مدح الرسول ؟ هل مدح المناصير الرسول ؟؟؟؟

بسم الله الرحمن الرحيم
سؤال هل مدح المناصير الرسول صلى الله عليه وسلم ؟؟؟؟
الاجابة نعم مدح المناصير الرسول صلى الله عليه وسلم ولهم باع طويل فى هذا الجانب
وانا داير افتح ليكم الموضوع دا واديكم شوية كده يوم يومين ونشوف عندنا مداح من حجر البيضاء ولى حدو جبل مناى ؟؟ ام لا ؟؟ وهل هم زى اولاد حاج الماحى فى مديحهم ام لا وماهو الفرق ؟؟؟؟ وكمان نحن المناصير فى الغنى ايقاعنا سريع الله يستر لا يكون حتى فى المديح ؟؟؟؟


تحياتى
ابو مصطفى

المادح عكاشة على خميس من ناس كبنة وبالتحديد التكارنة توفى عام 1939 بى وراء التموين شوية وعمرو يكون من 70 لى 80 كدى وكان يغنى وبعدين خلى الغنى وبقى يمدح الرسول صلى الله عليه وسلم :-
من مدائحه - نعم القدم فوق قارحا قرقار يرى الليل موجه طيبة المختار
يا الرسول ليك سعيد الزار
-------------------------------------
بسم الله ابتديت بالواحد الجبار
الخالق الخلائق عالم الاسرار
ليك عبدا ضعيف محمول زنوبو كتار
استر عيبو صوبن قلبو بالانوار
----------------------------
اثنى القول عليك يا احمد نبى الاخيار
شفيع المذنبين يوم النهار الحار
يوم هول القيامة وحرت الاقدار
يخمد حمت امزفراوقود حجار
-------------------------
ليلة وضع يا صفوت الجبار
مريم واسيا حضرن والنسايا كتار
قالت طاهرا ناقى مكن الاوزار
----------------------------
على جسمو العفيف تشالع الانوار
معاجزك يا الرسول لاعدو ولالا حصار
ماشاروا النجوس فى كلمة فيها احتار
الشدر الهشيم راقد سنينو كتار
خدر للرسول وانتاكا بالاثمار
---------------------------------
النبى بى مسيسك للعريص خيار
نبيا بى مسيسك للكسير جبار
محمود الخصائل لانهى ولاجار
يرقع توبو بالمعروف يواصل الجار

--------------------------------
لاح لى البريق فى القبلة زادنى حسار
لامتين نترك الساحة ونقوم نختار
يامولاى تحلحل قيدا دا اب سوجار
انظر قبتو المكسية بالانوار
------------------------------------
الصلاة للرسول لاعد ولاعبار
والتسليم عدد ما يعلمو الجبار
من عبدا ضعيف محمول ذنوبو كتار
جابو عكاشة تقبلو منو دا المسدار
------------------------------------

تحياتى
ابو مصطفى

الشاعر من التكارنة بكبنة يا خالد على حسب مصادرى والمهم فى الموضوع قصائده رحمه الله
ومن ذلك قصيدته صلاة النبى :---------
صلاة النبى على من واجبالو
سلامى يفوق على الحصا والرمالو
رفعنا يدينا يا يامولاى يسر
على قلبى الوجيع اورى وفسر
الروات القبلى منها ما اقصر




تحياتى
ابو مصطفى

معليش يا الرشيد زول الجزائر ما بعرف الصعيدية كويس ؟؟؟؟



تحياتى
ابو مصطفى

مشكور ابو مصطفي
المادح محمد حمودي من النقعه له مدائح كثيره جدا منها
صلي الاله لاحمد حبيبو وقربو ***بي حق محمد نحن مابنتعذبو
وهذه المدحه ذكر فيها جميع الرسل وانشاء الله ساقوم بانزالها لكم

محمد ودحمودى مادح عظيم الشان اى والله ؟؟؟ عاجبانى قصيدتو التى عنوانها الصلاة والسلام ؟؟ وبعدين منظرين يسن ينزل كمان قصيدتو ؟؟؟ كدى اسع اتمعنوا معاى فى مدحة الصلاة والسلام وناس كبنة والتكارنة والقلعة والحيبة وام بلجى والكاب ناس طار ومديح والدليل على ذلك حولية الشيخ الجعلى وحيرانه كلهم من تلك البقاع والله بالغلط ما شفت لى زول من ناس الجزائر معاهم سبحان الله النزعة الروحية الدينية عندهم قليلة خلاص ؟؟؟ المهم المدحة ؟؟
الصلاة والسلام التام
الرسول ايد الاسلام
ليهو الحمد ليهو الشكر رب انعمنا بالاسلام
جلى البارى لينا مكفى ما بعدم
رفعت ايدى الهى ارحمنا يا رحام
انظر ذنبى انا من قمت فعلى سلام
--------------------------------
ثنيت بالنبى المن الله عز دام
النور فى الازل قبل الخليل وادم
خاتم المرسلين ليها الرسالة ختم
هو اب جاهين وشافع العصات ختم
----------------------------------
فى يوم يبعتونا الدنيا حر وزحام
كل زول مننا اتحمل كتابو وقام
تشاكك عروقنا مشن كذا الجمام
كمل راى اتهمم خشمى القبيل نضام
----------------------------------
يوم وضع الرسول اتهدت الاصنام
جا مقطوع صرة خلقى مجلى غير دمام
نور وجهك علا وضواهو كل ضلام
لى كنعان واليمن والروم وارض الشام

والقصيدة طويلة جدا جدا

تحياتى
ابو مصطفى