عايزين نسمع انطباعات العضو دكتور..ود عون الله وحرمه المصون عن سوداننا الحبيب والأهل بعد عودتهم من إجازتهم

غايتو ياصديق انا اساعدك لجرجره الجماعه للكتابه الدكتور فعلا داير السودان لكن داير ليه طريقه يخت كراعه وخته الكراع دي ياهو الفيلم الهسع شاغل باله

اما انتصار احتارت واستغربت في التباين الشديد جدا في المجتمع السوداني هناك فقر ضارب بجذوره في شريحه تمثل الاغلبيه وهناك عمارات تشق عنان السماء وفلل لاتوجد مثلها حتي في دول الخليج وهذه ظاهره خطره حذر منها القران الكريم في قوله ( بئر معطله وقصر مشيد )

كانت الجلسه معهم جميله ليله مغادرتهم السودان في طريقهم الي المملكه

نعم ود عون الله محب للسودان.. الله يهيئ ليهو موطئ قدم.. ماها كتيرة على الله..
فعلا في إجازتي لاحظت ترف عجيب وفقر عجيب.. متناقضات..

بالله هم رجعوا ؟

تصدق رجعوا يا ود المناصير.. زي السراقين كدة رجعوا براااااحة

والله ما عارف يا سلمان الجماعة ديل لابدين ، ربك يستر
مع العلم بأنهم فاضين ممكن يكتبوا لأنو لسه باقي ليهم ايام من إجازتهم عايزين يقضوه فترة نقاهة.. حسب كلام العصفورة..
والعصفورة بتاعتي والله شافتهم داخلين على مطعم قبل ما يقوموا من الخرطوم. لكن إحترمتهم وما تصيدتهم.. لأنهم ناس ما عندهم شدايد..
لو كان زي مجموعة مطعم شري السياحي كان جابت خبرهم بالحتة.. والعصفورة بتاعتي لمان شافتهم داخلين على مطعم في العاصمة ، إتصلت عليا تلفون.. وقالت لى رايك شنو؟عندي ليك خبر سمين.. جماعتك بالصدفة شفتهم داخلين مطعم..
اجيبهم ليك بالحتة، حتى صورهم لو عايزا
قلت ليها
لا لالا
خليهم
الجماعة ديل مساكين
واهلي وناسي
خليهم ياخدوا راحتهم..
ما معقول يا عصفورة تطاردي لى الناس كدة؟
بعد ده بي يضربوكي بي شبشب والله عصاة
معليش خليهم الجماعة ديل ملوك

عووووووووووك السلام جاكم مبهول بهل في العشر الأواخر تقبل الله صالح الأعمال

والله يالصدوق فكرت أكريك لكن الحكاية جابت ليها معاك ناساً غلااااااااااااااااد--دا إنت براك ما بنقدر عليك

بالله إجازة السودي دي ما تخليك تعيد مع ناسك وتحرمك الفطير باللبن والسكر والسمن في السحور--قال كورن فلكس قال

يا جماعة الخير الحكاية والله ماها طناش لكن دخلونا القران مباشرةً ما خلونا نجبد نفسنا شي بالليل وشي بالنهار--تاخد ريال بعد ما تجيب الزيت

السودان حلو بي ناسو ومقابلة الأحبة ذو نكهة تخليك تتمطق---وأنا ماجبت سيرة الكتاحة--السودان بلد الفرح الخرافي---ودي بجيها راجع

تحياتي ونواصل ---أخبار رزم رزم

الزول جاا
ما شاء الله.. كنا عايزين نلومك.. لكن تراكا بديت.. يديك العافي

صديق عبدالله علي أبوحنة كتب:تصدق رجعوا يا ود المناصير.. زي السراقين كدة رجعوا براااااحة

لا لا مش زي السراقين ...

ديل فعلا سراقين

نعم ود عون الله وجماعتو سراقين !!

سرقوا إهتمامنا ـ سحروا عقولنا وسرقوها ـ سلبونا اقلامنا ـ سرقوا قلوبنا ـ

نعم ـ

سرقوا إهتمامنا : واصبحنا نبدأ دخول المنتدى بمتابعة مساهماتهم وردودهم

سرقوا عقولنا : فمتابعتنا لهم وشوقنا لأخبارهم جعل العقول مشغولة بهم طوال الوقت

سلبوا اقلامنا : فهل مع كتاباتهم الراقية كتابات أخرى تضاهيها

والله اصبحنا نعجز عن الرد في وجود إشراقاتهم بالمنتدى .. واصبحنا نسأل انفسنا هل نحن نعرف الكتابة ؟

سرقوا قلوبنا : تحكرا ـ إحتلالا ـ سيطرة ـ إمتلاك

فقد علمونا أن القلوب اجناد مجندة ـ ما تعارف منها إتلف وما تناكر منها إختلف

حفظكم الله آل عون الله جميعا

حفظكم الله دكتور حسن وأم ساريا

وفقكم الله ـ ورعاكم

( يا سارية الجبل)
( قَالَ سَآوِي إِلَىٰ جَبَلٍ يَعْصِمُنِي مِنَ الْمَاءِ ۚ قَالَ لَا عَاصِمَ الْيَوْمَ مِنْ أَمْرِ اللَّـهِ إِلَّا مَن رَّحِمَ ،......)

الله يعطيكم العافية اخوتى

صديق ابو حنه وهاشم الجزولي وود المناصير وسلمان عقيد

صراحه اخجلتم تواضعنا بطيب كلامكم

وزي ما بيقولوا : لو ما جيت من زي ديل كان اسفاي وا مأساتي وا ذلي



ويا صديق عاد نحن زيك فى القصص والسرد ... انت استاااااذ

لكن ح نحاول نحكي اكييد فالجراب ملياااان قصص وحكاوي بس تعرف اليومين ديل مشغوليات العيد ... وكمان بقينا فى العشر الاواخر نتمنى نلحق الاجر كمان

علشان كدا دخول المنتدى بيكون لماما لكن ان شاء الله بس نفضي نحكي ليكم بكل تفاصيل الاجازة جزء سنضيفه هنا وجزء سنفرد له مساحات خاصة

ويا ود المناصير يا خوي والله لكن السرقة بقى ليها ضل عليم الله ... كان كدا اريتا سرقة السرور ههههه

.

بمناسبة السرور دي يا انتصار
الفنان عبد العزيز محمد داود رحمو الله.. عندو نكتة فيها
قال: مرة امو اخدتو بربر مسقط راسو..
وقالت ليهو مرة كدة تعال أعرفك بي خالاتك ديل أخوات أمك لزم
وهن قاعدات...
قالت ليهو دي خالتك دار النعيم
ودي خالتك دار السرور
ودي خالتك دار الامان.. عرفتها؟
قال في واحدي كبيرة وتخينة وغليدة وماكنة. جهااامة
قال لى أمو.. لا لا لا دي عرفتها بدون ما تقولي لى
قالت ليهو اها منو؟
قال ليها: دي خالتي دار الرياضة!

كلنا اذن صاغية لناس كتابين
حمدلله على سلامة وصولكم