يديعوت حريموت

من طرف **ود عون الله** الخميس 01 نوفمبر 2012, 5:25 am

تذكير بمساهمة فاتح الموضوع :

أنا قررت أنشئ حزب جديد

الحزب يضم تاء التأنيث أياً كانت---معاهن براي---ما داير أي شنب بي هني ---كمان ما يقروا

السبب

صديق الحنوني--هاشم الجزولي---والمشكلة إنضم ليهم شيخ مصباح

سنعلن الحرب وبكل الأسلحة ---سنضرب بقوة---راداراتكم خلوها من النوع الحديث

والأسلحة إنتو قايلنها مفاريك وكمش ---دي أسلحة قديييمة وتقليدية ---

بس يا صديق صلعتك مسحا كويس وأستعد

الأعداء هم الجماعة الأربعة ديل ومعاهم آخرين

مخابراتنا رصدتهم بدقة---جمعت المعلومات من عملائنا المنتشرين في جميع البقاع

صديق أبوحنة --عميل مزدوج ---وكمان غاشينا ---قال نصير المرأة قال---قدر ما تجي سيرة العرس يجي ناطي

يشرع زيين وبعدين يقول أنا رافع البيرق---دي قديمي --ألعب غيره---وكمان يقول أنا والكاشف أخوي

يا صديق هاشم ما يغشك ---صاح الجماعة اليومين ديل ما هم موجودين ---بعد يجو تمش وين

قاعد براك في الإمارات---لا خالة لاعمة---لا حبوبة لا أخت---تندس عندها وكت يكرشوك

نجي لى هاشم

يدق في الزار---أها الزار تراه جاب ليك ---هندية بي بنياته---خم وصر

وكت الجماعة يجوا من البلد ---الهنديات ديل تودهن وييييين

نكيره مابتنفعك ---ماتقول ديل تبع عبد الواحد----أصلو نكرن الضحى العالي---وإبراهيم حجازي يزوغ ويربط---الحيرني منوفلي مالو

شيل شيلتك يا هاشم ---أنت مستهدف

شيخ مصباح ----كان زول عِديّل ---ماسك دربو--وعارف مجهادو----لكن إنسخت---بقت البخرات والحجاب تمشي محل ما البياض غليييد

شيخ مصباح فك الدرب---كتب الحريم وخلا الرجال

*******

سنحدد الزمان والمكان للضربة

أكيد ما حا تعرفو المصدر

بس ما تصرحو تصريحات عشوائية

بعد الضربة وفي الزمن الذي نحدده---سيدلي الناطق الرسمي بتاعنا ---اللى هي تماضر ---وفي مؤتمر صحفي --بالبيان المهم

يمكنكم أيضاً متابعة يديعوت حريموت--للكاتبات أميرة الحومري--إنتصار--نجلاء--عازة -----نداء --محاسن وبقية العقد الفريد

نحن مش خايفين ---كل المسائل القانونية ---ستتبناها أميرة علي

من طرف **ود عون الله** الجمعة 16 نوفمبر 2012, 5:15 am

يا صديق لن أجاريك في الإشتقاقات الكتيري دي

ولكن سأتناول كلمة مرأة أو إمرأة---وكلمة نساء

وهنا سأتناولها لغة وليس شرعا---وما يجيني شيخ مصباح بي هني

يا صديق ما هو جمع كلمة إمرأة----

ما هو مفرد كلمة نساء أو نسوة

فالمرأة هي واحدة ويا صديق خليك كدي--خليك مع المفرد---فالإفراد هو الأصل

ولا تلولح علي النساء أو النسوة---فهي جمع من غير مفرد---وهي ليست الأصل

توكر في الجمع وما تقدر تمرق---والمفرد بعدين ما تلم فيه

هههههههههههههههههههه
والله حريييييف يا ود عون الله..
نعم أعرف علاقتكم بشري وقد ذكرها مصباح برضو هنا في المنتدى

[ندعوك للتسجيل في المنتدى أو التعريف بنفسك لمعاينة هذا الرابط]
[ندعوك للتسجيل في المنتدى أو التعريف بنفسك لمعاينة هذه الصورة] من طرف صديق عبدالله علي أبوحنة أمس في 10:36 am

[ندعوك للتسجيل في المنتدى أو التعريف بنفسك لمعاينة هذا الرابط]
----
[ندعوك للتسجيل في المنتدى أو التعريف بنفسك لمعاينة هذا الرابط]

أنا غايتو الما بتزوج منصورية ماهو رفيقاً لى..
وكان لاقي فرقة أنا كنت تميتن أربعة منصوريات.. لكن الحكومة بتاعتي تضبح عديييل في الكلام ده! عشان كدة رافعين البيرق.. ونحمد الله على الواحدي ماني زايدنها تب..
كلام واضح موش
!!!!
الكلام ده منقول من مكان تانى
لا تعليق من قبلنا
تكرموا يا قمم واغفروا لنا تطاولنا

ههههههههههههه
سامي
اتسديت إنت ..موش!

والله يا دكتور ود عون الله بالغت عديل انت قائد القوات بتاعك مصاب وما عندك خبر دا تحاف شنو دا .

ود عون الله كتب:

ما فهمته يا صديق جله صحيح

فنحن لا نقول الحكومة لأن الحكومة تعني السيطرة--السطوة--السلطة

يعني هي الحكومة ونحن المعارضة ولا كيف

الحكاية ليست هكذا ولكن مشاركة مساواة--عدل--إحترام متبادل

يا صديق الله خلقك شفت حكومة مرضي عنها---

ولكن شفنا أزواج سعداء

هذا لايعني عدم وجود مشاكل

وليست هنالك حياة زوجية تسير هكذا---يا أخي حتي كدة تبقي الحياة رتيبة مملة

الخناقات الخفيفة التي لا تعصف بالحياة الزوجية----هي بهارات الحياة ---تزيدها رونقا

اعجبتنى جدااااااااااا
فهم راقي من انسان راقي
دمت لى تاجا على راسي

اعجبتنى جدااااااااااا
فهم راقي من انسان راقي
دمت لى تاجا على راسي

شكارتا... دلاكتا....
إفتكر شرح وقاموس يا ود عون الله.. الواطة دلجي. دبورتك صبجي. عايزة ليها تفكها شوية بي زبن حمير. الموية تترع يومين في الدبورة
( ترجمة وقاموس.. العرة الكبيري... زي ما قلتا أنت)

لما الناس تشبع من البوست.. وتفتكر ان كل شئ قد قيل.. يبدأ عندنا الجديد.. واضح إنو البوست من حلاوتو مشى لغاية الصفحة الثالثة، وهو أمر قليل في المنتدى، أن تجد البوست يمتد حتى الصفحة الثالثة.. المواضيع التى غطت الصفحات الثلاث ، مادة خصبة للمداولة والترياق.. من كاتب ودكتور مرموق في مداد اللغة، كما هو مرموق في مضبع الجراح.. وكذلك مداد مسكوب من قراء ذواقة تداخلوا هنا برواقة، وخفة دم عالية المذاق..
بس موضوع البوست باق.. بدل بديعوت حريموت على وزن الغارة كمان جابت ليها محاولات تخريبية.. ربنا يحفظ بلدنا من كل تخريب.. لكن أين قوات ود عون الله.. وأين مستشاره القانوني، واين المستشار الأمني حقو.. وما عرفنا لى وين وصلت المفاريك والكمش. وأدوات الضرب والتنكيل الحديثة..

من طرف **نداء** الجمعة 30 نوفمبر 2012, 2:33 pm

قاعدين يجهزوا فى مذكره اعتقال

المرور الكرام لكم كل تحيه واحترام
الدكتور الراقي صاحب الراقي.....

شنو الحكايه؟؟؟؟؟؟؟؟؟؟كمش...مفاريك...الحمدالله ما جابتلها سكاكين

نشد من ازركن ونحن معكن في كل خطوه علي بركه الله

من طرف **الرشيد طه** الإثنين 03 ديسمبر 2012, 7:58 pm

صديق عبدالله علي أبوحنة كتب: لكن أين قوات ود عون الله.. وأين مستشاره القانوني، واين المستشار الأمني حقو.. وما عرفنا لى وين وصلت المفاريك والكمش. وأدوات الضرب والتنكيل الحديثة..

وينك يا ود عون الله انشاء الله تكون استراحة محارب ما هروب من المعركة غيبتك خلت صديق يعرض ساااكت ويتحدي كمان بس خايف تبقي عليه حكاية الفار السكر وقعد يكورك اين القط اين القط

هههههههههههههه
قلت لى كيف يا الرشيد!
ياخي القصة دي زمان درسونا ليها في ( الكشكول ) الكشكول كان في رابعة ابتدائي.. كتاب لذيذ خلاص

من طرف **ود عون الله** السبت 15 ديسمبر 2012, 5:15 am

سامي --نصر الدين---ام ساريا---نداء---ام وضاح---الرشيد

الف مراحب ---وجاييكم راجع ---بعد تلاوة البيان

من طرف **ود عون الله** السبت 15 ديسمبر 2012, 5:27 am

إلي جماهيرنا الوفية

قام المدعو صديق ابوحرنة --اقصد ابو حنة اليوم بمحاولة تخريبية استهدفت امن الاسر وترويع الآمنين --بعد ان نقض العهود والمواثيق

وقد فر هذا النمرود--وعليه نهيب كل من يتعرف عليه الإبلاغ السريع والفوري---وصورته تجدونها في منتدي المناصير بلدي

هذا وقد نفي كل من الدكتور مصباح وهاشم الجزولي تورطهم في هذه المحاولة التخريبيه وانهم علي العهد باقون --وسيشاركون في البحث عنه

قف ---سنضرب بيد من حديد كل الخونة والمرتزقة ولا نامت أعين الجبناء

ههههههههههههههههه
عليك الله يا سري
الأداك خبر منو؟
إنو في بوست هنا يخصك
براك ما بتجي
طولت غائب..
أقصد البوست البي هناك بتاع المفاريك

إلي جماهيرنا الوفية

أفادت معلومات مؤكدة من جهز مخابراتنا النشط بان المتمرد ابحنة قد لبس المرقوع وتخفي في زي الدراويش واحتمي بأحد شيوخ الطرق الصوفية وصار مادحا

هذا وسنواقيكم بالأخبار أول بأول تمليكا للحقائق

قف لن يفلت مجرم من العدالة

هههههههههههههه

من طرف **الرشيد طه** الإثنين 17 ديسمبر 2012, 6:52 pm

افادنا مصدر موثوق ان المدعو ابو حنة قد سلم الراية تماما لحكومته الموقرة وادي فروض الولاء والطاعة بصورة نظرت اليها حكومته بعين الشك والريبة وافاد المصدر ان المتمرد يخطط لصد الهجمة المتوقعة من قبل جيوش ود عون الله كما افاد المصدر ان المتمرد يخطط للهروب من وجه العاصفة في حالة فشل خطته الاولي من ناحية اخري افادت الانباء من معسكر القائد ود عون الله انه في كامل الاستعداد للمواجهة التي باتت قريبة جدا

من طرف **amira ali** الإثنين 17 ديسمبر 2012, 7:07 pm

هه هه ...
الله يستر
ممكن تطلب لجوءا امنيا للمملكه لان اشوف كل المطرودين من قبل الثوار يهرعون ا ليها
وممكن يستضيفك ود عون الله اصلو زول ضيوف وارثها من اجداده
و لا يهمك ممكن برضو تجي الرياض جمعية المناصير
ديل كمان يشيلوك فوق راسهم
وحانرسل لك الاعمده -اجر لله

من طرف **الرشيد طه** الإثنين 17 ديسمبر 2012, 8:36 pm

عــــــــــــــاجــــــــــــــــــــل

انشقاق المستشار القانوني لمجموعة ود عون الله وانضمامه للمتمردين

أبوحنة جيوشة قوية وليس متمرد وليس ممن يطلب حق اللجوء الرياض كلها معه وما تنسوا إته الرياض وناس الجمعية كلهم تحت أمري والمستشار انضم لمجموعتنا وهو معنا في الرياض ولا نامت أعين الجبناء. ويالرشيد ود عون الله ده خواف ويمكن يلجأ إلى الأردن لأنها قريبه منه.

مين قال المستشار انضم للمتمردين
نحن جيشنا قوى ومتماسك وما عندنا اي تفلتات
دا اسمو تكتيك حربي

من طرف **amira ali** الأربعاء 19 ديسمبر 2012, 12:39 am

انتصار حجازي كتب:مين قال المستشار انضم للمتمردين
نحن جيشنا قوى ومتماسك وما عندنا اي تفلتات
دا اسمو تكتيك حربي

فتح الله عليك -انتصاروينك يا زولة ؟
اصلو الجماعة ديل عليهم استعجال
بس قلنا ننظر في الحالات الانسانية-حتى اسرى الحرب بيعاملوهم باحسان والا طلعنا زي ناس (
امسح اكسح قشو ....

نستبيحك عذرا يا أم سارية نحن بس نحب نرد على نيران الدكتور واتاريه بتصلك بعض العيارات واليومين ديل أبوحنة مشغول بالعمل وصيانة المعدات استعداد للصيف وأين نحن من هذا في السودان مجاري الأمطار والسيول يقوموا يحفروا فيها بعد نزول الخريف ووقوع الطامة. أما عن المستشار لو رجع في كلامه أصله الزمن ده ما في حوجه له في زمن تطبيق القانون بعيد فيه وحتى راعية القانون الدولي بعيدة عن تطبيقه وزي ماقال المستشار بنفسه امسح اكسح قشو ... ومثل هذه الأفعال أو أعنف منها تحصل في هذا الزمن وإن شاء الله تنتهي فنرة البيات الشتوي لمهندسنا ويجي يهندس لنا الكلام وأصله الراجل مهندس في كل شئ.

لا لايا دكتور مصباح ليست هنالك اية عيارات

بس عاجبانى مداخلاتكم ومناكفتكم مع حسن وحبيت اجاريكم

اصلا كلما اشوفه جالس على الجهاز وبيضحك اجى القاه فاتح البوست دا

تخريمة

نما الى مسامعنا قرب انضمام قوات حليفة من الرياض ومن الامارات يعنى جيشنا فى ازدياد

من طرف **ود عون الله** السبت 22 ديسمبر 2012, 4:51 am

إلي جماهيرنا المخلصة الصامدة الوفية

لقد قامت قواتكم الباسلة بقيادة قوات خاصة بهجوم كاسح علي جيوش المتمرد أبحنة وألحقت بها خسائر فادحة

وقد لاحقت فلولهم المنهزمة حارة حارة بيت بيت زنقة زنقة

هذا وقد لاذ قائدهم المنهزم بالفرار ولبس المرقوع بعد أن أصيب بارتجاج في المخ من شدة الهلع وصار يهذي بالمديح

النبي سيدي الممدوح

أنا وين أروح

والجسم مليان جروح

والوشي بالواطة مكتوح

لاغداء لاعشاء لا مسوح

انا وين اروح

حياتي بقت نزوح

جيت وقيع يا صاحب الضريح

ليك مسلم قلبي الجريح

هذا وقد تسلم الراية من بعده شيخ مصباح وقد دعا في الحال الشيخ العريفي وكل شيوخ المملكة ليقرؤوا القرآن علي المتمرد أبحنة ليستعيد توازنه المهزوز

وقد طلب الشيخ مصباح من بعض حيرانه إحضار جدادة من نوع معين وأخلي دار المناصير بالرياض لتتم فيها معالجة المتمرد أبحنة

إرتفعت اسعار الجداد بالرياض بصورة مذهلة فقد احضر الحيران كميات كبيرة منه لشيخ مصباح وفي كل مرة يقول لهم هذه ليست مطابقة للمواصفات ولما يمتنع البائع عن ارجاعها يقوم الحيران بذبحها ويشونها للشيخ مصباح مما ادي إلي إصابته بالتخمة ---ثم قال لهم هذه الجدادة توجد في وادي عبقر

رحل الحيران المساكين إلي وادي عبقر وكادوا يتيهوا في الصحراء

ثم وجدوها وحملوها معهم

وفي الطريق سمعتهم الجدادة وهم يتكلمون عن المتمرد ابحنة

عرفت أن سبب إصابة ابحنة من قوات ايديعوت حريموت هو تنكره للجميل وطلبه التعدد

قالت الجدادة انا اصلي كارهي الديك عشان ماهو قنعان بي جدادة واحدي

وذاتو دون مخاليق الله من الذكور متملس وناعم ومسوي عرفو داك وعامل أجمل مننا

قررت الجدادة الفرار ولما لم تجد طريقة قررت الإنتحار

ماتت الجدادي

وحزبنا إذ يحيي فيها هذه الروح الوطنية النضالية قرر بناء ضريح للجدادي وسيكون يوم وفاتها يوم وطني

قف النصر لنا

ولا نامت أعين الجبناء

من طرف **ود عون الله** السبت 22 ديسمبر 2012, 5:08 am

إلي جماهيرنا المخلصة الصامدة الوفية

لقد قامت قواتكم الباسلة بقيادة قوات خاصة بهجوم كاسح علي جيوش المتمرد أبحنة وألحقت بها خسائر فادحة

وقد لاحقت فلولهم المنهزمة حارة حارة بيت بيت زنقة زنقة

هذا وقد لاذ قائدهم المنهزم بالفرار ولبس المرقوع بعد أن أصيب بارتجاج في المخ من شدة الهلع وصار يهذي بالمديح

النبي سيدي الممدوح

أنا وين أروح

والجسم مليان جروح

والوشي بالواطة مكتوح

لاغداء لاعشاء لا مسوح

انا وين اروح

حياتي بقت نزوح

جيت وقيع يا صاحب الضريح

ليك مسلم قلبي الجريح

هذا وقد تسلم الراية من بعده شيخ مصباح وقد دعا في الحال الشيخ العريفي وكل شيوخ المملكة ليقرؤوا القرآن علي المتمرد أبحنة ليستعيد توازنه المهزوز

وقد طلب الشيخ مصباح من بعض حيرانه إحضار جدادة من نوع معين وأخلي دار المناصير بالرياض لتتم فيها معالجة المتمرد أبحنة

إرتفعت اسعار الجداد بالرياض بصورة مذهلة فقد احضر الحيران كميات كبيرة منه لشيخ مصباح وفي كل مرة يقول لهم هذه ليست مطابقة للمواصفات ولما يمتنع البائع عن ارجاعها يقوم الحيران بذبحها ويشونها للشيخ مصباح مما ادي إلي إصابته بالتخمة ---ثم قال لهم هذه الجدادة توجد في وادي عبقر

رحل الحيران المساكين إلي وادي عبقر وكادوا يتيهوا في الصحراء

ثم وجدوها وحملوها معهم

وفي الطريق سمعتهم الجدادة وهم يتكلمون عن المتمرد ابحنة

عرفت أن سبب إصابة ابحنة من قوات ايديعوت حريموت هو تنكره للجميل وطلبه التعدد

قالت الجدادة انا اصلي كارهي الديك عشان ماهو قنعان بي جدادة واحدي

وذاتو دون مخاليق الله من الذكور متملس وناعم ومسوي عرفو داك وعامل أجمل مننا

قررت الجدادة الفرار ولما لم تجد طريقة قررت الإنتحار

ماتت الجدادي

وحزبنا إذ يحيي فيها هذه الروح الوطنية النضالية قرر بناء ضريح للجدادي وسيكون يوم وفاتها يوم وطني

قف النصر لنا

ولا نامت أعين الجبناء

هههههههههه
ود عون الله والله إبداع
لكن.. شيخ مصباح قال ليك شنو؟
قال ليك أب حنة اليومين ديل ماهو فايق
وكان جاء بيشرح صدورنا..
وإنت عارف مصباح ذاتو بيريب الموية خليك من جدو
ههههههه
تقول لى جدادة

من طرف **م بروي** الثلاثاء 08 يناير 2013, 2:18 pm

روائع ود عون الله
ده البوست البعجب
دابي بديتها
أكمل قرايتها أولاً
وبعدين نشوف حزبنا ياتو

من طرف **الرشيد طه** الثلاثاء 08 يناير 2013, 5:52 pm

م بروي كتب:روائع ود عون الله
ده البوست البعجب
دابي بديتها
أكمل قرايتها أولاً
وبعدين نشوف حزبنا ياتو

هووي يا زول ما في كلام زي ده تحدد اول حاجة حزبك وبعدين تقرأ الكلام واضح ما داير ليهو درس عصر

تخريمة

امس قريت مكتوب في الزجاج الخلفي لحافلة مواصلات الاتي:

الصورة واضحة ولا في شخشخة

اسع هني يا ودبروي الصورة واااضحة ما تجيب لينا شخشخة

قال اقرا وبعدين احدد حزبي بالله

من طرف **م بروي** الثلاثاء 08 يناير 2013, 6:24 pm

لا تحزب
أقرأ لائحة المنتدى
بالمناسبة
المشكلة في اللائحة واللا اللحلحة؟؟؟
والله يستر من الحلحلة

من طرف **م بروي** الثلاثاء 08 يناير 2013, 6:26 pm

الرشيد طه كتب:
م بروي كتب:روائع ود عون الله
ده البوست البعجب
دابي بديتها
أكمل قرايتها أولاً
وبعدين نشوف حزبنا ياتو

هووي يا زول ما في كلام زي ده تحدد اول حاجة حزبك وبعدين تقرأ الكلام واضح ما داير ليهو درس عصر

تخريمة

امس قريت مكتوب في الزجاج الخلفي لحافلة مواصلات الاتي:

الصورة واضحة ولا في شخشخة

اسع هني يا ودبروي الصورة واااضحة ما تجيب لينا شخشخة

قال اقرا وبعدين احدد حزبي بالله

إنت لسع مع درس العصر؟؟؟
هسع العصر بقى وقت النانجه

من طرف **الرشيد طه** الثلاثاء 08 يناير 2013, 6:54 pm

م بروي كتب:لا تحزب
أقرأ لائحة المنتدى
بالمناسبة
المشكلة في اللائحة واللا اللحلحة؟؟؟
والله يستر من الحلحلة

يا تحلا يا تتحلا اللحلحة هينه واللائحة كذلك بس ما تجيب لينا شخشخة

من طرف **الرشيد طه** الثلاثاء 08 يناير 2013, 6:57 pm

م بروي كتب:
إنت لسع مع درس العصر؟؟؟
هسع العصر بقى وقت النانجه

انا بحضر طيور الجنة

م بروي كتب:روائع ود عون الله
ده البوست البعجب
دابي بديتها
أكمل قرايتها أولاً
وبعدين نشوف حزبنا ياتو

يا ود عمتى الحكايه ما دايرى درس عصر حزب ود عون الله واضح عندنا نون النسوه اولا ونون النسوه آخرا , وشعارنا مافى عده بى تبيت بوسخها للصباح . اظنى برنامجنا بسيط وواضح, حدد موقفك بصراحه.

لماذا نشر ........... تلك اللوحة التى تظهر فيها العدة ؟

ولماذا كان التركيز على بعض الأشياء دون الأخرى ؟

سنفيدكم بالمعلومات المؤكدة لاحقاً

يسلم المرور الرائع

من طرف **الرشيد طه** الخميس 10 يناير 2013, 5:27 pm

نصرالدين ابوزيد حامد كرار كتب:
م بروي كتب:روائع ود عون الله
ده البوست البعجب
دابي بديتها
أكمل قرايتها أولاً
وبعدين نشوف حزبنا ياتو
يا ود عمتى الحكايه ما دايرى درس عصر حزب ود عون الله واضح عندنا نون النسوه اولا ونون النسوه آخرا , وشعارنا مافى عده بى تبيت بوسخها للصباح . اظنى برنامجنا بسيط وواضح, حدد موقفك بصراحه.

فتح الله عليك الاخ نصر الدين برنامج واضح ومحدد لكن ود عمتك ده داير يعمل فيها حريف ويتزاوغ

من طرف **الرشيد طه** الخميس 10 يناير 2013, 5:29 pm

سامى احمد محمد كتب:لماذا نشر ........... تلك اللوحة التى تظهر فيها العدة ؟

ولماذا كان التركيز على بعض الأشياء دون الأخرى ؟

سنفيدكم بالمعلومات المؤكدة لاحقاً

يسلم المرور الرائع

سامي كيف حالك يا اخي فقدناك في الساحة الخضراء

نرجو افادتنا عاجلا بالمعلومات استعدادا للضربة القاضية

من طرف **الرشيد طه** الخميس 10 يناير 2013, 5:31 pm

وينك ايها القائد ود عون الله البوست دخلوا فيه مرتزقة وخونة ومارقين ودايرن يلعبوا علي الحبلين

الرشيد الحكاية شنو جبت معاك النفس الحار نحن ما ناقصين نحن من محبي الكلام البارد وناس سلام نجب السلام واللون الاخضر ( خداري البي حالي ما هو داري )
او أخضر لونة زرعي والقماري لمن تقوقي في العصاري يعني رومانسية ومن طعم بلادي تكون طاعمة جدا وفيها ضحكة ضحكتين
شنو الكتال والمشاكل وكما ن بي عدة مطبخ من زمن الكنداكة

هاشم علي الجزولي كتب:الرشيد الحكاية شنو جبت معاك النفس الحار نحن ما ناقصين نحن من محبي الكلام البارد وناس سلام نجب السلام واللون الاخضر ( خداري البي حالي ما هو داري )
او أخضر لونة زرعي والقماري لمن تقوقي في العصاري يعني رومانسية ومن طعم بلادي تكون طاعمة جدا وفيها ضحكة ضحكتين
شنو الكتال والمشاكل وكما ن بي عدة مطبخ من زمن الكنداكة

يا باشمهندس حركاتكم دى البتخلى الرشيد يسخن معاكم , مره تقولوا الموت جاكم ومره تقولوا خدارى البيحالى ماهو دارى , اللولوه دى المعانا مابتنفع يا ترفعوا الرايه البيضاء وتسلموا يا ارجوا ام المعارك انت ان بقيت انشقيت من الجماعة ديل ناس ابحنه ومصباح بنامنك تمام اما شيخ مصباح رافع راية التحدى وابوحنه طلب اللجوء السياسى فى الرياض ومستشارنا القانونى يطالب بتسليموا ( انا خايف مستشارنا القانونى ذاتو يكون طالب اللجوء).
تسلم يا هندسه

من طرف **م بروي** الإثنين 14 يناير 2013, 8:05 pm

نصرالدين ابوزيد حامد كرار كتب:
م بروي كتب:روائع ود عون الله
ده البوست البعجب
دابي بديتها
أكمل قرايتها أولاً
وبعدين نشوف حزبنا ياتو
يا ود عمتى الحكايه ما دايرى درس عصر حزب ود عون الله واضح عندنا نون النسوه اولا ونون النسوه آخرا , وشعارنا مافى عده بى تبيت بوسخها للصباح . اظنى برنامجنا بسيط وواضح, حدد موقفك بصراحه.

سلامات ياود الخال
لسع ما قريت أي حاجة لكن الجواب واضح من عنوانه كما ذكرت
ومافي نون نسوة أول ولا تاني كووووولكم وراقين من الدرجه الأولى
حرفنة جد في وريق الملوخية خاصةً المحوص بفعل الشربوت داك
بتاع طيور الجنه ما شفتو لمن يدق المفراك فوق إيدو الشمال
ويضوق ويقولها أي طاعم. وود عون الله ذاتو مورق بدرجة جيد.
وشعاركم كمشه وحمامه بيضاء(وتحت مكتوب الرجالة ملحوقه)