رباعيات...عمده صندل ...والناس حطب

م بروي كتب:الطيب محمد عبدالرحيم(ابومصطفى)
رجل من ذهب ...ظل بيننا نسمة بارده تهب تجاهنا من (دماج)
تهب لنا المرح والسعادة المقيمة والفال الحسن
احببناه بعنف (غصبا عننا) لرقة  وشفاف روحه الطيبه
ككل اولاد الجزاير ذكاء وموهبة وادب ومحبة لكل الناس
تذكرت الطيب عندما رفعنا بوست الطيب(عبدالله عطا الفضيل)
ابومصطفى كم ضحكنا وهازرنا معك مرات ..وقسونا عليك مئات
المرات فكنت كالذهب يلمع في الحالتين.
فيا حبايبنا تعالوا نتحدث عن الطيب(ابو مصطفى)... ونطلب مخففين
من شعرائنا رباعيات  خفيفه في وصف العمدة ..

العمده ذوق والعمده الأدب
السمح ولداُ ما كعب
نحنا طوب والعمده الضهب
عمده صندل والناس حطب

---

عظيمة هي تلك اللحظات التي نسرفها من متاعب الزمن بضمير صادق ونسطر عبرها كلمات نبعثها لأناس رائعون.. جعلنا الله واياكم من عتقاء هذا الشهر الكريم وأعاده الله علينا وعليكم بالخير واليمن والبركات ..
رمضان  كريم .. تصوموا وتفطروا على خير.. محبكم جميعاً عبد الغني

أخي الكريم... ود بروي صدقت ثم صدقت والله في حق الرجل الطيب ..ونحن زيك كأننا نعرفه من سنين. نسأل الله له التوفيق والسداد والتحية للأحبة جميعاً.
 
 

ود الطرشان كتب:استاذنا الجليل في كل بوست .. تأكد اصالتك وتحفرها بنواعم الحروف في ذاكرتنا ومشكاة نور فاقت تأملنا
لك التحية
وللعزيز جدا .. ابو مصطفي
كسرة:
نجيد طرق الحروف وبعيد كل البعد من نظم القافية

سامى احمد محمد كتب:شكراً رائعنا ود بروى على هذه المبادرة والكلام الجميل فى حق الرجل الجميل العمدة أبو مصطفى
فالرجل رغم معرفتنا القديمة به ولكنا فى كل نكتشف أننا لا نعرفه جيداً ، صليناه ذماً وتقريعاً فما ازداد إلا حلماً وابتساماً
مدحناه فما ازداد إلا تواضعاً . نكتفى فلا أريد أن أقصم ظهره
نحاول ( الخرمجة فترقيعنا ) ليس كنظم شاعرنا ولكنها رغبة أمير شعراؤنا  فهى أوامر
ــــــــــــــــــــ
ماسك المال ما مال نهب

فى الكرم معروف مجرب

ويوم تبق نارا الزول جنب

ما بيفز حاشاهو ابشنب

مصباح محمد مصباح كتب:الطيب طيب وأنا عندي نظرة في اسم  الطيب ونتمنى أن نرى العمدة ونشوف ونذوق الطرافة والكرم والشهامة والسنة دي حالف ما أنزل من حافلة الجرافة إلا عن بيت الطيب عبدالرحيم. وطالما أنه عجب ود البروي فهو كما قال والشاعر دائما ما يعجبه إلا العجيب. نتمنى له كل خير.

م بروي كتب:الطيب محمد عبدالرحيم(ابومصطفى)
رجل من ذهب ...ظل بيننا نسمة بارده تهب تجاهنا من (دماج)
تهب لنا المرح والسعادة المقيمة والفال الحسن
احببناه بعنف (غصبا عننا) لرقة  وشفاف روحه الطيبه
ككل اولاد الجزاير ذكاء وموهبة وادب ومحبة لكل الناس
تذكرت الطيب عندما رفعنا بوست الطيب(عبدالله عطا الفضيل)
ابومصطفى كم ضحكنا وهازرنا معك مرات ..وقسونا عليك مئات
المرات فكنت كالذهب يلمع في الحالتين.
فيا حبايبنا تعالوا نتحدث عن الطيب(ابو مصطفى)... ونطلب مخففين
من شعرائنا رباعيات  خفيفه في وصف العمدة ..

العمده ذوق والعمده الأدب
السمح ولداُ ما كعب
نحنا طوب والعمده الضهب
عمده صندل والناس حطب

م بروي كتب:

العمده ذوق والعمده الأدب
السمح ولداُ ما كعب
نحنا طوب والعمده الضهب
عمده صندل والناس حطب

سامى احمد محمد كتب:حاشا لا غش ولا نصب
طيب الأعراق والنســب
وارث الأخلاق والأدب
نحن فضة وإنت الدهب

nader nor elhadi ali كتب:ابو مصطفى الطيب فرقنيب 
شكرو قاسى على يالبيب 
بحرو طامح جانا تسيب
وسمو قاتل لدغة دبيب

عبد الواحد جبريل كتب:تسلم يا خال ابو مصطفي يستاهل 
الا زول الجزاير ده بتطغيهو علينا 


كل مدحك فيهو شوي 
قلبو حار مايرضي حديث ني 
طيب المعشر وزول هدي 
زول كجاج الا القلب حي 

عباس محمد كتب:يا ااخوانا الباب بى وين

اميره الحومرى كتب:صحى الباب بوين ؟

محاسن كتب:ابو مصطفى
بختك ياعم تاني  إلا يزورو فيك
اميره انا حاجزه حراسة الباب
تحديد رسوم الزياره علي صاحب البوست

ساري الليل كتب:

م بروي كتب:الطيب محمد عبدالرحيم(ابومصطفى)
رجل من ذهب ...ظل بيننا نسمة بارده تهب تجاهنا من (دماج)
تهب لنا المرح والسعادة المقيمة والفال الحسن
احببناه بعنف (غصبا عننا) لرقة  وشفاف روحه الطيبه
ككل اولاد الجزاير ذكاء وموهبة وادب ومحبة لكل الناس
تذكرت الطيب عندما رفعنا بوست الطيب(عبدالله عطا الفضيل)
ابومصطفى كم ضحكنا وهازرنا معك مرات ..وقسونا عليك مئات
المرات فكنت كالذهب يلمع في الحالتين.
فيا حبايبنا تعالوا نتحدث عن الطيب(ابو مصطفى)... ونطلب مخففين
من شعرائنا رباعيات  خفيفه في وصف العمدة ..

العمده ذوق والعمده الأدب
السمح ولداُ ما كعب
نحنا طوب والعمده الضهب
عمده صندل والناس حطب

 اول مره نتقابل في اول لقاء
شفت زول تالفه النفس
علي طول قلت ليهو داير
ابومصطفي
صدقوني
قال لي
انا ذاتو ابومصطفي
الله يديهو قدر نيتو وقلبو الطيب

م بروي كتب:
 برضو يا زولنا يزورو فيك
احرس الباب لا من نجيك
والرسوم

ابو مصطفى كتب:واحد خشب .. واحد طرور ؟؟؟؟ واحد بوص ؟؟ واحد قش خلاقه ؟؟
واحد عود عاول ؟؟؟ واحد شى ما معروف ومرات تلقى جنازة بحر ومرات ؟؟ بهيمى ميته ؟؟؟؟ واحد مرق بيت - عقارب -- دابى مطوى فى دشى حقة تمرة وعائمى ؟؟ولفاف لفالف من الحاجات
حقيقة بوست مثل هذا  بس يشبه الكران ؟؟؟؟ 

الرشيد طه كتب:

ابو مصطفى كتب:واحد خشب .. واحد طرور ؟؟؟؟ واحد بوص ؟؟ واحد قش خلاقه ؟؟
واحد عود عاول ؟؟؟ واحد شى ما معروف ومرات تلقى جنازة بحر ومرات ؟؟ بهيمى ميته ؟؟؟؟ واحد مرق بيت - عقارب -- دابى مطوى فى دشى حقة تمرة وعائمى ؟؟ولفاف لفالف من الحاجات
حقيقة بوست مثل هذا  بس يشبه الكران ؟؟؟؟ 

 هيييع عمدة صندل والجماعة خشب طرور بوص قش وعيييييييييييك وهلمجرا

عبدالدافع على سليمان كتب:لايعرف  قدر الرجال الا الرجال
عمدة مافي شك وهذا يكفيني عن التعليق
تحياتي تقبلو مروري

منوفلى كتب:العمده دا انا غايته يعجبنى فيهو الوضوح
ياخى من شدة مو ماضح حتى كتابته الحاج شرف لما يجى عندها يقاع النظارة
الالف قدر عود الجوز والميم قدر الكوريق المكفى ...

نحن كل ما نطرق على الحروف تطلع كلمة مكسورة !!

سهام علي محجوب كتب:هههههههههههههههههههههههههههههههههههههههههههههههههههههههههههههههههههههههههههه
 سمح كلام العمده سمح
رايكم يالرشيد وسامى
الحمدلله ماشاركتا
كل تاخيره لى خيره
راجعه ليكم بعد المويات لازم انضمه لفريق الكران

د/ حسين النافعابي كتب:شكرا كتير لصاحب البوست ملك فقاعة فقد عودنا على المبادرات الجميله
عمدة المنتدى بي جروفو أبو مصطفى عرفناه في هذا المنتدى وكأننا نعرفه من زمن الطفوله
حتى الآن لم تسعدني الظروف والأيام بلقاء ذلك الوجه الصبوح صاحب السيرة الحسنة والخلق الطيب الجميل صاحب النكته الجميلة والمرح الأجمل وكما قال سيدنا محمد صلى الله عليه وسلم " أنتم شهداء الله في الأرض " فلو إتفق الناس على أنه الزول ده طيب وصباح خير فهو كذلك إن شاء الله تعالى

 أتمنى أن تساعدني الظروف والقاه في إجازتي هذه

وإن شاء الله تعالى بعمل المستحيل وكمان فوقه شويه عشان اشوف العمدة ودي براها شويه ؟؟؟ معقول زول يمشي البلد وما يشوف عمدة المنتدى يبقى شن طعمه ؟؟؟

تسلموا يارائعين لكم التحايا