هل هذه الأسرة فعلا منصورية ؟؟؟؟؟؟؟؟؟؟؟؟

امرأة تبحث عن أهل والدها , سودانية الأب مورتانية الأم ,هنالك بعض الأشخاص أثبتوا لها بأن والدها منصورى الموضوع منقول من الأونلائن .ويلا يا شباب المناصير البت فى عمر الزواج واليكم تفاصيل الموضوع .


ليلي محمد إبراهيم عبد المجيد
سودانيه الأصل من أب سوداني وأم موريتانيه
تحمل الجنسيه الموريتانيه في ريعان شبابها تبلغ من العم 23 عاما
هاجر والدها من السودان عام 1955
في بدايه الستينات من القرن الماضي إستقر والدها رحمة الله عليه بموريتانيا
عمل معلم إلي إن وصل وكيل وزراة التعليم ومثل موريتانيا في كثير من المحافل

يا مرحبا
الزول ده على كل حال.. راسو راس مناصير. والمناصير في طوكر ما عندهم عدد وفي كسلا والسواقي وحي العرب ووقر وجميع مدن الشرق.. و فعلا هذه فترة النزوح بتاعهم من الشمالية بكميات كبيرة للقاش.. الإسم ما غريب على. خاصة بين مناصيرنا في حي العرب بكسلا.. جارتنا اليومين ديل في أبوظبي جاتا أمها كبيرة من سكان حي العرب للولادة .. وهي زولة بتاعة تراث وتاريخ. وأهلها كان بيت ضيفان كبير.. خلوني أسألا وأجيكم..
لكن برضو من راس الزول ده؟ يشبه الأرتريين الماخدين الجواز السوداني وعايشين في الشرق.. كدي نسأل المرأة دي ونجيكم.. برضو الخلاني أشك شوية في إنو من الأرتريين الماخدين الجواز.. السودانيين معظمهم تلقى العيون والأنف والفم موزعة بنسب جمالية في الوش كلو.. لكن الأثيوبين والأرتريين تلقى كل الشغلة دي محصورة في تلت الوش التحتاني.. العيون والأنف والخشم تحت كلهن.. وباقي الوش فاضي.ز لى فوق مما يمهد لجبهة عااالية فوق.. الأرتريين يختلفوا شوية كمان تلقى العيون فوووق وباقي الحاجات الأنف والفم كمان تحت خااالص.. الحبش ليهم صنقوعة ودومة في الراس من ورا.. ظاهرة تميز بيها الحبشى من الأرتيري.. الأرتريين ما عندهم دومة من ورا..
سبحان الله معظم السودانيين بل خمسة أسداسهم تلقى العيون والأنف والفم موزعة بصورة متساوية على الوجه مما يعطي ناحية جمالية..

الاستاذ محمد بابكر
تحايا عطرة
اذكر اننى فى سنة 94 ذهب الى كسلا لتسوية بعض المواريث وبالصدفة تعرفت على السيدة ( زهرة ابراهيم )
ولديها بنت تسكن جوار مستشفى كسلا الكبير وكانت تحكى عن شقيقها ( محمد ابراهيم ) والذى يتواصل
معهم بالخطابات ولم يكن باستطاعتهم مراسلته لانه يرسل خطاباته اليهم من بلدان مختلفة ولم يكونوا على معرفة
دقيقة بعنوانه وقد هاجر فى بداية الستينات وكل الذى يعرفونه ان تزوج من سيدة من الشناقيط او صومالية
هكذا قالت السيدة على ما اذكر ويمكنكم الوصول اليها عن طريق اسرة العم شرف عليه الرحمة والذى يعمل
كاتب عرايض امام محكمة كسلا ( عم شرف بتاع العرايض ) و اسرته تقطن فى حى " الكارة " جوار نادى
الشباب اما بخصوص بقية افراد اسرة والدة السيدة ليلى من الاقارب يمكننى ان اسال الوالدة غدا انشاء الله التى
سكنت فى حى العرب فترة ربع قرن وهو نفس الحى الذى ولدت فيه انا.

الابن نورالهادي قرأت الموضوع في سودانيز أونلاين وكتب المنصوري ما نقلت ولكن أخمن من الاسم أنه غير منصوري ، وكذلك طلما أن الامر اختلط بكسلا فعلى المنصورية السلام. الراجل يشبه سكان شرق السودان وقبائله المتداخلة ونتمنى أن تكون البنت منصورية ونكون قد تشرفنا بالشناقيط الذين هم ورثة العلماء في بلاد شنقيط.