مليووووووووون مبروك عزة

تذكير بمساهمة فاتح الموضوع :

مع إشراقة فجر المحبة
مع كل نسمة من نسمات الحياة
مع كل نغمة من نغمات البلبل الصداح
التي نادى بها مع ظهور النور
وقبل غروب الشمس
ومع كل قطرة ندى داعبت وريقات الأشجار
ومع إشراقة بدرالدجى في سماء الكون
رغم أن الحروف تعجز أن تكتب مابقلبي
وأن تصف مااختلج بفؤادي
فمشاعري هي كلماتي المسطورة
وكلماتي هي أملي
وأملي هي ذكرياتي
وذكرياتي هي دليل قلبي
وقلبي نبضاته تقول
مليووووووووووون مبروك عزة ارسل نبض قلمي في هذه السطور القليله ليعلن التهنئه
تخريمه : لم انزلها في المنتدي الاجتماعي لانها تهنئه ليست ككل التهاني

صديق عبدالله علي أبوحنة كتب:بت العم نجلاء زمراوي
أعملي حسابك أنا وأب أحمد ممكن نسختك.. ناس فقرا يريبوا الموية، ويوقدوا البليلي في القرعة..
وكان ما مصدقا بينا بي نجيب ليك مصباح ذاتو ممكن يسختك زول فكي ود فكي..
قالت خرف.. قالت..
المهم زي ما قال ليك أب أحمد هسي دي صاحبتك حبوبة وينا؟؟!!

هههههههه....نسختك قال....الله يهون..جنس محن....يازول هوي انا متحصنه بيسن والقران الحكيم ولايصيبني الا ماكتبه الله لي
برضو ما حا اوريكم صاحبتي وين....
خلو اسلوب الاستفزاز ده..ما حا اوريكم ما حا اوريكم....

هي سافرت العزاء لى عمتا ربنا يقبلا.. عشان كدة هي مشغولة صاحبتك.. ونحن شبكتنا ما طاشة أنا وأب أحمد

تعجز الكلمات عن وصف ما أشعر به
وتجف الأقلام قبل أن نكتب لكم رسالة شكر وعرفان ،
فما أروع أن يشاركك صديق أو صديقة
لحظات الم
ويأخذ بيديك .. ويدعولك .. ويحس بما تحس بة ..
ويتواجد بجوارك .. رغم المسافات ..
ربما تتداخل الحروف و الكلمات
و ربما يعجز اللسان عن التعبير
ولكن القلب دائما يكون الاصدق
فلكم مني كلمات نسجها القلب لكم
أتمنى من الله عز وجل أن يعطيكم الصحة والعافية
شكرا لكم على ما قدمتموه لي من
أحاسيس نابعة من قلوبكم
و دام الله عزكم و دام عطائكم
اسمحو لى ان اهديكم
هذة الكلمات
أي كلام شكر يوفيكم حقكم ؟؟
أي قلم سيجرؤ على كتابة أسمائكم ،، حروفي خجلى أمامكم .
فأنتم أخوتي في نصحهم ،،أصدقائي في دعمهم ،، أحبائي في حنانهم .
انتم عونى عندما احتجت إليكم ،، وما زلتوا هنا كي لا أحتاج لغيركم .
انتم أصدقائي الذين لم ولن أنساهم أبدا ..ً
لكم مني كل الشكر والتقدير
وجاياكم راجعه يارائعييييييييييين

عيسى جبريل محمد كتب:الف مبرووووك يا دكتوره

مشكور كتير الاخ عيسي واسأل الله ان يجعل ايامك كلها افراح

الاخ نور الهادي
يسعد المرء حين يرى ان له اخوة
يحبونه ويقدرونه
ويهتمون لأمره
فجعل الله الفرح هوحليفك
أنا أبحرت بعالم الحرووف لـ أن أجد شيء يليق بك وبأمثالك من المبدعين والرائعين

الاخت انتصار حقا سعيتم فكان السعي مشكورا

إن جف حبر قلمي عن التعبير فيكتبكم

قلبا به صفاء الحب تعبيرا وتقدير

إقبال منبع الحكمه
انتي كسحابة معطاءة سقت
الأرض فاخضرت
ولا زلتي كالنخلة
الشامخة تعطي بلا حدود لك الف شكر

الاخت نجلاء أنا لاأملك إلا أن أقدم لكِ باقه من أحرف الشكر والثناء الجزيل..
شذاها..أنتي..ولون أزهارها..أنتي..
فياشذى الأزهار..ولون الجوري..
أبقاك الله وحفظك لنا دائما

الخال صديق ابو حنه سلاما يامن علمتمونا كيف نجر في الكلمات الالغاما مشكور كتير وربنا يكتر الافراح

الاخوه والاخوات المتداخلين اسفه جدا للانقطاع نسبه لسفري المفاجئ الي عزاء عمتي ياحليله امضيت معها ثلاثه سنوات فترة دراستي الدكتوراه وكانت نعم الام تقدمني في الصباح الباكر وتستقبلني عند المساء خارج المنزل فتحمل عني جزء من المراجع كانت جميله في اخلاقها جميله في تعاملها جميله في تدينها وكذلك جميله في صبرها علي المصائب اللهم اجعل جنة الفردوس سكنها

صديق عبدالله علي أبوحنة كتب:أنا فرحان شديد. لأنو دكتورة عازة قالت في إحدي مداخلاتها الآتي

يتوهج البدر حاملاً

شايفين الفقرة الأصليين كيف؟ بلا زول يحدسن..
ديل إسمهم الغابوا وجابوا..
البوست ما لقينا فرصة من زحمة العمل إلا هسي دي ولا شفناهو ذاتو.. لكن وضعنا النقاط على الحروف..
وفقعنا لى عازة البقاقة بدون ما تحدثنا..
نبارك شديييييد

الخال صديق قلت لي فقعة البقاقه يتوهج البدر حاملا ازهارا انا بقول ليك NO يتوهج البدر حاملا غبارا الايام دي السودان كتاحه شديده

منوفلى كتب:مليار مبروك دكتورة عازة

كدى النحاول ننقره ليكم

مبرووك الترقية ولا عقد عمل بدولة خارجية

الاخ منوفلي الله يكتر من امثالك بس ادعي لي في الخمسه صلوات بالاثنين صدقني لو صدفت الجائزه كبيره شديد عشان كدي اجتهد في الدعوات ودعوات المؤمن لاخيه مستجابه لك الف شكر وجزاك الله عنا كل خير

الخال ابو حنه ونجلاء وابو احمد واميره ونصرالدين وود عقيد عاد اجتهدتو لكن برضو الاجابات غلط ويانجلاء وابو احمد خالي دا اكان باريتوهو يطلعكم القمر ويجيبكم مغبرين عشان كدا احسن تشغلو راسكم براكم وياابو احمد انا قلت ليك قربته كنت ماشي كوووويس في اتجاه البقره بس شكلك كدا عجل صغير ما حاتلم فيهو وياخالي صديق انا عارفاك حاتجتهد عشان تجيب الشمار وتشيل الجائزه لكن صادقه بقول ليك وفر قروش الاتصال طريقة بخره مافي . الخبر عندي وعند علام الغيوب حصريا ومازال العرض مستمر ومفتوح الي كل اعضاء المنتدي والجائزه كبيره جدا

أختي دكتوره عازه .. بالحسبه أنا أخوك وبالمقام أنا عمك لا ضير في أي منهما .. حمدا لله على سلامتك وعودا حميدا بعد حضورك لعزاء الوالده حواء حدوري رحمها الله رحمه واسعه وجعل الفردوس الاعلا مثواها وبارك في ذريتها . هي من الزمن الجميل وكل بنات حدوري يذكرنني بالوالده فاطمه طيفور رحمها الله وحوش حدوري لي فيه ذكريات الطفوله مع أقراني محمد وباشا الدقير . أسأل الله ان يرحم الأموات ويبارك في الأحياء ... فقدتك في البوست البيغادي . ارجو المواصله

عازه كتب:الاخوه والاخوات المتداخلين اسفه جدا للانقطاع نسبه لسفري المفاجئ الي عزاء عمتي ياحليله امضيت معها ثلاثه سنوات فترة دراستي الدكتوراه وكانت نعم الام تقدمني في الصباح الباكر وتستقبلني عند المساء خارج المنزل فتحمل عني جزء من المراجع كانت جميله في اخلاقها جميله في تعاملها جميله في تدينها وكذلك جميله في صبرها علي المصائب اللهم اجعل جنة الفردوس سكنها

دكتوره عازه حمدا لله على سلامة العوده والبركه فيكم فى عمتك ربنا يغفر لها ويرحمها ويدخلها الجنة مع الصديقين والشهداء والصالحين وحسن اؤلئك رفيقا . واحسن الله عزاءكم والهمكم الصبر الجميل.

البركة فيكم

وغفر الله لعمتكم واسكنها الجنة

مشكور اخونا عبد الحفيظ وربنا يحفظك ويوفقك والبركه فينا وفيكم وربنا يصبرالجميع نسأل الله الرحمه لوالدتكم كانت امراءه كريمه معطاءة وام للكل نسأل الله ان يجعلها من سكان الجنان ولكم التوفيق والسداد

جزاك الله خير الجزاء اخي نصر الدين ونسأل الله ان لا يريكم مكروه في عزيز

الاخ اباحمد لك كل الشكر والتقدير وجزاك الله عنا خير الجزاء اسأل ان لا يريكم مكروه في عزيز ويحفظكم

الاخ سامي السامي حفظك الله ورعاك وجزاك خير الجزاء واسأل الله ان يرحم جميع موتانا ويدخلهم فسيح جناته مع الصديقين والشهداء اسأل الله ان لا يزورك حزن يوم وايامكم تكون كلها افراح

لجميع المتداخلين
[ندعوك للتسجيل في المنتدى أو التعريف بنفسك لمعاينة هذا الرابط]

مبروك لبودار بزوغ فجر جديد يشع بالامل وباالحياة وينسيك ايام الشقاء والتعب لا بل هي الثمرة التي سوف تنمو لتظلك وتملاء دنياك بالفرحة والسعادة تكون بمثابة بلسم في ظل هذة المعاناة اهزوجة طفل ورنة نغم وضحكة زول جاي من بعيد ليفاجاءك بحضورة وانتي من بين هذا وذاك ينعقد لسانك وتموت الكلمات انها فرحة الدهشة

شكرا كتير الباشمهندس علي الجزولي وطلتك اسعدتنا ويارب تمتد الافراح لتشمل كل الموجودين وتنطوي صفحة الاحزان للابد بعد ان طوت اعزاء غالين علينا كتير ولكن ستستمر السفينه في الابحار مادام الحياه مستمره وستتجد الامال وتتوالي الايام وفي القلب بريق من الامل يشتعل مع ضؤ النهار فيخبو عندما تأتي ظلمات الليل الا من بصيص من النور ياتي متسربلا بعتمه لامتناهيه قد تاخذك بعيدا الي عوالم من الاحزان او تسقطك في بيارة الامل وفي كل سقوط في هوة القدر لانعرف ماذا يخبأ لنا غدا ولكننا نذهب اليه في خطي ثابته اذا كان في العمر بقيه
شكرا كتير علي المرور

د. عازه

اديناك ساقة الحنانين ومشروع الحويلة

ورينا المستور

نختم هذا البوست ونفجر المفاجأه الكبيره
تصدرت العضوه عزه قائمة افضل عشرين عضو مساهم في المنتدي وبعدد 10 مساهمات وكانت متساويه مع العضو م بروي في عدد المساهمات وبكتابتها هذا البوست بتاريخ لسبت مايو 11, 2013 9:37 pm تفوقت وتصدرت القائمه زووووووووووول فكر فيها مافي . الجائزه راحت عليكم المره دي اتمني لكم حظ طيب وموفق في الايام المقبله ولكم جميعا عميق شكري وتقديري واحترامي

د. عازه

اديناك ساقة الحنانين ومشروع الحويلة

ورينا المستور

أبو أحمد قال كدة؟
............
انا قلتا لاضارب تلفون ولا سائل. لامن أشوف؟
.......
المناصير عندهم مثل يقول ( عومتنا في محّارة ) والمحارة هي قوعة السركال البحري.. رخويات.. ترجاك مجدوعة في حجيرة البحر..
عومك في محارة يعني ضغطك ختاك فيها وعومك في البحر من شدة الضغطة..
دحين أنت موش بالغت يا بت؟
ياخي نجلاء زمراوي ذاتا فاجأتيها وكانت هي متصدرة الموضوع وقايلة نفسا عارفاهو وتناقر فينا أنا وأبو أحمد. وأبو احمد يعتبر أستاذ بالنسبة لها.. وأنا ا‘تبر معلم بالنسبة لها..
اتهمتنا مرة بالخرف.. ومرة بالشيخوخة المبكرة
ومرة بالشبكة الطاشة..
والسبب أنت يا بت أختى
موش بالغتي يا عازة
موش كترتي المحلبية
طيب الحايديكي جائزة أفضل عشرين عضو منو؟ سلمان عقيد والله خالد عابدين؟
شنو هي؟
درع
......
بالغتي

والله بالغتى عديل , انا كنت قايل نفسى ملك الاحصاءات لكن طلعت اى كلام خدعتينى , لانه سبق وان كتبت احصاء بعنوان حدث فى مثل هذا اليوم ولاحد جاب خبرو فافتكرت الناس ما عندها اهتمام بهذه المواضيع لذلك لم افكر انك مشيتى ناحية الاحصائيات , على العموم خيرها فى غيرها.
-------------------------------------
كتبت بتاريخ 12/4/2013
تشير الاحصائية الموجوده على الصفحة الاولى من المنتدى بانه فى مثل هذا اليوم من العام الماضى الموافق الثانى عشر من شهر ابريل والموافق ليوم الخميس وفى تمام الساعة الحادية عشر وخمس وخمسون دقيقة مساءا حدث اكبر تواجد للاعضاء والزوار فى لحظه واحدة حيث بلغ العدد حوالى 102 عضو وزائر كحدث فريد لم يتكرر لامن قبل ولامن بعد وهذا يقودنى الى سؤال مباشر وهو ما الحدث الهام فى ذلك اليوم الذى استدعى كل هذا العدد فى لحظة واحدة ام هى الصدفة البحتة , (يمكن للادارة مراجعة المواضيع التى كتبت فى دائرة ذلك اليوم , وقد تكون من الاهمية بمكان ).
مادفعنى للكتابة عن ذلك اليوم المميز هوكيف نجعل من منتدى المناصير بلدى منتدى جاذب خاصة واننا منذ فترة بدانا نفقد الكثير من اعضاء المنتدى النشطين والمهمين نتمنى عودتهم جميعا.
عن نفسى ارى من ادارة المنتدى اتخاذ بعض الخطوات الهامة والضرورية لبث الروح فى جسد المنتدى منها على سبيل المثال لا الحصر:-
*فتح المنتدى العام امام الزوار فقد تلاحظ انه تم اغلاقه امام الزوار خاصة اذا علمنا ان نسبة الزوار تفوق نسبة الاعضاء بحوالى الثلاث اضعاف .
*منتدى قضية المناصير من اهم المنتديات على الاطلاق ومن خلال ملاحظتى اليومية لحركة الدخول للمنتدى يلاحظ انه عندما تثار بعض المواضيع الهامة التى تخص المنطقة تكون حركة الاعضاء اكثر حيوية ويتوفر اكبر عدد من الاعضاء رقم عدم المشاركة فى الموضوع المعنى ورغما عن الكع والكف , لذا اتمنى فتح هذا المنتدى ايضا امام الزوار مع مراقبة ما يكتب فيه لعدم الاساءة والتجريح الشخصى للاعضاء .
ملاحظة اخيرة هى ان متوسط تواجد الاعضاء فى لحظة واحدة يتراوح بين ثلاثة كحد ادنى وخمسة عشر كحد اقصى وان نسبة الزوار تتراوح بين العشرين كحد ادنى والخمسين كحد اقصى .
هذه بعض الملاحظات ارجو ان تسهم فى تطور المنتدى وارجو المعذرة من الادارة ان تدخلت فى امر يخصها .

طبعا يالخال زووووووول متوقعه مافي معقووووووووووووله مناسبه خاصه تكون في المنتدي العام كان مفترض السؤال دا يتبادر لذهن اي واحد يعني يافرحه تخص المنتدي او المناصير اوالسودان المفرحه عزه . بالجد كانت المداخلات حلوه واعجبتني شديد بينك وبين نجلاء وابو احمد مشكورين كتير

مشكور كتير الاخ نصر الدين ويادوووووب كدا الزير بقي فيهو مويه وعرفت المستور ومساهمتك في موضوع الاحصاء دي مفترض كان تجد اهتمام كبير من الادارة لان اولي خطوات التخطيط هي الاحصاء ووحتي تصنيف الاعضاء في الافضليه بكمية عدد المساهمات وليس بالنوعيه معقوووووووووله بس عزه تتصدر القائمه في الافضليه وبالمنتدي قامات وقامات بس لو قارنت العشره مساهمات بتاعتي ما بتحصل مساهمه واحده من القامه م بروي الذي كان في المرتبه الثانيه لك الف شكر

الاخ سلمان عقيد انا الجائزه تبعي مابتنازل منها وكان حااقوليكم رسلو لي صورة اسمح حلاوه في السوق لكن عندنا عزاء يكفي الشعر الرصين الذي بادرتم به للمباركه

يعني انا المستحق للجائزة
الله يبارك فيكم
اوعه من جائزة صور
صوره اعمل بيها شنو؟قالت صورة حلاوة..
رسلي لي من مواشيكم الكتيره ديك
وياريت من كل نوع واحد بس...
نحنا ما طماعين
منتظرين

الاخ محمد بروي انتم الافضل دوما وهذه قناعتي دوما تسلم كتير علي المرور وماعندك مشكله اسمن خروف نرسل ليك نغمتو

انت عارفه يا عازه انا ما عارفه الناس بتبارك في شنو وما قريت فاتحه البوست تووووش دخلت وباركت واسدرت الموضوع ولمو في العمالقه ابحمد وابو حنه.وهاك يا مجادعات.

عازه كتب: نختم هذا البوست ونفجر المفاجأه الكبيره
تصدرت العضوه عزه قائمة افضل عشرين عضو مساهم في المنتدي وبعدد 10 مساهمات وكانت متساويه مع العضو م بروي في عدد المساهمات وبكتابتها هذا البوست بتاريخ لسبت مايو 11, 2013 9:37 pm تفوقت وتصدرت القائمه زووووووووووول فكر فيها مافي . الجائزه راحت عليكم المره دي اتمني لكم حظ طيب وموفق في الايام المقبله ولكم جميعا عميق شكري وتقديري واحترامي

بالمناسبة يا دكتوره عازه حتى لو ماكنتى اتساويتى مع ود عمتى ود بروى دا كان برضو اديناكى الافضلية لان ود بروى ياخد غيبة وبعدين يجى داخل على المنتدى يسوى صلاة المسافر يجمع ويقصر , تدخل المنتدى تلقاهو يشلع احمر كلو تعرف ودبروى وصل فمساهماتو شغل اسبوع فى يوم عشان كده ما معدوده .
تسلمى ويسلم شاعرنا ودبروى ويسلم الجميع ولاعدمنا طلاتكم التى تنسينا الغربة .

نصرالدين ابوزيد حامد كرار كتب:

عازه كتب: نختم هذا البوست ونفجر المفاجأه الكبيره
تصدرت العضوه عزه قائمة افضل عشرين عضو مساهم في المنتدي وبعدد 10 مساهمات وكانت متساويه مع العضو م بروي في عدد المساهمات وبكتابتها هذا البوست بتاريخ لسبت مايو 11, 2013 9:37 pm تفوقت وتصدرت القائمه زووووووووووول فكر فيها مافي . الجائزه راحت عليكم المره دي اتمني لكم حظ طيب وموفق في الايام المقبله ولكم جميعا عميق شكري وتقديري واحترامي

بالمناسبة يا دكتوره عازه حتى لو ماكنتى اتساويتى مع ود عمتى ود بروى دا كان برضو اديناكى الافضلية لان ود بروى ياخد غيبة وبعدين يجى داخل على المنتدى يسوى صلاة المسافر يجمع ويقصر , تدخل المنتدى تلقاهو يشلع احمر كلو تعرف ودبروى وصل فمساهماتو شغل اسبوع فى يوم عشان كده ما معدوده .
تسلمى ويسلم شاعرنا ودبروى ويسلم الجميع ولاعدمنا طلاتكم التى تنسينا الغربة .

أنا كنت فاكر ابو مصطفى براهو الزبلعاني أتاريها ياود خالي حتى عازه
دي اكبرزبلعانيي ومزاوغيي ..أنا لمحت وفزت بالجائزه
ولما طالبنا بالجائزه قعدت تقول لينا ارسل ليك نغمت
الخروف... من الله خلقك سمعت بي حس خروف رسلو؟
يرسلوكي انشاء الله في متقدم اب كرشولا(وهي لله)
تسلم يا رجل ياسمح يازين

نجلاء زمراوي كتب:انت عارفه يا عازه انا ما عارفه الناس بتبارك في شنو وما قريت فاتحه البوست تووووش دخلت وباركت واسدرت الموضوع ولمو في العمالقه ابحمد وابو حنه.وهاك يا مجادعات.

المساهمات كان اكثر من رائعه اختي وشايفه ابوحنه وابو احمد بقو فقرا لكن ماشاءلله عليك ماخفتي من السخته ههههههه جزاكي الله كل خير

نصرالدين ابوزيد حامد كرار كتب:

عازه كتب: نختم هذا البوست ونفجر المفاجأه الكبيره
تصدرت العضوه عزه قائمة افضل عشرين عضو مساهم في المنتدي وبعدد 10 مساهمات وكانت متساويه مع العضو م بروي في عدد المساهمات وبكتابتها هذا البوست بتاريخ لسبت مايو 11, 2013 9:37 pm تفوقت وتصدرت القائمه زووووووووووول فكر فيها مافي . الجائزه راحت عليكم المره دي اتمني لكم حظ طيب وموفق في الايام المقبله ولكم جميعا عميق شكري وتقديري واحترامي

بالمناسبة يا دكتوره عازه حتى لو ماكنتى اتساويتى مع ود عمتى ود بروى دا كان برضو اديناكى الافضلية لان ود بروى ياخد غيبة وبعدين يجى داخل على المنتدى يسوى صلاة المسافر يجمع ويقصر , تدخل المنتدى تلقاهو يشلع احمر كلو تعرف ودبروى وصل فمساهماتو شغل اسبوع فى يوم عشان كده ما معدوده .
تسلمى ويسلم شاعرنا ودبروى ويسلم الجميع ولاعدمنا طلاتكم التى تنسينا الغربة .

تسلم كتير اخونا نصرالدين وراسي خلاص بقي قدر البطيخه الا نجيب ليهو عتاليين يمسكو بي جاي وبي جاي مشكور كتير بنحاول ولكن لايمكننا ان نحصل قاماتكم وم بروي والكثير من القامات التي يستمد المنتدي منها روحه وتألقه وروعته

كدي يا عازه اهه فهميني الحاصل ....
النضم البتقولي فيهو ده دربو وين...
النشوف نفسنا طلعنا الكم...

نجلاء زمراوي كتب:كدي يا عازه اهه فهميني الحاصل ....
النضم البتقولي فيهو ده دربو وين...
النشوف نفسنا طلعنا الكم...

انا بي كدا اتأكدت انك مازولت بخرات ههههههههههه

[quote="انتصار حجازي"][right]بالله هو الموضوع كدا
عاد يا دكتورة عازة بالغتى فيني لانه من البوستات اللى لازم اقراها يا بت امى
باقي شمارى تقيل
وعاوزة اعرف نحن بنبارك فى شنو تسلمي كتير ياانتصار مداخلاتك كان رائعه بروعتك اختي

abuahmed كتب:د. عازه

اديناك ساقة الحنانين ومشروع الحويلة

ورينا المستور

خلاص يابو احمد وريناك المستور ساقية الحناين عندي فيها بالوراثه خبر مشروع الحويله شنو هههههههههه

م بروي كتب:[quote=
أنا كنت فاكر ابو مصطفى براهو الزبلعاني أتاريها ياود خالي حتى عازه
دي اكبرزبلعانيي ومزاوغيي ..أنا لمحت وفزت بالجائزه
ولما طالبنا بالجائزه قعدت تقول لينا ارسل ليك نغمت
الخروف... من الله خلقك سمعت بي حس خروف رسلو؟
يرسلوكي انشاء الله في متقدم اب كرشولا(وهي لله)
تسلم يا رجل ياسمح يازين

الايام دي الخرفان منشطات وضع صامت نسبه لان الدنيا محله والصيف في عزوووووو ونحن ناس مطره ساي لذلك تعبت شديد عشان اطلع ليك نغمه وبعد دا تقول لي ابو كرشولا الايام دي انا كان عايزه اهدي ليكم خروووووووف الا اجيبو ليكم بالاسعاف هههههههه انا قلت شويه تروقو المنقه المطره تنزل والقش يفرهد والخرفان تبقي ماشاءلله عليها بعد داك نرسل ليك خروف عمر سنه والله حرام ماشاف في الدنيا حاجه لذلك لازم تفسحو بعد داك تضبحو

الزبالعة هم قوم ظهروا في التاريخ الإسلامي كمجموعة ولهم أرث في الزبلعة
كانت هناك عجوز في الحنانين حضرناها ونحن صغار
يقال لها ( ضهيبي) هي أم النعيم ود سعد وزينب بت سعد المرأة الحكيمة التى يسميها والدنا الحنوني ( فاطمة أحمد ابراهيم) كأول إمرأة دخلت البرلمان.
وهي التى شاغلت نائبنا وقتها في البرلمان العمدة نعمان سنة 1968 ومجلسة الجلسة حتى الآن في مداولات البرلمان
عندما وقف العمدة رحمه الله بحسن نية وقال نحن في المناصير محتاجين لنفاسات)
فردت عليه فاطمة( سعادة النائب نعمان.، هل عندكم مطارات في المناصير، تنزل عليها النفاثات؟)وعمدانا طبعا يقصد بالنفاسات الدايات
..........
الليلة شاعرنا ود بروي أدخل بت أختى في الزبالعة
أها ضهيبي دي وكانت نحنا أطافل لما الواحد يغلط في حاجي تقول ليهو ( زبلعة تزبلعك) وما كنا بنفهم كلمة زبلعة دي شنو؟

صديق عبدالله علي أبوحنة كتب:ظهروا زبالعة توهو منتدانا وناسو
فينا القام يبارك والظهر إفلاسو
شاعرنا المبجل ما كتم أنفاسو
زبلعا زبلعة وختاها في كراسو
صنفا في الزبالعةوقاسا بي مقياسو
وقال هي والطيوب في الزبلعة إتواسو

الليلة والليلة

اماني ما وقعت مرا

ود ابحنة بدا الحكاية

نحن منتظرين ودبروي, ود عون الله ,سامي والنفر عشان يطيروها من الزبلعة

لحقوها ود علويي

[quote="عازه"]

abuahmed كتب:د. عازه

اديناك ساقة الحنانين ومشروع الحويلة

ورينا المستور

خلاص يابو احمد وريناك المستور ساقية الحناين عندي فيها بالوراثه خبر مشروع الحويله شنو هههههههههه[/quote]

مشروع الحويلة هين وانت مستعجلة مالك,انا واصحابي ود ابحنة وودبروى مدننا كترت سواقي قبل خمسين سنة ولسع ما لمينا فيها, شيلي الصبر, بسلمك المشروع بعد القبلك يستلموا.

مشروع الحويلة خليهو كدي استعد لاستلام هدية الزبلعة من الجماعة

والله هدية الزبلعة دي... يا أبو أحمد ظاهر عليها هدية تطير بيها الوراها من الزبلعة؟
ههههههه
استنا لما يجوها الجماعة الذكرتهم وكمان ضيف ليهم ود نور الهادي على العطا.. نادر والأرباب سلمان والفكي.. وحتى أميرة علي صارت تقرض القريض..
الليلة والليلة زي ما قلت..
هههههههه
خليها في الأول زي ما قلت تستلم هدية الزبلعة
قالت أنا في مصاف العشرين الأوائل في المنتدى قالت؟ وعايزة هدية على كدة قالت الدكتورة
زي ما قالت محاسن أول مرة تشوف دكتورة مستهبلة.. محاسن حساسة ومهذبة ما رضت تخت كلمة الزبلعة .ختت بدلها دكتورة مسخوتة.. هي الزبلعة ما كعبة يا محاسن.ز هي مجموعة ناس تزوغ وتربط يعني وتماري وتتلمص زي أم جرق من الهدم في الفجييك يعني؟ ديل هم الزبالعة الظهروا بعد انحطاط الدولة العباسية..

صديق عبدالله علي أبوحنة كتب:ظهروا زبالعة توهو منتدانا وناسو
فينا القام يبارك والظهر إفلاسو
شاعرنا المبجل ما كتم أنفاسو
زبلعا زبلعة وختاها في كراسو
صنفا في الزبالعةوقاسا بي مقياسو
وقال هي والطيوب في الزبلعة إتواسو

الليله يالخال بنت اختك زبلعوها
ولي ابو كرشولا قالو يبعثوها
والخرفان قالو رسلوها
دحين بابيات شعر الحقوها
وياوعقيد من الشاعر الكبير حاجزوها
وياسامي للمواقف حايدوها
وياودعون الله علي الصاح عاونوها
وابواحمد كان في طريقة صلح صالحوها
النفر والعمده حبوبتكم فرحوها
وماتخلو الشاعر الكبير يبهدلوها
مشكور كتير الخال وريتني كلمة زبلعه انا كنت ناويه ارسل ليهو خرووووووف بالاسعاف لما يصلو هناك يصلو شاورمه يعني خروووووووف منتهيه صلاحيتو قبل يقول الله اكبر يكون استشهد في يدو لكن لقيتو برضو كتير عليهو