النار على الرضاف حتى يصير جمراً... تبعد عن إستعمال جريد النخل( الشـَعـّال) لأنه ينثر رماده بكثافة على ظهر القراصة، مما يصعب معه نظافتها وقتما تنضج...
لما يحمى الرضاف، تكارن الجمر بعيداً عن الرضاف، لتضع على الرضاف العجينة، تصبها كمن يريد أن يعمل كيكة مثلاً.. تنتظر دقيقتين لما يتماسك ظهر الخلطة، ترجع الجمر وتصبه كله على ظهر القراصة بعدما تتماسك.. تغطيها تماماً بمخلفات الفحم و( المليلة) وتنتظر نصف ساعة,,,
بعد ذلك تتحسس مستوى نضجها بأصبعك.. تجيب مقشاشة أو فرشة.. تنفض من على ظهرها الرماد، يتناثر الرماد عنها بكل سهولة,, تخرجها من التنور كما قطعة الكيكة الكبيرة..
تقطعها أو تقطعينها قطع قطع.. في صحن واسع.. وتصبي عليها اللبن الحليب المفور ومعه خيط سمن..وسكر
تعجن وتاكل بالهناء والشفا
.............
من هذه القراصة انطلق إسم قراصة القمح على الصاج.. وإلا فإن هذه هي القراصة الحقيقية
وما تلك التي على الصاج بتاعة القمح إلا ( عُصـّـَارَة)
وقراصة الدخن لونها أقرب الى الصفار من الداخل... ولشدة حلاتها أنشد شاعر المناصير فيها يقول:-
قراصة الدخن صفراا
حلبوا لى الزريق فوقا
قالوا لى الرسول ضوقا
إتحزم وقع فوقا
هي تـتـفترن وأنا اتوترن
........................
هذه القراصة شبيهة طريقتها بعمل البيتزا هوط

هاشم علي الجزولي كتب:
عاوز حاجه سهله وبدون لحمه التركيز علي الخضار معي البنت الكبيره وهي طالبه في الجامعه الا انها تذهب في الصباح الباكر وتعود المغرب والجماعه سوف يقولوا داير تطبخ للبنت كمان الام وعارفين اصلو اهلك
ياانتصار مابريحوا وانتي عارفاهم اه في الانتظار

استاذ هاشم
اولا مشكووووووور على تشريفك لنا بمطبخنا

وضحكت للمقطع دا
والجماعه سوف يقولوا داير تطبخ للبنت كمان الام وعارفين اصلو اهلك ياانتصار مابريحوا وانتى عارفاهم

عارفااااااااهم ... بس طنش بس واعمل اذن من طين واذن من عجين

ثانيا ربي يرجع اهلك بالسلامة
وشكري الجزيل لمنصوريات موقدات نار ما شاء الله زوجتك وزوبا وثريا
الله يجعلة في ميزان حسناتهن ياااااا رب

علشان دا كلو ... ما ح نقصر معك رغم انو مطبخنا منصوري بحت
بس ما يمنع علشان زيارتك الكريمة دي ح نكرمك بتنفيذ طلبك

واليك كذا وصفة بالخضار فقط

سلطة بطاطس مع الجذر

المقادير :
2 بطاطس حجم كبير + 2 جذر ونقطعهم مكعبات ويسلقوا في ماء و ملح .. وتسلقوهم لدرجة وسط
الصلصة :
2 ملعقة مايونيز + 2 ملعقة زبادي + فص ثوم صغير مهروس + رشة بسيطة فلفل اسود و ملح
+ ملعقة طعام عصير ليمون

سلطة اسود سريعه وخفيفة
اسود تحمره ثم بعد ذلك تضيف طماطم مقطعه قطع صغيرة ثم فلفلية
وتضيف خلطة عصير نصف ليمونه وفص ثوم مهروس وملعقة خل وملح

وممكن نفس السلطة السابقة تضيف لها دكوة وزبادي

صلصة السبانخ ( السلج ) 1

نص كيلو سبانخ ( تقطع إلي أجزاء صغيرة )

شويه زيت
طماطمه طازجة وبصلة كبيرة ( يقطعوا إلي أجزاء صغيرة )
2 فص ثوم وملح وفلفل

الطريقة :-

* تغسل السبانخ جيدآ بالماء ثم تصفى منه .
*نضع الطماطم والبصل والثوم مع الزيت في حلة الطبخ . ونضيف السبانخ إلي الطماطم والثوم ، ثم نغطى الحلة وتخفض درجة حرارة النار وتترك السبانخ لمدة 5 دقائق تقريبآ مع التقليب من آن لآخر .
* يضاف الملح والفلفل .

وممكن صينية خضار بالبيض
ممكن تعملوا خضروات مشكلة تحمروها ثم تضعوها فى صينية الفرن ثم ( في كوب نملأه حتى نصفه حليب ثم نضيف بيضة وملعقة جبنه سائلة ونحركهم بالملعقة ) ثم نصبه فى صينية الخضار ونضع الصينية فى الفرن لمدة حتى تتماسك الخلطة كلها ... بتطلع روووعه

بلسم
مشكووورة وما تفقدي غالي ... يا غالية

صديق مشكور للعودة لمطبخنا
قلت يمكن بعد مشوارك للجامعه
تكون نسيت مطبخنا دا

وقراصة الدخن دى
معناها زى خبز التميس بتاع الباكستانيين
بيعملوه كدا
الفرن شكل دائري من الداخل
ويلصقوا على حواف الفرن العجينه
وبتطلع سميكة
كانها زيها صح ولا لا

ألف شكر ياانتصار والبدايه سوف تكون باالبطاطس والبنجر

من طرف **ود الطرشان** الأربعاء 20 أبريل 2011, 1:36 am

سلام انتصار
لو ساعدينا باكلات مكتبية سريعة
يكون جزاك الله خير
ملحوظة: طعام ليلي
بس اوع من الاندومي

طريقة عمل دجاج كنتاكي على الطريقة المنصورية
وسر خلطة دجاج كنتاكي المناصير
الشرح:-
( شايفين أنا ما خرجت عن الأكلات المنصورية)
جبتا ليكم البلعيبي والرغيديي خفتوا منها وما عرفتوها.. وإنتصار ما علقت على هاتين الأكلتين..
عشان كدة راح نخش في كنتاكي على الطريقة المنصورية وسر خلطة الإسبايسي يا ود الطرشان..

من طرف **ود الطرشان** الأربعاء 20 أبريل 2011, 1:25 pm

صديق : بديت تقول في مقدمة تجويع
قلت الشرح وختيت نقتطين وداش وطلعت من الموضوع
ذي ما قال ليك يس في بوست آخر اظنك طلق ...

صديق : بديت تقول في مقدمة تجويع
قلت الشرح وختيت نقتطين وداش وطلعت من الموضوع
ذي ما قال ليك يس في بوست آخر اظنك طلق ...

قاصدا يا ود الطرشان!!
عاوز أخوف إنتصار!! ونجلاء زمراوي وبلسم
هو طبعا مافي حاجة إسمها كنتاكي منصوري ولايحزنون
عشان كدة مافي حاجة أكتبها
زي قصة ود بروي معاى في القاموس؟؟؟
شرح لو كلمتين
وختا التالتة
هي
( الخبر!!)
لامن نططتا عيوني

من طرف **ود الطرشان** الأربعاء 20 أبريل 2011, 2:27 pm

صديق اخو كان كدي معليش , شوال دقيقك كمل امرق من التكل تعال لي جاي نشوف الموضوع (الوفاقي) الفتحتو اصلو فكرتو عجباني شديد

من طرف **انتصار حجازي** الخميس 21 أبريل 2011, 2:18 am

ود الطرشان كتب:
سلام انتصار
لو ساعدينا باكلات مكتبية سريعة
يكون جزاك الله خير
ملحوظة: طعام ليلي
بس اوع من الاندومي

اهلا يا ود الطرشان

وحااااااضر ان شاء الله سننفذ طلبك

ولكن فى بوست منفصل مطبخنا دا كل اكلاته ما سريعه

صديق عبدالله علي أبوحنة كتب:
قاصدا يا ود الطرشان
عاوز أخوف إنتصار!! ونجلاء زمراوي وبلسم
هو طبعا مافي حاجة إسمها كنتاكي منصوري ولايحزنون
عشان كدة مافي حاجة أكتبها
زي قصة ود بروي معاى في القاموس؟؟؟
شرح لو كلمتين
وختا التالتة
هي
( الخبر!!)
لامن نططتا عيوني

والله يا صديق انا ذااااتي لمن قريت مشاركتك نططت عيونى

بس تعرف من كثرة ثقتي في معلوماتك

لو كملت كلامك وقلت كنتاكي اصلها منصوري .. ح اصدق

ها ها ها قريبتي إنتصار.. الله يقدرني والله أقول الصاح دائماً البي يصدقوهو الناس.. تسلمي..
النفس دس مرات تلج وتحتاج للنكتة الهادفة مرات.. مرات..
وشكرا على المطبخ الرائع الذي قدمتى للناس فيه. أكلات ما عليهم إلا يفتحوا المنبر ويطبقوا وينفذوا.. زي أخونا هاشم..وغيرو..

من طرف **نجلاء زمراوي** الخميس 21 أبريل 2011, 2:51 am

ويا انتصار انا زاتي انبهرت لان الكنتاكي في الخرطوم مافي وناكلوا لما نسافر خارج السودان مره من المرات قعدت اخرمج وقلت لازم اعمل وصفه كنتاكي براي وفعلا عملت الدجاج وقلت للاولاد والحاج اتفضلوا اليوم عندي مفاجاه ليكم وبعد الاكل الولد الصغير قال لي يا امي انتي متاكده ده كنتاكي القاعدين نا كلو قلت نعم قال الا تكون الخلطه عملها ولده الصغير يقصد ولد كننتاكي
يا صديق كما قالت انتصار من كثره الثقه ممكن نصدق انه في كنتاكي منصوري وبيتزا والبيك وغيرها من الاكلات عشان كدي خلينا في القراصه والكسره والرغيديه 00000

من طرف **انتصار حجازي** الخميس 21 أبريل 2011, 3:20 am

مشكووور يا صديق
المطبخ اصبح رائع بمشاركاتكم فية

نجلاء
اهلااااااااااااااااا
افتقدناك
لك كم يوم وقفتى مشاركات

وان شاء الله الاولاد بخيرررر

نجلاء كتبت يا صديق كما قالت انتصار من كثره الثقه ممكن نصدق انه في كنتاكي منصوري وبيتزا والبيك وغيرها من الاكلات عشان كدي خلينا في القراصه والكسره والرغيديه

نجلاء مالك جبتي الرغيدية ونسيتي البلعيبة.. وهن أخوات ما يمشن إلا مع بعض..
وبعدين رفعتي ليهن رقبتن.. هي رقبتن مطمسة في الطين لاتحت التاء المربوطة في كل واحدة فيهن دي رقبتا ممكنة في الطين
يعني
رغيديي
وبلعيبي
زمان يا أستاذة نجلاء قلتي لى بي تفتحي القاموس وتعملى منو إمتحان للوالد والوالدة ودائماً الوالدة تفوز على الوالد في معرفة كلمات القاموس
هل سألتى الوالدة عن الرغيديي والبلعيبي دي؟؟
اصلو ناس الحضارة ديل اللافوق من الحيبي يمكن ما يعرفوا الأكلات دي...
اللهم إلا عرب الجماميع بيعرفوها تمام عندكم..
ونحن ناس لا تحت ناس الغرب.. وعرب العتمور والنعوفاب وناس برتي وارج ودماج.. بي نعرفا تمام.. يمكن ناس شري ما يعرفوها..
الشاعر المنصوري( أحمد سليمان الصمد) من قرية الشلال قال يهجو واحد فلس
قال
برم طاقيتو فوق الجبهي داره
بعد ما كان يفك الريق مراره
إتيقن على البلعيبي بي شطة وشماره
.......
وقال فيه يهجوه
بعد ضرع القماش البي الحديدي
مـَـتـَـدِّن شافتو العين الأكيدي
مطلع غنمو كل سوقاً وحيدي

من طرف **نجلاء زمراوي** الخميس 21 أبريل 2011, 2:53 pm

والله يا صديق افتش في البلعيبي ما لقيت اسمها عشان كدي ما ذكرتها اما بالنسبه عن الاكلات فالوالده منصوريه ميه ميه بالرغم من عيشتها لفتره طويله خا رج المناصير واعطتني اكلات غلبني اكتبها املائيا وقلت اكتبها تطلع غلط يقو م الاستا ذ بتا عنا اللي هو انت يشنع بيوالوالده متعلمه وكانت من الاوائل في زمنها واعطيتها اللابتوب وتصفحت القاموس وضحكت وقالت والله تالشباب ديل احيوا تراث كاد ان يندثر عكس الوالد الذي خرج مبكرا جدا من المناصير وثقافته المنصوريه قليله شكرا علي السؤال يا انتصار بس اليومين الفاتو مناسبات واعراس واليومين الجائين نتيجه شهاده الاساسيا يا جماعه التكل في البلد ايضا محل للونسه اعتبروها ونسه بعد تجهيز الفطور0000000ها هاها

من طرف **بلسم** الخميس 21 أبريل 2011, 4:45 pm

استاذنا صديق ابوحنه
وبنت الخاله وانتصار سلامات
تراه مطبخكم عامر مع الونسه والقرقراب
بس ابوحنه داء ماعرفنا شى من البلعيبى والرغيدى
تانى جاب لينا كنتاكى الاوله ماعرفنا
قبلتها جنوب شمال ذى ماقلت مافى نتيجه
والله تسلم كتير استاذنا والاخوات
ودمت بخير

يديك العافية يا بلسم.. والله المطبخ عامر بي ستو... ربنا يديها العافية يا بلسم الجراح..

الاخت انتصار أيه رأيك في الشعار الاتي او العنوان التالي

الشعب يريد تغيير المدام

بما ان العنوان هو المطبخ والمطبخ لازم تكون فيه حاجات مبتكره زي ما انتو ماشأ الله مجتهدات وصديق ما مقصر
فانا من انصار هذا الشعار الشعب يريد تغيير المدام
المدام بلغه المطبخ معروفه وهي الملاح اما الاخري .........

من طرف **الرشيد طه** السبت 23 أبريل 2011, 2:41 am

هاشم علي الجزولي كتب:
الشعب يريد تغيير المدام

فانا من انصار هذا الشعار الشعب يريد تغيير المدام

هاشم يا اخوى انت الكلام ده قدرو ولا ساكت لقيت البلد اليومين دى فسحة لكن الكلام بيصل اوع الجرسة
معليش انا اصلو اليومين ديل زيك الاولاد مشوا الاجازة وده الجابنى اتحاوم فى المطبخ بيجاى لكن شعارك ده انا تب ما معاك فيهو
اسفين يا ناس المطبخ للتخريمة

الرشيد هسع الجاب الكلام الثاني شنو يااخي انت راكب غلط وفضيت سطر انا شرحت المعني المقصود المدام في السعوديه معناه الملاح نعيده ثاني الملاح يعني الشعب يريد تغيير الملاح عشان تفهم وما تمشي تلخبط ولناس السعوديه والخليج يكون
الشعب يريد تغيير المدام
وبعدين انت الجابك المطبخ شنو وماعارف الا معني واحد لكلمه مدام كلمه مدام من صميم المطبخ غايتو ياالرشيد لخبطت البوست ولخبطت افكارنا وتاني يانتصار وقت مطبخك ده داير يدخلنا في مطبات خلاص عودنا فيه عود مره

من طرف **انتصار حجازي** السبت 23 أبريل 2011, 3:40 am

بلسم مشكووورة

تواجدك في مطبخنا يزيده القا

صديق عبدالله علي أبوحنة كتب:
يديك العافية يا بلسم.. والله المطبخ عامر بي ستو... ربنا يديها العافية يا بلسم الجراح..

تشكر يا صديق

الله يديك العافية

والمطبخ اصبح عامر باضافاتكم الثرة فيه

والله يجزئ خير كل من اضاف وسيضيف لمطبخنا

من طرف **انتصار حجازي** السبت 23 أبريل 2011, 3:54 am

هاشم الجزولي

عارفة ان المدام بلغة المطبخ هو الملاح وانت وضحت من الاول
بس الرشيد شكلو شبكتو طاشة اليومين ديل
عائلته كلهم مشوا اجازة

وان شاء الله مطبخنا ما ح يجيب اي مطبات
بس انتو امدونا باكلات منصورية نكون نحنا ما ذكرناها
ووجودكم بمطبخنا يضيف له

وفعلا كل الشعوب عاوزة تغير حلة الملاح للأفضل

وفعلا كل الشعوب تريد تغيير حله الملاح الي الافضل ياسلام ياانتصار نعم هذا هو المعني المقصود انشاالله اخوي الكاشف يكون دخل الشبكه ماهو دائما مدخلنا في ورطه ربنا يجيب ليه الجماعه طيبين ويدخل الشبكه بي روقه

من طرف **انتصار حجازي** السبت 23 أبريل 2011, 4:36 am

الشـية

الشية او اللحم المشوى وجبة منصورية فخمة
لأن في ثقافة تربيتنا المنصورية اذا جاء ضيف عزيز وغالي
يبقي لابد من اكرامه كرم حاتمي
والكرم عندنا هي الشية والمرارة
المرارة ذكرناها سابقا

والان حان دور الشية
الطريقة
لحمة نقوم بتقطيعها وتتبيلها بالبهارات ( ملح وفلفل وتوم وليمون ) 0
ومن ثم تركها مدة قليلة من الزمن حتى تتشرب التتبيلة
ثم نقوم بالشوي على الجمر

هكذا

مطبخ منصورية - صفحة 2 Sudansudansudansudansudansudan23

مطبخ منصورية - صفحة 2 Sudansudansudansudansudansudan23

وتؤكل وبجانبها الشطة وصحن سلطة

مطبخ منصورية - صفحة 2 Mrxw7d

وبالهناء والشفاء

من طرف **انتصار حجازي** السبت 23 أبريل 2011, 5:09 am

ملاح الخدرة المفروكة
او الملوخية

المكونات
خدرة
بصلة كبيرة
عطرون لكى يساعد الملوخية انها تدووب
ملح ، كسبرة ، فلفل ، شبت ، توم
ربع كيلو لحمة

الطريقة
نضع في الحلة اللحمة والبصلة ثم نضيف الموية
ونضيف الملح والكسبرة والفلفل ونخليها لمن تغلي شوية
او حتى تنضج اللحمة يعنى تصبح مثل قوام الشوربة
ثم نضيف الشبت والخدرة والتوم والعطرون
ونفركا بالمفراكة ثم نتركها مدة حتى تنضج الخدرة
تؤكل مع الكسرة او القراصة

مطبخ منصورية - صفحة 2 Khoodra-mafrooka-pouring

مطبخ منصورية - صفحة 2 Khoodra-mafrooka-pouring

وبالهناء

[/size]

من طرف **native guy** السبت 23 أبريل 2011, 9:55 pm

تشكرو جميعا وما قصرتو طبعا نحن المستفيدين .لكن المشكلة التقادير البيتقولوها دي ما موجوده عندنا
عاوز اعرف السر في بل القراصة لفتره ولو ما بليته البحصل شنو ؟؟
تاني حركة الدكوة البيعملوها في السيخيه خبرها شنو .!! عشان تطمها ولا تتقلها ؟
اما سؤالي ليكم
. وصفه دقيقه للكستر باللبن او الشكولاته او بالالوان و.....الخ
. وصفة الشعيريه باللبن وبالزيت والمكسرات يعملوها في النهايه (لاني دائما اكتر المويه او احرقه)

من طرف **بلسم** الأحد 24 أبريل 2011, 3:08 pm

تسلم استاذنا ابوحنه واختى انتصار
سعدنا بى وجودكم
native guy تسلم أخى كتير
فسألك عن القراصه تعجن لفتره بسيطه حتى
تتماسك وتكون طريه اىلينه ماقويه
اما الشعيريه بى اللبن ماتحتاج الى تحمير
بس تفلى المويه وتصب فيها الزيت وحبه ملح ماتكر المويه
شديد وبعد تستوىا وتنشف المويه تصب فيها اللبن
الكاسترد بى اللبن تضع اللبن اول على النار وتحل
الكاستردوالشكولاته بىالوويه وتصبه على اللبن وتخلطه حتى
تتماسك اللبن بكون ساخن والكاستر دبارد اعمل حسابك
مايكرتم عليك بحتاج خلط شديد بى الملعقه وبعد داك تضعه
فى القوالب ومنها الى الثلاجة
بالهناء وانشاءالله
ودمت بخير

من طرف **native guy** الأحد 24 أبريل 2011, 8:31 pm

بس تفلى المويه وتصب فيها الزيت وحبه ملح ماتكر المويه

تشكري العباره دي لخبطتني
قصدك بعد ما حمرتها بالزيت اجي اصب شوية موية عشان تستوي صاح ؟؟
تشكري اختاه

اهلا
native

بلسم شرحتها صح
بس انت الظاهر بتقصد الشعيرية البتكون محمرة شوية وتؤكل ناشفة ونرش فيها سكر او مكسرات

لان بلسم شرحت الشعيرية اللى باللبن

الشعيرية التى تقصدها
الشعيرية المحمرة بالسكر
اولا تحمر الشعيرية تحمير خفيف

وبعدها تصب الموية
وخلي الشعيرية تنضج واذا لقيت الموية كثيرة عادى ممكن تحط مصفي وتصفي كل الموية
وتطفي النار وتتركها قليلا حتى تنشف
ثم بعد ذلك عند التقديم ترش في الاعلى اما سكر او مكسرات

اما اذا عاوز شعيرية بيضاء باللبن
بس اغلى الشعيرية واضيف ذرة ملح ولما تستوى اذا الموية كثيرة صفيها
ثم اضيف حليب واتركها تغلي شوية واطفيها ثم اضيف السكر

تاني حركة الدكوة البيعملوها في السيخيه خبرها شنو .!! عشان تطمها ولا تتقلها ؟

قصدك الدكوة اللى بيحطوها في لحمة السيخية او الاقاشي

الدكوة بس من ضمن خلطة التتبيلة للحمة يعنى بس بتضيف طعم حلو للحمة المشوية على السيخ

بس حتى لو استغنيت عنها عادي لانها هي بس زيادة طعم

والدكوة بس انتشرت من ضمن خلطة تتبيلة الاقاشي