السيناريو القادم لوقف صرف مبلغ الترحيل

من طرف **خالد عابدين** الأحد 12 سبتمبر 2010, 3:54 am

كل عام وانتم بخير

بدأت تلوح في الافق ويتردد في هذه الايام بأنه سيتم صرف مبلغ الترحيل لمناصير الخيار المحلي وهو مبلغ قدره 1500 جنيه لست اعلم بتفاصيله التي اوردها البعض بانه عباره عن 800+500 ترحيل + اعاشة .
المبلغ سيتم صرفه من المبلغ الموجود في حساب الولاية -مستحقات المناصير وسبق ان دارت اشاعات بان المبلغ تم تسليمه لبنك المزارع فرع الكاب يوم وقفة عيد الفطر الا ان مديره الاستاذ فنان نفى ذلك واكد بانهم غير معنيون بهذا الاجراء وان الولاية ساعة الصرف هي التي تقوم بذلك بواسطة اتيامها وصرافيها وموظفيها
مايهم - ان صرف هذا المبلغ قد اقترب حسب المعطيات وعلى الرغم من ان نتائج كشوفات الاستئنافات التي اكدت الولاية انها تنتظرها لم يعلن عنها - اللهم الا ان يكون تم تسليمها للولاية بطريقة سرية - او ان الولاية تريد صرف المبلغ للمتواجدين حاليا بالخيار المحلي وحسب جديث البعض بان صرف المبلغ سيتم حسب صرف كشوفات القمح الماضية الذي اتى به النائب واشتهر ب(قمح حمداني )

في الحوار الذي تم مع رئيس اللجنة التنفيذية للمتاثرين في هذا المنتدى ذكر بأنه قابلوا مستشار الرئيس نافع علي نافع وطلب منهم سرعة البدء في الصرف طالما هنالك مبلغ مودع في الولاية - فطلبوا منه اعتبار المبلغ الاول في الصرف - مبلغ ترحيل اسوة بالذين هاجروا -فوافق على ذلك وتم اخطار الوالي بذلك .

السيناريو القادم سادتي هنالك جهات حاليا لا يعجبها العجب ولا الصيام في رمضان - هذه الجهات المنصورية ظلت تكرر وتردد بان اللجنة فشلت وان اللجنة تمرر اجندة ادارة السد وانه ليس هنالك صرف . - لايهمنا اللجنة فشلت او نجحت فلها مجلس متاثرين من المفترض ان يقوم بدوره كاملا
لكن مايهم هو الصرف - فما ان بدأت تلوح في الافق نذر صرف مبلغ الترحيل - الا وسارع هؤلاء بان اعلنوا بان اي من يستلم هذا المبلغ سيتم ترحيله من طرف الحكومة - لا - بل اعلن بعضهم صراحة بانه سيقوم بتكسير منزل اي شخص صرف هذا المبلغ ومغادرة المنطقة - يعني بالواضح - فلوجة جديدة ولكن لاجل ترحيل المناصير ومنع هؤلاء البسطاء من استلام اي تعريفة من حقوقهم
السيناريو الذي يتم اعداده اليوم يقوم على خلق فوضى وتفلتات داخل وحول مراكز الصرف حتى يلملم موظفوا الولاية اوراقهم ويعودوا من حيث اتو باموالنا لترجع لادارة السد مرة اخرى - ويقفل المحضر نهائيا بأن مناصير اللاخيار قد اختاروا الكجار والحجار- ويضحك الشيخ الملتحي فرحا بتحقق المراد

ماعلاقة هؤلاء بالحكومة ومتنفذيها من المستثمرين في المباني المتصدعة الي النطيحة وما اكل السبع
وما علاقتهم وهم يشنون حملة لاهوادة لها على الحكومة في نهار رمضان ويجلسون على موائدهم ساعة الافطار ويطلبون منا التحرك وعدم الانتظار
اصبح من الغريب ان ترى الانتماءات الحزبية المختلفة الصارمة في الظاهر تتألف قلوبها وتتلاقى في مكان واحد هو خصم اهلهم والجلاد والسمسار المبشر الذي يريد مدخلا للاستثمار
وما علاقة من هاجر واختار وظن انه احسن الاختيار من غير ارهاب او اجبار - ماعلاقته بما يحدث في مناطق الخيار المحلي من صرف او عدمه - حتى يؤكد البعض بانهم تحالفوا مع من سيقتلعون حقوق الخيار المحلي من لجنة المتاثرين - لاحظ الحقوق طرف لجنة المتاثرين وليس طرف ادارة السد او وزارة المالية او الولاية - أو حتى طرف السيد وزير الدفاع !!!!!
ياصاح لقد امتلكت منزلا وحواشة واقساط فلماذا تحشر انفك فيما لايخصك - هل ذلك حنية ام شماته ؟

ايها الناس - اذا قدر ونجحت رؤوس الفتنة في مخططاتها بمنع المساكين الحيارى من صرف جزء يسير من حقوق ضخمة طرف الحكومة فابشروا - بحقوق تاتي لكم بعد ذلك لانه سيكون قد .......
تم قفل هذا الملف نهائيا

الاخ خالد شكرا علي هذا البوست واطمئنك ياسيدي ان المواطن اصبح واعي ويستطيع ان يقيم الصحيح من الخطأ كما انه اصبحت لديه تجربه ودرايه باالذين يسعون وراء الفتنه لاجل مكاسب حزبيه او أحقاد علي اصحاب الخيار المحلي اما انهم يستطيعون اثاره البلبله فحفظ الامن هو مسؤليه الدوله كما ان المواطنين قادرون علي تعريه امثال هؤلاء كما سبق وتم ذلك من قبل المواطن الان اصبح الخيار المحلي واقع معاش ويجتهد في ارجاع الحياه الي سيرنها الاولي كما ان هذا المبلغ حق من حقوق المواطن كيف يعقل من يطلب المواطن ان لايصرف هذا الحق ؟؟؟ أما ان كانت للجنه أخطاء فليس المواطن الذي يدفع الثمن اللجنه هناك من يحاسبها ويطالبها باالشفافيه وهو كما ذكرت مجلس المتأثرين وعلي هؤلاء قبول التحدي المتمثل في الجلوس مع القواعد لتيصيرهم وان يمهدوا الي عقد مثل هذه الجلسه وان يحضروا مستنداتهم وحججهم ( المتهم بريء الي ان تثبت أدانته) ومبدأ المحاسبه والشفافيه لايرفضه الا من هو متورط في الفساد كما ان أطلاق الحديث علي عواهنه لايصدر الا من صاحب غرض
الاخ خالد شكرا علي هذا البوست ولاتشيل هم كما ذكرت لك كل أناء بما فيه ينضح والمواطن اصبح واعي جدا وله خبره وأصبح يميز بي بين ماهو نافع وبين ما هو ضار ومن له غرض كما ان طريقه الشيوخ في طريقها الي الزوال بمعني التابعيه الي فلان او علان وانما أتباع الحق والحق أبلج وواضح
الا من اراد غير ذلك . نسأل الله العلي القدير ان يبعد عن اهلنا كا من له غرض وان يجعل كيده في نحره أمين يارب العالمين أما ان كان هناك من يري ان هذا يحسب ككسب للجنه وللسيد النائب فليكن ذلك وهذا هو المطلوب والمأمول ان يحقق السيد النائب مكاسب الي اهله وان تنجح اللجنه في تحقيق جزء من المكاسب وان توفي الحكومه هذا ما نريد وهذه خطوه في الطريق الصحيح ونطالب بتجويد الاداء والشفافيه في القادم والذي لنا فيه رأي ان النقاش يجب ان يكون في المنهج الذي يجب ان يتبع وليس في الاشخاص في حاله النجاح في وضع منهج تمهيدا ليكون نظام مقنن هو الذي ننشد وليس أتباع أشخاص الافراد هم بشر والنفس أماره باالسؤ لذا ليس من العقل ولامن الحكمه ان تترك الامور الي أفراد ليديروا الامر حتي وان كانوا صادقين في بدايه الامر من الذي يضمن أنهم لايتغيروا( لايوجد شخص معصوم اما حكايه الاجتهاد فنقول لايعلم بحقيقه النوايا الا الله سبحانه وتعالي لذا فلنحتكم الي قوانين البشر )
مبدأ الشفافيه والمحاسبه لابد منه أن اردنا ان نخطو ونجود عملنا ونبعد أصحاب الغرض

من طرف **منوفلى** الأحد 12 سبتمبر 2010, 6:38 pm

شكرا المدير-شكرا هندسة

1 الخيار المحلي أصبح واقع ملموس
2 بداية السيل قطرة.. لازم أهلنا يمسكوا مبالغ الترحيل أسوة بالذين رحلوا
3 إذا كان قالوا ليهم.. من إستلم مبلغ الترحيل حا يرحلوه.. لا. هذه فرية. مكشوفة
4 لين القناة كتكتيك.. مطلوب..الناس الذين استلوا هذا المبلغ من براثن الأسد يشكروا..على مجهوداتهم وهو بداية خير في التجاوب
5 إنتهى عهد الإرهاب على المساكين والبسطاء والمحرومين
6 هنالك إرهاب كان قد مورس على أهلنا في تكسير بيوتهم.وغيره. قد يكون ذلك في وقته ضروري..على قساوته لتثبيت الخيار المحلي.. اما الآن فلن يتكرر السيناريو
7 على الدولة بسط الأمن من المتفلتين الذين يرهبون البسطاء
8 تأمين منطقة الصرف بقوة كافية.. ولا يبدأ في الصرف إلا بعد اللجنة الشعبية تطمئن على النواحي الأمنية حتى لانعطي ذريعة للجنة الصرف عشان ما تلملم أوراقها وتقول ما قدرت أعمل مع الغوغاء والترهيب.. على كل الحادبين على مصلحة اهلهم تأمين منطقة الصرف.. بتشكيل درع واقى مع الشرطة. ليتمكن أهلهم من صرف هذا المبلغ.. وهو مبلغ حسن النوايا. له ما بعده من التواصل المثمر.. والحرب كر وفر
9 تقديم كلمة شكر من شخص يجيد فن الحديث بدون غلواء أو دخول في تفاصيل مثيرة. يشكر فيها كل ما ساهم في أن يصل هذا المبلغ لايادي أهلنا
10 تفويت الفرص على المناوشين.. ووضعهم أمام القانون إذا بدرت اي محاولة لتخريب
11 على المعتمد بسط سلطاته الأمنية وفرض هيبة الدولة..مهما كان.. لابد من قانون
12 عندما تكون أنت على حق.. حتى الذي يحب أن يعاديك يخجل من وضوح الحق وقوة المنطق وتجد من يساندك ويقف معك.. وتسمتد قوتك من الحق نفسه.... ولكن هنا لايوجد اي حق في حرمان البسطاء من إستلام حقهم. وبالتالي سوف يجد المرجفون فرصة في شرخ الصف، وهذا هدفهم. وسوف نعاد الى المربع الأول.. بعد أن سبحنا عكس التيار لمسافات بعيدة.. وصار لنا متعاطفين ومحبين ومشفقين.. ومساندين ومعجبين حتى..
حفظ الله أهلنا وغطى عليهم..

من طرف **حازم** الأحد 12 سبتمبر 2010, 8:17 pm

مبلغ ترحيل اسوة بالذين هاجروا -فوافق على ذلك وتم اخطار الوالي بذلك . د

lمشكور مديرنا خالد
بس لدي سؤال لهذا الخبر الجميل مبلغ الترحيل الذي ذكرته . الي اين سيتم الترحيل ؟ ثانيا لماذا لايكون هذا المبلغ جزء من الاستحقاق وليس الترحيل الذي لانعرف الي اين سيرحلوا اهلنا ؟؟؟؟ ولك الله يادياري

من طرف **ابوحجل** الأحد 12 سبتمبر 2010, 9:15 pm

الاخ خالد كل عام وانتم بخير
فليكن الضرورى الان ان تظهر كشوفات الاستئنافات حتى لايكت التشتت
ولماذا الترحيل اين بقية الحقوق والمستحقات مادايرين تجزا ومراحل

lمشكور مديرنا خالد
بس لدي سؤال لهذا الخبر الجميل مبلغ الترحيل الذي ذكرته . الي اين سيتم الترحيل ؟ ثانيا لماذا لايكون هذا المبلغ جزء من الاستحقاق وليس الترحيل الذي لانعرف الي اين سيرحلوا اهلنا

يعني حاجة كدة.. سبب.. إسم... مسمى وهمي.. بند عشان يسجل في الدفاتر.. لو قلنا جزو من الحقوق راح يقولوا نسبتها كم..؟ وراح يضربوها في المائة.. ويقولوا... ايوااا راح تدونا حقنا كده؟ ما دايرين.. نرفض..
هي مخرج.. عشان يدوا الناس عيدية.. يطروهم في العيد..
مافي ترحيل بس بند كدة..
يعتبروك رحلتا وجيت..يعني قاعد في محلك ورحلتا.. عشان يكتب في الورق شئ..
يعني فاتحة خير

من طرف **حازم** الإثنين 13 سبتمبر 2010, 12:06 am

شكرا ياهندسه علي كلماتك الرائعه
واطمأنك بأن ناس البلد اصبحوا فاهمين ومدركين تماما بملف حقوقهم واستحقاقهم ؟
وهم ادري بحالهم ويعلمون تماما امور حياتهم
فالذي يريدونه وينون عليه نحن كأبناء منطقه نقف خلفهم ؟
وربنا يوفق الجميع ويمكنهم من نيل استحقاقهم .
وانا لي رأي ولكن الان اقف معهم والذي يقررونه يحتم علينا الانصياع له وبكل رضاء .
ولك ودي ياقامة بلادي الرائعه
والسلام حازم

من طرف **ALIHADOWRY** الإثنين 13 سبتمبر 2010, 1:13 am

اعجبتني مداخلة الاخ ابو حجل بالسؤال عن الحقوق طبعا الحقوق راحت فضل بدل الترحيل الرحيل الى اماكن اختارها سيد اللجنة التنفيذية والمهجرين انة الملك وزير السدود والكهرباء ياخالد نحن عارفنوا ملك من البداية ناس الخيار المحلى عرفوا بعد ان جلبت لهم اللجنة التنفيذية بدل الترحيل الى الفيافى والصحراء كما يقول اخى ود الخبير يعنى بالعربى اللجنة صارعت بكم حتى قبولكم الاغاثة لكى يعفى منسوبيها من اموال مستقر والجزور ثم صرفت لكم الترحيل لترحلوا.

كثيرا مارددنا بان نجاح قضايا المهجرين تعتمد على القدرات المالية للمتأثر وهذا لايتأتى الا بصرف التعويضات الخاصة والعامة والفردية والتى اقرها المناصير عام2004 بكل من مناطق برتى والجزيرة شرى وكبنة اما موضوع بدل الترحيل المشار الية فانا ارى ان هنالك خطاء جسيما من بعض المتداخلين لانهم اعتبروة انجازا فكيف يكون كذالك بعد ان تم اذعان الناس لللاغاثات كما اننى لاحظت ان هنالك قصورا فى فهم بقاء المناصير حول البحيرة لان متأثرىمنطقة الحمداب استلموا تعويضاتهم كاملة بما فيها الترحيل ولم يرحلوا وهم الان بمنطقة كولقيلى بالحمداب القديمة كما ان متأثري امرى صرفوا تعويضاتهم كاملة ولازالت اعداد كبيرة منهم بمناطق الهادياب وحوش الملك ودار حسان والبانة ولم يتم طردهم بواسطة الحكومة الى مناطق اعادة التوطين ان خطاء البعض انهم يخلطون مابين قانون اعادة التوطين وقانون التعويضات وامثال هؤلاء يتبنون فكر اللجنة الذى يقول انا انجزت لكم الخيار المحلى مقابل التخلى عن كل التعويضات لان غالبية اعضاء اللجنة تنازلوا عنها فى قانون 99و 2003 و2006 وعلية فاننا نعتبر ان الرحيل للمكابراب ليس انجازا والتهجير الى نمرة 10 لايعتبر اعجازا والبقاء حول البحيرة ليس ببطولة كما انا لااعرف لماذا يفرق الناس بين اسامة عبداللة ونافع على نافع وحكومة الولاية فهم جميعا شبكة واحدة يجمعهم تنظيم واحد وحكومة واحدة ومن يقول غير ذالك فهو شخص قاصر سياسيا: مالكم كيف تحكمون

بدءا كل عام وانتم بخير وتحية خاصة لجميع الاخوان الاعزاء الذين مروا من هنا وسطروا ملاحظاتهم واراؤهم لما ذكرناه في الموضوع اعلاه - ولقد كتبت ردا يوم امس وقبل الضغط على الارسال انقطعت الكهرباء وتكرر الموقف ايضا ظهر اليوم - فعذرا
وابدأ
بالباشمهندس هاشم - شكرا على التوضيح الواضح وفعلا اهلنا هنالك واعين بمافيه الكفايه ويعلمون بمصالحهم ولاشيء يخيفهم طالما هم على الحق وفي اراضيهم

- منوفلي - شكرا على تسجيل المرور

- الباشمهندس صديق ابحنة - صراحة اعجبتني دستة الملاحات الصريحة
ولايستطيع احد اجبار احد على المغادرة لاستلامة جزءا من المستحقات - وقد علمنا ان المحلية اعدت عدتها لتامين اماكن الصرف

الاخ حازم - ومن قال ان مبلغ الترحيل لاجل الترحيل واذا افترضنا ذلك - فالغالبية قد هاجرت من منازلها القديمة الي الاعالي وقمم الجبال داخل الخيار وهنالك من هاجروا الان وسكنوا داخل مباني ام سرح
أو ليس هذا رحولا ؟
بعدين ياحازم - هنالك مواطنين صرفوا حقوقهم سابقا واستلموا حواشاتهم ومنازلهم في المكابراب ومازالوا يسكنون في الخيار المحلي والجميع يعرفونهم باسمائهم - مازالوا يعيشون في امن وامان ولم يطردهم احد بسبب صرفهم - لاحكومة ولامواطنين من اصحاب الخيار والاختيار
المبلغ جزء من الاستحقاقات حسب ما اورده الاخ الرشيد نقلا عن اللواء عثمان خليفة - عضو لجنة الصرف
كذلك اتفق مع رد المهندس صديق ابحنة بخصوص مسمى المبلغ

- الاخ ابوحجل - كلنا نامل ونتمنى - ولكن مانيل المطالب بالتمني - ولكن .......

الاخ علي حدوري - فيافي شنو يازول - صح النوم - بعدين انت ياخ نحن نتكلم في الحقوق تقول لي الجذور ومستقر - انا شن عرفني بيهن ديل كمان ؟
ومن قال لك ان الحقوق قد راحت على ناس الخيار المحلي وتبقى الترحيل - أوع تقول لي الملك ؟
الاخ الطيب - نحن هنا نتحدث عن حقوق جاءت مجزأة لابد من استلامها ولا نتحدث عن انجازات
وطال الحديث عن الاغاثة وما ادراك
الاغاثة ياسيدي جاءت نتيجة الاغراق الكارثي الفجائي الذي حدث للمناصير ظنا منهم بانهم يغادرون كما الفئران
ولولا ذلك لهلك الحرث والنسل واصبحت دار منصور بورا بلقعا وارضا زراعية تصلح للزراعة مسمدة بالجثث البشرية والحيوانية
لاتستهزؤا - في كل دول العالم - اي منطقة تقع تحت اوضاع كارثية مأساوية تتم ارسال الاغاثات لها -
وحتى اهلنا الذين هاجروا في بدايات ايام التهجير الي المكابراب وعلى الرغم من وجود المنازل الجاهزة بكل شيء حتى البوتجاز والمواد التموينية كان يتم اطعامهم بالبستلة ويصرفون الطعام من الخيمة عند سماعهم لجرس الطعام
- في المناصير ايضا من استلم وصرف وذكرت الكلام في هذا الرد ولم يتم طرده لامن الحكومة ولا من المواطنين -
لكن مايحير هنالك من لم يستلم هللة او منزل او حواشة وذهب الي مناطق اعادة التوطين متنقلا في املاك غيره - قلبي على هؤلاء المساكين
وماذكرته يجاوب على ماذكر بخصوص ان صرف المبلغ يعني الترحيل - ماهو في ناس صارفه ونايمة - في زول طردهم ؟
اما ماذكرته عن قوانين تعويضات وتوطين وغيرها - نحن لا نعرف هذه القوانين ولانعترف بها - والقوانين من صنع البشر وليست منزلة يصنعها البشر لتواكب متطلباتهم ويغيرونها ويبدلونها كما الملابس الداخلية - ودونك دستور السودان
نحن نعرف ارضنا ارض المناصير - ارض التضحيات - وتثبيت الخيار المحلي بطولة يجب ان تسطر باحرف من نور في سجل الخالدين وتحكى للاجيال ليعرفوا عظمة الاباء والاجداد
الفرق شاسع بين هذا وذاك على الرغم من انهما يجمعهما سقف واحد - ولكن ياعزيزي الفاضل تاتي القبيلة دائما لتفرق الاحباب في هذا السودان وكذلك المصالح الخاصة وتكبير الكيمان - في سبيل الوصول الي اقرب نقطة للقمه الغمه

من طرف **ALIHADOWRY** الثلاثاء 14 سبتمبر 2010, 6:02 am

الاخ خالد عابدين كل سنة وانت طيب اسفى على بلدى لم اكن اعلم بانك لاتعلم بشركة مستقر ومنظمة الجذور اخى لا اعلم كيف تتفهمون الامور الحكومة قالت دة بدل ترحيل وفق ستندات الحكومة هو بدل ترحيل سواء اخبركم اللواء او .. يعنى ماتقولة الحكومة هو الصحيح صرفت بدل الترحيل لو جات موجة غراق سوف تسأل فتقول صرفت لهم بل الترحيل ولكنهم قوما ماكرون لم يرحلو.

عزيزى الطيب . كل عاما بخير .
مع احترامى لخبراتكم بمثل هذه الاعمال والله لا اوافقك الرأى فى :
*اطلاقا لايعتمد نجاح القضايا على القدرات المالية فى البداية بل العزيمة والاصرار والذكاء وغيرها .
*والاغاثة لا تعنى القصور وقبولها لا يعنى الاستسلام . مقارنة بما شاهدناه فى الدول النامية والمتطوره .
*فالمقارنة بامرى فانها ضحت بارواح من ابنائها ونحن الحمد لله ليس ببعد . وفُشلت بلاغاتهم فى ذلك بصورة بلدية جدا . اما الحامداب الشمال البحيرة هذه حياه يفضل منها الرحيل لبيوضة . غير ان لهم زمان مع اكتمال (القشر ) سيُرحلو قسريا .(والايام تُبين).
والبقاء حول البحيرة والله قمة البطولة وسقفها .ويحك تقل عكس هذا ؟ .
بل الشكر اجزلة لكل من اقترح او ضحى بذرة من اجل ان تكن المناصير .
*اما الفرق بين اسامة ونافع وحكومة الولاية طالما السياسة والحزب والنهج واحد والحال لا يخفى عليهم ولا احد سعى فى الحل فعندنا كلهم واحد وعندنا مثل قديم يقول : (التوم ريحتو واحدة). فهذا مستشار وهذا والى لا يضير ذلك اهلنا شيئاً .
___ اخى على حدورى (تفاءلوا الخير تجدوه ) .
ولكـــــــــــــــــــــــــــــــــــــم كـــــــل احترامــــــــــــــــــــــــــــــــــــــــــى .

من طرف **ALIHADOWRY** الثلاثاء 14 سبتمبر 2010, 6:11 pm

اخى النذير كل سنة وانت طيب والمتداخلين فعلا التوم ريحتوا واحدة وانشاء اللة تلقوا فالكم

الاخ علي حدوري
نحن حقنا عند التوم دا زاتو
اها قبل مايعفن ويكرمش اخير نشيل نصيبنا
نحن ياحدوري يعني ننتظر مثلا يجينا وسيط من الامم المتحدة يجيبلنا حقنا من التوم اقصد الحاكومة -
ماهو اهلنا الرحلو استلموا حقهم من ادارة السد مباشرة
وادارة السد يعز عليها ان تسلم حقوق اهل الخيار المحلي في مناطقهم لأنها من زمان قالت لايوجد خيار محلي وصدقها البعض وكذبها الاغلبية ، لذلك لا زالت ترفض وتحيك الفتن والبلاوي لوقف الصرف اي كان نوعه
وان كان اصلا هذا المبلغ المقرر صرفه في هذه الايام والمسمى بدل ترحيل او قسط ترحيل - ان كان هذا المبلغ مخططا له ليوقع اهلنا في الفخ وان كل من وقع او بصم باستلام المبلغ فانه سيتم ترحيله - إذن لماذا تجننت ادارة السد من هذا الاجراء وتحاول في هذه اللحظات مع الولاية كماورد ايقاف الصرف باي طريقة

اطمئنوا يا ناس من يتوكل على الله فهو حسبه . انتو كمان ما تحكوها شديد كدى لامن تجيب الدم .
ويا خالد الامور فى البلد ماشى تمااااااااااام بس عين الحسود فيها عود وعين المرة فيها اره وعين الراجل فيها مناجل .
وعاد السوق الجايى الحِلل رِكبى والتكاع يلخم والمعنويات فوق وفى بلدنا وفوق عزنا ومين زينا .

من طرف **منوفلى** الأربعاء 15 سبتمبر 2010, 3:56 am

خالد كتب :
بعدين ياحازم - هنالك مواطنين صرفوا حقوقهم سابقا واستلموا حواشاتهم ومنازلهم في المكابراب ومازالوا يسكنون في الخيار المحلي والجميع يعرفونهم باسمائهم - مازالوا يعيشون في امن وامان ولم يطردهم احد بسبب صرفهم - لاحكومة ولامواطنين من اصحاب الخيار والاختيار
المبلغ جزء من الاستحقاقات حسب ما اورده الاخ الرشيد نقلا عن اللواء عثمان خليفة - عضو لجنة الصرف

lol!

لماذا لم يطردهم ويهدم منازلهم الذى طرد وهدم نازل آخرين منهم صرفوا وآخرين لم يصرفوا
lol!

المبلغ جزء من الاستحقاق وحسب قول الرشد !!!!!!!!!!!!
نقول ثم نقول :
ما لهذا عاهدناك يا لجنتنا
خيارنا محلي وحقنا كاش ؟؟؟؟؟؟؟؟؟؟؟؟
وهذا ما اوصلته اختنا المنصورية للبشير .....الشكر لها من هنا
(يا منوفلى تانى قمت على جنك).

من طرف **حازم** الأربعاء 15 سبتمبر 2010, 1:07 pm

يامنوفلي بعد ما عقلت وشايفك الايام الفاتت ماسك الدرب كويس ( شيء غنا وشيء نكات ... تاني قمت علي جنك ومناقرتك ...) اعمل حسابك المدير دا بيرفدك او يضعك في القائمه السوداء او تنفي الي جبال تورابورا ؟ ( اسعلنا نحن( عندي صاحبي دائما مايقول " كرهت حاجةً سيدها حي )
نحن يامنوفلي دايرين نتفق ونخلي المرارات ونسوي المرارات والمحدقات
بعدين يااخي الكتوف اتساوت وتاني مافي كرزار ولابكاي ولاهزاي كلنا في الهواء سواء
وربنا يعدل الحال ويقلل النفس الحار ونخلي الكجار
لك ودي ولكل الاخوان سلام
حازم

من طرف **ابو مصطفى** الأربعاء 15 سبتمبر 2010, 3:19 pm

يا جماعة الله كريم على المساكين انتو قالين شنو والله العظيم القروش دى قروش ترحيل والله غير جاى للناس الغلابة فى البلد خلى زول يجى يعارض او يقول الناس ما يصرفوا اوغيره والله العظيم انا نازل البلد يوم الخميس ومن ام درمان عكازى وسكينى معاى اضرب طوالى عكاز بلال عفن ؟؟؟؟

تحياتى
ابو مصطفى

يا منوفلى كلامك كلو صاح لكن ما عارف حازم ليه سايقك للمدير مع المهرجلين .
انا حاسى بى ردو ليك فيهو سطر ناقص لكن ما عارفو شنو . والمدير دا شكلو كدا صعب شديد من سماعاتو ديل .

منوفلى كتب: خالد كتب :

لماذا لم يطردهم ويهدم منازلهم الذى طرد وهدم نازل آخرين منهم صرفوا وآخرين لم يصرفوا

ليس المسؤول باعلم من السائل وياريت سؤالك توجهه للشخص المعني شخصيا

المبلغ جزء من الاستحقاق وحسب قول الرشد !!!!!!!!!!!!
نقول ثم نقول :
ما لهذا عاهدناك يا لجنتنا
خيارنا محلي وحقنا كاش ؟؟؟؟؟؟؟؟؟؟؟؟

ياربي القروش بتاعت الخميس قلبوها شيكات وحايصرفوها في الخيارات التانية ولا شنو ؟ لووول!!

حازم
؟؟؟؟؟؟؟؟؟

الطيب ابو مصطفى
والله كلامك ذكرني مقولة سيدنا عمر ابن الخطاب عندما اراد الهجرة
وعكاز بلال ده قصتو شنو؟

النذير تاني
ياخ بالغت عدييييييييييل

من طرف **ابو مصطفى** الأربعاء 15 سبتمبر 2010, 4:09 pm

بلال دا من ناس بونى بعدين زول صحته سمحة وكلما تكون فى مشكلة وهو زول نصيحة وزول حارة يدخل فيها اما فالق او فالقنه بى عصاية وبقى مثل الى يومنا هذا وما برضى الحقارة كل كله ؟؟؟

من طرف **حازم** الأربعاء 15 سبتمبر 2010, 4:46 pm

النزير صلح شغلك
ياالنزير منوفلي دا اصلوا مارق للربا والتلاف زينا دحين انت ماتوسخ ملفك متلنا
ويامنوفلي شوفلنا بصاره نمرق من الحصار الاقتصادي دا
اصلك زول بتاع مباصره وتعرف للنضم السمح

من طرف **الرشيد طه** الأربعاء 15 سبتمبر 2010, 6:34 pm

شكرا السيد المدير على هذا البوست

حازم كتب:

lمشكور مديرنا خالد
بس لدي سؤال لهذا الخبر الجميل مبلغ الترحيل الذي ذكرته . الي اين سيتم الترحيل ؟ ثانيا لماذا لايكون هذا المبلغ جزء من الاستحقاق وليس الترحيل الذي لانعرف الي اين سيرحلوا اهلنا ؟؟؟؟ ولك الله يادياري

الكلام الفوق ده كلام حازم والكلام التحت ده كلام الحكومة

من صحيفة التيار اليوم
كشفت اللجنة الإشرافية العليا لتعويضات الخيار المحلي بمحلية البحيرة بولاية نهر النيل من أصحاب الحقوق والمتأثرين من قيام خزان سد مروي، كشفت عن اكتمال الاستعدادات لإتمام عمليات الصرف النقدي للمتأثرين بنهاية الأسبوع الجاري. وأكد د. السعيد عثمان الشيخ نائب والي نهر النيل والرئيس المناوب للجنة تعويضات الخيار المحلي على شروعهم فعلياً في عمليات الصرف لتعويضات الخيار المحلي يوم الخميس المقبل بمقار الوحدات الإدارية (بشري، الكاب، كبنة وبرتي) بمحلية البحيرة، وقال إن التعويضات تمثل الجزء الأول من استحقاقات متأثري الخيار المحلي. من جانبه أوضح اللواء عيسى أحمد عمر معتمد محلية البحيرة وعضو لجنة التعويضات أن عمليات صرف حقوق المتأثرين ستستمر لمدة ثلاثة أيام قابلة للتمديد معلناً عن اكتمال كافة الترتيبات الإدارية والفنية بمواقع الصرف الأربعة. وتشير المتابعات إلى رصد حوالي (12) مليار جنيه لمقابلة استحقاقات نحو (8600) من مستحقي الخيار المحلي.
حازم الحكومة وليست اللجنة قالت هذا جزء من الاستحقاق كما طلبت اها ورينا رأيك شنو بعد ده ؟؟؟؟

صديق عبدالله علي أبوحنة كتب:1 عندما تكون أنت على حق.. حتى الذي يحب أن يعاديك يخجل من وضوح الحق وقوة المنطق وتجد من يساندك ويقف معك.. وتسمتد قوتك من الحق نفسه.... ولكن هنا لايوجد اي حق في حرمان البسطاء من إستلام حقهم. وبالتالي سوف يجد المرجفون فرصة في شرخ الصف، وهذا هدفهم. وسوف نعاد الى المربع الأول.. بعد أن سبحنا عكس التيار لمسافات بعيدة.. وصار لنا متعاطفين ومحبين ومشفقين.. ومساندين ومعجبين حتى..
حفظ الله أهلنا وغطى عليهم..

حفظك الله باشمهندس صديق كلام عقل من شخص صقلته التجارب والحياة .

حازم كتب:
اطمأنك بأن ناس البلد اصبحوا فاهمين ومدركين تماما بملف حقوقهم واستحقاقهم ؟
وهم ادري بحالهم ويعلمون تماما امور حياتهم
فالذي يريدونه وينون عليه نحن كأبناء منطقه نقف خلفهم ؟
وربنا يوفق الجميع ويمكنهم من نيل استحقاقهم .
وانا لي رأي ولكن الان اقف معهم والذي يقررونه يحتم علينا الانصياع له وبكل رضاء .

والسلام حازم

فتح الله عليك اخى حازم انا متأكد ان هذا الحديث من دواخل دواخلك ويعبر عما تحمله نفسك من حب وعزة للاهل لكن لكن لكن
تحياتى للجميع

مالى ارى العكاكيز دى كترت كده
الحكايه بقت فيها صرف يا سلمان الحومرى وعلى حدورى ومادام الشباك فتح الباقى هين ومادام الصرف فى شيرى وكبنه والكاب وبرتى
دى براها عزه
يجونا فى محلنا ومايهم القروش كم
وانا شايف الناس الماعندهم نفقه مايتعبوا يعدوا معانا فى ايام الشهر
وعشان نحن كلنا متشبعين ومتمسكين بارضنا ومافارقناها ومابنفارقها عشان قروش
كان شويه او كتيره ولو بصمنا او مضينا
نقبض ومابنقوم
بس انتو اطلعو منها
وتعالو بالباب نرحب بيكم ونقابلكم بالاحضان
وكما قال ولدنا النزير العبيد موعدنا سوق النعوفاب الجاى
عشان تعرفوا الفرق
بين سوق النعوفاب والدامر

من طرف **ابو مصطفى** الأربعاء 15 سبتمبر 2010, 7:27 pm

بكل طيب نفس وكل طيب خاطر انا عازم كل جماعة المنتدى من حدورى ومنوفلى والتحت الموية وفوق الموية والظاهرين والمندسين والبعاين بى الشباك والبعاين بى الطاقة والمندسى فى وسط الناس وحتى عمك حازم كبير القوم الذى علمهم السحر والله عازمهم فطور عند ودحمد فى سوق النعوفاب وانا خلاص متحرك الى ارض المناصير يوم الجمعة العصر وحصلونى والله اى زول القاه فى سوق النعوفاب عازموا فطور فى مطعم ودحمد شية بس ؟؟؟؟ رايكم شنو ما يهمنى جاى من المكابراب او الجن الاحمر المهم معزومين ؟؟؟
مليون ونصف حق الفطور فيها لكل الضيوف بارض المناصير فى سوق النعوفاب ؟؟

ابوك يا مصطفى

تحياتى

هيع
ابوك يامصطفى
تسافر وترجع بالسلامة انشاء الله

الطيب كل سنة وانت طيب
الشى تعزم كدى تقول داير تصرفلك 150مليوون مى الف وخمسمية جنية
ياخوى اكان الضويف كترو عليك اخوك قاعد برسللك رصيد

من طرف **منوفلى** الأربعاء 15 سبتمبر 2010, 10:01 pm

شكرا المدير الكلام الاخذته من تعليقك كان فقط للاستشهاد والسؤال للجميع والاجابه والادلاء ايضا للجميع وكنت راجي الشخص المعني براه يرد ؟
ياربي القروش بتاعت الخميس قلبوها شيكات وحايصرفوها في الخيارات التانية ولا شنو ؟ (ما فهمت ممكن تفهمنى) ؟
يا حازم كل شيء ولا يكون هذا المنتدي سيدو ميت او......
والحمد لله هذا المنتدي رئيسه حي ومراقب ونبطشيهو صاحى .
ويالنذير شايف المدير حذرك وقالك تااااااااااانى
هو انت ماك عارف المدير خالو موسى ابشنب (الlion)
وحازم اصلو كبير الفصل وقاعد في الكنبه الورا ومهرجل طبيعي ويطلع ورقة ويكتب اسمه واسمي بعد داك يسلمه للالفه ويقله اكتب باقي المهرجلون وامش طوالي سلمها وللمدير
واوع القائمة السوداء

عزيزي واستاذي : خالد اسعد الله اوقاتك .
حسب الاتصالات بالبلد الامور كلها علي مايرام . والناس في استعداد لصرف مبلغ الترحيل ولا توجد هناك اي علامات تدل علي رفض استلامه والناس رايهم واحد والحمد لله الناس اصبحوا في وعي تام كما ذكرت انت سابقا .
ونسأل الله ان يجعلها بداية خير . وأن ينزع الغل من قلوب ابنا القبيله الواحده ويوحد الصف هو القادر علي كل شي .

من طرف **خالد عابدين** الخميس 16 سبتمبر 2010, 2:43 am

اللهم آمين اخي النذير - شكرا لما ذكرته عن الوعي الحاصل في البلد - الغريبة التشكيك في المبلغ واسمه والتوقيع والبصمة وما ادراك أغلبه ياتي من هنا - عاصمة البخت دي
الشكر للاخوان الذين ادلوا برايهم وتعليقاتهم وان غدا لناظره قريب
ونتمنى ان ياتي اليوم الذي نقبض فيه جميع الحقوق الخاصة بالخيار المحلي وتكتمل فيه كل المشروعات الخدمية ويعم السلام والوئام
ونسمع صوت اذاعة محلية البحيرة وهي تصدح بسلامنا الجمهوري ونغمات عيسى حامد الحنينة والطروبة

اهــــــــــا يا اخوانا الصرف بدأ بوحدتنا الادارية (( شرى )) وشغل ساهــل . بس تشيل رقمك من اللجنة من بره وتخش طوالى تصرف وما فى تعقيدات نهائى الا شوية بس ناس التواكيل فى حرص وتدقيق .
والامر فى منتهى البساطة . واهلنا كمان زوقن عالى ( خش لا والله تخش انت )
وانتو يا خالد كيف حسب الاتصالات ؟

من طرف **حازم** الخميس 16 سبتمبر 2010, 10:58 pm

والله ياالنزير عندك جنس دراما ؟
د.اليسع سيحجز لك مكانا عليا ؟
يااخي الصرف للمقتدرين مسبط للهمم ومكسر للوجوه و مقلل للعزائم
فحديثك عنه زي حديث الرجل لمهر ابنته وسط الناس ؟+
لك ودي علي ابداعاعاتك الدراميه؟ واصدقك القول ان الذي يفرح اداره السد سنعاكسه مادام خياراتنا لم تبني ( دعك من الخيارات والله الزعله اللامه فينا من صور الغراق لاتفارق مخيلتنا الي يوم القيامه
لك ودي لأن قلبك ابيض وتنسي المرارات بسرعه ؟وربنا يدينا قلب زي قلبك الذي يسوده التسامح للماسح اعز مانملك
ولك ودي
حازم

من طرف **النفر** الجمعة 17 سبتمبر 2010, 5:53 am

الريس /خالد والأخوة المتداخليين :-
حيّاكم الله -نبارك لأهلنا بالخيار المحلى ببداية الصرف ونسأل الله بأسمائه العلى وصفاته الحسنى أن يعجل لهم بباقى الحقوق وان ينعم عليهم بالأمن والأمان ويكفيهم شرالعوز والحرمان- وكما يقولون بداية الغيث قطرة ..

من طرف **ود المناصير** الجمعة 17 سبتمبر 2010, 5:56 am

شكرا أستاذنا خالد وشكرا للجميع على هذا التناول الحي .. وكل عام وانتم بخير ونأسف للغياب فالعيد كان في الخلا و الشبكة زي الزفت وربنا يعظم الأجر ...
كل المنى وكل الأمل أن يجتمع الأهل على كلمة سواء ... صرف صرف .. فهناك من الأسر من ساءت حالتهم المادية وقبضوا على جمر القضية سنين عددا ولاكوا الصبر حتى عجز الصبر عن صبرهم
فنفذ جمرهم وبقي صبرهم والأشجار تموت واقفة ...
الإجماع أولا وتوحيد الصف أولا وتفويت الفرص على الأفاكين الطبالين أولا وبعدين الباقي ساهل ..

من طرف **ود المناصير** الجمعة 17 سبتمبر 2010, 5:59 am

شكرا أستاذنا خالد وشكرا للجميع على هذا التناول الحي .. وكل عام وانتم بخير ونأسف للغياب فالعيد كان في الخلا و الشبكة زي الزفت وربنا يعظم الأجر ...
كل المنى وكل الأمل أن يجتمع الأهل على كلمة سواء ... صرف صرف .. فهناك من الأسر من ساءت حالتهم المادية وقبضوا على جمر القضية سنين عددا ولاكوا الصبر حتى عجز الصبر عن صبرهم
فنفذ جمرهم وبقي صبرهم والأشجار تموت واقفة ...
الإجماع أولا وتوحيد الصف أولا وتفويت الفرص على الأفاكين الطبالين أولا وبعدين الباقي ساهل ..

من طرف **ود القيايل** الجمعة 17 سبتمبر 2010, 1:56 pm

السلام عليكم
الموضوع دا مابركب لي في رأسي
الداير يصرف اليصرف والداير يبيع حقو ويغرق حق اجدادوا مايعمل لينا دعايه وخسموا كارس
الطبيل ماليهو داعي وتعالوا شوفوا ناس زمرواي وجماعتوا ناس اداره السد يسوا في شنوا في مراكز الصرف ؟

من طرف **خالد عابدين** الجمعة 17 سبتمبر 2010, 3:29 pm

الاخ ود المناصير
كل عام وانتم بخير وربنا يحقق الاماني
فعلا ماينقصنا هو عدم الاجماع التام بسبب شخصنة القضايا والانصراف لاشياء انصرافية لاتقدم بل تزيد في الانشقاق - نحن نتناسى قضيتنا الرئيسية بسبب فلان قال وعلان عمل - تعالو نوحد سياستنا الخارجية وبعدها نتفرغ لداخل البيت

استاذنا النفر
شكرا لك
آمين يارب العالمين
نسال الله ان يوحد الكلمة وينصرنا على من عادانا انه نعم المولى ونعم النصير
ونرى اهلنا جميعا كأحسن ماكانوا وقد استلموا كافة حقوقهم وباشروا مشاريعهم

ود القيايل كتب:السلام عليكم
الموضوع دا مابركب لي في رأسي
الداير يصرف اليصرف والداير يبيع حقو ويغرق حق اجدادوا مايعمل لينا دعايه

ياريت ياود القبايل الدار يصرف يصرف والماداير يصرف برضو ان شاء الله مايصرف ومايعمل لينا دعاية .

ود القيايل كتب:الطبيل ماليهو داعي وتعالوا شوفوا ناس زمرواي وجماعتوا ناس اداره السد يسوا في شنوا في مراكز الصرف ؟

عملوا شنو؟ يكون جابو الدفارات للترحيل ياربي

من طرف **الرشيد طه** الجمعة 17 سبتمبر 2010, 5:55 pm

هاشم علي الجزولي كتب:اطمئنك ياسيدي ان المواطن اصبح واعي ويستطيع ان يقيم الصحيح من الخطأ كما انه اصبحت لديه تجربه ودرايه باالذين يسعون وراء الفتنه لاجل مكاسب حزبيه او أحقاد علي اصحاب الخيار المحلي

صديق عبدالله علي أبوحنة كتب:الخيار المحلي أصبح واقع ملموس
بداية السيل قطرة..
إذا كان قالوا ليهم.. من إستلم مبلغ الترحيل حا يرحلوه.. لا. هذه فرية. مكشوفة
إنتهى عهد الإرهاب على المساكين والبسطاء والمحرومين
..

حازم كتب:
اطمأنك بأن ناس البلد اصبحوا فاهمين ومدركين تماما بملف حقوقهم واستحقاقهم ؟
وهم ادري بحالهم ويعلمون تماما امور حياتهم
فالذي يريدونه وينون عليه نحن كأبناء منطقه نقف خلفهم ؟
وربنا يوفق الجميع ويمكنهم من نيل استحقاقهم .
وانا لي رأي ولكن الان اقف معهم والذي يقررونه يحتم علينا الانصياع له وبكل رضاء .
والسلام حازم

خالد عابدين كتب:
نحن نعرف ارضنا ارض المناصير - ارض التضحيات - وتثبيت الخيار المحلي بطولة يجب ان تسطر باحرف من نور في سجل الخالدين وتحكى للاجيال ليعرفوا عظمة الاباء والاجداد
الفرق شاسع بين هذا وذاك على الرغم من انهما يجمعهما سقف واحد - ولكن ياعزيزي الفاضل تاتي القبيلة دائما لتفرق الاحباب في هذا السودان وكذلك المصالح الخاصة وتكبير الكيمان - في سبيل الوصول الي اقرب نقطة للقمه الغمه

النذير العوناب كتب:
والبقاء حول البحيرة والله قمة البطولة وسقفها .ويحك تقل عكس هذا ؟ .
بل الشكر اجزلة لكل من اقترح او ضحى بذرة من اجل ان تكن المناصير .
(تفاءلوا الخير تجدوه ) .
ولكـــــــــــــــــــــــــــــــــــــم كـــــــل احترامــــــــــــــــــــــــــــــــــــــــــى .

خالد عابدين كتب:
وادارة السد يعز عليها ان تسلم حقوق اهل الخيار المحلي في مناطقهم لأنها من زمان قالت لايوجد خيار محلي وصدقها البعض وكذبها الاغلبية ، لذلك لا زالت ترفض وتحيك الفتن والبلاوي لوقف الصرف اي كان نوعه

(الحاج شرف) كتب:
دى براها عزه
يجونا فى محلنا ومايهم القروش كم
وانا شايف الناس الماعندهم نفقه مايتعبوا يعدوا معانا فى ايام الشهر
وعشان نحن كلنا متشبعين ومتمسكين بارضنا ومافارقناها ومابنفارقها عشان قروش
كان شويه او كتيره ولو بصمنا او مضينا
نقبض ومابنقوم
بس انتو اطلعو منها
وتعالو بالباب نرحب بيكم ونقابلكم بالاحضان
وكما قال ولدنا النزير العبيد موعدنا سوق النعوفاب الجاى
عشان تعرفوا الفرق
بين سوق النعوفاب والدامر

ابو مصطفى كتب:بكل طيب نفس وكل طيب خاطر انا عازم كل جماعة المنتدى من حدورى ومنوفلى والتحت الموية وفوق الموية والظاهرين والمندسين والبعاين بى الشباك والبعاين بى الطاقة والمندسى فى وسط الناس وحتى عمك حازم كبير القوم الذى علمهم السحر والله عازمهم فطور عند ودحمد فى سوق النعوفاب وانا خلاص متحرك الى ارض المناصير يوم الجمعة العصر وحصلونى والله اى زول القاه فى سوق النعوفاب عازموا فطور فى مطعم ودحمد شية بس ؟؟؟؟ رايكم شنو ما يهمنى جاى من المكابراب او الجن الاحمر المهم معزومين ؟؟؟
مليون ونصف حق الفطور فيها لكل الضيوف بارض المناصير فى سوق النعوفاب ؟؟
ابوك يا مصطفى
تحياتى

النذير العوناب كتب:
حسب الاتصالات بالبلد الامور كلها علي مايرام . والناس في استعداد لصرف مبلغ الترحيل ولا توجد هناك اي علامات تدل علي رفض استلامه والناس رايهم واحد والحمد لله الناس اصبحوا في وعي تام كما ذكرت انت سابقا .
ونسأل الله ان يجعلها بداية خير . وأن ينزع الغل من قلوب ابنا القبيله الواحده ويوحد الصف هو القادر علي كل شي .

خالد عابدين كتب:
الغريبة التشكيك في المبلغ واسمه والتوقيع والبصمة وما ادراك أغلبه ياتي من هنا - عاصمة البخت دي
ونتمنى ان ياتي اليوم الذي نقبض فيه جميع الحقوق الخاصة بالخيار المحلي وتكتمل فيه كل المشروعات الخدمية ويعم السلام والوئام
ونسمع صوت اذاعة محلية البحيرة وهي تصدح بسلامنا الجمهوري ونغمات عيسى حامد الحنينة والطروبة

نختم هذه المقتطفات المنتقاة من احاديث ومداخلات الاخوان فى هذا الموضوع الذى اقام الدنيا ولم يقعدها واصبح حديث المجالس والشغل الشاغل بحديث شيخنا النفر جزاه الله خيرا :-

النفر كتب:
حيّاكم الله -نبارك لأهلنا بالخيار المحلى ببداية الصرف ونسأل الله بأسمائه العلى وصفاته الحسنى أن يعجل لهم بباقى الحقوق وان ينعم عليهم بالأمن والأمان ويكفيهم شرالعوز والحرمان- وكما يقولون بداية الغيث قطرة ..

والله أنا استغرب كثيرا للإخوة الذين يقولون للناس ماتصرفوا ؟؟
طيب ماهو حلكم الناس ترفض الصرف والقريشات تمشي طوالي للتماسيح الفاتحه خشوما منتظرة هذه الفرصة .
طيب في سؤال هل ممكن تكون قصة الصرف دي كلها مفبركة والغرض منها خداع الناس الذين ضحو لهذا السودان ؟؟
في ذلك اليوم سوف يكون قرع النحاس والجهاد ابو راس وقعر جاء زمنو والله العظيم لو الحكومة دي ولا إدارة السدود ومن عاونها يبحثوا الفتنة معانا حباب الموت والله يشوفو شي من الله خلق السودان ده ماشافوا
والله يكضب الشينة

من طرف **ALIHADOWRY** الجمعة 17 سبتمبر 2010, 7:18 pm

الاخ فارس هل تم بناء الخيار المحلى حتى يتم صرف بدل الترحيل الكرزايات لمن صرفوا بيوت مبنية وقروش مليارات ليه انت الجاهد فى حققك ماتنظر بناء الخيار المحلى وظهور كشف الحقوق على الاقل بالواضح اللجنة تقول اصرفوا بدل الترحيل لقد انفض سامر اللجنة ببيعكم

كل عام والجميع بخير .شكرا الاخوه .هذا الموضوع فى تقديرى ذى الزول العندو واطه جديده وداير المويه تصلها وكل مره الجدول يتبعج فى حته .ولمن تصل المويه بتكون شويه .بعد داك تانى يقوم( يكادن )جدوله ويرفعو محل واطى .وافتكر انو مويتنا وقعت فى راس الساقى .وده مكسب (اهلنا بى كرامتهم يصرفوا عند اهلهم ).ونحن مبارين المويه بالطوريه والكونشبر الى ان نحقق كل احلام اهلنا ...انشاء الله .

والله يا محمد انى لاشتم رائحة البلد فى تعبيرك هذا .
فهو رغم البساطة شامل ووافى . لك التحية .

شكرا صديقى النزير .واقول لك كما قال ود بادى العكودابى
قولوا ليهم مانى ناسى وطارى شلاخا مواسى
والله ياالنزير كلامك جرى دمعى والمنتدى لمن نقعد زى المشينا البلد وجينا راجعين .فماتنقطعوا .والبلد مابننساها الا القلب ده يقيف تب .