كيزان منافقين فاسدين يتصارعون على السلطة !!!!!!!!!!!؟

السائحون يتظاهرون في قلب الخرطوم ويطالبون بالافراج عن معتقلى المحاولة الانقلابية
April 17, 2013
( حريات)
تظاهر العشرات من مجموعة (سائحون) أمس 16 ابريل في الخرطوم مطالبين بالافراج عن معتقلي ما يسمي بالمحاولة الانقلابية الذين صدر قرار من البشير بالعفو عنهم ولم ينفذ .
ورفع المتظاهرون شعارات تطالب باطلاق سراح كافة المعتقلين من عسكريين أو مدنيين .
وخاطب المتظاهرين الناجى عبدالله – من المؤتمر الشعبى وعضو مجموعة (سائحون) واحد اشهر من يسمون بالدبابين – متوعداً بانهم اليوم يتظاهرون سلمياً واذا لم تفى السلطة بوعودها فستكون لهم وسائلهم الاخرى .
وفيما يبدو تنازلاَ جزئياً على خلفية التظاهرة ، اطلق جهاز الأمن سراح اثنين من الضباط المعتقلين ، وهما العقيد ركن الطيب السيد عمر والعقيد ركن محيي الدين أحمد عمر وعادا مساء أمس إلى منزليهما ، بحسب ما اوردت (الانتباهة) اليوم .
شاهد الفيديو :

مسدار لمنسوبى المؤتمر الوطنى يهدد عبد الرحيم محمد حسين : اخير ترحل بدار قبال يتفجر سلاحنا يخمك
April 17, 2013
(شبكة أحرار)
متضمنة عبارة (اخير ترحل بدار قبال يتفجر سلاحنا يخمك)وجه مجموعة من منسوبي مليشيات النظام رسالة مفتوحة لعبدالرحيم محمد حسين في شكل مسادير شعرية تحوي تهديدا صريحا بالقتل وتحمله مسئولية ما لحق بالنظام من هزائم عسكرية متتالية وجاء في الرسالة التي نظم أبياتها مجموعة من المؤيدين للنظام والمقاتلين الانقاذيين السابقين :
ده الجيش قمه فى الزوق والادب والعفه
الجيش انضباط وبياده من غير خفه
الجيش ان طلع لابد بدايت الزفه
الجيش يوم كتالو كل البلد معترفه
الجيش ديمه صابر ماشفناهو يوم اتمرد
الجيش ديمه راكز وفرسانو مابتتحرد
الجيش كل مطالبو قائد فى جيلو اتفرد
والجيش طلبو وزير دفاعنا من السياسه اتجرد
ده الجيش هيبه البلد العظيم انسانو
والجيش رمز عزه ومجدو فى فرسانو
الجيش لازمو قائد تخريجو من اركانو
والجيش وزير دفاعو يحمى لى سكانو
الجنديه اصلا شرف البيتقن فنو
والقائد المحنك كل الثغور عرفنو
تحترمو الجنود يوم ازيد فى جنو
والفشل الزريع طايراتو توقع منو
بعد ماكنت ناظم للرهان متحدى
حاط بيك الفشل وبفوقو جائ معدى
كان الجيش زمان اردع خصومو وفدى
وفى عهدك صبح بالحسره يوت متغدى
كيف بنطيع اوامرك وات الجندى اخر همك
طايراتك تقع وات فى الكندشه بارد دمك
كيف فى العركه نصبر وطايراتك عدونا وفمك
اخير ترحل بدار قبال يتفجر سلاحنا يخمك
وفى عجله وثبات برفع اشاره قائد
لى قائدى الرئيس الليهو دايما رايد
يا ريس طلبنا تبقا بينا محايد
تقبل استقالتو وشوف لينا قائدا فايد
الوجع السكن جوه القلب حراق
والبلد الصبح جنديهو فى الساساق
كان قبل الرئيس باكر تشوف براق
وكان رفض الرئيس بنلزمو الدقداق
حقو تعرف ياوزيرنا انت ماقائد حمام
ياخ قدم استقالتك قبل مايبد الخصام
ده البلد مليان ماسئ جد وصل حد الحطام
ياخ سيبنا نشوف مصيرنا ياخ ارحل باحترام
ومنها
عبد الرحيم والله ديك مظعوط
..وزير دفاع،،!! والله حله صعوط
..مابيعرف نضم غير التفاف ويجوط.
. مفروض كل زول يديكا ميتين سوط
يا وزير الدفاع احسن دفاع الكوره
.. كيفنك فريق؟ والله كتييير دبوره..
تشتري في السلاح زي تاجر العجوره..
ضيعت البلد ركبتنا الماسوره
ياجيشنا اللي كان نارك تبق وجاجه
… ضباطك شموس دبورتم وهاجه
…. الليله اليقودك في مخو عندو رجاجه
.. مابهمو السلاح بس جيبو اول حاجه
ومنها
يا جيشنا اللكان عسكر دواس وفراسه…
وكنتو جرارق العركه البدودى نحاسه.
بعدما ابطال خنادو هسى جوه حراسه…
بقيتو كلاب قنيص ساهى وعبيد للساسه…
حليل جيشنا اللكن عسكر جرارقو اسوده…
سيفو يفرتق الدرع ابحديد والخوده…
بعد يا عبد الرحيم ادوك رسينتو تقوده…
اصبح قربه يابسه مطرطره ومقدوده…
الجيش البكاتل فى الهجير والصى…
فوارس بمدغو الجمر المولع وحى…
فى هجليج دى هسه وقبيلا فى تسنى…
بدورلو وزير مكرب مو المرخرخ ونى.