إقتراح بعمل مجلة من مواد المنبر والموقع هنا

اثنى اقتراحك يا باشمهندس وياريت نجد من الاخوه الاعضاء من يرعى هذا المقترح حتى يرى النور

فكرة رائعة يا باشمهندس _ نؤيد إقتراحك ونثنيه _ وفعلا ً توجد مواضيع دسمة فى هذا المنتدى نتمنى أن تنال حظها من النشر والإطلاع وتكون فى متناول الجميع _بوركت _

شكرا الاخ الصدوق--
شكرا الاخوة المتداخلين--
فعلا اقتراح ممتاز--وفى اطار التوثيق وكذلك التشجيع له --وسبق ان ذكرت للريس خالد امكانية عمل (كوبى كامل ) للمنتدى القدامنا مامعروفة شنو-
وعندنا تجربة فقد قمت بطباعة بعض الاشعار والمداخلات فى منتدى شعراء المنطقة--وارسلناها للبلد وذلك لشخص اهدانا بعض الاشعار --
قصدت بالتشجيع عندما يقرا الناس تلك الكتابات سوف يتم الانتقاد ويأتى ثماره بان يصلنا الشىء الكامل او المطلوب -ويبدأ كذلك الناس فى الاتجاه للاهتمام بالتراث ومحاولة جمعه -
ولتسهيل الامر كما ذكر تسحب بعض المداخلات الحادة والتى تمس كذلك الافراد (المنتديات اسرار) --
فى الختام نشكر للاخ صديق الاقتراح الجميل وكما ذكر الاخ خالد --نريد المزيد من الاراء --
--ان الله مهل فى الايام لى عودة--

الأخ المهندس القدير صديق لك تحياتي اقتراحك في مكانه ولكن هذا الأمر يتطلب تنسيق وجهد من أولادنا الذين يعملون في هذا المجال وقطعا سيتفيد منه الكثير إذا صلحت النوايا.

الاخ الرايع والمتالق دوما صديق
الفكره ممتازه جدا
وعلي الريس خالد واركان حربه الميامين تبني الفكره هذا اولا
ثانيا ممكن توسيع قاعدة المجله باعضاء المنتدي
ويمكن الاستفاده من ذوي الخبرات من ابناء المناصير
ولي عوده

هو كدة يا مصطفى عمر الحسن..
تصدق فيها عائد مادي كبير!
ده بيكون دعم مباشر لى صندوقنا الخيري.. يكبر تبني الصندوق بعدين لمشاريع كبيرة في مساعدة الناس..
الصندوق ذاتو لمان قروشو تكتر شوية، ممكن ينميها بأعمال بزنس عشان يتوسع في مساعدة الغلابة..
يعني الغلابة بدل ما يروحو يمدوا يدينهم لقروش زكاه مثلاً.. هو صاحب الحوجة مصرح ليهو الزكاة.. لكنها كما قال عنها صلى الله عليه وسلم( الصدقة أوساخ الناس، لاتجوز لمحمد ولا آل محمد) لأنها بتغسل وتطهر وسخ الكسب في العمل. ولا تباح إلا في أوجه صرفها المعروفة شرعاً..
أها صندوقنا ده لما يتوسع شديد بأعمال مدررة للربح، سوف تمتد خيوط مساعدته لمناطق أعمق...
تصدق يا مصطفى لغاية السبعينات، ما كان تجد اي منصوري يستاهل الزكاة؟؟؟
وكان لما تدي زول قروش.. يقول ليك دي هدية والله زكاه!! كان زكاة ما بيشيلا..
التجار الكبار عندنا كان يذهبوا بزكاتهم خارج حدود المناصير..
أقل منصوري تلقى في بيتو شوال مريق وشوال قمح وربع بصل وربع ويكة
في العاصمة مافي زول عندو شوال قمح!
ربع ناس العاصمة ما بيضحوا عشان ما عندهم وسعر الخروف بي كم؟
في المناصير كان لغاية أواخر التمانينات.. كل زول ضحيتو مربوطة من زمان ومفروزة.. والبيشتري ضحيتو من السوق قبل العيد بي اسبوع يضحكوا فيهو ويشتموا مرتو..
عشان الضحية يدوعلوها ويدوها نوااا وتمر وكسرة وعيش من بدري
موش كدة؟
كمان ضحية النعجة ما بيدوروها!
فما بالك بضحية العز..!!
نحن وجدنا ناس في العاصمة يضحوا بي تيس!
والله لو واحد في المناصير كانت ضحيتو تيس؟ والله كان شالوا حالو ونقرو طارو ..والله دي مستحيلة..
الله يجازي الكان السبب..

الاخ صديق

الله يجازي الكان السبب..

الموضوع المقترح فكرة قوية جداً سوف تدعم كل المناسبات
وبما اني خبير في هذا المجال اقترح انها تكون جريدة مقاس تابلويد (زي مقاس الجرائد الاعلانية) من 16 صفحة لانها اقل تكلفة
ومني انا اقوم بجمع المواد وتصميمها واخراجها بصورها
واقترح اسم لها (الشوكيني)

لا شكر
دا بيتنا ولازم نعمرو
يمكن (الشكيني) بضم الش التمرة الداخلة في الجريدة
شكرا خالد

ماأجمل الاقتراح ثم تليها الاقتراحات والمبادرة , وماأجمل ان تكتمل اللوحة بالتنفيذ , ليس لاهميه الموضوع فحسب ولكن , سمة العمل الجماعي واحساس كل عضو ان الامر يعنيه ولايعني الاداره فكلنا يد واحده نشد بعضنا بعضا , وانشاء عقبال كل الاقتراحات بالتبني وان تصل حيذ التنفيذ الفوري .

جريدة تابلويد حلوة يا ود الطرشان..
أ هو شئ ما بين الجريدة والمجلة وسعرها يكون مكتوب عليها.. وبالألوان.. برضو تتطعم بمناظر وصور من البلد..
ود الطرشان مالك ما عايز تفصح عن نفسك؟
أحمد الطرشان
والله عبد الرحيم الطرشان
والله السيد الطرشان
والله طرشاناً آخر..
والله سليمان ود الطرشان
والله نخليها مستورة..

يا الصديق
البخاري الطاهر بابكور (ودالطرشان)
لو راجعت البرفايل كان لقيت كل المعلومات المهم لازم نخلي الفكرة تظهر في النور في القريب العاجل

تمام تمام يا ود الطرشان... عرفتك
الريس خالد راح يتصل عليك.. وإن شاء الله بجهدكم ترى الفكرة النور..

ود الطرشان
أرجو أن تستمر في تحمسك للموضوع.. الجماعة كسلوا
الموضوع مهم ومربح للصندوق الخيري هنا .. ولمساعدة الناس..
عايز برهان بالعمل..
جريدة توزع

كتر خيرك (شوفتي فيني الخير) وانا ليها
فقط احتاج للمواد
ولازم تصاديق زي ماعارفين الحكومة والرسوووووم
المهم كل الاعضاء يقترحو اسم
تكون نقطة البداية
وانا قلت (الشٌكيني)

انا اقترح ان تسمى صوت المناصير

نجلاء زمراوي كتب:انا اقترح ان تسمى صوت المناصير

اؤيد رأي نجلاء بشدة ... اسم حلو ورنااااان
وكمان المهم يكون اسم المجلة فيه مسمى المناصير
لأن اسم المجلة سيقود الناس للبحث عن المناصير فى النت وهكذا ترتبط المجلة بمواقع المناصير


لأنه المفروض تكون في حلقة وصلة بين اسم المجلة وكلمة المناصير المنتشرة فى كل المنتديات

وفي النهاية الراى ليكم
دا مجرد رأيي الخاص

لا يا ود الطرشان
في الأول ماني عايزنها شيتاً كبيري كدي
ورق ملون يتعمل ليهو برنت آوت وتوزع في البكيات والأفراح
زي مجلات الجامعة جرايد الجامعة بتاعات مقهى النشاط ديك زمان.. وجامعة السودان .. ديك هسي دي دايرة ليها تصديق
نعمل برنت أوت وندبسا كدي
بعدين يشيع خبرا
يقوموا المناصير الكبار يقولوا طوروها ونحن بي نسجلا ليكم أعملوها مجلة عديل..
يعني شوية شوية
بس ورق مدبس وشو من فوق ملون وعليه رسمة ومن الداخل أبيض واسود بس..
بعدين ( صوت المناصير) ده موش قد يجيب لينا الكلام؟؟؟
ممكن منتدى المناصير
ممكن أي إسم عام ما يدخلنا في متاهات في البداية
يعني نتحسس خطى السير لامن الحكايي تكبر
ما ضروري مجلة من أول وهلة

تشكر يا راقي انت ... انا اييد فكرة المجله بشده
ويارت علي قولك تسمي منتدي المناصير

الاخت نجلاء: اسم قوي وعندو معاني كثيرة ارجو من الاعضاء التصويت له

الاخت أنتصار: الحمدلله البدلتي صورة خريطة السودان , لانها كانت كبيرة شوية , وحقيقة علقت ليك عليها وكتبتليك اعدادات في الفتشوب حتي تظهر بالصورة المناسبة (تعجبني تصميماتك) الي الامام

الاخ صديق : الي الديمقراطية خلي الاسم يكون بالاتفاق حتي نبداء صاح

وين الاعضاء منتظرين الاسماء او التأييد

استا ذي الجليل ابو حنه
الزمن ده اى شى تعمله حتي لو كان صاح يجيب كلام لان الناس لايعجبها العجب ولاالصيام في رجب
المهم كيف ان الانسان يقتنع بالبيعمل بيه 0

مشكووووور ود الطرشان الله يعطيك العافية

وكلمة صوت دى كانوا مجلة سياسية ... رغم انه حلو
بس خلوها زى مسمى المنتدى
منتدى المناصير ... اسم احلى
على الاقل تجيب لنا زبائن مباااااشرة

خلاص ع بركة الله
نبداء بتصميم الشعار
يلا يانتصار ورينا مهاراتك
علي الاسبوع الداخل علينا دايرين نخلص من الشعار
رسلي لي لاير مفتوح علي الاميل
[ندعوك للتسجيل في المنتدى أو التعريف بنفسك لمعاينة هذا الرابط]
وانا بحاول اعمل كم مقترح للشعار لو عجبت الاعضاء

native guy كتب:تشكر يا راقي انت ... انا اييد فكرة المجله بشده
ويارت علي قولك تسمي منتدي المناصير

تمام تمام.. تشكر

تمام
بس عندى اقتراح احلى يا ود الطرشان
نصمم انا وانت كم شعار ونضعهم هنا بالمنتدى
والاعضاء يختاروا الاحلى
وعلى الاقل علشان اشوف ابداعاتك كمان
نضعها
كصور واذا اعجبت الاعضاء
او اردت انت تعديل معين سارفقها كملف مفتوح ( ليرات )

وممكن اصمم لك واجهة المجلة ... واي ملاحظات بتعجبنى

بس ياريت لو تخليها للاسبوع القادم لانى حاليا مشغوووولة بعمل عرض للمدرسة

[quote="انتصار حجازي"]تمام
بس عندى اقتراح احلى يا ود الطرشان
نصمم انا وانت كم شعار ونضعهم هنا بالمنتدى
والاعضاء يختاروا الاحلى
انشالله

اقتراح جميل... تشكر يا هندسه على الفكرة الرائعة
منتدى المناصير.. اسم جميل
موفقين

بالتوفيق يامبدعين
وكماقيل مشوار الألف ميل يبدأ بخطوة
ونحن رهن اشارتكم في كل شيء

بسم الله
الشعار الاول
ارجو ان ينال اعجابكم

ناسف سوف اقوم بالتعديل

كدي نشوف كدي
وادونا رايكم
[ندعوك للتسجيل في المنتدى أو التعريف بنفسك لمعاينة هذه الصورة]

انشالله تكون اجمل
شكرا علي الثناء
ونحن ننتظر لمساتك الفنيه
بس الشراع ما عاجبني

ده رائع يا ود الطرشان. برضو جيبي إنتي واحد يا انتصار
ما ضروري المقارنة.. مجرد المجهود في العمل مهم..
حتى شعار ود الطرشان ممكن يكون وش.. والشعار حقك ممكن يكون خلف.. أو العكس
ولحفظ حق الناس ود الطرشان يكتب تحتو صغير كدة لو عايز ( ود الطرشان)
وشعارك تكتبوا تحتو كدة بخط صغير( انتصار حجازي) لو عايزة. لأنو بعد شوية التوزيع للمجلة الصغيرة هذه راح يكون بالآلاف. وعندما تتطور في المستقبل كمجلة راح ينتقل الشعارين معاها.. هذا هو العمل اللي راح يكون خالد

والله يا الصديق يا اخو الفكرة فكرتك ونحن مجرد ادوات لتنفيذها
نحناج فقط لافكار كل المجموعة حتي تخرج في احسن صورة

.....

والاخت انتصار امبارح ماركزت في التعليق التحت

(بيقولوا يوضع سره فى اضعف خلقة)

نحن اقوى وبس الثقة مهمة بالتوفيق

إبداع يا ود الطرشان ولمسات فنية رائعة _ بس الشراع محتاج لشوية لمسات فنية حتى يظهر ويبان _ ونحن ما زلنا فى إنتظار شعار الأخت إنتصار _ والى مزيد من الإبداع والتألق يا عيال منصور _

يا عثمان والله انت فنان فطرة
صاح الشراع فيه عيوب فنية بس ما بشوفها الي زول مهني
شكرا علي المرور
انشالله اجازة ممتعة , ووجع الحلق فكاك ؟

إنتصار الصور والشعارات حقتك رائعة برضو.. وأكيد ود الطرشان وخالد عابدين راح يستفيدوا منها..
( ما عندنا قشة مرة) مثل منصوري
( مافي شيتاً بقع واطه) مثل منصوري وشايقي ورباطابي

باشمهندس صديق .....ودالطرشان.......انتصار
تحياتى ايها الثلاثى المبدع والى الامام دوما"
الاسم متفق عليه تقريبا" والشعارات كل واحد اجمل م التانى..

لقد انتصرت علي الفتوشوب بالصبر

اهنئك علي هذه اللماسات الرائعة

اساسياتك في وضع الجمل الفنيه تدل علي الحس الفني النابع جواك

الي الامام حتي تصلي الي المهنية في عالم التصميم
تقبلي مروري



شكرا يادكتور (خال ابرار)

شكراُ ياسلمان
ع المرور والتشجيع الحار

وحقيقة انتصار لها مستقبل باهر في هذا المجال

بس الجملة دي اسحبها (-وحتى لو لم ينفذ موضوع المجلة لاى سبب كان)

ولك ودي

مشكورود الطرشان- قمت بسحب الجملة --
رغم انى اقصد اننا عرفناكم مبدعين وذكر عدم تنفيذ المقترح فقط لصيغة المبالغة وتأكد نحن لها وعشان اجتهاداتكم مافى رجعة لى ورا

دا الكلام ياالنعوفابي
ونحن نديها وقتنا ومالنا وكل ما نستطيع عمله

لا للوراء

وسوف تكون هذه الاصدارة صوتنا
ارجو من الادارة الاسراع بوضع الهيكل العام لها

اقتراح الهيكل

1- الادارة التحريرية(هيئه التحرير)
(ا) رئيس التحرير
(ب) مدير التحرير
(ج) سكرتير التحرير
(د) محررون
(هـ) الاخراج الفني
2- الادارة العامة
(ا) مدير عام
(ب) مدير اداري
(ج) مدير مالي

لكم حق التعديل