متى وأين دخلت أول صابونة ماركة لوكس الجزيرة شري؟

شفتا ياصديق المفارقات دي *اتغزل في الصابونه وماتغزل في اللحمه*ناس عينون مليانه *بتذكر لما نمشي البلد زمان دا يضبح وداك يضبح وكل يوم ضبيحه في محل *اهلنا اهل كرم اعتز وافتخر بهم

نعم أهل الكرم ضبايح موت أحمر يا أستاذة

انت يا صاحبي حافظهم بالترتيب كنت شغال مع عمك غلام في الدكان ولا شنو ؟!!!!!!
وبعدين سليمان توم شغال عزايم من زمنو الطالب؟؟!!!!!
تسلم يا رايع

تسلم على المرور الراقي يا ابو أحمد..
أيك رايك يا أبو أحمد دي معلومات من غلام نفسو؟
كاتبهم في كراس
غلام زي الزول العندو ظهر كدة ودساتير وزول نكته.. هسه قالوا مع الخزان ده أتغير شوية؟
غلام لمان تعجبوا حاجة يقول ( والله لولا الصُرمة) ما كان بعناها ؟كان نخيلها في الرف

وهو المطلوب
تسلم يا بروف

ما شاء الله ذاكرة قوية وتذكرنا بالأيام الحلوة بين أم لقاديب والمتيرة وأظن يا هندسة من أوائل من ملك صابونة اللوكس عمك حسن الفكي الراجل الظريف صاحب الضيوف الكبار . طبعا يا هندسة الآن صابونة اللوكس أصبحث أي كلام لا رائحة ولا شكل ومصنعة محليا حتى الفي السودان مستوردة من الخليج. تسلم يا هندسة وأحب أن أقول لك أن غلام مازال على ما هو بس السكري بهدله شوية.