مطبخ منصورية

من طرف **انتصار حجازي** السبت 19 مارس 2011, 8:44 pm

تذكير بمساهمة فاتح الموضوع :

بسم الله الرحمن الرحيم
فى هذا الموضوع وإن شاء الله
وبمساعدتكم
سنحاول وضع اكلات منصورية
او الاكلات المشهورة بمنطقة المناصير

يعنى اللى ح يساعدونى فى هذا البوست ... سيضيفوا فقط اكلاتنا الشعبية فى منطقة المناصير
( يعنى يمنع وضع الاكلات الحديثة ) طاخ

وذلك حتى يتم التعريف بأشهر اكلاتنا
وطريقة صنعها

اهلا
native

بلسم شرحتها صح
بس انت الظاهر بتقصد الشعيرية البتكون محمرة شوية وتؤكل ناشفة ونرش فيها سكر او مكسرات

لان بلسم شرحت الشعيرية اللى باللبن

الشعيرية التى تقصدها
الشعيرية المحمرة بالسكر
اولا تحمر الشعيرية تحمير خفيف

وبعدها تصب الموية
وخلي الشعيرية تنضج واذا لقيت الموية كثيرة عادى ممكن تحط مصفي وتصفي كل الموية
وتطفي النار وتتركها قليلا حتى تنشف
ثم بعد ذلك عند التقديم ترش في الاعلى اما سكر او مكسرات

اما اذا عاوز شعيرية بيضاء باللبن
بس اغلى الشعيرية واضيف ذرة ملح ولما تستوى اذا الموية كثيرة صفيها
ثم اضيف حليب واتركها تغلي شوية واطفيها ثم اضيف السكر

تاني حركة الدكوة البيعملوها في السيخيه خبرها شنو .!! عشان تطمها ولا تتقلها ؟

قصدك الدكوة اللى بيحطوها في لحمة السيخية او الاقاشي

الدكوة بس من ضمن خلطة التتبيلة للحمة يعنى بس بتضيف طعم حلو للحمة المشوية على السيخ

بس حتى لو استغنيت عنها عادي لانها هي بس زيادة طعم

والدكوة بس انتشرت من ضمن خلطة تتبيلة الاقاشي

من طرف **native guy** الإثنين 25 أبريل 2011, 1:42 pm

تشكري 100% ما قصرت تب

الاخت الغاليه انتصار
ااريد ان اعلق على اول الموضوع فى الصفحة الاولى وهو القراصة-
اسمها السمبوسه وليس القراصة القراصة تصنع من عجين المريق او القمح وتتنضج بالحجاره المسخنة او الرضاف(كسار الزير).
اهم ما فى السمبوسه ان تكون من القمح وقمح المناصير بالذات لانو بيشرب المويه يعنى ما دقيق الفينه.
ثانى من الاشياء المهمه حتى تكون السمبوسه جامده طريقة ضرب العجين يجب وضع الكف مطروح وتحريك الدقيق فى الماء بسرعة يعنى ما تضمى اليد وتعجينى الدقيق كده القراصة بتكون قويه ذى حقتك الظاهره فى الصوره شكلها قراصة سعوديه,كمان يجب ان تكون العجينة خفيفه عشان تكون القراصة لينه واخيرا لازم الصاج يكون حامى(سخن شديد) عشان تكون القراصة حمراء وعندها طبقة رقيقة ومخرمه اهم حاجة.
وتقبلى سلام اخت وصديقة وزميله قديمة من جامعة النيلين
والله مشتاقيييييييييييييين

ملاح السبروق
اكله منصوريه ميه الميه
المقادير ماء - ملح - بصلة متوسطه - لحمة او معلقة شرموط او مرقه ويمكن الاستغناء عنها - ورق السبروق-كمية بسيطة من الباميه الخضراء

الطريقة
يغلى الماء المقطع فيه البصل والملح واللحمة او البدائل التى زكرتها مسافة نصف ساعة
نضع ورق السبروق والبامية الخضراء بعد تقطيعهم قطع صغيره ويترك ليغلى مسافة خمسة دقائق
تكون فى عطرونه منقوعه فى ما او كربونات لتذويب الورق
يضاف ماء العطرون ثم يتم الفرك بالمفراك بلدى او المانى
تقدم مع السمبوسه او الكسره اواللقمه

من طرف **بلسم** الأربعاء 27 أبريل 2011, 7:05 pm

تسلمى اختى نوره
كتر خير على الوصفه دى
بس السبروق داء شنه
ينتمى الى الباميه او الخضرة
حاولى افصحى عنه حبه
تقبلى مرورى ودمت بخير

نوره كتب:الاخت الغاليه انتصار
وتقبلى سلام اخت وصديقة وزميله قديمة من جامعة النيلين
والله مشتاقيييييييييييييين

اهلاا نورة

مرحب بك بيننا

وصراحه .. ما عرفتك يا ريت لو توضحي اكثر

انا درست جامعه الخرطوم

وجامعة النيلين اشتغلت فيها سنه فقط في قسم الكمبيوتر وما كان معى منصوريات

المنصوري الوحيد كان دكتور حجازي خالى لانة كان مديرنا ايام قسم الحاسوب

عموما سارسل لك رسالة خاصة

وبالنسبة للقراصة فهذه هي القراصة اللى منذ ولادتي وانا بعرفها

والسعوديين ما عندهم قراصة .. عندهم شئ مثل الفطير بتاعنا بس هم بيخبزوه نااااشف

وياكلوه بعد تسقيته بشوربة خضار ولحمه

اختى

ان شاء الله تضيفي معنا في هذا المطبخ اكلات منصورية رووعه

ومنتظرين ابداعاتك في مطبخنا العامر

وحللتى اهلا ونزلتى سهلا

انتصار اذا رجعت بالزاكره حتعرفى منصوريه معاك مع العلم اسم نوره مستعار
قراصة السعوديه يعنى القراصة البيعملوها المغتربين السودانيين فى السعوديه
ونريد من اهل الثقافة ان يؤكدوا هذا الفرق(السمبوسه والقراصة) و(الكسره والسناسن) و(العصيده واللقمه) وكمان الطبخه التى زكرتها سابقا (السبروق) ملاح فرك معروف فى المناصير عايزه منكم تجدتهدوا وتعرفوه

من طرف **amira ali** السبت 30 أبريل 2011, 6:06 am

اول شئ اود ان اسلم عليكى والاخت نجلاء..لكن كل الود والاشواق...مررت على الوصفات الجميله والمهمه والتى يجب الاندعها تندثروان نجعل منها وجبه لعيالنا ليتعرفو عليها ولما لها من جم الفوائد والاندع البيتزا والفطائر تسيطر على الموقف
تحياتى اميرة

من طرف **نجلاء زمراوي** السبت 30 أبريل 2011, 11:13 pm

مرحبا اختي اميره المنتدي نور
والمطبخ المنصوري محتا ج للاضافات والتعريف باكلاتنا الشعبيه الطبيعيه ميه الميه

فانتي اضافه حقيقيه للمنتدي

معليش لم انتبه الي البوست بتاعك الا اليوم لانني كنت مشغوله شويه فمرحبا بيك
لكن انتصار طبعا بتغطي الفرقه

من طرف **amira ali** الإثنين 02 مايو 2011, 1:34 am

التحيه لكن اخواتى انتصار ونجلاء وبقية العقد الفريد هي لفته ومحاولة جميله ما خليتن لنا شي نضيفو ليكن .وبالتاكيد حايستفيد الجيل الجديد منهاونحن في بعضها ...ويجب علينا ان نعرف اطفالنا عليها وان نجعل منها وجبه لتغذيتهم والاندع البيتزا والفطائر تسيطر على الوضع

من طرف **هويدا ابوشعر** الإثنين 02 مايو 2011, 2:32 pm

العصيده مع الروب
المكونات:
دقيق مريق + ماء + ملح + روب او زبادى
الطريقة: يوضع الماء فى حلة مع قليل من الملح على النار
عند غليان الماء يضاف الدقيق تدريجيا ويحرك بمفراك كبير حتى تصبح عجينة قويه
تترك على النار لفتره (20-30 دقيقة)مع التحريك
تصب فى قالب او كوره اوتغرف مباشره فى الصحن
تقدم مع الروب المحلى او الحليب المحلى
يمكن اضافة سمن اليها لتاخذ طعم اجمل

اهلنا فى غرب السودان يقدمونها مع التقلية

من طرف **هويدا ابوشعر** الإثنين 02 مايو 2011, 2:39 pm

زكرت سابقا الفرق بين السمبوسه والقراصة وانشاء الله يا انتصار يكون حسن اكد ليك المعلومه
والفرق بين العصيده واللقمه انو اللقمه تصنع من العجين المخمر (مر) اما العصيده من الدقيق فقط . لكن الفرق بين السناسن والكسره ما لقيت ليه تفسير ودايره اهل الخبره يفصحوا عنه.
مع العلم ان العصيده(روب او لبن ) وجبه منصوريه ميه ميه وتقدم فى الصباح بدل شاى اللبن وقديما قال الشاعر
السناسن والملاح
والعصيده مع الصباح
ان طريتن قلبى راح
وهو مقطع يرددوا والدى كثيرا والظاهر انو الشاعر اتغرب من البلد ومل من اكل الصعيد واشتاق للبلد واكل البلد.

من طرف **mnal80** الإثنين 02 مايو 2011, 7:41 pm

مرحبا بالبنات
ماشاء الله المطبخ عامر بالاكلات المنصورية لكن في وجبة مهمة عندنا ما ذكرتوها اللا هي

وجبة الافطار بالفطير او القراصة واللبن الرايب(الروب) والسمن
شكرا انتصار وبقية العقد الفريد
واصلو عشان نتعلم منكم

مرحبا بالاخوات الجدد
اميرة ونورة

اميرة منوورة المنتدى

mnal80
فعلا الفطير باللبن والقراصة بالروب نسيناهم
سنذكرهم لاحقا

مشكووووووووورة اختى

من طرف **amira ali** الجمعة 06 مايو 2011, 9:53 pm

التحيه لكم جميعا .صراحة انا عشت فى البلد لكن يا ابحنه ماسمعت بالبلعيبى ده بس اكلت وانا صغيره ملاح اسمو التربيقه عند جدتى الله يرحمها وهو يشبه ام شعيفى وطعمه مختلف ولذيذ _____من يعرفه يكتب لنا طريقته.....

من طرف **amira ali** الجمعة 06 مايو 2011, 10:10 pm

اود ان اشارك بملاح الخدره بالقراصه وهووجبه اساسيه فى البلد خاصة فى موسمها: 1_يسلق اللحم او الشرموط او بالمرقه2_تورق الملوخيه وتغسل وتوضع على السليق المغلي وتضاف لها ملعقه كربونات او صفوة ماء العطرون.3_ماننسى الملح والبهارات(كزبره_شمارالذى يسمى هنا بالكمون الاخضر_الثوم.4_يفرك بالمفراكه الخشبى او الالى وطبعا الاخير اسرع ونتيجته مضمونه لجيل السرعه والراحه....الفرق هو عندنا فى البلد يوكل فى الفطور وبالقراصه غير الذين يعملونه خارج المناصير لانهم ياكلونه بالكسره فى الغداء

من طرف **amira ali** الأربعاء 11 مايو 2011, 12:17 pm

ازيكم كيفنكم -وحضرنا ولم نجدكم-وينكن ياانتصار ونجلاء ...سجلتن غياب فى مطبخكن مالكن؟علي العموم ملاتن مطبخكن والثلاجه كمان ما قصرتن لكننا نبغى المزيد....
انتصار لسع ما عرفتينى معقول .انا هى اميره التى درست معكى بجامعة الخرطوم-عرفت انك بشمال المملكه .انا بالرياض

من طرف **انتصار حجازي** الخميس 12 مايو 2011, 3:47 am

اهلا اميرة
طبعا عرفتك من يوم ذكرك حسن سليمان بالقانون
يا الله كانت ايام ... ايام جامعة الخرطوم

ومشرفانا بالمنتدى يا اميرة
والظاهر ان المنتدى راح يجمع لينا كل الاهل والاحباب

ومشكووورة على الاضافات الروعه لمطبخنا

من طرف **انتصار حجازي** الجمعة 27 مايو 2011, 5:22 pm

شراب النشا

مشروب حلوووو
وعادة بنعملة فى رمضان

المكونات والخطوات:
عجين ذرة مخمر، عود قرفة، هبهان
رشه ملح،سكر للنحلية
يوضع العجين في اناء عميق ويضاف له مقدار من الماء
بحيث يصبح سائلا ويحرك جيدا
يترك حتي يترسب ويصفي الماء
وفي هذا الاثناء يوضع قليل من الماء والقرفة والهبهان والملح علي النار ليغلي الماء
(يمكن استعمال الزنجبيل او الغرنجال)
يضاف الجزء الصافي الي الماء الساخن مع التحريك المستمر
حتي يثقل القوام وتبدأ في الغليان

تترك علي النار حتي تنضج
ثم يضاف السكر ويحرك وترك لمدة 3 دقائق وترفع عن النار
تترك حتي تهدئ حراتها وتصفي

يمكن ان تقدم ساخن او باردة
حلاوة هذا المشروب في ان طعمه حلو مع لسعة مذاق حامض
رووعه

من طرف **بلسم** الأحد 12 يونيو 2011, 5:44 pm

انتصار حجازي كتب:
شراب النشا

مشروب حلوووو
وعادة بنعملة فى رمضان

المكونات والخطوات:
عجين ذرة مخمر، عود قرفة، هبهان
رشه ملح،سكر للنحلية
يوضع العجين في اناء عميق ويضاف له مقدار من الماء
بحيث يصبح سائلا ويحرك جيدا
يترك حتي يترسب ويصفي الماء
وفي هذا الاثناء يوضع قليل من الماء والقرفة والهبهان والملح علي النار ليغلي الماء
(يمكن استعمال الزنجبيل او الغرنجال)
يضاف الجزء الصافي الي الماء الساخن مع التحريك المستمر
حتي يثقل القوام وتبدأ في الغليان

تترك علي النار حتي تنضج
ثم يضاف السكر ويحرك وترك لمدة 3 دقائق وترفع عن النار
تترك حتي تهدئ حراتها وتصفي

يمكن ان تقدم ساخن او باردة
حلاوة هذا المشروب في ان طعمه حلو مع لسعة مذاق حامض
رووعه

اها وين الحلومر والابريه
الاحمر والابيض والرقاق
يانتصار شايقه مافى تجهزات
ليهم انشاءالله المانع خير
عاوزين وصف دقيق ليهم
واهم شى المقادير

من طرف **اميره الحومرى** الأحد 17 يوليو 2011, 7:14 pm

بلسم كتب:
انتصار حجازي كتب:
شراب النشا

مشروب حلوووو
وعادة بنعملة فى رمضان

المكونات والخطوات:
عجين ذرة مخمر، عود قرفة، هبهان
رشه ملح،سكر للنحلية
يوضع العجين في اناء عميق ويضاف له مقدار من الماء
بحيث يصبح سائلا ويحرك جيدا
يترك حتي يترسب ويصفي الماء
وفي هذا الاثناء يوضع قليل من الماء والقرفة والهبهان والملح علي النار ليغلي الماء
(يمكن استعمال الزنجبيل او الغرنجال)
يضاف الجزء الصافي الي الماء الساخن مع التحريك المستمر
حتي يثقل القوام وتبدأ في الغليان

تترك علي النار حتي تنضج
ثم يضاف السكر ويحرك وترك لمدة 3 دقائق وترفع عن النار
تترك حتي تهدئ حراتها وتصفي

يمكن ان تقدم ساخن او باردة
حلاوة هذا المشروب في ان طعمه حلو مع لسعة مذاق حامض
رووعه
اها وين الحلومر والابريه
الاحمر والابيض والرقاق
يانتصار شايقه مافى تجهزات
ليهم انشاءالله المانع خير
عاوزين وصف دقيق ليهم
واهم شى المقادير

من طرف **نجلاء زمراوي** السبت 17 ديسمبر 2011, 3:41 pm

يا انتصار يا اختي لماذا طال قفل باب المطبخ

باقي لي اليومين ديل لازم نفتحو لكي يكون في تغير في الموضوعات لان الدنيا بيغادي جايطه
يلا يا اميره ويا بلسم ويا اقبال ويا عازه ويا اي عضوه لم اذكر اسمها
والخوجيل هنا خاص بالنساء فقط فقط فقط لاننا دايرينو قسم للمراه براااااااها
والليله حا اعمل ليكم الفراح بالخضروات بعدين دي اجتهادي الخاص

كيلو فراخ
اربعه جزر متوسطه<جزر السودان>
اربعه فلفليه متوسطه
ربع اواقل فاصوليا خضراء
اثنين بصل ملاح كبيره
اثنين طماطم
ملعقه صلصله
ملعقه كبيره زيت
الطريقه
يقطع البصل ويضع علي الزيت حتي يصير لونه ذهبي
تذاب الصلصله في كبايه كبيره وتضع علي البصل
تقطع الفراخ والجزر والفاصوليا الخضراء طبعا بعد ان تسلق ويقطع الفلفليه وتصب علي البصل وعليها تقطع الطماطم
تضاف البهارات علي حسب الطلب واهم حاجه الثوم
تحكم الغطاء وتقلب وتوضع علي النار الي ان تستوي وتصير مسبكه

اكله مريحه وسريعه ومفيده
وبالهناء والشفاء
بدايه بسيطه لفتح المطبخ لاني لقيتو مكركب ومبهدل من رمضان مافي زول غشاهو
وحبيت اعمل اكله كده سريعه للناس البيغادي ديل لان نفسهم قائم ومسخنين شويه قلنا كدي نا كل لقمه مع بعضنا عشان تهدي النفوس ومافي داعي للمشاكل

برضو يا دايرين نساعد المعتصمين بعمل اكلات خفيفه ينفذوها من مطبخنا في الميدان ونكون شا ركنا من علي البعد ولا ايه رائكن؟؟؟؟؟؟؟؟؟؟؟؟؟؟

من طرف **بلسم** الأربعاء 21 ديسمبر 2011, 5:06 pm

لأرز بالحليب وبثلاث طرق مختلفة وبالصووور

الأرز بالحليب (1)

المقادير

أ- 1/4 كوب من الأرز المصري ب- 1/4 كوب من حليب البودرة ج- 4 أكواب من
الماء د- 1/2 كوب من السكر ه- 1/3 كوب من النشاء و- ملعقة شاي من المستكة
الناعمة ز- ملعقتا طعام من ماء الزهر ح- 1/2 كوب من الفستق الحلبي المبشور
مدة التحضير 30 دقيقة مدة الطهي 90 دقيقة

الخطوات 1 - أغسلي الأرز وانقعيه في الماء الساخن لمدة ساعة واحدة . 2 -
ذوّبي الحليب بالماء وأضيفي الأرز إليه وضعي الخلطة في قدر على النار، مع
الإستمرار بالتحريك حتى الغليان وكي لا يلتصق بقعر القدر . 3 -خففي النار،
وحركي المزيج من وقت لآخر حتى تنضج حبة الأرز جيداً ( لمدة 30 دقيقة ) . 4 -
أضيفي السكر وحركيه مع المزيج حتى يذوب. 5 - أضيفي النشأ واستمري بالتحريك
ثم خففي النار واستمري بالتحريك من وقت إلى آخر . 6 - ضعي المستكة وماء
الزهر، دعي المزيج يغلي لمدة 3 دقائق. 7 - أسكبي المزيج في صحون وزينيها
بالفستق الحلبي المبشور( قدمي الوجبة باردة ) .
تكفي هذه الكمية ل 4 – 10 صحون .
( 1) المهلبية أو المحلَّبي .

الأرز بالحليب مع البرتقال

المقادير

أ- 1/4 كوب من الأرز المصري .
ب- 1/4 كوب من حليب البودرة .
ج- 4 أكواب من الماء .
د- كوب من السكر ه- 1/2 كوب من النشاء و- ملعقة شاي من المستكة الناعمة ز-
ملعقتا طعام من ماء الزهر ح- 1/2 كوب من الفستق الحلبي المهروس ناعماً ط- 6
أكواب من عصير البرتقال مدة التحضير ساعة واحدة .
مدة الطهي 90 دقيقة .

الخطوات
1-اتبعي نفس طريقة الارز بالحليب. 2 - أخلطي عصير مزيج البرتقال جيداً.
وضعيه في قدر على نار متوسطة مع التحريك المستمر حتى يغلي المزيج. 3 - صبّي
المزيج فوق الحليب في الصحون . 4 - ضعي البالوظة في الثلاجة (البراد)، (
تقدم الوجبة باردة ) .
تكفي هذه الكمية ل 9 - 10 صحون .
(1) البالوظة أو البالوذة .

الأرز بالحليب

المقادير

أ – 3/4 كوب من الأرز المصري ب- 8 أكواب من حليب البودرة ج- 4 أكواب من الماء.
د- كوب سكر ه- 1/ 2 كوب من الفستق الحلبي ( المفروم ناعماً ) .
و- 1/2 ملعقة شاي من المستكة العربية الناعمة .
ز- ملعقتا طعام من ماء الزهر .
مدة التحضير 30 دقيقة .
مدة الطهي 90 دقيقة .

الخطوات 1 - أغسلي الأرز وانقعيه في الماء الساخن مدة ساعة على الأقل . 2 –
ضعي الأرز في قدر وأضيفي إليه كوب من الماء ويوضع القدر بعدئذ على النار.
3- بعد أن يغلي الأرز على النار لمدة عشر دقائق أضيفي الحليب إليه . 4 -
خففي النار، وحركي المزيج من وقت إلى آخر حتى تنضج حبة الأرز جيداً لمدة 30
دقيقة أو إلى أن تهرس حبة الأرز باليد. 5 - أضيفي السكر إلى الأرز وحركي
حتى يذوب وكي لا يلتصق بقعر القدر . 6 - ضعي المستكة ( المطحونة ) وماء
الزهر وتضاف إلى خلطة الأرز بالحليب ، دعي المزيج يغلي لمدة 3 دقائق ( مع
التحريك ) ويرفع عن النار . 7 - أسكبي المزيج في صحون صغيرة وزينيها
بالفستق الحلبي المبشور .
تكفي هذه الكمية ل 4 – 10 صحون ( تقدم الوجبة باردة ) .

وبالهنا والشفا

شكرا بلسم اديتي المطبخ طله
اكله جميله ومفيده
وفي انتظار بقيه العقد الفريد من بنات منصور

سلام بنات منصور

عاوزة انبهكم لشئ مهم

هنا هذا المطبخ خاص بالاكلات الشعبية المنصورية

اي اكلة غير منصورية خالصة

اضيفوها فى منتدى المراة

انتصار حجازي كتب:سلام بنات منصور

عاوزة انبهكم لشئ مهم

هنا هذا المطبخ خاص بالاكلات الشعبية المنصورية

اي اكلة غير منصورية خالصة

اضيفوها فى منتدى المراة

سمعا وطاعه يا زعيمه لكن كل الاكلات البنعرفها كملناها
يعني تقفل المطبخ ولا شنو؟؟؟؟؟؟؟؟؟
يا اتصار يا اختي ما لقيت لي حته هادئه وما فيها مشاكل غير مطبخنا ده ولو قولتي اقفلو حنصبح زوار للمنتدي فقط.

هههههههه

يا حليلك

يا غااااااالية

طيب تعالى نغسل فى العدة وننظف المطبخ زي ما قلتى لغاية ما نلقى لينا اكلات شعبية منصورية

بس حكاية اننا نكون زوار دي نهائي مافى

لازم ندافع عن حبنا لبلدنا

وبعرفك صامدة وموقدة نار فلا تجعلى من غث القول ان يثبط عزيمتنا

والمفروض اعمل ليك عصير يروقك شوية

بس السكر خلص عندنا Basketball

والله كلامك روقني يا بت المناصير الموقده نار

خلاص عاد ننظف في المطبخ ونرتب ونمشي علي ناس الونسه بيغادي ناس ابراهيم وابو الكراري.واحتمال يا اختي اختفي شويه عشان امشي افتش في نسبي وجنسيتي باقي طلعت ما منصوريه يعني ابوي وامي كانو غاشيني ولاشنو........؟

نجلاء زمراوي كتب:
واحتمال يا اختي اختفي شويه عشان امشي افتش في نسبي وجنسيتي باقي طلعت ما منصوريه يعني ابوي وامي كانو غاشيني ولاشنو........؟

طبعا دى اخر النكت التى قرأتها مؤخراً

يا اختى طنشي ... اصلا بيقولوا .. هذا زمانك يا مهازل فأمرحي

انتى ما تتعبي تفتشي

اصلا بعد شوية ممكن نطلع بنجلاديش او هنود

انتى بس قولى

انت فى نفر انت فى معلوم مافى مشكل سديق ( لهجة هندية )1

خلاص يا زعيمه نقول
انت في نفر انت في معلوم مافي مشكل سديق

انتي عارفه نقوم نفتح مطبخنا علي راكوبه ابراهيم وصاحبو ونقعد نقرا في قامس ابوحنه ونفتش اصلو يا حبيبتي بقي عشان تثبت انك منصوري لازم تعرف كل طقوس وعيشه وكلام البلد يعني حبنا واعتزازنا بمنصوريتنا اصبح غير كافي
انتي عارفه ان مشيت جبت لي عز وربطتها في الجنينه وببقيت احش ليها من النجيله يعني بالعربي كدي دايره اجسم عيشت بلدي في مكان استقراري ؟؟؟؟؟؟؟؟؟ولا ايه رايك
عاد انتي ما عندك طريقه تجسيم يعني منصوريتك نا قصه
والمحيرني اميره بت علي زاتا ما زينا ليه ما طالا من الحب جانب!!
غايتو جنس حكم!!!!!

من طرف **رحاب حجازي** الأحد 23 ديسمبر 2012, 7:29 pm

المكرونة بالبشميل Laughing

أكلة منصورية
واليوم أكتشفت كدا
والوصفة بنزلها بعد قول كل الأعضاء هنا إنها منصورية bbb

ههههههه

من طرف **abuahmed** الأحد 23 ديسمبر 2012, 10:15 pm

والله يا رحاب ذكرتينى نكتة الفنان ابوداوود لما زار مروى ولقا السكسكانية طابخنها بالدمعة وقال قولته المشهوره(تستاهلي يا الجنسكانية انت الجابك تتحاومي بيمروي شنو؟؟!!

من طرف **علي الكليس** الإثنين 24 ديسمبر 2012, 3:58 am

الاخت انتصار وكل المشاركين والمشاركات لكم التحيه ....من المتابعين لمطبخكم العامر فقط لدي سؤال اريد ان اعرف سر الفرق بين طبيخ وطبيخ اخر مع وجود نفس المواد والكميه والمواصفات وهو مايعرف بالنفس او ان امرأه ما اكلها طاعم ..سكنت لفتره قصيره عذابي مع اخرين وكان بيننا محسي له هذه الخاصيه لذالك اوكلنا له هذه الخدمه وحصر دورنا في غسيل العده وغيرها من الخدمات المنزليه الاخري ..شي اخر ان الخاله زهره حسين(الصافي القاش) في السكه حديد الخرطوم كانت لها هذه الخاصيه وكان لها شاي مغرب باللبن مميز ومعظم الطلاب من جيلنا كانوا يحضرون هذا الشاي ايام العطله الاسبوعيه خاصه وانها كانت تجيد فن المؤانسه وكانت ام لكل الطلاب في ذالك الزمن الجميل وكنت والمرحوم دكتور عبدالله من المواظبين علي تلك الجلسات

من طرف **مها الخليفة** الإثنين 28 يناير 2013, 4:15 pm

انتصار
ازيك
موضوعك جميل جدا لى انا بالذات
لكن لو عايزانى استفيد انا شخصيا
ابدى لى بى شاى اللبن

اهلاااااا بالغالية مها الخليفة
فرحت انك بيننا
نورتى المنتدى والمنتديات المجاورة

وشاي بلبن بس ... غاااااالية والطلب رخيص

ح ابدأ ليك باكلات منصورية معقدة اجهجهك فيها بس

منورة المنتدى مرة تانية

من طرف **نجلاء زمراوي** الجمعة 01 مارس 2013, 3:01 am

يا هلا ويا مرحبا المطبخ نور

وينك يا انتصار....لقد طال غيابك واصبحن بنات حواء بخيلات جدا في الخوجيل...ولكن بيني وبينك احيانا اراهن علي حق...لان الذي يحدث من بعض الاعضاء تعافه الاذن ولكن يجبرنا حب الاهل ومعرفه احوالهم ان نواصل رغم المحن والمصائب

ليس لي اقول كلما اري الوطيس قد حمي الا ان اقول

اللهم جنبنا الفتن ما ظهر منها وما بطن

فقضيتنا اختي اصبحت ساقيه جحا ليس لها نهايه والكل يريد ان يصنع من نفسه بطل ولكن الله وحده يعلم ما في النفس وما تخفي الصدور

هذه ونسه بعد الفطور في المطبخ....

.....يا بنوت...تعالن بيجاي المطبخ طول مقفول...
وبرضو منال العالم شخصيه نسائيه اثبت وجودها.........
يعني في المطبخ زاتو ممكن يكون في رائدات........!!!!!!!

مطبخ منصورية

مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية

رد: مطبخ منصورية