سوق المنتدى

من طرف **انتصار حجازي** الخميس 29 أغسطس 2013, 6:42 pm

تذكير بمساهمة فاتح الموضوع :

بسم الله الرحمن الرحيم

وبة نستعين

عاوزة افتح سوق فى المنتدى ... الغرض منه نتبادل الخبرات فى البيع والشراء

مع اصحاب الخبرة والذوق

بيع اى شئ ... وشراء اى شئ

لانه لاحظت انه هناك اشخاص لهم ذوق عالى فى الشـراء ... وايضا لديهم معرفة بالاسواق الممتازة

والبضائع الممتازة

انا عن نفسي واحتمال اغلب بنات حواء بنحب جداااا سوق الادوات المنزلية ... وادوات المطبخ ... وايضا اسواق الاثاث والملايات

فياريت كل واحد اخ او اخت من منتدانا اشترى حاجه ووجدها مفيدة جدا يخبرنا بيها وبمميزاتها

واخواتنا فى السودان اكييد لهن معرفة بالاسواق الحلوة فى السودان ..

يعنى مثلا يا سهام ونجلاء وعازة وندا يا ريت تتحفونا بمشترياتكن ... او اجهزة منزلية استخدمتموها ونالت رضالكم

وايضا اذا اشتريتو جهاز منزلى واكتشفتم سوءه تخبرونا به حتى نتجنبة

ايضا حتى اكسسوارات البيت والمطبخ .. او حتى حاجه حلوة شفتوها فى مكان وعجبتكم برضو تخبرونا بها

واخواتنا فى بلاد الغربة اميرة الحومرى واميرة على اكييد صادفتو حاجات حلوووة فى بلاد الغربة فياريت تتحفونا بمشترياتكن او اشياء اعجبتكن وتنوون شراءها

المهم نستفيد من خبرات بعض

واخواننا الرجال برضو همتكم معانا فانتم اساس السوق ... يعنى حتى اهتماماتكم برضو تتحفونا بيها

والغرض ان نعمر هذا السوق ونفيد ونستفيد ... فتبادل الخبرات شئ مهم

يللا يا اصحاب الخبرة والذوق العالى ... مدونا بخبراتكم وشطارتكم فى الشـراء والبيع

شئ تانى ومهم ودى عن نفسي ح تفيدنى انا جدا

اى زول عندو نية شراء شئ ممكن يستشير الناس منها هنا

عن مميزاتا وعيوبا

فقد يكون احدكم اشتراها او له معرفة بها فيفيده بالمشورة

من طرف **ابو مصطفى** الأحد 15 سبتمبر 2013, 2:33 am

السوق دا سوق جد جد ...............اوع من لعب البطان ...............................؟؟؟؟؟
يجيك زى الحاج شرف .... يدخلك كلام السياسة فى السوق ..... والله انا جادى .... عاوز ابيع واشترى من خلال هذا السوق ؟؟؟؟؟
الاخرين ما بعرفهم ......................ومن يوم اليلى اى زول عندو حاجة عاوز يبيعها او يعرضها يكتب لى رقم تلفونه وكفى ؟؟؟؟

تحياتى
ابو مصطفى

من طرف **عازه** الأحد 15 سبتمبر 2013, 5:11 pm

ايوا كلامك صاح عشان ماتختلط الامور ذي ماقال الارباب وتكون واضحه السوق للشراء والبيع فقط طلبنا كان تصديق قهوه الناس تستظل فيها شويه من جري السوق لكن برضوا خايفنها تحمي الناس الشغله لذلك نسأل الله التوفيق لهذا السوق الذي نتمني ان يذدهر اكتر واكتر

من طرف **انتصار حجازي** الأحد 15 سبتمبر 2013, 6:50 pm

ما شاء الله تبارك الله
السوق عااااامر عدييييل
اغلب اعضاء المنتدى بجاى ماشاء الله .. اللهم زد وبارك
اللهم اجعلة سوق خير وبركة لاهلنا المناصير وان شاء الله الكل يفيد ويستفيد

فمرحب بكل تجار السوق من اعضاء منتدى المناصير بلدي ... وان شاء الله دايما عااامرين

من طرف **انتصار حجازي** الأحد 15 سبتمبر 2013, 7:03 pm

علي الحمود كتب:حيرتينا يا إنتصار حجازى؟؟؟

اخى الفاضل على الحمود مافهمت وين الحيرة scratch

قصدك علشان السوق ولا كيف

سليمان عقيد النعوفابي كتب:ياجماعة السوق دا جد جد---ماتسوهو هظار وتخرجو من مضمون ومحتوى وهدف البوست

مشكور للتنبية .. بس ان شاء الله ماح يخرجو من المضمون
واصلو كمان السوق بيكون عامر بالناس وبالونسة ... والونسة بتجيب البيع
وان شاء الله ح نعمل كنترول للمعروضات بين كل فترة واخرى
ومداخلات الاعضاء وناقشاتهم ستعمر السوق .. وان شاء الله سيعمر حركة البيع والشراء

من طرف **انتصار حجازي** الأحد 15 سبتمبر 2013, 7:21 pm

حتى الان العروض التى بالسوق هي

للبيع منزل بكوستى

صديق عبد الله علي ابوحنه
بيت في مدينة كوستي. مساحة 450 متر..أحسن موقع.. فاضي.. خالي من الموانع... ناصية ..مربع 28.. فاتح على السوق الشعبي.. . للجادين فقط.. شهادة البحث معاي.. ومعمول عليهو( لوك) في أراضي كوستي خوفاً من الغش والتزوير..
تخفيض في السعر لأعضاء المنتدى.. تخفيض يصل لغاية 5 مليون لأعضاء المنتدى.. غير أعضاء المنتدى لا..جاهزون للبيع( يعني السعر البي يقيف عليهو! ننزل عضو المنتدى منو 5 مليون بالقديم)
السماسرة يمتنعون

بضاعه اخرى

ابو مصطفى
قطعة رقم 1946 الثورة الحارة 77 ناصية وتفتتح فى ميدان ؟؟ المساحة 378 متر مربع ؟؟؟؟ تم بناء الطابق الارضى واقف على الصب ؟؟؟؟
وبها دكان مبنى ومطبخ جاهز ...........السعر المطلوب .........الان 300000 جنيه سودانى .....الوسطاء يمنعوا ؟؟؟؟؟؟؟؟؟؟؟ فقط الاتصال على ابو مصطفى ...............للجادين فقط

بضاعه اخرى

محمد محمود انقا
لدي اصدقاء موردين لجميع التلفونات ويمكن ان اجلب لكم اي نوع تلفون ..
جاهز لخدمة بني اهلي..

بضاعه اخرى

صديق عبد الله علي ابو حنه
عشرة تلفونات..مستعملة استعمال خفيف.. تلفونات ( بدّالة) ( كبانية) يعني تحول داخل غرف متعددة.. كل تلفون يسع 24 خط. تنفع لشركة.. أو مستشفي أو مصلحة..أو لفيلا.. أو مجموعة غرف داخل البيت الواحد.. جاهزة للبيع..
للجادين.. العندو فيها رغبة يوريني سعرو.. ويوريني طريقة توصيلها له..
فرصة العمر. بأمانة

نسال الله ان يتم البيع من خلال المنتدى ... وتتم الفائدة للجميع
ونسال الله ان يكون سوقا مباركا

من طرف **انتصار حجازي** الأحد 15 سبتمبر 2013, 7:25 pm

صديق عبد الله علي ابو حنه كتب:الناس دي بقا لى ماهن ناس سوق؟
ناس ونسي ساكت؟
عشان كدة السوق ده! أنا خليتو
يعني عرضنا بيت للبيع زول قال دايرو مافي.. نقصناهم في السعر زول قال دايرو مافي
عرضنا تلفونات خاصة.. كان الزول ما دايرا براهو ممكن يربح فيها أقل حاجة ثلاثة ملايين بالقديم زول قال دايرا مافي؟
الناس زانقاهم العيشة والله شنو؟

لا لا ما تكسل وان شاء الله سيعمر السوق ويصبح مركزا منصوريا اثيريا لتداول البيع والشراء
لاحظ كمية اعضاء المنتدى ... وكمية الزوار ... واقرباؤهم
ويوما ما سيذيع صيت البيع من خلال منتدانا بعون الله تعالى

من طرف **انتصار حجازي** الأحد 15 سبتمبر 2013, 7:40 pm

طيب يا جماعه
حابة استشيركم استشارة صغيرووونه .. او ممكن تقولو اقتراح
اذا وجد القبول منكم ومن ادارة المنتدى ... فخير وبركة
واذا ما وجد القبول يبقى كمان مافى مشكلة
يعنى الراى والشورة ليكم

اقتراحى هو
انا حابة ان السوق دا يعمر بحق وحقيقه
اى يصبح مركزا منصوريا للبيع عبر الاثير
وحتى لا نظلم المنتدى وباعتباره الجهة التى نعلن من خلالها
فياريت اى عملية بيع تحصل فعلى صاحب العرض ان يعطى حتى لو مية جنية (ومن زاد زاده الله )المهم مبلغ بسيط للمنتدى وعن طيب خاطر من البائع
ويكون هذا المبلغ بمثابة مساهمه من البائع فى الاعمال الخيرية التى يقوم بها المنتدى
يعنى نجعل السوق دا دنيا ودين
نستفيد بالبيع والشراء ونساهم فى دفع عجلة اى عمل خيري يقوم به المنتدى بان يكون السوق دفع مبلغ بسيط للمنتدى نظير الدعاية والاعلان

رايكم شنو
اذا وافقتو على اقتراحي اسال الله ان يجعله سوقا مباركا وفى ميزان حسناتنا جميعا كمعلنين وكبائعين وكمشترين
وربنا ان شاء الله سيبارك لنا فيه

والبوست نفسة سيتم تثبيته حتى تعم الفائدة للجميع .. والمنتدى صيته عالى فى المجتمع وان شاء الله يوما ما ستكبر عملية البيع والشراء من خلاله مع ملاحظة ان التجارة الالكترونية اصبحت مربحه
لان السوق يذهب للمشترين فى عقر دارهم وليس المشترى هو من يذهب

المهم رايكم يهمنى

اقتراح جيد جدا من انتصار كعادتها، وبهذا الاقتراح ، رفعت سقف السوق الى عمل اجتماعي جديد..

من طرف **HASSAN SULIMAN** الإثنين 16 سبتمبر 2013, 2:59 am

انتصار مافى كلام وكلو تمام× تمام
لكن السوق دا بقى زى سوق عكاظ فيهو كل شى
هترشات صديقى حمود اوكى
والحاج شرف الدين بضاعتك باااايره وبينى وبينك كدا منها جفله
ود ابو حنه وابو مصطفى وج عقيد ديل جاديين بمعنى الاسم للجادين فقط
انا عندى بضاعه قيمه وثمينه لكن بى بلاش وكنت عايز افتحليها بوست براها لكن لمن لقيت سوق انتصار دا عندو رواج وزواروا كتيرين
قلت كدا نفرش بي هنا
اها خدمه للاخوه المغتربين وتزليل همومهم
نساعدهم فى جميع الخدمات التى تخصهم من تاشيرات واستخراج جوازات وبطاقات وكل الاوراق الثبوتيه
بالاضافه لتقديم جميع خدمات التخليص الجمركى للعربات نهائى او نظام التربتك واابضائع الشخصيه والتجاريه
وتقديم جميع الاستشارات الجمركيه جاهزون لخدمتكم واكرر مجاااااانى وتلفونى زين 0912949650

حسن بالغتا.. بهلتها شديد ياخي.. لامن خفتا عليك..
يعني كرم ما يشبه إلا كرم سليمان ود نصر الدين...
........
مرة سليمان ود نصر الدين.. رسل محمد ود دبلييب في السوق.. وقال ليهو قول لى عبد الله الحنوني.. أنا مشتهيك والرطوبة تقلت عليا.. وحركتي بقت صعبة.. دحين ياخوى أنا مشتهيك.. جيب اللنش.. وجيب معاك المسجل.. وجيب كل شرايط أولاد حاج الماحي.وخاصة مدايح القبب.. ركز على مدائح القبب.. وقتها كنت في الإجازة الصيفية.. وأنا في المرحلة المتوسطة.. الكلام ده سنة 1970 او سنة 1971 .. المسجل كان فيهو سير مقطوع، وكان لا أحد يعرف يصلحه غيري.. وسيور في البلد مافي.. مشيت جبت قطعة بلاستيك وعملت منها سير بنفس مقاسات السير المقطوع..
واتصلح المسجل..
أبوى قال لى.أنت عارف سليمان ود نصر الدين ده! صاحب بالجد.. وزول مركز.. وصحبتي معاه ماها من الليلة.. دحين نمشي شرري..
دورنا اللنش ومشينا ركزنا في شرري وقطعنا العقبة ديك لغاية صلحة..
فرح بينا جنس فرحة ما تتصور زي شنو؟ وطلعنا العناقريب برة.. ةاتملوا علينا ناس صلحة كلهم.. حريم ورجال .. ما فضل زول ..وأثناء اللقاء ظلوا هو والوالد يبكوالامن شفقنا عليهم..
أتاريهو ضابح خروف بج.. والعشاء والفطير والمديح لامن الشمش شرقت.. ونحن مشينا نمنا في الصالون جوه وخليناهم يمدحوا ويصلوا لامن الشمش شرقت..
وهو من العصر كان مكلف عربي يقلع خمس شتلات.. فيهم بركاوي ومشرق.. اليوم كان يوم ثلاثاء .. محمد ود دبيليب كلم أبوى يوم السوق. تاني يوم طوالي مشينا.. الأولاد شالوا الشتل بالحمير لغاية اللنش.. وزرعناهم في دبورة الحنانين البي فوق. وحتى قبل الإغراق يعرفوا بشتلات سليمان ود نصر الدين..وكانن يشيلن جنس شيل.تمرهم سفرتو للخرطوم وللخليج.. يالها من صحبة.. رحمهم الله جميعا
الآن عرضك ده انا لى فيهو مصلحة..

من طرف **ابو مصطفى** الإثنين 16 سبتمبر 2013, 4:40 am

الحسن ................والله انت الراجل المعلوم ...................افرش فى هذا السوق .....................
اصلو من يوم فتح السوق كرعى حفن من البوستة ولى عند البيت وللمطار كلوا دا جرى فوق وظيفة غفير السوق ................
واخيرا بعد معاينات مطولة طلع اسمى فى الشورت لست وفزت بوظيفة غفير السوق .........................
اسع افرش ساكت لكن الدورة الجاية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ انت عارف النظام ؟؟؟؟
وقالوا سوقا ماهو سوقك غفيرو يسمسر عليك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ لا تواخذ ابو مصطفى لقد تعب
حتى يتم تعينه من المالك الحقيقى للسوق (انديرغاندى ) بت محمد ود حجازى ؟؟؟؟

تحياتى
ابو مصطفى

من طرف **HASSAN SULIMAN** الإثنين 16 سبتمبر 2013, 2:16 pm

هههههههههههه
ابوحنه يا محنه يا زوق
والله كلام درر وانت حافظ زكريات الاباء وبالتفاصيل ما شاء الله
طبعا نحن كنا صغار لكن موضوع الشتلات دا ازكرتو وحتى لي قريب دا محلهن كان فاضى
عند االبركاويه وبت تموده والودلقائ
ابو مصطفى لك ود خاص يا دفعه وتسلم على كرم الضيافه لكن ما قلت لى رسوم السوق كم يا (خميس)
ههههههههههه
وبعدين الهندسه دى مكنتراهو ليك بى كم
انا يا جماعه قلت مجااااااااااااااانى ولكن انت وابوحنه مصرين تعملوا رسوم
ابوحنه راسلنى على whatsapp0912949650

وبعدين هو محوماااد ود دبيليب ذاتو يا حسن يشترك مع سليمان ود نصر الدين وعبد الله الحنوني.. والعوييد في صحبة..
محومااد ود دبيليب بي كراعو البي تهزع ديك.. جاء حضر الليليي دي في صلحة وجاب معاه العوييد وود الحمود الكبير.. والعوييد قاعد يرقد الونسي.. ويملا الجدول لامن يدفق؟
وما أنسى جات معاهم عمتنا شولمنى بت حومااد تومي بت عمة ناس أبوى بت الحرم بت أب حنة.. وهى مرة أنت عارفها لسانها سليط وترقد الونسى.. وكلاما حلو ولاذع في نفس الوقت..
هي قالت لى العوييد.. دي لمة ما بتتفات.. ود خالي عبد الله وسليمان؟ دي لمة ما بتتفات.. وضروري سليمان ضابح لى صاحبو؟ الليلي ياني الماشي معاكم. وكان ما سقتوني بطق العقبة بي حمارتي
العوييد قال ليها: آب نسوقك كيفن عاد لى ود خالك؟ نحن قادرين على خشم شولمنى ولسانا؟ وشيل الحال؟
بعدين سبحان الله.. شولمنى جدة ود الحمود عضو المنتدى.. مسكت الناشف بي جوه مع الحريم جهدتو مجهاد صاح.. وجات بي فوقنا بي كمشتا تغرف وتكب وتزيد في الناس والعشاء مدور..
هذه الليليي والعزومة ما كان حاضرا واحد من أولاد صلحة البعرفهم.. لا عبد الغني الزعيم لاغيرو.ما عارف كانوا مسافرين أظن.كلهم أولاد صغار كانوا..

من طرف **HASSAN SULIMAN** الإثنين 16 سبتمبر 2013, 3:11 pm

والله زكريات مافى كلام
ومازال حبل الود ممدود وموصل وما انقطع تب
الا بس مشاغل الدنيا والجرى الكتير فوق درب المعيشى
قلت لى ابو مصطفى (خميس) قال كيف
غفير والا بى واسطه كمان
يا الشعراء ويا محمد ودبروى وسلمان عقيد ما تلحقوا الزول دا بى كرابيج

من طرف **الرشيد طه** الثلاثاء 17 سبتمبر 2013, 8:21 pm

HASSAN SULIMAN كتب:اها خدمه للاخوه المغتربين وتزليل همومهم
نساعدهم فى جميع الخدمات التى تخصهم من تاشيرات واستخراج جوازات وبطاقات وكل الاوراق الثبوتيه
بالاضافه لتقديم جميع خدمات التخليص الجمركى للعربات نهائى او نظام التربتك واابضائع الشخصيه والتجاريه
وتقديم جميع الاستشارات الجمركيه جاهزون لخدمتكم واكرر مجاااااانى وتلفونى زين 0912949650

الحسن يا اخوي المحليين ما عندك ليهم خدمة
انت كده خربت السوق تب

HASSAN SULIMAN كتب:انا عندى بضاعه قيمه وثمينه لكن بى بلاش وكنت عايز افتحليها بوست براها لكن لمن لقيت سوق انتصار دا عندو رواج وزواروا كتيرين
قلت كدا نفرش بي هنا
اها خدمه للاخوه المغتربين وتزليل همومهم
نساعدهم فى جميع الخدمات التى تخصهم من تاشيرات واستخراج جوازات وبطاقات وكل الاوراق الثبوتيه
بالاضافه لتقديم جميع خدمات التخليص الجمركى للعربات نهائى او نظام التربتك واابضائع الشخصيه والتجاريه
وتقديم جميع الاستشارات الجمركيه جاهزون لخدمتكم واكرر مجاااااانى وتلفونى زين 0912949650

الجمتنى مفاجأة الكرم الحاتمي
ولم اعرف كيف ارد على هكذا كرم فياض
شكرا اخى حسن سليمان ... وشكرا لكرم عطاءك مع اخوتك المغتربين
نسال الله ان يجعلو فى ميزان حسناتك
فهذه هى نعم التجارة .. التجارة الرابحه مع الله ..
شكرا ابن بلدى مع امنياتى ان تكثر مثل تجارتك هذه

ويا خوي شوف اكبر دكان وافرش بضاعتك ... السوق سوقك

ابو مصطفى كتب:الحسن ................والله انت الراجل المعلوم ...................افرش فى هذا السوق .....................
اصلو من يوم فتح السوق كرعى حفن من البوستة ولى عند البيت وللمطار كلوا دا جرى فوق وظيفة غفير السوق ................
واخيرا بعد معاينات مطولة طلع اسمى فى الشورت لست وفزت بوظيفة غفير السوق .........................
اسع افرش ساكت لكن الدورة الجاية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ انت عارف النظام ؟؟؟؟
وقالوا سوقا ماهو سوقك غفيرو يسمسر عليك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ لا تواخذ ابو مصطفى لقد تعب
حتى يتم تعينه من المالك الحقيقى للسوق (انديرغاندى ) بت محمد ود حجازى ؟؟؟؟

تحياتى
ابو مصطفى

معقولة ابو مصطفى شخصيا يكون غفير السوق
ياخ العمده مكانتو محفوظة
وتم تعيينك المدير المالي للسوق

تخريمة : عجبتنى انديرا غاندى دى lol!

التجار الكرام ود عون الله والحاج شرف
هسة يا اخوانى السوق دا مليااان بضاعه اشكال والوان .... بس زى بضاعتكم ما شفت
اها هسة يدوكم فرشات لبضاعتكم دي ولا يدوكم دكاكين

كدى خلونا نسال العنصر النسائي ... لانو حسب معرفتنا بضاعتكم دى ما بتنفع نهااائي مع العنصر النسائي
بل ويحاربا بشده

تخريمة : يا ود عون الله عاد اتخيلت شكلك كدا دكتور وشايل طشاتى يبيع فيها ... غايتو بشيل لى منك طشت قريبي وعاوزة اكسبك

من طرف **ابو مصطفى** الأربعاء 18 سبتمبر 2013, 1:59 am

المدراء الماليين شركاء حقيقين لاصحاب العمل .................. هذه ورقة تم تقديمها فى مؤتمر الرقابة والمحاسبة المالية بقاعة الصداقة العام المنصرم وقد كنت من المشاركين فى هذه الورقة (للامانة العلمية الورقة تقديم بروف محمد جمال الدين استاذى فى محاسبة التكاليف المتقدمة .. )
وطالما ان رب السوق اعتمد تعينى وحصلت لى ترقية كبيرة زى دى (Big Pormotion )سوف اقوم بوضع جميع اللوائح المالية والنظم الرقمية
التى تكون دستورا للسوق ............. لان السوق الالكترونى ليس مثل سوق البصل ؟؟؟؟ اوغيره من الاسوق فقط لازم تكون هنالك رقابة عالية
لان مسالة السوق معدل الخداع فيها سوف يكون عالى ................. عليه وبصفتى المدير المالى للسوق قررت الاتى :------------
1- احضار بطاقة الائتمان لكى نسجل بها الاعضاء وزوار السوق ......master card or visa card or international credit card
2-يتم قبول واعتماد كافة الطلبات على العملة الموحدة ( الدولار ) فقط
3- يتم ارجاع فروقات اسعار الصرف للبائع فى حالة وقوع ارباح ويتم تحميل المشترى الخسائر والعكس صحيح
4- تقدم كافة الطلبات باللغة الانجليزية ومترجمة بنفس المعنى باللغة العربية ما لم تقتضى الترجمة معنى اخر ...
5- شراء كونتنرات بميناء جدة - بورتسودان - تحمل اسم سوق المنتدى تدرج فى كشف الاصول الثابتة للسوق وبالقيمة الحالية وليست التكلفة التاريخة ....
6- مالم يكن عندك حساب اعتماد بنكى لاتستخرج شيكا على الاطلاق ....
7- تحسب نسبة 15% كعمولة من حجم المبيعات خلال كل ربع عام مالى وتضاف الى مالك السوق ؟؟؟؟
8- جميع اللوائح المالية تخضع للتعديل والتغير حسب رؤية معهد العلوم الادارية الامريكية
9- فترة المدير المالى فى الادارة المالية للسوق عامين من تاريخ تعينة
10- على المدير المالى تقديم ابراء ذمة للجمعية العمومية قبل وبعد تعينه

شكرا الادارة نرجى قبول المقترحات
تحياتى
ابو مصطفى

ابو مصطفى يا خوى شايفاك عقدت الحكاية ههههههه
لوائح وبطاقات ..
ياخوى سوقنا دا بسيط وعينك لبعض التجار ببيعو طشاتى

نحن عاوزين نسهل الحكاية وانت بسمعتك الكبيرة داخل المجتمع المنصوري عاوزين نفتح السوق دا اكتر واكتر
اى منصورى عندو بيعه معينه نعلن ليهو عنها
اى منصورية عندها بيعه معينه نسهلها ليها
يعنى نقدم نموذج دعاية حلو

وكمان يا ريت لو فى مناصير عندهم بزنس معين او تجارة معينه وعاوزننا نعلن عنهم فى سوقنا دا برضو مافى مشكله وطبعا نظير مبلغ بسيط لصندوق المنتدى ونعلن ليهم عنها

انت عارف لو كان منتدانا دا منتدى غير مجاني
كنا ح نستفيد كتييير من حكاية البنرات الاعلانية اعلى صفحة المنتدى
يعنى يكون فى بنرات اعلانية للبيع .. يعنى مساحات صغيرة اعلى صفحة المنتدى وتؤجر هذه المساحات بسعر معين

المهم طالما ما عندنا طريقة لاى بنر اعلانى اعلى الصفحه
فخلينا نستفيد من السوق دا

شكرا مديرنا المالي

من طرف **ابو مصطفى** الأربعاء 18 سبتمبر 2013, 4:03 pm

معليش خلاص يكون سوق تقليدى زى سوق الخرطوم للاوراق المالية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ويجى التاجر الجعيص ودعون الله يفرش الطشاته حقتو او يقدم العرض بتاعها ؟؟؟؟؟؟؟؟؟؟؟؟؟؟؟؟؟؟؟؟؟
لكن المسافة بعيدة بين البائع والمشترى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
السوق تحكمه قوانين العرض والطلب ؟؟؟؟؟؟؟؟؟؟ ومرات يحصل التوازن ؟؟؟؟؟؟؟؟؟؟؟؟ فعندما يحصل التوازن
يكون ودعون الله = البرجوب من حيث البورتفوليو portfolio وتكون تكلفة الفرصة البديلة تساوى صفر

تحياتى
ابو مصطفى

من طرف **عازه** الأربعاء 18 سبتمبر 2013, 6:34 pm

انت ياابومصطفي عمدة خليك في حلحلة مشاكل السوق كبر العمة والمادفع ايجار الدكان والزول الشال من تاجر ومااعطاهو قروشوا والبضائع الضاربه والمواسير التي يتم بيعها وفي الحقيقه لاشئ موجود علي الواقع انا غايتوا شايفه حاتساعد انتصار كتير في ادارة سوق المنتدي وربنا يوفق

من طرف **ابو مصطفى** الخميس 19 سبتمبر 2013, 4:49 pm

عازه كتب:انت ياابومصطفي عمدة خليك في حلحلة مشاكل السوق كبر العمة والمادفع ايجار الدكان والزول الشال من تاجر ومااعطاهو قروشوا والبضائع الضاربه والمواسير التي يتم بيعها وفي الحقيقه لاشئ موجود علي الواقع انا غايتوا شايفه حاتساعد انتصار كتير في ادارة سوق المنتدي وربنا يوفق

شكرا عزة على الثقة ؟؟؟؟؟؟؟؟؟؟؟؟؟؟؟؟؟؟؟ لكن العمدة خايف من هذا السوق ؟؟؟؟؟؟؟؟؟؟؟؟؟؟؟

تحياتى
ابو مصطفى

السوق مع رفع الدعم ده ! كيف؟

من طرف **ابو مصطفى** السبت 21 سبتمبر 2013, 11:14 pm

للبيع كرونا جيش موديل 90 مكيفيها شغال مرخصة ومؤمنة حتى عام 2014؟؟؟؟؟؟؟؟؟؟؟؟؟؟؟؟؟؟

السعر المطلوب 37000 جنيه سوداى لى حدو 35000 جنيه سودانى الوسطاء ممنوعين بامر قانون السوق ؟؟؟؟؟

تحياتى
ابو مصطفى

أهو دا الكلام الجد.. أبو مصطفى نزل بي تقلو .. أهو ده الكلام العايزنو في السوق..
......
أنا لو كان في السودان كان إشتريتا.. إفتكر السعر مناسب.. يعني 35 مليون بالقديم.. يا مغتربين.. ما إنتو ما بتعرفوا إلا بالقديم؟
قلت ليك يا أبو مصطفي.. دي موش سيارتك الأديتني ليها سقتها في الإجازة؟
لو كدة السيارة دي ممتازة.. إلا يكون شيتاً حصل فيها وراي.. وما أظن ذلك..
لكن مكنتا كويسة خالص.. لو ياها ديك..

من طرف **ابو مصطفى** الأحد 22 سبتمبر 2013, 3:43 pm

صديق عبدالله علي أبوحنة كتب:أهو دا الكلام الجد.. أبو مصطفى نزل بي تقلو .. أهو ده الكلام العايزنو في السوق..
......
أنا لو كان في السودان كان إشتريتا.. إفتكر السعر مناسب.. يعني 35 مليون بالقديم.. يا مغتربين.. ما إنتو ما بتعرفوا إلا بالقديم؟
قلت ليك يا أبو مصطفي.. دي موش سيارتك الأديتني ليها سقتها في الإجازة؟
لو كدة السيارة دي ممتازة.. إلا يكون شيتاً حصل فيها وراي.. وما أظن ذلك..
لكن مكنتا كويسة خالص.. لو ياها ديك..

ياها نفس العربية التى سقتها انت يا خالى صديق واحب اكد ليك وللجماعة والله الماكينة استاندر لى حدو يوم اليلى مافى مكنيكى فتح فيها صامولة تقفيلة شركة ؟؟؟؟ وارد اليابان ؟؟؟؟ والله العظيم تقفيلة شركة ؟؟
يالله ياراغب السوق فتح ؟؟؟؟؟؟؟؟؟؟؟؟؟؟؟؟

تحياتى
ابو مصطفى

من طرف **الرشيد طه** الأحد 22 سبتمبر 2013, 8:19 pm

ابو مصطفى كتب:
يالله ياراغب السوق فتح ؟؟؟؟؟؟؟؟؟؟؟؟؟؟؟؟

تحياتى
ابو مصطفى

ابو مصطفي بالاقساط المريحة كيف ؟؟ انا راغب

من طرف **الرشيد طه** الأحد 22 سبتمبر 2013, 8:23 pm

يا اهل السوق ورواده بسال من جهاز ابل ماكنتوش للتصاميم مستعمل بحالة جيدة

من طرف **ابو مصطفى** الأحد 22 سبتمبر 2013, 8:33 pm

الرشيد طه كتب:
ابو مصطفى كتب:
يالله ياراغب السوق فتح ؟؟؟؟؟؟؟؟؟؟؟؟؟؟؟؟

تحياتى
ابو مصطفى
ابو مصطفي بالاقساط المريحة كيف ؟؟ انا راغب

بالله شوف ؟؟؟؟؟؟؟؟؟؟؟؟؟؟؟؟؟ نوعية الكلام الاستفزازى دا ؟؟؟؟ قال بالاقساط المريحة ؟؟؟؟؟ الراحة الماتلقاها الا فى ود الاحد ؟؟ واقع منى حلف لو اغرقها فى البحر مااديك ليها حتى لو قروشك كاش ؟؟؟؟؟
لو جبتهن اسع دى مربوطات فى غرارة وراء وقدام انا ما ابيع ليك ؟؟؟؟ وكل الناس ابيع ليهم بارخص الاثمان ؟؟؟؟ قال بالاقساط ؟؟؟ عليك الله اكان ماها الشوامة زول يفتح خشمو فى العربية دى غير الزويل دا مافى ؟؟؟؟
خلاص انتهى منى ؟؟؟ عربية وبارت ؟؟؟؟؟
تحياتى
ابو مصطفى

من طرف **علي الكليس** الأحد 22 سبتمبر 2013, 11:29 pm

التحيه لصاحبة البوست ولكل المتداخلين ..لست تاجرا واخيب زول في هذا المجال ...ولكن ماذكره اخونا صديق ذكرني بموقف لاحد التنفيذيين الكبار وتربطني بالرجل علاقه وقد اتي للخرطوم لمهمه ذهبت معه لشركة باتا لشراء حذاء وبعد الشراء لبسه علي الفور ووضع الحذاء القديم في صندوق الحذاء الجديد ومن هنالك ذهبنا الي زنك الخضار واللحمه بالخرطوم القديم ( الواحه الان ) حيث يوجد بجواره مكان لبيع الاشياء المستعمله وقد باع الرجل الحذاء القديم بسعر معقول وقد اندهشت لحظتها لعلمي انه غير محتاج ولكن مع مرور الزمن اكتشفت انه اعقل زول

من طرف **(الحاج شرف)** الإثنين 23 سبتمبر 2013, 4:23 am

ابو مصطفى كتب:
الرشيد طه كتب:
ابو مصطفى كتب:
يالله ياراغب السوق فتح ؟؟؟؟؟؟؟؟؟؟؟؟؟؟؟؟

تحياتى
ابو مصطفى
ابو مصطفي بالاقساط المريحة كيف ؟؟ انا راغب
بالله شوف ؟؟؟؟؟؟؟؟؟؟؟؟؟؟؟؟؟ نوعية الكلام الاستفزازى دا ؟؟؟؟ قال بالاقساط المريحة ؟؟؟؟؟ الراحة الماتلقاها الا فى ود الاحد ؟؟ واقع منى حلف لو اغرقها فى البحر مااديك ليها حتى لو قروشك كاش ؟؟؟؟؟
لو جبتهن اسع دى مربوطات فى غرارة وراء وقدام انا ما ابيع ليك ؟؟؟؟ وكل الناس ابيع ليهم بارخص الاثمان ؟؟؟؟ قال بالاقساط ؟؟؟ عليك الله اكان ماها الشوامة زول يفتح خشمو فى العربية دى غير الزويل دا مافى ؟؟؟؟
خلاص انتهى منى ؟؟؟ عربية وبارت ؟؟؟؟؟
تحياتى
ابو مصطفى

ماتخاف ياعمده الزول ده عندو طهر سوق المنتدى - صفحة 2 13798812381

من طرف **ابو مصطفى** الثلاثاء 24 سبتمبر 2013, 2:03 pm

الحاج شرف سلام ؟؟؟؟؟؟؟؟؟؟؟ انا زمان اسمع بى كلمة فلان ماسورة ؟؟؟؟؟؟؟؟؟؟؟ وما كنت عارف معناها ( اسف ان دخلت مفردات السوق والعامية ) دحين يا الحاج زولك دا والله انا خايف يطلع اكبر ماسورة ؟؟؟؟؟؟؟؟؟؟ وضهر ماهو عندو ؟؟؟؟؟؟؟؟؟؟؟؟؟؟ وبعدين ابو مصطفى يقعد يجرى وراء حقه ؟؟ ويكون بلع الطعم ؟؟؟؟؟؟؟؟؟؟؟؟ الزول دا ان بقى كاش انا خايفن يكونن مزورات ؟؟؟؟؟؟؟؟؟؟ ابعدنى منو ؟؟؟؟؟؟؟؟؟؟
شوف لى زول مضمون غير الزويل دا يمكن نتفاهم معاه ؟؟؟؟؟

تحياتى
ابو مصطفى

من طرف **ابو مصطفى** الثلاثاء 24 سبتمبر 2013, 2:49 pm

يا الحاج شرف زولك الرشيد ان بقى داير البيع بالقساط المريحة ؟؟؟ انا عندى عرض ثانى يمكن ينفع معاه لكن المقدم 500 جنيه لمدة ثلاثة سنة ؟؟؟ كدى شاوروه وادونى خبر ؟؟

تحياتى
ابو مصطفى

بس عز الطلب.
نجيك بعد المغرب. عشان يصبحبها فى الحاج يوسف
ال500
ا
نا متبرع بيها

من طرف **عازه** السبت 28 سبتمبر 2013, 12:00 am

هوي ياناس السوق ليكم يومين مقفلين ماتخافوا فتحوا دكاكينكم ساي الحريق بتاع الحسادة دا مابيحوم عليكم شفتوا كيف انا حسبتها في التلفزيون عشره عربات محروقه مع بعض مابين مونيكا وبرادوا في زمتكم هسع في عربيه حايمي في سوقكم دا غير ماسورة العمدة انا حاسه بعد كلامي دا حا تنزل عربات الما خمج في السوق لكن ماتدقسوا وتجوعلوا دا ماوقتها بعد تهدأ الاوضاع عايزين دلالة كبيره استبدال شراء بيع تغيير موديل يسلم المتداخلين وياعمدة ماتزعل انا ماقاصدة العربيه قاصده ابو كرعين ايش معني تتخلص منو في وقت يعتبر هو فرصه بديلة ممتازه الايكون عيان او كراعو مكسوره او يرفس .تسلموا كتير ياناس السوق.

من طرف **ابو مصطفى** السبت 28 سبتمبر 2013, 3:41 pm

[quote"(الحاج شرف)"]بس عز الطلب.
نجيك بعد المغرب. عشان يصبحبها فى الحاج يوسف
ال500
ا
نا متبرع بيها[/quote]
اعاين لى كم يوم ؟؟؟؟؟؟؟؟؟؟؟ مافى زول ظهر ؟؟؟ وكل يوم الاسعار ماشى زايدة ؟؟؟ يا الحاج شرف ان بقيتوا جادين ؟؟؟؟ حصلونى قبل المغرب ؟؟؟
تحياتى
ابو مصطفى
ش

من طرف **الرشيد طه** الثلاثاء 01 أكتوبر 2013, 7:27 pm

الرشيد طه كتب:يا اهل السوق ورواده بسال من جهاز ابل ماكنتوش للتصاميم مستعمل بحالة جيدة

مسئولين من الخير بت اسد ابو سباع فتحت السوق وزاغت

ناس السوق سلام---والله نا مع صديق العربية دى نضيفة جدا --وبهذا السعر تعتبر رخيصة وهذه الرخصة فعلا تترك تساؤل --صادمة -او خلافه لكن صاحبها اكد سلامتها ونضافتها يبقى على الناس الاتفوت الفرصة----

من طرف **ابو مصطفى** السبت 05 أكتوبر 2013, 12:25 am

سلمان عقيد النعوفابى كتب:ناس السوق سلام---والله نا مع صديق العربية دى نضيفة جدا --وبهذا السعر تعتبر رخيصة وهذه الرخصة فعلا تترك تساؤل --صادمة -او خلافه لكن صاحبها اكد سلامتها ونضافتها يبقى على الناس الاتفوت الفرصة----

عينك سرك يا ودعقيد تعال شوف اصلو سوق الجن دا عرضنا فيه عربات جاها عارض عرضنا فيه حمير جاها عارض (الله يكفينا شر العوارض ) خلاص للسوق الجاى انا احتمال اتخارج بى بضاعتى المعروضة منه ؟؟؟؟

افسد البقاع فى الارض هى الاسواق ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وافسد سوق فى العالم ؟؟؟ سوق فيه الرشيد افندى ؟؟؟؟
اول بالتبادى ................. مابشترى ولا يخلى الناس يشتروا ؟؟؟؟؟؟؟؟؟؟؟؟؟؟؟ظ
تانى حاجة يبخس البضاعة ؟؟؟؟؟؟؟؟؟؟؟؟؟؟؟؟؟؟؟؟؟؟
نمرة ثلاثة يقدد الشوالات ؟؟؟؟؟؟؟؟؟؟؟؟؟؟؟ ويستفز صاحب البضاعة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
نمرة اربعة يريد الكسر ................... زى حكومة الانقاذ تكسر تكسر .... نامت الحكاية كسرت عليها ؟؟؟؟؟ اسع ليها كم سنة تسوى لينا فى بيوت الجن (احتمال التسليم يكون قبل القيامة بى بسيط )
نمرة خمسة ؟؟؟؟؟؟؟؟؟؟؟؟؟ يعتتمد على العمولات داخل السوق ؟؟؟؟؟؟؟؟؟؟؟؟؟؟؟؟؟؟؟؟؟
نمرة ستة ..... ياكل مجانى داخل السوق ؟؟؟ يبلع شى زلابية ؟؟؟ شى طعمية ؟؟؟ شى عجورة .؟؟؟؟ بسم الله
اذا كان انتصار ماشدت حيلها فى السوق دا ؟؟؟؟؟ سوف نحرقه ونرتاح ؟؟؟؟؟؟

تحياتى
ابو مصطفى

من طرف **يس مصطفي** الإثنين 07 أكتوبر 2013, 2:23 am

: ان يكون متحملا وزن بني آدم سمين عند استخدامه بطريقة الرجلين
اول حاجه الشكر للاخت انتصار بوست مفيد جدا لكل الاعضاء والاهل
بعدين صاحبنا دا مواصفات الطش دي داير يغسل بطاطين في البحيره ول شنو؟

لمن يرغب في تربيه ماعز هولندي او شامي وغيره او حمام او جداد اليكم الخبير الدوولي في هذه الاشياء التي ذكرت عوض الله حاج بلال تلفون 0122477581

والله المنتدي بس في عجايب زي ناس الانفاذ تمشي مشوار وتجي تلقي ليك
عماره في السماء دا هسع السوق فتحوه متي قريب الواطه دي كانت ميدان فاااضي

من طرف **الرشيد طه** الأربعاء 09 أكتوبر 2013, 4:07 pm

أبوسفيان خلف الله كتب:والله المنتدي بس في عجايب زي ناس الانفاذ تمشي مشوار وتجي تلقي ليك
عماره في السماء دا هسع السوق فتحوه متي قريب الواطه دي كانت ميدان فاااضي

العمدة ابو سفيان والله ضحكتنا
فعلا الواطه كانت ميدان فاااضي لكن جات بت اسد اب سباع سورتها واستولت عليها بوضع اليد رغم ان الفكرة جيده جدا والسوق لو لقي رعاية يخدم الجميع
انتصار هل تسمعيني

الرشيد طه كتب:فعلا الواطه كانت ميدان فاااضي لكن جات بت اسد اب سباع سورتها واستولت عليها بوضع اليد رغم ان الفكرة جيده جدا والسوق لو لقي رعاية يخدم الجميع
انتصار هل تسمعيني

والله انا موجوووودة ومتابعة وكل فترة اجى اقول يمكن تحصل بيعه سمحه كدا ... القى لسة حركة البيع واقفة
يا اخوانا عاوزين اعلانات مكثفة حتى ينشط هذا السوق الالكتروني
والفكرة دى لو اتنشطت من الجميع .. ستعم الفائدة صدقوووني

من طرف **HASSAN SULIMAN** الخميس 10 أكتوبر 2013, 2:21 pm

طيب والحمد لله استفتحنا بي قادى فى المجان والله يعظم الاجر
لكن برضو قلنا نكروش لينا حق خروف الضحيه
1/للبيع جهز موبايل نوكيا مستعمل بحاله جيده E7
اللون سلفر سحاب بي كاميرا 12
السعر المطلوب 750 دا لى ناس المنتدى سعر ولا فى الاحلام للجادين
2/ للبيع جهاز كمبيوتر تجميع بي ملحقاته وشاشه فلبس للجادين فقط بي 900 جنيه
يلا علينا جاى ومابنختلف نحصل الخروف قبل البلف

من طرف **ابو مصطفى** الخميس 10 أكتوبر 2013, 3:23 pm

سلام؟؟؟؟؟؟؟؟؟؟؟؟؟؟؟؟ ناس السوق ؟؟؟؟؟؟؟؟؟ سلام
سؤال بسيط رغم انى فارش فى هذها السوق لى زمن ؟؟؟
يا جماعة البيع بالنبل فى والله مافى ؟؟؟؟؟؟؟؟؟؟؟ ولعل كلمة نبل ؟؟؟ بتشديد النون وكسر الباء تعنى اشترى منك الشى وبى سعر معقول ومعروف وتنتظر لى حدوما نتحصل على الكاش ونقوم نسدد ليك ؟؟؟؟؟
اسع انا عارض عربية وعارض حمار سريع ؟؟؟؟ ولولقيت زول شالوا بالنبل قبلان ؟؟؟؟؟
واسع ان بقى الحسن قبلان كلامى كل المعروضات انا قبلانها لى حدو بعد العيد اخلص الحسن ؟؟ لكن الحسن جاب حكاية حق الخروف قفل على الباب ؟؟؟؟؟ وبين البائع والمشترى يفتح الله ويستر الله ؟؟؟ اى زول عاوزيعرض بضاعة نبل انا قبلان بى سعرو ؟؟؟؟ لكن لايضايقنى فى السداد ؟؟؟؟؟؟؟؟؟؟؟؟

تحياتى
ابومصطفى

من طرف **الرشيد طه** الخميس 10 أكتوبر 2013, 4:08 pm

انتصار حجازي كتب:
القى لسة حركة البيع واقفة
يا اخوانا عاوزين اعلانات مكثفة حتى ينشط هذا السوق الالكتروني

حليلك يا انتصار

علمت مصادرنا ان هناك حركة بيع خارج المنتدي لاشياء عرضت داخل سوق انتصار ومن هنا ارسل تهديد شديد اللهجة لاؤلئك السادة بعدم البيع خارج السوق وحفظ العمولات
انا وكيل سوق انتصار في المنتدي داخل السودان التوكيل في طريقه عبر DHL
تخريمة :
ممكن اعمل نايم لو جات العمولة قبل العيد ابيع انتصار زاتا

من طرف **الرشيد طه** الخميس 10 أكتوبر 2013, 4:11 pm

HASSAN SULIMAN كتب:طيب والحمد لله استفتحنا بي قادى فى المجان والله يعظم الاجر
لكن برضو قلنا نكروش لينا حق خروف الضحيه
1/للبيع جهز موبايل نوكيا مستعمل بحاله جيده E7
اللون سلفر سحاب بي كاميرا 12
السعر المطلوب 750 دا لى ناس المنتدى سعر ولا فى الاحلام للجادين
2/ للبيع جهاز كمبيوتر تجميع بي ملحقاته وشاشه فلبس للجادين فقط بي 900 جنيه
يلا علينا جاى ومابنختلف نحصل الخروف قبل البلف

الحسن يفتح الله
كل عام وانت بخير

من طرف **الرشيد طه** الخميس 10 أكتوبر 2013, 4:17 pm

ابو مصطفى كتب:
اشترى منك الشى وبى سعر معقول ومعروف وتنتظر لى حدوما نتحصل على الكاش ونقوم نسدد ليك ؟؟؟؟؟
اى زول عاوزيعرض بضاعة نبل انا قبلان بى سعرو ؟؟؟؟ لكن لايضايقنى فى السداد ؟؟؟؟؟؟؟؟؟؟؟؟

هههههه والله نجيض
الكلام ده قلنا ليك العربية بالاقساط عملت زوبعة جاي هنا تقول لي حدوما نتحصل علي الكاش نقوم نسدد وكمان ما يضايقوك في السداد
يا زول انت عمده ما عندك راس

من طرف **HASSAN SULIMAN** الثلاثاء 15 أكتوبر 2013, 8:24 pm

ابو مصطفى والرشيد وصاحبه السوق وكل الاخوه كل عام وانتم بخير
الاخ ابو مصطفى انا قبلان بالنبل زاتو بس تعال جاى
الرشيد ماعندك مشكله انت عندك حق الغيتو فى البضائع اامجانى مع المغتربين وكان داير بي جاى بالسعر البريحك وكمان نبل زى ابو مصطفى لكن ما تكلم زول

من طرف **ابو مصطفى** الخميس 31 أكتوبر 2013, 1:28 am

خلاص يا الحسن انا جايك زول نبل ؟؟؟؟؟؟؟؟؟؟؟؟؟؟؟؟؟؟؟؟؟؟؟
تحياتى
ابو مصطفى