يديعوت حريموت

أنا قررت أنشئ حزب جديد

الحزب يضم تاء التأنيث أياً كانت---معاهن براي---ما داير أي شنب بي هني ---كمان ما يقروا

السبب

صديق الحنوني--هاشم الجزولي---والمشكلة إنضم ليهم شيخ مصباح

سنعلن الحرب وبكل الأسلحة ---سنضرب بقوة---راداراتكم خلوها من النوع الحديث

والأسلحة إنتو قايلنها مفاريك وكمش ---دي أسلحة قديييمة وتقليدية ---

بس يا صديق صلعتك مسحا كويس وأستعد

الأعداء هم الجماعة الأربعة ديل ومعاهم آخرين

مخابراتنا رصدتهم بدقة---جمعت المعلومات من عملائنا المنتشرين في جميع البقاع

صديق أبوحنة --عميل مزدوج ---وكمان غاشينا ---قال نصير المرأة قال---قدر ما تجي سيرة العرس يجي ناطي

يشرع زيين وبعدين يقول أنا رافع البيرق---دي قديمي --ألعب غيره---وكمان يقول أنا والكاشف أخوي

يا صديق هاشم ما يغشك ---صاح الجماعة اليومين ديل ما هم موجودين ---بعد يجو تمش وين

قاعد براك في الإمارات---لا خالة لاعمة---لا حبوبة لا أخت---تندس عندها وكت يكرشوك

نجي لى هاشم

يدق في الزار---أها الزار تراه جاب ليك ---هندية بي بنياته---خم وصر

وكت الجماعة يجوا من البلد ---الهنديات ديل تودهن وييييين

نكيره مابتنفعك ---ماتقول ديل تبع عبد الواحد----أصلو نكرن الضحى العالي---وإبراهيم حجازي يزوغ ويربط---الحيرني منوفلي مالو

شيل شيلتك يا هاشم ---أنت مستهدف

شيخ مصباح ----كان زول عِديّل ---ماسك دربو--وعارف مجهادو----لكن إنسخت---بقت البخرات والحجاب تمشي محل ما البياض غليييد

شيخ مصباح فك الدرب---كتب الحريم وخلا الرجال

*******

سنحدد الزمان والمكان للضربة

أكيد ما حا تعرفو المصدر

بس ما تصرحو تصريحات عشوائية

بعد الضربة وفي الزمن الذي نحدده---سيدلي الناطق الرسمي بتاعنا ---اللى هي تماضر ---وفي مؤتمر صحفي --بالبيان المهم

يمكنكم أيضاً متابعة يديعوت حريموت--للكاتبات أميرة الحومري--إنتصار--نجلاء--عازة -----نداء --محاسن وبقية العقد الفريد

نحن مش خايفين ---كل المسائل القانونية ---ستتبناها أميرة علي

صديق--هاشم--مصباح

اناس احببناهم فشاغلناهم

كل سنة وانتم طيبين ورافعين بوارقكم

وامسكوا قوي علي الواحدة دي



تخريمة

انا الكلام دا كتبتو تحت تهديد السلاح

شفتوا الفراسه دي كيف

صديق الحنوني--هاشم الجزولي---والمشكلة إنضم ليهم شيخ مصباح

سنعلن الحرب وبكل الأسلحة ---سنضرب بقوة---راداراتكم خلوها من النوع الحديث

والأسلحة إنتو قايلنها مفاريك وكمش ---دي أسلحة قديييمة وتقليدية ---

بس يا صديق صلعتك مسحا كويس وأستعد

الأعداء هم الجماعة الأربعة ديل ومعاهم آخرين
------------------------------------
والله صدقنا انك تحت تهديد السلاح عشان كده بقيت تطربق الجماعة تلاتة , صديق ابو حنه وهاشم الجزولى وشيخ مصباح سويتهم اربعة بى وين , الا اللهم اذا عديتهم بطريقة عوض شكسبير فى دعاية ام تى ان . اكثر خمسة دول يتصل عليها السودانيين هى اربعة , مصر والسعودية والامارات.
دكتور ود عون الله كل سنه وانت طيب والعيد مبارك عليك وعساك من عواده .

الهنديات حجبن الرؤية

ما نكتبه يقع خلفهن والا كلامك رائع يا دكتور

يحتاج شوية تحليل وخبراء استراتجيين في الاقتصاد والدفاع المشترك والدفاع الفرديي كدي انتفكة من هندية ابراهيم وبناتها بعد داك نجيكم....

يا ادارة هووووووووووووى دكتور عبدالواحد وابراهيم حجازى ومنوفلى والمعاهم( جماعة الهنديات ديل )وقفوهم من الكتابة , البوست البيدخلوا بيملوهوا لى ودعينو, رد ردين تلقى البوست اتملى .
سلام

الأخ نصر الدين كل عام وانت بألف خير ورايتك في العلالي

يا نصر الدين البحمينا نطربق شنو---نلقاها من وين والله من وين

من راس التمرد الحنوني وجماتو الأربعة

والله نلقاها من السلاح المرفوع فوق راسنا

حرب على كل الجبهات

نعرق ونجف

***********

إنت مسعول من الخير جيت بى هني ضهبان ولا عتران

****

مرورك الجميل أثلج صدري

الأخ صديق سلامات

داير تكريني يا صديق مش كدا

لا لا لا

دا ماب يحلك ---جهز نفسك وجهز دفاعاتك الجوية --الأرضية---والبحرية

أصلو الضربة جايي جايي---لكن ماب نوريك جايي من يات جيهة

القراربخصوصك تم بالإجماع --والتنفيذ أكيد

بعدين يا أخوي --أقصد يا متمرد مالك على محامينا ---جيب محاميك براك

شد حيلك وبعدين ما تقول الواطه كانت كبتة ولا ضلمة ولا نظاراتي ما لابسا

***********

مناوشتكم شرف لنا

سامي إزيك واعلك عافي يا بحر المثور الصافي

نصيحة لى وجه الله ---صديق دا أختاه --أصلو بتاع مقالب

ما شفتو قلب كلامك كيفن---واداها من باب الفيك بدربو --بس فاتت عليهو يجيب

إسمك

اللافتة بالله خليهم يكبروا خطها أصلو جماعتي ديل شوفن شبه---ونضاراتن تعباني

سامي خليك في ضرا لافتتك دي أعصر على الحجرة---عوجي ماب تجيك

*********

أنت ماجيت بى هني وانا لاشفتك لاريتك

********

تسلم صديقي

الراقي دكتور عبد الواحد كل عام وانت بألف خير

أصلك إنت زول صادق---الهنديات طارن

إنت قايلن جن من وين---ديل جابوهن جماعتي ديل بي زارن

إنت قايل غنا صديق دا توثيق--لا لا ---دا تدريب علي الزار

جابوهن في صفحاتكم لزوم التمويه---بالله شوف

أسع صديق زعلان بى صحو

***********

واصل يا رائع وأتحفنا

*********

مرورك رم عضمنا وزادنا عافي--تشكر

ود عون الله يلعب على الحبلين.. تحت تهديد السلاح الجديد..
نشوف
......
ابراهيم خاف عديل..
مبروك عليكم محاميكم يا ود عون الله
أنا بنزل محامي تاني
سامي نفسو في الشئ وخايف..
نشوف يديعوت. حريموت ده قذيفتو تقع في ياتو مصنع!
قلت ليا يا ود عون الله القرار صدر في حقنا..
تفتكر الضربة راح تجيني من وين!
أنا زول مسللللم..
الصلعة إنت تقصد صلعة سلمان عقيد!

ود عون الله سلام بعد التفكير والبحث والمداوله مطلوب منك الاتى

تشوف لينا الجماعه ديل

ابراهيم حجازى وسامى احمد ماعرفناهم معانا ولاعلينا ديل شكلهم عملاء مندسين يقولوا كلام كبار بعدين يتراجعواسرقوا حسابى انا بى هنى ماجيت

ترقبوا بقيه القرارات من العقد الفريد

تقبل مرورى

إنت مسعول من الخير جيت بى هني ضهبان ولا عتران

يا دكتور قبل ما تسالني السؤال الفوق ده لاني ضهبان ولا عتران بس جيت مرور قايل الحكاية حكاية ضربة اليرموك لكن لقيت الموضوع بعيد عن الحكاية بس في وجه شبه

تخريمة

منتظرين الضربة الصاعقة

الدكتور لك سلامي الكثير يا اخو ختيتني مع الجماعة ديل أنا عارف دفاعا عن قريبتك وصدقني حكاية المحايات والبياض لو قمنا عليها طيارتك وأسلحتك ده بتضرب تلابيب وأورشليم بدلا من الخرطوم التعبانة . أشكرك على الأسلوب الرائع والله لي زمن ما قرأت مثل هذه الكلمات بالله يادكتور لا تحرمنا من مثل هذا وأنا عندي نظرية ومن خلال مطالعتي الكثيرة لاحظت أن من يعمل في المجال الطبي هو خير من يكتب في الأدب ودائما مبدع حفظ الله لنا اطبائنا ومتعهم بالصحة والعافية وعيدك سعيد ولأسرتك الكريمة

إنت مسعول من الخير جيت بى هني ضهبان ولا عتران
_______________________________________
انا لانى ضهبان ولانى عتران انا جاى شمتان .
الجماعة ديل اصلو ماترفع منهم واحد سفر مرتو البلد وراح (بتايا) والتانى سفر مرتو وبقى يسويلنا فى دى ريا بتاعة الحلاوة ,ويامحمد بروى شوف راحة البال دى شوف الصورة دى وادينا رايك داير يورط قريبى ود بروى معاهوا ,وراح البحر خلى الكانكيج والدقشوق جابلنا العره (اظن العره دى كلمة السر بتاعتهم).
دحين يادكتور اضرب ولا تحنث وبما انها قضايا عائلية لاينفع فيها غير الاسلحة المنزلية مفاريك كمش طشاطى جرادل حلل , والله فى حله كده بتاعة فلاته مصبوبه صب وزنها فاضيه اكتر من مليانه , البجيك مارق لابره تلبسلو حله فى راسو ما اظنى ينفع تانى

تحياتنا لكم ايها الرائعون وسامحونا .

علق خبر في ذهني قرأته سابقا

نقلا عن ذات الصحيفة ان وزير الخارجية في ذاك الوقت شيمون بيريز ضعيف الشخصية لان جل رايه عند زوجته

علق الخبر في ذاك الوقت لاني استهجنت ولم اصدق وقلت هذا الرجل السياسي وصل الي درجة وزير كيف يكون رايه عند زوجته

*الان اذا اردنا ان نعين وزير خارجية لمنتدانا علينا نوقف الناس صف ونختار بالقرعة!!؟

اظن بخرات ومحايات الدكتور مصباح ذات عيار تقيل وبدأ مفعولها يسري بقوة

دا كلام كبار
نحن مالنا بيه
اها خليناكم
سووا الفر

ابراهيم خش وسط الدارة وركز

لاب يعوس لاب يحلب العز

ما بشك الطاب والخرز

بس وكت ود العين غمز

شفتو نط هناك وقمز

ولللبيض هز ولكز

******

دم شربات وأخو بنات

******

إنت أنا دحين ما وصيتك مصاريفك دي تختها في حزتك

وما تبقي مرخرخ يسرقوك تاني---المرة دي نسوي شنو بي نعوضك ---بس

اعمل حسابك على حسابك

******

غشوة جميلة من رجل جميل

تسلم يا ملك

صديق قال مسللللللللللم

لا والله

إنت قايل الحكاية بالسهولة دي

يا أخي إنت بالذات إجتماعات تقوم وتقعد

والتسليم ليه شروط

فقد جاء في دستور الحزب المادة 3 الفقرة أ

من شروط التسليم

التدجين الكامل---وإعادة البرمجة ---والمشي على العجين بدون ما تلخبطوش

وتلبية الطلبات ---ضحي ---قبل ما تحر الشمس----هرولة

التخلي عن سي السيد الشرقي

قولة حاضر بدون تفكير أو مناقشة خصوصا ً عند الذهاب للسوق

والقائمة تطول

يمكنك مراجعة المستشار القانوني









******

تسلم يا قامة

نداء

لبت النداء

مرحباً بمدير المخابرات العامة

أبراهيم وسامي ---أنا نومتهم ليكي---قلت ليهم أنا أصلي لا شفتكم لا ريتكم

ملفاتهم مفتوحة ---وخليكي وراهم

لو بقوا رأفت الهجان ولا جمعة الشواف ---أصلن ما بغلبوكي

**********

تسلمي يا رائعة

عام فى الداره علا صديرو يا ناس السمح منو غيرو؟
فجاها ونزل بتقيلو يا ناس السمح منو غيرو.؟
العيد مبارك..
ده مرور ولا قنبله..
عطفا على كلام الخال صديق أعلاه.
والله قاصدين نسلم عليكن..
خاصة الدكتور الحسن.
نرجو تقبل تحياتنا وأشواقنا..

شوف عادل شرري يا ود الحمود ونزل لينا عام في الدارة دي! هنا

الأخ الرشيد ---كل سنة وأنت طيب

يا خوي إنت لا ضهبان لاشئ ---الصحفي بطبعه سباق لتغطية الأحداث---حارة من ناره

طلبك القدمتو عشان تكون مراسل حربي ---تم قبوله---يمكنك إستلام مهامك من الآن

******

أوعدك ستري مايقر عينك

******

الضهاب الجابك لينا ---سر بالنا--أفرحنا

تسلم يا راقي

شيخ مصباح ---عمدتنا---كل عام وأسرتك الكريمة بألف خير

************

القوى العظمي دخلت الحرب

والقوي العظمي لا تقبل الهزيمة بتاتاً

نعلم أنها ستستخدم كل الأسلحة

وعند الزنقة تفك القنبلة النووية

ألم تروها في اليابان

وعملائنا أخبرونا من بدريييي

ود أبحنة بعد أن أرتعدت فرائصه---دق الكواريك

أرسل عاجلاً متعجلاً ---سراً---تم الرصد بدءاً

صاح ---ياناس ---يا أبو مروووة

يا ناس خليتوني براي

الأسلحة ضعيفة ---الدفاعات لا تقوي على الجماعة ديل

يا تلحقوني ---يا ما تلحقوني

كان ما لحقتوني أنا بستسلم ---ويا عالم الناس ديل يسوا في شنو

********

شيخ مصباح شيل شيلتك

النووي والأكثر منه تطوراً ---محايات ---بخرات--حجاب--لا تخيفنا

نستطيع أن نفسد مفعولها بكل سهولة ويسر

********

شيخ مصباح كلامك السمح نزل علي كاهلٍ محدودب---شخصنا بدهشة إلي قامة سامقة

متعك الله بالصحة والعافية

نصر الدين

الحليف الإستراتيجي

والله كيفتني جنس كيف---أصلو زول كشف الجماعة ديل زيك ما في

تلقاهم كاضمييين--أول ما يسافروا الجماعة يبدوا يلغلغوا

لكن يا نصر الدين الجماعة ديل المفاريك والكمش والحلل والمقاشيش آب تسويلم شئ---أصلن مدمننها ومتعودين عليها

حلتك دي غايتو ما بعرفم ضا قوها ولا لسع

*********

تخريمة

زمان في الكلية درسونا الآلات الجراحية ومنها آلة تسمي بريوستيال إليفيتر

معانا واحد حنكوش عشان يتذكر الإسم قال دي يعني زي حلة البريستو --انا أصلي ماسمعت بيها ضمة

نعرف حلة الألمونيوم--حلة الملاح --حلة اللبن المقنن---الكنتوش---حلل الباشي الكبيري ديك ---حلل الإخن

تصدق أنا حفظت إسم الحلة ونسيت إسم الآلة

****

تسلم يا صاحبي

ود عون الله متابعين الاعداد للحملة الكبري ومتابعين الجرسة والوساطات وخايفين تدخل حكومات قوية في الموضوع ده وتلغي جميع الترتيبات التي سهرت عليها اصلو سمعنا طرطيش كلام عشان كدي يا قريبي اخير نكون في الحياد البلد اقصد حملتك دي ماشة ياتو اتجاه ما معروفة

**************

دكتور تفلق وتداوي ما شاء الله

اوع من الرجوع للخلف اضرب بيد من حديد

اتي يانداء البحومك بي هني شنو
انتي ماسمعتي ود عون الله قال ماداير لي اي شنب بي هني!!!!!!!!!!!
ههههههههههههههههههه

دكتور عبدالواحد----سلام

شيمون بيريز دا ياهو زاتوالوزير الناجح داك---ياخي دا جهجه الجماعة جنس جهجه

يا دوب أنا عرفت السر في نجاحو

إنت قايل مصيبة جماعتي ديل شنو----يوقعولم الكلام من جوة وقيع الطاب---يهزو راسم زي الهنود ---لكن يجونا برة يعوسوا الكلام زي عواسة الشكلوكة

كان ركزوا علي رأي الجماعة كان قطعولنا فرقة---أقلاها وكيل وزارة

************

تخريمة

جدنا الدقير وزوجته --حبوبتنا المنى---الله يرحمهم------كانوا حكاية

المنى كانت فصيحة جنس فصاحة---وتقدر الشوبير

الدقير كان سريع البديهة

إتلمو كيفن ---الله أعلم

مرة كان في إجتماع----شدوا الحمارة للدقير---لبس جلابيتو وعمتو --ومشى على حمارتو

المني جات لاحقاه----ياحاج الدقير --أوع من الرخرخة

ما تمش تقعد دلدول متبلم في الإجتماع---خل صوتك عالى

الجماعة كان قالوا كدي ---تقول كدي

وكان قالوا دي تقول ديك ---والخبر كلوا ---لموا

أوعك من الورانيي

والدقير ساكت يسمع

لامن كملت كلامها

يا مرة كلامك كمل

قالت له أيوة بس ما تنساه

الدقير قال لها هاكي أمسكي الحمار ---إتحزمي واركبي

بري يا يمة---لي شنو

عشان تمشي تحضري الإجتماع

أنا أصلي خايف أمشي الإجتماع وبعدين أنسي كلامك ولا كلامك دا ينتهي والإجتماع ما يخلص--ولا يقوم واحد يسألني سؤال إنتي ما قريتيني ياه

دحين أقلهم أصبروا شوية اللمشي أسأل المني وأجيكم والا كيفن عاد

دحين وكت الرأي عندك إنتي ---أخير تمشي تحضري إنتي بدلي---وإن بقييتي دايري العمة والجلابية --شيليهن

*****

تسلم يل راقي

شيخ عباس ---سلام

إنت لاشقيت العرق لا فكيت شراعك مع التيار

يبدو إنك من دول عدم الإنحياز

مخابراتنا ---على كل---ستجيب خبرك

قلت سووا الفر ---تشجع في منو ----

اوعك تدخل الغابة ---

إنت زول عزيز علينا ---ماني دايرين الضربة تجي فيك---أصلك مب تستاهل

*********

الله يعافيك على المرور

سامي

أيواه كدى جيت القاطر

ووصيت الميت العند راسو دى ----أربطه وصرها بي للس غليييد

ما تربطه بي سعف وتتقطع

والجماعة ديل خلهم علينا ---أماني نجيهم ليك جييييهه ---ننجمن ليك نجام القبورة

*******

تسلم يا عزيز

الصديق---صديق ---سلام

قات نحنا نزلنا بي تقلنا

أركز يا خوي

إنت شفت حاجي

لسع نحنا ماقلنا يا هادي---غايتو إنت بي جرستك دي أحسن من هاشم الجزولي ---هرب

ما يجي باكر باكر ويقول كنت مسافر

أصلو سليمان العقيد قال النت في البلد روعة

أصلو كان طمس تحت الواطة ---جايبنو --جايبنو

*********

فهم مافيش بعد كدة ----صدر واسع---بختها بيك---

تسلم يا معتق

الأخ الغالي--علي الحمود

كل سنة وأنت طيب

رغم أني مشغول بإدارة المعركة ---أنزل واجيك حفيان --سلام بالأحضان ---زمان يا رجل ماشفناك

لكن والله جيت في وكتك---أصلو بعد النصر المبين ---ناوين نعمل إحتفال كاااارب

الطنابير نعلقا في التمر---والمكرفونات تسوي الدي---والسلاح يسوي التح---يملأ الهواء والعقاب

خروفاً نخليه حايم ماهو في----وسوط العنج يسوي الصج

********

أصلو الزول ياعلي وكت يدورو ينفذو فيه الحكم ---يقولو لو أطلب

وصديق طلب منك ومن عادل تنزلولو ---السمح

دحين ياخوي طلبات خالك دي تبقي أوامر

خليه شوية كدي يفرح---الزول متأزم بلحيل

*********

شكراً فنانا الرائع

الأخ الرشيد---سلام

مراسلنا الحربي يا سلام

معلوماتك دقيقة ومؤكدة

الجرسة حصلت ---الواسطات تقوم وتقعد

قالوا يا أخونا لموا الدور---سلمنا خلاص ---أصلنا نحنا أخوان---سنتعاون معكم على مكافحة الإرهاب--نحنا نهظر سااااكت

يالرشيد في زول عاقل يمشي يلاويلو زولاً آبيقدر يلاويه ---نحنا الهظار ماب نعرفو ---أي خرمجة وتصريحات عشوائية ناخده مأخذ الجد

هسع قبل ما الضربة تجي بقينا في الاي واي

دكتور مصباح مد راسو وزاغ---قايل أسلحتو التعباني ديك بي تنفعو

هاشم الجزولي هرب

*********

وصيتك محل تقديرنا---جاري التنفيذ

*********

تسلم يا ملك

[quote="ود عون الله"]صديق قال مسللللللللللم [quote]

]التحية لدكتورنا الرايع وخفيف الظل ود عون الله
شايفي العنوان وقايلاها بريز واليرموك وماني قايلي وماني قايلاهكر وفر وناس احيانا تتطمن ومرات تخاف
وقالوا البخاف يسلم والمرا ان قالت لك اطلع الجبل اخير تبدر قبل تحر الواطة
وعمك الدقير يا ود عون الله كان حفظ الكلام من بدري كان احسنلو
خلاصة لائحتنا رفع الراية يقدم الحياة الزوجية ولا يؤخرها
شاهدت في الاmbc زوجين بريطانيين امتدت حياتهما الزوجة لسبعين عاما فلما سئلا من السبب اجابا بانهما كانا يتشاجران دوما


واللائحة مليااانة وبرضو فيها اجهزتنا الحديثة لو ما نفذت ممكن يجيك الجوال والاب تب طاير واسلحة منتصر
الزيدي واللا بيتزا من الفرن او ( الهط دق وجبة غريبة الاسم )مع مصادرة الراتب
وبعدين ياصديق اركز وجيب محاميك ولا تسوي الصفقة دنقير على قول النعوفابي
وحضروا دفوعكم ولا تزوغ وتربط

فقد جاء في دستور الحزب المادة 3 الفقرة أ
[quote]

من شروط التسليم
التدجين الكامل---وإعادة البرمجة ---والمشي على العجين بدون ما تلخبطوش


وتلبية الطلبات ---ضحي ---قبل ما تحر الشمس----هرولة

التخلي عن سي السيد الشرقي

قولة حاضر بدون تفكير أو مناقشة خصوصا ً عند الذهاب للسوق

والقائمة تطول

يمكنك مراجعة المستشار القانوني

[/quote

المحامي بتاع ود عون الله يا دابو ظهر..
والحكومة بتاعة ود عون الله مشغولة بي موضوع تاني مهم.. دعواتنا
.........
ود عون الله سرق علينا القراء والمعجبين..
والجماعة الأربعة القالهم في بداية البوست لبدو..

دكتورنا لك التحية وما شاء الله ما تقول الجماعة هربوا والحرب خدعة والكلام المفروض نحفظه أكثر بكثير من كلام الدقير والذاكرة بدأت تضعف كما ضعفت العزيمة من قبل وربنا يعننا وغايتو شايف ما تمرقنا إلا الخدعة سلاح من برة وسلاح من جوة وتوقع الهجوم المباغت وأخونا هاشم راجل درس الطيران في أمريكا وتوقع منه الكثير وما عاوزين نكشف خطتنا والهجوم المباغت سر نجاح المعركة.

ود عون الله كتب:نصر الدين

الحليف الإستراتيجي

والله كيفتني جنس كيف---أصلو زول كشف الجماعة ديل زيك ما في

تلقاهم كاضمييين--أول ما يسافروا الجماعة يبدوا يلغلغوا

لكن يا نصر الدين الجماعة ديل المفاريك والكمش والحلل والمقاشيش آب تسويلم شئ---أصلن مدمننها ومتعودين عليها

حلتك دي غايتو ما بعرفم ضا قوها ولا لسع

*********

اولا شكرا يا دكتور على قبول عضويتنا فى التحالف .
كما نتشرف بان نكون حليفا لحفيد هذا الرجل القدوة جدكم الدقير .
ونتشرف ان نعلمكم ان جدنا عيد ودفندى بالقناويت هذا الرجل العظيم صاحب المقولة المشهورة , انا حليمه عيد لى جوه .وبما اننى متزوج من حفيدة حليمه اعتبر اخوك عيد الثانى.

********
ايها القائد.
بعد التصريحات التى ادلى بها دكتور مصباح تبين ان المعركة قادمة لامحالة وان مايقوم به صديق ابو حنه هى محاولات لكسب الوقت لاختيار ساعة الصفر .
فى تصريحاته هذا الصباح بالمنتدى قال السيد مصباح بان المعركة صارت حتمية والحرب خدعة وان السيد هاشم الجزولى (قائد القوات الجوية) يضع الخطط لحسم المعركةجوا .
وعلية نرى من سيادتكم تقوية التحالف ومحاولة ضم القائد سامى .
قف . النصر حليفنا باذن الله

[quote="عطاالله"]اتي يانداء البحومك بي هني شنو
انتي ماسمعتي ود عون الله قال ماداير لي اي شنب بي هني!!!!!!!!!!!
ههههههههههههههههههه

وانت ماسمعت ود عون الله نصبنى مدير المخابرات العامة

جهز اسلحتك ودفاعاتك سوف نضمك لمجموعه العملاء المندسين البخليك تفتح خشمك شنو ؟

وبعدين انا جيت وين؟يعميني بري بري دى ماانا يكون فى زول سرق حسابى


تسلم عطاالله

سلمان عقيد
يا ارباب
تعال بي جاي
شوف هوايل وهتك ود عون الله ده!

ود عون الله...
إنت نصحت سامي وقلت ليهو أبعد...
وهو الفي راسو في راسو..
شوف الكلام ده قالوا سامي في واحد من البوستات في المنتدى ده!

أعدت المحاولات مثنى وثلاث ورباع ! لم أجد .

كيف لم تجد يا سامي
والمنتدى ده! كلو ملان بنوت الواحدة تختها في الجرح يبرا..خلق ودين وتعليم وأخلاق.
خل ود عون الله يوفق ليك بين راسين في الحلال. يكسب أجر.. لوجه الله..

أعدت المحاولات مثنى وثلاث ورباع ! لم أجد
عبارة سامي دي عبارة جاية من زول أديب اريب..
والأديب الأريب عايز فهم خاص من ناس خاصة.
عشان كدة قبيل طلقناها كدة وخليناها...
وهو طبعا قالها في موضع آخر مختلف.. ولكن الما عارف يقول تشابه عليه البقر..
يعني معني هذه العبارة أية!
يعني قدر مافتش ودور مثنى وثلاث ورباع، ما وجد غير المعاهو.. وهي تعادل مثني وثلاث ورباع.
وهو فتش زمان موش فتش الآن.. ولم يجد ولن يجد ولايجد مثلها.. ثقة . دين .. تعليم..خلق.. اخلاق..
ولذلك قالوا لو ربنا أراد بيك خير..
يجمع ليك في زوجة واحدة صفات الأربعة المقترحات
عشان كدة يا ود عون الله سامي يكتب بلغة عالية هذا هو فك رموزها..
يعني الراجل واحدي وبس
زي أنا ده! وكدا

الأخ عطا الله---كل عام وأنت بخير

***********

قف

تم القبض على الجاسوس الخطير ---عطاالله ---

تم التعرف عليه من ضحكته---الهستيرية---بعد أن دخل إلى مكتب مدير المخابرات----

كان بحوزته مجموعة من الخواتم --الختمة---جمع خاتم ---ما عارف جمعها شنو---أصلو في قانون الحزب مافي حاجة إسمها جمع ---خصوصاً جمع المؤنث ---سالم ولا مكسر

نعدها واحد---واحد

والجماعة الأعداء فيهم واحد اللغة العربية قاليها قلي البن

ما علينا

اخاتم مكتوب عليه 2---خاتم مكتوب عليه 3 ----خاتم مكتوب عليه 4

مافي خاتم مكتوب عليه واحد

كل خاتم يحمل شريحة صغييييييرة ---لا تري بالعين المجردة

كانت هدية مدير الخابرات ---خاتم يحمل الرقم --3---

كانت هذه الخاتم----خاتم ---خاتم ---من الأعداء

طبعاً واكبوا العولمة

والبخرات والمحايات بتاعات الورق---خلوها---بقت شريحة

العميل عطاالله إنهار بالكامل ---ورررر--كب كل المعلومات

سنواليكم بيها في حينها

*******

يا خي تخش عش الدبور --برااااك --وبي كرعيك---إنت جابتك المخموشة ---الجماعة ديل ماب ينفعوك

*********

سيتم تطبيق الحد في هذا الجاسوس الخائن حتي يكون عبرة لمن سواه

قف

اضربوا علي العملاء بيد من حديد

*********

عطا الله--دم خفيف---شربات ساقطي وتلجا حايم ---تشربا وأنت مقطوع في الخلاء الصنان --عز الهجير

تسلم خفيف الروح

الأخت أميرة---كل عام وإنت بخير

أهلاً بمستشار الحزب القانوني

مستشار عالم في القانون الدولي ---والقوانين كوووولها --خاصة قانون الأسرة --الإفراد--قناعة---والتعدد---شلهتة---وزوغان العيون

مستشار تهبشو كدي ----تجيك المواد---شرررر--كابي مطر ---أصلو ما خسر ولا حا يخسر قضية في حياتو

********

أيها الأعداء وين تلقو مستشار زي ده

**********

تسلمي يا ملكة

ياصديق لازم تكون حصيف

ظهور المستشار يعني إضفاء الناحية الأخلاقية للضربة---

النواحي القانونية مأمنة---سنرمي قدام

تمشوا مجلس الأمن---تمشوا تجيبوا الأجاويد---تشتكوا للحبوبات والأجداد ---ماب ينفع

ظهور المستشار يعني قرب ساعة الصفر

أركزوا

**********

يا صديق قدر ما قلبنا يدور يحن شوية تجي تطينها

قال سرق وأربعة

الإتهامات البالباطل دى خليها ---نحن في بلد تطبق شرع الله زي ما نزل

إنت نويت تقطع إيدي---يا خي الناس دي ماب تاخد بالشبهات

دا سلاح ميت

أما الأربعة دي قبضتك بالثابتي

شيل شيلتك--إنت وجماعتك

*********

نحن نجلس في آخر الصف---وما قاعدين نسف صعوط---نقف علي أمشاط الأصابع ---لأن المكان في أول الصف مزدحم----لنستمع ونقرأ --لعالم بلادي صديق

إنت ماب تنسرق

*********

تسلم يا ملك