سلام ديار منصور .... وأشواق

نحنا الروعة شيمتنا وفوق الروعة زدنا سموق

شبابنا كريمة أخلاقوا سليم النية صافى صدوق

معاملة سمحى لى والدينا ليهم حاشا ما فى عقوق

شديد وعنيف لمان يغضب وسمح ساهل لما يروق

عدوهوا يهينوا إن فات الحدود والمرة ليها يضوق

القيم القبيل السمحة فى أجدادنا ما لاقتنى فى مخلوق

نعمر لى بلدنا نعيدو نخيل من تانى روق فوق روق

ويرجع ليهو قمرى الفاتو يغرد فيه ويسوى القوق

نعمر من جديد واطاطنا جداول الموية والسبلوق

وكان تانى البحيرة تفيض برضو نزح نروح لا فوق

ومهما نغيب ديار منصور ليكى نعود يسوقنا الشوق

شوقى انا للسكن حلالها عموم البى تحت والفــــــوق

سلام لى نيلا والحوت كلو كاس والدبسى والدشقوق

نحنلها زى حنين الوالدة لى مولودة واكتر من حنين النوق

ولى صوت أم حنينى تحنــــس فى الولد الرقد مــــريوق

أحن لى دوكة فيها الكسرى وقودها جريدى والكـــــــروق

أبت حلفت تقوم للزينى تنقنق كبت الطايــــــــــــــــــــوق

حلاة جرماً مملح زين فـوق ناراً نجض مسلـــــــــــــــوق

نحن لى قشها ولى ريحتو سِعد والتربى والمعيـــــــــــــوق

ولى صوت مراكبا البى تعدى تتسابق فى يوم الســــــــوق

ولى كلساً لبس ملفحتو شال مخلاتو علقا عالى فى كروق

يكورك لى خميس الريس أصلاً باقى ناوى مـــــــــــــروق

بريدك يا ديار منصور واريد شمسك غروب وشروق

وللداير يرحل ناسا ليهو بقول ألحس ليهو كوعك ضوق

ولو قُدِر لحستو عديل شوفلك قمة عالية شديد واطلع فوق

ومنها نط على راسك وكان ما مت طلع مفلوق

عيد الكرة كم مرات وأخيراً أخير تموت مشنوق

وكان مت برضوا ما بنرحل نسيب منجلنا والواسوق

والبرحل يسيب مرتع صباهو البدرى زول ممحوق
ويستاهل يعانى يقاسى نار الحسرة ليها يضوق

من طرف **عباس محمد** الثلاثاء 04 يونيو 2013, 8:10 pm

تسلم جنابو سامى ويسلم قلمك بان ارفدت هذا القسم بالجديد
ولك ان تفكر فى جمع ما انتجته من شعرفى كل صفحات هذا المنتدى العامر
لتسرده فى هذا البوست فيسهل عليك عملية الاستذكار فى مقبل الايام
حتى تحسبه ان ذلك كان تاريخا ناصعا بمرور الايام

نحنا الروعة شيمتنا وفوق الروعة زدنا سموق

شبابنا كريمة أخلاقوا سليم النية صافى صدوق

معاملة سمحى لى والدينا ليهم حاشا ما فى عقوق

شديد وعنيف لمان يغضب وسمح ساهل لما يروق

عدوهوا يهينوا إن فات الحدود والمرة ليها يضوق

القيم القبيل السمحة فى أجدادنا ما لاقتنى فى مخلوق

نعمر لى بلدنا نعيدو نخيل من تانى روق فوق روق

ويرجع ليهو قمرى الفاتو يغرد فيه ويسوى القوق

نعمر من جديد واطاطنا جداول الموية والسبلوق

وكان تانى البحيرة تفيض برضو نزح نروح لا فوق

ومهما نغيب ديار منصور ليكى نعود يسوقنا الشوق

شوقى انا للسكن حلالها عموم البى تحت والفــــــوق

سلام من برتى للعال جملة ليها يحــــــــــــــــــــــــوق
سلام لى نيلا والحوت كلو كاس والدبسى والدشقوق

نحنلها زى حنين الوالدة لى مولودة واكتر من حنين النوق

ولى صوت أم حنينى تحنــــس فى الولد الرقد مــــريوق

أحن لى دوكة فيها الكسرى وقودها جريدى والكـــــــروق

أبت حلفت تقوم للزينى تنقنق كبت الطايــــــــــــــــــــوق

ولى جدادتاً أبت تمرق من المطبخ وتطرد فيها بالحنقوق

حلاة جرماً مملح زين فـوق ناراً نجض مسلـــــــــــــــوق

حلاة الموية من الزير تشربها صاقطى بالشربــــــــــوق

و قراصة قمح حمرا ملاحة كتان ويكى والسبـــــــــروق

نحن لى قشها ولى ريحتو سِعد والتربى والمعيــــــــــوق

ولى صوت مراكبا البى تعدى تتسابق فى يوم الســـــــوق

ولى كلساً لبس ملفحتو شال مخلاتو علقا عالى فى كروق

يكورك لى خميس الريس أصلاً باقى ناوى مـــــــــــــروق

حليك يا بلد تاريخها ناصع إلا بس مســـــــــــــــــــــروق

لافى كتاب ولا تلفاز سمعنا بقصة الكرنــــــــــــــــــــــوق

بريدك يا ديار منصور واريد شمسك غروب وشــــــروق

حليلك يا بلد مرهونة لى ولداً صغير مطلـــــــــــــــــــوق

ما راعى الكبار والبقروا لا راى لا فهــــــــــــــم لا زوق

ترانا الفينا إتعرفت واريت حلفاك تقـوملـو عـــــــــــروق

وما تكون نفخة فى الفاضى ساكت واضرب خــــــــازوق

سماحة جمال صرحاً بلا فايدى زى مدفع زخيرتو دلـوق

وديون مردومة فوق ضهرك مضاعفة والربى الممحوق

سائل ربى صاقعة تجيهو وتلقى من الصباح مشقـــــوق

وللداير يرحل ناسا ليهو بقول ألحس ليهو كوعك ضوق

ولو قُدِر لحستو عديل شوفلك قمة عالية شديد واطلع فوق

ومنها نط على راسك وكان ما مت طلع مفلـــــــــــوق

عيد الكرة كم مرات وأخيراً أخير تموت مشنـــــــــوق

وكان مت برضوا ما بنرحل نسيب منجلنا والواسـوق

والبرحل يسيب مرتع صباهو البدرى زول ممحــــوق

ويستاهل يعانى يقاسى نار الحسـرة ليها يضــــوق

عليكم الله الكلام السمح دى قعد تجيبوا من وين انا اسعع جاتنى شعره ودايره ارجع البلد شكلوا حا تكون هناك هجره عكسيه

تسلم سامي ...

شكراً :

الجار عباس

الأخوات نجلاء ‘ سهام

من طرف **abuahmed** الجمعة 07 يونيو 2013, 3:49 pm

رائع يا سامي

واصل المشوار

abuahmed كتب:رائع يا سامي

واصل المشوار

شكراً يا زعيم على المرور والتشجيع

سلام ديار منصور .... وأشواق

سلام ديار منصور .... وأشواق

رد: سلام ديار منصور .... وأشواق

رد: سلام ديار منصور .... وأشواق

رد: سلام ديار منصور .... وأشواق

رد: سلام ديار منصور .... وأشواق

رد: سلام ديار منصور .... وأشواق

رد: سلام ديار منصور .... وأشواق

رد: سلام ديار منصور .... وأشواق