المحطة الكاب للنزول وابدا اسالم فيها زول زول (ديوان وسبيل المرحوم الجد عثمان الزين)

تذكير بمساهمة فاتح الموضوع :

محطة الكاب عرفها جميع المناصير وحملت لكثير منهم ذكريات
وهم يحطون رحلهم اما مسافرين اوعائدين ولكل من السفر اوالعوده احساس يختلف
فلنبدا بالسفر والمغادره بعدة من المحطات قبل الوصول الكاب يكون اللورى شقاب الحويله
واثر التراب على الجسم و العطش اول شى تقطع لك كوزين من سبيل ودالزين وتلقى كميه من العناقربب
مجدعه تاخدلك كويعه وتقوم تخابر فى ودالزين وتحكى ويسالك المرحوم ودالزين بارحيته المعهوده
ويجمع السفار وتعلو الاصوات والحكاوى زولا من سور واخر من شررى وعصمه وحوش فرنيب والعمارين
والجميع يقرقر ...سنواصل

مشكور الاخ ابوريان
والبشوف كتاباتك يقول انت من جيل الحنونى وودالبروى
يااخوى ماتكبر نفسك ..لك الشكر وانت تذكر بالسفر والرجوع
ياسلام ..العفش طلعوبو الحداره والصغار اخدوها البشاره

الاخ الرشيد الافندى
نشكرك على المرور..ننتطر وننظر مزيد من الابداع بيراعكم

الاخ ابوحجل
السلامممممممممم
نشكركم على المرور
انا وانت ابناء دفعه واحده لكن انت عديت بين كسلا وو
السر جبريل هو دفعتى وكانت بيننا منافسه على اول اللجنه عام1988 بشرى

الباشمهندس الحنونى
لك الشكر والتقديرومن زمن ناس الحسن سليمان يتاوقو يعاينولك
راجنك راجنككككككككككككك
الف الف شكر على هذه الذكريات والاضافات والابداعات

مشكور صاحب المقال علي عيسي
ومشكور الباشمهندس صديق علي زكرياتك الجميله وتمنيت ان لاينتهي هذا السرد الروائي السلس
لك الود ومزيدا من التواصل
هنالك اناس فارقروا هذه البسيطه اللهم ارحمهم ووسع في قبرهم
كلماتك طاعمي ياصديق لك الشكر تااااني

الاخ ابووداعه
الف مرحبتين حبابك
ومنور الدياروراجين موضوعك

الاخ على عيسى
والله ذى الزول الماسك ليك ابرة وعايز تطلع ليك شوكة من كراع زول
طق طوااالى نلقاك عرفت محل الشوكة ومرقتها
الكاب
بواب للمناصير من تصل الكاب تشم ريحة البلد
وتمشى تكوس عربية الحنباقى وتتحكر
راجين نسمع منك اكتر
سلام

الأخ العزيز/ابن الخالة :
لقد فارقت المنتدى فترة تجاوزت الشهرين تقريباً لأسباب تخصني ، وكنت عاوز أفتح بوست أودع فيه أصدقائي وأحبابي بالمنتدي !!!! ولكن لفت نظري كتابة بوستيك الذي بديته بالرحمة والمغفرة لوالدي ... لك التحية. ولكن سرعان ما تحول المنتدي للبيض - وشاي النجيض - وشاي البكيرة - وناس الكويب وما شابه ذلك . ولكن بدأن من الأول وقرأت عنوان البوست مرة ثانية ووجدت أنه يحمل زكريات ماضية...
( المحطة الكاب للنزول وابدا اسالم فيها زول زول (ديوان وسبيل المرحوم الجد عثمان الزين).
وجدت أنه يجمل زكريات القطارة واللواري وركوب السيخ وجبل الزراقنة ولوري عمر الخليفة.
أشكرك ابن خالتي العزيز وأشكر كل المعقبين علي هذا البوست وأسأل الله لوالدي المغفرة والرحمة وأن يدخله فسيح جناته مع الصديقين والشهداء. (دعواتكم)

حمدلله علي السلامه الاستاذ حسن عثمان الزين وحمدلله علي السلامه انو بوست الاخ علي عيسي بتاع الكاب جابك لينا راجع , والله افتقدناك وذكرت ذلك في بوست في المنتدي العام وكمان الحومري برضو !!! انشاء الله المانع خير .

الأخ العزيزأسامة :
لك التحية والتجلى ... وجزاء الله خيراً كما ذكرت اخونا علي عيسى جابنا راجعين للمنتدى لكن لفترة قصير جداً... وبل شدني بوستيه ، ولكن هنالك علامات استفهام كثيرة ؟ ماذا قدم المنتدى ؟ طُرحت مواضيع للحلول والمناقشة ماذا فعل أعضاء المنتدى بها ؟ أذكر منها كأمثلة أولاً : كتكريم الفنان عيسى بروي ! هل هنالك تملص من المسئولية ؟ ثانياً: طرح ربط ومسج القبيلة المنصورية . واقترح للقاء يجمع كل الأطراف من العاصمة والبحيرة والمكابراب والفداء ... أين نحن الآن ؟ هنالك الكثير والكثير .. ونعتبر هذا المنتدى هو نافذة دردشة لا خلاف في ذلك.
* هنالك العنصرية البحتة في هذا المنتدى ( اظن فهمت قصدي ) وكل عضو يعرف
ذلك بمجرد ما انضم إلى المنتدى .
اكرر التحية لك ولكل اعضاء المناصير بلدي.  

hassan osman ELzain كتب:الأخ العزيزأسامة :
لك التحية والتجلى ... وجزاء الله خيراً كما ذكرت اخونا علي عيسى جابنا راجعين للمنتدى لكن لفترة قصير جداً... وبل شدني بوستيه ، ولكن هنالك علامات استفهام كثيرة ؟ ماذا قدم المنتدى ؟ طُرحت مواضيع للحلول والمناقشة ماذا فعل أعضاء المنتدى بها ؟ أذكر منها كأمثلة أولاً : كتكريم الفنان عيسى بروي ! هل هنالك تملص من المسئولية ؟ ثانياً: طرح ربط ومسج القبيلة المنصورية . واقترح للقاء يجمع كل الأطراف من العاصمة والبحيرة والمكابراب والفداء ... أين نحن الآن ؟ هنالك الكثير والكثير .. ونعتبر هذا المنتدى هو نافذة دردشة لا خلاف في ذلك.
* هنالك العنصرية البحتة في هذا المنتدى ( اظن فهمت قصدي ) وكل عضو يعرف
ذلك بمجرد ما انضم إلى المنتدى .
اكرر التحية لك ولكل اعضاء المناصير بلدي.  

.

مره ثانيه نشكر الاخ علي عيسي ان اصبح هذا وسيلة للتواصل , ونعتذر له للتدخل وتغيير الموضوع ولكن !!! بعد أذنك علي عيسي , فقط لحظات ونواصل محطات الكاب الانيقة ....
اولا : رغم الاجابه تخص السادة ادري المنتدي ولكن بما انوا كلنا اعضاء في المنتدي وكلنا مناصير ونتشرف بذلك وبما انك ذكرت استفهام انو ماذا قدم المنتدي وماذا فعل اعضاء المنتدي , حقيقة المنتدي اهدافه كبيره وعريضة واعتقد انك استاذنا حسن عثمان تمثل واحد من الاعضاء , ولك حق الاسبقية من قبلي واعضاء كثر فمن باب أولي ان تطرح هذا السؤال علي نفسك اولا وتقول مؤنبا نفسك ماذا فعلت انا ياتري .
الاستاذ حسن :-
اداره هذا المنتدي اناس وبشر مثلي ومثلك لهم مشغولياتهم واسرهم الخاصة والتزامات عملهم الخاص , وهذا المنتدي ادارته بمثابه عمل طوعي وانت وانا ونحن من هنا نرسل لهم صوت شكر واشادة كمان علي تكبدهم هذا العمل الاضافي الطوعي خصما علي امورهم الخاصة التي هي لامحال نعاني منها جميعا .
هذا المنتدي جمع الاعضاء في رحلة اجتماعية تكافلية من حر مال الاعضاء امثال ابومصطفي , وانت واحد من الذين كان لهم دافع حضور الرحله , واشدت بروعة تلك الرحلة .
استاذنا حسن :
برنامج تكريم الفنان عيسي بروي واحد من مجموعة كبيره من المواضيع والبرامج ( الرحلة الثقافية الشعرية او ليلة الشعر , اقتراح المجلة الدورية من عمنا الباشمهندس صديق , القافلة من منظمة الشلال الرابع , وبرنامج ناس جامعة وادي النيل ,واقتراح وبرنامج ابومصطفي , واقتراح تكريم الاستاذة بتاع ود الحمود , واقتراح بتاع نبش جثمان عمدة المناصير ودفنه في موطن راسه وهو اقتراح اري انه من الاهمية بمكان , وكثير من الاقتراحات وانا ذاتي عندي اقتراح قيد التنفيذ كلها افكار واقتراحات لم تري النور , انفعالك وانفعالي وكمان شويه من وده وداك وكلنا شركاء في هذا المنتدي والايد الواحده مابتصفق , ماتقول لي اداره , الادارة بشر مثلي ومثلك كما ذكرت سابقا , انت الذي تبادر وتقترح وتنفذ , والله نظريه انو فلان مسول من الحاجه الفلانية او فلان مدير الحاجه الفلانيه ومطلوب من تنفيذ كل حاجة ده كلام ماصحيح .
استاذ حسن : نظريه الادارة الحديثة في مضمونها العام ( ولي عوده لشرح النظرية وتفاصيلها ) كلنا شركاء في الخطة والمبادرة والتنفيذ .
الاستاذ حسن : بقي ان نفيدك بما يسمي ربط النيسج الاجتماعي وهوذاته نفس الموضوع الذي كثيرا مايتطرق له الاخوان سلمان عقيد والحاج ومصطفي عمر الحسن , رايي الشخصي فيه انو الحته ده بتجي وتتعالج بمرور الزمن براها , رغم انو ده رايي الشخصي فلامانع فالمسولية جماعية وليست هي مسؤليه الاداره .
ادناه بين القوسين بالخط الاحمر هو ماكتبته بيدك في بوست المنتدي في القسم الاجتماعي فلماذا تنتقد نفسك استاذ حسن
((نشكرك كثيراً علي هذه اللفتة البارعة ولفك كثير من الشفرات ( ود السادي/عادل شرري/ النذير النعوفابي/خال أبرار/ودالمناصير/مونتاري) وغيرهم من رواد هذا المنتدى البارع الذي ساهم كثيرا في حل قضية المناصير وربط النسيج )) . الاستاذ حسن : صبرا ال ياسر , اعاهدك كما قال عمنا صديق واتفق معه في الراي تماما اصبروا شويه كلها ( 5سنين ) كفيلة لوحدها لجعل المناصير اكثر وحده ومنعة وقوة ( اتمني ان تفهمني ) .
اخيرا : نعتذر للاخ علي عيسي مره اخري , واري ان تفتح بوست يااستاذ حسن قائم بذاته في ذات الموضوع ان رأيت ذلك .
مع مودتي ولي عوده .

شكرا الاستاذ حسن ..المصرفى اسامه ...الرشيد الرشيد
بالرغم من ان البوست يتناول جناح الشوق..والردود تتناول جناح االتواصل والود وكلاهما جناحان للطائر واحد املنا ان ان يغرد ويجدد الذكرى لذلكالشجن المنصورى ويصيبه مايصيب الوطن المنصورى ..ابن خالتى حسن بكم فلتفخر الدنيا ولايصيبنا اخى الرشيد فتورا ولاتنقص لنا اخى اسامه همما ..والله والله المنتدى اعطان الكثير مجامع لغويه وتاريخ كنا عنه غافلون وعرفنا باخوة لم نراهم التحيات لكم جميعا هبوا لنصرة ديار منصور وكل منصورى اينما كان ..

سلام ابو البنيات وطولت ما جيت بى هنى
وبعدين ماء شاء الله جباتك قبضت الدقشوق الكبير فهنيا لك بهذا الانجاز
وانا اليت على نفسى كل ما ادخل فى هذا البوست ان اترحم على المرحوم عثمان ربنا يتقبله
كما اصبح هذا البوست بمناسبه الاتكاءه مع زكريات السفر وكثير من الزكريات
زى فاصل عيسى حامد فى الحفله والى الامام يا شباب

تشكر على المرور ياخال
اليومين دى مشغولين تقول عندنا دفاق بوغه
ونسوى فى الفر ضاربين الصى والصحارى
والله يهوووووووووووووووووون

جيناكم راجعين
الى العوده الى البلد والشعور وياحيل ايام زمان وبالرغم من انه لاتوجد وسائل اتصال ولكننا نجد المستقبلين وقد عرفوا مواعيد الجيه وكانه اتصال ذاتى بين الانفس قد تم بين العائدين والمستقبلين ..والصغار اخدوها البشاره ..والحلاوه والشاى تدورالناس يتلملموا واى زول بى صحنوا واى مره بى طبق وهاك ياحكاوى ..ياسلام اسلام
وقد ذكرنى بوست فتحه الرائع ابوحنه ..عن الناس اتغيروا ومابقوا ذى زمان ..ماعرفناه شدهات حياه ..ولاشنو يااخوان ..والوداع والاستقبال مالوا اتغير ...

المحطه الكاب للنزول ..وابدا اسالم فيها زول زول
وفى هذه الايام والجميع ..من بنى بلدى اينما كانوا فى مواسم الاعياد والتمر
تزداد لديهم الرغبة والنزول للبلد وتجول بخواطرهم ..ايام الصبا والذكريات
الجميله ...وايام زمان ..