إمتحان في قطعة أدبية منصورية

مناصير البلد يمتنعون..
خلينا نشوف المناصير المتمنصرة في الأول
...........
اللغة العربية
قسم البلاغة الشعبية
جاوب على معاني هذا الكلمات التى استخرجت من هذه القطعة الأديبة في كتاب( جلسة سمحة في القوز.. ( ود بروي) الكاتب سلمان عقيد عثمان
.....................................
القطعة
r=red]]ببحة صوته
ربنا يجازى الكان السبب لن نغفر لن ننسى هذا للابد—
اما صوت البوابير فله وقع خاص ويهيج لديك الذكريات الجميلة والجروف وزى ما قال الراحل حبيب المعروفة-والعم قطر-والراحل عثمان ود الحسن—والبقية----
وزى ماقال الزعيم النفر ياسلام ياود بروى –فى
الصميم---جلسة تاريخية لان للمكان ولا الزمان تانى بيعد—التمر مصفر والبحر ماشى
الصيف لوى—الاساتذة الكبار النافعابى والنذير الصقر—ود الحسين—واللخى –(بابورا
يدقدق صوتو بدرانى ) ---اما الزمن شهر ثمانية حسب تاريخ الكاميرا –البحر قلب ماشى والصيافى
والتمر صفر والمسافرين يبدا فى العودة—البوش—لكن ياودبروى الشريط دا بحتو من وين—لكنك
ابدعت-- [/quote]

وأخص تحديداً
1 نجلاء زمراوي
2 محاسن
3 إقبال سلمان
4 زينب
5 انتصار حجازي
6 علي حدوري
..................
الامتحان
1 الصيف لوى ( المعني)
2 البحر قلب ( المعنى)
3 البوش ( المعنى)
4 الخوخيي ( المعني)
5 محمصص ( المعنى)
6 نكدي ( المعنى)
7 الحضنقال ( المعنى)

السؤال الثاني
أذكر.. أذكري.. الكلمات التى وردت خارج القطعة الأدبية
السؤال الثالث
أذكر.. أذكري الكلمات التى وردت في القطعة الأدبية
السؤال الرابع
أذكر عكس وضد هذه الكلمات
1 لوى
2 البحر قلب
3 محمصص
4 نكدي
مع أمنياتنا بالتوفيق
سوف تحرر شهادات من المنتدى للذين أو اللاتي يحرزن الدرجة الكاملة فور استلام الإجابات شهادة ( منصوري.. منصورية في عين اي زول) بالإضافة لمبلغ مالي يكفى لوجبة عائلية مشاوي في مطعم( أمواج ) أو ( سيدي بيه)

طبعا ياهندسة أول واحدة حتجاوب انتصار لأن مدرسها الخصوصي يمكن يغششها ولا يمانع أن يحل لها الامتحان.

يا مصباح ياخوي انا شاطرة خلقة

بس كويس خلينا نقدم الاخوات قدامي

لاحظ ان قوقل نفسه استااااذ

شاطرة نعم لكن في هذا الامتحان لابد من الاستعانة بالدكتور وأظنه كان مشغول وصديقيني في ده موش حايغششك بس كتري البخرات. بالمناسبة اليوم سأكتب عن تفسير معنى اسم انتصار. إذهبي للببوست المحدد.

الاستاذ القدير ابحنه لابد من تحديد وقت. للامتحان عشان نجهز الاوراق والاقلام وكدي...الله يكفيناشر الغش .انا عندي استاذ لكن طماع شويه جنن كلو ما اطلب منه زياده دروس يعلي السعر عشان كدي حا اجتهد براي ولكل مجتهد نصيب...
كدي النبدا با حضنقال. ...الحصي

أول إجابة غلط يا بت العم..
مصباح موش قال ليكن في تعليقو الفوق داك!

شاطرة نعم لكن في هذا الامتحان لابد من الاستعانة بالدكتور مصباح قال كدة

وتاني قال ليكن كدي مصباح

وصديقيني في ده موش حايغششك بس كتري البخرات

طيب خليك من الحضنقال الما عرفتيهو يا الشيخة نجلاء
هذه الكلمة الوردت في القطعة الأدبية فوق تعني شنو؟ ( اللخي ) ارجعي للقطعة.. هل تعني اللحية! أو الحية! أم المديدة! أم شئ آخر..

تسلم استاذنا ابوحنه وامتحانك صعب لكن نجازف مامشكله لكن شكلي حااكون الطيش في البلد اللسانه عجمي
عندي بخره صناعة مقرات اصليه ميه الميه لكن خايفه اتحمل شوال ملح مساخه وتكون في النهايه البخره ماضاربه هههههههههههه

عازة جيبي البخرة وتعالي ما تخافي

الامتحان
1 الصيف لوى ( المعني)اتي
2 البحر قلب ( المعنى)دميره
3 البوش ( المعنى)اما من كلمة باشي معناها مناسبه او بمعني بوش فتت الفول
4 الخوخيي ( المعني)
5 محمصص ( المعنى)معناها حاجه وسط لا كدا ولا كدا
6 نكدي ( المعنى) نجتهد
7 الحضنقال ( المعنى)[/quote]

الخوخي والحضننقال ادخلهم لنا في جمله مفيده لانهم خارج القطعه الادبيه توجد كلمة اللخي في القطعه الادبيه وهي قريبه من كلمة الخوخي ولكن ماياها

1 لوى العكس هادئ
2 البحر قلب العكس اصبح صافي
3 محمصص العكس نجيض
4 نكدي العكس نرتاح
وعلي الله توكلنا وياربي تنجحنا

اتذكرت كلمة حضنقال هو الحجر الاملس البلعبو بيهو الاولاد تسلم م برو.........سجمي مالي غلطه تسلم الخال صديق علي هذا الامتحان الذي يؤهل الخاضعون له للحصول علي درحة المنصوريه بجدارة

ههههههههه
عازة إجاباتك فيها صاح وفيها غلط
الحضنقال. يلعبوا بيهو الأولاد صاح.. لكن ماهو حجر.. شئ تاني
الصيف لوى.. قلت أنت جاء.. وهذا غلط
البحر قلب... دميرة إجابتك صاح.. صار عكر تغير لونه أي قلب لونه الى طمي ريط.. أغبش بعد أن كان صافي وأجابتك في عكس المعنى برضو صاح يا عازة
نكدي. قلت .. العكس قات أنت نرتاح وهذا خطأ.. محمصص عكس نجيض ودي صاح.. وبكل أسف جاوبتي بعد أن جابلك بخرة سلمان.. ودي بخرات مصباح البي يقصدا
قلتى الخوخيي ندخلا في جملة

هاكي أها.. ( يا ولد أمرق من هنا الخوخيي جاتك؟)
الحضنقال( موحومااد الحضنقال الجابو غليد عشان كدة كسب لعبة الدفيق علينا)
الباشي جاوبتيها صاح.. وليمة.. فرح... هي يا عرس.. يا ختان أولاد.. اي عزومة لايقال لها باشي.. يعني سماية لايقال لها باشي.. حفلة مدرسة ولو ضابحين فيها لايقال لها باشي..وقس على ذلك..

بعدين يا عازة.. قلتي ( اللخي) و( الخوخيي) قريبين من بعض... أسكتي اسكتي. الليلي لو سمعك محمد بروي.! حا يسويلو فيكي قصيدة نبيشي؟
يا حمود هوووي بالله لاتسوي قصيدة نبيشي في الدكتورة دي؟ دي دكتورة حنونية! وأبواتا رؤوس بلد في شرري. بعدين ما تتلحنا بالقصايد بتاعة الهجاء يا شاعر القبيلي. عشان نحن هنا بي نسوى في موية السكر.. عشان البراعم الناشئة تتعلم لهجتا بالتعليم بعد أن فاتهم تعلمها بالممارسة في البلد..
وإلا لو جبت ليك خبر شعر هنا الناس بي تطفش وما بتتعلم لهجتا والغرض الأساسي هنا هو إشاعة المعرفة للجيل الجديد عشان يحمل الراية زي ما حملوها القبلنا..

غايتو محاسن أحسن واحدة لغاية هسه.. بس في التفاصيل نظر.. يعني في إجابة إجابتين محتاجات لتوضيح شوية..
أكثر حاجة عجبتني في إجاباتها ( الصيف لوى) طبق قالت. دي رائعة

عندها استعمال تاني ( نكدي ) عند المناصير يا محاسن... موش النكد بمعنى الزعل.. لا لا لا عند المناصير تختلف.. موش قلتا ليكم قبل كدة لغتنا دي لغة معايشة. يعني بالقياس ما بتنفع..
........
الحضنقال في أحايين نادرة جدا ممكن يكون حجر صغير.. لكن في الغالب الأعم حاجة تانية.. خاصة في لعبة الدفيق ما بيكون حجر

نحن لسنا فى فى كشف الدعوه ولكننا نقدم انفسنا كوكلاء لاستلام الجائزه للفائزين من خارج العاصمه نسبه لقرب موقعنا من امواج وسيدى بيه

واظنهم تم اختيارهم من خارج العاصمه

المهم نحن جاهزين

[

( يا ولد أمرق من هنا الخوخيي جاتك؟) الخوخي حاجه يخوفو بيها الشفع ذي ابو رجل مسلوخه والبعاتي
الحضنقال( موحومااد الحضنقال الجابو غليد عشان كدة كسب لعبة الدفيق علينا) الحضنقال يعني الخرسانه
واسأل الله التوفيق

ياهندسة ديل طيرتهن لابعاثونا

واقترح ان تضيف لهن كلمة ابعاثونا للامتحان

هههههههههههه
يا المجذوب..
كلمتك حلوة. سوف نضيفها في إمتحان آخر
.........
أنا ما طيرتهن. انا أسوي ليهن في موية السكر عشان يعرفن لهجة أعز ناس.. وأشجع ناس..
لأنه هذه اللغة بالمعايشة قربت تنتهي. بزوال مسبباتها..
عشان كدة قلنا نفتح لغة التعليم بالتعلم.. مفروض نستقبل جيش أكثر منهن ومنهم.. ومن وراء الكواليس طبعا في ناس بيقروا ويستفيدوا..
ديل الجن هنا وشاركن أشجع بنات وبعضهم أشجع رجالة.. الثقة في النفس مهما كان.. أنا أشجع ذلك.. حتى لو الإنسان أخطأ.. هذاأحسن من السكوت والصمت السلبي..
الجية هنا والمشاركة عندها بعد ميتافيزيقي.. توحي بصمامة الشخصية وذكائها. ( قهر الصعاب)

عازة عملت تصحيح وجاوبت على الخوخيي صاح
حاجة يخوفوا بيها الشفع.. وهي بيت العنكبوت وفيه العنكبوت الكبير من جوة يتحرك في جميع الاتجاهات.. يخلعوه بكامله ويقربوه من الشافع يخاف.. وقد جاوب عليها زمان في بوست منفصل.. الأخ سامي أحمد محمد أحمد الفكي

استفدنا كتير يالخال وطريقة التعلم بالامتحان بتثبت المعلومه ياما كلمات كتيره مررنا عليها مرور الكرام والفهم كان بالصياغه العامه لكن الامتحان يجود المفردات واذكر ان هناك كلمه قد علقت في ذهني واشعر بجمالها كلما نطقتها
كلمة شقيش وهناك كلمه تأثرني دائما بروعتها كلمة هول منو وفي الامتحان عجبتني بشده كلمة الحضنقال دي تاني حاتدخل معاي في اي جمله مفيده
اعمل حكاية المره السمعت لاول مره كلمة فجاءة مشت سيد الدكان قالت ليهو اديني بصل وفجاءه زيت
لهجتنا بالجد جميله والعبارات حنينه شديد ومعبره تأخذك بعيدا الي بلاد ساحره النيل والجروف والخضره والناس الطيبين

ردك ده برضو كان روعة بي هناك يا سلمان وأسهبت ووضحت فيه الكثير مدعوما بالنصوص والشعر..
لكن عازة دي قالت: ( اللخي ) التى وردت في قطعتك الأدبية قالت اللخي حاجة زي الخوخيي كدة!ههههه

يا عازه خلي البص الكتير واجتهدي براااكي
نحن قاعدين نذاكر وانتي محاسن تجمعن في الورق وترجعن مالكن ماتبقي كلمتكن واحده...الخوخي التاكلكن...
معليش ياهندسه علي التاخير...باقي استاذي اشكل معاي عشان كدي اتاخرت لكن خلاص اصلحنا ومصر يقسم الجائزه معاي ....بس جائزتنا دايرنها نقدي ...باي عمله بنقبلها...
اول زول جاوب الحضنقال انا...

أول زول جاوب الحضنقال بت شيوخ الربع العاصي. استاذة نجلاء.. والجائزة بالدرهم..

نتابع حل الامتحان...
لوي.....معناها برم وهي مرحله ماقبل خروج القندول اوقبل الفقع
البحر قلب....بدا لونه يتغير وهي بدايه مرحله الدميره.
البوش ...جمع باشه وهي تطلق للمناسبات السعيده وهي مشتقه من اابشوش اي السعيد.
الخوخي...هي. اسم وهمي بغرض التخويف.
محمصص ومر...ده معني يطلق علي اللبن عندما يصير متقطعا وحامضا...واسالي البره.
نكدي....زهجي.
اهههه بعده ده استاهل الدراهم والشهاده ودي اهم لي من الدراهم

تستاهل الشهادة أم وضاح..
بس محمصص ما بتقال في اللبن.. تقال بس لحاجة واحدة تانية
اللبن يقال عليهو( حـِمْبلب ومر)
محمصص برضو كلمة مشتركة بين الشايقية والمناصير( العيش ريف محمصص وما طلع هين) برضو وردت في البيت الشعري للأرباب سلمان أعلاه