أنواع التمور التي كانت تزرع في ديار منصور.ز وقد غطست الى الأبد في قاع البحيرة.. وانتهت فصائلها وفسائلها من الوجود

أنواع تمور المناصير التي غطست في قاع بحيرة سد مروي، بمساحة طولية قدرها 200 كيلومتر
1.. العجوة.. المشرق... ودختيب
2.. البركاوي
3.. القنديلة
4.. بت تموده
5.. الكوروش
6.. الكروشي
7.. المهرودة
8.. عبد رحيم
9.. السنط
10.. البور
11 البرير
12 ود لقاي
13 تمرة محمد
14 الدهيس
15 القرقودي
16.. الكولوم
17الزرقة
18تمير خادم الله
19الغبيشي
20 شبوبات
21ست البنات
22ضكر الحمام

يعرف عن النخلة أنها تعمر مابين مائة عام الي مائة وخمسين عاماً.
قبل أن تطمر بحيرة السد غابات النخيل في جزر وأراضي المناصير.. كان هنالك نخيلاً قد زرعه جدود آبائنا لايزال موجوداً يعطي بركته وثماره.. ويفيض بالرزق على الناس. والنخلة عندنا في الشمال لاتقدر بثمن مهما كان..
من الله خلقني ولحدي الآن ماشفت زول باع نخلة.. لأنها أمان من الفقر...
يعني إذا عندك أقل شئ خمسين نخلة.. ضمنت رزقك ورزق أولاد أولادك لمدة مائة وخمسين سنة.. وأقل شخص في المناصير يملك خمسين نخلة..
ممكن يخلي النخلة لمدة عام أو عامين وقف لله تعالى ، كسباً للرزق.. ثم ترجع النخلة لمالكها.. وكثيراً ما يقومون أهلنا بترك نخلة وقف لله تعالى.. كسباً للأجر والبركة.. يأكل منها المسافر وماشي الدرب وعابر السبيل.. تجد مكتوب عليها أو جنبها لافتة تقول( وقف لله تعالى)
عشان كدة لغاية قبل خمس سنوات.. ماعندنا زول جاع.. ولا عندنا شخص يستاهل الزكاة..
كان إذا قدمت مال زكاة لعهد قريب في منطقتنا لا تجد من يستلمه منك..
لأنو كان أقل واحد عندو خمسين نخلة.. تكفيه مؤنة سنة..

النخلة في الشمال لاتقدر بثمن
ونحن من ضمن الشمال
اللهم إلا الثمن هو مصلحة السودان العليا
..........
زي ما قلت ليكم قبل كدة ماسمعنا بي زول باع نخلة لاقبلنا ولا في زمنا
.......
يتغنى بها الشعراء
يوصفون عليها البنت الحسناء
يستفيدون من جميع مخلفاتها
فراقها والبعد عنها يؤثر نفسياً فيمن عاش عمره قربها
لذلك الناس الفقدوا تمرهم مفروض يفرشوا ليهم بساط الأنس، ويكرمونهم ويحتفلوا بهم.. ويجيهوهم في الأول قبل كل شئ..لأنهم قدموا أرضهم قرباناً وهدي من أجل رفعة السودان الكبير

التمور
............
المشرق.. العجوة... ودختيب
قلنا دي ثلاثة أسامي لصنف واحد من التمر يزرع على أرض المناصير
وهذا النوع من البلح صدر الي أم درمان.. وناس العاصمة لايقولون مشرق أو ود ختيب وإنما يقولون عجوة.. لأن هذا التمر سهل أن يكون عجوة... والمصانع ترغبه وتستفيد منه في مدخلات الحلوى.. وهنالك نوع جيد من العجوة سعره غالي في أم درمان.. ونوع ضعيف ومكرمش وهو غالباً تمر الشتل الصغار.. أو مشرق لكنه لم يلقح تلقيحاً جيداً.. هذا النوع من التمر لأنه سعره اقل، فهو يباع في الزرائب في العاصمة زرايب الفحم والحطب ليستفاد منه في أغراض أخرى، وقد برزت أماكن جديدة لتمر العجوة أكثر ربحاً وضعف السعر الموجود بسوق أم درمان، فصار يصدر الي كسلا ومنها الى مدينة( تسنى الأريترية) تحمله اللواري والعربات..
وهذا النوع من التمر يزرع بكثرة في المناصير.. لأنه سريع النمو، ويقاوم الآفات ودودة النخيل.. وينمو حتى في المناطق الصخرية..
هو أول أنواع التمر نضوجاً.. ولذلك يؤكل منه وهو في مرحلة الإستواء
ناس العاصمة لايعرفونه إلا جاف.. محمول في جوالات
ولكن لذته قبل نضجه..عندما يميل لونه للصفار يسمونه( الصفوري)
وعندما تصير بقعة مستوية في نصفه يسمى( أم نص)
وعندما تصير بقعة ناضجة في رأس حبة البلح يسمى( أم راس)
وعندما يصير كامل النضج ولكنه لين .يسمى(المعصودي)
ولذته حينما يكون أم راس وأم نص.. يؤكل مع القهوة بدل السكر. وفي موسم التمر لايستعمل السكر مع القهوة البتة.. لأن الناس هنالك تشربها بالتمر فقط..
وشجرة المشرق تثمر في حوالي 4 سنوات الى خمس سنوات وشجرة المشرق تعيش حوالي مائة سنة
وقد جاء الشعر فيها وهو يشبه محبوبته بشجرة المشرق الحلوة المثمرة فقال:
شتيلة المشرق العند ود كدانة
تموع في الليد قبل تصل الصحانة
.................
وقال عن شتلة المشرق ايضاً
شتيلة المشرق العلولو زربو
بلقط واحدي واتنين ما بخربو
البرضي على تعرفي وتابي دربو
.......
وقال:
شتيلة المشرق الفوق الزلومة
يشروط دودا حامي الناس العومة
يا دي ست الريد أسامحا والله لوما
............
وقيل عن أنواع التمور الأخرى يشبه به البنات الجميلات
شتيلاً عند الفحولة
( ودلقاي) والله( بورا)
وقد ورد اسم ود لقاي والبور في إحصائية التمر الذي يزرع في منطقة المناصير
وقال:
يا الطنبور حليل أم بله
البركاوي ما بيتبلا.. إلا ان كان( تمير خادم الله)
وقد ورد أسم البركاوي وتمير خادم الله في الإحصائية
وقال:
يا الربيتون يا الربييت
ببقى زرزوراً غتييت
وبنقد ( أم راس في السبيط)
وقال:
الشتيلة أم شيلاً ردف
سيدا فسلاً قاطع الطرف
صاقع القمري بالحجر كف
..........
وقال:
قبة أب عبب وا فليلي أنا
ماشي بي أدب وا فليلي انا
خلت العرب... وافليلي أنا
ساقا ود هناي وافليلي أنا
ريقا ( ود لقاي) وا فليلي أنا..... شبه ريق فم محبوبته بتمر( ودلقاي) وكما ورد ذكره في ال‘حصائية نوع راقي جدا من النخيل.. ولكنه عندنا يسمى بالتمر المدلع لأسباب كثيرة سوف نذكرها..

نجي للنوع التاني من التمور الجيدة جداً والحلوة جداً
..........
ود لقاي
..........
عند الشايقية نادر وجوده.. عشان الشوايقة بيركزوا على التمر التجاري.. وخاصة البركاوي والمشرق
...........
عندالرباطاب موجود لكن يختلف عن نوعية ود لقاي الموجودة عند المناصير.. موش ود لقاي كلو ود لقاي
عند المناصير لاتوجد به قشرة... لحمتو وسدايتو واحد..( يراري) أي يلهج في ضوء الشمس من شدة الوضاءة كلون الذهب
ود لقاي العند المناصير حبة تمرتو أي البلحة منو صغيرة الحجم.زمن هنا جاءت إمكانية إنو مافيهو قشرة.. نادر تمر مافيهو قشرة..
ود لقاي بتاع الرباطاب حبتو كبيرة جداً.. من هنا جاتو القشرة.. برضو كبر حبتو قللت من حلاوتو
............
ود لقاي سعراً في العاصمة أغلى من المشرق العجوة واغلى من البركاوي
نادر تجده في فراشة برة
اللهم إلا في فراشات الخرطوم زمان كان يوجد في فراشات أولاد ملاح جنب زنك الخضار الخرطوم
............
ود لقاي قلنا يسمى ( التمر المدلع)
لأنو ما كل مزارع يقدر يزرع نخيل ود لقاي
عايز تربة معقولة.. مافيها نجيلة كتيرة
آفة دود النخيل تحب لب عود تمرة ود لقاي لأن لبة جذرو حلوة شديد، وبالتالي دودة النخيل غالباً ما تقتل شجرة ود لقاي .. عايز حراسة خاصة ورعاية خاصة وسقاية خاصة
برضو بعض ما ينضج تمر ود لقاي يسوس بسرعة شديدة جداً لشدة حلاته... ( شبيه بحلاوة لكوم)( راحة الحلقوم)
لسه عندي كلام كتير عن ود لقاي

فرد مساحة خاصة بتعريف المناطق المتأثرة بالسد وتاريخها

صحيح أخونا عز الدين في كلام كتير جداً كان ممكن يكون في الناحية دي التي ذكرتها أنت..
,,,,,,,,,,,,,,,,,,,,,,,
الحقيقة أنا كنت متفائل أهلنا هنالك يكون طلعوا عينات وشتول من هذه الأنواع، لتزرع في مناطق جديدة في أرض المناصير.. وكان مفروض هذه الأشياء ينتبهوا لها الناس من زمن بعيد، قبل أن تداهمهم المياه.
حفاظاً على هذه الأنواع من النخيل. ولكن لأسباب كثيرة منها قصر ذات اليد..
لو تلاحظ يا عز الدين
أن كل ثروة السودان من النخيل
ثقلها في الشايقية والمناصير والرباطاب وقليل من الإهتمام بالنخيل في أرض الجعليين، في أرض الجعليين لغاية غرب عطبرة( أم الطيور) هنالك اهتمام بالغ بثروة النخيل.. من هناك ولى غادي يبدأ يتلاشى الإهتمام بالنخيل.. لما تطلع فوق لمدينة شندي شوية.تجد أن الإهتمام بالنخيل قد انقرض تماماً..
الشايقية والمناصير والرباطاب هم الذين مجدوا النخيل وغنوا له واعتنوا به وهاموا فيه، وذابوا في ترهاته الكثيرة.. ولذلك اعطاهم وأمنهم من الفقر، لم يأكلوا صدقة ولم يمدوا يدهم للغير.. بل في الحقيقة ولعلك تذكر يا عز الدين في فيضان1988 عندما انعدمت المحاصيل والتمور، أن منطقتنا كانت مخزناً لجيرانها وسد حوجة، ولعلك تذكر أفواج العربات التي كانت تأتي من كل صوب لتستغيث وتشتري التمر والقمح من عندنا.. حتى السكر وهو سلعة عامة بالحس التجاري لتجار منطقتنا عرفوا الكارثة فكانت عندهم كميات افادت الناس خارج نطاق القبيلة..
الحقيقة لايعرف ثروات المناصير ومقدرة أهلها على تثوير ارضها، لايعرف ذلك غير أهلها أو من خالط أهلها.
لعمرك يا عز الدين لو انقرضت ثروة النخيل هذه من الإقليم الشمالي ، اين يقوم وفي اي بقعة من بقاع السودان يثمر؟
لايمكن أن يثمر النخيل في اي منطقة أمطارها متوسطة أو غزيرة.. لأن موسم الأمطار العدو الأول لثمر النخيل، بل يبوظه مرة واحدة.. وينتهي من حصاده البتة.. ومناطقنا شبه جافة.. قليلة الأمطار، مناخ شبه صحراوي.. وصحراوي في بعض الأماكن. لذلك نجح النخيل فيها بصورة منقطعة النظير..
..........................

التمور
..........
نرجع مرة أخرى لأجود نوع من التمر يزرع في منطقة المناصير
ود لقاي
..........
اقل تمر ممكن يباع في المنطقة هو ود لقاي..
لماذا
لأنه محبوب
لأنه لايقدر بثمن
لأن فائدته الغذائية كبيرة.. يكاد يقوم مقام وجبة كاملة
تم فحصه كيميائياً بمعامل مشروع الحديبة بالدامر في وقت سابق.. بواسطة خواجه أتى زائراً لمشروع الحديبة بالدامر
حيث كانت المحصلة النهائية كالآتي
( سكريات+ جلوكوز+ أملاح معدنية+ يود+نشاء+)
وفي تركيبته هذه يختلف عن معظم التمور..
...............
بما أن المنطقة منطقة تمور.. فلايستخدم التمر كثيراً في المناسبات، لأنه يوجد في أي بيت.. وتستخدم الحلوى، ولكن إذا قدمت تمر ودلقاي دون أنواع التمر الأخرى فإنه يقوم مقام الحلوى..

[size=24بما أن المنطقة منطقة تمور.. فلايستخدم التمر كثيراً في المناسبات، لأنه يوجد في أي بيت.. وتستخدم الحلوى، ولكن إذا قدمت تمر ودلقاي دون أنواع التمر الأخرى فإنه يقوم مقام الحلوى..
يستخدم ود لقاي في شكل عجوة.. كما يستخدم المشرق في شكل عجوة أيضاً.. ولاتستخدم أنواع التمور الأخرى كعجوة..
( كلنا من نخلة واحدة... لكن العجوة غير البلح)
وفعلاً العجوة غير البلح.. موش العجوة تمر العجوة
وإنما العجوة وقتما توضع في قربة وتقفل( وينقزوا) عليها الي أن ( تتهرد) وتترك لمدة ثم تؤكل.
ود لقاي أجود أنواع التمر الذي ( يعجا) ][/size]

من طرف **م بروي** الأربعاء 27 أكتوبر 2010, 8:01 pm

مشكور يا هندسة
فعلاً انت موسوعة يارجل
أفادك الله
مشتاقين كتير
ود لقاي الزرق الطعم
ياحلات قرشو كرك كرم
وياسلام من ونسة البرندة والجبنة وودلقاي
تسلم يازعيم

من طرف **الفكى احمد** الخميس 28 أكتوبر 2010, 3:55 am

شكرا ليك أخونا العزيز والله مافضل لك شى ماقلته عن نخيلنا المابتعوض والمؤسف
حتى العويض السوهو ليهو كان فيهو اهانه لقدره ومكانته ومنزلته التى لا تدانيها أى
مكانه من أصناف الشجر فالنخله أقرب ماتكون للانسان ،
أذكر لما ذهبت للبلد وقد سافرت من ابو حمد الى المناصير بالبحر وياهول مارأيت
فمهما حكيت لا أستطيع أن أوصف لك حالى وأنا أشاهد نخيل بلادى وسط عباب البحر .
أهو مشتاق متلهف خاض البحر لاستقبال ابنائه العائدين قبل أن يرسو بهم مركبهم ...
لا . .لا..انه يسغيث ويشكو لكل عابر أو مسافر ماَل الحال ، شكوى من يعرف أن لاحيلة لمن
يشكو أو يستغيث ويستنجد به . فقد ألجمته المياه وألجمتنى العبره والحمدلله على كل حال .
ونسأل الله أن يعوض أهلنا الصابرين خيرا ....

[quoteشكرا ليك أخونا العزيز والله مافضل لك شى ماقلته عن نخيلنا المابتعوض والمؤسف
حتى العويض السوهو ليهو كان فيهو اهانه لقدره ومكانته ومنزلته التى لا تدانيها أى
مكانه من أصناف الشجر فالنخله أقرب ماتكون للانسان ،
][/quote]
هم قالوا يا الفكي (تمرن العايزننا نعوضهم فيهو الحمار ما ياكلو!!)
ولمان زروهم وضغطوهم في هذه الكلمة ؟
قالوا
ما قلنا.. دي إشاعة
فالحين في النكيري..
وقالوا حا تطلعوا من الموية زي الفيران
ولمان زروهم وضغطوهم في هذه الكلمة!!
قالوا ما قلنا
ده كلام ساكت
ونحن صدقنا.. المؤمن صديق!!!

من طرف **الفكى احمد** الجمعة 29 أكتوبر 2010, 3:53 am

الله يجازيهم ويعوض أهلنا الصابرن خير ، شوف هسع طايعين كيف فى النيل الأزرق
وشوف الوالى هناك واقف مع ناسو كيف .

تمرنا طاعم

أنواع التمور التي كانت تزرع في ديار منصور.ز وقد غطست الى الأبد في قاع البحيرة.. وانتهت فصائلها وفسائلها من الوجود

أنواع التمور التي كانت تزرع في ديار منصور.ز وقد غطست الى الأبد في قاع البحيرة.. وانتهت فصائلها وفسائلها من الوجود

رد: أنواع التمور التي كانت تزرع في ديار منصور.ز وقد غطست الى الأبد في قاع البحيرة.. وانتهت فصائلها وفسائلها من الوجود

رد: أنواع التمور التي كانت تزرع في ديار منصور.ز وقد غطست الى الأبد في قاع البحيرة.. وانتهت فصائلها وفسائلها من الوجود

رد: أنواع التمور التي كانت تزرع في ديار منصور.ز وقد غطست الى الأبد في قاع البحيرة.. وانتهت فصائلها وفسائلها من الوجود

رد: أنواع التمور التي كانت تزرع في ديار منصور.ز وقد غطست الى الأبد في قاع البحيرة.. وانتهت فصائلها وفسائلها من الوجود

رد: أنواع التمور التي كانت تزرع في ديار منصور.ز وقد غطست الى الأبد في قاع البحيرة.. وانتهت فصائلها وفسائلها من الوجود

رد: أنواع التمور التي كانت تزرع في ديار منصور.ز وقد غطست الى الأبد في قاع البحيرة.. وانتهت فصائلها وفسائلها من الوجود

رد: أنواع التمور التي كانت تزرع في ديار منصور.ز وقد غطست الى الأبد في قاع البحيرة.. وانتهت فصائلها وفسائلها من الوجود

رد: أنواع التمور التي كانت تزرع في ديار منصور.ز وقد غطست الى الأبد في قاع البحيرة.. وانتهت فصائلها وفسائلها من الوجود

رد: أنواع التمور التي كانت تزرع في ديار منصور.ز وقد غطست الى الأبد في قاع البحيرة.. وانتهت فصائلها وفسائلها من الوجود

رد: أنواع التمور التي كانت تزرع في ديار منصور.ز وقد غطست الى الأبد في قاع البحيرة.. وانتهت فصائلها وفسائلها من الوجود

رد: أنواع التمور التي كانت تزرع في ديار منصور.ز وقد غطست الى الأبد في قاع البحيرة.. وانتهت فصائلها وفسائلها من الوجود

رد: أنواع التمور التي كانت تزرع في ديار منصور.ز وقد غطست الى الأبد في قاع البحيرة.. وانتهت فصائلها وفسائلها من الوجود