الي رحمة الله والد الاستاذ محمد حبيب هبرم

يا سلاام أخي أحمد عبد الوهاب ان شا الله ما تشوف الكعب ...يا أخي لنج شنو أنت دايماً قدامي وناس الجزاير ديل ياهن ناسنا وزي ما ذكرت في بوست سابق أختي المرحومه ناديه متزوجنها ناس الجزاير..ناس الجزاير ديل لحمنا ودمنا والمناصير يا احمد كلهم كوم واااحد لو عديت للجد السادس تلقاهن يتلمو مع بعض...أسأل استاذنا الباشمهندس ود ابحنه هسع هو ذاتو جدودو الذكرن ديل جدودي..ناس ود حمدين.. يا أخي الله يخدر ضراعك ... انا برضو اندياح دي عجبتني...
يا الله د النافعابي زاتو...يا أخي ان شا الله يزوروك في السمح... والله يا دكتور نسأل الله يلهمنا الصبر والله كلما أخلو مع نفسي أغرق في البكا وأحس الدنيا ماعندها طعم بعد حبيب بشير هسع العيد دا عديناهو بكا ... لا اتصور الحياه بدون حبيب بشير كان هو حياتنا... جزاك الله خيراً فقد واسيتنا فيه...
أخي الدفعه عمر بابكر عمر صديق جزاك الله خيراً والله يا عمر كلماتكن دي هي المصبرانا.. لأنه رحمه الله أي واحد داخل البيت يحس انه أقرب زول ليه زوجاته واولاده وبناته اي واحد كان حاسي هو الاقرب فرجل بهذه الصفات يعز علينا فقده

لك الشكر الجزيل دكتور النافعابي ولا اراك الله مكروهاً

د/ حسين النافعابي كتب:نسال الله أن يجعل قبره روضة من رياض الجنة وأن يغفر له ويلهم أهله وذويه الصبر وحسن العزاء

عمر بابكر عمر صديق احمد كتب:أبلغ التعازى للأح محمد حبيب أسأل الله ان يدخل الفقيد فسيح جناته مع الشهداء والصديقين وحسن اولئك رفيقا

لك الشكر الجزيل أخي الغالي عمر

له الرحمة والمغفرة ولاهلة الصبر والسلوان انا لله وإنا إليه راجعـــــــــــــــــون
اللهم ارحمة واجعل الجنة مثواه.............

بارك الله فيك يا ود الحمود أنت كنت في الضهب ولا شنو...
ناس مشغولين بالحيل

له الرحمة الواسعة العزاء للاخ الاستاذ محمد حبيب وجميع الهبارمة

يا ابو مصطفي هسع أنا قايلك جيت باقي البرش مطقوش لي طريفاته

نان وقت متأخر بي تعزي بي طرف اصيبعاتك مالك

ناس متأخرين بلحيل

منو القل ليكم هبيرمي مات

تموت الجتي لكن الاعمال والاقوال الحية سيدها ماب يموت

شكراً قريبي أبو أحمد ... والله كلامك صح ... وحبيب بشير دا أكان غطا للسليمانيه كووولهن هسع بقينا بدون غطا وضقنا مرارة اليتم....
يا أبو أحمد هسع يوم داك الله بسعلني قلت للمدام ما تعصري علي في المصاريف أنا براي يتيم...
قالت لي: نان أنا شايف أبوي يتضرع ...
أسع أنا مرشح نفسي رئيس اتحاد الأيتام بالمنتدي دا...يلا اليتيم اليجي يسجل

ناس يتيمين بالحيل

يا محمد يا ود اخوى

قلنا نعيد التعزية ونرفع معنوياتك ونسليك ونواسيك تقوم تخلي المنتدي كلوا فراش بكا

ما كلنا ايتام واولاد ايتام

جلي حكاية التسجيل وقول الله يرحم السلف ويجعل البركة في الخلف

تسلم ود اخوي

يا سلاااام يا أبو أحمد.... يا أخي أنت قعادك معاي في برش الفراش (اقصد البوست دا) ياأخي دا هين..... والله واسيتني وزياده.... ودا من شهامتك وكرمك ربنا يكرمك في الدنيا والاخره... لكن أنا بعد مرات براي أقول اللعزي نفسي ببعض القفشات كدي يعني..هههه... والمناصير بي طبعن ناس جادين ومكربنها شديييد كدي[ندعوك للتسجيل في المنتدى أو التعريف بنفسك لمعاينة هذه الصورة]

طيب ود اخوي

انا اول الاعضاء في منتدي الايتام