عاوز العمودية رايكم شنو ؟؟؟؟؟؟؟؟؟؟؟؟

أبو مصطفى لك التحية وتستاهل العمودية وأنت أهل لها لكننا نخاف من أولاد العمدة ودقمر يزعلوا مننا وممكن تكون عمدة المنتدى وممكن تكون عمدة في الجرافة أما إذا ظفرت بعمودية المناصير فنرشح أن تكون أم مصطفى إحدى عضوات مجلس العمودية وتسلم لينا ياعمدة.

التحية والتقدير لك يا عمدة.. يعني معقول تلقاها سهلي كدي... هسع ناس دماج ديل لما يعرفوا بأن الطيب ود عبد الرحيم بقى لهم عمدة في الخرطوم ما بيقوموا يجوك آخر الليل بي خمسة عشر لوري عشان يباركولك.. وبعدين تكلهم من وين.. ويقولوا العمدة قال والعمدة جاب.. وله تمشي تشيل من الخزنة الربطة في طرف الربطة.. لأنك بقيت عمدة وداير تطبقها.. ولما يجوك ناس المراجعة تقول لهم أكلتها في بطني دي .. وله أكلتها الناس.. ؟

ذكرتني حكاية عمدة ..دي واحد من أهلنا المناصير بالرياض.. وما نخش تفاصيل أكثر عشان ما ينكشف السر.. وكان زعيم حقيقة. وفي بداية التسعينات يوم قابلته وقال لي جاءنا واحد منصور ي هنا قضى معي يومين.. فقلت له ليه ما عرفتنا عليه.. طوالي قال لي انت عمدة المناصير هنا في الرياض؟؟ وبيني بينك زعلت فيها شديد وحرقتني في مصاريني.. وما رديت عليه. فقلت بيني وبين نفسي كان ممكن يكون الرد احسن من كدي.

والله تستاهل أخي أبو ممصطفى.لهذه العمودية. بس المشكلة الناس ما بترد بس تقرأ الموضوع وتمر مرور الكرام.

أنا أول المرشحين لك.. ومتبرع لك بمائة ريال لا غير مشاركة مني في تكلفة الملابس وجزمة النمر.

ونواصل ....والتحية للمرور الكرام.

يا زول

يا ناس ما في زول يديهو راسو قال داير يبقي عمدة انت قايل العمودية دي طلقيت ساااكت كدي اي واحد داير يبقي عمدة والله محن تعال يا ود بروي شوف ود اختك الداير يبقانا عمدة

من حيث المبدأ نوافق ونرشح...
لكن الحريمات بعيد!!
لأنو أنا ما سمعت بمجلس عمده به حريم..
الأخ عبد تالغنى ما قصر مقبوله منو الجلابيه وجلد النمر الجزمه..
لكن صدقنى أبو مصطفى حا تدفع التمن غال لهذا المنصب إذا وفقت وسوف تندم على هذه العموديه...
إنت قايلا هينه؟؟
ديوانك فى الجرافه قدر شنو؟؟
العربيه برادو ولا صغيرونه دابه ودابك؟؟عدد السراير فى البيت كم؟؟
حشم و..............فى ولا ما فى؟؟أقصد موالى وإماء موجود ولا لا؟؟
بعدبن صراحه العموديه دى أصلها ما مشت الجزاير من السلمات وعلى السليمانيه ما شفت الجماعه رجعو الفلوجه من الكاب..
لكن والله يا أبا مصطفى أنت تستحقها ونص وخمسه!!!كونه يقف معك فى هذا الأمر الدكتور مصباح والزعيم عبد الغنى فأنت فايز فايز!!
نتمنى لك التوفيق والستره والعموديه..
يا عمده..لك السلام وضيوفك الكرام..

والله فكرة
انت عارف من مغترب بطانية
رجل اعمال يجي ماري يفرش الديوان
ويوم تشتهي اللحم تركب ام جغور ودكلس والعتود
النعوفاب سلمان والعبور
فقاعة والخروف
والله ابو مصطفي شديد الفكرة دي جبتهامنين ..؟؟؟

هههههه والله يا أبو مصطفى انت ألذ زول.
صوتى لك .

انا اعترض

يا سيد ابو مصطفى لا يبقى افقك ضيق !!
فقط .... إنا لا نولي أمرنا من طلبه

تسلم ياعمده وانا صوتي ليك وخصوصا انت حاتكون عمدة وجاهه جلد نمر وشالات كيف يعني باختصار عمدة بارده عروسات واحتفالات ومناسبات وبس لكن الحاره مامعاك وحل المشاكل ماشايله من اصلو لانو فيها وجع دماغ عشان كدا انا برشحك بشده لهذا المنصب (عمدة افراح المناصير

ههههه نكتة عمك ظريفه خلاص وانت يابو مصطفي ماقالو ليك عازه ماخذه الدكتوراه بتاعته في عواسة المريق اصلي بعوس بالكوز والجريد والفرفريبه كلو وممكن صاجي يكون مولع من الصباح للمساء يعني بنفع زولة ضيوف وبي كدا انا برشح نفسي عشان اكون في مجلس العمدة ومن ناحية الضيوف والزوار اطمن شديد واهم مافي الموضوع وانت زول عمده لكن محاسب حااوفر ليكم شديد في ميزانية العموديه وبند استقبال الضيوف

انا بلدي من المانديرة لحدي الشامخية
وقاعد فيها
وما ببقى ملطشة للبسوى والما يسوى
إنت شوف بلدك وين ؟؟؟؟؟؟؟؟؟
لو داخل حدودنا دي يبقى اخير تتخارج عمودية ليك ما في
لو زول مدن ولهايط تراهو الشر برا وبعيد
إيه رائك ؟؟؟؟

أبو مصطفى نحن نرتقب حفل تنصيب العمدة ومستعدين نحضر من قبل اسبوع وأجيب معاي دهيبات الحريمات من السعودية وأبشر وسير ونحن من خلفك حتى بحير الحارة وأنت مسعول من الخير ناس ودنموري يبقلوك شنو تحياتي وتعظيم سلام للعمدة.

ابو مصطفى كتب:

احمد عبد الوهاب كتب:انا بلدي من المانديرة لحدي الشامخية
وقاعد فيها
وما ببقى ملطشة للبسوى والما يسوى
إنت شوف بلدك وين ؟؟؟؟؟؟؟؟؟
لو داخل حدودنا دي يبقى اخير تتخارج عمودية ليك ما في
لو زول مدن ولهايط تراهو الشر برا وبعيد
إيه رائك ؟؟؟؟

قنالك امرق منها ؟؟؟؟ حتى لوبقيت منشرى فى المناصير من اولها الى اخرها عمودية ابو مصطفى ماها شاملاك ؟؟؟؟
والله عينة من الناس ما بى تظبط معانا هنا كلوا كلوا ؟؟؟ امش شوف البوست بتاع القضية ؟؟ واكتب فيه وجادل تلقى عينتك هناك ؟؟؟ نحن هنا ناس ونسة واحلام مانى من ناسك ؟؟؟؟ خلينا فى حالنا ونشوف شغلنا ؟؟؟ عامل غاغه فى الفاضى ؟؟؟
تحياتى
العمدة ابو مصطفى

يا زول انت المنتدى دا حقك ؟
اكتب في اي حتة
اقول ما يعجبني
ليك الحق ترد وله لا
امشي منتدى القضية وله امشي جهنم دا ما يخصك
انا ما زول غاغة .. الغاغة انت سيدا
بلا عمودية بلا خرمجة معاك
الدنيا صباح ما تخلينا نمرق من جلدنا

ابو مصطفي
انا ارشحك من اسع بس تعيني في وظيفة الكرباج
انت تحكم وانا اكربج فوق الراس اية رايك ياعمدة
انا الوظيفة دي كايسة من ذمان مالميت فيها هوي
ياعمدة احمد عبد الوهاب اسع مالو مسخن كدي راجع الدفاتر
الاتكون خربلك خراب انا شامم ريحة انتقام في الموضوع
المهم انا مازلتي متمسك بوظيفة الكرباج ألموت اللحمر

انت يا اخ ابو مصطفى فشلت فى الترشح للعمودية بدليل اول اعتراض على عموديتك تشنجت وازبدت وهذا هو الفشل

يا ابومصطفي العمدة لازم يبقي بالو طويل وانت زي ما قالك الفقير ود الفقراء محمد الحسن طيفور فشلت يا زول عمدة شنو وانت قاعد تفتش في الريالات والعمد بيدو الناس وما بشيلو منهم

قال عمدة قال

ياعمدة ولايهمك--لازم يكون فى ناس رافضين لكن الاغلبية العظمى موافقين--بعدين الرشيد دا راس السوط لاحقو--خلينا فى مراسم الاحتفال والتسليم والتتويج -بعد الانتهاء من الترتيبات الامنية--برضو الرشيد معاهو حق فى انك من البداية عايز قروش --دى بعدين بى تجى براها --تشيل من دا وتخت فوق دا-وهاك يامجالس صلح- وحدود-وهاك ياجروف وهاك يابهايم وهدايا --فانت ستكون حاكم وقاضى القبيلة فلازم الناس تتهافت لتقديم الهدايا --عشان عمدة وضيوف القبيلة --وبرضو المحاكم والغرامات وتوظيفها التوظيف الصحيح --ماتقع فيها عريس بس--كرم وشهامة وقوة شخصية وفراسة ورجالة وطولة بال --دى لازم تركز عليها --(ذكرتها ليك قبل كدذ وماسمعت كلامى ---قلت ليلك مايجيك الليل الجزاير --العز والحنبقة )

اها علشان كلامك السمح دا عن المرأة نؤيد عموديتك وبشدة كمان
وليك علينا يوم حفل التنصيب الزغاريد والدلوكة تجيب الطاشي

ابو مصطفى كتب:
ويمكن اسع نعمل توصية من انتصار حجازى وبت الحومرى واميرة على ؟؟؟؟
على اليمين انتو تلعبو لعب ؟؟؟؟ اسع بالليل جانى تلفون من الاراضى المقدسة
حرم
الحروم ديل قالك الدهب دا كيمان كيمان ؟؟؟ سونوا فى قرارة دمورية كبيرى
اقل حاجة تشيل ليها ربع ونص دقيق وقالن هذا هدية للعمدة ابو مصطفى ؟؟؟
وحسب
سمعى والله يكفينا شر القوالة ؟؟؟؟ الرجال زعلانيين زعل شديد ؟؟ قالوا نحن
نشتغل للعمدة غربتنا طالت واستطالت وحصادنا ياهو حبات الدهب ديل ؟؟
والنسوات
تبرعن بالدهب للعمدة حتى يبنى مملكته الجديدة ؟؟؟ ولسع الخير ماشى
والحكاية كبرت خلاص مع العمدة ؟؟ والعمدة بقى يسوى فى البف بف بف ؟؟

[/right]
هههههههه شكلو الطمع حاصل بس ما خسارة فيك الدهيبات

سلمان عقيد النعوفابى كتب:
برضو الرشيد معاهو حق فى انك من البداية عايز قروش -

لا بالعكس يا سلمان عقيد ابو مصطفى اثبت انو زول وااااااااضح على الاقل احسن من بعض المسئولين الواحد يقول ليك هي لله وتلاقاه يلقف ساااااي
فعلشان كدا البيكون واضح دا بتلقاه بعيد جدا من انو يلقف قروش الناس


ابو مصطفى لما تتنصب عمده عاد ما تنسى اخواتك
انا بس عاوزة لى عربية مع الخير الجاييك دا


[/right]

عندي سؤال ياعمدانا ليك لكن خائفه من العكاكيز تجيني وتجيك اصلي اليومين دي ماني متحمله عكاز عواسة السناسن هدة حيلي وانت شايفاك لسع ماعينت حارس للعمده
السؤال هو
ممكن نعرف برنامج العمده لتطوير منطقة المناصير ورؤية العمده في المستقبل لحل مشاكل المناصير كافه وخصوصا نحن اصبحنا مشتتين ارضا وفكرا ولاتجمعنا سوا هذه الكلمه الجميله انا منصوري بعزه وفخر

كراكة البرجوب تفتح الشارع

يا اخوانا اوقفوا هذه المهازل هل على الحمود بوسطجى ونحن لا نعرف ول شنووبعدين الرشيد شنو البجرى وراك وكانك اردت ان تقول ضعوا العربة امام الحصان

انت ياعمدة --خالك ودبروى مالو ماجا بى جاى يبارك ليك

عشمك في العمودية عشم الكلب في موية الابريق يا زول انت قايل العمودية دي لعب سااكت العمودية فيها حاجات كتيرة خلاص ما عندك منها التكتح وكمان فيها جينات انت تحسبو لعب عمودية والله بالغت عديل

يا ودبروي الحق ود اختك ده سريع قبل ما يصدق

يا عمدة المنتدى أبو مصطفى كل شئ ولا عمدة الشعراء ود بروى فنحن حرسه الخاص فالراجل لم يسمع بتنصيبك عمدة للمنتدى حتى يأتى لتهنئتك أما تنصيبك عمدة للمناصير فهذا عشم ابليس فى الجنة لأنك حتى الآن لم تقل لنا من هو عميل السدود الأول , فالعمد يقولون للأعور أنت أعور فى عينك والعمدة فنان قال للعميل أنت والدك كان يبيع حلاوة سكينة وأنا جدى استشهد فى الدبة دفاعا عن هذه الأرض الغالية .

بس انتو تدوروا تدخلوا الزول فى اضافروا وتحكوها شديد ؟؟؟؟ نامت تجيب الدم ؟؟

العمدة لازم يبقي واضح وصريح ويقول القول الفصل ولا يهاب احدا يا زول الناس تخاف من العمدة مش العمدة يخاف من الناس

العمدة يكون كيسوا فاضى

عارفين كيسوا فاضي عشان كدي قلنالك ما بتنفع

ابو مصطفى كتب:سعدت كثيرا بالمرور واليوم شايف فى رهط من النساء يبادرن ويبايعن العمدة ؟؟؟؟
والعمدة يسوى فى البف بف بف ؟؟ من شدة الروقة والعجب ؟؟ لا لتقييد الحريات
عمودية نساء ورجال لا لتقيد فرد بلغ النصاب ؟؟؟ عمودية وديمقراطية لجميع الناس ؟؟؟ من اراد ان يرشح ابو مصطفى لها فليكن ومن ابى فليكن ؟؟؟ والان بلغ عدد الذين يايدون ابو مصطفى لهذا المشروع عدد كبير خالص ؟؟ والكلب ينبح والجمل ماشى ؟؟؟ ويا جبل ماهزاك ريح ؟؟؟؟
العمدة لديه برنامج كبير لتطوير منطقة المناصير ؟؟؟؟ هذا البرنامج الذى تبلغ تكلفة حوالى 1510000000 يورو ؟؟؟ وقبل دقائق كنت اتحدث مع الاخ الشقيق نور الهادى بهولندا حول الزيارة المرتقبة للاتحاد الاوربى وعقد جلسة مع العمدة ؟؟؟
لكن الظاهر عليهو فى مشكلة بسيطة وسوف تحل وهى مسالة ان جدول رئيس الاتحاد الاوربى مليان الا بعد شهر ؟؟
اما بالنسبة لبرنامج الدول العربية والزيارات المرتقبة للعمدة سوف تكون فى مقبل الايام القادمة ؟؟ حيث وصلتا دعوة من سمو امير قطر ودعوة من العاهل السعودى ودعوة من امير الكويت ؟؟؟؟ ولكن نحن الان مشغولين بالترتيب لحفل تنصيب العمدة ؟؟؟؟؟ وسوف نخطر جميع السادة بجميع الاخبار وسيروا وعين الله ترعاكم ؟؟؟؟
تحياتى ولى عودة

برنامجك تمام التمام وبكره الرواكيب الصغيره تبقي اكبر من مدن مازال الامل موجود مع عمدانا وحساباتنا اصبحت باليورو وهب الله سبحانه وتعالي لنا الماء والخضره والباقي عليك انت ياعمدانا وماظن حايكلف كتير من ميزانيتك الضخمه دي شوية كهرباء ومويه وطرق وفنادق وفلل رئاسيه ومطار لانو لما بقي فيها اتحاد اوربي مابستبعد اوباما ذاتو يطالب بالاجتماع بي عمدانا ابو مصطفي

[quote="ابو مصطفى"][size=24] الاخوة الافاضل والسادة الضيوف ؟؟؟؟ نحيطكم علما بانه وبالامس اجتمع مجلس العمدة وقد اصدر بعض القرارات والتى منها :--------------
قرر مجلس العمدة منح السيد الرشيد افندى الاتى :--------------
عدد 2 جوال فيتريت ............. التسليم سوق النعوفاب
2 جوال قمح .................. التسليم سوق النعوفاب
2 جركانة زيت ........... التسليم سوق النعوفاب
2 شوال سكر ............... التسليم سوق النعوفاب
مبلغ 500 جنيه عدا نقدا ........... التسليم بديوان العمدة ابو مصطفى
مع احضار كافة الاوراق الثبوتية او التوكيل الشرعى فى حالة الانابة
والله ولى التوفيق ,,,,,,,,,,,,,,
العرض دا مناسب جدا يالرشيد جيب معاك مايثبت ووقع علي المبايعه للعمده ابو مصطفي ]

ابو مصطفى كتب:
يا جماعة والله اسع عمدة دا زعلان شديد من ناس هنا فى المنتدى ؟؟؟
زعلان من ؟؟؟؟؟؟؟؟؟؟؟
منوفلى
خالى صديق
ود الحيبة
سارى الليل
بت الحومرى
معاوية
النفر
حازم
سامى
الفكى
الكليس
وناس كتار خالص انا زعلان منهم ؟؟؟؟؟؟؟؟؟؟؟

تحياتى
ولى عودة

ياابومصطفي غدا الجمعة انشاء الله بمناسبه العموديه سوف نسجل لك زياره
ومعي الاخ جبريل واسرته
واخرون
بس جهز الخروف وخليك جاهز

عييييييييييييييييييييييييييييييييييييك!!!أههههههههههههههههههههههههههههههههههها
العموديه خيرها قرب

جابت ليها رشوة كمان ؟