رباعيات...عمده صندل ...والناس حطب

من طرف **م بروي** الثلاثاء 16 يوليو 2013, 5:19 am

تذكير بمساهمة فاتح الموضوع :

الطيب محمد عبدالرحيم(ابومصطفى)
رجل من ذهب ...ظل بيننا نسمة بارده تهب تجاهنا من (دماج)
تهب لنا المرح والسعادة المقيمة والفال الحسن
احببناه بعنف (غصبا عننا) لرقة وشفاف روحه الطيبه
ككل اولاد الجزاير ذكاء وموهبة وادب ومحبة لكل الناس
تذكرت الطيب عندما رفعنا بوست الطيب(عبدالله عطا الفضيل)
ابومصطفى كم ضحكنا وهازرنا معك مرات ..وقسونا عليك مئات
المرات فكنت كالذهب يلمع في الحالتين.
فيا حبايبنا تعالوا نتحدث عن الطيب(ابو مصطفى)... ونطلب مخففين
من شعرائنا رباعيات خفيفه في وصف العمدة ..

العمده ذوق والعمده الأدب
السمح ولداُ ما كعب
نحنا طوب والعمده الضهب
عمده صندل والناس حطب

لي شكركم ماهو محتاج
ده النسيم السابق العجاج

ات يزيد وداك حجاج

وات خريفا برقو لجلاج
(انت ديك والناس دجاج)
وانت فارس و أعداك نعاج
انت سيدنا وسيد ناس دماج

شاعرنا الهمام سلام طبعا فتشنا الباب لانو نحنا دخلنا غلط البوست لا يستحمل امثالنا لقينا الناس مقاماتا كبيره عمد و شعرا وضباط وووو قلنا اخير نمرق لابره

بس جينا راجعين نتاوق فوق الحيطه لانو برميلك عمل عمايلو

من طرف **م بروي** السبت 20 يوليو 2013, 3:58 am

سامى احمد محمد كتب:العمدة حتى اللحظة محتار
أويعقل صداقة قطٍ والفار
نمدحه فيقول كرانٌ وطرور
وهنالك من يتفرج مسرور
ـــــــــــ
عمدة جد

العمده قايل نفسو مزرور
ما مصدق مدح السطور
بس يحوم زي ضكر الكرور
يكوس بين الكران للقبور

من طرف **م بروي** السبت 20 يوليو 2013, 4:04 am

د/ حسين النافعابي كتب:شكرا كتير لصاحب البوست ملك فقاعة فقد عودنا على المبادرات الجميله
عمدة المنتدى بي جروفو أبو مصطفى عرفناه في هذا المنتدى وكأننا نعرفه من زمن الطفوله
حتى الآن لم تسعدني الظروف والأيام بلقاء ذلك الوجه الصبوح صاحب السيرة الحسنة والخلق الطيب الجميل صاحب النكته الجميلة والمرح الأجمل وكما قال سيدنا محمد صلى الله عليه وسلم " أنتم شهداء الله في الأرض " فلو إتفق الناس على أنه الزول ده طيب وصباح خير فهو كذلك إن شاء الله تعالى

أتمنى أن تساعدني الظروف والقاه في إجازتي هذه

وإن شاء الله تعالى بعمل المستحيل وكمان فوقه شويه عشان اشوف العمدة ودي براها شويه ؟؟؟ معقول زول يمشي البلد وما يشوف عمدة المنتدى يبقى شن طعمه ؟؟؟

تسلموا يارائعين لكم التحايا

ملكنا الغالي
زي ما قلت الزول طيب وصباح خير
بس عكازو في السهلي
نتمنى لكم لقاء وونسه سمحه

من طرف **م بروي** السبت 20 يوليو 2013, 4:10 am

عازه كتب:ابداع ابداع والله بوست جميل شديد ياربي انا كنت وين ماشفت الروعه دي تسلم كتير قامتنا ود بروي وحقيقه العمده ابو مصطفي يستحق تلك الكلمات المنثوره درر من ناس رائعين بالحيل لي زولا ماهو ساهل

شكرا يا دكتورة
انا خايفو يبكي زي زول العرضحال
قال معقول الكلام ده كلو في انا
وما جايب خبر؟

من طرف **م بروي** السبت 20 يوليو 2013, 4:23 am

عباس محمد كتب:داير أقول فوق العمدة قول
اصلو معروف راجل اصول
واصلو ما غلط على زول
واصلو دايما راقى ومهول

شنو المفاجأة دي يا أبو النسب
ما كنا عارفين كل هذه المواهب

العمده يا عباس زول اصول
النشيط ما حب الخمول
ما بنوصفو مهما نقول
الا مره يبقالي مسطول

من طرف **م بروي** السبت 20 يوليو 2013, 4:28 am

سلمان عقيد النعوفابى كتب:تألفوا الأنفس كلام صاح

الباقى حوت وهو تمساح

العمودية حقو التوب والوشاح

الا نضمو مرات ماهو صاح

النضم بس الماهو صاح؟
ده في الجرف تلقاهو لفاح
سارقو مالي بيهو المراح
وخسو دافسو طماطم وملاح

من طرف **م بروي** السبت 20 يوليو 2013, 4:34 am

[quote"(الحاج شرف)"]معقوله العشره الاوائل انتهت وعمدتكم ده مابلم الناس بى فطور[/quote]

مسطول سمع في بيت جارو صوت ضرب نار مد راسو بالحيطه
قال الحاصل شنو صوت الرصاص دا؟
قالو ليه : .
ولدنا جاب في امتحان الشهاده 50% .
رد المسطول قاليهم: .
كل الطلق دي وما قادرين تنيشو الولد ؟
العمده دايرين زول ينيشو لينا
نشكر فيهو وكلامو ما ياهو

من طرف **م بروي** السبت 20 يوليو 2013, 4:37 am

منوفلى كتب:
د/ حسين النافعابي كتب:شكرا كتير لصاحب البوست ملك فقاعة فقد عودنا على المبادرات الجميله
عمدة المنتدى بي جروفو أبو مصطفى عرفناه في هذا المنتدى وكأننا نعرفه من زمن الطفوله
حتى الآن لم تسعدني الظروف والأيام بلقاء ذلك الوجه الصبوح صاحب السيرة الحسنة والخلق الطيب الجميل صاحب النكته الجميلة والمرح الأجمل وكما قال سيدنا محمد صلى الله عليه وسلم " أنتم شهداء الله في الأرض " فلو إتفق الناس على أنه الزول ده طيب وصباح خير فهو كذلك إن شاء الله تعالى

أتمنى أن تساعدني الظروف والقاه في إجازتي هذه

وإن شاء الله تعالى بعمل المستحيل وكمان فوقه شويه عشان اشوف العمدة ودي براها شويه ؟؟؟ معقول زول يمشي البلد وما يشوف عمدة المنتدى يبقى شن طعمه ؟؟؟

تسلموا يارائعين لكم التحايا

يا ابو مصطفى ود بروى وكرها ليك فى ام قرب ..اسع زول زى دا ح تقدمله شنو ؟؟؟ ود بروى شيلك هم من هسع وزغلل منامك .

زولك ده مافي حاجه بتهمو
يفلح لينا في الكران والطرور
يا منوفلي اهديهو
ما نقوم نقلب عليهو

من طرف **م بروي** السبت 20 يوليو 2013, 4:46 am

عبد الواحد جبريل كتب:لي شكركم ماهو محتاج
ده النسيم السابق العجاج

ات يزيد وداك حجاج

وات خريفا برقو لجلاج
(انت ديك والناس دجاج)
وانت فارس و أعداك نعاج
انت سيدنا وسيد ناس دماج

العمدة ما معدول المزاج
يشبه المجدوع في (الحراج)
ذاتو ما لي نضمي محتاج
بس قلنا نفتح لينا نفاج

من طرف **م بروي** السبت 20 يوليو 2013, 4:57 am

اميره الحومرى كتب:شاعرنا الهمام سلام طبعا فتشنا الباب لانو نحنا دخلنا غلط البوست لا يستحمل امثالنا لقينا الناس مقاماتا كبيره عمد و شعرا وضباط وووو قلنا اخير نمرق لابره

بس جينا راجعين نتاوق فوق الحيطه لانو برميلك عمل عمايلو

معقول يا اميره؟
امثالكم روح هذا المكان السمح بوجودكم
مقامكم أرفع وأسمى..
انتي من ناس(الشك)
ديل ناس سامي وبقيه العقدالفريد
ديل يشكوا الرتينه بالكباس
لما يلقوا الرتينه قربت تموت
يعني لما المنتدى يقيف دك
في ناس يتبرعوا يشكوهو زي الرتينه
وتدب الحياة فيهو من جديد
سلامي للعزيز الحوري

من طرف **ابو مصطفى** السبت 20 يوليو 2013, 3:27 pm

سعيد جدا بمرور كل الاحبة ؟؟؟؟؟؟؟؟؟؟؟؟؟؟؟؟؟؟؟؟؟
هذا البوست من شدة ما جميل ؟؟؟؟؟؟؟؟؟؟؟ اجبر حتى الاعداء والمشاكسين على وضع بسمات فى عالم الفن والجمال وخفة الروع
واجبر الكثيرين على العزف داخل النغمة الموحدة ؟؟؟؟

لكن وما اقبح القول بعد لكن ؟؟؟؟؟؟؟؟؟؟؟؟؟؟؟ نقول شنو اذا مدحك غيرك فذم نفسك ؟؟؟؟؟؟؟؟؟؟؟؟؟
كسرة ؟:-- الرشيد افندى الشى العاول يعنى بلغة اهلنا المناصير يعنى له عام كامل مر عليه
اميرة الحومرى بطلى حركات ؟؟؟؟؟؟؟؟؟؟؟؟؟؟ بتاعة ناس وناسات ؟؟؟؟
منوفلى : يعنى القصة ما نضبح خروف للبروف ؟؟ ونعمل شية ومرارة نية ؟؟؟ فى شنو تانى ؟؟؟
الحاج شرف ودى الناس ديل باسقات عشان نفطرهم هناك ايه رايك ؟؟؟
تحياتى
لكل المرور
ابو مصطفى

نسمة هبت من تال دماج

إنت ضى فى ظلمة الداج

وإنت قارب البحر الأجاج

حين يهيج يصبح ماهو ماج

من طرف **عباس محمد** الأحد 21 يوليو 2013, 4:50 pm

دا الطيب زول دماج
نضمو موقاصدبو احراج
الا قلبو الحاريخليهولاجاج
عومو بحر الحارة اب عجاج

تخريمة
محاولة واجتهاد
لان الطيب راجل ماهو ساهل

والله بوست جميل جدا عجبتني كل المداخلات واضحكتني كثيرا *والله يعلم هذا المنتدي فرق علي كثير

من طرف **ابو مصطفى** الإثنين 22 يوليو 2013, 2:24 pm

سهام علي محجوب كتب: والله بوست جميل جدا عجبتني كل المداخلات واضحكتني كثيرا *والله يعلم هذا المنتدي فرق علي كثير

سهام سلام ..................... وتانى سلام ........... طيب لازم تشاركى بى بوست يعجب كل الناس ؟؟؟؟؟ وتكون دى ضريبة المنتدى ؟؟؟؟
السادة المرور سلام ؟؟؟؟ جنابو سامى الاخ الحبيب عباس المراجع وكل لاخوة بدون فرز ؟؟؟ صاحب البوست ؟؟ شاعر القبيلة المهاب ؟؟؟؟؟
كسرة :::::::::::::::::::::::::
عندى هدية لى اكبرزول فى المنتدى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وهدية اخرى لاصغر زول فى المنتدى ؟؟؟؟ لكن مشكلتى مانى عارف ؟؟؟؟ ساعدونى ؟؟؟

تحياتى
ابو مصطفى

من طرف **ابو مصطفى** الإثنين 22 يوليو 2013, 2:34 pm

سهام علي محجوب كتب:والله بوست جميل جدا عجبتني كل المداخلات واضحكتني كثيرا *والله يعلم هذا المنتدي فرق علي كثير

سهام سلام ..................... وتانى سلام ........... طيب لازم تشاركى بى بوست يعجب كل الناس ؟؟؟؟؟ وتكون دى ضريبة المنتدى ؟؟؟؟
السادة المرور سلام ؟؟؟؟ جنابو سامى الاخ الحبيب عباس المراجع وكل لاخوة بدون فرز ؟؟؟ صاحب البوست ؟؟ شاعر القبيلة المهاب ؟؟؟؟؟
كسرة :::::::::::::::::::::::::
عندى هدية لى اكبرزول فى المنتدى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وهدية اخرى لاصغر زول فى المنتدى ؟؟؟؟ لكن مشكلتى مانى عارف ؟؟؟؟ ساعدونى ؟؟؟

تحياتى
ابو مصطفى

من طرف **عباس محمد** الإثنين 22 يوليو 2013, 4:33 pm

الكلام فوق العمدة مثبوت
ونحن كم قدمنا السبوت
لايكون صافيه مصيوت
مويه عكرة وريحة الحوت

من طرف **الرشيد طه** الخميس 25 يوليو 2013, 3:37 am

زولي (صاحب البوست) ما جاب لي خبير نضمو في جدة وعسير ان شاء الله يا اخوانا خير

من طرف **م بروي** الخميس 25 يوليو 2013, 7:05 am

سامى احمد محمد كتب:نسمة هبت من تال دماج

إنت ضى فى ظلمة الداج

وإنت قارب البحر الأجاج

حين يهيج يصبح ماهو ماج

نسمه هبت من تال دماج
لا سموم شايله ولا عجاج
عمده فطن الداره براج
الا مرات يصبح كراج

من طرف **م بروي** الخميس 25 يوليو 2013, 7:09 am

عباس محمد كتب:دا الطيب زول دماج
نضمو موقاصدبو احراج
الا قلبو الحاريخليهولاجاج
عومو بحر الحارة اب عجاج

تخريمة
محاولة واجتهاد
لان الطيب راجل ماهو ساهل

لوري افراح شاقي العجاج
لا بيوحل لا ختو صاج
التقول طياره ميراج
و زي براق اسراء ومعراج

من طرف **م بروي** الخميس 25 يوليو 2013, 7:17 am

سهام علي محجوب كتب: والله بوست جميل جدا عجبتني كل المداخلات واضحكتني كثيرا *والله يعلم هذا المنتدي فرق علي كثير

العجوز جاتنا بي قفتها
تقدري يا عجوز تقولي:
خشم حوش حسن كاشف مقابل خشم حوش حسن مسمار
خشم حوش حسن كاشف مقابل خشم حوش حسن مسمار
حشم خوش حشن كاسف مقابل حسم خوش حسن مسمار
خشم حوش حسن كاشف مقابل خشم حوش حسن مسمار
حشم خوش حشن كاسف مقابل حسم خوش حسن مسمار

من طرف **م بروي** الخميس 25 يوليو 2013, 7:29 am

الرشيد طه كتب:زولي (صاحب البوست) ما جاب لي خبير نضمو في جدة وعسير ان شاء الله يا اخوانا خير

يُقال أن ابن الرومي الشاعر العباسي ادركه الصيام في شهر
(اغسطس) فصام رمضان الا انه وصف معاناة الحر والعطش فقال :

شهر الصيام مبارك *** (ما لم يكن في شهر آب!!)

الليل فيه ساعة *** (ونهاره يوم الحساب)!

خفت العذاب فصمته *** (فوقعت في نفس العذاب)!

خلف الله...... عذبتنا
لقبه
الحلو مر بتاعك الرهيب داك اخبارو شنو

من طرف **(الحاج شرف)** الخميس 25 يوليو 2013, 7:33 am

م بروي كتب:
الرشيد طه كتب:زولي (صاحب البوست) ما جاب لي خبير نضمو في جدة وعسير ان شاء الله يا اخوانا خير

خلف الله...... عذبتنا
لقبه
الحلو مر بتاعك الرهيب داك اخبارو شنو

ياتو حلو مر ياباشا

من طرف **م بروي** الخميس 25 يوليو 2013, 7:37 am

[quote"(الحاج شرف)"]

م بروي كتب:
الرشيد طه كتب:زولي (صاحب البوست) ما جاب لي خبير نضمو في جدة وعسير ان شاء الله يا اخوانا خير

خلف الله...... عذبتنا
لقبه
الحلو مر بتاعك الرهيب داك اخبارو شنو

ياتو حلو مر ياباشا[/quote]

ده سؤال يا مرسي؟
يعني ما كرعت معانا؟
انت المسهرك لي هسه الخوف
واللا شيتا ماعارفنو نحنا؟
جاوب يا رشيد.... انت اسكت

من طرف **(الحاج شرف)** الخميس 25 يوليو 2013, 8:02 am

م بروي كتب:[quote"(الحاج شرف)"]

ده سؤال يا مرسي؟
يعني ما كرعت معانا؟
انت المسهرك لي هسه الخوف
واللا شيتا ماعارفنو نحنا؟
جاوب يا رشيد.... انت اسكت[/quote]
فيزا وتظاكر اب حنه

اميرة الحومرى بطلى حركات ؟؟؟؟؟؟؟؟؟؟؟؟؟؟ بتاعة ناس وناسات ؟؟؟؟

معقول يا اميره؟
امثالكم روح هذا المكان السمح بوجودكم
مقامكم أرفع وأسمى..

لى حق اكون بتاعت ناس وناسات
الما منتدى لامى كل الفئات
والناس السميحين سمحين صفات
والناس المشاترين ماديرين لمبات

من طرف **م بروي** الجمعة 26 يوليو 2013, 10:09 pm

[quote"(الحاج شرف)"]

م بروي كتب:[quote"(الحاج شرف)"]

ده سؤال يا مرسي؟
يعني ما كرعت معانا؟
انت المسهرك لي هسه الخوف
واللا شيتا ماعارفنو نحنا؟
جاوب يا رشيد.... انت اسكت[/quote]
فيزا وتظاكر اب حنه[/quote]
عمايلك
شوف ولدك ده
مطير عيونو كيف؟
قسيمه ومنشيه لو سمحت

من طرف **م بروي** الجمعة 26 يوليو 2013, 10:18 pm

اميره الحومرى كتب:
اميرة الحومرى بطلى حركات ؟؟؟؟؟؟؟؟؟؟؟؟؟؟ بتاعة ناس وناسات ؟؟؟؟

معقول يا اميره؟
امثالكم روح هذا المكان السمح بوجودكم
مقامكم أرفع وأسمى..

لى حق اكون بتاعت ناس وناسات
الما منتدى لامى كل الفئات
والناس السميحين سمحين صفات
والناس المشاترين ماديرين لمبات

الأصيلة الطيبه لو جات
تسعد أخوانها ولد بنات
ما بتزعل في كليمات
أظنو قااصد بس هظارات

من طرف **(الحاج شرف)** السبت 27 يوليو 2013, 7:19 am

م بروي كتب:[quote"(الحاج شرف)"]
م بروي كتب:c]شوف ولدك ده

مطير عيونو كيف؟

بسم الله سلامة النظر يازعيم اسع الود معز ده مبحلق عيونو

كدى عاين تانى

بكرة حا اجيب ليك صورتو فى الساحة الخضراء ان شاء الله

من طرف **م بروي** السبت 27 يوليو 2013, 7:35 am

[quote"(الحاج شرف)"]

م بروي كتب:[quote"(الحاج شرف)"]
م بروي كتب:c]شوف ولدك ده

مطير عيونو كيف؟

بسم الله سلامة النظر يازعيم اسع الود معز ده مبحلق عيونو

كدى عاين تانى[/quote]
تزوير برضو؟
متعوده

من طرف **م بروي** السبت 27 يوليو 2013, 7:35 am

سلمان عقيد النعوفابى كتب:بكرة حا اجيب ليك صورتو فى الساحة الخضراء ان شاء الله

نزلها هنا

من طرف **ابو مصطفى** الأحد 28 يوليو 2013, 3:09 pm

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **عباس محمد** الأحد 28 يوليو 2013, 6:05 pm

العمدة مشكلتوا ما جاء الساحة الخضراء

باقبلى يخاف من سواقة الليل

م بروي كتب:
سهام علي محجوب كتب: والله بوست جميل جدا عجبتني كل المداخلات واضحكتني كثيرا *والله يعلم هذا المنتدي فرق علي كثير

العجوز جاتنا بي قفتها
تقدري يا عجوز تقولي:
خشم حوش حسن كاشف مقابل خشم حوش حسن مسمار
خشم حوش حسن كاشف مقابل خشم حوش حسن مسمار
حشم خوش حشن كاسف مقابل حسم خوش حسن مسمار
خشم حوش حسن كاشف مقابل خشم حوش حسن مسمار
حشم خوش حشن كاسف مقابل حسم خوش حسن مسمار

اول هو مالو حسن بي يسوي خشم بيتو قصاد خشم بيت مسمار والا يكون مسمار هو السوي خشم بيتو قصاد خشم بيت حسن

[ندعوك للتسجيل في المنتدى أو التعريف بنفسك لمعاينة هذه الصورة]-ا----t المعز الحاج شرف الدين فضل ان يعبر عن فرحته باللمة بهذه الطريقةp://img02.arabsh.com/uploads/image/201/07/28/0c34474866fb00.jpg

من طرف **م بروي** الإثنين 29 يوليو 2013, 5:15 am

من شابه أباه فما ظلم

من طرف **م بروي** الإثنين 29 يوليو 2013, 5:17 am

عباس محمد كتب:العمدة مشكلتوا ما جاء الساحة الخضراء

باقبلى يخاف من سواقة الليل

العمدة ما بيخاف يا ابو النسب
امال عمده كيف لو بخاف

من طرف **م بروي** الإثنين 29 يوليو 2013, 5:19 am

سهام علي محجوب كتب:اول هو مالو حسن بي يسوي خشم بيتو قصاد خشم بيت مسمار والا يكون مسمار هو السوي خشم بيتو قصاد خشم بيت حسن

الظاهر غلبك تقوليها

من طرف **الرشيد طه** الإثنين 29 يوليو 2013, 5:34 am

سهام علي محجوب كتب:اول هو مالو حسن بي يسوي خشم بيتو قصاد خشم بيت مسمار والا يكون مسمار هو السوي خشم بيتو قصاد خشم بيت حسن

والله سؤال وجيه جدا تقدر تقولا يا ود بروي

من طرف **م بروي** الإثنين 29 يوليو 2013, 5:40 am

الرشيد طه كتب:
سهام علي محجوب كتب:اول هو مالو حسن بي يسوي خشم بيتو قصاد خشم بيت مسمار والا يكون مسمار هو السوي خشم بيتو قصاد خشم بيت حسن

والله سؤال وجيه جدا تقدر تقولا يا ود بروي

اقدر اقول واحدهتانيه فيها
كبكبه وكبابي

من طرف **ود عون الله** السبت 03 أغسطس 2013, 4:44 am

صاحب البوست -- أميرنا وملكنا ---سلام
كل عام أنت وضيوفك بألف خير ---تقبل الله الصيام والقيام وجعلنا الله وإياكم من عتقاء هذا الشهر الفضيل
******
والله يا ود بروي أنا ممغوص جنس مغصة --تنور المكان وتزيده ألقا وتشريفا وأنا ما أشوفك ---حظنا دايما سنيح
ياود بروي أنا قلت لهم شيلو تراب من أثر ود بروي وااحفظوه في مكان أمين كما كانت تعمل حبوبتنا---قالوا خلاص شلناهو وحفظناهو في الفضية --الحافلة جنب العدة السمحي ديك أصلنا ما قاعدين نخلي زول يجي بي جنيها---قلت لا مكانه القلوب ---جمعنا الله في القريب العاجل
*****
هاك السلقة دي في الرائع دوما --أخو الأخوان ---الرجل البشوش المضياف ---القومابي أبو مصطفي
أمو ولدت وأبوه جاب
المقنن حالي الشراب
غرق المالح بالتساب
عمدة صندل والناس هشاب

من طرف **م بروي** السبت 03 أغسطس 2013, 10:01 pm

ود عون الله كتب:صاحب البوست -- أميرنا وملكنا ---سلام
كل عام أنت وضيوفك بألف خير ---تقبل الله الصيام والقيام وجعلنا الله وإياكم من عتقاء هذا الشهر الفضيل
******
والله يا ود بروي أنا ممغوص جنس مغصة --تنور المكان وتزيده ألقا وتشريفا وأنا ما أشوفك ---حظنا دايما سنيح
ياود بروي أنا قلت لهم شيلو تراب من أثر ود بروي وااحفظوه في مكان أمين كما كانت تعمل حبوبتنا---قالوا خلاص شلناهو وحفظناهو في الفضية --الحافلة جنب العدة السمحي ديك أصلنا ما قاعدين نخلي زول يجي بي جنيها---قلت لا مكانه القلوب ---جمعنا الله في القريب العاجل
*****
هاك السلقة دي في الرائع دوما --أخو الأخوان ---الرجل البشوش المضياف ---القومابي أبو مصطفي
أمو ولدت وأبوه جاب
المقنن حالي الشراب
غرق المالح بالتساب
عمدة صندل والناس هشاب

دكتورنا وزعيمنا وحبيبنا
سلام وأشواق ما عندها حدادي
يوم سعيد جابك لينا بالسلامه لينتعش المنتدى ونسعد نحن
بحديث يشرح النفس ويسعد القلب المعنى وارواحنا المعانيه
لامن وصلت بيتكم ما عندي خبر سفرك لعطبره
وأنا في الدرب قعدت اتصور شكل العناق والسلام حايكون كيف
قلت حقو الزول مع القلده يديهو (عضه في اللضان) قرقرقر
لازم من زيارة لنا في أبها وساعتها حانخم الدرب ودرب العربية كمان
حتى نرد الصاع صاعين...
تسلم يا زول يازين وسمح

مرحبا يا دكتور حباب
المرصع تاج الصحاب
العمده شوش قومابي ارباب
وصادقاً ما قلنا كضاب

من طرف **abuahmed** الأحد 04 أغسطس 2013, 5:05 pm

يا ناس مالكم بقيتو شحيحين؟؟؟!!!!!!!

من طرف **ابو مصطفى** الأحد 04 أغسطس 2013, 5:21 pm

ود عون الله كتب:صاحب البوست -- أميرنا وملكنا ---سلام
كل عام أنت وضيوفك بألف خير ---تقبل الله الصيام والقيام وجعلنا الله وإياكم من عتقاء هذا الشهر الفضيل
******
والله يا ود بروي أنا ممغوص جنس مغصة --تنور المكان وتزيده ألقا وتشريفا وأنا ما أشوفك ---حظنا دايما سنيح
ياود بروي أنا قلت لهم شيلو تراب من أثر ود بروي وااحفظوه في مكان أمين كما كانت تعمل حبوبتنا---قالوا خلاص شلناهو وحفظناهو في الفضية --الحافلة جنب العدة السمحي ديك أصلنا ما قاعدين نخلي زول يجي بي جنيها---قلت لا مكانه القلوب ---جمعنا الله في القريب العاجل
*****
هاك السلقة دي في الرائع دوما --أخو الأخوان ---الرجل البشوش المضياف ---القومابي أبو مصطفي
أمو ولدت وأبوه جاب
المقنن حالي الشراب
غرق المالح بالتساب
عمدة صندل والناس هشاب

ياسلام .............. يا دكتور الف حمدا لله على السلامة ؟؟؟؟؟ وانت بقيت معانا على الخط ؟؟؟؟
والله مشتاقيين .............................. كيف رمضان عندكم ؟؟؟
تحياتى
ابو مصطفى

من طرف **ابو مصطفى** السبت 14 سبتمبر 2013, 2:43 am

[img][ندعوك للتسجيل في المنتدى أو التعريف بنفسك لمعاينة هذا الرابط] /><br /><br /><img src=[/img]

عمدة صندل والناس حطب ................ قوم لف يا ودبروى خلينا نشتغل شغلنا .........................
ايوه الخضار ............ايوه الطماطم .............. الفلفلية ............... البصل ..... ملوخية ................... بامية
جابوه بالطيارة وباعوه بالخسارة ............................؟؟؟ ايوه علبينا جاى ؟؟؟؟ ايوه الخضار ؟؟؟؟ عمدة قلب خضرجى ؟؟؟؟

تحياتى
ابو مصطفى
" />

من طرف **ابو مصطفى** السبت 14 سبتمبر 2013, 2:48 am

[ندعوك للتسجيل في المنتدى أو التعريف بنفسك لمعاينة هذه الصورة]

من طرف **ابو مصطفى** السبت 14 سبتمبر 2013, 3:49 am

ابو مصطفى كتب:[img][ندعوك للتسجيل في المنتدى أو التعريف بنفسك لمعاينة هذا الرابط] /><br /><br /><img src=[/img]

عمدة صندل والناس حطب ................ قوم لف يا ودبروى خلينا نشتغل شغلنا .........................
ايوه الخضار ............ايوه الطماطم .............. الفلفلية ............... البصل ..... ملوخية ................... بامية
جابوه بالطيارة وباعوه بالخسارة ............................؟؟؟ ايوه علبينا جاى ؟؟؟؟ ايوه الخضار ؟؟؟؟ عمدة قلب خضرجى ؟؟؟؟

تحياتى
ابو مصطفى
" />

من طرف **ابو مصطفى** السبت 14 سبتمبر 2013, 3:36 pm