حسن أحمد الفكي

بالمناسبة ياهندسة نسيت اذكر ليك حاجة
الشنطة بتاعت الاسعافات الاولية موجودة
لازال محتفظ بيها عمى ((الدسوقى)) وغيرها
من الاشياء القيمة،،ومن طبيعة عمى الدسوقى
بحتفظ بالاشياء التراثية واذكر منها /سيف من الفضة /ولحدى الضحية الفاتت
لقيت الطاقية بتاعتو موجودة ،، واذكر انو الطاقية مصنوعة من السعف وملبسة بى حرير ،،او قطيفة ،،على مااعتقد مامتاٌكد بالضبط ،،
واقول ليك حاجة بتصدقنى ،،لحدى الان موجودة ريحة عرقو فى الطاقية
((وممكن تساٌل هيثم الدسوقى من الكلام دة))

معليش اقصد ((الضبط)) فى الرسالة الفاتت

الاخ الفاضل صديق عبد الله عندى رسالة موجهة لك من طرف العم العزيز /ابراهيم حسن الفكى ((المشهور بالروبى ))
وهى تقول ::ـصديق وإبن صديق عبدالله رمحٌٌ على راسة نار أو أقل وصف ((السهل الممتنع)) أشكرك حتى تثتقيث وإن شاء الله يوم شكرك مايجى حقيقة عبدالله ابو حنةرجل البر وهو صديق الوالد وهما هرمان من أهرامات المناصير وأبو حنة رجل كامل الدسم ولكنى ألفت نظرك لشىٌ بسيط لمساعدتك لتلقى المعلومات من بعض المصادر المفيدة إبن المرحوم الوالد حسن أحمد الفكى((سيد)) هو موجود الاٌن ونحن عندنا فى مقام الوالد وعمنا((ادريس الفكى )) موجود وعمنا((محجوب الفكى ))موجود اطال الله بقائهم
ثانياٌٌ إبن صديق عائشة حسن الفكى لم تمس شعرها قطرة من مياة السد اللعينة ولم تدفن فى شرى بل توفيت
((1973))
دفنت فى عطبرة ـثالثاٌٌ ذكرت أولاد المرحوم حسن الفكى وفيهم خليفة رجل موزون ومتدين والباقى كلة ((بجلجغ))
خاصة الدسوقى ماهو قاعد يجلجف أنا البجلجف ــمعليش هذا التوضيح
رابعاٌ واخيراٌخليفة عندنا كالدواء تاج رؤس الاصحاء أما المرحوم محمد حسن الفكى أول كوادر الجبهة الاسلامية فى شرى وملقبنة بود حسن المسلم ومعهة محمد صالح البحارى كلهم متدينين
وشكر عزيز //ابراهيم حسن احمد الفكى // ((الروبى )) ق /م سابقاٌٌ

الاخ الباشمهندس صديق
في البداية لابد ان اشيد بالاسلوب الجميل والسرد الممتع والزاكرة الجيدة متعكم اللة بالصحة والعافية
فناني الجميل لى اضافة وهي
ابونا المرحوم حسن الفكي درس بمقرات الاولية ودفعتة العمدة النعمان والبروف عبداللة الطيب

الاخ الفنان\صديق
فى البدء لك شكرى وتقديرى
انا لى بكم معرفة سابقة لقد زرتكم بمنزلكم بالثورة وما اذكرة جيدا اتحفتنا برائعة عبدالرحمن عبداللة جدى الريل ياابوقديمة حقيقة استمتعت بالعزف الرائع والاداء الجميل
وخلت نفسى فى ربوع كردفان اسمع للجرارى والمردوم
اخى لااخالك تزكر ذلك لكن اتمنى من اللة ان يرد غربتك ويجمعنا بك
اما ابى عمر عبداللة فذلك حديث طويل وذكريات جميلة مع والدى ومعى قبل وفاتة بشهر
حلا ضيفا على بالقضارف وكان هذا اخر العهد بة اللهم اكرم نزلة واجعل مثواة الجنة
وعلى عمر عبدالله فالتبكى البواكى
الوالد عمر عبدالله لم يكن فردا بل كان امة من الناس ففقدة للقبيلة كلها وانتم باذن الله وابناءة من بعدكم خير خلف لخير سلف ان شاء الله
اما بخصوص تعليم والدنا المغفور لة ان شاءالله حسن الفكى زكر لى هذة المعلومات
البروف عبدالله الطيب رحمة الله علية

[size=24]عمي عمر أبوحنة سافر الى كسلا مبكرا وعمتي عاشة ابوحنة سافرت الى كسلا مبكرا كذلك وامتلكوا حواشات في وقر وعاشوا هنالك.. تركوا حقهم في الطين والتمر الكثير لأخوهم عبدالله .زقالوا ما نشيل من الحاج ولا جريدي حقت طين ولاتمرة.ز الحاج عبد الله قاعد في البلد يدي الغاشي والماشي ويمثل عرضنا ويشوف البموت يدفنوا ويشوف البعرس يديهو ويمد القدح والعانة.
ابوى كان حر يص عمر أخوى يعرس من عمو. لأنو عندو ولادي كتيري إطناشر ولد وبت من مرة واحدي[.. كلهم حيين حتى الآن أطال الله أعمارهم..
عمر أخوي الله يرحمو كان يحب أخت أستاذة بمدرسة شري والبت كانت سستر في مستشفى عطبرة وعمر يعمل في السكة حديد كرئيس صناع في ورشة عطبرة.. نشأت قصة الحب وترعرعت.ز البت إسمها آسيا.. كانت تحضر المناصير مع أختها المدرسة عشان تشوف أهل عمر أخوي.ز عمر من أجلها يعزم كل مدرسات شري الإبتدائية بنات في دارنا عزمهم أكثر من ثلاث مرات.. ويكلف الوالد يعمل ليهم رحلة باللنش نمشى معاهم لغاية الجزيرة القبالة البرجوب ونرجع ةنمشي نفسحهم لغاية شرري ونرجع.. إتبسطوا..
عمر جاب جلابيتين مرة في العيد لى نفسو مطقوقات عمود راقي.. واحدة جلابية سمنية والأخرى ظهري فاتح.ز زمان غذا لقيت ليك بت طقت ليك جلابية عمود خلاص.. هذه ثقافة الستينات.. ما كل زول كان بيطق جلابية عمود.. يقول ليك ده ياخي جلابيتو مطقوقة عمود.. طقتا ليهو المدرسة الفلانية.. وما كان زول بيعرف يطق عمود غير المدرسات وناس الصعيد وبنات المناصير لسه ما تعلموا عشان يكونوا مدرسات.. ومافي زول بيلبس جلابية مطقوقة عمود غير المدرسين والطبقة النيرة/size]

[size=24]حاج الحسن ما كان في شاردة والله واردة في شري كلها إلا جايب خبرا.. لكن لايتكلم إلا في الوقت المناسب..ثقافة الصغار عارفا. وثقافة الكبار عارفا..كان عندهم وردية بالليل بيعملوها هو وحاج الحسن بابكر ومعاهم خليفة بت ميرغني يقعدوا على برش قدام ديوان حسن بابكر لساعة متأخرة بعد الليل بعد ما يتعشوا.. لاخوف من ناس شري. لكن الناس الجاية دايشة للشراب من الغرب ومن الجزاير وما لقوا مركب تقطعهم.. /size]

وتقول فى جنس ده الكلام وماك خايف من الحكومة الحالية

الحكومة الحالية عارفة يا الرشيد .. وبيناتهن من الود ما يعجز الخيال عن وصفه..
القسمي.. يا الرشيد

متعك الله بالصحة والعافية وانت تمتعنا بهذا السرد الممتع واللغة القصصية الحلوة الجذابة حقيقة استمتع وانا اقرأ هذا البوست

الغريبة القامات المنصورية الزمان ، كان لايختلف حولها أثنان..
والبيختلف معها سريع يجد من يصده لصوابه..وإن ابت نفسه ، يجد نفسه طريداً، ينبذه كل المجتمع.
،و لا أحد يشك في تفانيها في خدمة المجتمع، هذه القامات.
والنتائج في خدمة هذه القامات للمجتمع ملموسة لامن تدفق
...........
هل يا ترى ستشرق علينا شمس جديدة بمثل هذه القامات..؟ الشريفة النزيهة، الزاهدة في حطام الدنيا، البعيدة عن شراب عرق المساكين!!!
أنا إفتكر حواء المنصورية والده

ساطع كان داير شكري يزيد!
أعمل للموضوع بيرنينت آووت.. وأطبعوا وأديهو السيد حسن أحمد الفكي.. وأطبعو رسل منو صورة للدسوقي.. عمك إبراهيم قراهو..

اخى صديق السلام عليك ورحمة الله وبركاتة
من غير ماتقول لى،،دى اول حاجة عملتها
عملت منها copy لكل الاسرة(اعمامى) منـ
السنة الفاتتـــــــــــــــــــــــ
((تسلم ياهندســـــــــــة))

سلام استاذنا ابحنه

وجزاك الله خير وانت توثق لاهلنا الكرماء

والهم ارحم اولاد حسن الفكى محمد ,ويسن بواسع رحمته رحلوا وهم شباب

ربطتنا بيهم علاقه حلوه وهم يزورون اخوالهم بالكدرو اولاد السيد حاج على وفى علاقه قويه تربط امى والحاجه سكينه

وكمان العلاقه امتدت لنسب

وتقبل مرورى

نعم يا أميرة أخوالهم بالكدرو
واعرف أن هنالك علاقة نسب بينكم..
ربنا يرحم القامة حسن أحمد الفكي بقدر ما قدم وخدم وطنه وبلده
شايفة كيف يا اميرة زمان قياداتنا الناس تحترمها كيف؟ولا خلاف حولها!!!
لأن العبش بيشعروا ويحسوا بأن هؤلاء الناس بس هم دائما في المصلحة العامة .. وبيجيبوا للناس انجازات على أرض الواقع
عشان كدة هذه القيادات كانت مسلم لها تماما بالتجربة العملية
كان حسن الفكي
والله احمد الحسن
والله حسن عوض الله
وغيرو وغيرو الكتيييير
يا ترى هل حواء المناصير عقمت أن تلد مثل هؤلاء؟؟؟؟

ياسلام ياهندسه بالجد موسوعه ولا وكيبيدية عمنا قوقل عينى باردة

رجعنالك
أنا عارفك ما بتسحريني!