الي رحمة الله والد الاستاذ محمد حبيب هبرم

له الرحمة الواسعة العزاء للاخ الاستاذ محمد حبيب وجميع الهبارمة

لا حول ولا قوة إلا بالله ـ

نسأل الله له الرحمة والمغفرة وأن يتقبله قبولا حسنا

والعزاء للشيخ محمد حبيب ولعموم الهبارمة

إنا لله وإنا إليه راجعون

نسأل الله له المغفرة ويجعل قبرة روضة من رياض الجنة وتعازينا للأخ محمد حبيب بشير هبرم والأسرة الكريمة ولجميع الأهل بالمناصير

اللهم اغفر له وارحمه

واجعل الجنة مثواه

وانا لله وانا اليه راجعون

البركة في ذريته وتعازينا للاخ محمد حبيب واخوانه

اللهم أرحمه وأغفر له وأجعل الجنة مثواه
إنا لله وإنا إليه راجعون

_إنا لله وإنا إليه راجعون _
اللهم أغفر له وأرحمه وعافه وأعف عنه وأكرم نزله ووسع مدخله وأدخله الجنة وأعذه من عذاب القبر وعذاب النار _ أحر التعازى للأخ محمد حبيب ولكل الأسرة الكريمة _ نسأل الله لهم الصبرالجميل وحسن العزاء _

له الرحمه والمغفره ولاهله الصبر وحسن العزاء

نسأل الله له الرحمة
والمغفرة –وانا لله وانا اليه راجعون-
احر التعازى للاخ
محمد حبيب واخوانه ولكل اهل وذوى المرحوم

اللهم اغفر له وارحمه وعافه واعفو عنه واكرم نزله ووسع مدخله ونقه من الخطايا كما ينقي الثوب الابيض من الدنس اللهم ان كان محسنا فزد في احسانه وان كان مسيئا فتجاوز عن سيئاته اللهم ابدله دارا خيرا من داره واهلا خيرا من اهله تعازينا الحارة للاخ محمد حبيب ولك اهله

اللهم أغفر له وارحمه وتجاوز عن سيئاته واسكنه فسيح جناته العزاء للأخ محمد حبيب هبرم ولجميع الهبارمة وإنا لله وإنا إليه راجعون

اللهم اغفر له وارحمه واجعله من اصحاب اليمين
والزم اهله وذويه الصبر و حسن العزاء

احر التعازى للاخ محمد الحبيب

اللهم اغفر له وارحمه واجعل الجنة مثواه التعازى لاسرته الكريمة

اللهم اغفر له وارحمه واسكنه فسيح جناتك مع الصديقين والشهداء
التعازي للا خ محمد حبيب هبرم ونسبه لغيابي لم اعرف الخبر الا الان
الاخ سلمان لو سمحت ت الاخ محمد

اللهم اغفر له وارحمه وادخله الجنه مع الصديقين والشهداء والصالحين وحسن اولئك رفيقا, واجعل قبره روضة من رياض الجنان والزم اهله الصبر وحسن العزاء.

اللهم اغفر له وتغمده برحمتك الواسعة يارب

نسأل الله له الرحمة والمغفره وحسن القبول

_إنا لله وإنا إليه راجعون _
اللهم أغفر له وأرحمه وعافه وأعف عنه وأكرم نزله ووسع مدخله وأدخله الجنة وأعذه من عذاب القبر وعذاب النار _ أحر التعازى للأخ محمد حبيب ولكل الأسرة الكريمة _ نسأل الله لهم الصبرالجميل وحسن العزاء _

نسأل الله له الرحمة والمغفرة وأن يتقبله قبولا حسنا

تعازينا للاخ محمد هبرم واسرته

جزاكم الله عنا خير الجزاء الاخوة الافاضل ولا أراكم الله مكروهاً في عزيز لديكم

فحبيب بشير ليس عزيزاً علي ربه وهو الذي ظل يلهج ويستعد للقاء ربه منذ زمن

فحبيب بشير ليس فقده فقد واحد ...... ولكنه بنيان قوم تهدما

ما ننعيه هو موت بعض القيم التي كان يحياها بيننا

وماننعيه هو التراث الذي يحفظه والشعر ومناسباته

فقد كان كالعافيه للجسد

نسأل الله له الرحمة
والمغفرة –وانا لله وانا اليه راجعون-
ناسف للتاخير

نسال الله له الرحمة والمغفرة
تعازينا للاخ محمد حبيب

الشكر لك أخي أسامه البكا مابعفن يا أخي الكريم ..... شكراً الأخ عباس والنسعلك الصوره دي ماخدها في وقت البرد .... ههههه .....لك شكري يا عزيزي

الأخ سعادتو محمد لك التعازى..

نعدك بصالح الدعوات لوالدك العزيز..

وهى التى تنفع..

لا ضير قد علمنا خلال هذا المنتدى ولك العتبى ..وقد أحسن الله عزاؤك..

تقبل منا هذه اللقيا..

ونحسبها واجبة..

ولنا معك تاريخ وأيام فى أبو حمد الثانوية..

أنت وسعادة المقدم الخلوق ابن الحيبة .

على محمد خلف الله...

لك الشكر

أستاذنا الفاضل علي الحمود يااا سلااام علي هذه الكلمات التي ما تر كت من مشاعر دفاقه الا حوته لك شكري يا غالي ...والله أنت كنت تزرع جوانا الفرح بالرغم من قلته في أبوحمد الثانويه ... وكريمي كبًت طبعاً يا علي في أبوحمد دي في ناس بمرضوني مرض ناس تقال ودمهن تقيل ناس ابو الصحون وناس الشريك وأجي بيغادي عليكن ألقي طمبوركن قاجي... ودفعتي معتصم عمر محمد الماحي ...

يغني...

انتنت عرجون تميره وقايمي قو م عز في قريره ...

يا سلااام علي الزمن الجميل ودايرين الناس المن الزمن الجميل داك يظهروا...

والله يا علي عندي صور لكيزان ابوحمد الثانويه من الزمن داك أكان شفت الخليقات تستغرب ناس دريج ومحمد حبيب ود الجمل غايتو جنس ...يا حليلك يا علي آه آهآه

لك الشكر سعادتو محمد..

عجبتنى كريمى كبت دى!!!!!!!!!!!!!

لذلك أتيت..

الزمن داك يا دوب نتعلم فى شك البنطلون والقميص..

نجى نلاقى القطر فوق الرصيف..

وننسرق ناكل ود لقاى من جنينة عم قرض!!!!!!!!!!!

نشرب الشاى فى نادى السكة حديد...

زمن عجيب!!!!!!!!!!!!

انا لله وانا اليه راجعون اللهم ارحمه واغفر له واجعل الجنه مثواه وتعازينا الي اهله وزويه وعضو المنتدي الاستاذ محمد حبيب هبرم

استاذنا علي الحمود لك شكري يا رائع ... ابوحمد الثانويه كتلة من الزكريات الجميلة ...اتذكر اول يوم جيت المدرسة جيت قدام عنبر برتي لقيت لي واحد طويل وأصفر كدي من ناس الجزاير قالي تعال يازول البعساق دااك شنو.. وأنا طبعاً زول خلا طوالي عاينت للدخان الطالع من جنينة قرض وعاينلو استغربت في قولة بعساق دي ... لأنو في الخلا بقولوها ناس ساني وعرب الحسانيي لكن نحن نقول العسكار.. وعرب الخلا يا الحمود يتفحصوا في المفردة..وأنا سكنت في عنبر كرقس مع ود عمتي الحبيب د.اليسع وكان العنبر تداخل سكاني كدي وتلاقح فكري زي ماتقول كدي ..لأنه في رباطاب ومناصير فكان جاري في العنبر الموسيقار عيسي حامد وهو رجل هادئ ومتدين.وهو طبعاً الدفعه القدامنا د. اليسع في تالته ومعاهو الكراقسه المساخيت... يا سلام عليك الله .. أكتب عن أبوحمد وأنت رجل مسكون بالابداع

عازه في هواك... البركة في أمة محمد(ص).. الأستاذه الرائعه .. لكي شكري وان شا الله ما تشوفي الكعب.. يا عازه أبوي دا لأنه فردتي زي مابقولوا ناس الزمن دا.. أنا كنت ولدو الوحيد وطوالي وأنا برضع بشيلني معاهو في الجمل.. ايه رايك يا أستاذه أنا بتذكر رضاعتي!!! كنت معه في حله وترحاله فرقتني منه المدرسه وفكرت كتير أيهما اختار لأنه شايف الشئ البتعلمو من أبوي مابلقاهو في المدرسه !!! حبيب بشير رحمه الله مدرسه كامله .. والمدرسه دي الا غايتو الكتابه.. قبل سنتين يأتيه البروفيسور يوسف فضل للتوثيق وكان يستغرب من موسوعيته ودقته... ويقول الزول دا العندو نحن ما عندنا..لذلك الحياة بعده لاتطاق يا عازه..الحمد للله

له الرحمه والمغفرة ولاله الصبر وحسن العزاء

إنا لله وإنا إليه راجعون

اللهم اغفر لهذا الرجل الأمة

اللهم ادخله فسيح جناتك

تعازينا الحارة للاخ محمد حبيب

ود الخال الدكتور خال أبرار نسأل الله أن يغفر ذنبكم ويعظم أجركم ويشفي مريضكم الخال بله له منا خالص الدعوات والتحايا... مرورك دا فرحني شديد ... لأنو أخوالنا ديل الحنيين فيهن خالنا علي ربنا يتقيل حجه ان شاء الله ..

يا سلااام أخي فتح الرحمن يا أخي الله يجزيك خير.... عمك حبيب بشير فعلاً أمه !!!!!ربنا يرحمه بعالي الجنان ...كان بفطرته السليمه يمييز مابين الطيب والخبيث ...مره نحن معاه في الخلا وجعانين جوع شديد كنا شايلنا تميرات في القرو وكملن ومافي شئ فجأه جاء واحد من رأس الوادي ويلوح بي عمته هويا ناس تعالو ولمان جينا قالنا نحن يا ناس عندنا فطور .. طوالي قال له خير حتي ما تقول جعانين لينا يومين. وقعدنا في ضل سمره رهيني وجابلنا اللحم وقاللو ما شاء الله ضاربين غزال ؟ فقال الأعرابي لا والله يا عم حبيب دا باقي لحم جبناهو من البحر زرنا ود دعول بي أب أربعه !!! طوالي نفض أيدو وقام وقال ( عاد دا علي عمك حبيب حرام) وأكتفي بقرض حرف بي شاي ....الا رحمه الله في علييين

سامي السامي لك كل الشكر وضربنا لك كتير وكت حردابك داك وابيت ترد ...ورافع ويدك دي تثني في منو...
ناس شمًارين بلحيل

يااا حليلك يا سامي.... أنا ضربلك عشان تصبر وتدافر معانا ... نحنا قاعدين نطول الغياب .. لكن لمان نجي نزرع الفاتنا كله بالسلوكه لمان نوقفها فوق اللكوكي..
يا سامي التحيه ليك لأنه المابحترم أم ولاده ما محترم.... لك شكري يا غالي

قال تعالي:{وَبَشِّرِ الصَّابِرِينَ الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ أُولَئِكَ عَلَيْهِمْ صَلَوَاتٌ مِنْ رَبِّهِمْ وَرَحْمَةٌ وَأُولَئِكَ هُمُ الْمُهْتَدُونَ} [البقرة: 155-157].
ربنا يغفر له ويرحمه وربنا يصبر أهله اميييين يارب.

شكراً يا ابراهيم ود محمد حجازي ... يا ابراهيم عمنا محمد حجازي دا مواقفه معي لا ينسي خاصة في الصلح الذي تم بيني وأهلي ناس حجر البيضاء ذلك الصلح الذي قام به جميع قبائل ولاية نهر النيل الجعليين والبشاريين والكمالاب والمرغماب فكان كالنحله بين الفريقين ... رجل والرجال قليل...
يا ابراهيم صورة البروفايل دي سمحي خلاص....ان شا الله سماحتك دي تدوم عليك

تسلم ياملك ونحاول أن نكون رسل سلام وتسلم كتير ياراقي.

نسأل الله أن يتغمد عمنا حبيب هبرم بالرحمة الواسعة .. ويوسع في مرقده ، ويغفر ذنبه ، ولا يحرمنا أجره
نأسف الاخ محمد جئنا ( لنج ) ولقينا المنتدى فيه كل الأخبار ، ونحن ناس جزاير ، وخمتنا المدن شوية ، والخبر ضمة يطرشنا
ولكن / الخلف ما مات / وانت شيخ عرب وشيخ شيوخ / وسمعتك الطيبة لقيناها في ابو حمد الثانوية ،
ومعرفتنا بالهبارمة جيدة ،
حسن وحسين هبرم / والصادق / كان قرأ معهد كدباس واظنو الاسلامية بعد داك
هاشم / ودا زول كافتيريات ومطاعم وشاطر جدا / في طريق عطبرة بورتسودان ومدينة سواكن عندو مطعم الاماسي وافتتح كافتيريا جديدة سماها البيت الكبير
وجنابو / ملازم اول مهندس علي حسن هبرم بالقوات البحرية
آسف للإطالة / ولكنك تجبر الزول على الإندياح ( سمحة دي ؟؟ )

نسال الله أن يجعل قبره روضة من رياض الجنة وأن يغفر له ويلهم أهله وذويه الصبر وحسن العزاء

أبلغ التعازى للأح محمد حبيب أسأل الله ان يدخل الفقيد فسيح جناته مع الشهداء والصديقين وحسن اولئك رفيقا

يا سلاام أخي أحمد عبد الوهاب ان شا الله ما تشوف الكعب ...يا أخي لنج شنو أنت دايماً قدامي وناس الجزاير ديل ياهن ناسنا وزي ما ذكرت في بوست سابق أختي المرحومه ناديه متزوجنها ناس الجزاير..ناس الجزاير ديل لحمنا ودمنا والمناصير يا احمد كلهم كوم واااحد لو عديت للجد السادس تلقاهن يتلمو مع بعض...أسأل استاذنا الباشمهندس ود ابحنه هسع هو ذاتو جدودو الذكرن ديل جدودي..ناس ود حمدين.. يا أخي الله يخدر ضراعك ... انا برضو اندياح دي عجبتني...
يا الله د النافعابي زاتو...يا أخي ان شا الله يزوروك في السمح... والله يا دكتور نسأل الله يلهمنا الصبر والله كلما أخلو مع نفسي أغرق في البكا وأحس الدنيا ماعندها طعم بعد حبيب بشير هسع العيد دا عديناهو بكا ... لا اتصور الحياه بدون حبيب بشير كان هو حياتنا... جزاك الله خيراً فقد واسيتنا فيه...
أخي الدفعه عمر بابكر عمر صديق جزاك الله خيراً والله يا عمر كلماتكن دي هي المصبرانا.. لأنه رحمه الله أي واحد داخل البيت يحس انه أقرب زول ليه زوجاته واولاده وبناته اي واحد كان حاسي هو الاقرب فرجل بهذه الصفات يعز علينا فقده