اللقاء الاسري والتعارفى بمناسبة مرور عام على المنتدى--يوم الجمعة الموافق 15 ابريل 2011م ان شاء الله

تم الاتفاق على ان تقام الرحلة الاسرية للتعارف والتفاكر وبمناسبة مرور عام على المنتدى وبمناسبة عودة الاخ الاستاذ النفر من السعودية
- ان تقام يوم الجمعة الموافق 15 ابريل 2011 م ان شاء الله بحدائق الحلفايا (الجمعة الجايى لى دورا)– من خلال هذا الاعلان نرجو شاكرين الحرص على الحضور والمشاركة والدعم بالرأى والمشورة –
ونرجو التأكيد على ذلك من خلال هذا البوست –
هذا وسوف ينعقد اجتماع خلال هذا الاسبوع للترتيب وتحديد التكاليف وغيرها من مقومات نجاح البرنامج

شكرا الاخ سلمان.
حضور إنشاء الله

من طرف **ود الطرشان** الإثنين 04 أبريل 2011, 5:30 pm

وما تنسو العنصر النسائي
بحضورهن يكتمل العقد الاسري

من طرف **خالد عابدين** الإثنين 04 أبريل 2011, 5:55 pm

التجاوب مالو تعبان كدي

من طرف **(الحاج شرف)** الإثنين 04 أبريل 2011, 10:03 pm

الاخ خالد
يظل الحمام جالسا فى عوالى الدور حتى ينهى صاحبه تشتيت الحبوب وينزل بعدها فى جماعات ويملا الساحه بالهديل
انا متاكد تماما انهم قادمون
فقط عدو على بونى من بدرى ولا تدعوننا نقضى رحلتنا بحثا عن زياده العيش والتلج وزياده الحله مويه

من طرف **النفر** الثلاثاء 05 أبريل 2011, 12:40 am

شكراً الأخ سلمان _ ندعم ونؤيد وحضور إن شاء الله _

والله ياود الطرشان عشان كلامك وهو ضروره العنصر الحريمي نحاول ونجتهد علي الحضور

من طرف **ود الطرشان** الثلاثاء 05 أبريل 2011, 3:39 pm

كتر خيرك يا نجلاء
وحلة العزابة مسيخي

**********
الاخ سلمان من المفروض تنزل التفاصيل من الرسوم وتسليمها لـ ... ووو

من طرف **ابو مصطفى** الثلاثاء 05 أبريل 2011, 4:38 pm

انشاء الله سوف يحضر ابو مصطفى كالعادة ولكن هذه المرة سكينه بضراعه والتلكى والفاس فى ضهر العربية ومعه ابنه مصطفى لكن بسبب قيام القافلة للبلد والمتحرك فيها ابو مصطفى بالتنسيق مع مؤسسة الشلال الرابع لم يكن فى مقدور ابو مصطفى هذه المرة احضار خروف ؟؟؟ او شراء خروف وغايتو نشوف ناس الحضرة ديل كيف ؟؟؟؟ وبقية الجماعة

تحياتى
ابو مصطفى

شكرا لجميع المتداخلين –

وفعلا العنصر النسائى مهم واصيل فى هذا البرنامج-

اما تحديد الاشتراكات تم اقتراح ان بدفع كل عضو 20 جنيه (عشرون حنيها)-ويمكن ان يكون ذلك اثناء الرحلة اذا لم يستطع العضو ان يسددها قبل ذلك –

حتى الان ارى ان التفاعل بسيط –ونأمل ان يزيد –

واود ان اشير وكما فى الرحلة السابقة ان معرفة عدد الاعضاء الموافقين او بالاخرى الذين تسمح لهم ظروفهم بالحضور مهم جدا للاعداد للمكان والضيافة والادوات وغيرها من الاشياء الضرورية الى تساهم فى انجاح العمل –خاصة اذا كان هذا العمل يعد ويجهز وينسق له عبر الانترنت---فارجو التأكيد عبر هذا البوست بالموافقة -

من طرف **ود الطرشان** الثلاثاء 05 أبريل 2011, 7:31 pm

ملاحظة: دفع الاشتراك قبل زمن كافي مهم للترتب

الرجاء تحديد شخص لاستلام المساهمة

بعد المشورات

لقد تحدد الشخص المستلم للمساهمة
وقدرها : 20 جنيه (والبحر ما بيابه الزيادة)
وهو الاخ النشيط جدا

سلمان عقيد النعوفابي
0912666147
0123819136

ابتداً
مني انا بخاري الطاهر
100 جنيه

من طرف **(الحاج شرف)** الأربعاء 06 أبريل 2011, 3:30 pm

الحضور حسب الكشف
سلمان عقيد واسرته
الطيب عبدالرحيم ابو مصطفى وابنه
بخارى الطاهر واسرته
عثمان النفر المحتفى به واسرته
خالد عابدين واسرته
يسين مصطفى واسرته
جبريل عبد الرحمن لوحده
الاستاذه نجلاء واسرتها
الحاج شرف الدين واسرته
الكشف اعلاه حسب اصحاب التعليق بهذا البوست

من طرف **نجلاء زمراوي** الخميس 07 أبريل 2011, 1:05 am

ياجماعه لاحظت الرحله رجال فقط

(الحاج شرف) كتب:الحضور حسب الكشف
سلمان عقيد واسرته
الطيب عبدالرحيم ابو مصطفى وابنه
بخارى الطاهر واسرته
عثمان النفر المحتفى به واسرته
خالد عابدين واسرته
يسين مصطفى واسرته
جبريل عبد الرحمن لوحده
الاستاذه نجلاء واسرتها
الحاج شرف الدين واسرته
الكشف اعلاه حسب اصحاب التعليق بهذا البوست

اوعدك بحلول العام القادم مش حايكون لوحده يا الحاج .

من طرف **ود الطرشان** الخميس 07 أبريل 2011, 4:36 pm

الحكاية ما بوش يا نجلاء
بس حريمنى فيهن حبه خجلة
شجعيهم في الخاص

من طرف **نجلاء زمراوي** السبت 09 أبريل 2011, 1:03 pm

مافي اي مشكله يا ود الطرشان
والخجله في شنو الواحده وسط اخوانها واعمامها يعني وسط اسرتها
والله يسوي فيها الخير

نحن معكم قلبا وقالبا
ونؤكد مشاركتنا المعنوية والمادية لنجاح هذا البرنامج من علي البعد
الاخ سلمان والحاج شرف وخالد عابدين نرجو الترتيب والاعداد السريع لان الزمن اصبح ضيق

من طرف **ود الطرشان** الأحد 10 أبريل 2011, 3:13 am

لقد تم آخر اجتماع للرحلة اليوم
كل من يريد الحضور عليه تسجيل اسمه في هذا البوست حتي نضع التكاليف النهائية للرحلة

الاخوة الاعضاء سلام
شكرا ود الطرشان
ازيد على كلامك شوية :
تم بحمد الله اليوم عقد اجتماع للتنسيق للقاء الاسرى (الرحلة)- بحضور السيد الريس والاخوان –الحاج-الرشيد-ود الطرشان –يس –وقد تمت مناقشة عدة امور وتم تحديد التكاليف والمهام حتى يخرج ذلك اليوم مشرفا باذن الله
– ماعليكم الا التأكيد على الحضور ومن خلال هذا البوست –وكما ان هنالك اجتماع اخير يوم الاربعاء القادم –فلابد من معرفة عدد الاعضاء الذين تسمح لهم ظروفهم بالحضور حتى يتسنى لنا التحضير والترتيبات الخاصة بذلك –هذا وقد تم تحديد ضيوف الشرف وشكل البرنامج-
وللتذكير قلنا ان على العضو ان يسدد مبلغ العشرون جنيها من الان او اثناء الرحلة –وذكرنا بان المساهمة مفتوحة لمن يريد الزيادة على ذلك
الاخ فاس ياخى فقدناك كتير -وقد ترك غيابك اثرا كبيرا فى نفوسنا وبركة الجيت--وانت مابتقصر -

من طرف **محمد عمر محمد** الأحد 10 أبريل 2011, 4:06 am

شكرا سلمان والشكر للاخوه القائمين على البرنامج .سوف نكون حضور انشاء الله .ومعنا المساهمه ...ربنا يوفق لما فيه الخير ...

سوف نكون من الحاضرين ان شاء الله بس عذابة

من طرف **يس مصطفي** الأحد 10 أبريل 2011, 1:56 pm

القضارف وربك عارف
نامل ان تكونوا حضور هذه المره

من طرف **ابو مصطفى** الأحد 10 أبريل 2011, 2:33 pm

التحية لكل السادة الذين مروا من هنا مرحبين ومستعدين لقيام الرحلة فنرحب بالاستاذة نجلاء وود الطرشان وجميع الاخوات والاخوان فى رحلة المنتدى التعارفية والغرض من الرحلة ان الناس تعرف بعض وهذا شى مهم جدا جدا ونسال الله ان يديم المودة والرحمة بين الناس وخلق روابط الرحمة والمودة والتواصل من منتدانا الصغير الذى حاول ان يلم شمل الاسرة المنصورية وعلى الاقل فى الخرطوم لان البلد بقت مترامية الاطراف والناس كل زول فى مكان

فرقتنا الماليها امان*** وكل زولا بقى فى مكان
كما قال شاعرنا ودنعوم ربنا يرحمه ؟؟؟؟
على العموم لى تجربة سابقة فى الرحلة السابقة واخشى من تقع نفس السلبيات فى المرة السابقة فى هذه الرحلة القادمة والانسان المفترض يستفيد من اخطاءه السابقة ومن هنا انبه الاخوة سلمان عقيد والحاج شرف الدين وهم اكثر ناس دخلوا معى فى تجربة الرحلة السابقة وعلى العموم وجود نسوانا وبناتنا ضرورى جدا جدا ومشاركتهن ضرورية والبرنامج لازم يكون مليان والعدد متوقع ان يكون كبير جدا جدا لانكم المرة السابقة براكم شفتو الحصل شنو فى الغدا بعد ضبح الخروف الحاج ويسن مشوا يفتشوا فى لحمة زيادة والملاح عمتك بت الامين زادتو موية اه شغل زى دا ابو مصطفى ما بدوروا كل كل
المهم بس كيف الناس تتلاقى وتبقى لحظات الفرح والسعادة بين الناس والبرنامج يادى رسالته

تحياتى
ابو مصطفى

من طرف **بلسم** الأحد 10 أبريل 2011, 5:45 pm

والله تسلموا الاخوة المتداخليين
بس شكلها رحلتكم دى غذابه ساى
ماشائفه من بناتنا ديل واحده كاتبه
على البوست غير بنت الخاله
نحاول نحضر بالتوفيق
للجميع

من طرف **ابو مصطفى** الأحد 10 أبريل 2011, 6:08 pm

يا بلسم انت قايلة بس بناتنا الموجودات فى المنتدى ما هن هينات بس والله واحدات كتيرات كتر ؟؟ والله تجيك هناء طايرة من الكلاكلة وتجيك ناس روعة طائرة من ام درمان وتجيك ناس زوبا ام الضو طائرة من امبدات وتجيك منال تاج السر طائرة من برارى الخرطوم وديل كلهن اعضاء فى المنتدى غير ناس متاب وماب ومرام وديل بس اخوات مصطففى ولدى

والحكاية انا خائف موية من البحر ما نقدر نكفى الناس واسمعى كلام قريبك ابو مصطفى عندو تجارب فى رحل المنتدى انت زاتك احتمال ما تلقى نفسك من كترة الزحمة حقة البنوت والنسوان ؟؟؟؟؟؟

تحياتى
ابو مصطفى

من طرف **الرشيد طه** الأحد 10 أبريل 2011, 7:10 pm

ابو مصطفى كتب:يا بلسم انت قايلة بس بناتنا الموجودات فى المنتدى ما هن هينات بس والله واحدات كتيرات كتر ؟؟ والله تجيك هناء طايرة من الكلاكلة وتجيك ناس روعة طائرة من ام درمان وتجيك ناس زوبا ام الضو طائرة من امبدات وتجيك منال تاج السر طائرة من برارى الخرطوم وديل كلهن اعضاء فى المنتدى غير ناس متاب وماب ومرام وديل بس اخوات مصطففى ولدى

والحكاية انا خائف موية من البحر ما نقدر نكفى الناس واسمعى كلام قريبك ابو مصطفى عندو تجارب فى رحل المنتدى انت زاتك احتمال ما تلقى نفسك من كترة الزحمة حقة البنوت والنسوان ؟؟؟؟؟؟

تحياتى
ابو مصطفى

كلام ابو مصطفى صاح يا بلسم والرحلة الفاتت كن اكثر من الرجال
حضور انشاء الكريم

من طرف **هناء** الأحد 10 أبريل 2011, 7:33 pm

حضووووووووووور أن شاء الله

بعد الود والتحية أعزائي الكرام هذه أول مداخلة لي في المنتدى

وكنت أنتظر هذه الرحلة لكي أجدها فرصة أوسع للتعارف وأنا أحس في نفسي أنني في أمس الحوجة للتعارف مع الأخرين من أبناء وبنات منصور لأسباب متعلقة بالمولد والنشأة ثم الأغتراب كل هذه الأشياء كان لها كبير الأثر في بعدي عن الأهل 0 وعليه أنا من أوائل الحضور إن شاء الله من الجيلي حيث إقامتي مع أهلي بها مع الأخ و الدفعة عثمان النفر وأشكر القائمين بأمر هذا المنتدى على هذه الفرصة وتقبلو تحياتي عبد الحفيظ النافعابي

من طرف **خال ابرار** الإثنين 11 أبريل 2011, 1:20 am

حضور انشاء الله وما وحدى يا الحاج....

من طرف **يس مصطفي** الإثنين 11 أبريل 2011, 1:03 pm

مرحب بك الشيخ المهندس عبد الحفيظ واخوك النفر في هذا اللقاء التعارفي الثاني الذي يقيمه المنتدي ونتمني ان يكون يوما فريدا بالنسبه لك والنفر

خال ابرار والله الا تجيب ابرار اما مجلسكم المؤقت افتكر مقره عطبره

من طرف **ابو مصطفى** الإثنين 11 أبريل 2011, 4:41 pm

كالعادة فارس الفارس فى المناسبات العامة والتبرع السخى هاتفنى فى الصباح الباكر بانه تبرع لرحلة استضافة الخال النفر المقررلها يوم الجمعة فى جنائن الحلفاية بمبلغ وقدره 300 جنيه سودانىفى صرافة اليمامة قيد الاستلام دعما للرحلة على شرف استضافة النفر وكما تبرع لقافلة منظمة الشلال الرابع ومنتدى المناصير بلدى المتجه الى ارض المناصير ( القافلة الطبية بمبلغ 1500 جنيه ) التحية له وحيوا معاى فارس قطر والاسرة الكريمة التحية لفارس فى قطر والتحية لاسرته الكريمه والتحية لمنتدى المناصير بلدى فى لم شمل الاسرة المنصورية ؟؟؟؟

ابو مصطفى

الله اكبر --الله اكبر -
والله نحنا ماعارفين نجازى ونشكر الاخ فارس دا كبف --فقط رب العالمين كفيل بان يجعله فى ميزان حسناته--
-شكرا فارس المناصير

من طرف **خالد عابدين** الإثنين 11 أبريل 2011, 6:13 pm

فارس ترهق نفسك دائما يارجل وتضعنا في موقف صعب
كيف نوفيك جمائلك وأفضالك ؟
لانملك غير كلمات نحاول أن ننمقها ونكتبها لك ودعاء نرفعه للخالق بأن يمنحك الصحة والعافية ويتقل ميزانك

وموصول أيضا ماكتبنا للأخ النفر المحتفى به والذى أصبح هو صاحب الدعوة ونحن الضيوف
التقدير والاحترام مطبوق لكم أيها الأفاضل

من طرف **الرشيد طه** الإثنين 11 أبريل 2011, 7:22 pm

فارس الفارس كعادته دائما
شكرا ايها الفارس

من طرف **خال ابرار** الثلاثاء 12 أبريل 2011, 6:37 am

فارس الحوبة لو كان بحور الكون مداد بتجف قبل ماتنصفك......
ربنا يزيدك ويعليك كمان وكمان.

ربنا يحميك ويحفظك ويبعد عنك كل شر, ويحبب فيك خلقه أكتر وأكتر ويعليك كمان وكمان , احيانا كلماتنا تضيق علي التعبير, لان هناك حالة اخرى يعشق فيها الصمت عندما تعجز كلماتنا عن التعبير عما بداخلنا لمن نحب ... وخاصة باللغه العربيه لغة القران القادرة على التعبير عن اي شي في هذه الدنيا .
شكر فارس الزين محجوب وانت تطبق احساسك بعشقك للمناصير عمليا ( والسواي ماحداث والضو مابيقولولو سو ) ..الالاف التحايا والشكر للفارس مرة اخري .

من طرف **ahmed elfeel** الثلاثاء 12 أبريل 2011, 2:20 pm

اكد حضوري انشاء الله

كم ياحاج ؟

حول السؤال لي سلمان ياخالد

انا في اتم الاستعداد ومعي الاسره لحضور الرحله ولكن هنالك خبر غير مؤكد وهو ظهور نتيجه الاساس يوم الخميس فاذا ثبت هذا الحبر فتقبلوا اعتذاري والجايات اكثر من الرايحات

من طرف **(الحاج شرف)** الأربعاء 13 أبريل 2011, 1:27 am

؟؟؟اليوم وقد تبقى لموعد الرحله ثلاثه ايام ولشفافيه برامج المنتدى اليكم احصائيه الذين اكدوا حضورهم وطبعا التزامهم بدفع الاشتراك المقدر فقط مبلغ 20 جنيها
هذا غير المبالغ المتبرع بها اصحابها خارج مبلغ الاشتراك
الاخ النفر التزم بالخروفين
الاخ فارس من قطر ؛حسب اتصاله مع الاخ ابو مصطفى تبرع بمبلغ 300 ج
الاخ ود الطرشان التزم بدفع مبلغ 100ج
هذا اذا اعتبرنا عدد الحضور للرحله 20 شخص
يكون جمله المبالغ 300+100+(20×20)
400+100+300=800
كفايه جدا اذا وجدنا حبه تبرعات من الاعضاء ولا رايكم شنو يا سلمان ويسن
مافى مشكله الناقصه بنتمها اثناء الرحله
ونحن لانخلف

حتى الان التفاعل وتأكيد الحضور ضعيف وتبقت حوالى 60 ساعة— ولكن نتوقع الحضور المناسب فى الوقت المناسب –
على العموم الحضور حتى –النفر—جبريل—نجلاء –محمد عمر-احمد الفيل—كباشى-بلسم-(احتمال)-هناء-عبد الحفيظ النافعابى-هذا بالاضافة الى—خال ابرار -نادر–يس-ابومصطفى—الحاج –ود الطرشان—الرشيد –الريس-وشخصى الضعيف-(18) وذا اضفنا الاسر قول اربعين— ونطمع فى المزيد-

الأخ الكريم / السر جبريل عثمان خميس
تحياتى لكم ولافراد الأسرة ولجميع الأخوة
إتصلت عليك عدة مرات ولكن يظهر إن الموبايل ضن علينا نرجو أن نتعرف على صحة الجمبع
والســــــــــــــــــــــــــــــــــلام

من طرف **يس مصطفي** الأربعاء 13 أبريل 2011, 2:29 pm

عَنْ [ندعوك للتسجيل في المنتدى أو التعريف بنفسك لمعاينة هذا الرابط]، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " إِذَا قَالَ الرَّجُلُ لأَخِيهِ جَزَاكَ اللَّهُ خَيْرًا فَقَدْ أَبْلَغَ فِي الثَّنَاءِ
جزاكم الله عنا كل الخير فارس والنفر وربنا يزيدكم

من طرف **ahmed alkhabir** الأربعاء 13 أبريل 2011, 6:48 pm

شكرا للاخوة القائمين علي امر الرحلة
وتحية خاصة للاخوان فارس والنفر
ولاهل المنتدي الذين جعلوا منه دارا وملتقي للمناصير
حضورانشاء الله
واتوقع ان يكون هناك حضور متميز من خارج المنتدي

مشكورين اداره المنتدي
والحقيقه الاحتفال بالنفر ليهو طعم خاص
وربنا يديم نعمة الصحة والتلاقي تحت مظله المناصير الوارفه
لي يومين افتش لي في خروف يطلق ضهر ودالقبايل وقلت اخير ارسل سعر الخريف للزول الماسك راس القايده
بس خفت من لسان ابومصطفي يقول عليك الله ياود القبايل صاقعنا انا ود القبايل البعدل المايل البقوم مع الفجراوي اكابس الخلوه بالبراد تجيبلك خريف ؟ لانو لوجبت قرونو ماشات قدامو اصلو ابومصطفي مابرضي
عشان كدي ضربت خماسي في سداسي وقلت ارسل بكره المبلغ وابقي نايم
دحين ياجنا بكره الجنا دااااك بيوصلك القروش في محلك
بأذن الله ضروري بجي وامبقيت ماجيت برسل الولد

الله اكبر --الله اكبر-
استلمنا مبلغ الخروف الذى تبرع به الاخ ود القبايل العدل المايل-
الف شكر--
تبقت اقل من 24 ساعة اين التفاعل والتشجيع والتأكيد--

من طرف **ود الطرشان** الخميس 14 أبريل 2011, 3:32 pm

وعدل المايل
ود القبايل
وبحضوركم يستقيم الصف