الزوجة الثانية

تذكير بمساهمة فاتح الموضوع :

من بعد الســــــــــــــــــــلام

(ورمضان كريم وتصوموا وتفطروا على الف خيييير))

كل رجل بالحياة يبحث عن تكوين ذاته وتكوين اسمه وتكوين اسرته وعند بلوغهم المرحلة التى يختارون فيها من ستشاركهم البنيان لا يتعبون كثيرا بعضهم يختارون بالظاهر وبعضهم يختارون بالنسب وبعضهم ينحازون لمن لها مال وبعضهم لا يبدون رأى ينتظروا خيار اهلهم و....الخ..وتبدا الرحله وبالتأكيد من اختار بنفسه ودرس وفهم خياره لن يتعب كمن اختارو له فقط لتنجب له اطفال ولتراعى له بيته ..وبالرغم من كل هذا تستمر الحياة ولكن ربما تتعسر وربما تتعسر جدا وربما تقف وياتى السؤال هل تصبح الزوجه الثانية الحل؟؟ولما يضع الرجال جميع المشاكل على كاهل زوجاتهم كان بهم ملائكه لا يخطئون ؟؟ولما الانانية عندهم تفوق حبهم لزوجاتهم واطفالهم وبيتهم؟؟لما يفكر الشخص منهم فقط كيف يريح نفسه؟؟ومامصير ابناءه؟؟وهل سينجح مع الزوجه الاخرى ؟؟ام سيحقق نفس الفشل مع سابقتها؟؟



انا عن نفسى بشوف مافى سبب مرضى تمام للجوء الرجل الى الزوجة الثانية غير الاسباب الفرضيه مثل:الزوجة الاولى لا تنجب..هنا له كامل الحق ولكن بالمقابل ان كان هو لاينجب هى ايضا لها كامل الحق..وغير ذلك كل من يلجئ لخيار الزوجه الثانية شخص فاشل فشل بالمحافظه على بيته الاول وسيفشل فى الثانى فشل بان يكون زوج مثالى وسيفشل للمرة الثانية فشل بان يكون اب جيد وسيفشل بان يكون مربى جيد..

من بعد السلام..

والله اكرم..

ويامراحب باليد على الحمود..

وماشاء الله وربنا يسعدكم ويحفظكم..

ومبروووك مقدما وربنا يهدينا جميعا

قبل فتره جيرانا من غرب السودان كان عندهم عرس.
العريس فى نهاية الاربعينات
العروس فى بداية العشرينات
اكثر الناس ابتهاجا بهذا العرس ومن الداره ما مرقوا زوجة العريس الاولى وبناتها الشابات

الزوجة الثانية عندما تكون فوق امك سوف تقف مع امك ولقد عشت هذه التجربة عندما تزوج والدي من امراة ثانية وقطعا هناك من مر بهذة التجربة هذة النظرة معروفة ومعلومة للجميع وقد تتفاوت الامور حسب ثقافة كل مجتمع فاهلنا في غرب السودان يؤيدون هذا الزواج ولكن هناك عوامل اخري تجعل بعض الاشخاص يحجمون عن الزواج الثاني فعندما تزوج والدي كان بصريح العبارة انة يريد امراة اخري اكثر شبابا ونضارة وانة يري لامانع من ذلك اذ اننا اصبحنا كبار والبنات تزوجوا وهو مستطيع من الناحية المالية انة مقتدر وماداير من زول حاجة كان هذا منطقة وكان ان ردد عبارة انة لم يرث من ابوة شيء بل لقد مات والدة وتركة صغير وفي هذا ايحاء بانة في حالة الرفض من جانبنا يعني انكم تفكرون في الورثة لا اكثر وقد كان ان تزوج الوالد
الان وانا في المرحلة التي تزوج فيها والدي اعني المرحلة العمرية هل يكون نفس المبرر للزواج من امراة ثانية ؟؟؟؟
قطعا قد يهف القلب وتتلفت العيون وهذة طبيعة النفس البشرية ولكن من الجانب الاخر ماذا عن تبعات هذا الزواج هناك اطفال او بذورة كما يقول السعوديين وهؤلاء القادمون الجدد يريدون حقوق التربية في زمان صعب بكل المقاييس وانت في مرحلة عمرية متقدمة ثم ماذا عن هذة الشابة النضرة تريد حياة مستقرة وبها متعة لااعتقد ان مثل هذا الزواج سوف يكون جيد بكل المقاييس كما انك سوف تجني علي اولادك من المراة الاولي اذ سوف تحملهم اعباء اخوانهم الصغار
الاخت انتصار ؟؟؟؟؟؟؟؟؟؟؟؟؟

كلام عين العقل اخى هاشم الجزولي
لان الزوجة الثانية هى انانية من الرجل لا اكثر ولا اقل
حياة كلها مشاكل للاسرتين

وانا اقول ايضا من خلال تجربة ان والدى ايضا تزوج اخريات



اذا اراد الرجل ان يجدد شبابة يمكنه ان يسافر يجدد حياته وحياة من قضت عمرها فى خدمته
يغير فى نمط الحياة
لا ان يفكر فى نفسه ويتركها عكس الريح
قمة الانانية صراحه

انتصار يابت
نحن ما صدقنا الموضوع دا اتركن
تاني جيتي بحتي
هههههههه كان الترجمه غلبتك اتصلي للمساعده

مشكوره الاخت تماضر والاخوه المتداخلين كل برأيه وكل من وجهة نظره الخاصه قد يكون صحيحا ولكن الاهم هو رأي الشرع اذ ان هناك تحليل للتعدد .

في الظرووف الطيبيعيه لا ومليوووووووووووووووون لا لان سلبياته اكتر من ايجابياته ولكن لكل شئ حكمه بالغه في القران سبحان الله واذا رجعنا الي تعليق هويدا علي هذا الموضوع سنجد انه نزل خير وبركه علي السيده التي تزوج عليها زوجها بدليل الفرحه الشديده التي عبرت عنها وهذا يدل علي نظريتين اما حبها لزوجها يجعلها تتنازل لاسعاده وهذا نادر مايحدث في بنات حواء . واما ان قد يكون هروووووووووووووب من قسوة الرجل وهذا ما مارجحه غالبا

انتصار حجازي كتب:

اول مرة يا هويدا اشوف امراة تؤيد الزواج الثاني ... غريبة

[/right]

نقلت واقعة حصلت فقط .

انتصار حجازي كتب:

هنا كترتي المحلبية لانو معروف انو الضرة بذاااتا ولا بنياتا
لان البنات بيشيلو الضر اكثر من امهم

تحياتنا انتصار
الضره فى غرب السودان مفهومها مختلف الزوجه الاولى بمثابة الام او الاخت الكبيره ,عشنا فى غرب السودان سنوات هنالك عرفت اسر الرجل متزوج من اربعة زوجات والاولاد لا يفرقون بين امهم وزوجات ابيهم ,وهنالك عرفنا المفهوم الصحيح للتعدد

ههههههههههههههههههههههه والله يانتصار لي زمن ماضحكت لكن الحرب البارده دي ضحكتني شديد انتي عارفه في نوعيه من الرجال واكيد بسيطه هي في حد ذاتها حرب ونووووووووووووويه كمان عشان كدا بعض من بنات حواء بتنقلها خارج مملكتها عشان تعيش في هدؤ وسلام ذي مابتعمل امريكا بالضبط

"استوصوا بالنساء خيراً" ياناس وااااااااااااااحده
موور ذان إنف (more than enough )..

رايي الخاص خليه يا انتصار ,وحتى من الناحيه الشرعيه رغم انه الموضع لا خلاف عليه شرعيا فلم يختلف العلماء حول التعدد فالآيه واضحة جدا,وان كانت هنالك بعض الطوائف المنحرفه لها راي فى التعدد,وتشريعات الصادق المهدى الحديثه برضو.
لكن اعتقد تماضر تحدثت عن التطبيق وفى الحتة دى فعلا فى الشماليه عندنا نماذج سيئة جدا ,لكن عند اهلنا فى الغرب الموضوع مختلف تماما.

سلاااااااااااااااااااااااااااااااااام كبييييييييييييييييييييييييييييييييييير ع الجميع..

غايتو انا كنت خليته الموضوع دا عشان جونى بس الرجال وشبكونى تعدد وتعدد وتعدد وفتشت لى وحده منكن تجى تقيف معاى مالقيتكن الحصل شنوهسىى الواغ واغ شنو

عزيزتى هويدا....

اوللا كيفنكن يمه...وغايتو انا عشت تقريبا 13سنه فى غرب السودان دا والبشوفه لابتقال لابتحكى الا بس بعدشهر واحد نسمع بالعروس التانية رجعت تاكل باقى خبيزه مع اهلها والله يااختى هناك شريرات شديد صدقينى والمناصير ديل كان نسونن بقن ذى الغرابيات ديك هسى كانت البلد اتعدلت هههه...ويمكن برضو نادر تحصل حاله ذى حقتك دى

سلاااااااااااااااااااااااااام ياناس انتصاااااااااااااااااااااااااار..

ههههههههههههههههههههه طبعا نصايحك دى مفيده شديييييد ..مشكوره...

الزعيم هاشم الجزولى...

تسلم كتييير على المرور ..والله اتكيفت منك شديد يسلم عقلك على زين الفهم دا

محاسنا الحلوه ...

سنبحت سنبحت ههههههههههههه لن يتركن تب^_^

الانيقه عازه..

مشكوره ع الطله..وفعلا لله فى كل امر شأن ونحن نؤمن بشرعيت تعدد الزوجه ولكن فقط نرجوهم بان يؤمنوا بباقى الايه....وذى ماقالت ليك انتصار شغل تحت تحت دا ببدا ببدا ههههههههههههه

من طرف native guy أمس في 9:56 am


+
----
-


"استوصوا بالنساء خيراً" ياناس وااااااااااااااحده
موور ذان إنف (more than enough )..

ايووووووووووووووووووووووووووووووووووووووووووى يووووووووووووووووووى اخيرا جاء الرد الانا منتظره من نزلت البوست كان نفسى يجى واحد على الاقل من جنس ادم ديل يقول الكلمتين دى ياناس حتى لو كنتوا اختلفتوا معاى فى راى وحتى لو كنتوا من انصار التعدد كلمتين ذى ديل كانت بتنصف انسانه شاركتك حياته وعمرها ,,,غايتو الله يديك العافيه ويكتر من امثالك وانا بعد كلامك دا حــــــــــــــــــــرم اكتب حرف فى البوست دا تانى ...مشكوووووووور

ويا تماضر ما تقيفي واااصلى فى البوست
فى حته لسة ما تطرقنا ليها
رايك شنو فى اللى مجرد يتزوج زوجه تانية يبقى الاولى على طوووووول يرسلا تعيش فى البلد والجديدة فى الخرطوم

وقس على ذلك

وبعد دا يقولوا لي الشرع قال التعدد
طيب الشرع قال (فَإِنْ خِفْتُمْ أَلاَّ تَعْدِلُواْ فَوَاحِدَةً)ز

يعنى وضع شرط العدل وهو الشرط الذي لا يتم تطبيقه
الاسلام وضع التعدد ولكنه قيده بشرط العدل المادي
المادي المتعلق بالمأكل والملبس والمشرب والمسكن والمعامله الحسنه لذلك فمن لم يستطع العدل او خاف الا يعدل فعلية الاكتفاء بواحده تطبيقا للشرع ايضاً في قوله تعالى (فَإِنْ خِفْتُمْ أَلاَّ تَعْدِلُواْ فَوَاحِدَةً)ز

تماضر يااختي ابقي باحته لامن يجيك عكاز من محل
ماسمعتي اخوكي ابراهيم حجازي قال شنو
قال داير مرا تانيه وشرطا الوكيل تكون تماضر مغصه ليها

الزوجه الاكثر من واحده دا بيمشي عند نوعين من الرجال في رأيي الشخصي

راجل فاااااهم شديد وعارف ومحدد هو داير شنو ولازم شخصيته تكون قويه جدا

اور رجل مافي حاجه فارقه معاه المرا تتأثر ما تأثر الاولاد ظروفم ظروفو
اكلو ما اكلو اتعلموا مااتعلمو فشلو ما فشلو محتاجين ليه ما محتاجين ليه
وبصراحه دا السائد اكثر

انا احكي ليكم حاجه خاصه
عمتي الكبيره اتزوجا راجل متزوج قبلها
والزوجه الاولى ما انجبت
وعمتي زاتا ما انجبت الا بعد كبرت خلاص
في النهايه كده جابت بت في سبع شهور
وبماانها اول مولود وآخره كانت محل عنايه شديده من الثلاثه
وقالو الزوجه الاولي كانت ترعاها اكثر من امها
وكبرت البنت وزوجها ابوها ابن اخيه كان ماسكو معاهو
وماشاء الله جابو عدد من الاولادو والبنات
ملو الساحه تب
وبقي عندهم حبوبتين وبنادوهم {يمه} لانو امهم بتقول للاتنين يمه
وكمان قالو زوجه جدهم الاولي بتريدم وبتحن عليهم اكثر من حبوبتم
هم زاتم بريدوها اكتر
الحكايه فيها حواطه باقي لي هههههههههههههههههههههههه

جــــــــــــدا نواصل طوالى مدام انتصار والسيد العظيم ناتيف قالوا نواصل ..وانا لحد هسى متكيفه من ردك كتييييييييييييييير ونقول شكـــــــــــــــــــــــــرا تانى

تماضر يااختي ابقي باحته لامن يجيك عكاز من محل
ماسمعتي اخوكي ابراهيم حجازي قال شنو
قال داير مرا تانيه وشرطا الوكيل تكون تماضر مغصه ليها

هههههههههههههههههه والله يامحاسن اختى انا حاسه قريب العكاز دا بصلنى ^_^

وحقت ابراهيم دى ماسمعتها بس انا موافقه عشان عمروا ماح يتم زواجه دا ههههههههههه وانا خايفه اخلى الاولى تتطلق منه برضو هههههههههههه كدى خلوا يجينا بى جاى ابراهيم دا^_^

من طرف انتصار حجازي اليوم في 8:54 am


+
----
-


ويا تماضر ما تقيفي واااصلى فى البوست
فى حته لسة ما تطرقنا ليها
رايك شنو فى اللى مجرد يتزوج زوجه تانية يبقى الاولى على طوووووول يرسلا تعيش فى البلد والجديدة فى الخرطوم

بسم الله...طبعا عدم العدل دا برضو كان من الاسباب الرئيسيه الخلانى اكتب فى الموضوع دا عدم العدل مع الزوجه الاولى واكيد ح يتبعه عدم العدل مع الابناء ..ونفس الشرع البقولوا حلل ليهم تعدد الزوجات دا بيقول) ولن تعدلوا ولو حرصتم)ياناس ربنا قال ماح تقدروا تعدلوا ولو حرصتم بس بينى وبينك يااختى اصلا اى راجل يتزوج بثانيه من غير سبب شرعى مقنع هذا بالبدايه ينقص من قيمة نفسه قدام نفسه ومن ثم قدام زوجته الاولى التى تركت اهلها وبيته واختارت منه وطن ومن ثم قدام ابناءه وبعد كده قام المجتمع ودا كلو طبعا من غير الذنوب الممكن يكتسبه اذا لم يستطيع العدل بس انانية بعض الرجال تفعل بهم هكذا .......غايتو النضم فى الموضوع دا مابكمل ويجيب الضغط بس برضو فى النهايه نحن ماضد التعدد اذا كان باسبابه العاقله ولكن نحن ضد تعدد لاجل الانانيه ضد التعدد الذى يرضى به الرجل نفسه فقط تاركن ابناءه وزوجته خلفه..ضد التعدد الظالم

ياهلاااااااااااااااااااا ياهلاااااااااااااااااااااا ب نداء .....مرحب حبااااااااااااااابك وسط اهلك..

وايوووووووووووووووه كده يابنات احذروا ايها الرجال فنحن قااااااااااااادمون^^...

وانا الليله مبســــــــــــــــوطه شديييييييييييييييد عشان نحن تقريبا مسيطرين على المنتدى يعنى يابنات حواء مسافه الجماعه يعيدوا ويجوا يلقونا سيطرنا على المنتدى ههههههه

أبراهيم ما حا نلحقك.. وحا نخليك تسوط معاهن بي هنا براك.. في الموضوع الشائك ده؟ شد حيلك.. وابقى راجل لو شافت الحكومة بتاعتك كلامك..
ما تقول يمكن زول سرق حسابي.. أو كنت ما واعي لما كتبتا.. كلام زي ده ما بينفع

هههههههه شربنا شربوت يا ابراهيم لكن ما تقلنا!

هل بالضرورة ان تكون الزوجة الثانية (امرأة )حتى تأخذ الزوج من زوجته واولاده ومن ثم تستحوذ على اغلب وقته حتى تتربع على سلم الاولويات ام ان هنالك ......

ابوفاطنة كلامك صااح الشغل ، الهوايات واشيا أخري اكثر ضرراً ونعم الفهم والله.

ابراهيم جايك راجعه تب اا والمدام عشان التفاهم يكون حضارى ..وابوطاطنه فتح موضوع كبير..لى عوده