شراب البانجقلي بالدوم

افة الاخبار رواتها لكن لما الخبر يكون جاي من محضر ودفتر وشهود وحضور يبقى عقد عديل ولا تنفع الفرفرة والجرجرة والصهينة لما الناس تنسى . ننسى كيف والتمر تحت الموية وبعد وثبة البشير البانجقلي ح يقطع ويهرد مصارينا . دحين اتلموا وتعالوا قراب ونشوف خبر الطويني شنو ؟ اصلو الناس زمان لما يبقوا في اللجنة يقفلوا تلفوناتهم ويصهينوا . ولليلي الناس تتاوق وتجري ورا المناشير يا ربي يمكن يجيبوا خبر المجلس واللجنة الجديدي ونشوف اسماء ال20 الواثبين الجدد من الكفاءات !!
لكن ولا اسم ظهر !!

اسماء مرموقة في هذا المنتدى جاءت مع النسيم الجاي من الطويني ::
الريس خالد عابدين ،، اسمك قالوا كان ليه رنة وشنة ونسيت كلامك الصاقعين العمة حدر وقرررر ووقررر بس مفتاح المنتدى ما تنساه ممكن تديهو الرشيد وله الحاج وو قرررروقرررر وقررررر

الارباب سلمان ،، المنتدى الاجتماعي عودنا فيهو مرق عديل لا جريدي ولا جوبيلة .بس تكريم ود بروي ما تكون نسيتو مع التعيين الجديد ( ان شاء الله ما يكون حقيقي ) . ولقب الارباب كيف عاد مع قفيل التلفونات .. وقرررر وقررررررر
صاحبي ابراهيم ابو البراء ،، عمتك الكديس ما ينطها .. بس ما تكون منمر بالجد في محل النائب . اصلوا قالوا ما ح يترشح تاني بالرغم اني ادعمك بالجد لكن بعد النسيم الهابي من هناك اسمك دا بقالي جروه محل العمارات السوامق والبرندات الوهيطة ونحن قبيل دايرنك معانا محل الحجار شكت والصبار رحلت .والعقرب ام ضنيب لدغت والحق كبت الجنا بالبطانية واديهو ليمون وشايا تقيل .. وناسا متلمي اصلن حنانا بلحيل .

ويا قريبي قسم الله . نارك برة . وعجاجك لاوي والخرتوم وناسا وشوارعا تعرفك جمبلوغ من شارع لشارغ ومن جامعة لجامعة وهاك يا ثورة .. عجبتني يوم شرارة تكريم ود بروي . ويوم لخبط حسابات الناس في الفيس قبل ( الهبوط ) المفاجيء في مطار الطويني . بوستات ناقعي بلحيل وطاعمي بلحيل

لكن .. اسمك دوى في مسامع البلد مجلس وتكوين جديد .. دحين يا قريبي دا كلباش وله قيد جديد .. ؟وبوستاتك ديك رايك فيها اتغير وله انت زي ما انت مناضلا حمش وعنيد ؟ وصاحبك الهددك وراوغك بقى مسئول كبير اها مين الغرق ومن الجا حازما ؟ ودي يحلوها كيف زول اتهمتوا جنس دا وجيت قعدت وخلفت كراعك جمبو دي يبلعوها كيف ؟؟؟ ونحن ماشين لي البانجقلي ..

وعيسى بروي وينو من مجلسكم الموقر وله تاهت خطاك ورجعت للتاتاي ؟
حقيقة وماها كضب دايركم تنجضوا الكلام وهنا نتلمى ونسوي الجد الما بعدوا هظار . لا قفيل تلفونات ولا زوغة من بوستات

شكة الورق دي اوع تجيب سمبهار من بدري وقرررررررر قررررررررررررررررررررررر

حقيقة البانجقلي بود لقاي وله المشرق الفي الحلق يعشرق حاجة ما تخلص وكمان طعم طبيعي ولا تفاعلات ولا كيماويات ولا يحزنون
تعريجة :
خطاب البشير شكلو ح يعدي الناس كلهم .. غايتو جنس غايتو
ردم كونشبر :
ان صح الكلام يبقى الهتاف ادارة هزيلا يجب تبديلا

خم بالرحل :
المنتدى داخل على غبار كثيف
جرة واسوق :
حوض الكشنبة كسروا ساهل

كسرة طورية :
الانقاية في البار مويتا بالفرادي

متيقة براس المنجل :
الله يكضب الشينة .. شرا المريق ما بتغسل بالموية
طعنة بطرف النجامة :
اوع من الطارطجي البي طعم الهوت دوق

عمنا حامد.. الله يرحمه .. ايام بداية الانقاذ جابوا ليه الشاي بانجقلي مع حبات بلح قال دا شنو دا ؟ قالوا ليه سكر نهائي في البلد ما في ؟
قال انا كويس بشربوا بالتمر ... القاسي ود ام روب دا الا يشربوا بالترمس !!!
ود ام روب دا منو ؟ قال الريس بتعاكم اهلو زمان كان يبيعو الروب في محطة القطر وقرررررر قررررررر

d

ياهندسة لما تكتب موضوع زى دا كان تتأكد من معلوماتك كويس---على العموم نقول الله يولى من يصلح

من طرف **(الحاج شرف)** الأربعاء 29 يناير 2014, 5:25 am

الباش مهندس ود جيب الله كتب: افة الاخبار رواتها لكن لما الخبر يكون جاي من محضر ودفتر وشهود وحضور
دحين اتلموا وتعالوا قراب ونشوف خبر الطويني شنو ؟ اصلو الناس زمان لما يبقوا في اللجنة يقفلوا تلفوناتهم ويصهينوا .

اسماء مرموقة في هذا المنتدى جاءت مع النسيم الجاي من الطويني ::
الريس خالد عابدين ،،

الارباب سلمان ،،

صاحبي ابراهيم ابو البراء ،. بس ما تكون منمر بالجد في محل النائب . اصلوا قالوا ما ح يترشح تاني

قريبي قسم الله .

منو القاليك النائب ما ح يترشح تانى
النائب ياخينا يادوب اتوهط بعد ان احرز عده اهداف فى شباك خصمه وقد اهل نفسه لخوض المعركه بقوه ضاربه وقد سجل فى كشوفاته من هم كانوا ضده فى دامر المجذوب وقد سمعت فى رمضان الفائت ان احدهم يهتف حبوب حبوب يابرجوب وعبارته التى سمعتها فى اعتصام الدامر لم تفارق اذنى وهو يصرح بان النائب هذا لو حضر الى المناصير سنقطعه اربا اربا وهنالك الكثيرين مما كانو قاده لعمليات الفلوجه هم الان يدخلون على السيد نائب الدائره دون حتى المرور على سكرتاريته بامر منه لزوم دمغ طابع الاهميه للمؤلفه قلوبهم فى بلاطه
فمهلك فهذا الذى رايته وسمعته فى حاضره الخيار المحلى ليس هو وليد اللحظه بل هو امر مرتب جاء نتيجه مجهودات الاربعه المشتركه بامر عل لايسمع بالاذن المجرده
وقد كان الا من بعض الامور التى جاءت نتيجه الضغط الجماهيرى والتى كانت فى غير الحسبان
والناظر للاسماء المستوعبه اخيرا بالاضافه لمن هم كانو صقورا فى المرحله السابقه يتاكد تماما ان هنالك ايدى انقاذيه كانت وراء هذا الاستيعاب وماحضور ولاة الامر فى حكومه الولايه الا دليل قاطع ان امر التكوين هذا يهمها
حتى يبسط ويمهد لها الطريق للقادمين من فرق المستكشفين والمستثمرين دون اعتراض من احد ودون خوف من من كانوا قاده لعمليات الفلوجه واقول قولى هذا وانا استعرض كل الاسماء المستوعبه فى اللجنه والمجلس وانا اقدم كلمه اللجنه على المجلس وفى خاطرى ان اللجنه هذه مطلوقه الايدى لان المجلس لم يسلمها خارطه طريق ببنود معلومه ومعروفه ومرقمه
1
2
3
الخ
مما يجعل المجلس هذا غير ذات اهميه لان مهمته قد انتهت بتكوين اللجنه التنفيذيه وماعليه الا ان يضع جسده مستلقيا لحين استدعاء اللجنه له فى امور لا علاقه لها بالتنفيذ ولاعلاقه لها بمحاسبه اللجنه لانها هى الاعلى والاعلى يملك الادنى
وماخوفى ياباشمهندس الا من الزهد الذى ابداه من اراد لنفسه البعاد وقبل بالمسؤليه مجددا تحت الضغط الجماهيرى مما يجعل من هم دونه اصحاب السطوه والسلطه والامر وقد جاءو ا هذه المره بجلود اخرى بدلوها لزوم المرحله وهذا ما لم نستطع استيعابه غير انى اوكد ان السيد النائب قد بسط يده بالكامل على الكل قبلنا او لم نقبل

من طرف **(الحاج شرف)** الأربعاء 29 يناير 2014, 5:31 am

ما يجعل المجلس هذا غير ذات اهميه لان مهمته قد انتهت بتكوين اللجنه التنفيذيه وماعليه الا ان يضع جسده مستلقيا لحين استدعاء اللجنه له فى امور لا علاقه لها بالتنفيذ ولاعلاقه لها بمحاسبه المجلس للجنه لانها هى الاعلى على المجلس والعكس هو الصحيح والاعلى يملك الادنى
لزوم التعديل لعدم وجود خاصيه التعديل هنا

حتى لانتهم باننا نظن ان اللجنه هى الاعلى

من طرف **عباس محمد** الخميس 30 يناير 2014, 4:20 pm

تم تكوين المجلس الجديد ولجنته التنفيذية
ورجعنا تانى للمغالطات وداك عمل وداك ترك
وداك ناوى على ايه وداك عنده اجندة والنايب عمل
وزمنا يروح فى الكلام والبلد تروح شمار فى مرقة

نسال الله ان يصلح الحال وان يكون كل مكلف
بالعمل العام للمناصير يمشى على صراط مستقيم

شراب البانجقلي بالدوم

شراب البانجقلي بالدوم

رد: شراب البانجقلي بالدوم

رد: شراب البانجقلي بالدوم

رد: شراب البانجقلي بالدوم

رد: شراب البانجقلي بالدوم

رد: شراب البانجقلي بالدوم