اللقاء الاسري لاستقبال السفير نور الهادي

ربنا يوفق-السفير نور الهادي يستاهل كل خير
بس يا الرشيد الساعة 6 مساء الجو ما بارد-واللا نحن بالرياض البردنا شديد وشغالين بالدفاية
واصبحنا نخرج مع عيالنا في وجود الشمس وضح النهاروقبل اذان المغرب بنكون جوه البيت
وشكرا الصحفي الهمام الرشيد

شكرا الرشيد...وكيف ستكون الضيافه؟؟؟؟؟؟؟؟
هل هناك اشتراكات
.. . ...عاد يا جماعه الاحتفاء بسفير ما هو شئ هين شدو حيلكم
انا بقترح ان نعمل طبق <كوكتيل يعني>يحتوي علي بيضه طعميه قطعه فراخ بطاطس شبس وسلطه بيضاء وقطعه با سطه ..بالاضافه الي شاي اللبن
ولا ايه رايكم..
لكن هذا يترتب علي حصر الحضور وتقسيم العمل بيننا

يا اميره ما في بردا يقولو عليهو والمساء مناسب لاعتبارات عده لك الف سلام

شكرا الباشمهندس والاخوات اميرة ونجلاء

يا اميرة اليومين ديل هنا موجة البرد خفت شوية وبعدين ما في مشكلة كلنا شباب هههههه

نجلاء هناك ترتيبات شاي +وحاجات اخري لزوم شاي اللبن وكده اصل الموضوع حفل شاي والبجيب معاه شاي وتوابعه ما في مشكلة زيادة الخير خيرين

للعلم هذا الحفل سيكون لاستقبال ووداع اخونا نور الهادي لانه سوف يسافر قافلا الي هولندا يوم السبت مباشرة

جزاكم الله كل خير الاخوه في الاجتماعي
هدفنا ان نشارك معكم في الاجر واكرام ضيفنا
خلاص اكان الموضوع شاي اي اسره تجيب معاها شاي واللازم منو من غير تحديد لكي نخفف عنكم وزياده الخير خيرين ....

ياجماعه كل عام وانت طيبين
سنه حلوه عليكم يارب
نور الهادي منوووووور
دا حايكون برنامج جميل ولطيف
بس اسالوه بيشرب لبن الغنم ولا لا
عشان لو بشرب انا عندي غنمايه ولدت قبل 15 يوم
بسويلو شاي بي لبن غنم واجيب لي معاهو كسري ولا اي حاجه
بس حاجه ماتغلت عليهو

فى الانتظار ربنا يحبس العوارض..بس ماعندنا غنماي ولدت ولا عندنا مرا تسويلها شاى وشاى العزابة ح يبور مع شاى ناس نجلاء ومحاسن ديل..

هههههههه خال ابرار تعال بلا شاي
بي نسويلك كبايه مع نور الهادي
شاي العزابه قطع مصارينك

ههههه يا محاسن الكسرى ماتنسيها ولو غلطت ع نور الهادى نحنا بنقوم بالواجب

خال ابرار كتب:فى الانتظار ربنا يحبس العوارض..بس ماعندنا غنماي ولدت ولا عندنا مرا تسويلها شاى وشاى العزابة ح يبور مع شاى ناس نجلاء ومحاسن ديل..

تشرف وتنور اخي خال ابرارمن غير شاي

باقي لي شاي محاس كلنا راجينو...

بالتوفيق إن شاء الله ... نأمل أن يكون لقاءاً أسريا ً رائعا ً وممتعا ً فى حضرة المحتفى به ... سفيرنا نورالهادى وأسرته الكريمة .... مشكوور الزعيم الرشيد _

بالتوفيق انشاء الله .كم منا نمنى انفسنا بلقاء الزعيم نور الهادى ولكن لظروف زواج صديقنا بمدنى فى نفس اليوم يصعب التوفيق بينهما.عموما ارجلنا بمدنى وقلوبنا معكم.شكرا الرشيد شكرا للجميع .

سنكون حاضرين بإذن الله وهذه النيه..
نسأل الله التوفيق..
شكرا الزعيم ود الأفندى لكن تانى ما تقولى عندى حق معاكم فى شررى..

الله الموفق
ناس نحن مع محاسن ونجلاء
نساعد نفسنا بالسكات ونشكر لهن الصنيع
نتمنى اجتماعا موفقا يليق باستقبال ووداع صاحبه

عباس محمد كتب:الله الموفق
ناس نحن مع محاسن ونجلاء
نساعد نفسنا بالسكات ونشكر لهن الصنيع
نتمنى اجتماعا موفقا يليق باستقبال ووداع صاحبه

تسلم العباس
تشرف وتنور

نجلاء ومحاسن معكم وبكم تكتمل فرحتنا بلقاء السفير الهادي......

يا محاسن اوعك تقللي الشاي باقي عندي بت صغيره قالو لي اديها لبن غنم والبركه في جيه الهادي عشان نشربها من لبن غنمايتك...

يااخونا شنات الطبع شنو
انا قلت الشاي لي نور الهادي
وخال ابرار كبيبي عشان ظروفو
نجلا بتك جيبيها لي في البيت وخليها معاي لمن تشبع من لبن الغنمايه

محاسن كتب:يااخونا شنات الطبع شنو
انا قلت الشاي لي نور الهادي
وخال ابرار كبيبي عشان ظروفو
نجلا بتك جيبيها لي في البيت وخليها معاي لمن تشبع من لبن الغنمايه

يا محاسن يا اختي البُحل شنو!!!!!!!!

بدل ما تديني غنمايه اوديها بيتنا !!!!!!!!!؟؟؟؟اجيبلك بتي!!!!!!!1

يعني دايراها تشرب فرد كبايه!!!!

هو انا قلت صباراتي ماااا حا ارجع بيهن فاضيات محاسن حتجيب لي معها لبن تقومي تقولي لي جيبي بتك!!!!!!!!!!!!!

يانجلاء هي فد غنيمايه
اديكي ياها واقعد اتلفت
اكان جاني ضيف متل نور الهادي دا
شاقي الفيافي
اقعد اتلفت واجيبلو شيتن مو معروف
ام بقيتي دايره السخيله تربيها بيديكي ياها
هههههه قرررررررر

لطروف وجودنا خارج الخرطوم تقبلوا خالص عذرنا لحضور وداع الدفعه نور وقد وجهت لي الدعوة لحضور الكرامه وقد حبسنا نفس الحابس امتعكم الله باللقاءات الطيبه ...ودي وتحياتي للجميع

محاسن كتب:
بس اسالوه بيشرب لبن الغنم ولا لا
عشان لو بشرب انا عندي غنمايه ولدت قبل 15 يوم

يا محاسن ده مش يشرب لبن الغنم ده ياكل لحمها كمان مع اني لا اكل الماعز واشرب لبنها لكن الكلمة بالاحمر دي حا تخليني ابعد من صبارتك نهائي قرقرقرقرقرقر

خال ابرار كتب:فى الانتظار ربنا يحبس العوارض..بس ماعندنا غنماي ولدت ولا عندنا مرا تسويلها شاى وشاى العزابة ح يبور مع شاى ناس نجلاء ومحاسن ديل..

يا دكتور لا غنماية لا مرا جاي تسوي شنو

خال ابرار كتب:ههههه يا محاسن الكسرى ماتنسيها ولو غلطت ع نور الهادى نحنا بنقوم بالواجب

عليكم الله شوفو الزول ده لا غنماية لا مرا وكمان داير الكسري

النفر كتب:بالتوفيق إن شاء الله ... نأمل أن يكون لقاءاً أسريا ً رائعا ً وممتعا ً فى حضرة المحتفى به ... سفيرنا نورالهادى وأسرته الكريمة .... مشكوور الزعيم الرشيد _

ليتك كنت حضورا عزيزنا النفر نوثق لكم اللقاء بالصور ان شاء الله

علي الحمود كتب:سنكون حاضرين بإذن الله وهذه النيه..
نسأل الله التوفيق..
شكرا الزعيم ود الأفندى لكن تانى ما تقولى عندى حق معاكم فى شررى..

كييييييييييييف الكلام ده يا قريبي انتو ياناس ناسين في قيامه وفي حساب ههههههههههه

محاسن كتب:يااخونا شنات الطبع شنو
انا قلت الشاي لي نور الهادي
وخال ابرار كبيبي عشان ظروفو
نجلا بتك جيبيها لي في البيت وخليها معاي لمن تشبع من لبن الغنمايه

قرقرقرقرقرقرقرقررقرقرقرقرقرققررققرقررقر

نجلاء زمراوي كتب:

بدل ما تديني غنمايه اوديها بيتنا !!!!!!!!!؟؟؟؟اجيبلك بتي!!!!!!!1

نجلاء انت افتحي بوست سميهو غنماية محاسن قرقرقرقرقرقرقرقر

الرشيد طه كتب:

نجلاء زمراوي كتب:

بدل ما تديني غنمايه اوديها بيتنا !!!!!!!!!؟؟؟؟اجيبلك بتي!!!!!!!1

نجلاء انت افتحي بوست سميهو غنماية محاسن قرقرقرقرقرقرقرقر

والله يا الرشيد اخوي اكان بعرف اقول شعر اكان عملت شعر في غنمايه محاسن
ولكن حا استعين بالشعراء في المنتدي يلا يا ود بروي والفكي .

فى الانتظار ربنا يحبس العوارض..بس ماعندنا غنماي ولدت ولا عندنا مرا تسويلها شاى وشاى العزابة ح يبور

يا ولد! الحماك تعرس منو؟

من على بعد المسافات نتمنى لكم لقاء أسريا منصوريا موفقا وكم كنا نمنى النفس بحضور مثل هذه اللقاءات لنلتقى باخوة لنا واخوات كرام
ولكنا بقلوبنا معكم حضورا ، تمنياتنا لسفيرنا نور الهادى برحلة سعيده موفقة إن شاء الله وعودا حميدا للسودان ...
مشكور أستاذنا الرشيد مع تحياتنا للجميع ...

نجلاء زمراوي كتب:

خال ابرار كتب:فى الانتظار ربنا يحبس العوارض..بس ماعندنا غنماي ولدت ولا عندنا مرا تسويلها شاى وشاى العزابة ح يبور مع شاى ناس نجلاء ومحاسن ديل..

تشرف وتنور اخي خال ابرارمن غير شاي

باقي لي شاي محاس كلنا راجينو...

بى نوركم اختى نجلاء بس ناس الرشيد كترو الكلام ونجهونا وربنا ما اراد لا شفنا نور الهادى لا شربنا شاى محاسن والبركة فيكم انتو..

كنت في غاية المتعة بالمحادثة التلفونية مع الدفعة نور الهادي عقيد وهو متوجه الي المطار والتي جرت فيها... مشاعر دفاقة ... وذكريات عطره... وخطط مستقبلية واعده باذن الله ...بارك الله في الصديق النجومي والذي دعاني للكرامة التي أقيمت علي شرفه ولم تمكنني الظروف من الحضور...
نقول في أمان الله الأخ العزيز نور الهادي عقيد سالماً غانماً ان شاء الله

ناس بعيدين بلحيل

لحظة تكريم السفير نور الهادي

المحتفي به السيد المدير خالد الاخ بابكر الكاب وشخصي الضعيف

[ندعوك للتسجيل في المنتدى أو التعريف بنفسك لمعاينة هذه الصورة]

المحتفي به مع مجموعة من اعضاء المنتدي

[ندعوك للتسجيل في المنتدى أو التعريف بنفسك لمعاينة هذه الصورة]

الباشنهندس ود جيب الله - الحسن سليمان نصر الدين - محمد علي

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

يا زول ما تخلي القراية ملحوقة عيان للناس الجاين يحتفلو بيك

تستاهل وأكثر من كده كمان
أيها الهادي الزعيم
لكن لي ملاحظة هامة جداً
شوف صورة خالد مبحلق كيف
شوف التلاته المرخمين ديك
نضم ما قادرين ينضمو
شوف الحاج البضحك بلا سبب
ويتوق لاورا ولي قدام
شوف الرشيد عيونو محوصات كيف
كل واحده تعاين على بلد
شوف عمة ود الحمود(بالله دي لفة زول ما لفاها؟)
قال جربت أي حاجه(كلامك في محلو كنت قايلك تهظر)
شوف الهادي كرعينو يرجفن كيفن
وسلمان اظن ضِهِب
(شربوت خميرتو كتيرة وقاعد في
الشمس سته يوم)
قال شاي محاسن قال
فاكرننا دراويش؟
ارجوني لامن أجيكن
بي عكازي المضبب ده
أين أنت يا أبو مصطفى؟

ربنا يكتب سلامتك اخ نور الهادي
باين عليهو البرنامج قمة الروعة
ربنا يديم الافراح
ويكتر لبن الغنم يا محاسن-ويا نجلا ء خلي الرخرخة واسعي لك غنماية والللا ربي صخلة محاسن

كان لقاءا رائعا ---تجسدت قوة تلك العلاقات الاجتماعية التى تربط الاعضاء --وتجسد الحب الذى يكنه الناس لبعضهم البعض --والجب الذى يكنوه للاخ نور الهادى وكل الطيور المهاجرة--الشكر لكل الحضور وللذين هاتفوا وللذين منعتهم ظروفهم من الحضور--

ونفيد بان الاخ الهادى وصل هولندا وهو واسرته بخير والحمد لله

[ندعوك للتسجيل في المنتدى أو التعريف بنفسك لمعاينة هذه الصورة]شكرا الاخ الرشيد على البوست وعلى الصور--طبعا ياود بروى حويص العيون دا من الاضواء وكده--لكن لفة العمى دى ---- اما انا كنت مع المجهاد --وكان عندى دورين --شقيق المحتفى به وفى نفس الوقت المشرف الاجتماعى--
هذه الصورة للاخ الرشيد مع ابناء الاخ الهادى --القريب ليهو دا ماهر---وابونضارة مازن--والصعير دا على---اما اللابسين قمصان لبنية ديل اولادى (القريب احمد-والاخير اسعد

درجنا فى كل برنامج ان نذكر نجم اللقاء والذى يكون مجهوده ودوره واضحا وحتى تكون هذه دافعا للاخرين للابداع والاجتهاد--
فنجم (بل نجمة ) اللقاء هذا كانت الحاجة نجلاء --

بالله
نجم اللقاء كان الحاجة نجلاء!
نجم والله نجمة!
تعالي يا نجدة قريبتي شوفي النجم ده!
أنا ونجدة راح نتفزع نشيل النجومية منو!

ابن الأخت سلمان لك التحية ومبارك هذا الحفل الذي يليق بالمحتفى به والهادي يستاهل أكثر من ذلك وأقبل عذرنا واتلومنا لوم شديد حاولت أكلم الهادي في البلد وقالوا في الطريق لم يصل المناصير بعد، بعدها شغلتنا الظروف والحجج التي لا تكمل خالك أخذه النسيان وحتى المنتدى نسيته ولم أفتحه إلا يوم السبت وحاولت الاتصال بك ولكن لاشبكة ولا حرارة وربنا يوفق الجميع ونتمنى للهادي إقامة طيبة ببلاد الغربة وما شاء الله العيال كبرت وإن شاء نراهم عرسان والتحية لك وللأسرة وبالله كيف أخبار أسعد عساه تخرق بامتياز وطبعا هو متخصص في المكتبات ولك شكري .

[ندعوك للتسجيل في المنتدى أو التعريف بنفسك لمعاينة هذه الصورة]
شكرا الاخ الرشيد --نساعدك بالاسماء-للصورة اعلاه-على الحمود--محمد عقيد--حسين حبيب الله ادريس--خالد على محمد الخليفة--على الكليس--سارى الليل--محمد على احمد يوسف--والمحتفى به
[ندعوك للتسجيل في المنتدى أو التعريف بنفسك لمعاينة هذه الصورة]

كان لقاءا رائعا روعة الحضور والمحتفي به كان الجو رائعا ايضا كل شئ كان رائعا لم ينقصنا شئ الا غياب الاحبة والاخوان كلهم دون فرز داخل وخارج السودان

الشاي باللبن واللقيمات والبسكويت والجاتو والطورتات والرز باللبن وعييييك يا ود بروي كلو فاااتك جاي تقول عيونو محوصات وداك لافيها وداك ما عارف شنو الما حصلت اللبن قالت عليه محمصص

كان لقاءا جميلا وكان الحاضرين اكثر روعة ويا اخونا سلمان الريس حالد مشترك مع الاحت نخلاء ماشفتة الشاى المقنن داك

دائما حرص الاعضاء علي الحضور في مثل هذة الجلسات واللقاءات الاسريه

يعطي اللقاء والجلسة بعدا وجمالا وعبقا يفوق حد التصور

شكرا لكل الحضور وعاجزين عن شكركم

شكرا لادارة منتدانا الانيق

نتمني من الذين حرمتهم ظروفهم من الحضور

بالحرص علي حضور الجلسات واللقاءات القادمة

ونحن من على البعد ... نحيى الكوكبة النيرة من إدارى وأعضاء منتدانا الرائع بأهله ... باين من الصور ومداخلات الإخوة الأعزاء ... أن اللقاء كان رائعا ً والحضور مميزا ً والجلسة كانت ممتعة فى حضرة المحتفى به ... سفيرنا نور الهادى ... نأمل أن تتكرر هذه اللقاءات والجلسات الأسرية والتى تضفى الى المزيد من التلاحم والتعارف والتوادد ... الشكر لكل الحضور الأنيق _
تقبلوا تحياتى وودى ،،،

النفر كتب:ونحن من على البعد ... نحيى الكوكبة النيرة من إدارى وأعضاء منتدانا الرائع بأهله ... باين من الصور ومداخلات الإخوة الأعزاء ... أن اللقاء كان رائعا ً والحضور مميزا ً والجلسة كانت ممتعة فى حضرة المحتفى به ... سفيرنا نور الهادى ... نأمل أن تتكرر هذه اللقاءات والجلسات الأسرية والتى تضفى الى المزيد من التلاحم والتعارف والتوادد ... الشكر لكل الحضور الأنيق _
تقبلوا تحياتى وودى ،،،

الأخوة الأعزاء... رئيس وأعضاء منتدى المناصير وجميع الزوار والضيوف والأصدقاء لكم التحية والتقدير وأنتم تتكبدون المتاعب في هذه الظروف الحالكة.. وأتم تكرمون أخوانكم .. الأخ السفير نور الهادي .وأسعدنا كثيراً لقاءآتكم واحتفالاتكم - والأخوان الحسن وساري الليل ومحمد علي مثلونا أحسن تمثيل ... وربنا يجعلكم دائماً في اسعد الحظات وأحلاها.

وتقبلوا مررورنا.

خالد عابدين كتب:
لاأستطيع وصف جو الجلسة الرائع والحضور المميز أقول شنو وأبدا من وين والله من وين ابدا من وين ؟ من الشاي المقنن وللا الكيك الفاخر وللا الزلابية العيري وللا الرز بي اللبن وللا ودلقاي وللا وللا
لكن يالرشيد التورطه دي كانت وين ؟ مالاقتني نهائي؟ الله يسترالشي ماتكون جنبي وماشفتها ؟
ياودبروى الصور دي مالها- وجاهات فايتي الحد ماك شايف- صلاة النبي فوقن -هسع نجيب الصورة دييييييييك ام كرفته تشرد الراتع من البوست ده

المدير تاكلو ساااكت ما جايبن خبر وما عارفين التورطة من الجاتو اسال ود شيخنا