ارحل يا ظالم (من نبض الشارع المصري)

ارحل ياظالم
ربك هايرد المظالم
هو انت مصرى
طب لية ياظام بتضرب
اخوك من غير ما تفهم الحكاية
لية بتسمع جلادينك هو انت قابض
ولا مش فاهم اصل الحكاية
حكامنا كبرو واحنا بنصغر
فين النهاية
ولما اطلب حقى وحقك
يضربونا يبهدلونا يقتلو ولادنا
بالرصاصة او بالعصى او بالقنابل
قال بلطجية وعربجية
اية الحكاية
لولسة مش فاهم
اسكت ماتشاركش
اصبر واتفرج للنهاية
يمكن فى يوم الحق يظهر
وتعرف اصل الحكاية
من البداية للنهاية
دولة العسكر بتهرب
والجلادين وقعت سيوفهم
والمماليك هربو بفلوسهم
بيقولو اية استنو ساعة
كنتو فين سنين طويلة
كدب وخداع
كبرو خيانة
واتزنقتو فى نصف خانة
اعطونا فرصة
نغسل ذنبوكم
لا هاتموتو بعاركم
وبذنوبكم روحوا لقدركم
سيبو الخلق تعيش
ياناس كفاية
ولا ستة فى شهر كانت
هى البداية
الشعب كلة ينادى
الرحيل او الرحيل
لاجل بلادى
كفاية دم كفاية هم
ارحل ياظالم
مش هانرحم اونسامح
لا حوار لا تصالح
كفاية نظام المصالح
دة عهد ولى ومش هايرجع
الشعب كلة اليوم نادى
ارحل وإلا ارحل
(من قلب ميدان التحرير في القاهره)