أول شرطي منصوري، ناس كبنة الزول ده وين؟

من عمري 5 سنوات تاني ماشفتو؟
بس براي الليلة كدة راقد في سريري تذكرت الحادثة الأليمة دي بتفاصيلها الدقيقة. أزعجتني ما قدرتا أكمل النوم..

الأخ صديق حادث اغتيال ود تومابي أذكرها جيدا طبعا قتله خليفه ود دار النعيم أخت الماحي الحسن وهي من الحوادث التي أرهبتنا وخوفنا منها وكان ود تومابي هو البادئ حيث كان معه سيف داخل العصايا وكانت الناس لا تعرف عنه شيئا رحم الله ود تومابي لكن خليفة ما زال حيا.

والله يا كليس الله يخليك لينا.. ويحفظك من عين الحساد.. كدا وضحت لى الحكاية تب.. تاني كان جاء خالد والله ما جاء الحكايي وضحت..
الحمد لله أن هذا الرجل الهمام علي عايش..

شكار دكتور مصباح على المرور والإضافة

اها ياصديق على ما اعتقد الزول الزكرت دا كانت معنا معلمة تدريب فى شرى
وهى من ناس كبنة ومن سكان شندى درست معانا فى الثانويات وابت نفسها الا
وان تقضى فترة التدريب بتاعة كلية التربية عطبرة الا فى المناصيرواسمها انعام
فننتظر قدوم الاخ خالد ليوضح اكثر

تسلم القامة حمود على المرور بي جاي
بركة الشفناك يا با
الناس يسعلوا منك سعال الضهبان..
وشكرا للإضافة الرائعة هنا

ياباشمهندس الله يجزيك خير(علي ودامدبارة)هوعلي محمدنعمان خليفةابوه كان ساكن الخلاء وامدبارةماهاامه(زي ماذكر علي الكليس)هي حبوبته امه فردوس بت الفيل من الحسناب كبنه وعنده اخته بت فردوس زوجها خليفه الماحي الله يرحمهمادخل مدرسة كبنة الاوليه وجاء قعد مع اختو بت فردوس كان نقولو علي ود فردوس بعدين مشى العبيديه دفعة والد خالد الريس وبعدين جاء التحق بالبوليس في بربر.
خليفة الماحي عم علي الدويحي وكانوساكنين مع بعض ولما كان علي نعمان في المدرسة في البيت نقولو علي الكبير وعلي دويحي علي الصغير,
علي نعمان عمل في مناطق الجعليين وسكن شندي وصار معروف بمنطقة شندي وحتى الان مع اسرته في شندي وانعام التي تدربت في شري بنته وخلي الريس يكمل الباقي .

شكرا الاخ ابو صديق على تصحيح معلومتى ولم يخب ظنى فى اي يصل
توضيح اكثر من ناس كبنة
الريس بقالى مشغول مو قادريمر بى جاى

يا صديق الله يديك العافي علي محمد نعمان هو من شعراء المناصير المجيدين وأنا وثقت منه هويات العرب .. الاغاني التي تقال فوق نشل البير لأن الأبيار في العد طويييلي واحد يجر وينم والتاني يجر ويواصل النمه ..شئ في غايه الروعه وعند وفاة أختي ناديه ربنا يرحمها قعد معاي عشرة أيام .... وقد كنا كما ذكرت في بوست سابق نعقد جلسات شعر عن العرب .... كان يديرها ود أم دباره ...له قصائد في غايه الروعه سجلتها منه ولكن للأسف الهاردسك تلف ...لي معه تواصل و هو من المراجع المهمة يا عباس هو وأخوه عيسي محمد نعمان والذي له جولات شعريه بما يمكن أن تسميه الأخوانيات مع عمنا المرحوم ابراهيم ود جني ... له قصيده قالها أيام العداله الناجزه غيرت رؤيه القاضي للقضيه ... يا هندسه ديل الناس المفروض نفتشن ونسجلهن .. يا هندسه والله أنت راجل ما ساهل .. في العيد كان معي دفعتك الدكتور علي محمد عثمان علي حبيب والونسي كلها كانت فوقك .. وكان يتكلم عن ذكائك وشيطنتك في المدرسه حد الدهشه...