نحن غايتو معيدين في المنبر هنا ياهو ضحيتنا.. أعرفوا لى الناس دي طارت وين

صديق سلام----
كلامك صاح --الناس ديل ماظهروا --وانا فى بوست المعايدة يوم الوقفة بالليل مالقيت ناس كتار فى المنتدى-حتى علقت قلت (الناس ديل يكونوا اتمسحوا مسوح العيد وابتعدوا عن الكى بورد)
وان بقوا سافروا الله يعدلا عليهم--
الليلة التانية ياصديق والذ حاجة اللحمة سليقة وشية الشرموط الناشف المعلق فى الحبال --كمان النبيت يكون خطر --
وان بقت فى باشى او طهارى يقدموا الشربات بس--وعيد الصعيد زى بعضو --نحنا زاتنا مهو واقعلنا---

جميع أخوتي بالمنبر كل عام وانتم بخير وعيد مبارك واخص بالمعايدة الأخ صديق أبوحنة والأخ العزيز النفر وأقول لهم كل عام وانتم بخير وإنشاء الله من العايدين

كل عام وأنتم بخير والقابله ربنا يحقق الأمانى ويعيد المغتربيين الى ديارهم سالميين وغانمين _ لك جلّ تحياتى أخى صديق والتحية موصوله للأخوان محمد سليمان وسلمان عقيد والاخ فتح الرحمن رفيق غربتى بالسعودية -زى ما قال الباشمهندس صديق الغربة حارة ومهى لبابى وجابرنا عليها الشديد القوى وتشتد مرارتها وقساوتها فى الأعياد ونحن بعيدين عن الديار _ وزى ماقال صديق الحمد لله فى المنتدى الواحد يجد فيه المتنفس والراحة و يشم فيه ريحة البلد وتمر أيام وتتعدى !! نسأل الله أن يجمع شملنا ويحقق أمانينا وكل سنة والجميع بخير _

الناس طفشت قليل القعد هنا
وفى فلى ناس اخير غربتكم ا هندسه

ها ها ها والله ضحكتنى يا صديق !؟ حريم زمان كانن بمسحن لأنو الرجال زمان كانو غبش وجلودن ذى الورارى !! والواحد لمن يجى ينوم يحفر ويدفن كرعين العنقريب فى الواطة لأنو لو إتقلب فى نومتو بقلب العنقريب معاهو !!! مهو ذى جيل الزمن لا تعرف الراجل من المره _قول يا لطيف !!؟؟

اولا اقول لابو حنةوالهادى عقيد وفتح الرحمن عون الله الله يكون فى عونكم واريت رزقا يودر سيدو طاير الم تحنوا لصلاة العيد فى العدوة جنب صالح الشرق اوبيفوق للسوق ولا جنب عقبة العزبات مش داخل الجوامع ان وبقت فى اجازة للعيد ياالهادى عقيد العيد دا ان فاتكم البركة فى الجاى واتمنى ان ننزل العيد الجاى كلنا بلورى احمد سلمان ولا ابراهيم طه ونغشى قهوة محمد على طه نشد الحلة ونشرب شاى تقيل والبواشى والصفقة قطع سنط وغايتو نتمنا والله يحقق الامانى وكل عام وانتم بخير