مطبخ منصوري مفتوح في حدائق المقرن

هذا ما قصدت أنا يا هناء
فعلاً جيل الحبوبات ده حقو الجيل الجديد يتعلم منو،الأكلات المنصورية قبل ما ينقرض
فعلا معاك الحلبة فيها رائحتها نفاذة شديد، لكن شوية منها ممكن
إضافة الحلبة فيها تخلي القراصة بتاعة التمر تصل من البلد لغاية الخرطوم، من غير ما يتغير طعمها، وكأنك عملتيها البارح.
...........
لو إدارة المنتدى مرة في تقليعاتهم، تبنوا مطبخ منصوري مفتوح، في حديقة عامة، لثلاثة ايام مثلاً.. وأعلنوا عنو.. وجابوا اسطوانة غاز وكشك.. وجابوا منصورية مسنة شوية ومعها بنات يساعدوها، وقدموا وجبات منصورية بحته.
أنا متأكد سوف يدر ذلك عائداً مادياً كبيرا
وناس غير المناصير ممكن يجوا ياكلوا
بعدين العائد بعد المنصرفات نساهم بيهو للقافلة الصحية في الخيار المحلي
ممكن يتم ذلك في عيد الأضحى

قراصة التمر ديك.. المفشق فيها التمر من جوه.. زمان يعملوها لينا في كرتونة الزوادة، بعد ما يمسحوها من بره بالسمن البلدي، نفاذ الرائحة....
أماتنا كانن يجدن صنعها بصورة مذهلة..
يا ربي الجيل الجديد القائم ده؟ بيعرف يعملا!!!
ما أظن.

مكوناتها
1 دقيق قمح نمرة2
2 شوية عطرون منصورية
3 تمر رطب.مشرق أو ود لقاي أو بور
4 سمن بلدي
5 حلبة
6 بهارات
.............

انا كمان عجبتني مع إنو اكلتها مرة واحدة في حياتي
عملتها لينا حبوبة بطريقة حلوة ونقصت لي واحدة من مكوناتها وهي الحلبة ما بحبها أبدا
وللأسف ما بعرف الطريقة بتاعتها كيف
وجيلنا ده ما بعرف الكتييييييييير أستاذنا
.

رتبوا له من الآن عشان يتم في عيد الأضحى