شذرات من شجرة وريفة في تربية الفلذات (منقول)

لا تقل لطفلك ؟؟؟

لا تقل لطفلك: لا ترسم على الحائط

بل قل: ارسم على الورق و عندما تنتهي سأعلق الرسمة على الحائط أو الثلاجة أو السبورة

لا تقل لطفلك: قم صلي و إلا ستذهب إلى النار

بل قل: تعال و صلي معي لنكون معا في الجنة

لا تقل لطفلك: قم رتب غرفتك التي مثل الخرابة

بل قل: هل تحتاج للمساعدة في ترتيب غرفتك لأنك دائما تحب النظافة و الترتيب

لا تقل لطفلك: قم ادرس و اترك اللعب فالدراسة أهم

بل قل إذا أنهيت دروسك باكرا سأشاركك في لعبة أو أي نشاط تحبه

لا تقل لطفلك: قم نظف أسنانك ولاّ لازم أنا أقولك

بل قل: أنا مبسوط منك لأنك دائما تنظف أسنانك من غير ما أقولك

لا تقل لطفلك: لا تنم على الجنب الأيسر

بل قل: علّمنا رسول الله صلى الله عليه وسلّم أن ننام على الجنب الأيمن

لا تقل لطفلك: لا تأكل شوكولاته عشان أسنانك لا تسوس

بل قل: أنا سمحت لك تأكل شوكولاته مرة في اليوم لأنك شاطر و دائما تنظف أسنانك

من طرف **م بروي** الثلاثاء 05 فبراير 2013, 2:30 pm

إذا قال أبيت ما بأكل
فلا تقل له(الله يكتر قولة أبيت في البيت).
وقل له سأذهب بك إلى حدائق أم عِججي لو أكلت يا عزيزي.
إذا قال أدوني عشاي
فلا تقل له أمه: (تتعشى حجار بوني)
فلتقل: تتعشى (حجار دماج __دي عشان الطيب)
إذا قال ماشي ألعب
فلا تقل له (تلعب كراعك شلع)
وقل له:العب بني والله يحفظك.
إذا لم يرى ما أرسلته ليحضره
فلا تقل له(العمى اليدقنسك)
وقل له:دعنا ننظر سوياً للجهة الأخرى.
إذا قال ماشي الكوره
فلا تقل له Sad

طير الله يطيرك)
وقل له احرص ألا يصيبك أحد
إذا قال خلاص أنا قايم
فلا تقل له(قومة نمر من شندي)
فقل بالسلامه ياحبيبي
إذا ناديته وقال :هوووي
فلا تقل له (الهوى التقلع أضانك)
وقل هواء بارد كنسيم الجرف يغشاك يا عزيزي
إذا بكى
فلا تقل(تبكي مالك بكوا عليك)
فقل ما يبكيك يا حبي ماعاش من يزعلك
إذا قال ما سقيت الحماره
فلا تقل(حمرة تسلخ جلدك)
فقل حمرة ولكن لاتسلخ جلدك
إذا قال ماشي لعمي
فلا تقل له(العمى اليقدد عيونك)
وقل له سلم لي عليه
إذا قال بطني فاضي
لا تقل له(البطن البقدولها العنقريب)
وقل تتعبأ ياحبيبي عافية وصحة
إذا قال بكلم أبوي
فلا تقولي له Sad

بو يفقعك)
فقولي: سنرضيك ولا نحوجك لذلك
إذا استفسر وقال :شني دي؟
فلا تقل له (شن دهنك)
بل أخبره بها
إذا قال أنا عطشان
فلا تقل له(عطش الكريتي)
وقل سقاك الله من الكوثر
_____________-
دكتورنا الغالي والحبيب
رغم قصر فترة فراقك فالشوق
عبأ الدواخل وشغل النفس
فمثلك يعز فراقه ويقسى.
مودتي

قرقرقرقرقرقرقرقرقرقرقرقرقر

كنا دايرين نتشالق ونكتب لكن قلنا البدخلنا وسط الكبار ديل شنو

فاكتفينا بالإستمتاع بهذه الدرر والقرقراب

حفظكم الله ورعاكم أيها الرائعون

ورد غربتكم وحقق أمانيكم وجمعنا بكم فى لحظات المودة والأفراح

ووفقكم الله لكل ما يحبه ويرضاه

بكم نفخر ونباهى ونقول هؤلاء هم سفراؤنا فاليرينا كل منكم سفيره

مع مودتنا

من طرف **م بروي** الثلاثاء 05 فبراير 2013, 3:33 pm

سامي الأسمى
مشتاقووووووووون
والله نضمك أحلى مما جئنا به
وزي نسيم الجرف القلناهو

من طرف **ابو مصطفى** الثلاثاء 05 فبراير 2013, 5:04 pm

اسع نكتب نقول شنو ؟؟؟؟؟؟ قالوا الماعندو كبير يشوفوا كبير ؟؟؟؟ والكبار ما خلوا شى ؟؟؟؟؟ ونحن يا دوب فى اولى كتاب ؟؟؟؟ وفى حاجات كده ماعندها حل كلو كلوا ؟؟؟ اسع انا واحد من الناس عندى بت دى جنها قروش ؟؟؟؟ والله كان دخلت ومرقت من الاوضة تقول لى ابوى جيب جنيه ولى عشيه البت دى معلقى فى الجنيه ؟؟؟؟ ويوم من الايام دخلت الى محطة الوقود وقمت فكيت 50 جنيه فكة جنيهات ؟؟ قلت الا اشوف نهاية البت دى شنو ؟؟؟؟ وبقيت كل ساعة تقول لى ابوى ادينى جنيه اقوم اشيل واديها وفى النهاية لقيت الحكاية دى ما عندها حد والبت ابت تقيف ؟؟؟؟؟ اسع زى دى يعملوا ليها شنو ؟؟؟؟؟؟ ويقولوا ليها شنو ؟؟؟

تخريمه :-------------ة
خالى محمد حليل حجار دماج ما غرقت انت ماعندك الخبر والله شنو ؟؟؟؟

تحياتى
ابو مصطفى

من طرف **م بروي** الثلاثاء 05 فبراير 2013, 7:35 pm

عندي خبر يا صديقي الطيب الطيب.
البنت كل ما تطلب جنيه
أديهو ليها
القروش حقتك
ما حقت جرفي الروكه
الأمنت عليهو

سامى احمد محمد كتب:قرقرقرقرقرقرقرقرقرقرقرقرقر

كنا دايرين نتشالق ونكتب لكن قلنا البدخلنا وسط الكبار ديل شنو

فاكتفينا بالإستمتاع بهذه الدرر والقرقراب

حفظكم الله ورعاكم أيها الرائعون

ورد غربتكم وحقق أمانيكم وجمعنا بكم فى لحظات المودة والأفراح

ووفقكم الله لكل ما يحبه ويرضاه

بكم نفخر ونباهى ونقول هؤلاء هم سفراؤنا فاليرينا كل منكم سفيره

مع مودتنا

والله صراحة .. المحيرني الأخ الأستاذ الكبير محمد بروي.. جاب لينا الكلام دا من وين بس إلا يكون مخزنه في سي دي CD .. والله انه حقيقة جميل جداً. والغريب في الأمر الناس تمر مرور الكرام يا جماعة ما تقولوا حاجة.

شكراً لك دكتور حسين على الدرر القيمة.. وشكراً لجميع المرور ..نسأل الله لكم العافية والصحة جميعاً

ابو مصطفى كتب:اسع نكتب نقول شنو ؟؟؟؟؟؟ قالوا الماعندو كبير يشوفوا كبير ؟؟؟؟ والكبار ما خلوا شى ؟؟؟؟؟ ونحن يا دوب فى اولى كتاب ؟؟؟؟ وفى حاجات كده ماعندها حل كلو كلوا ؟؟؟ اسع انا واحد من الناس عندى بت دى جنها قروش ؟؟؟؟ والله كان دخلت ومرقت من الاوضة تقول لى ابوى جيب جنيه ولى عشيه البت دى معلقى فى الجنيه ؟؟؟؟ ويوم من الايام دخلت الى محطة الوقود وقمت فكيت 50 جنيه فكة جنيهات ؟؟ قلت الا اشوف نهاية البت دى شنو ؟؟؟؟ وبقيت كل ساعة تقول لى ابوى ادينى جنيه اقوم اشيل واديها وفى النهاية لقيت الحكاية دى ما عندها حد والبت ابت تقيف ؟؟؟؟؟ اسع زى دى يعملوا ليها شنو ؟؟؟؟؟؟ ويقولوا ليها شنو ؟؟؟

تخريمه :-------------ة
خالى محمد حليل حجار دماج ما غرقت انت ماعندك الخبر والله شنو ؟؟؟؟

تحياتى
ابو مصطفى

تحياتي لك أبو مصطفى .. زول دماج الحار.. أمس جاءت سيرتك مع الأخ بدر الدين.. دكتور عبد الواحد عطية الله عبد الرحمن .. وعبد الكريم خير الله .. وذكرناك بالخير... .انت يا زعيم ما فكرت في الإغتراب ليه؟؟ عشان بنتك الحلوة دي بدل ما تديها جنيه... بعدين تديها ريال..خمسة ريال.. عشرة ريال.. أو كمان خمسين ريال؟؟ يبدو انك انت منصوري حار وكريم.. داير تنادي الناس من الشارع يا جماعة تفضلوا.. وعندنا نسيبنا عليه رحمة الله خليفة ود خير بالسلمة من الكرم بتاعه كان فتح جزارة .. وما تمت شهر إلا قفلها.. بعد ما تشتري كيلو لحم يعطيك هوادة يقول دا ود الزعيم فلان.. دا مدير المدرسة.. دا صاحب التاكسي.. دا بتاع الخضار.. وهكذا وطبعاً كان شهماً ولما سكن السلمة ما كان فيها أي منصوري غيره. وما شاء الله الآن اولاده بخيرهم ولله الحمد. .. نأسف أخي مصطى للمداخلة.. وحديثك وتعليقك له شجون ونحرص دائماً للمرور عليه..

والتحية للشيخ محمد بروي وللجميع.

واصلوا ياجماعه
نحن الايام دى بي هناك بس
نتفرج فى الافلام الامريكيه. بطوله ــــــ مافى داعى
فقط ارجوا ان تظلوا. بحوش المنتدى الاجتماعى
الدخول للمنتدى. بالطابق التانى يوجع القلب
محتاجين مجلس حكماء اخر
ايه رايكم لو وقع الاختيار عليكم
تلفونى تحت الهواء. طرف السكرتاريه

من طرف **tamador alsyed** الأربعاء 06 فبراير 2013, 4:36 am

[ندعوك للتسجيل في المنتدى أو التعريف بنفسك لمعاينة هذه الصورة]تحيه كبيييييييييييره لصاحب البوست وتسلم اناملك وفعلا التربيه فن واهم حاجه طريقة التلقى عند الطفل ...

[ندعوك للتسجيل في المنتدى أو التعريف بنفسك لمعاينة هذه الصورة]ههههههههههههههههههههههههههههههههههههههههههههههههههههههههههههههههه والله لى زمن ماضحكة الضحكه دى وكل ماامشى من رد الاستاذ محمدبروى اجى راجعه والمشكله ارجع اضحك تانى ...ماعدمناكم
:
:
سلاماتنا للمرور الباقى

من طرف **م بروي** الأربعاء 06 فبراير 2013, 1:36 pm

عبد الغني نصر الدين كتب:
سامى احمد محمد كتب:قرقرقرقرقرقرقرقرقرقرقرقرقر

كنا دايرين نتشالق ونكتب لكن قلنا البدخلنا وسط الكبار ديل شنو

فاكتفينا بالإستمتاع بهذه الدرر والقرقراب

حفظكم الله ورعاكم أيها الرائعون

ورد غربتكم وحقق أمانيكم وجمعنا بكم فى لحظات المودة والأفراح

ووفقكم الله لكل ما يحبه ويرضاه

بكم نفخر ونباهى ونقول هؤلاء هم سفراؤنا فاليرينا كل منكم سفيره

مع مودتنا

والله صراحة .. المحيرني الأخ الأستاذ الكبير محمد بروي.. جاب لينا الكلام دا من وين بس إلا يكون مخزنه في سي دي CD .. والله انه حقيقة جميل جداً. والغريب في الأمر الناس تمر مرور الكرام يا جماعة ما تقولوا حاجة.

شكراً لك دكتور حسين على الدرر القيمة.. وشكراً لجميع المرور ..نسأل الله لكم العافية والصحة جميعاً

أستاذنا عبدالغني بن الحسن بن نصر الدين
قامة الرياض الكل يوم تسمق وتعانق
عباب السماء أجمل رجالات الزمن الجميل
لك محبتي التي تعلم
تخريمه
أبو مصطفى راجل يتحب

من طرف **ابو مصطفى** الأربعاء 06 فبراير 2013, 4:25 pm

السادة المرور تحية طيبة ؟؟ لكل المرور والاحبة وتحية خاصة لى عبد الغنى نصر الدين بالرياض ؟؟؟ والله كلامى كتير الداير اقولوا وخايف انساه واطلع من عنوان البوست ؟؟؟
اول حاجة بسم الله والحمد لله ويا الشيخ الجعلى راجل كدباس ؟؟؟ وياسيدى الحسن راجل كسلا ؟؟؟ خالى محمد ودبروى راجل لخباط عليكم الله يا عبد الغنى الموت راجيكم وراجينى قولوا الحقيقة ؟؟؟ نحن اسع فى الطريقة البى نربى بيها العيال زى ما كتب القامة دكتور حسين ؟؟؟ يجى ناطى بى هنا يقول ابو مصطفى اكل قروش الجرف ؟؟؟ والله انا قروش الجرف ما شفتهن ؟؟ هو خالى محمد موكل بت كبجون فى دقن اللمر ؟؟؟؟؟ على جرفوا وبعدين خالى محمد دا يا جماعة ؟؟؟ قشيش بنات ؟؟؟ ارجو ان تكونوا فهمتوا معنى قشيش بنات ؟؟؟؟ طبعا راجل حر بلحيل ؟؟؟ ويغنى وفصيح اللسان ؟؟؟؟ لكن مشكلتوا قشيش بنات ؟؟؟
وارجع الى نقطة الاغتراب يا عبد الغنى ؟؟ فكرت فيه والزمن داك ما بعيد عام 2005 والله مانى عارفك انت هناك جيت الى الحرم وحجيت ؟؟؟؟ وقلت يا ولد هوى انت محاسب عربى انجليزى تشتغل ؟؟؟ ما تشوف بلد النبى دى كيف وطريقة الشغل كيف ؟؟؟؟ لكن ما لقيت لى طريقة بالله كاشننا زى الضان اطلع انزل اركب ادخل امرق ؟؟؟ نحن فى الحالة دى اصلو ما خلونا نشوف طريقة والله انا نفسى فى كسرى بى امرقيقة او قول ملاح ويكى مشيت كدارى من المدينة بالقرب من مسجد الرسول لى عند صلاة العصر يادابى وصلت مطعم سودانى فيه ام شعيفى راقدى ؟؟؟ كرعى وجعنى ؟؟ وقنبت مسافة ساعة وجريت نفسى وقلت لى بتاع المطعم جيب صحن كبير وملح لى نامت اشبع واعمل لى شاى سادة سكر تقيل شاى تقيل وبتاع المطعم فهمنى وقال لى حتى الصعوط هنا فى ؟؟؟؟ والله انا اتكيفت شديد خلاص ؟؟؟؟ وشفت لى ترزى وقلت له خيط لى جلابية ؟؟ وفعلا خيط لى جلابية لى يوم الليلى قاعدى اطلع بيها صلاة الجمعة بس ؟؟ واسلم فيها كل يوم ؟؟؟
لانها جاية من الاراضى المقدسة ؟؟؟
المهم فى الموضوع السعودية بلد معلومة نسال الله ان يقسم لنا فيها شغل ونرجع تانى حجة مدبلة يا عبد الغنى وترانا اسع واقعين فى الجوك جوك دا ؟؟؟ البطان والمدارس وفى دا عيان وفى دا شوفوا عندو عرس ودا عندو مناسبة هنا فى السودان والله ما تلقى تحك راسك بالذات فى ام درمان ؟؟؟ والله الفاقة البى يطلقوا فيها المراة ماها فى ؟؟؟
وذكرتنى قصة صاحبك بتاع الجزارة والله يا عبد الغنى استغفر الله انا قريب منو ؟؟؟ مرة من المرات قمت فى عام 1997 فتحت لى دكان فى الحاج يوسف مربع اربعة وما تميت ثلاثة شهور جردت لقيتو خسران ؟؟؟؟ والزمن داك انا طالب وجاء عمنا رحمه الله طردنى ؟؟؟؟ وقال لى اول انت مسوى ليك شلة وحلة فوق حلة تربح من وين ؟؟؟؟ على اليمين الرزق عند الله ومنها مشيت الطين وفى رمضان الوسطى من ناس شررى يقولوا ليهو صدام طردنى من الشغل ؟؟؟؟
على العموم نرجع الى الموضوع الاساسى وهو تربية الاطفال وامس القريبة دى البت تانى جات وقالة عندها تخريج وعاوزة جزمة كيف وعاوزة لبسة كيف وعاوزين رسوم تخريج مالا احمر ؟؟؟ بعدين قلت ليها يا بتى والله شيتك الدايرين يسوا ليك اسع دا انا اتخرجت من الجامعة والله ما سوا لى زى دا ؟؟ انت من الروضة حالتها ماشى يادوب المدرسة ؟؟؟
انت تقرى والله الناس يقروا**** فيك انت ما زاتك مدرسة
وعلى العموم المعيشة هنا يا عبد الغنى طلعت الجبل ؟؟؟؟ وانت عارف الزول وكت يطلع الجبل فى زول بى يقدر ينزولوا بى سهولة ؟؟؟

ولى عودة
تحياتى
ابو مصطفى

شكراً جزيلاً بالقفاف أيها القامة السامقة في سماء الوجدان ملك فقاعة ود البروي شكرأً على هذا الإبداع الجميل والخيال الواسع الراقي فهؤلاء هم أصحاب الذوق الرفيع الراقي والمشاعر الأصيلة وهذا هو خيال الشعراء فخيال الشعر يرتاد الثريا لقد أضحكتنا ياملك حتى الثمالة وجعلت لهذا البوست طعم ورائحة ولون

وأنا في رأيي البسيط أنو المنتدى ده مفروض يكون بهذه الطريقة يكون دوحة غناء وارفة الظلال نجري عليها عشان نستظل بظلها من لفح السموم في بلاد الغربة ومن غربة الأيام , بهذه القفشات الجميلة يكون المنتدى جاذب للناس . ومن هنا أقترح على إدارة المنتدى إلغاء منتدى قضية المناصير والذي أصبح يفرق ولا يجمع وكمان لا يشارك في حل قضية المناصير . أنا أعرف أن قصد من وضعوه من الإدارة كان قصد طيب لمناقشة القضية مناقشة هادئه ولكنه وللأسف أصبح منبر للفرقة والشتات والسب والإتهامات

وشكراً جزيلاً لؤلئك الذين مروا على هذا البوست الجميل من كلام ود البروي شكراً الزعيم سامي أحمد محمد

وشكراً القامة السامقة أبو مصطفى

وشكراً زعيم الرياض الأخ عبد الغني الحسن نصر الدين

وشكراً زعيم المنتدى الحاج شرف الدين

وشكراً الإبنه تماضر

لكم التحية والإجلال أيها القامات السامقة

كان ود البروي ومعاه واحد من قامات المناصير السامقة كنخيل بلادي في زيارة معايدة لأحد المعارف في الخرطوم وعندما دخلوا الحوش لقوا طشت مليان عدة حلل وكواري وكبابي وعدة كتيرة وست البيت لسع ما غسلتها قام ود البروي دقش الطشت بي كراعه فوقعت الكمشة كانت فوق العدة من فوق فقام صاحبه المعاه قاله مالك يا محمد أسع الكمشة دي وقعت من فوق ضربت الكبابي والكبابي صرخت بي راساً واحد والحجة قامت فقام البراد قال للكمشة إنتي ما بتعايني المحل مليان كيفن ما تمسكي قوي , فقامت الكمشة قالت له أسع إنت يالبراد متكي ومتحكر ومادي نخرتك أسع ده مكان يتحكروا فيه , وفي هذه الأثناء جات الحلة واقعة من فوق تولول وتسكلب تسوي واسجمي ديل كبياتي الضربوهن كدي إنت يالبراد ما فيك فايدة وإنتي يالكمشة أصبري لي بي تعرفي البسوي فيك

بي ربكم ألم يكن أصحاب هؤلاء الخيال الرفيع والذوق السامي أن ينصب لهم تذكار

من طرف **ابو مصطفى** الأربعاء 06 فبراير 2013, 7:49 pm

والله العظيم ضحكت لامن دموعى سالن ؟؟ بس فى حكاية البراد مادى نخرتوا ومتحكر ؟؟؟؟ واتخيلت الجماعة ديل كلهم راكبين فى لورى ؟؟؟؟ ومن قهوة محمد ودعلى وطه وماشين على المناصير ؟؟ شى عجيب خيال خصيب ؟؟؟ وهذا هو خيال الشعراء ؟؟؟ لكن نرجع مرة اخرى الى المره ست البيت والله دى مره خملى ؟؟؟
انا عاد جنى وجن المره البى تخلى عدتها وسخانى وتحوم بالحليلى وتفتش فى النضم والقوالة ؟؟؟ اسع خالى محمد دا شيال حال ؟؟؟ اسع هو مالو على عده المرة وكمان دافرها بى كراعو ماقبيل انا قلت ليكم كلام وانتو مشكلتكم ما بتصدقوا ابو مصطفى انو خالى محمد دا من قام ولى يوم الليلى لخباط ؟؟؟؟ اى لخباط ؟؟؟؟ اسع يبقى المره راجلها لايطلقها وخصوصا لو بقى منصورى سخن ؟؟ وكلوا بى سبب محمد ودبروى غير اللخبطة ماعندو شى ؟؟؟؟

تحياتى
ولى عودة

والله البوست جميل ولي كتبه جميل والمارين والمعلقين جميلين.. يعني والله أخي.. أبو مصطفى قريت كلامك وضحكت شديد مع أنه ما جنبي منصور أو سوداني عشان يضحك معاي .. ورجعت صليت الظهر والحمد لله وجيت أضحك... والله بنتك دي مسوالك الهوايل.., أنا كمان عندي رؤى ذات الثلاث سنوات تشيل شنطتها وأحياناً لعبتها وتقم تمشي معانا صلاة العشاء في الغالب واليوم البيتكون ما معانا الإمام يسأل عنها .. واحد سعودي جاري مطوع قال لي والله السودانيين تحررتم. اللهم احفظهم لنا.. لكن يمكن يكون حظهم كدي جاءوا في عهد الإنقاذ وربنا ينقذهم.. ويا حليل زمان والله كما ذكرت سابقاً كل المراحل الدراسية قريتها في الداخلية .. وكنا في جامعة الجزيرة مرطبيبن لآخر ترطيبة.. تتخيل إثنين في غرفة مهيأة من كل .. الدراسة مرتبة شديد.. السكن مرتب شديد.. المكتبة مرتبة شديد. كل شيء يمشي على ما يرام. ليست هنالك أي رسوم تذكر .. الرسوم هي في ملابسك ومصاريفك الخاصة. هلا هلا . هذه ايام من الصعوبة تمر تاني.. .

نجي راجعين للسعودية.. الحكاية قسمة ونصيب... يقال سكرتير اللواء عمر محمد الطيب زمان .. لما يكتب اللواء للسفارة السعودية يطلب السماح بمنح تأشيرة زيارة لعدد من المواطنين طبعاً لمهام معينة .. ويقوم السكرتير قبل التحية والتقدير يترك مساحة كبيرة وبعد التوقيع يقوم يضيف اسم اسمين .. وسعادة اللواء لا يدري .. ومن هنا سافروا ملة من الناس. هذه فرص .. بعض الناس والغالبية العظمى سافروا للخليج عن طريق الفيز الحرة بفلوس عديل.. ويقوموا ويقعدوا حتى يستقروا.. ماعدا محاضري الجامعات ديل طبعاً وضعهم ثاني..بس نصيحتي لك أخي مصطفى بي جريك دا ومجاملاتكم الغير محدودة دي .. حاول شوف القراية محل وين والتحضير .. والموت الأحمر.. واحد من معارفنا هنا من بربر خريج جامعة الخرطوم لغة انجليزية.. وعمل دبلوم ترجمة. وعمل ماجستير ترجمة ومعه بكالاريوس حقوق جامعة القاهرة وعمل ماجستيرعلاقات دولية.وعمره ما وصل الخمسين والآن مستشار قانوني لدى بنك كبير يأخذ أكثر من40 الف ريال وربنا يزيده... وظبط حالك وربنا يوفقك.. وللحديث بقية واشكرك كثيرا.

من طرف **ساري الليل** الخميس 07 فبراير 2013, 3:23 am

سامى احمد محمد كتب:قرقرقرقرقرقرقرقرقرقرقرقرقر

كنا دايرين نتشالق ونكتب لكن قلنا البدخلنا وسط الكبار ديل شنو

فاكتفينا بالإستمتاع بهذه الدرر والقرقراب

حفظكم الله ورعاكم أيها الرائعون

ورد غربتكم وحقق أمانيكم وجمعنا بكم فى لحظات المودة والأفراح

ووفقكم الله لكل ما يحبه ويرضاه

بكم نفخر ونباهى ونقول هؤلاء هم سفراؤنا فاليرينا كل منكم سفيره

مع مودتنا

رغم الظروف ورغم ورغم
لا عذرلنا في عدم المشاركة
ولكن كتابة د.حسين النافعابي
ود .محمد بروي
تجبرنا علي كتابه الكلمات اعلاه
والله كلماتنا تقف حرجا في حضرتكم
تقبلوا مروري
ولكم من التقدير والاحترام والتجله

المرور الكرام سلام وأشواق
وبعد
كيف تكون التربية وكيف تكون الأجيال القادمة مع الذى يجرى هنا أمام مرأى ومسمع الجميع
فظائع يشيب لها الولدان
هل سمعتم بــ نجاضة نعم نجاضة ؟؟؟
هذه أغنية هابطة وأشد من الهبوط تغنى بها مغنى عندما سمعته حسبته بنت من ميوعة صوته وتفاهة كلماته والأدهى والأمر أن التى إختارت أو الذى إختار هذه الأغنية خريج جامعة بل كلية تربية وفى حضور مدير الجامعة وعمداء الكليلت ولفيف من الأساتذة وبالطبع أسر الخريجين
تبرمج لكل خريج أغنية من إختياره يدخل بها إلى مكان الإحتفال يمشى الهوينى ويتبختر ويستعرض الخريجين مهاراتهم فى الرقص والميوعة واللبس الخليع والشعر المتدلى على الكتوف والحناء و ( حاجيات تانى حاميانى ) إلا القليل
كان فى السابق يختار الخريجين بعض الأغانى الجميلة والتى كانت فى معظمها للوطن أو للأم أوللوالد
تكريماً لهم ولصبرهم ومعاناتهم
ولكن اليوم
نجاضة تمرض مرض نججججججججاضضضضضضضة تممممرض مرض
وربنا يهون

من طرف **ابو مصطفى** الخميس 07 فبراير 2013, 4:17 pm

يا سلام يا سلام والله سعدت كثيرا بالمرور وقصتى معاك يا عبد الغنى كبيرة جدا
اول حاجة خلنى احيى الاخ العزيز سارى الليل من على البعد ومن مصفاة الجيلى
حيث عبد الحفيظ النافعابى وشلة كبيرة ورهط من المهندسين العظام وقدام فى المصفاة .
واجيك راجع بالله انت تخرجت من جامعة الجزيرة ؟؟؟؟ طيب انا وراك الدفعة 15 جامعة الجزيرة والان وصلت الى الدفعة 38 ايه رايك ؟؟؟ وعسكورى الدفعة 3 وهاك يازمن ؟؟؟؟ ومر يا زمن وحليلنا منها هذه الدنيا يا عبد الغنى ؟؟؟
اما عن الدراسة والتحضير فقصتى طويلة شوية وسوف تجر لسع ؟؟؟
عملت دبلوم عالى فى المحاسبة والتمويل من جامعة الجزيرة وهى درجة ليست ساهلة وجيت راجع الخرطوم من مدنى وقاموا الجماعة جننونى انت يازول لسع بى تقراء انت يازول لسع بى تقراء ما تشوف ليك شغل حكايتك دى بقت خسارة وانت عارف الاسطوانة المشروخة حقة اهلنا المناصير ؟؟؟ لانهم مساكين ماشافوا الناس الاخرين كيف ؟؟؟؟ والله يا عبد الغنى حتى فى حفرة الطين بالجزيرى وابو قوته والعزازى وكمبو الفيل حياة جدى على وسطى بتاعنا كرهونى ؟؟؟؟؟ قمت جيت قدمت فى مؤسسة الاسواق الحرة وكانت اول معاينة لى وقبلها بنك السودان من قبل عبد السلام الحسين والان هو مدير بنك السودان فرع دنقلا وهو خريج جامعة الجزيرة الدفعة 10 وكان سنيرى وانت سنيرنا كلنا ؟؟؟ الله قادر
وصدفة جميلة فى سوق ام درمان عبد الرحمن يسن ربنا يطراه بالخير ورحم الله طيفور يسن قاعدين فى ضل دكانه فى سوق التمر وحارسين الفطور ومعاى يسن عثمان يسن وعبد الرحمن يسن وشلة ؟؟ رحم الله طيفور يسن كان زعيم الختمية فى ام درمان ؟؟ قام عبد الرحمن يسن قال لى انا شغال فى الكهرباء مع ناس احمد عبد الفتاح جبريل واليومين ديل بى يؤسسوا فى شركة جديدة اسمها بشائر وعاوزين ناس بتاعين حسابات وكمبيوتر اقل حاجة بكلاريوس امش شوف طريقة التقديم حقتهم كيف فى الصحافة ولى يومك دا انا قاعد فى الشركة واحمد عبد الفتاح جزاءه الله الف خير بقى لينا سبب وكتير لى اولاد المناصير المعانا الان فى الشغل السبب فى دخولهم احمد عبد الفتاح جبريل وهذا الرجل خدم ناس كتار من المناصير وفى النهاية الحكومة طيرتو من الشركة حيوا معاى الزعيم احمد عبد الفتاح جبريل ؟؟؟
ارجع الى موضوع القراية وسمعت كلام الاهل والحمد لله ربنا وفقنا فى الشغل
وهذه مرحلة وبعد داك بقيت افتش فى درب العلم بى وين يا عبد الغنى نحن المناصير ما ناس فقرانين والفقر اس البلاوى والله ما تقدر تشترى كراس فاضى ؟؟
وقول بسم الله عملت دبلوم لغة انجليزية عامة فى مركز السودان القومى للغات
واخذت الكثير من الكورسات فى المحاسبة الالكترونية بى ترهل فى جامعة السودان وجامعة الخرطوم وقلت هب رجعت الى مجلس تنظيم مهنة المحاسبة والمراجعة فى السودان ووصلت الى درجة محاسب معتمد والان عندى ختمى الخاص ومعتمد من قبل جمهورية السودان كمراجع ولكن ليس مراجع قانونى لانى الباقى لى اربعة كورسات امتحنها فى الزمالة السودانية واصل الى مرحلة مراجع قانونى وقول بسم الله ما وقفت على كدا وبس منذ عام 2010 سجلت فى الزمالة الامريكية (cma ) وخلصت part one كدراسة والامتحان اما فى كينيااو الاردن او دبى او فى السعودية وانت تعلم ان امريكيا مقاطعة السودان ومركز مصر تم قفله وهى اسهل واحب البلاد الى يا عبد الغنى والقصة طويلة جدا
والله يا عبد الغنى جنس كتب ومراجع عربى انجليزى وجنس اجهزة فى غرفتى نامت بناتى يقولن لى ابوى انت عاوز تعمل شنو ؟؟؟ 2 لاب توب و2 طابعة ملونة وعادية وكمبيوتر دسك توب واسكنر وكل شى ماركة اتش بى وكلو دا عشان نتعلم ونبقى زى الناس ونربى البنات وبعد دا كلو البت اصلو ابت تخلى حكاية ابوى جيب جنيه كلو صباح بس حكاية جيب جنيه كل صباح دى تقلب ميزان المراجعة حقى والبت علمت رفاقتا الصغار يعنى بعد مصروف المدرسة بقن يمرقن 3 جنيهات بى سبب البت ودكتور حسين يقولك ما تقولها لع ؟؟؟ اسع نسوى شنوا ونعمل كيف ؟؟؟؟
ولى عودة
ابو مصطفى

من طرف **mohamadali** السبت 09 فبراير 2013, 3:34 am

ياللروغه والجمال من الاخوال حسين ود بروى وللاخ ابةمصطفى الله يديكم الصحه والعافيه لغد ادخلتم القرحه فى نفوسنا جةاكم الله خيراا

من طرف **عباس محمد** السبت 09 فبراير 2013, 4:27 am

تتوه الكلمات وتشرد فى حضرة الكبار
مشكورين كتييييييير

من طرف **ابو مصطفى** الأحد 10 فبراير 2013, 4:48 pm

انت وين يازول مالك يازولى طولت الغيبية كدى ؟؟؟ الرياض وهى رياض جنة الله فى الارض ؟؟؟؟ الحكاية شنو انشاء الله خير ؟؟

تحياتى
ابو مصطفى

من طرف **ابو مصطفى** الإثنين 11 فبراير 2013, 5:59 pm

كيف تكون التربية وكيف تكون الأجيال القادمة مع الذى يجرى هنا أمام مرأى ومسمع الجميع
فظائع يشيب لها الولدان؟؟؟
فى فجوة كبيرة يا جنابو سامى بين الجيل الحالى والجيل القديم ؟؟؟؟ كبيرة خالص يا سامى حتى فى العسكرية معاك مظبوط كده ؟؟؟

تحياتى
ابو مصطفى

ابو مصطفى كتب:كيف تكون التربية وكيف تكون الأجيال القادمة مع الذى يجرى هنا أمام مرأى ومسمع الجميع
فظائع يشيب لها الولدان؟؟؟
فى فجوة كبيرة يا جنابو سامى بين الجيل الحالى والجيل القديم ؟؟؟؟ كبيرة خالص يا سامى حتى فى العسكرية معاك مظبوط كده ؟؟؟

تحياتى
ابو مصطفى

مظبووووووووط
الله يهون ويعين أخى أبو مصطفى

من طرف **tamador alsyed** الثلاثاء 19 فبراير 2013, 3:50 am

سامى احمد محمد كتب:المرور الكرام سلام وأشواق
وبعد

هل سمعتم بــ نجاضة نعم نجاضة ؟؟؟
نجاضة تمرض مرض نججججججججاضضضضضضضة تممممرض مرض
وربنا يهون

ايها القوم ادركووووووووووووووووووووووووووو الاخ سامى مادام بقى يسمع نجاضضضضضضضضضضضضضضضضضضضضضضضضضه ....فانا ايضا سمعت بالنجاضه من قبل ^_^

الحاج أبو مصطفى لك التحية والشكر أجزله وشكراً على الإستجابة والرد على تساؤلاتنا .. والله ما شاء الله عيني باردي كما يقولون.. الله يوفقك.. الطريف في الأمر مرات الواحد فينا ينسى المووضع في أي فولدر .. عشان ترد أو تكتب .. هل هو في المنتدى العام أو الإجتماعي .. أو منوعات.. وما عارف هل معظم الأخوان يواجهون هذه المشكلة وبالتالي يا تكسل أو تغور في شيء آخر وتمر الأيام وتتعدى ونقد نحسب في المدة.

بس أخي مصطفى خلينا في المهم.. ليه ما فكرت أنك تعمل معهد أو تشارك أو تتعاون لتدريس المحاسبة والإدارة وهلم جرا .. ويمكن لواقترحت هذه الفكرة على عمك وشيخك وشيخنا(الأستاذ أحمد عبد الفتاح جبريل) بهذا المشروع ربما يقتنع وخاصة اذا كانت البروبوزال بتاعتك مكربة .. وشنو يعني لو لاقدر الله فشل المشروع وضرب الدلجي.. فلا حسرة ما مليون ناس ومشاريع راحت فيها.. هل انت أول وآخر واحد تفشل؟؟ والله اتمنى لك حياة موفقة انشاء الله ونجاح باهر سون.

أخي مصطفى من هنا يا جماعة حيوا معي الشيخ الدكتور حسين النافعابي .. الذي حمل لنا هذه الشذرات الطيبات.. وخلانا نخش وندخل في اودية وغابات جميلة .. وونسات.. وحكاوي.. ومشاريع... التحية للحضور والإنصراف منكم

سامحني اخي مصطفى .. ولك شكري وتقديري

من طرف **ابو مصطفى** الثلاثاء 19 فبراير 2013, 4:48 pm

السيد : عبد الغنى ؟؟؟ الحكاية شنو والله غطست غطسة كبيرى خلاص ؟؟؟؟
وانا سالت منك ؟؟؟ يا جماعة وينو زولى ؟؟؟ يا جماعة وينو زول جامعة الجزيرة ؟؟؟؟ لكن فى تعليقك لم تقل لى انت الدفعة كم ؟؟؟؟؟؟ batch(0000)
وهذه حاجة والحاجة الثانية ؟؟؟ موضوع التدريس وعكس التجارب العملية والعلمية فى التخصص وهى حصيلة سنين من العلم والعمل ؟؟؟؟
فمرة من المرات قاعد فى الشغل وضرب لى تلفون واحد خريج جامعىة الخرطوم بدرى كم وسبعين وعندو تجارب فى المعاهد وطرق التدريس فى السوق
وقال لى عندنا مركز اسمه مركز با قدان للتنمية والتدريب وعاوزنك تجى تدرس معانا محاسبة ؟؟؟ وجيت وقعدت لكن بعد الدوام صدق الزول دا ما ظبط معاى وحسيت بانه ممكن يكون ماسورة كبيرة ؟؟؟؟ وفعلا طلع ماسورة كبيرة جدا اقل حاجة اربعة بوصة ؟؟؟ ( اسف ان كنت تحدثت بلغة ناس السوق )
المهم هى تجربة والحياة كلها تجارب ؟؟؟

ولى عودة
تحياتى
ابو مصطفى

من طرف **م بروي** الثلاثاء 19 فبراير 2013, 4:53 pm

زمان سألوا الغفير
راتبك كم؟؟؟
قال أنا والمدير نصرف
ميه وسبعه
هسع البوست ده نصيبي فيهو
السبعه فقط وخمسين حق اسم د/حسين
و20 حق كلام حسين والباقي من الميه
وسبعه حق باقي الأخوان
ود/حسين يقول أنا حركت البوست
ده كلام ده يا زعيم؟؟

من طرف **ابو مصطفى** الثلاثاء 19 فبراير 2013, 5:06 pm

بسم الله تلحقنا وتحضرنا ؟؟ يا سيدى الحسن راجل كسلا ؟؟؟؟؟؟؟؟؟؟؟
اسع الزول دا كلامو مالو كدى ؟؟؟؟ ونضمو كلو قروش وحقى وحقك ؟؟ ودايما يجوط الناس بى فد سطير ؟؟؟ يكتب فرد سطر ويخلى الدارة عجاجا قاج ؟؟؟؟
والله يا جماعة محمد ودبروى دا لا يرتاح ولا يريح الناس ؟؟؟؟ كل زول لازم يلحقوا بى حاجة ؟؟؟؟ بعدين يجيب حكايات عجيبة ؟؟؟ السؤال موجه للمدير او موجه للغفير
طيب الغفير خجلان من مرتبو ليه ؟؟؟؟ مازول قاعد ساكات ؟؟؟ زيك يا خالى محمد ودبروى ؟؟؟؟؟

تحياتى
ابو مصطفى
ولى عودة

من طرف **م بروي** الثلاثاء 19 فبراير 2013, 5:42 pm

ابو مصطفى كتب:بسم الله تلحقنا وتحضرنا ؟؟ يا سيدى الحسن راجل كسلا ؟؟؟؟؟؟؟؟؟؟؟
اسع الزول دا كلامو مالو كدى ؟؟؟؟ ونضمو كلو قروش وحقى وحقك ؟؟ ودايما يجوط الناس بى فد سطير ؟؟؟ يكتب فرد سطر ويخلى الدارة عجاجا قاج ؟؟؟؟
والله يا جماعة محمد ودبروى دا لا يرتاح ولا يريح الناس ؟؟؟؟ كل زول لازم يلحقوا بى حاجة ؟؟؟؟ بعدين يجيب حكايات عجيبة ؟؟؟ السؤال موجه للمدير او موجه للغفير
طيب الغفير خجلان من مرتبو ليه ؟؟؟؟ مازول قاعد ساكات ؟؟؟ زيك يا خالى محمد ودبروى ؟؟؟؟؟

تحياتى
ابو مصطفى
ولى عودة

عتود مضبلن؟؟؟؟

من طرف **الرشيد طه** الثلاثاء 19 فبراير 2013, 6:00 pm

ابو مصطفى كتب:
مازول قاعد ساكات ؟؟؟ زيك يا خالى محمد ودبروى ؟؟؟؟؟

يا ابو مصطفي هو ده قاعد ساكت اريتو كان قعد ساكت كان ارتحنا

من طرف **الرشيد طه** الثلاثاء 19 فبراير 2013, 6:05 pm

م بروي كتب:
عتود مضبلن؟؟؟؟

قرقرقرقرقرقر

والله يا ابومصطفي الزول ده حاقربك جنس حقرة لاقي نفسو بعيد من مرمي عكازك

شكراً .. أبو مصطفى.Batch One

من الطرايف دفعتي الدكتور عبد الحليم البشير الفاروق والدكتور الريح عبد الله عثمان وهم من عرب الجزيرة والرهد وشاءت الأقدار أن يسكنوا مع بعض وهم اصدقائي شديد .. لأن عبد الحليم ابن خالته كان صديق ودفعة للأخ هاشم في وادي سيدنا في الستينات.. وهاجر السعودية زمان وهاشم خدمه كثيراً في الجمارك وهذه الأشياء في السبعينات لما كان المغتربين قلائل.. وعبد الحليم كان يشبهني ونفس الحجم واللون واسماءنا موضوعة بالتسلسل ABCD والناس تلخبط بيننا ولكنه اشطر مني وذكي شديد .. وشيء طبيعي ويمكن تقول أنها سنة الحياة وهو عربي نجيض وكان مرطب اخوانه سافروا للسعودية أيضاً وكل خميس يسافر لقريته (كمر الجعليين) ونحن ننتظر اسبوع أو ثلاثة نجي الخرطوم والحالة نحمد الله كانت كويسة. وكانوا ايام الإختبارات يقفلوا غرفتهم شديد جداً لأن ناس عسكوري وشلته ناس محمد اقبال الآن مدير في بنك العمال وعادل عترة مدير في بنك في مدني ما بيخلوهم .. والحكاية تطول كل واحد عاوز دفترك لينقل منه.. وطبعاً عشان تنادي أو تطلب من واحد تقول له تعالى أشرح لي هذا الدرس أو المحاضرة ما فاهما .. دي شغلانة طويلة وبيني وبينك الجماعة مع .. .....؟ واللبيب بالإشارة يفهم

وايام الدراسة لا تنسى وخاصة في مثل هذه الجامعات شغالة بنظام الـ Course Unit System والله كانت ايام وزنقات شديدة ما زي هسع ممكن تروح الجهاد ويعطوك ويشغلوك .. وهلما جرا.

على أي حال أخونا الريح كان متعاطفاً مع الإتجاه الإسلامي وكان يصوت لهم لكنه ما بيحضر اجتماعاتهم ولا عنده شغلة معاهم ساقوه وشغلوه في بنك فيصل الإسلامي وطبعا ًشهادته كانت كلها AAA بالرغم أنه دخل بنك السودان بدون واسطة ولكن الجماعة سفروه لباكستان عمل ماستر وجاء منها واخذته جامعة الجزيرة وسفروه لأمريكا وكمل الدكتوراة هنالك وجلس بها حتى هذ الأسطر، اما نحن فحدث فلا حرج..... البرجوب جرى معانا جري الوحوش في البنوك ،، ولكن دون جدوى لأننا اصلاً ما كنا حتى متعاطفين معهم This is our mistake وحيث لا ينفع الندم. والله الحمد لله على الصحة والعافية والحكاية يا قريبي كلها أرزاق ما فيها أي كلام.

أما الأخ عبد الحليم اتذكر بعد الإنتفاضة طوالى دخلنا معاينة لشركة الإطارت الدولية ولما دخلت القاعة أشوف عبد الحليم جالس جوه قلت يا جماعة العربي دا باالله سمع بالمعاينة دي كيف؟ وكانوا محتاجين لشخصين فقط والأسئلة كانت Multiple Choice وكان عددنا أكثر من خمسين شخص وتيقنت أننا ننافس في وظيفة واحدة وبالفعل خلص عبد الحليم الإمتحان في ربع ساعة ونحن نقوم ونقعد وبالفعل تم تعيينه واشتغل سنتين وثم اختياره لمركز التعداد السكاني في جامعة الجزيرة وسفروه لبريطانيا وعمل الماجستير والدكتوراة والآن يعمل أستاذ مشارك في جامعة ام القرى بمكة المكرمة. وبنى عمارة في حي المدنيين ..أرقى حي في مدني.. ومن الطرائف قلت له يا أخي عبد الحليم ما شاء الله عليكم في العلم فتونا وفي الفلوس فتونا وفي الولادي كما قتونا (ماشاء الله عنده الأولاد والبنات) .. اها ديل خليناهم الدين خبره شنو؟؟ قال لي ما حافظ أي حاجة..

الحديث يطول ويطول أخي أبو مصطفى .. نسأل الله أن يسامحنا إن قد أسأنا أو قلنا بعض الحديث قد لا يرضي بعض الأطراف.

ونواصل.. من جامعة الجزيرة.

من طرف **ابو مصطفى** الثلاثاء 19 فبراير 2013, 6:21 pm

اسمع بى تجى الاجازة الكبيرى ؟؟؟؟ بعدين براهو بى يشوف والله وقع وقعة شينة ؟؟؟ والله يا الرشيد
ساعتنا الفى الباسقات انا كنت مشغول بى غداء الناس وتكريم عيسى وكان همى الاول والاخير ان عيسى بروى يكون مبسوط مننا ؟؟؟؟ وبالذات التكريم كانوا فيه ضيوف وبالذات الاخوة الشعراء والفنانين الشايقية كانوا كلهم ضيوفنا ؟؟؟ لكن زولك دا
حا يندق على شيبو دا وبراك تشوف ؟؟؟؟ لانو لخباط خلاص وكمان يغنى للناس ؟؟؟ اصبروا ليهو شوية ماهو شبعان شديد وينقز لكن النقزى دا عندو حد ؟؟؟ والشبع دا عندو حد ؟؟؟ والريال دا عندو حد ؟؟؟؟ ( الدخن بكمل ياعفينى ) واصلى حا احرسوا نامت ينزل معاش ؟؟؟؟ ومن هسع دافن عصاتى فى الزبن فى كر المعوز ؟ اخلى يجى السودان ؟؟؟ واديهو ليك عكاز كع ؟؟؟ اقولوا نسيت لخبطتك القديمى ديك يهيا لخباط ؟؟؟

تحياتى
ولى عودة

من طرف **ابو مصطفى** الثلاثاء 19 فبراير 2013, 6:47 pm

ياسلام يا سلام يا عبد الغنى ؟؟؟؟ الدكتور عبد الحليم البشير درسنى كورس اسمه
population studies وطبعا راجل اصفر وقصير كده ؟؟؟؟ وفعلا القسم تابع للامم المتحدة والله هذا الراجل شاطر جدا جدا ؟؟؟؟
لكن انا بسال سؤال انتو اتخصصتو فى شنو ؟؟؟؟ وهذه حاجة ومعناه عسكورى دفعتكم ؟؟؟ صاح ؟؟؟ ارجو واصل فكل الحكاية والرواية ايام لنا طيبة ذكراها ؟؟؟
حتى الدفعة 15 كانت الدراسة باللغة الانجليزية وبعدها الحكاية قلبت عربى وكل شى بقى نص نص ؟؟؟ نص عربى ونص انجليزى وبقى الدكاترة يهاجروا من الجامعة بكميات مهولة والله انا درسنى دكتور اسمه دكتور سيد عباس تمويل ومحاسبة فى حياتى ولمن اموت اظنى سوف لا اجد مثل هذا الموسوعة ودكتور المقلى وكمية من العلماء يحيروك فى جامعة الجزيرة ؟؟؟ علم والله علم ؟؟؟؟
وبعدين كمان الناس هناك كيمان كيمان ؟؟؟؟ فى كوم اكاديميات بس ؟؟ وفى كوم انت وين يازولى انت وين والحولى زولى ؟؟ وفى كوم ناس الصادق والميرغنى وسيدى الحسن والترابى ؟؟؟ بصراحة انت فى اى كوم يا عبد الغنى اوع تزوغ من هذا السؤال وردينى يا راجل ؟؟؟؟
attitude and interest of Sudanese student modified according to apprehension of environment of Sudan to three categories- categories one academic, political . three .socialism

I think socialism
is it true or false

تحياتى
ولى عودة

من طرف **م بروي** الثلاثاء 19 فبراير 2013, 7:09 pm

الرشيد طه كتب:
م بروي كتب:
عتود مضبلن؟؟؟؟

قرقرقرقرقرقر

والله يا ابومصطفي الزول ده حاقربك جنس حقرة لاقي نفسو بعيد من مرمي عكازك

أمك
صاحب العتود الهزيل وصل
العكاز كان قبل كسر الشوكه بالعرس
هسع يضرب بالمنديل

من طرف **الرشيد طه** الثلاثاء 19 فبراير 2013, 7:38 pm

م بروي كتب:

أمك
صاحب العتود الهزيل وصل
العكاز كان قبل كسر الشوكه بالعرس
هسع يضرب بالمنديل

افو ابو مصطفي زول الجزاير يضرب بالمنديل وشوكتو انكسرت افو افو

انا في محلك يا ابو مصطفي بعد الكلام ده الا احجز واسافر طوالي السعودية الاجازي ما ارجاها

قال شنو عتود ضبلان وعتود هزيل انت خليتا ما قاعد تضرب ساااي وتحشر

من طرف **م بروي** الثلاثاء 19 فبراير 2013, 8:16 pm

الرشيد طه كتب:
م بروي كتب:

أمك
صاحب العتود الهزيل وصل
العكاز كان قبل كسر الشوكه بالعرس
هسع يضرب بالمنديل

افو ابو مصطفي زول الجزاير يضرب بالمنديل وشوكتو انكسرت افو افو

انا في محلك يا ابو مصطفي بعد الكلام ده الا احجز واسافر طوالي السعودية الاجازي ما ارجاها
قال شنو عتود ضبلان وعتود هزيل انت خليتا ما قاعد تضرب ساااي وتحشر

عتود هزيل وحرشي كمان؟
بلا خجله الولد يدق في الباب بعد
المغارب(عشان الناس ما تشوف الهزيل)

عم محمد أبوي قالي ودي العتود
لى عمك محمد وقول ليهو أبوي يسلم عليك
(سلم العرقوب

من طرف **الرشيد طه** الثلاثاء 19 فبراير 2013, 9:12 pm

م بروي كتب:

عم محمد أبوي قالي ودي العتود
لى عمك محمد وقول ليهو أبوي يسلم عليك
(سلم العرقوب

وقت ليقتو هزيل مالك ما رجعتوا ما ضربتو ضرب غرائب الابل الجيران ما ضوقتهم

اشد المعذرة لصاحب البوست الراقي دكتور حسين للتخريمات واللخبطة اصلو سيدا جاء هنا اكرر المعذرة

من طرف **م بروي** الأربعاء 20 فبراير 2013, 4:19 am

الرشيد طه كتب:
م بروي كتب:

عم محمد أبوي قالي ودي العتود
لى عمك محمد وقول ليهو أبوي يسلم عليك
(سلم العرقوب

وقت ليقتو هزيل مالك ما رجعتوا ما ضربتو ضرب غرائب الابل الجيران ما ضوقتهم

اشد المعذرة لصاحب البوست الراقي دكتور حسين للتخريمات واللخبطة اصلو سيدا جاء هنا اكرر المعذرة

حسين ذاتو اكل معاي
وأنا وهو لى يوم الليلي في عنبر 7
ياخي تاني لو رسلت زيو على الأقل لبسو حفاظ
عشان ما يوسخ السلم زي الفات

ما هي باينة يا أخوي الرشيد لخبطة شديدة أصلوا صاحبي ود البروي يحب اللخبطة والمناقرة زي ما قال ود أخته أبو مصطفي هو عارفة كويس وإنت كمان عارفه ولكن شن نسوي حكم القوي

ما شاء الله عليكم اتحفتمونا بارك الله فيكم وسدد خطاكم

بوست من الروائع...تشكر صاحب البوست...

من طرف **عباس محمد** الخميس 21 فبراير 2013, 2:49 am

ادلف رساله من خلال هذا البوست الجميل لتصل لصاحبه ملك القوز الدكتور / حسين النافعابى محمد
نص الرسالة يقول :ـــ التقى بى شيخ كبير من معارف الدكتور وله من الشوق اى يسمع صوته عبر الهاتف
واجتهدت معه حتى اوصلت له تلفون الدكتور ولكن رجع وقال لى ان الدكتور لم يرفع له الهاتف
هذا ما دعانى ان انحرف عن موضوع البوست
فيا دكتور حسين الشيخ هو حماد النور وتلفونه 0912681612
فلا بد من الاتصال به فى اقرب وقت ممكن
وشكرا كتييييير

شكراً جزيلاً الزعيم عباس على مرورك على هذا البوست فأنت أحد زعماء هذا المنتدى ومرورك يشرفنا كثيراً , ثانياً وين لاقيت الشيخ حماد النور وشكراً على رقم جواله وسأتصل به فلك الشكر
شكراً الأخت نجلاء على مرورك على هذا البوست وشكراً على مشاركتك

من طرف **ابو مصطفى** الخميس 21 فبراير 2013, 5:30 pm

شفتو الحكاية دى روعة كيف ؟؟؟؟؟؟؟؟؟؟
اوع من اللخبطة ؟؟؟ وناسها معروفين
ولى عودة
تحياتى
ابو مصطفى

من طرف **ابو مصطفى** الأحد 24 فبراير 2013, 5:02 pm

مارديت على يا عبد الغنى فى اى مجموعة انت تقع فى الجامعة والله زغت من السؤال ؟؟؟؟؟

تحياتى
ابو مصطفى

يا أبو مصطفى إنت راجل لخبات زي خالك ود البروي مالك ومال مجموعة عبد الغني تقول خالي لخبات إنت لخبات أكتر منه

لك تحياتي يا زعيم أنت بهارات هذا المنتدى

والله يا ابو مصطفى جاييك بس أصبر علي.. وبعدين عاوز احكي لك من الطرايف بالنسبة لموضوع الأحزاب دي.. أولاً والله انت نوارة وبهارات هذا المنتدى- يعني شطة حمره خط 110 - والله تفرق على الناس كتير.. بس أقول لك شيء انشاء الله ان ربنا طول في العمر... وجئت الإجازة للسودان لازم أختك في برنامجي لزيارتك أو تزورنا.. وعندي ثلاثة أشخاص أي واحد منهم يوصلني بيتك الأستاذ حسن سليمان نصر الدين- الأستاذ محمد علي نصر الدين وساري الليل وفي العدم المهندس مصعب بشير.. انشاء الله الكريم.

نخش في الموضوع نحن حقيقة كنا في الجامعة مستقلين وإلى هذا الزمن وايضاً كذلك كما قال اليمني ما عارف ما هي أهداف هذا الحزب.. ولكن والدنا عليه رحمة الله والمغفرة كان اتحادي شديد ومن كترة ما يحبون الميرغنية لا يحبون الحديث عنهم بأي شيء وكان معه اخوانه عليهم الرحمة وابناء عمومته في الجزيرة شرري - تاج السر البشير- ود اللمين- العويد وحدوري وكل يوم خميس الليلية في بيت واحد .. وكان ابن عمنا عليه رحمة الله حمزة سليمان نصر الدين والذي توفي في البئر كما ذكر لكم سابقاً الأخ علي الحمود كان عنده دكان وطاحونة في صلحة ولا يحب المولد ويعتبر هذا شيء غير حضاري ......إلخ وفي أحد الأيام بعد نهاية المولد عندنا في صلحة قالوا من قرأ سورة الإخلاص 11 مرة بني له قصر في الجنة.. وقام حمزة قال لي يا ابن عمي ناس عمي الحسن ديل يوم القيامة قصورهم دي إلا يأجروها بمعني كل اسبوع الواحد يبنى له قصر.. نسأل الله لهم الرحمة جميعاً. يارب نسألك عفوك ورضاك.

نعرج شوية للجامعة كان من دفعتنا الدكتور مهدي محمد خير.. أنا ماشفت أذكى من هذا الشخص ثلاثة شهور ما يخش البراكتكال ويمر ودرجاته كلها A وتخرج بامتياز وفتح عيادة في امبدة وسافر بريطانيا ورجع السعودية وجاء للسودان وهاجر مرة ثانية وأعتقد الآن في بريطاني .. وكانوا طلاب الإتجاه ألإسلامي معذبنه شديد.. وواحدة من الأخوات صرخت في وجهه .. وقالت الله أكبر الله أكب.. وهو يضحك ويبتسم..وهو رباطابي من كسلا. ومعنا ايضاً ناس عسكوري وعبد العظيم عبد الغني مهندس زراعي في الرهد والتاج محمد علي رئيس الإتحاد من الأبيض. ايام جميلة وزكريات طيبة.....ونواصل الحديث

ولك تحياتي وتحياتي للمرور الكريم.

من طرف **ابو مصطفى** الإثنين 25 فبراير 2013, 3:32 pm

ياسلام ياسلام ؟؟؟ الله يحوش ودبروى من هذا البوست ؟؟؟ يا عبد الغنى هى احلى ايام فى حياتى ؟؟؟؟ فى جامعة الجزيرة ؟؟؟؟ والناس الذكرتهم لى الحسن سليمان نصر الدين ساكن الكلاكلة وانا بعرفوا جيدا وهو الدفعة القدامى ( ضابط فى البوليس ) ومحمد على نصر الدين ساكن قريب منى جدا يعنى المسافة بالعربية 15 دقيقة بس ؟؟ فى شركة سالكا او عابرة للنقل عندما نرجع من العمل فى فرم معين انا بشيل منه العيش للبنوت قاعد الاقيه عنده لكن مصعب بشير دا ماعرفتو دا ولد منو ؟؟؟ود منو ؟؟؟؟؟؟؟؟؟؟؟؟
ونرجع للجامعة وحكاية الجامعة ؟؟ هى الشى ماها جامعة بس جنى ؟؟؟ جنى بس ؟؟؟ اول حاجة تاكل وتشرب وتغسل ايديك وتشرب الشاى ومافى حساب ؟؟ حكومة السودان تدفع الله كريم ؟؟؟؟ والزمن داك ؟؟؟ انا جاى من المناصير نوعية الاكل زاتو جديد علينا الطباخ يقولك اعمل ليك شنو ؟؟؟ وابو مصطفى زول جزائر ماهو عارف شى غير القرع ؟؟؟ ثلاثة يوم ابو مصطفى ادينا قرع -قرع- قرع
الثقافة النوعية للغذاء والاكل ذاتها ماعندنا فى الجزائر ؟؟؟؟ اول حاجة الفطور قراصة بى روب او شعيفى اوملح ؟؟؟؟ والغداء خالدينا كسرة بى ملح ومرات فى الصيف الخضرة تمرق ؟؟؟؟؟ يكون بى خضرة وهذه اكثر حاجة نعرفها فى الاكل ؟؟؟؟ والذ حاجة ؟؟؟؟ ومرات بى بلعيبى ( عصيدة مرة وملاح ) مرة فى السنة
المهم الحاجات دى جديدة على صاحبكم وحسيت بانو الدنيا دى هنا متغيرة خالص خالص ؟؟؟ وانا مبسوط جدا جدا من حكومة السودان ( لكن فى النهاية الحكاية قلبت تب ) اول الزول ياكل ويرقد ويقراء دى حكاية جميلة خلاص ؟؟؟؟ بينى وبين نفسى قلت ياولد ا انت دى ماها الرسالة التى من اجلها جيت لازم تكرب العلم او ترجع تلحق ابوك فى الطورية ؟؟؟
عاد اقولك شنو ؟؟؟؟ العصر وقت الضل يقع والشمس تشيل وتخت للمغيب
يمرقن البنوت من سكن الطالبات الى الكلية والمكتبة والكافتريا والحكاية اشكال والوان وحكاية لا توصف ؟؟؟؟ منظر غريب جدا جدا اول مرة فى حياتى اشوف العالم دا ودا واقف مع دا وننننننن نننننن ننننن معلق ؟؟؟ وبينى وبين نفسى اسع الولد دا يقول للبت دى فى شنو ؟؟؟ والبت تضحك نامت تدور تقع ؟؟؟ وزولك واقف يعاين والحكاية دى اصلو ابت تقع فى راسى كلو كلو ؟؟؟؟ وبعد شويتين دخلوا الكافتريا وطلبوا الشاى والقهوة والعصير ؟؟؟ شوف عينى واحد اخضر ونص الكباية اصفر وحاجة تقول شنو الله قادر دا يقولوا ليهو شنو خلى بالك لى بكرة بعد بكرة بعرف واجى راجع لى بتاع الكافتيريا والقاه فاضى واساله ؟؟؟؟
ومليون سؤال فى راسى ؟؟؟؟ وفجاة الاذن ياذن ؟؟؟؟ واجرى الجامع ؟؟؟
والولاد والبنوت ديك قاعدين فى قعدتهم ؟؟ نامت مواعيد الليت تجى ؟؟؟ الساعة تسعة مساء ممنوع بامر القانون ؟؟؟؟ ولد يبارى بت داخل حرم الجامعة ؟؟؟
كويس تراهو فى ظابط ورابط ؟؟؟؟ البلد ماها طلاقيت ؟؟ وزولك شايف الحكاية طلاقيت ؟؟؟ ما جاى من المناصير وفىالمناصير جاى من الجزيرة دماج حاجات زى دى جديدة عليهو ؟؟؟؟
غايتو لاقدم حصل تغير ؟؟ غيرنا الجزمة وغيرنا القميص والبنطلول كان فرد واحد ؟؟؟ يغسلو ويحرسوا نامت ينشف ؟؟؟ ولاقدام بقينا نعرف الناس وحالى بالله بت منصورية واحدة ماها فى ؟؟؟ وقدر الفى مولودة فى المدن كلامها زاتو ابى يظبط معانا ؟؟؟؟ وناس الاقاليم فى ؟؟؟؟ لكن سبحان الله كل زول بى يلقى زولوا ؟؟؟
عاد اقولك شنو يا عبد الغنى القلب اخضر ؟؟؟؟ جامعة الجزيرة كانت تشبه الجنى ؟؟؟؟
والقصة طويلة ولى عودة

تحياتى
ابو مصطفى

من الطرايف الواحد ما بينساها.. ونتمنى من الأخوان الكرام والمرور ما يفهمونا خلط.. يعني خلط الجامعة دي موجود في كل جامعات السودان... كانت لنا زميلة في الكلية اسمها ايمان صلاح الدين من (حلب الأبيض) ومرطبة جداً وأهلها مبسوطين خالص في ذلك الزمان وأعتقد بأنها كانت جميلة شديد وبشهادة الجميع وهذا الجمال هو هبة من الله سبحانه وتعالى.. ومسمنها الدهباية.. ويمكن الأخ مصطفى سمع اسمها في الجامعة..وأي طالب بيعرفها وكان هنالك مساعد تدريس في كلية الطب اسمه الجمري من شندي قد تعرف عليها واصبحوا أصدقاء في الكافتريا والحدائق والمكتبة والطلاب كانوا متغاظين من الحكاية دي خالص وخاصة أولاد كلية الإقتصاد.. وفي مساء يوم هبت مطر شديد في مدني... وجاء الطلاب في الصباح للكافتريا للبحث عن الشمارات والأخبار الجديدة على لوحات النشاط .. وفجأة ظهر لهم كاركاتير مرسوم فيه بنت بصورة ايمان صلاح الدين وهي رافعة يديها إلى السماء والمطر صابي ..وتدعو .. يا الجمري تلحقني... وطبعاً هذا الجمري يقول عنه فقير أو شيخ أو فكي.. وبسبب هذا الكاراكاتير حصلت مشكلة اوشكت بأن تترك الطالبة الجامعة. وايام الإختبارات تجي ايمان لأخونا الريح عبد الله لكي يشرح لها .. وهي كل اسبوع تسافر الخرطوم وساكنة في العمارات ولا بتذاكر.. ويوم أثناء الشرح قالت للريح والله يا الريح خطك بقى يشبه خط الدكاترة.. فالريح اغتاظ شديد وقال لها بس الدكاترة ديل مجننك(يعني الخيل تجقلب والشكر لي حماد).

ولك التحية أخي مصطفى والقصص كتيرة في الجامعات والطرائف كثيرة... غايتو نحكي في قصص .. ربنا يسامحنا عليها.

بالمناسبة الأخوان حسن ومحمد علي اولاد عمي ... وأنا ومحمد علي تزوجنا في يوم واحد ونزلنا في فندق القرين فلدج واسامه ابن أخي وحسن متزوج بنت أخي.. ومصعب بشير نحن أخواله وأنا نسيبه (وهو ابن عم البرجوب وأخوانه) اتمنى أن تتعرف عليهم أكثر.

وشكراً كثيراً والسلام عليكم ورحمة الله.