عودة الروح للجسد بعد الممات

سامى احمد محمد كتب:بعدما خفنا على منتدانا من الموت
وبعدما جهرنا بالشكوى من الإهمال
هاهو المنتدى ينتفض من جديد

ويعود كما كان أو كاد
ـــــــــــــــــــــــــــــ
عادت الروح للجسد

بعد الموات

يا ناس خلاص خشو الكبار
والداره خلو غباره عاج
مشتعلة نار
شاعرنا هاج
صفاقنا ماج
للدارنا مرحب بيك تعال
والمابى يشرب من اجاج
والقعدة عمرت بالخلوق
من كل فجاج         
والشية كم اصناف ردوم
 كانون وصاج
والونسى فى ضل التمر
سماره أستاذ الرشيد سلمان وحاج
دكتورنا ودعون الله فت
نطه وبرج جدع القفاج ( القفاز)
والهادى من بلد الضباب
اهدانا الوان من تحف مزدانه بالدر والديباج
برضو الحريم بت عطبرة وعازه الشرق
وبت الزعيم اسد الكداد
حتى الكبار الطافوا بى بالكعبه
ام رخام شافوا الرتاج
جدعوا الوقار شفنا الهياج
الا الكبير واقف مطرف من بعيد
يبكى وينوح ودماعو زى مطرا ثجاج
مالك بعيد قرب تعال ارخى الزجاج ( القزاز )
يا منتدى الروعه الجميل
من غيرك ات مافيش ملاج
لا فيس ولا وتساب غميس
يغنينا عنك يا سراج

سلمان عقيد النعوفابى كتب:يا ناس خلاص خشو الكبار
والداره خلو غباره عاج
والكل فرح بى عودة الروح
------------------ 
والله ابداع ياسامى ابداع 
ودعون الله وشاعر البلد وبت اسد ابسباع 
السارى والعمدة الكبيرودحاج من بعيد لى نورو شاع
الرشيد وابوسفيان ود حجازى جونا بى خطوات سراع
اماابحنة وابحمد  والكليس ودشيخنا ديل ديمة راكزين فى الدفاع
نصرالدين والنفر ومصباح والهادى ديل باقين للكاشفات قناع
ودالجيب ود ود اللحمر  ثابتين وشادين  الضراع 
فرح الجميع بى عودة الروح وبى عجل فروا الشراع
سائلين الله الكريم تانى مانصبح فى انقطاع

abuahmed كتب:
النضم السمح نعرفلو
والنضم الببكي



والبينكسروا نكسروا
لا يحتاجلو لي فاس ولا تلكي