سوق المنتدى

بت حجازي غابت وجابت....
والله فكره ممتازه..
بجيكي راجعه....

تسلمى يا نجلاء وانا متاكدة بانك ستضيفي له الكثير والكثير

بانتظارك ... وما تنسي حتى مشتريات صاحباتك كمان ما تبخلي علينا بيها
يعنى بانتظار الكثير منك اختى نجلاء

كدي عاد النمشي نتفرج في سوق انتصار دا وعاد فكره اكتر من جميله وتساعدنا في التسوق طبعا زي ماعارفه انا ملاياتي بحب اشتريها من الناله الجنب حديقة القرشي طبعا بعد ماجربت السوق سعر الملايه الواحده ٦٣ وفي نوع اخر جميل تيله لامعه سعر الملايه الواحده ١٢٣ جنيه طبعا *عاوزه اسأل لو في واحد عارف محل فيه اطقم جلوس متينه وجميله* واهلا بقلمك من جديد

بيت في مدينة كوستي. مساحة 450 متر..أحسن موقع.. فاضي.. خالي من الموانع... ناصية ..مربع 28.. فاتح على السوق الشعبي.. . للجادين فقط.. شهادة البحث معاي.. ومعمول عليهو( لوك) في أراضي كوستي خوفاً من الغش والتزوير..
 تخفيض في السعر لأعضاء المنتدى.. تخفيض يصل لغاية 5 مليون لأعضاء المنتدى.. غير أعضاء المنتدى لا..جاهزون للبيع( يعني السعر البي يقيف عليهو! ننزل عضو المنتدى منو 5 مليون بالقديم)
السماسرة يمتنعون

والله سوق انتصار ده!
غلب سوق النعوفاب؟
تعال يا أرباب سلمان شوف الحكايي دي؟
انتصار كل مرة تطلع بي فن في المنتدى؟
تعال يا دكتور مصباح
وتعال يا شاعرنا محمد بروي شوف الهوايل ديل؟
............
بالجد عايزين ناس يبيعوا ويشتروا.. أي حاجة.. عشان نضيف شئ جديد للمنتدى، ويكون المنتدى فائدة دين ودنيا..وليس تزجية فراغ!

شوفي عليك الله ياانتصار الهوايل البيسوي فيها ابو حنه دا طوالي عرضتا بيتك للبيع ذكرتني الطيانه زمان لما يجو الخرطوم يبنو وبعدين سيد الواطا يقولهم اديكم جزء من حقكم ارض طوالي يجرو المكارير ويقولو لو عاوز تدينا واطه ادينا ليها جنب القصر الجمهوري اسع ابو حنه زكرني ليهم والله ياابو حنه تبيع واطتك دي اقعد القلق فوق راسك دا نيابة عن حكومتكم مالك حرجلك ابو ربطة بي عشرين جنيه لسع ماقام

لا يا سهام الحكومة موافقة على البيع، عشان عندنا شغل في العاصمة عايزنو يتم.. وقانون الأراضي الجديد كان ما جبتا توقيع الحكومة ! البيع ما بيتم.. أو تثبت أن بيت الأسرة موجود ، غير البيت الذي تود أن تبيعو.. تمام
............
أب حمد تعال.. تعال داخل بي جاي.. سهام جابت لها شلاقة جديدة كمان! خليك من جرارة العيش!
هي قالت حاضرة زمن الطيانة لما يبنوا في الكلاكلة! ولمان يبدلوا ليهم القروش بي واطة؟ يقولوا ليك ناس الكلاكلة أبني قطعة وشيل قطعة؟ الزمن ده كان متين عليك الله يا أب حمد؟
بالله ياريت مناصيرنا كان بنوا قطعة وشالوا قطعة؟
كان هسي دي نص الكلاكلة حقتهم؟
أختنا هويدا أب شعر تسمي هذه الحالة ( حالة الطيور ) يعني الطيرة تشيل في غرغرتا بس تمشي تأكل أولادا وخلاص..

ابو حنه سلام ليك انت وحاكومتكم في مقوله كدي اسأل منها شيخ مصطفي تقول اذا بعت عقار يحبذ ادخاله في عقار اخر والله اعلم ولنا في ذلك تجارب استهدأ بالله انت وحاكومتكم البيت موقعو كويس حاول استثمر فيه هو زاتو بعدين اعملو انت وحاكمتكوم مشروعكم العايزنو *براك انت وابو احمد عرفتو عمري الحقيقي بعد دا المفروض تسمع كلام حبوبتك دي ياولد الا اذا كنت عاوز تدخله في عقار اخر *آسفييين لو ادخلنا في خصوصيتكم ولكنه سوق المنتدي وتهمنا مصلحتكم

الاخ ابوحنة  دعني في البداية أحيي بنت اسد ابوسباع علي الابداع
وانت يا زول الخلاك تفوت البلاد كلها وتسوي ليك بيت في سقط لقط شنو؟؟؟؟!!!!
بعدين سهام دي احسن نختا دربا .. في السوق شايلا مكريرا معاها

مكرير مضبب كمان بتاع سهام يا أب حمد؟
أحسن ناخد المرخيي صاح!
....
كوستي السبب فيها مشايخ برتي يا أب أحمد.. أخو زوجتى كان عندو شراكة مع ناس جعفر عثمان.. وفي بداية إغترابي اشتريتو جنبهم  عشان يقعدوا فيهو أولادي وكان بس قعدوا فيه عشرة شهور.. بعد كدة جوني هنا.لما اتنقلت من هلتون الخرطوم لهلتون أبوظبي.. قلت أحسن يقعدوا مع أخوها شوية جنبو في مدينة أقليمية بدل جوطة العاصمة... وبالمناسبة كوستي أسعارها غالية جدا.. يعني أغلى من عطبرة وشندي وبقية المدن ما عدا العاصمة..
بالجد زي ما قالت ليك سهام. كوستي ما ساهلة أبدا.. وموقع تجاري ممتاز.. عشان كدة مناصير الجزاير فيها كتيرين شديد..حتى جعفر عثمان حاول ينقل أعماله التجارية وتجارة الجملة الى العاصمة.. وفعلا فتح دكانيين إجمالي في أم درمان.. واحد محاصيل.. والتاني  إجمالي صعوط.. في أم درمان..  قريب من دكان محمد حجازي  رحمه الله..  دكان واحد قعد فيهو جعفر بنفسه .. والدكان التاني قعد فيهو عمر يس ..ومانجحت معاه العاصمة، رجع كوستى تاني، بعد أن دفع مبلغ خرافي وقتها خلو رجل في الدكانين زمان.. وهسه أهو جعفر فتح  طلمبة بترول..محطة بترول في أم سرح بالمناصير..ولسه أعمالو في كوستي.. مع إنو بيوتهم بالحاج يوسف شارع واحد جنب المقابر بتاعة الحاج يوسف..هو عندو بيت هناك وأخوه فتح الرحمن عندو بيت هناك..

شكرا الاخت انتصار--والله اقتراح موفق وجديد وجميل --اتمنى ان يرى النور ---وثقافة جديدة ----جاييكم راجع -

نحن عايزين بيع وشراء حقيقي..
لأن الأمان هنا متوفر..كلنا أعضاء معروفين ، ومحسوبة علينا الغلطة، ومدخورة لينا الحسنة..
حتى العندو تلاجة والعندو بتوجاز والعندو لاب توب.. وأي حاجة ممكن تباع، وتتم مداولة فعلا..
.........
ذكرتني حكاية السوق دي في أوائل التسعينات، السودان كان ناشف من السيولة ، ,اي زول يشكي، حتى التجار، عليهم شيكات طايرة كتير، والناس حالتا صعبة.. وعادتي أي إجازة أكون ماشي بضع ليها ميزانية تمام.. لكن غالبا ما تنفرط هذه الميزانية، ليه؟
عشان بتطرأ حاجات من ناس بعيدين منك.. تلقى زول منصوري جاي من البلد عندو جناهو عايز يعمل ليهو عملية، والجنا مافيهو طرف! تلقى الزول مهموم.. تشيل تناولو.. تزور بيت منصوري تلقى فيهو عجوز كبيري تعاين ليك وأنت مغترب، يعاينو ليك.. ناس السودان معظمهم ما معلمين الناس ديل حاجة زي دي، ولاهم يعشموا فيهم، حتى الميسورين تلقى مدة الليد دي صعبة شوية للناس البي يستاهلوا.. والله تلقى زول منصوري عندو روشتة دواء.. يعني ما أكترو زول وشي لين! أتقطع ألما لما تلاقيني حالة زي دي!
المهم انفرطت الميزانية وفلستا.. ما سألت زول.. قبيل عندي وزن فاضي من أبوظبي. قمتا تميتو بالهدوم المستعملة استعمال خفيف، قلتا تنفع برضو لصاحب الحوجة.ز اربعة شنط مليتن هدوم مستعملة.. قمصان.ز بناطلين، هدوم شفع.. تياب مستعملة.. قمت قلت لى عمر اخوى الله يرحمو، ماك عارف لى جار من جيرانكم ديل يشيل الهدوم القديمة دي يبيعا في سوق ليبيا!
قال لى في جاراً لينا هنا عندو حافلة ممكن يشيلن يبيعن ليك في سوق ليبيا!
الصباح جاني جارهم.. وأنا زول عندي فراسة مناصير شديدة، أعاين في وش الزول أعرفو وأعرف قصدو وأقرأ تعابير وشو..
شعرت بأن الزول ده حرامي! أبيت أديهو الشنط كلها، قلت برضو وكت جاء عن طريق عمر اخوى، أديهو شنطة واحدي وأخلى الباقي..
فعلا شالن باعن. آخر اليوم جاني وجاب لى 800 ألف بالقديم.. مما أكد لى إنو الزول ده فعلا حرامى! أنا قبيل عديت هدومي وضربتها في المتوسط كدة، لقيتا تجيب أقل حاجة مليون ونص بالقديم.. تاني حاجة أكدت لى حراميتو؟ خمشتا لى 200 ألف بالقديم عايز أديها ليهو.. قال لى لالالا دي خدمة ليكم أنتو ضيوفنا!
معقولة دي أنت تمشي تبيع وتشيلن بي حافلة و بنزين لى غاية سوق ليبيا، تجي تقول لى دي خدمة ليكم؟ هو شعر بانو شال كتير، حتى الولد المشى يبيع معاهو يضحك.. مما يدل إنو حتى الولد شال حقو؟
يازول الموضوع ده حزا في نفسي.
قلت يا صديق أنت منصوري أغبش خليك من مغترب ما مغترب.ز شيل الهدوم ديل بيعن بي نفسك؟ وكمان قدام دكان عمر أخوك في الراشدين؟
اصلى انا طالما واثق من نفسي من جوة زول صميم وما بخاف من شئ طالما هو حلال.. ما عليا يا زول
وسنتى في الحياة دي كدا
طالع مشوار مع ناس كبار وظروف عمل ومقابلة مسؤولين.. ألبس آخر شياكة ، بدلة كرفته وكل حاجة.. جيت لقيتك عندك سارقية طين عايز تبنيها أقلع جلابيتي وأبني ليك ساريقتك بأحسن ما يكون.. عندك شغل بتاع مرمطة وتعب أتمرمط معاك كأقصى ما تكون المرمطة.. يعني ما بخجل وما بيهمنى الناس، طالما شغل شريف وحلال..
طرحت الموضوع لى عمر أخوى.. قال لى يا زول هيي تشيل حالنا! أنا بيتي ده ما قاعد يخلى من المناصير؟
هسي دي تجيك مجموعة والله لوري من البلد يشيلو حالك!
قلت ليهو أصلى ماني ساعل؟ الدايرين يقولوا يقولوا؟؟
عمر قال لى والله أنا البارح دي كانت عندي قروش لكن سويتا في شحنتين لوري قمح وسكر ماشي البلد ودفعتا فيهن عربون كبير..
قلت ليهو ما عليك
جبت فرشة كبيرة من البيت من جوة وفي الشارع قدام خشم الدكان.. فرشتا.. وصنفتا البناطلين براهن وهدوم النسوان براهن وهدوم الشفع والشباب براهن.. وعلقت ورقة كبيرة على ضلفة الدكان وكتبت عليها بالخط العريض.. وأنا أعجبك في الخط.ز كتبت عليهن ( سوق الرخا. ملابس كالجديدة.. جاية من الخليج، استعمال شخصي) بالله بعتا جنس بيع.ز
تلاتة ألف خمسة ألف عشرة ألف.ز بس البي يسمك فيها الزول أتماشى معاه.. ساعة وحدة بعتا كل العندي.. ومن قروش الزول القبيل الباعا في سوق ليبيا على البعتها أنا والله صار في جيبي ستة مليون بالقديم.. كمان الحريم الجارات جن جارات وشالن التياب ودخلنها جوة وقالن كفاية من بيع الشارع ده! نحن عايزين الباقي بي نتفاهم مع مرتك جوة بأي سعر، نحن عايزين نربح فيهن.. ما تديهن ناس الشارع؟ أولى نحن الجيران

حريم جن ما شات يعلقن وأنا سامع صوتن؟ ما خصاني؟ ولا اتلفتا عليهن؟ وأنا فارش بضاعتي برة الدكان والناس متلمين عليا؟
قالن؟ هاي الولد السمح ده!  وناير.نورة غربة معقول دلالي؟؟؟
ما خصاني؟
أضان الحامل طرشا؟ كأني ما سمعتهن؟
ما علينا
علينا بالكاش؟
الكاش يوقف النقاش قالوا!
هسه الناس المساكين لو تجردوا من وهم الوظيفة وحجابها وطلاسمها؟ وبقوا زينا كدة. يتمرمطوا في أي حاجة حلال؟ كان بي يفلسوا؟
لكن الخجل
اعتبارات المجتمع الغير اسلامية
الوهم الاجتماعي
وغيرو وغيرو
أعظم البشر نبينا محمد صلى الله عليه وسلم وهو قدوتنا. كان إذا أفلس؟ يأخذ فاسو ويروح الغابة يحتطب ويبيع الحطب في سوق عكاظ

الفكرة رائعة ؟؟؟؟؟؟؟؟؟؟؟؟؟؟؟ انتصار بت سر تجار ام درمان ؟؟؟؟؟؟؟؟؟؟؟؟؟؟
قطعة رقم 1946 الثورة الحارة 77 ناصية وتفتتح فى ميدان ؟؟ المساحة 378 متر مربع ؟؟؟؟ تم بناء الطابق الارضى واقف على الصب ؟؟؟؟
وبها دكان مبنى ومطبخ جاهز ...........السعر المطلوب .........الان 300000 جنيه سودانى .....الوسطاء يمنعوا ؟؟؟؟؟؟؟؟؟؟؟ فقط الاتصال على ابو مصطفى ...............للجادين فقط ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ

تحياتى
ابو مصطفى

والله ما شاء الله
السوق شايفاه عاااامر
وان شاء الله دايما عامر بحركة البيع والشراء وما يفيدنا ويفيد اهلنا

ومراااحب بخيرة التجار صديق ابو حنه
وابو احمد
ونجلاء وسهام

وسليمان عقيد وابو مصطفى
وان شاء الله دوم مجتمعين فى الخير وللخير

والله السوق شايفاه بقى اكبر بكتير مما توقعته ...اراضي وبيوت ما شاء الله ... المهم عقبال يبقى مول تجارى ضخم
ابو حنه شايفة بضاعتك ماشاء الله ... وان شاء الله تلقى البيع اللى يرضيك للقطعه
وكمان ابو مصطفى ان شاء الله تفوز بما تتمنى للبيت

طيب استشارة يا جماعة
اذا انا عاوزة اشترى غسالة ملابس اوتوماتيك ... اللى تغسل براها
فاى نوع افضل ذات الفتحه الامامية مثل هذه




ام ذات الفتحه العلوية مثل هذه



واى ماركه هى الافضل وتنفع فى السودان
 LG  ولا جنرال اليكتريك ولا توشيبا .....  المهم اى ماركة هى الافضل حسب تجاربكم

وهل من رايكم مثل هذه الغسالات بتنفع فى السودان ولا هناك بتبوظ بسررعه

المهم افيدووونى .. ونصيحتكم عن تجربة تهمنى

انتصارسلاااام..
بخصوص الغسالات....
ومن تجربتي ..اي غساله مهما كانت استخدامك الشخصي   بمعني ان البنات الشغالات هن راس المشكله بالذات في الغسالات الاتوماتبكيه.....والغساله   ذات  الفتحه  العلويه              الاجود.        لان الاخري  لوحه  مفاتيحها  العلويه  حساسه  جدا  واذا  حصلت  مشكله في اللوحه  باظت  الغساله ماركه samsung انا بفضلها في كل شئ ..

السوق ده بى هنا عامر
 فجولينا نفرش فيه ربما نصادف ذبونا
واسفين جدا اذا كانت بضاعتنا غير ملائمه للعرض هنا
[url=/t7670p50-topic#92591]رد: موسم فك التسجيلات للمتزوجين القدامى[/url]
 من طرف [url=/u26](الحاج شرف)[/url] أمس في 7:55 pm


بوست للبيع
البوست اعلاه معروض للبيع  وفق قانون  البوستات  الغير بايره
ولان  كل الذين كنا نامل  فيهم التقدم خطوه لاعاده تسجيلهم بائت بالفشل
وعليه سيصبحون هكذا  دون اى بوست يرعى شئونهم
المشترى يحق له مزاوله التحريض وفق سياسه التسجيل واعاده التسجيل
يجوز للبائع استرداد البوست اذا اتضح ان المشترى  قد فرض رسوما على التسجيل واعاده التسجيل
قرع الجرس فى كل مداخل المزاد
جرس فى كل مكان بالخرطوم وجرس بابها وجرس بالرياض وجرس بالامارات السبعه
وجرس فى السماء
ولايوجد هنا الموت اللحمر

هوووووي يا أستاذة انتصار!
( الترعة دخلتا حوتاً غريبي! ضنبا أحمر!) عايزة تعكر الترعة؟
عاد يا الحاج ياخوى بوست فك التسجيلات دخلو شنو ؟ مع سوق انتصار! كان ماها ياها الهوايل؟
يا زول سوقك دا نظامو براهو يا زول! ده هنا سوق تلاجات وغسالات وأراضي وكدا؟
أوعك من السوق داك هنا!
وكمان سوق لإعادة فك التسجيلات القديمة؟
يازول هييي
أنت عايز تحرض علينا الحكومات والله شنو؟

انتصار حجازي كتب:والله ما شاء الله
السوق شايفاه عاااامر
وان شاء الله دايما عامر بحركة البيع والشراء وما يفيدنا ويفيد اهلنا

ومراااحب بخيرة التجار صديق ابو حنه
وابو احمد
ونجلاء وسهام

وسليمان عقيد وابو مصطفى


والله السوق شايفاه بقى اكبر بكتير مما توقعته ...اراضي وبيوت  ما شاء الله ... المهم عقبال يبقى مول تجارى ضخم
ابو حنه شايفة بضاعتك ماشاء الله ...
وكمان ابو مصطفى

نطالب ان يضم اسمنا للقائمه اعلاه بعد ان نزلنا لسوق المنتدى اليوم

الحاج شرف نحن دكتور مصباح الله يديه العافيه جهدنا تب بي قصصو اسع نحن لابسين الدروع الواقيه واشترينا الطبل والسواطير وياقول عباس نحن مالنا ومال القفل في الحمامات يعني ياخوي بضاعتك بايره بايره بايره ولو مابايره اثبتا لينا الكلام دا في روحل ياخواااااااااااااف

الحاج شرف ................... ارفع عفشك وبضاعتك من السوق دا اسعيتى ............... ماتفرش لى بكرة ؟؟؟ انت بقيت زى حكومة الانقاذ ؟؟؟؟؟؟؟؟؟؟؟؟؟ نان انت بى تبيع البلد بى ناسها ؟؟؟؟؟؟؟؟؟؟؟؟؟؟؟؟ يا غشيم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اتفضل انت مطرود من السوق دا ؟؟؟؟
وحسب محكمة العمدة المحلية للمنتدى ؟؟ حكمت عليك المحكمة بى غرامة 2 جنيه ورطل شاى حب  وفتيل ريحة وارد السيد على ؟؟؟؟
صدر تحت حكمى وتوقيعى
عمدة عبر الاسير
ابو مصطفى

سوق كارب
دائما انتصار في المقدمة وطرح المواضيع الجديدة
لكن شايف في بضايع غريبة ضمائر غير مستترة ونرجيسة وبوستات
البوست المطروح زكرني حكاية الفار
مرة فار قاعد في الغابة سكران
بيقول اليوم في واحد حينداس بالجزمه ..وكل شويه
يضرب ليه الكاس ويرجع
يقول اليوم في واحد حينداس ... قامت الزرافة قالت
للاسد معقوله ياأسد كدا .. 
فار صغير زي دا يتحداك فالاسد هاج وداس على
الفار رد الفار مش قلتلكم انو في واحد حينداس اليوم

يا ربى تحسن كبرنا ــ تزيد فى السن تزيد فى الجن

سوق كارب
دائما انتصار في المقدمة وطرح المواضيع الجديدة
لكن شايف في بضايع غريبة ضمائر غير مستترة ونرجيسة وبوستات
البوست المطروح زكرني حكاية الفار
مرة فار قاعد في الغابة سكران
بيقول اليوم في واحد حينداس بالجزمه ..وكل شويه
يضرب ليه الكاس ويرجع
يقول اليوم في واحد حينداس ... قامت الزرافة قالت
للاسد معقوله ياأسد كدا .. 
فار صغير زي دا يتحداك فالاسد هاج وداس على
الفار رد الفار مش قلتلكم انو في واحد حينداس اليوم



يا ربى تحسن كبرنا ــ تزيد فى السن تزيد فى الجن

ود الطرشان زول صحفي قال: سوق كارب دائما انتصار في المقدمة

صديق عبدالله علي أبوحنة كتب:ود الطرشان زول صحفي قال: سوق كارب دائما انتصار في المقدمة

قالو في واحد بيحتضر
بقول في وصيتو
ولدي الكبير انت ليك الخرطوم شرق
وانت يا شقي ليك الخرطوم غرب
وانت يا الوسط وانا بريدك شديد عشان كده بديك برج البركة
وانت يا الحتالة بديك كل الموجود في شارع الستين
الممرضة قالت لي ولدتهم ما شالله ابوكم غنيان شديد
ضحكت الام وقالت اصلو بوزع جرائد
,,,,,,,,,,

يا ربى تحسن كبرنا ــ تزيد فى السن تزيد فى الجن

أسع أنت بتوزع جرايد صاح؟والله بتوزع مكنات..
أب أحمد خلاك باير في سوق البنات؟ ( بري من البقت عليك يا محجوب؟)

صديق عبدالله علي أبوحنة كتب:أسع أنت بتوزع جرايد صاح؟والله بتوزع مكنات..
أب أحمد خلاك باير في سوق البنات؟ ( بري من البقت عليك يا محجوب؟)

نحن ال الطرشان لا نوزع بل نمتلك (4W)
العروس عندك قول خير
دي بيعة برة السوق

أنت تشرف يا ود الطرشان؟ خاصة إذا الواسطة بتاعتك نجلاء زمراوي وسهام؟
لكن شايف نجلاء زمراوي رشحت ليها بتاها العمرها سنتين؟
...
أما أنا اقول ليك برضو تشرف؟ رؤى بتي في صف 12 ممتحنة الجامعة السنة الجاية؟ ولو ربنا اداها العافي عايزة ليها خمسة سنوات تاني؟ وكدة أنت راح تكون في الأربعينات؟
بقالك الموضوع ده راكب عدلو؟
أنت مابي الجاهز مالك؟
والبنات الفاهمات
السمحات
الجاهزات
المتعلمات
الجامعيات
من الأسر الكريمة
جنبك في دربي في؟
عان دا الجن؟
......
انت بس أجعل سهام دليلك في سرعة عين نشرب شربات فرحك!
بعدين ياخي سوق انتصار ده! ما تخربوه أنت والحاج شرف الدين؟
ده سوق الله أكبر.. سوق تلاجات وغسالات وقطع أراضي وبيع أشياء. وليس بني آدمين.. سمعتا الكلام!

يعني يا  ود الطرشان بالواضح كدة سامي قال ليك.. بنات المغتربين مدلعات..
وما تتزوج حتى من بنات العاصمة.. ولا منصوريات العاصمة.. تزوج واحدي من المحلي.. تضرب بها العود تجيك صادي نصيحي زي الكورة. تضرب في الحيطة وتجيك راجعي تاني محل الزول الضربا بكل هدوء وتؤدة ومحبة..
يعني بت بلد شاربة من موية البحيرة تزيدها نصاح وفلاحة وقوة.. ومتانة ورصانة.. لا بتمرض ولا بتمشي الدكتور.. قفتي وقفتك ومنجلي ومنجلك..

صديق عبدالله علي أبوحنة كتب:بعدين ياخي سوق انتصار ده! ما تخربوه أنت والحاج شرف الدين؟
ده سوق الله أكبر.. سوق تلاجات وغسالات وقطع أراضي وبيع أشياء. وليس بني آدمين.. سمعتا الكلام!

علي طريقة ابو مصطفي وحات الله استمتعت جدا بالبوست ده .

والله سوق سمح وفكرة جميلة لكن المحيرني ود شيخنا وود الطرشان المدخلهم شنو في منتدي المرأة والاسرة نحن غايتو كان ما رحلوا السوق ده من هنا ما بنشارك مع انو عندنا بضاعة كتيرة وخبرة خمسة سنة سمسرة اراضي وعربات وعييييييييييك علينا جاي

مطلوب توريد طشاتي حسب المواصفات التالية :ــــــــــــ
 1 : ان يكون مصنوع من الالمونيوم التقيل ولا تقبل المصنوعة من قعور البراميل ---رفقا بالقوارير 
 2 : ان يكون غير قابل للصدأ ولا يتفاعل مع الحناء
 3 : الا يتفاعل مع العطرون والجدقة وأن يكون ملتهبا قابل للإنفجار مع مادة الكلوركس
 4 : أن يحدث انغاما شجية عند إستعماله
 5 : ان يكون قعره ملائما للوضع فوق القدايي عند حمله إلي حجيرة البحر
 6 : ان يكون متحملا وزن بني آدم سمين عند استخدامه بطريقة الرجلين 
 7 : ان يطفو فوق الماء اذا استخدم لحمام الاطفال
     سيكون الدفع بعملة جنوب السودان او العملة الحبشية
     من يستطيع ان يؤمن الطشت المطلوب عليه الإتصال بصاحبة السوق
         ودمتم

انتصار فكره رائعه ودائما تأتينا بالمفيد والجديد نسأل الله لكي مذيد من التوفيق وشايفه السوق دكاكينو كتيره ودخلت خبرات كبيره شكلوا حايكون مول ضخم بس ماتنسينا نحن الحريمات دايرين دكان يكون قريب قدرة جري للسوق الكبير ماعندنا لانو بعيد اعملي لينا دكان ضره بابو فاتح خلف علي الحلة يكون متاقي من السوق الكبير يعني سوق نسوان كدا مصغر ذي الزريبه نبيع فيهو السعف والودك والمسوح والمكانس والبروش برضوا مكان صياغه ومشغل ثياب ودكان عدة وأثاثات والسوق الكبير نمشي للحاجات الكبيره مثل الادوات كهربائيه .عقارات.موبايلات عربات . تسلمي انتصار

عشرة تلفونات..مستعملة استعمال خفيف.. تلفونات ( بدّالة) ( كبانية) يعني تحول داخل غرف متعددة.. كل تلفون يسع 24 خط. تنفع لشركة.. أو مستشفي أو مصلحة..أو لفيلا.. أو مجموعة غرف داخل البيت الواحد.. جاهزة للبيع..
للجادين.. العندو فيها رغبة يوريني سعرو.. ويوريني طريقة توصيلها له..
فرصة العمر. بأمانة

ود عون الله كتب:مطلوب توريد طشاتي حسب المواصفات التالية :ــــــــــــ
 1 : ان يكون مصنوع من الالمونيوم التقيل ولا تقبل المصنوعة من قعور البراميل ---رفقا بالقوارير 
 2 : ان يكون غير قابل للصدأ ولا يتفاعل مع الحناء
 3 : الا يتفاعل مع العطرون والجدقة وأن يكون ملتهبا قابل للإنفجار مع مادة الكلوركس
 4 : أن يحدث انغاما شجية عند إستعماله
 5 : ان يكون قعره ملائما للوضع فوق القدايي عند حمله إلي حجيرة البحر
 6 : ان يكون متحملا وزن بني آدم سمين عند استخدامه بطريقة الرجلين 
 7 : ان يطفو فوق الماء اذا استخدم لحمام الاطفال
     سيكون الدفع بعملة جنوب السودان او العملة الحبشية
     من يستطيع ان يؤمن الطشت المطلوب عليه الإتصال بصاحبة السوق
         ودمتم

ودعون الله والله انا اورد لك هذه الطشاتى .............ز لانو جارى حلبى يعمل فى الخردة وعندو مصنع فى ام درمان .... سوف ارسل ليك الكوتيشن بس ابقى جادى رسل لى العربون

تحياتى
ابو مصطفى

الناس دي بقا لى ماهن ناس سوق؟
 ناس ونسي ساكت؟
 عشان كدة السوق ده! أنا خليتو
 يعني عرضنا بيت للبيع زول قال دايرو مافي.. نقصناهم في السعر زول قال دايرو مافي
 عرضنا تلفونات خاصة.. كان الزول ما دايرا براهو ممكن يربح فيها أقل حاجة  ثلاثة ملايين بالقديم زول قال دايرا مافي؟
 الناس زانقاهم العيشة والله شنو؟

التحية والتجلة لرواد هذا السوق جميعا
الإحترام والتبجيل لمؤسس السوق صاحب الفكرة الجميلة..
أخى ود الطرشان بضاعتك ردت إليك (نعجى بايرى سيدا راجع بيها صارى وشو وبدون لحم سوق)
الحاج شرف (السوق فن وأنت تجيد فن التسوق لأنك اشتغلت كتير مع الخواجات فى البوهيات وملأت البلد كلها فرنسيين)لا خليت جبل البركل لا خليت البجراويه لكن هذه النوعية من البضايع خطيرة على هذا السوق مثل خطورة (سوق 6 على أهل الحاج يوسف..
نريد أن نجلب عليكم بعض بضائعنا علها تجد ترويجا فى ظل ركود الأسواق المتوقع بعد رفع الدعم عن المحروقات المتوقع خلال الأيام القادمه لحكومتنا الرشيده..
1..حبال بهايم كتّيف بهم وحبال عاديه..
2..حبال عناقريب
3.ألسات سواقى..ورابانات مقطوعه من سلم وادى الكربكان..
4..قرع مشقق مزروع داخل جزيرة شررى بصل أخدر وعجور وبنضورة إنتاج محلى..
5..عر   دبس  كناكيج  دشاقيق.انتاج بحيرتنا
6..تيراب برسيم وبصل ولوبا عفن وطيب..
7..حمّلون إتنين بج وعبور رازى..
8..3تلفونات أركسون وموتريلا وتلاتين عشرة نوكيا
9..جهاز جلاكسى تاب من الكيبورتات واللابتوبات..
ولا زالت حكومة الإنقاذ تسك الفرّيشة وتلعب معهم المحليات لعبة القط والفار العجيبه
حيرتينا يا إنتصار حجازى؟؟؟

علي الحمود العربون جاهز ذي ماقال ليك العمدة ابو مصطفي لتوريد الحبال لكن جهز لينا حبل متين علي جنبه منعا للزوغانات وياانتصار انا جيت السوق مخصوص افتش دايره لي واسطه قويه ايوا واسطه اقرب لي فقير كارب اصلا الطالباهو تطلب المستحيل ولاوظيفه في نهر النيل عشان كدا انا جادة في الحكاية دي ومستعدة اشتريها بأقرار اخدم اهلي حفيانه الدرجة الخامسه الوظيفة تربال بشهادة كبيرة ومعاها كورسات كتيرة واتقان لبرامج ورد اكسس.اكسل.بور بوينت.اس بي اس اس اعمل حاليا مدير قسم التجييط والمتابعه من تابع الناس مات هما خبره مع المنظمات الاجنبيه اكان اتلقت الباسطه تتصل علي الرقم 00000سأكون بجانب الهاتف وقلمي معاي عشان اوقع علي الأقرار لكن حفيانه دي مابقدر عليها بس اكون لابسه شقيانه .

ياجماعة السوق دا جد جد---ماتسوهو هظار وتخرجو من مضمون ومحتوى وهدف البوست