عبدالرحيم علي محمد البصير، أستاذ مثقف بنكهة خاصة

يا الله اعجبني السرد الممتع المعبر

هو كما ذكرت اخي الصديق ما زال يحمل كل هذه الصفات
ومن الجانب الاسري فهو حنيييييييييين وقلبوابيييييييييييض و رهيف وانا احتفظ له ببعض الاشياء التي تحكي عن محنته في ذاكرتني ولا انساها ابدا وكلما اتذكره او اراه اري تلك الاشياء امامي...فانا اكن له كل ود وتقدير
فله التجله والتقدير والاحترام

يا باشمهندس صديق يبدو انو استاذنا عبد الرحيم البصير اثرت فيهو فترة ابوحمد والرباطاب شديد عشان كده تزوج بشريكة حياته معلمة رباطابيه , وله طرائف ومواقف مع والده فيها الكثير من الدروس والعبر التى نتمنى من كل اب منصف ان يقيف فيها موقف عمنا البصير مع ابنه عبد الرحيم , اتمنى من استاذنا البصير بعد يتعرف على المنتدى ان يتحفنا بها .
طبعا انا متاكد انو استاذنا البصير محتار الجنه دا طلع لى من وين لانو الكلام دا فى الثمانينات ويمكن يكون نساهو.
بالمناسبه اخى صديق الاستاذ حسن حسان درسنى فى الابتدائ لكن استاذنا عبد الرحيم ما درسنى لانه اعتقد ما درس فى مدرسة الكاب فى زمننا , لكن علاقته توطت بنا فى ايام عطبره السكه حديد وكان مواصل وعندو معزه شديده عند امنا سليمه بنت محمد ود آدم .
كل الصفات التى ذكرتها فى استاذنا البصير هى كذلك واكثر , نتمنى له التوفيق والسداد دنيا وآخرة , ونتمنى ان يتحف منتدانا بخبرته وثقافته وبملاحته .
شكرا اخى صديق على الترحيب باستاذنا البصير بطريقتك الخاصة .

تسلم باشمهندس نصر الدين..
..........
نسيت أقول برضو.. له تلاتة شلخات طولية كدة خفيفة ظريييفة
.......
نعم يا نصر الدين. أعرف قصة الرباطابية هذه... نسأل الله لهما سعادة الدين وسعادة الدنيا..
عبد الرحيم برضو يحب الشعر. ومرات يحاول يقرض القليل منه... ولكن يجيد حفظ الشعر الجاهلي زمان.. والشعراء العرب الكبار.. وهو زول وسيم كان وريااااد كدة، بس بحقها.. يعني ( قشيش بنات ) بي لهجة المناصير.. يعني ذو مشاعر جياشة.. لطيف شديد عبد الرحيم. يختلف يختلف عن جيلو تماما... متطور.. ومتعلم، مافيهو قساوة وفظاظة المناصير الزمان.. زول سابق جيلو..وكان دايما يحاول يحل القضايا التى تنشأ بين أولاد المناصير والرباطاب بالحسنى والتفاوض.. مع أنو ما كان رئيس داخلية ولا رئيس عنبر.. لكن زول حكيم .. وعندو رجاحة العقل

ربنا جاب عبدالرحيم البصير بى جاى
لكى نستمتع بمثل هذا الحكى
الترحيب الحار بالقامة عبدالرحيم البصير
تسلم الباشمهندس صديق اوحنة

يكاد يكون ثلاثة ارباع ولاد المناصير يسجروا ويسفوا في الوسطى وبعضهم يسكر..والأنادي كانت قريبة للمدرسة..
عبد الرحيم لايسف ولايسجر ولايسكر..

يـــاســـــــــلام.......يـــاســــــــلام .......!!!!
لك ودي وشوقي وجل حبي ,,,شوق جارف لقد ابكيتنيي يـ(الحنوني) وانا اسرح واجتر الدكريات واقفز فوق هدا البحر المتلاطم من سنين قد خلت -شوقي لك بلا حدود وامنياتي ان نلتقي قريبا- وهدا تاريخ ميلاد جديد سنسطره بأحرف من نور ,,,وسنحكي عن ماض محفور في أعماقنا بأحرف تتلألأ علي مر السنين
بمشيئته إن شاء الله....

مرحبا بك استاد عبد الرحيم شرفت المنتدى

يسلموا المرور
ويسلم أستاذ عبد الرحيم على الكلمات الطيبات في حقنا.. جمعنا الله وإياكم على بساط من الأنس.

مربا بك استاذى وخالى نورت منتداك وانت بحر تعجز الكلمات عن وصفه الاخوه المتد خلين جزاهم الله خيرا ماقصروا كلنا ثقه بان يكون دخولك نقله نوعه للمنتدى

لا لا لا يا ابوحنة

معلوماتك عن والد عبد الرحيم اظنها ما ياها

كدي حاول تراجعها

تحياتي الغاليات لأساتذتنا الأجلاء ..الكاتب ..والمكتوب عنه.. والمرور الكرام.. والله يخوانا لامن أسمع الحكاوي دي لمان شعرة جلدي تكلب..(يطلعني شبش).علي قول قريبي حبيب الشري..أستاذنا البصير من أسمع سيرتو ساكت أتبسط وبراااي أضحك لأنه انسان ذو طرفه حاضره.... الباشمهندس ود ابحنه كدي أدي فرصة لابوأحمد يقول العندو..لأنه في هذا الجانب ماهين..( وأي معلومه ذكرها أنا راجعتها مع مراجع كبااار فتطابق كلامهم مع كلامه وقع الحافر علي الحافر)..
تقبل مروري أستاذي الباشمهندس ود ابحنه

يسلم ود حبيب على المرور بي جاي ويسلم أبو أحمد القريب من الحتة ديك
........
لكن أنا ماني قاعد أطش كتير
ولاد البصير أثنين الاتعاملنا معاهم
بابكر ود البصير والد قمر. ريس مركب.. وتزاملوا مع والدنا في شغل البحر
أبو عبد الرحيم لونو صافي موش زي بابكر.. صافي شوية يعني..
لكن الشلوخ دي أنا ذكرت أنى ماني متأكد منها؟
والله مو كدي يا الزمراوية!

شكرا استاذنا ابو حنه ولكن المره دى اظنك طشيت كتير لان اولاد البصيراربعه اكبرهم سليمان جد اخونا احمد عبدالفتاح والثانى على والد استاذنا عبد الرحيم والثالث بابكر البصير والد قمر الرابع احمد البصير صاحب المراكب الذى تعنيه

بس ياهو كدة يا ود الحيبة ده بتاع المراكب.. كنا أطفال ياخي نشوف طشاش طشاش وقتها، ومن ديك وعيك. أيوه ولاد البصير كتار. اربعة، سليمان بي نعرفوا برضو..
اتخلبطوا عليا في بعضهم، لكن كلهم شفتهم..

لا يا عمده ما طشيت ...وحاشاك من الطشه.... وفعلا جدنا علي البصير صافي اللون بالنسبه لجدنا بابكر والد قمر
تسلم

تسلم زمراويتنا كلنا

المقدم علي البصير له اختان وثلاثة اخوان

ثلاثة لونهم فاتح هم سليمان وزينب واحمد وثلاثة لونهم اسمر وهم علي نفسه وبابكر وآمنة

كل اولاد ود البصير اشتغلوا رواويس وابحروا من الخرطوم حتي المناصير

إضافة في غاية الروعة من أبو أحمد..