محمد بروى، الجماعة راحوا السودان، يلا ضخ إلهامات وإشراقات في هذا المنبر

صديق عبدالله علي أبوحنة كتب:حا يكون عندك زمن .. زي النفر.. قاعد براهو.. يلا إبداعاتك الشعرية.. الشاعر دائماً بيكون مرهف ورقيق وعندو عين ترى بمنظار دقيق..ما شايف النفر كيف يغدق علينا من موائده في المنتدى!

سلمان عقيد النعوفابى كتب:الضهبى جات مع العيال---
خلو كدى دابو يتفرغ للابداع—ويزازى البوغة نقيح بالقمرا لكن كان الدرب فى
الليد كان باصر جا—بس مقيد وفاقد البحلو

عباس محمد كتب:اول شىء يا باشمهندس صديق
انا طالب منو يعرج على الصفحة الخاصة به
فى منتدى الشعراء ويجود بكل مالديه
وله التحيات وسلامة الاولاد
والشكر لك ياصديق
والشكر للارباب سلمان

سلمان عقيد النعوفابى كتب:الضهبى جات مع العيال---
خلو كدى دابو يتفرغ للابداع—ويزازى البوغة نقيح بالقمرا لكن كان الدرب فى
الليد كان باصر جا—بس مقيد وفاقد البحلو

مصباح محمد مصباح كتب:الأخ محمد والأخ صديق والمتداخلين بمناسبة وراثة الشعر قرأت قبل يومين مقال عن الأسرة الشاعرية أي الأسر التي ترث الشعر وطوالي تذكرت أسرة الشعراء وخطر ببالي شعر إبراهيم الشاعر وعثمان سلمان وبنت الشاعر والدة كل من محمد وسليمان ومحجوب وبحكم أن الشعراء معنا في أم لقاديب واخطلتنا معهم بنسب كنت أسمع من صغارهم كثيرا من الشعر وحتى البنيات الصغار ولا أنسي الوالدة فاطمة بنت سلمان عليها رحمة الله التي كانت دائما تغمرنا بشعرها خاصة أثناء الفزوعات واللمات ولا أنسى لها فضلها في بلال زواجي وأذكر عندما زارتنا في الرياض كان بدأت تقول الشعر في الغربة والاغتراب وياريت الواحد كان كتب ذلك.

أرجع للمقال وهو طريف جدا وممتاز ومنشور في مجلة الدارة السعودية ولو تمكنت لاقتطفت من فقراته .

أما أخونا محمد فالعزوبية حارة عليه وحكاية الزواج ده يمكن يكون في المنام يخاف منها وما أكثر الخوافين حتى من سيرة الكلام والدليل إنه محمد ما قادر يجيب سيرته إلا عندما سافرت أم العيال للسودان.

الدردشة ممتازة والسن تضاحك السن وقصدنا المزاح واليومين ديل يامحمد زي ماقالوا الجماعة : عزوبية وقلة في تمر الهبوب ، وجو بارد في الخميس وإن شاء الله موعودين بإبداعات أبو آثر.

أبو أحمد كتب يا دكتور

كدي خلي ابحنة يقول زي كلامك ده كان ما قالو ليك راقد مستشفي

دكتور مصباح كتب... يامحمد زي ماقالوا الجماعة : عزوبية وقلة في تمر الهبوب ، وجو بارد في الخميس

سلما ن قال..الضهبى جات مع العيال---.

مصباح محمد مصباح كتب:رحم الله يا أخي محمد جيل العمالقة ودائما بت سلمان تردد قول ( الفتاح ماراح ) جيل ملأ الدنيا حبورا وبهجة وكانت نظرتنا لهم كأمهات وحتى البنية الجسمانية كانت كأنها مفصلة للخالات والعمات والأمهات وكلها قريبة من بعضها وتمعن جيدا خالتنا وعماتنا زمان. وإني لأرى اختلافا كثيرا في حريم الزمن ده حتى البنية الجسمانية تختلف ونشكرا ذلك الجيل بما قدم للمناصير.