صورة أبو الزهور ومرتو ووليداتو

عندو واحدي من بناتو ديل هسي دي جارتنا في أبوظبي... تقطع علينا بي قدحا. بالملح والملاح..

البنات شبه الارانب

ربنا يعيد تلك الايام , زمن الزمان زين والناس حنينين.
ماغريبة الناس تتمنى الماضى فى الوقت الذى تتطلع بقية الشعوب الى المستقبل, تسلم يا باشمهندس وربنا يديك العافية .

ده صورتك انت زمان

عبود مرتو طوييييييييلة ما شاء الله..
أصلها عقدة عندنا نحن السودانيين..
القصييير يفتش المرة الطويلة عشان يعوض
والأصفر الأحمر يفتش الأخدر الليموني .. والخدرة الدقاقة الناعمة ويعرسو.. عشان ما يقولوا عليهو من حلب السودان... شفتا عدد كبير أنا من حلب السودان يحاول يخدر لونو شوية يتزوج اسمر.. لأن اللون المحبوب لون أهل البلد ، ياهو لون الوسط ده!
بس الحلب هنا اتنفشوا علينا في الخليج والسعودية لأن الحمرة مطلوبة.. وتجيب... ( ربنا يحسن العمل ) أحمر أسود كلو واحد أمام الميزان..
.........
بعدين السمين يفتش الضعيفة في الزواج
برضو وهكذا..الريس عبود معروف عنو قصيير

غايتو ما بعرفوا المهم مرة عبود رفعت راسنا بين الأمريكان

بعدين الريس الأمريكي جون كيندي ذاتو أسمح من الشيطان الماخدو ده؟

الحاكم العام البريطاني ومعاه الحكومة بتاعتو.. تلقط لها في زهور من حديقة القصر الجمهوري وهو ماشي معاها مباريها، عشان تلقط زهورا دي.. والحارس السوداني مباريهم، لامن تكمل لقيط زهورا دي يشيلن ليها.. وراجلا مباريها
الصورة طبعا عملو ليها تلوين حديث.. زمان ا كانت في ألوان[ندعوك للتسجيل في المنتدى أو التعريف بنفسك لمعاينة هذه الصورة]

الصدوق سلام---سلام إبداع

تستهويني هذه الصور النادرة

ياريت تكترا

وبعدين حتي في صور نادرة في المناصير--

ياريت تنزلا

لك شكري

دي ياهندسة حكومات الجد والجدية وهن الحاكمات سواء في السودان أو أمريكا أو بريطانيا العظمى ويستاهلن أكثر من كده الرجال مدنقرين والحكومات رأسها فوق اللهم أحفظ الحكومات وكترهن كمان. وشكرا على هذا التوثيق أخونا صديق

يسلموا المرور
حكومات يا دكتور مصباح هن مشلقات فوق في السماء

ود عون الله. شوف زمان كنا نتبرع للسعودية. واقتصادنا كان اقوى منها.. كما هو معروف كنا من مملكة سنار نتبرع بكسوة الكعبة الشريفة كل سنة.. شايف هذا التبرع كان 1935 والسودان لسه مستعمر. لكن نخوة الإسلام الحقيقية موجودة.. وفي الكشف بتاع التبرع ،عبد الرحمن المهدي متبرع ب 100 جنية مائة جنيه دي تعادل زي مليار بي قروش الليلة. ياخي لغاية السبعينيات القروش كانت قوية والمائة جنيه حاجة كتيرة شديد أنا أتذكر نحن اشترينا بابورنا بتاع الموية من الخرطوم من شركة سودان مريكانتاير بمبلغ 260 جنية في سنة 1970 واشترينا لنش كامل من بورتسودان من ولد الراسمالي عثمان صالح بتاع شركة الحبوب الزيتية سعر اللنش كامل 770 جنيه. في عام 1967 وفي عام 1970 عمنا حاج الحسن عون الله اشترى اللنش بتاعو من الخرطوم ب 1800 جنيه.. ياخي في السبعينات الجنية الواحد كان يكفي اسرة 15 يوم..
.........
والد واحد مهندس سعودي شغال معانا هنا. وقاعدين نتزاور. راجل عمرو زي 80 سنة.
قال لى يا ولدي : انا زمان كنت راجل شبعان. عشان كدة شيلتي جبتها من سواكن.. وكان فخر لى عروستي أم الولد ده؟ إنو شيلتي من سواكن.. حتى البنات يفتخرن يقولن العروس جابوا ليها شيلتا من سواكن..
زمان عندنا في المملكة يا ولدي الما بيجيب شيلتو من سواكن؟ ده معناهو عريس تعبان
......
بالله شوف نحنا كنا كيف؟
بالله لو مشينا على كدة طوالي..كان الليلة طرنا رحنا..

دكتور حسن 1935 دي معناه قبل ما يلدو الحكومة بتاعة حضرتكم بي سنة ونص![ندعوك للتسجيل في المنتدى أو التعريف بنفسك لمعاينة هذه الصورة]

ياهنسدسة هل تعلم أن طيار الملك عبدالعزيز كان سوداني ، هل تعلم أن أول عملية لزراعة الكلى كانت في السودان بطبيب سوداني ولمريض سعودي . وتلك الأيام نداولها بين الناس . الله كريم وقد تدور الدنيا ثانية وتجيب لينا الخير

ان شاء الله يا دكتور مصباح نرجع أحسن مما كنا... المعلومات التى ذكرتها يا دكتور معلومات قيمة وجديدة عليا.. فعلا حاجة عجيبة!

عبود لما انتهى من زيارة أمريكا، واستقبلوه استقبال ماحصل لرئيس، كمان مشى على إنجلترا، استقبلوه استقبال من المطار جموع المستقبلين، حتى الأطفال، والانجليز قالوا لى الأولاد بتاعينهم دا رئيس البلد الكنا فيها، وتركنا ليهم خدمة مدينة ، مضرب المثل في العالم، وقالوا ليهم السودانيين ناس أذكياء وغيرو وغيرو كتييير
........[ندعوك للتسجيل في المنتدى أو التعريف بنفسك لمعاينة هذه الصورة]


مرة عبود من كرما، في الحوامة دي ساقت صاحباتا معاها
.......
صاحباتا كلهن سمحات ما شاء الله..( التـقلا.. والحلا..) بتاعة النجيييض بتاع الكاب.. لما يبيع شايو في القطر..

شوف ملكة بريطانيا استقبلت عبود كيف؟ بجميع الخدم والحشم والهيلمانة والغاغة والدودهيي. الحرس ماشي وراهم دردكيي..
[ندعوك للتسجيل في المنتدى أو التعريف بنفسك لمعاينة هذه الصورة]

الشوارع في بريطانيا كلها ملوها بالعلم السوداني والبريطاني... علمنا زمان يا حلاتو.. مرة أيام الانتفاضة بتاعة ناس سوار الدهب الناس طالبوا بيهو وكنا عايزين نتبناه تاني، لقينا قالوا في دولة أخدتو بنفس ألوانه ووضعو وطلعنا ملووص..[ندعوك للتسجيل في المنتدى أو التعريف بنفسك لمعاينة هذه الصورة]

وعملو لينا سوداني كبيييير في أكبر شارع في لندن.. زي شراع مركب محمود ود معشابي في القناويت[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

وملكة بريطانيا على جلالة قدرها منتظره عبود في المطار من دغيشاً بدري لسه ما جات الطيارة منتظراهو بي حشما وخدما

والوزراء منتظرين واقفين صف منتظرين تنتهي الملكي من سلامو يجي دورهم يسلموا عليهو منتظرين بي أدب
[ندعوك للتسجيل في المنتدى أو التعريف بنفسك لمعاينة هذه الصورة]

أها عبود جاء جابو البص من الطيارة والملكي تسلم عليهو في حياء[ندعوك للتسجيل في المنتدى أو التعريف بنفسك لمعاينة هذه الصورة]

قلنا نجيب لينا حاجي كدي تفرح الناس، لسه خواطرنا مكدرة من موت الزعيم أسد أب سباع، ما قادرين نكتب كويس؟

هنا الملكي تعرف في عبود بي خاصتها ووزراءها[ندعوك للتسجيل في المنتدى أو التعريف بنفسك لمعاينة هذه الصورة]

ا

والله عبود اللقاها....
مكانتنا كانت توب.. فوق بين دول العالم

هنا برضو تعرفهم بيهو.. والملكي كمان جابت معاها أمها لاستقبال عبود ومرتو وصاحباتا[ندعوك للتسجيل في المنتدى أو التعريف بنفسك لمعاينة هذه الصورة]

هنا تشرح للياوران برنامج زيارة عبود حا يستمر كيف؟ لغاية ما يودهو في قصر الملكة الخاص، هو ومرتو وصاحباتا.. صحبة السرور، شوف النعمي اللقنها..
[ندعوك للتسجيل في المنتدى أو التعريف بنفسك لمعاينة هذه الصورة]

هنا خلاص عبود أخدوهو في الحنطور ومعاهو الملكي.ز عشان يلف بيهو في شوارع لندن، عشان الناس عايزين يشوفوهو وشوارع لندن مزدحمة عايزة تشوفو[ندعوك للتسجيل في المنتدى أو التعريف بنفسك لمعاينة هذه الصورة]

هنا كمان ديل صاحبات مرة عبود، قالوا لى عضو الحرس ده؟ كمان ضيفن، وأشملن في الموكب .. عشان ما معقول يركبن مع الرئيس، ويتاع السافرة بي ورا عايز يطمئن على سودانياتو ضيفوهن صاح، لكن ما دخلوه في الموضوع، الضيافة تمت بأكبر مما هو يتوقع[ندعوك للتسجيل في المنتدى أو التعريف بنفسك لمعاينة هذه الصورة]

هنا موكب عبود والملكي لافي في شوارع لندن والناس تتفرج وتصفق وتحيي في عبودنا[ندعوك للتسجيل في المنتدى أو التعريف بنفسك لمعاينة هذه الصورة]

هنا الشعب البريطاني يتطلع في الشوارع للموكب عله يظفر بنظرة من عبود ومرتو وصاحباتا[ندعوك للتسجيل في المنتدى أو التعريف بنفسك لمعاينة هذه الصورة]

هنا الموكب ما شاء الله[ندعوك للتسجيل في المنتدى أو التعريف بنفسك لمعاينة هذه الصورة]

هنا الجالية السودانية في لندن رافعة أعلامنا تحيي رئيسا الرفع راسنا وحتى أطفال الجالية السودانية في لندن[ندعوك للتسجيل في المنتدى أو التعريف بنفسك لمعاينة هذه الصورة]

هنا خلاص لففوهو والجولة انتهت ، مدخلنوا القصر الملكي يرتاح شوية[ندعوك للتسجيل في المنتدى أو التعريف بنفسك لمعاينة هذه الصورة]

هنا عبود في الضيافة بالزي الرسمي [ندعوك للتسجيل في المنتدى أو التعريف بنفسك لمعاينة هذه الصورة]

هنا الملكي وعبود ورئيس وزرائها يتفسحوا[ندعوك للتسجيل في المنتدى أو التعريف بنفسك لمعاينة هذه الصورة]

هنا عبود جابوه السفارة السودانية في لندن وده سفيرنا عمر عبد التام وقتها..[ندعوك للتسجيل في المنتدى أو التعريف بنفسك لمعاينة هذه الصورة]

هنا برضو عبود داخل مكاتب السفارة السودانية في لندن ، يتفقدها[ندعوك للتسجيل في المنتدى أو التعريف بنفسك لمعاينة هذه الصورة]

هنا عبود مبسوط شديد يضحك[ندعوك للتسجيل في المنتدى أو التعريف بنفسك لمعاينة هذه الصورة]

هنا برضو يضحك[ندعوك للتسجيل في المنتدى أو التعريف بنفسك لمعاينة هذه الصورة]

هنا عبود يسلم على واحدة من موظفات السفارة[ندعوك للتسجيل في المنتدى أو التعريف بنفسك لمعاينة هذه الصورة]

والله يا هندسه اكان عبود دا رمالو حبل فوق الخواجيه دى الليله اكان اخوالنا الخواجات واجدادنا خواجات

هههههههههههه
حسن قطعتا مصاريني من الضحك..

صاحبات مرتو ، وبعض نساء الجالية السودانية، في لندن جن يسلمن عليهو في مقر إقامته، وهو هنا طلع معاهن لى برة يودعهن، كعادة السودانيين.[ندعوك للتسجيل في المنتدى أو التعريف بنفسك لمعاينة هذه الصورة]

برضو هنا عدد من نساء الجالية السودانية بلندن وصاحبات مرتو..
الكلام ده كان في فبراير عام1962[ندعوك للتسجيل في المنتدى أو التعريف بنفسك لمعاينة هذه الصورة]

اسمها سهام محمد عثمان مبعوثة من حكومة السودان،بريطانيا
شوف زمان زمن تسريحة القبب..
شئ طبيعي برضو زمان لافي روج ولا زبدة .. فطرة الله التى فطر الناس عليها.. أخذت الصورة عام 1962 فبراير[ندعوك للتسجيل في المنتدى أو التعريف بنفسك لمعاينة هذه الصورة]